logo
  1. Главная страница
  2. Рефераты
  3. Информатика и ИТ
  4. Хусусий компьютерларнинг программавий таъминоти

Хусусий компьютерларнинг программавий таъминоти

Загружено в:

12.01.2024

Скачано:

0

Размер:

306 KB
Скачать
Хусусий компьютерларнинг программавий таъминоти Режа: 1. Хусусий компьютернинг программавий таъминоти ва унинг асосий турлари. 2. Қўшимча программа (утилиталар) ва уларнинг асосий турлари. 3. Хусусий компьютер операцион системалари, уларнинг турлари ва хусусиятлари. 4. Дискли операцион системанинг асосий операторлари ва уларнинг ишлатилиши. 5. Windows операцион системаси ва унинг асосий турлари, имкониятлари хамда ривожланиш босқичлари. 6. Локал хисоблаш тармоғини бошқариш учун ишлатиладиган асосий дастурлар 7. Компьютер вируслари хақида тушунча. Уларнинг турлари, уларга қарши кураш усуллари ва антивирус дастурлар. Хусусий компьютернинг программавий таъминоти ва унинг асосий турлари. Хусусий компьютернинг фойдаланувчи учун қулай ва самарадор бўлиши унда қандай программавий таъминот мавжудлиги билан аниқланади. Лекин программавий таъминотнинг қандай турлари фойдаланувчи учун зарур бўлиши унинг қайси сохада фаолият кўрсатиши билан аниқланади. Энди ўзингизни иқтисод сохасида фаолият кўрсатаётган мутахассис сифатида фараз қилган холда қайси турдаги программавий таъминот Сизнинг кундалик ишларни бажаришингиз учун керак бўлишини ўйлаб топишга харакат қилинг. Компьютер ишлаганда уни бошқариш учун керак бўладиган программалар билан амалиётда қўлланиладиган программалар орасида қандай фарқ бўлиши мумкин? Ундан сўнг программавий таъминот хақидаги ўз фикрингизни қуйида айтилганлар билан солиштиринг. Хусусий компьютернинг программавий таъминоти хусусий ЭҲМ-ларни қўллаш самарадорлигини ошириш, ундан фойдаланишни осонлаштириш ва фойдаланувчилар программаларини тайёрлашнинг меҳнат сарфини камайтириши учун мўлжалланган программалар системасидан иборат. Хусусий компьютер программалар таъминотининг тўплами қуйидаги гурухларга ажралади: - Системавий программалар - хилма-хил қўшимча ишларни бажаришга имкон беради, масалан, компьютернинг ишлаш жараёни давомида носоз қурилмаларни диагностика ва назорат қилиш воситалари, маълумотларнинг нусхаларини олиб қўйиш, компьютер хақида маълумотномалар бериш, компьютерни бошланғич ишга тайёрлаш ва хакозолар; • Амалий программалар - фойдаланувчиларга зарур бўлган ишларни бажаришга имкон берувчи программалар, матн тахрирчилари, жадвал процессорлари, расмлар чизишга имкон берувчи программалар, информацион массивлар ва билимлар базалари билан ишлашга имкон яратувчи программалар ва хакозолар. • Программалаштириш системалари ёки инструментал системалар - улар компьютер учун янги амалий программалар ёки фойдали иловалар ёзиш учун хизмат қиладилар. Системавий программаларга операцион система, драйверлар, қобиқ программалар ва операцион қобиқларни киритиш мумкин. Операцион қобиқлар ишга тушириладиган программалар учун қуйидаги имкониятларни яратиши мумкин: • график интерфейс - маълумотларни чиқариш ва улар билан самарадор ишлашга имкон берадиган воситалар тўпламини хосил қилиш мумкин, яъни алохида турдаги менюлар, дарчалар, ойналар, маълумотномалар ва хакозолар; • Мультипрограммалаштириш - бир вақтнинг ўзида бир қанча программаларни ишлатиш имконияти; • Программалараро маълумот алмашинишниг кенгайтирилган воситаларини ишлатиш. Программа таъминоти илмий-техник, иқтисодий-статистик ва бошқа масалаларни ечишда, шунингдек бошқарув маълумотларини қайта ишлаш учун ҳисоблаш системалари қуришда ЭҲМ техник воситаларининг имкониятларини анча кенгайтиради. ЭҲМ программа таъминотининг асосий функциялари қуйидагилардан иборат: • программалашни автоматлаштириш воситалари ёрдамида масалани ЭҲМ-да ечишга тайёрлаш; • оператор билан ЭҲМ-нинг энг қулай кўринишлардаги алоқасини ташкил қилиш; • ЭҲМ-ни назорат қилиш, унга диагноз қўйиш ва юзага келган нуқсонларнинг кенгайишига йўл қўймаслик. ЭҲМ-нинг программа таъминоти структурасида программалашнинг модулли принципи амалга оширилади, бу принцип, одатда функционал боғлиқ бўлмаган программалар ёки уларнинг қисмлари стандарт модуллар кўринишида шаклланадиган ва созланадиган бўлишини талаб қилади. Бундай структура ёки уларнинг ўрнини алмаштириш, ёхуд қўшимча модуллар киритиш йўли билан ЭҲМ-нинг программа таъминотини нисбатан оддий кенгайтириш ва такомиллаштириш имконини беради. ЭҲМ программа таъминотининг энг муҳим таркибий қисми, операцион система бўлиб, у турли режимларда ЭҲМ-нинг энг самарали ишлашини, шунингдек масалани ЭҲМ-да ечишга тайёрлашдаги меҳнат сарфининг камайишини таъминлайдиган программали воситалар мажмуидан иборат. Хусусий ЭҲМ операцион системаси ҳамма нарсадан кўра нисбатан комплексли монитор ва системали программалар тўплами ва маълумотлардан ташкил топган бўлади (чизмага қаранг). Хусусий ЭҲМ функционал мақсадига боғлиқ ҳолда монитор имкониятлари фойдаланувчи томонидан дисплей киритиладиган катта сонли бўлмаган оддий буйруқларнинг бажарилишидан тортиб, то аниқ вақт давомида ҳар хил қурилмалар билан бошқаришгача ўзгариб туради. Мониторнинг одатдаги вазифаси хусусий ЭҲМ билан фойдаланувчи ўртасида ўзаро алоқадорликни ташкиллаштириш, ресурслар тақсимлашни бошқариш ва хусусий ЭҲМ фаолиятида талаб этилган режимни таъминлаш, системали ва бошқа программаларни ишга тушириш ва бажарилишини назорат остига олиш, маълумотлар алмашиниш жараённинг бажарилишини бошқаришдир. Системали программалар ва маълумотлар гурухига ташқи ташувчиларга хизмат қилувчи программалар, сервис программалар ва программалар кутубхонаси киради. Ахборотларнинг ташқи ташувчиларга хизмат кўрсатадиган программалар ташувчилардаги мавжуд ахборотларни тенглаштириш ва назорат қилишга, шунингдек ташувчилар билан ва алоҳида файллар билан бошқа жараёнларни бажаришга тайёрлаш, сақлашни ташкиллаштириш ва программаларни қўллаш ишларини енгиллаштиради. Улар ўзларининг функционал мақсадлари нуқтаи-назаридан турли-тумандир, лекин қоидага кўра, уларнинг таркибида матнни тахрирлаш дастурлари ва кутубхоналар бўлади. Дисплейдан ёки бошқа бир қанча ташувчилардан киритилаётган матнлар тахрир программалари орқали хусусий ЭҲМ-нинг оператив ёки ташқи хотирасига ёзилади, бунда улар махсус тахрир буйруқлари ёрдамида ўзгартирилиши мумкин. Кўплаб тахрир программалари мавжуд, улар бир биридан бажарадиган имкониятлари билан фарқланади ва матнларда ўзгаришлар қилиш учун ишлатилади. Кутубхона аталувчи сервис программа кутубхоналарни ҳосил қилишни ва улар ишлашни таъминлайди. Кутубхоначи бажарадиган жараёнлар фойдаланувчилар томонидан директив равишда ёки кутубхоначининг буйруқли қаторлари ёрдамида берилади. Қўшимча программа (утилиталар) ва уларнинг асосий турлари. Юқорида компьютерда фойдаланиладиган асосий программалар мажмуаси билан танишиб чиқдингиз. Лекин ўз-ўзидан маълумки ушбу программалар хали компьютер билан ишлаш учун унчалик етарли эмас. У холда фойдаланувчининг ишини енгиллаштириш мақсадида яна қандай турдаги программалар ишлатилиши керак бўлади? Бу муаммони хал қилиш учун ташқи қурилмаларга хизмат қилувчи, дисклар билан ишловчи, маълумотларни химоялаш учун мўлжалланилган ва бошқа бир қанча турдаги программалар хам бўлиши мумкинлиги хақида фикрлаб кўринг. Компьютернинг ишлашини таъминлаш учун турли қўшимча программалар зарур бўлади. Масалан, каттик диск (винчестер) билан турли ишларни амалга ошириш учун махсус программалар зарур. Винчестерни бўлакларга бўлиш, унинг маълум бўлакларини пароль билан химоялаш учун Disk Manager деб аталувчи программа ишлатилади. Дискнинг холатини текшириш учун эса NDD ( Norton disk doctor ) программаси ишлатилади. Бу программа ёрдамида диск сегментлари текширилиб, ундаги хатоликлар топилади ва бартараф этилади. Дискдаги маълумотларни оптимизация қилиш, яъни бир тартиб билан жойлаштириб чиқишга хизмат қилувчи SD ( Speed Disk ) программаси мавжуддир. Унинг ёрдамида дискдаги маълумотлар тартибга келтирилади, бу эса дискдаги маълумотларга мурожаат қилишни енгиллаштириб, компьютер ишини тезлатади. Юқорида санаб ўтилган программаларни ишлатиш қулай бўлиб, диалог дарчасида ҳосил бўладиган меню пунктларидан мосини танлаш ва ишлатишдан иборатдир. Утилитлар гурухларга бирлаштирилиб, уларнинг энг кўп ишлатиладиганлари Norton Utilities , PC Tools Deluxe , Mace Utilities лар бўлиб хисобланади. Утилитларни қуйидаги тартибда гурухларга бўлиб чиқиш мумкин: • - Упаковка қиладиган программалар махсус усулларни қўллаган холда маълумотларни сиқилган холда жойлаштириб, уларнинг архив нусхаларини хосил қилишга ёрдам берадилар. Масалан, PKZIP , PKUNZIP ва ARJ программалари буларга мисол бўла олади. • Дисклардаги маълумотларнинг резерв нусхаларини хосил қиладиган программалар қаттиқ дискка ёзилган маълумотларни тезлик билан дискетларга ёки стриммерларга нусхалаш учун ёрдам берадилар. Масалан, Norton Backup, Fast Back Plus. • Антивирус программалари, улар хилма-хил турдаги вирусларга қарши самарали курашиш учун хизмат қиладиларю • Коммуникцион программалар компьютерлараро маълумотларни алмашиниш учун ишлатиладилар. Масалан, Brooklin Bridge , DeskLink , LapLink , Fast Link . Telemate , Procomm , Dataline программалари компьютерларнинг телефон каналлари орқали мулоқот қилинишига ёрдам берса, WinFax Pro , Bit Fax , Fax It программалари телефон маълумотларини факс модем орқали узатиш имкониятини яратадилар. • Компьютерни диагностика қилиш программалари унинг конфигурациясини ва ишга лаёқатлилигини текширишга имкон беради. Масалан, Cheeck It , ND lags , Control Room , System Sleuth программаларини шу программалар туркумига киритиш мумкин. Дискларни текшириш учун Disk Technician Advance , Calibrate дастурлари қўлланилиши мумкин. • Диск учун мўлжалланилган программа-кэш дискдан маълумот ўқишни анча тезлаштиришга имкон беради, чунки ушбу холда оператив хотирада дискнинг тез-тез ишлатилиб турадигавн бўлакларини ўз ичига олган кэш- буфер хосил қилинади. Масалан, Smart Drive, NKache, Super PC Kwik. • Дискларни оптимизация қилиш программалари дискларда сақланадиган маълумотлар хажмини анча оширишга ва маълумотларни тезроқ топишга ёрдам беради. Масалан, Speed Disk ёки Fast Trax программалари. • Дискларни динамик сиқиштиришга имкон берувчи программалар дискларда сақланилиши мумкин бўлган информация хажмини анча оширишга ёрдам беради. Масалан, Stacker, Double Space, Super Stir программалари. • Автоном равишда чоп қилиш программалари (скулерлар) файлларни чоп қилишни бошқа ишлар билан бир вақтда амалга оширишга имкон беради. Масалан, Print Cashe программаси. • Хотирани бошқариш учун мўлжалланилган оператив хотирани яхшироқ бошқариш учун ишлатилади. Масалан, Software Carousel ва Switch It программалари хотирага бир қанча программаларни юклашга ва биридан иккинчисига осонлик билан ўтишга ёрдам беради. Хусусий компьютер операцион системалари, уларнинг турлари ва хусусиятлари. Сиз компьютерни ёққанингизда ва уни ишга тушириш жараёнида барча ишлар автоматик тарзда, ўз-ўзидан бажарилади. Бу ишнинг қандай бажарилиши хақида, қайси программалар мажмуаси ушбу ишни бажариши мумкинлиги тўғрисида фикрлаб олинг. Ушбу муаммони хал қилишда олдинги бўлимда олган билимларингиз анча асқотади, чунки у ерда бу хақда бир қанча фойдали маълумотлар берилган эди. Фақат охирги ўн йилликда ЭҲМ ёрдамида 1 бирлик операцияни бажариш қиймати 400 баравар, бир байт маълумотни сақлаш қиймати эса 25 баравар арзонлашди. Буларнинг барчаси бир томондан техникавий тараққиёт натижасида амалга ошган бўлса, иккинчи томондан операцион системаларнинг ривожланиши орқали амалга ошди. Чунки хозирги замон компьютерлари юқори тезликда ишлаши билан бирга турли хилдаги мураккаб қурилмалар мажмуини ташкил қилади. Бундай шароитда компьютернинг самарали иши фақат тегишли операцион система ёрдамида амалга ошиши мумкин. Ҳозирги пайтда кенг тарқалган операцион системалар СP/M, MS - DOS , UNIX ва Apple Macintosh , Novell , Windows -95, 98 ва Windows -2000, 2002 кабилардир. Масалан UNIX операцион системасини юқори концептуал бирлик ажратиб туради. Бу унда ишлашни содда ва қулай қилиши билан бирга унинг асосида ётган ғоялар уни қабул қилишни енгиллаштиради. UNIX системасида ишлаётган фойдаланувчи фақат унинг имкониятларидан фойдаланмасдан, бу имкониятлар қандай амалга ошаётганини ҳам яхши тасаввур қила олади. UNIX системасида барча ишлар ўзаро рақобатлашувчи жараёнлар тўплами кўринишида ифодаланади. Жараён эса ресурслар истеъмолчиси бўлиб, иш ва бошқарув бирлиги ҳисобланади. UNIX системаси хажми бўйича кичик бўлиб, анча содда. Система воситалари яққол ифодаланган бўлиб, қулай мнемоникага эга. CP /M операцион системаси энг оммавий дискли операцион системалардан бири бўлиб, 8-разрядли микропроцессорлар INTEL 8080 ёки ZILOG Z 80 лар асосида яратилган компьютерларни бошқаришга мўлжалланган. CP /M операцион системасининг асосий хусусиятларидан бири-бир вақтнинг ўзида бир неча фойдаланувчига хизмат кўрсатиши, яъни мультипрограмма режимида ишлаши мумкин. Apple Macintosh ( Эррл Макинтош) деб номланган операцион система хам мавжуд бўлиб, у шу номли фирма томонидан ишлаб чиқилган компьютерларга ўрнатиш учун мўлжалланилган. Унинг график имкониятлари жуда қулай ва ривожланган бўлиб, фойдаланувчи учун катта имкониялар яратади. Лекин унинг ноқулай томонларидан бири бошқа операцион системалар ва IBM туридаги компьютерлар билан мос тушмаслигидир. Лекин ушбу операцион системалар орасида энг кўп тарқалгани ва кенг истеъмолчилар томонидан кенг миқёсда қўлланиладиган шак-шубхасиз майкрософт компанияси томонидан ишлаб чиқарилган Windows туридаги операцион системадир, чунки мамлакатимиздаги асосий машина парки худди шу операцион система ёрдамида фаолият кўрсатади. Унинг асосий характеристикалари ва кўрсатгичларини кейинроқ кўриб чиқамиз. Дискли операцион системанинг асосий операторлари ва уларнинг ишлатилиши. Фикрлаб кўрингчи, нега ушбу операцион система энг кўп миқёсда тарқалган ва хозирга қадар хам у кўпчилик томонидан қўлланилади? У қандай имкониятларни амалга ошириб бериши мумкин? Унинг қандай яхши томонлари ва камчиликлари мавжуд? MS DOS қандай маънони билдиради ва у қайси фирманинг махсулоти? MS - DOS операцион системаси сизнинг компьютер билан мулоқот қилишингизни таъминлайди. У бир қанча программалар тўпламини ўз ичига олади ва бу программалар сизни компьютер ва унинг қурилмалари билан мулоқотда бўлишингизга имкон беради. MS - DOS - дискли операцион система. У эгилувчан диск ва винчестерда сақланиши мумкин. MS - DOS оператив хотирага кўчириб ёзилгандан сўнг, сиз ўзингизда бор программангизни ишга тушира олишингиз мумкин. Ушбу программалар барчаси MS - DOS бошқаруви остида ишлайди. MS - DOS ни хотирага кўчириш ва қайта кўчириш диск ёки винчестерда амалга оширилади. MS - DOS ни винчестердан кўчиришдан олдин диск ўқиш қурилмасининг бўшлигига ишонч ҳосил қилиш керак (дискли қурилмада эгилувчан диск бўлмаслиги керак), акс ҳолда компьютер MS - DOS ни дискдан кўчиришга ҳаракат қилади. MS - DOS ни дискетдан юклаш учун MS - DOS жойлашган дискни диск қурилмасига жойлаш керак. MS - DOS ни биринчи марта хотирага кўчириш компьютер ёқилганда автоматик равишда амалга ошади. MS - DOS ни кўчириш вақтида компьютер жорий сана ва вақтни киритилишини сўрайди, бундай саволларга " ENTER " клавиши орқали жавоб бериш мумкин, ёки талаб қилинаётган ахборотларни киритиш мумкин. Улар қуйидагича киритилади: сана -"ой-кун-йил" " ENTER " вақт -"соат: минут" " ENTER " Экранда MS - DOS га таклиф белгисининг A:> кўринишда чиқиши MS - DOS ни хотирага кўчириш тугалланганлиги ва компьютернинг буйруқ бажаришга тайёр эканлигини билдиради. Албатта А:> дан сўнг курсор жойлашган бўлади (агар юклаш қаттиқ дискдан амалга оширилган бўлса A:> нинг ўрнига C:> чиқади). Дискли операцион системанинг қуйидаги ососий буйруқларини келтиришимиз мумкин (хар қандай буйруқни теришдан олдин А ёки C:\> символларини киритишингиз лозим бўлишини эсингиздан чиқарманг): C :\> Dir - жорий каталоглар руйхатини чиқариб бериш. C :\> Ver - DOS нинг қайси версияси ўрнатилганлигини кўрсатади; C :\> mouse - операцион системага сичқонча ўрнатилганини кўрсатади; C :\> mem - оператив хотирани тақсимланишини кўрсатиб беради; Cls - экранни тозалаш буйруғи; Doskey - буйруқ қаторини тахрирлаш редакторини ишга тушириш; Typ e - файлни экранда кўриш; Co py - нусхалаштириш буйруғи; Line number : - буйруқ қатори номурини кўрсатиш; Prompt - жорий дисководнинг номини аниқлашга ёрдам беради. Масалан агарда Prompt Эхтиёт бўл! $ d $ t $ p $ g деган маълумот киритилса экранда қуйидаги ахборот кўринади: Эхтиёт бўл! 09-08-2003 14:08:25 С:\ DOS > Data - жорий санани кўрсатади; Time - жорий вақтни кўрсатади; Help - хохлаган буйруқ бўйича ёрдам олиш мумкин. Ушбу буйруқ Help - дан кейин кўрсатилади; Масалан, Co py /? ёки fasthelp Copy буйруқлари тез ва қисқа ёрдам олиш учун ишлатилади. Dosshell - ушбу номли қобиқни ишга тушириш учун ишлатилиши мумкин; Label - дискнинг номини билиш, ўзгартириш ёки ном бериш мумкин; Format - дискни форматлаштириш буйруғи; Diskcopy a : b : - дискдан нусха олиш буйруғи; MD - янги каталог тузиш буйруғи; CD - каталогни ўзгартириш буйруғи; Tree - жорий каталогнинг тузилишини кўриш; Mo v e - каталогларнинг номларини ўзгартириш; Агарда сиз WINDOWS операцион системасидан М S DOS га чиқмоқчи бўлсангиз, ПУСК - Программы - Стандартные-Командная строка имкониятларини кетма-кет танлашингиз керак бўлади. Windows операцион системаси ва унинг асосий турлари, имкониятлари хамда ривожланиш босқичлари. Бу операцион системанинг номи «Дарча» сўзининг инглизча айтилиши бўлиб, компьютер ишини хар томонлама бошқариш учун хизмат қилади. Лекин бир қанча операцион системалар ишлаб чиқилгани ва хаётга тадбиқ этилганига қарамай фақатгина ушбу операцион система кенг тарқалди ва катта муваффақиятга эришди. Нега бундай бўлгани хақида нималар дея оласиз? Ушбу операцион системанинг қандай хусусиятлари мавжудки у жуда хам оммабоп ва қулай? Бу саволларга жавоб топишда Сиз уни М S DOS имкониятлари билан солиштиришингиз мумкин. Бу муаммони хал қилиб бўлганингиздан сўнг қуйидаги маълумотлар билан танишишингиз мумкин бўлади. WINDOWS муҳити фойдаланувчи учун қулай бўлган кўпгина имкониятларга эга бўлган программадир. У М S DOS имкониятларини сезиларли даражада кенгайтиради. WINDOWS муҳитида ишлаш натижасида фойдаланувчи кўпгина қулайликларга эга бўлади. Бунда файл ва каталогларнинг нусхасини олиш, кўчириш, қайта номлаш, ўчириш ва хоказо амаллар тезда ва яққол бажарилади. Шу билан бирга бир пайтнинг ўзида бир неча каталог билан ишлаш имкониятига эга. Бу программа бир пайтнинг ўзида бир неча масалаларни ечиш, ихтиёрий принтер ва дисплей билан М S DOS программалари билан ишлаш қобилиятига эга . Ягона интерфейсга, яъни WINDOWS турли версиялари ва программа иловалари билан ишлашнинг стандарт қоидаларига эгалиги муҳимдир. WINDOWS операцион муҳити қуйидаги имкониятларга эга. • Универсал графика - WINDOWS программаларининг қурилмаларга ва программа таъминотига боғлиқсизлигини таъминлайди. • Ягона интерфейс - WINDOWS фойдаланувчининг мулоқоти ягона, яъни турли программалар билан ишлаш қоидалари умумий. Шунинг учун янги программа билан ишлаганингизда бу қоидалардан фойдаланишингиз мумкин. • Мавжуд программ таъминот билан мувофиқлиги - WINDOWS М S DOS нинг барча амалий пакетлари, таҳрирлагичлари, электрон жадваллари ишини тўла таъминлайди. • Кўп масалалиги - WINDOWS бир пайтнинг ўзида бир неча масалани ҳисоблайди, бир программадан бошқасига ўтишни таъминлайди. • Мавжуд оператив хотирадан тўлиқ фойдаланиш имконияти - WINDOWS мавжуд оператив хотирадан тўла фойдалана олади. Қурилма ресурсларидан ҳам тўлиқ фойдаланади. Бу қурилмалар билан мулоқотни ўзи таъминлайди. • Маълумотлар алмашуви - WINDOWS программалараро маълумотлар алмашиш имкониятига эга. Бу махсус Clipboard (маълумотлар буфери), ёки DDE (маълумотларнинг динамик алмашуви, яъни бошқа программа натижаларидан фойдаланиш) ёки OLE (маълумотлардан уларни тахрирлаган холда фойдаланиш) ёрдамида амалга оширилади. WINDOWS да экран " desktop " деб аталади. Барча амаллар унда бажарилади. WINDOWS сўзининг маъноси "дарчалар". Шунинг учун WINDOWS га кирганда программалар дарчаларда бажарилади. Дарчаларнинг жойини ва ўлчамини ўзгартириш мумкин. Агар бир нечта программа бажарилаётган бўлса, дарчаларни пиктограммаларга кичрайтириш мумкин. Бу эса экрандан унумли фойдаланиш имконини беради. Дарчалар уч хил бўлади: • программалар дарчаси; • хужжатлар дарчаси; • мулоқот дарчаси. • Программалар дарчасида бажарилаётган программалар жойлашади. Дарчанинг юқори қисмида программа номи ва меню сатри кўрсатилади. Программа дарчаси экраннинг ихтиёрий қисмида бўлиши мумкин. • Хужжатлар дарчаларини программалар очади. Масалан таҳрирлагичлар дарчада хужжатларни ҳосил қилади. Дарча сарлавҳасида хужжат номи ёзилади. • Мулоқот дарчалари фойдаланувчининг айрим командаларига жавобан саволларни чиқаришда фойдаланилади. • WINDOWS да пиктограммалар программаларни кичрайтирил-ган холда бажариш учун ишлатилади. Пиктограммалар 3 хил бўлади. • программа пиктограммалари; • хужжат пиктограммалари; • программалар сарлавҳалари пиктограммалари. • Программа пиктограммалари программа дарчадан пиктограммага кичрайтирилганида ҳосил бўлади. Фақатгина программа пиктограммалари дарча ташқарисида жойлашади. Уларни очиқ дарчадан ташқаридаги экраннинг ихтиёрий қисмига кўчиришингиз мумкин. • Хужжат пиктограммалари - кичрайтирилган хужжат дарчаларидир. Бу пиктограммаларни фақатгина ишлаётган программа иш майдони доирасида жойини ўзгартириш мумкин. Программа сарлавҳалари пиктограммалари программаларни бошқарувчида ишлатилади. Бунда ҳар бир пиктограмма программа ва уни тасвирловчи хужжатлар рўйхатига эга бўлади. Бу пиктограммалар программа гурухлари дарчасида жойлашади. WINDOWS 2000 амалий операцион дастурининг асосий хусусиятлари ва унинг бошқа системалардан фарқи WINDOWS 2000 амалий операцион дастурини ишлатиш учун мўлжалланилган ҳисоблаш техникаси жиҳозларига қуйидаги талабларни асос қилиб олиш мумкин. Марказий процессор. Пентиум процессорининг камида 300 мегагерцли ёки ундан каттароқ нусҳаси ишлатилиши мақсадга мувофиқдир. Ушбу холда WINDOWS 2000 Professional иккитагача процессор билан ишлай олиш имкониятини яратади, WINDOWS 2000 Server эса тўрттагача процессорни таъминлаб беради, WINDOWS 2000 Advanced Server эса саккизтагача процессор билан ишлай олади, WINDOWS 2000 Datacenter Server эса ўн олтитагача процессорни таъминлаб бера олади. Оператив хотира: WINDOWS 2000 нинг ишлаши учун камида 32 Мегабайт ва кўпи билан 128 Гегабайт хотира талаб қилинади. Агар Сизга WINDOWS 2000 Server ни ишлатиш зарур бўлса, у холда хотира хажмини камида 256 мегабайтга етказишингиз лозим бўлади. WINDOWS 2000 Advanced Server учун эса энг кўп хотира хажми 8 Гегабайт ҳисобланади. Қаттиқ диск хотираси: Бу турдаги хотира WINDOWS 2000 нинг ишлаши учун камида 2 Гегабайт бўлиши ва ундан ташқари бир гигабайт бўш хотира бўлиши талаб қилинади. 5- расм. WINDOWS 2000 операцион системаси бош менюси Дисплей модели эса VGA ёки SVGA турига мансуб бўлиб, тегишли адаптер билан таъминланган бўлиши керак. Агар тармоққа масофадан туриб алоқа қилиш имконияти яратилиши талаб қилинса, ёки номер терувчи қурилма ишлатилса ёки бирор-бир бошқа турдаги коммуникацион дастурлар ишлатилиши талаб этилса, у холда керакли турдаги модем бўлиши ҳам лозим бўлади. Албатта клавиатура билан сичқон туридаги қурилманинг борлиги, унда самарадор ишлашни амалга оширади. WINDOWS -2000 ни ўз компьютерингизга ўрнатишдан олдин, Сиздаги жихозлар HCL ( Hardware Compatability List ) рўйхатига кирганлигини аниқлаб олинг, чунки Microsoft компанияси драйверларни худди шу турдаги жиҳозлар учун ишлаб чиққан. Акс холда Сиз компьютерни ишлатаётганингизда хилма-хил хатолар рўй бериши мумкин. Ушбу рўйхатни Support папкасидаги Hcl . txt файлидан топишингиз мумкин. Рўйхатнинг энг янгисини Microsoft Windows Hardware га бағишланган Интернетнинг тегишли адресидан олишингиз мумкин: http :// www . microsoft . com / rus / windows 2000 . Агарда ушбу системани чуқурроқ ўзлаштириб олмоқчи бўлсангиз, "Тингловчи учун материаллар" деб номланган компакт дискка мурожаат қилишингиз мумкин. Ушбу ҳолда олдиндан ёзиб қўйилган файл ва папкалардан қуйидагиларни кўриб, ўқиб ва ўрганиб чиқишингиз керак бўлади: Readme . txt - Бу файлда компакт дискнинг тузилиши ва уни компьютерингизга ўрнатиш учун зарур бўлган маълумотлар берилган. Courses - Ушбу папкада мустақил ўрганиш учун мўлжалланган бир қанча материаллар берилган. Answers - Бу папкада эса ўтилган мавзуларни қайтариш учун савол ва жавоблар берилган. Simulation - Ушбу папкада моделлаштиришга мўлжалланган амалий ишлар файллари мавжуддир. Media - Бу папкада мултимедиа тақдимотлари мавжуддир. Web files - Ушбу папкада Web саҳифани кўришга имкон берадиган файлларни топиш мумкин. Web саҳифани очиш учун Windows Explorer йўл бошқарувчини ишга туширинг ва Default . htm файлини туртинг. Wordview - Бу папкада Word Viewer программаси бўлиб, у компакт дискда жойлашган ва Microsoft Word ёрдамида тузилган ҳар қандай файлни кўриб чиқишга имкон беради. Агар дискда Microsoft Word ёрдамида тузилган файллар бўлмаса, ушбу папка хосил қилинмайди. Labfiles - Ушбу папкада амалий ишлар учун мўлжалланган файллар мавжуддир. Fonts - Бу папкада Microsoft Power Point ёрдамида тузилган тақдимотларни кўриш учун зарур бўлган шрифтли файллар мавжуд. Default . htm - Бу файл "Тингловчи учун материаллар" деб номланган Web саҳифани очиб беради. Бунда тингловчилар қўшимча ўқиш учун материалларни, қайтариш учун мўлжалланган савол ва жавобларни, амалий ишларни, мультимедиа тақдимотларини ва Web саҳифаларни топа оладилар. AddRead - Бу папкада ўқиш учун қўшимча материаллар топилиши мумкин. Appendix - Бу папкада иловаларни топиш мумкин. Энди WINDOWS 2000 нинг қандай турлари мавжудлиги ва улар нима вазифаларни бажара олиши билан танишиб чиқамиз: WINDOWS 2000 нинг турлари Бажарадиган иши Мисол 1 WINDOWS 2000 Professional Microsoft Windows 95, 98, NT ва Workstation 4.0 ўрнига қўлланилади Ҳар қандай катталикдаги ташкилотларда ишлатиш учун мўлжалланилган операцион 2 WINDOWS 2000 Server WINDOWS 2000 Professional нинг барча имкониятларини ўз ичига қамраб олган холда, тармоқни бошқариш учун қўшимча имкониятлар яратиб беради. Файл серверлари, чоп қилиш серверлари, веб-серверлар ва иш гуруҳлари учун жуда мос келади. Бир- биридан узоқ масофада жойлашган офислар учун қўшимча алоқа имкониятлари 3 WINDOWS 2000 Advanced Server WINDOWS 2000 Server нинг барча имкониятларини ўз ичига қамраб олган холда, уни қўллаш, масштаблаштириш ва ишлатишга оид қўшимча имкониятлар хосил қилади. Бу дастур катта ташкилотларнинг серверлари учун ва маълумотлар базалари билан интенсив ишлаш учун мўлжалланган. 4 WINDOWS 2000 Datacenter Server WINDOWS 2000 Advanced Server нинг барча имкониятларини ўз ичига қамраб олган холда, кўпроқ хотира хажми ва процессорлар сони билан ишлашга мўлжалланган. У WINDOWS 2000 дастурлари оиласидаги энг қувватли Бу дастур жуда ката маълумотлар базалари ва архивлари билан ишлашга, катта миқёсдаги моделлаштириш ишларини амалга оширишда, ҳамда серверларни бирлаштириш WINDOWS -2000 нинг Сизга нималар беришини билиб олиш учун Сиз унинг ёрдам системасини ишлатишингиз мақсадга мувофиқ ( Справка ). Система бажарадиган асосий ишлар ёрдамчи системанинг предметли кўрсатгичида келтирилган бўлиб, уни очган заҳоти Сиз учун қимматли маслаҳатлар муҳайё бўлади. Ёрдамчи системани очиб кўриш учун бош менюнинг Справка ( Help ) буйруғини танлашингиз лозим бўлади. Агарда бирор бир Сизга керак бўлган йўналишда ёрдамга муҳтож бўлсангиз, у холда унга тегишли номни ҳам ишлатишингиз мумкин (масалан, Интернетга оид маълумот керак бўлса, худди шу сўзни клавиатурада терасиз). Яна бир имконият - агарда компьютер экранидаги дарча суроқ белгисини кўрсатиб турган тугмачага эга бўлса, у ҳолда дарчанинг исталган элементи бажарадиган вазифасини билмоқ учун ушбу тугмачани босиш ва кейин керакли дарча элементини сичқонча билан кўрсатиб, унинг тугмачани босиш лозим бўлади. Агарда Сиз компьютернинг ўзига ўрнатилган дарсликдан фойдаланган ҳолда WINDOWS 2000 нинг имкониятларини билиб олишни истасангиз, у ҳолда ёрдамчи система таркибида мавжуд бўлган WINDOWS 2000 бўйича тезкор электрон дарсликни танлаб оласиз ва у билан ишлайсиз (яъни, Программы-Стандартные-Служебные-Приступая к работе каби меню буйруқларини танласангиз, бу ишни осонгина амалга оширишингиз мумкин). Ҳозир биз Сиздан худди шуни амалга оширишингизни илтимос қилар эдик. Шу ишни бажаринг ва завқланиб чуқур билим олинг. Энди WINDOWS 2000 нинг қуйидаги расмда кўрсатилган иш столида ҳосил бўладиган асосий элементларни ўрганамиз: Менинг компьютерим (Мой компьютер, My computer ) - компьютерда нималар мавжудлигини кўрмоқ учун ушбу кнопка сичқон кўрсатгичи билан кўрсатилади ва сичқон кнопкаси икки марта босилади. Масалан, дисковод, винчестер ва бошқа периферия қурилмаларига мурожаат қилиш учун ушбу пиктограмма ишлатилади. Тармоқ билан ишлаш (Моё сетевое окружение, Network ) - Агарда компьютерингиз тармоққа уланган ёки уланиши мумкин бўлса, у холда мавжуд бўлган тармоқ ресурсларини назардан кечирмоқ учун ушбу белгига сичқон кўрсатгичини келтирмоқ ва унинг тугмачани икки марта босиш лозим. Қути (Корзина, Recycled Bin ) - ушбу қути вақтинча йўқотилиши мўлжалланаётган файллар сақланадиган жой бўлиб, янглиш йўқотилган файлларни қайтадан тиклаш учун имконият туғдиради. Ишга тушириш (Пуск, Start ) кнопкаси Windows системасининг бош менсини очиш учун ишлатилади. Бу меню ёрдамида программаларни ишга тушириш, хужжатларни очиш, система холатларини созлаш, ёрдам маълумотларини олиш, керакли файлларни топиш ва шунга ўхшаш бир қанча ишларни амалга ошириш имкониятини яратилади. Файллар диспетчери (Проводник, Explorer ) - хилма хил файллар ва папкалар билан боғлиқ операцияларни бажаришга ёрдам беради. Файллар диспетчерини ишлатиш учун сичқонча кўрсатгичини Ишга тушириш (Пуск) кнопкаси устига олиб келинади, сўнгра сичқонча ўнг тугмачасини босиб, Контекст менюсидан Проводник буйруғини танлаш керак. Бунда файллар системасининг каталоглари экранда папкалар кўринишида ҳосил бўладилар. Менинг хужжатларим (Мои документы, My Documents ) - яратилган хужжатларни топмоқ учун Менинг хужжатларим пиктограммасини босиш керак бўлади. Мавжуд хужжат гуруҳлари программалари экранда махсус символлар кўринишида хосил бўлади. MS - DOS сеансига ўтиш учун Ишга тушириш (Пуск) тугмачасини босиб, асосий менюдан Программалар (Программы) подменюси танланади. Сўнг шу подменюдан Стандартные менюси ичидаги Командная строка буйруғини танлаш керак бўлади. Бошқарув панели (Панел управления) папкасини очиб, созлаш ишларини кўрмоқчи ва бажармоқчи бўлсангиз Ишга тушириш тугмачасини босишингиз ва кейин Созлаш ( Настройка) менюсидаги Бошқарув панели (Панел Управления) папкасини танлашингиз лозим бўлади. Чоп қилиш принтер драйверларини ўрнатиш ёки керакли кўрсатгичларини ўзгартириш учун хизмат қилади. Масалан, чоп қилинаётган хужжатлар ҳақидаги кўрсатгичларни назардан ўтказмоқчи бўлсангиз, бунинг учун Ишга тушириш (Пуск) кнопкасини босишингиз ва сўнгра Созлаш (Настройка) менюсидан Принтерлар (Принтеры) папкасини танлашингиз керак бўлади. Дарчалар орасида ҳаракатланиш, яъни бир очиқ дарчадан бошқасига ўтиш учун масалалар панелида (Панел задач) керакли дарчага мос бўлган тугмачани босишингиз керак. Иккинчи имконият эса ALT - TAB клавишалари комбинациясини босиш орқали амалга оширилади. Дарчани беркитиш тугмачаси - дарчани беркитиш талаб қилинса, Х кўринишидаги тугмачани босиш ёки Alt + F 4 клавишалар комбинациясини босишингиз лозим бўлади. Локал хисоблаш тармоғини бошқариш учун ишлатиладиган асосий дастурлар. Локал хисоблаш тармоғи нима ва нима учун уни бошқариш зарур бўлади? Нега тармоқларда бошқарувни амалга ошириш алохида дастурларни талаб қилади? Бундай дастурлар қандай вазифаларни бажара олиши керак бўлади? Бу савол ва муаммолар устида бироз бош қотиринг ва ўз мустақил фикрингизни аниқлашга харакат қилинг. Ундан сўнг қуйидаги маълумотлардан ва тегишли адабиётлардан фойдаланган холда мавзу саволини тўлиқ билиб олишга эришинг. Компьютерларни локал хисоблаш тармоғига бирлаштириш учун уларни кабеллар орқали улаш ва тармоқ адаптерлари платаларини ўрнатиш лозим, чунки шундагина информация тармоқ кабеллари орқали узатилиши мумкин бўлади. Лекин бундан ташқари тармоқда маълумотларни узатишни таъминлаб бериш учун тегишли программалар хам керак бўлиши зарур. Агарда тармоқдаги компьютерлар сони камроқ бўлса, тармоқ программаларидан Lantastic , Personal Netware ёки Windows NT ларни ишлатиш мақсадга мувофиқдир. Кам миқдордаги компьютерлардан ташкил топган тармоқларда биттагина компьютер тармоқни ва у билан боғлиқ бўлган ресурслари бемалол бошқариши мумкин. Бундай компьютерни сервер ёки файл-сервер деб аталади. Тармоқдаги бошқа компьютерлар эса ишчи станциялар деб номланади. Локал тармоқларда знг кўп қўлланиладиган операцион системалар Windows NT , Nowel , Unix , OS/2 лардир. Компьютерлар ва локал тармоқларни бир-бири билан хам улаш мумкин. Бунда тарқалган турдаги хисоблаш тармоқлари ва хисоблаш системалари хосил бўладики, уларни катта миқёсдаги масалаларни ечиш учун ишлатиш мумкин. Бундай системаларга мисол қилиб Интернетни, Евронетни, Фидонетни хамда банклараро хисоб-китобни амалга ошириш учун мўлжалланилган SWIFT хисоблаш системаси тармоғини келтириш мумкин. Компьютер вируслари хақида тушунча. Уларнинг турлари, уларга қарши кураш усуллари ва антивирус дастурлар. Сиз жуда кўплаб марта «компьютер вируси» иборасини эшитгансиз. Лекин компьютер вирусининг нима эканлигини, унинг қандай оқибатларга олиб келиши мумкинлигини, қандай қилиб уни аниқлаш мумкинлигини, унга қарши қандай усуллар билан курашиш мумкинлигини биласизми? Масалан, Сиз Интернет билан ишлаб ўтирганингизда, сизнинг адресингизга бир маълумот келди ва уни очганингизда компьютерингиздаги бир қанча қимматли маълумотлар йуколиб кетди. Бу нима сабаблар орқали юз бериши мумкин деб ўйлайсиз? Ўзингиз ёки дўстларингиз тажрибасини умумлаштирган холда бу муаммо хақида бироз фикрлаб кўринг. Ҳақиқатан ҳам, агарда дастурингизга, информацион системангизга ёки минг азоб билан яратган муҳим бир файлингизга компьютер вируси қандайдир йўллар билан кириб қолса, жуда ноқулай аҳволга тушиб қолишингиз мумкин. Бунинг олдини олиш ва компьютер вирусларидан самарали химояланиш учун уларнинг ўзи нима эканлигини, уларнинг қандай турлари мавжудлигини, улар қандай оқибатларга олиб келиши мумкинлигини ва уларга қарши курашиш учун нима қилиш лозимлигини пухта билиб олиш зарур бўлади. Ҳозирги пайтда вирус ва антивирусларнинг турлари шу қадар кўп, ҳамда уларни хосил қилишда шунчалик кўп программистлар бандки, агар масаланинг моҳиятини тушунмасангиз, бу ғоялар тўфонида ғарқ бўлиб кетишингиз ҳам мумкин. Бунда "Аҳмоққа қарши осонгина курашиш мумкин, лекин топқир аҳмоққа қарши курашиш жуда ҳам қийин", - деган иборанинг тўғрилиги яна бир карра исбот бўлади, десак хеч ҳам янглишмаган бўлар эдик. Компьютер вируси ибораси 1984 йилда пайдо бўлиб, у оммавий ахборот воситалари, семинарлар ва конференцияларда хар томонлама ёритилиб борилаяпти. Илк компьютер вируси Америкалик Фред Коэн томонидан ёзилган программа бўлиб, унинг асосий вазифаси программаларни ноқонуний кўчириб олишга қарши қаратилган эди. Яъни, бирор-бир программа ноқонуний кўчириб олиб кетилса, ушбу яратилган программача ҳам унга қўшилиб кўчирилади ва қ ша ишлатилган компьютердаги қимматли ахборотларни дискдан ўчириши, файлларни йуотиши ва шунга ўхшаш номаъқул ишларни амалга ошириши мумкин. Коэннинг бу иши компьютерлар хавфсизлигини таъминлаш бўйича анжуманда эълон қилингандан сўнг, " XX аср компьютер вабоси", яъни компьютер вируслари кўпайиб, Ғ арбий Европа ва А ҚШ бўйлаб тарқалди. Образли қилиб айтганда, «Жахон бўйлаб бир шарпа кезиб юрибди – у хам бўлса компьютер вируси шарпасидир». Улар жуда кўплаб фирмалар, давлат ташкилотлари, илмий лабораториялар компьютер тизимларини ишдан чиқарди ёки уларга жиддий зарар етказди. Ҳозирги пайтга қадар компьютерларни вируслар хужумидан асраш долзарб вазифалардан бири бўлиб қолмоқда. Бизга маълум бўлган компьютер вируслари асосан бир хил тузилишга эга. Улар тўрт қисмдан иборат бўлиб, унинг биринчи қисми вируснинг компьютер хотирасига киришини таъминлайди, иккинчи қисми вирусни қаттиқ ёки эгилувчан дискка нусҳалашга хизмат қилади. Бунда вирус файлларга к қ шилиб олиши ёки дискнинг ишга тушириш секторига жойлашиб олиши мумкин. Учинчи исмда вирус ўз фаолиятини қандай шароитларда бошлаши зарурлиги кўрсатилса, тўртинчи қисмда унинг алгоритми баён этилади. Компьютер вирусининг у з фаолиятини қандай бажаришини Lehigh вируси мисолида кўриб чиқамиз. Ушбу вирус кўпайиш нуқтаи-назарида жуда қулай бўлган жойда, яъни операцион системанинг command . com файлида яширинади. Бу файл операцион системанинг барча асосий буйруқлари - DIR , DEL , COPY ва бошқалар ишлатилганида таъсир қилиши мумкин. Демак, ушбу холда вируснинг тарқалишига жуда ҳам қулай имконият мавжуддир. Бундан ташқари вирус билан боғлиқ кодлар системасини сақлаш учун файлнинг стек деб аталмиш бўлаги (маълумотлар кетма-кетлигини вақтинча сақлаш учун мўлжалланган қисм) танланган бўлиб, бунинг натижасида зарарланган COMMAND . COM файли зарарланмаган файлдан ўлчами билангина фарқ қилади. Ҳар бир дискли операцион система ( DOS ) буйруғи киритилганида, вирус зарарланмаган файл борлигини текширади ва бундай файл мавжуд бўлса, уни берилган программа воситасида зарарлайди. Зарарланган файллар сони тўрттага етганда, вирус ўз фаолиятини бошлайди, яъни қаттиқ дискдаги барча маълумотларни ўчириб ташлайди. Ҳозирги пайтда вирусларни уларнинг фаолиятига қараб тўрт асосий турга бўлиш мумкин: "қопқон", "мантиқий бомбалар", "чувалчанглар" ва "троян отлари". " Қопқон" вирусларининг ишлаши программа таъминотидаги турли хатолар ва ноаниқликлардан фойдаланишга асосланган. "Мантиқий бомбалар" вирус программалари бўлиб, улар бир нечта мантиқий шартлар бажарилганида ишга тушиши мумкин. Масалан, маълум вақт ёки сананинг келиши, қандайдир тасодифий ёки олдиндан режалаштирилган ходисанинг компьютерда ёки атроф-муҳитда рўй бериши ва шунга ўхшаганлар бўлиши мумкин. "Мантиқий бомбалар"нинг асосий хавфи шундан иборатки, уларда ўзига хос "инкубация даври" бўлиб, бу даврда асосий программа таъминотининг кўпчилик файлларига зарар етказишга харакат қилинади. " Тармоқ вируслари" - бундай турдаги вируслар умумий тармоққа уланган компьютерларнинг бир-бири билан мулоқот қилиши орқали тарқалиб, ҳозирги информацион жамиятда жуда ҳам хавфли ва каттадан- катта миқёсларда зарар келтириши мумкин. Интернет тармоғи орқали хилма- хил мамлакатлардаги информацион системаларни зарарлаши, жиноятларга олиб келиши ва бошқарув тизимларининг барбод бўлишига олиб келиши мумкин. Бундай вирусларнинг фаолияти туфайли халқаро можаролар келиб чиқиши, харбий харакатлар бошланиши, халқаро террорчилик харакатлари амалга оширилиши мумкин. " Чувалчанглар" деб аталадиган программалар эса системавий программа ҳисоблаш ресурсларининг ҳозирги пайтда бўш турган қисмларида яшириниб олиб, шу бўш турган дастурларни ёки қурилмалар дастурий таъминотини ўзбошимчалик билан эгаллаб оладилар. Бунда улар диспетчер программасини огоҳлантирмай, бу қурилмаларнинг қимматли вақтини бефойда ишлар қилишга сарф қилишга олиб келадилар. Масалан, бир рулон қоғозга умуман кераксиз бўлган маълумотларни чоп қилиш, программаларнинг баъзи бир хил бўлакларни чексиз бажаришга олиб келиш ва хоказолар. " Троян отлари" туридаги вирусларнинг ишини юқорида келтирилган Lehigh вируси мисолида кўриб чиққанимиз ёдингизда бўлса керак. Ҳар қандай турдаги вирус программаси қандайдир йўл билан компьютер хотирасига кириб олгандан сўнг ўзини қандай тутишини кўриб чиқишга харакат қиламиз. Вирус boot секторга, операцион системага ёки бажариладиган программага ўтиб олиши мумкин. Boot сектор - бу дискнинг бошланғич йўлаклари бўлиб, унда исталган программани бажаришдан олдин албатта бажарилиши шарт бўлган программа жойлашган. Бу программа операцион системани ишга тайёрлаш ва компьютердан фойдаланувчига бошқа программа воситалари билан ишлаш имкониятини беради. Boot вируси кўпинча дискнинг биринчи йўлакчасига жойлашиб олиб, ўзининг бу ерга сиғмаган қисмини ҳақиқий boot сектор билан бирга дискнинг бошқа секторига жойлайди ва ушбу қисмни яроқсиз сектор деб белгилаб қўяди. Машинанинг ишлаш жараёнида вирус уни ўзича бошқариб туради. Компьютерга тушиб олган вирус унга киритилган ҳар бир бошқа дискнинг бошланғич секторига ҳам ўз нусхасини ёзиб қўяди. Вируслар операцион системанинг ичидаги программаларга ҳам зарар етказиши ва турли хил муаммолар келтириб чиқариши мумкин. Вируслар файлларга зарар етказиши, компьютер ишини секинлаштириши ёки экрандаги маълумотларни ўзгартириб юбориши мумкин. Баъзи бир инсонлар вирус яратиш ва уни тарқатишни ўзларига касб қилиб олганлар ва бу орқали тирикчилик ҳам қиладилар. Бундай турдаги мутахассисларни "Хакерлар" деб аталади. Уларни топиш ва қилган ишлари бўйича жавобгарликка тортиш жуда ҳам мушкул масаладир. Ҳозирги пайтда кенг миқёсда тарқалган вируслар амалий программаларга, матн муҳаррирларига, катта ўлчамли жадвалларга, утилитларга ва ўйин программаларига зарар етказиши мумкин. Кўпгина вируслар янги компьютерга ўтишдан олдин ундаги программалар вирус билан зарарланган ёки йўқлигини текшириб кўради ва у илгари зарарланган бўлса, унга қайта зарар етказмайди. Акс холда зарарланган программа хажми катталашиб, вирус ўзини ошкор қилиб қўйиши мумкин. Вирус юққан дискни ишлатиш бу вируснинг тарқалишига олиб келади, шунинг учун ҳам ишлатилаётган дискнинг ва ундаги программаларнинг вирусдан зарарлангани ёки зарарланмаганлигини билиб, сўнгра ишлатган маъкул. Вирусдан химояланиш воситалари классификацияси Ушбу воситаларни қуйидаги кўринишда классификациялаш (гурухлаштириш) мумкин: Архивлаштириш - FAT жадвалининг нусхасини олиб қўйиш, ўзгартирилган файлларнинг кундалик архивини юритиш. Булар энг муҳим ва асосий усуллар ҳисобланади. Бошқа усуллар вируслардан ҳимояланишнинг умумий даражасини оширгани билан кундалик архивлаштиришнинг ўрнини боса олмайди. Бошланғич назорат - ишлатилаётган программани детекторлар ёрдамида текшириш, программаларнинг узунлиги ва контрол йиғиндисини унинг махсус сертификатида кўрсатилган узунлик ва контрол йиғиндига мослигини текшириш. Boot вирусларини йўқотиш учун машинани ишга туширишга мўлжалланган дисклардан ташқари бошқа дискларнинг бошланғич секторидаги биринчи учта байтни мунтазам равишда ноллар билан тўлдириш. Профилактика ишларини олиб бориш - маълумот ёзиш дискетларга маълумот ёзиш мумкин бўлган вақтни иложи борича қисқартириш, яъни олинган программаларни илгари ишлатиб келинаётганлардан алоҳида сақлаш, программаларни винчестерда архивлаштирилган холда сақлаш. Тафтиш қилиш - Янги олинган программаларни махсус воситалар ёрдамида таҳлил қилиш, программаларнинг бутунлигини уларнинг контрол йиғиндисини ҳисоблаб бориш йўли билан текшириш, дискетларнинг бошланғич секторини ундаги ахборотни ишлатишдан олдин текшириш, операцион системанинг файлларини, аввало COMMAND . COM файлини текшириш. Карантин даврини ўрнатиш - Контрол йиғиндиси бўлмаган, янги сотиб олинган ҳар бир программа мутахассислар томонидан компьютер вируслари бор-йўқлиги нуқтаи-назаридан чуқур текширилиши ва маълум вақт мобайнида бу программа устидан назорат ўрнатилишини ташкил қилиш. Сегментлаш - ( ADM - Advanced Disk Manager ) Программаси ёрдамида дискни "чўкмайдиган бўлим", яъни read only атрибутли зоналарга бўлиш, жуда қимматли маълумотларни асраш учун С ва D дан бошқа, ҳамда PATH буйруғида кўрсатилмайдиган бўлакни ишлатиш. Бажарилувчи программаларни ва маълумотлар базасини алоҳида сақлаш. Фильтрлаш - кўзда тутилмаган ишларни бажаришга бўладиган уринишларни ўз вақтида аниқлашга хизмат қилувчи "қоровул" программаларни қўллаш. Вакцина киритиш - вирусларни чалғитиш мақсадида файллар, дисклар, каталогларга махсус ишлов бериш. Вакцина-программа ишлаши натижасида шундай шароит яратиладики, вирус диск, каталог ва программаларнинг зарарланганми ёки йўқлигини текшираётганида уларни зарарланган деб қабул қилади ҳамда уларга бошқа зарар етказмайди. Программа бутунлигини автоматик равишда назорат қилиш - резидент программа ёрдамида программани ишга туширишдан олдин унинг контрол йиғиндисини ҳисоблаш, программа ишлатилаётган пайтда унга ўзгариш киритилганми ёки йўқлигини аниқловчи мухсус алгоритмлардан фойдаланиш. Терапия - Маҳсус антибиотик программалар ёрдамида зарарланган программалардаги вирусларни зарарсизлантириш ёки программанинг бошланғич холатини ундаги вирусни "қирқиб олиш" йўли билан тиклаш. Ушбу хар бир зарарланган файлларни фаг-программалар ёрдамида тузатиш орқали амалга оширилади. Юқорида кўриб чиқилган ҳимоя воситаларининг қўлланилишини маълум бир химоя технологиясига асосан амалга ошириш мақсадга мувофиқдир. Бундай технология асосида кўп поғонали ҳимоя системаси лойиҳалаштирилгани мақсадга мувофиқдир. Бунда албатта бир неча ҳимоя поғонаси бўлиб, бу поғоналар сони компьютерда ишланаётган маълумотларнинг қанчалик қимматлилигига боғлиқ бўлиши лозим. Бундай кўп поғонали ҳимоя системасининг устунлиги шундан иборатки, агар вирус бир поғонадан ўтиб кетса, бошқа поғонада тутилиши мумкин. Масалан, қуйидаги поғоналардан иборат самарадор ҳимоя системасини таклиф қилиш мумкин: • янги программа воситаларини узлуксиз бошланғич назоратдан ўтказиш; • винчестердаги маълумотларни сегментлаш орқали MS DOS қисмларини ва тез-тез ишлатиладиган системавий программаларни вируслардан ҳимоялаш; • "хафта-ой-йил" тавқими бўйича доимий равишда архивлаштириш ишларини амалга ошириш; • маълумотлар бутунлигини текшириш учун ревизор-программаларни мунтазам ишлатиб туриш. Янги олинган программа ва дискетларни бошланғич назоратдан ўтказишнинг аҳамияти жуда катта. Кўпчилик маълум вирусларни мана шу босқичда аниқлаб олиш мумкин. Бу иш бор-йўғи бир неча минутни талаб этади, лекин ушбу иш ўз вақтида амалга оширилмаса, кейинчалик винчестерни вирусдан тозалаш, барча дискларни назоратдан ўтказиш ва йўқотилган маълумотларни тиклашга бир неча ўнлаб соатларни сарфлашга тўғри келади. Бошланғич назоратни амалга оширишда детекторлар ва фагларнинг махсус тахланган тўпламини ишлатиш мақсадга мувофиқдир. Бундай тўпламнинг қуйидаги таркибини тавсия этиш мумкин: Scan , LD , SOS , Aidtest ва V . Бундаги фагларни детектор режимида ишлатиш зарур. Ушбу тўпламни (батареяни) одатдаги bat файли ёки антивирус-интегратор туридаги (масалан AVTP ) қобиқ ёрдамида ишлатиш мумкин. Вируслар бор- йўқлигини аниқлаганда ўтказилган тафтишнинг протоколини чоп қилиб, сақлаб қўйган маъқул. Натижаларни таҳлил қилаётганда бирор-бир детекторнинг ёлғон маълумот бериши мумкинлигини ҳам ҳисобга олиш зарур. Бундай назорат ва таҳлил натижасида, бошланғич назорат даврида вирус пассив ҳолатда тургани сабабли, ҳозиргача маълум вируслар томонидан винчестер ва файлларнинг зарарланишига бутунлай (99% холларда) йўл қўйилмайди. Бошланғич назоратдан олдин дискетларга VITAMIN В вакцина туридаги программа билан ишлов бериш тавсия этилади. Бу эса компьютерни boot вируси билан зарарланишдан асрайди. Карантин режимини ташкил қилиш, яъни программа сертификатсиз олинган бўлса, ёки у олинган жойда хали ишлатилмаган бўлса, бу программани бир неча кун карантин режимида ишлатган маъқул. Ушбу режимда сунъий равишда тезлаштирилган календарь, яъни хар бир ишлатишдан (тажрибадан) олдин янги ой ва кунни компьютерга киритиб бориш мақсадга мувофиқдир. Бу эса ўз навбатида маълум ойда ёки қандайдир бир вақтдан сўнг фаоллашиши мумкин бўлган "троян оти" туркумига мансуб программа- вирусни аниқлаб олиш эҳтимоллигини анча оширади. Умуман бу турдаги тажрибаларни ўтказишда фойдаланиш учун махсус ажратилган "карантин" компьютери бўлгани маъқул. Масалан, маънавий равишда эскирган, лекин хали ишга яроқли компьютерларни ушбу мақсадда ишлатиш мақсадга мувофиқдир. Бу компьютерда барча программаларнинг охирига маҳсус қатор, масалан "***ОК***" ёки НБ (контрол йиғинди) ёзиб қўйган маъқул. Ушбу ёзувлар кейинчалик программани тахлил қилишни анча осонлаштиради, чунки бунда программа охирига жойлашган вирус билан файл чегараси аниқ кўриниб туради. Албатта бу вирусга қарши воситалар тўплами, ревизор, қоровул, ўз-ўзини назорат қилувчи хўрак программалар ишлатиш заруриятини асло йўқотмайди. Резидент мақомидаги қоровул программаларни гоҳ- гоҳида ишлатган маъкул, чунки вирус бундай восита борлигини сезиб, шунга мос равишда ўзини бошқача тутиши мумкин. Карантин компьютернинг вазифаси вируснинг кўпайишига тўсқинлик қилиш эмас, балки унинг фаоллашиш шарт-шароитларини аниқлашдан иборатдир. Агар алоҳида карантин компьютерни ажратиб қўйиш имконияти мавжуд бўлмаса, жуда ҳам қимматли ахборотлар ёзилмаган бирор-бир компьютерда "карантин режими" ни ўрнатиш зарур. Карантин режимига кириш учун фойдаланувчи махсус ном ишлатиши ва унинг ишлатилиши учун фақат мантиқий диск ёки винчестердан махсус карантин бўлимигина берилиши зарур. Винчестернинг қолган бўлимлари яширинган ёки READ ONLY мақомида бўлиши керак. Бунда вирусга "хўрак" сифатида ишлатиладиган операцион система компонентлари ва баъзи утилитларнинг мос файлига ревизор программа орқали ҳисобланган контрол йиғиндини ёзиб қўйиш керак. Ревизор программа бўлмаса, бу мақсад учун исталган архиватор, масалан Pkzip ишлатилиши мумкин. Оператив хотирада маълум бир катталикдаги электрон диск ташкил қилиб, унга тез-тез ишлатилиб турадиган утилитларни ёзиб қўйиш ва ушбу утилитларни ишлатишни ҳам тавсия этиш мумкин. Бунда вирус бу "хўрак"лардан бирини "ютиши" ва ушбу программалардан бирини зарарлаши мумкин. Бундай холда ревизор программа контрол йиғиндиларнинг мос тушмаганини аниқлайди ва файлнинг зарарланганлигини билдиради. Бундай тажрибалар учун электрон дискнинг ишлатилишининг афзаллиги шундан иборатки, ундаги ёзувлар ва маълумотлар компьютер ўчирилганида ёки қайта ишга тушганда автоматик тарзда ўчиб кетади. Бу эса ўз навбатида тажриба давомида вирус билан зарарланган программа эхтиётсизлик ёки тасодифий холатлар туфайли дискда қолиб кетмаслигига қўшимча кафолот беради. Ноқонуний тарқатилаётган программа нусхалари ва "ҳимоя қулфи бузилган" программалар кўпинча вирус билан зарарланган бўлиб, маълум даражада хавф туғдиради. Кўпчилик программа воситалари фойдаланувчилар томонидан кенг тарқалиб кетмаслиги учун маълум даражада "ҳимоя қулфи" билан таъминланади. Бу программаларни бошқа компьютерларда ишлатишга уринишлар кўпинча ёмон натижалар билан тугаши ҳам мумкин. Янги компьютер сотиб олинганда ва уни ишга тушириш жараёнида албатта винчестердаги программаларни текшириш керак. Бунга сабаб, сотишдан аввал бу компьютерларда турли хил дастурлар ишлатилган бўлиши мумкин ва улардаги вируслар компьютерда сақланиб қолган бўлиши мумкин. Винчестердаги маълумотларни сегментларга ажратиш. Маълумотларни ҳимоялашнинг иккинчи поғонаси винчестерни маҳсус программа ёрдамида сегментларга ажратишдан иборат бў-либ, мантиқий дискларга (винчестер бўлакларига) READ ONLY атрибутини таъминлашдан, ҳамда парол билан мурожаат қилишнинг оддий схемасидан иборатдир. Бу мақсадда турли хил драйверларни ишлатиш мумкин. Масалан, ADM ( Advancer Disk Driver ) дискни бир неча бўлакларга бўлишдан ташқари, турли хил вариантларда бу бўлакларга пароллар орқали мурожаат қилиш имконини беради. Бундан ташқари унинг ёрдамида химоя даражаси бошқа драйверларга нисбатан юқорироқ таъминланади. Шу билан бирга бу драйверлар компьютердан руҳсатсиз фойдаланишга тўсиқ воситасини бажара олмайди. Чунки ҳозирги пайтда бир қатор программалар мавжуд бўлиб, улар ёрдамида компьютердан тўлиқ фойдаланувчи мақомини олиш мумкин. Энди маълумотларни сегментларга ажратишнинг асосий принципларини кўриб чиқамиз. "Чўкмайдиган бўлимлар" яъни, READ ONLY аттрибутли бўлакларни жойлаштириш схемаси, винчестерга вирус хужуми бўлганда, унинг бардошлилигини таъминловчи асосий омиллардан биридир. Фақат биргина С бўлаги ҳимояланган винчестер вируснинг ёки троян оти программасининг биринчи хужумидан кейин инқирозга учраши, яъни ишдан чиқиши мумкин. "Чўкмайдиган бўлимлар" сони винчестер хажми ва ечиладиган масалаларга боғлиқ. Бунда С мантиқий дискида иложи борича камроқ файлларни жойлаштириш керак. Винчестернинг қолган қисмини трансляторлар ва системавий утилитлар учун тақсимлаш мақсадга мувофиқдир. Лекин шуни қайд этиш лозимки, винчестерни сегментларга ажратиш дискдан фойдаланиш самарадорлигини бирмунча камайтиради. Шунинг учун ҳам уни жуда майда бўлакчаларга бўлишга қизиқиб кетиш ҳам мақсадга мувофиқ эмас. Операцион системани ва буйруқ процессорини вирус билан зарарланишдан сақлаш Вируслар билан курашда муҳим воситалардан бири машинани ишга туширувчи файлларни вируслар кира олмайдиган бўлакларда сақлаш ҳисобланади. Бунинг учун сегментларнинг аҳамиятини юқорида кўриб чиқдик. Лекин операцион системани химоялашда сегментлашнинг аҳамияти жуда катта бўлгани учун унга алоҳида тўхталиб ўтамиз. Операцион система ва бир қанча утилитларни тўғри жойлаштирсак, операцион система ишга тушгач, у вирус билан зарарланмаслигини кафолатлаш мумкин. Бунинг учун операцион системани химояланган бўлакка, масалан D бўлакка жойлаштириш зарур. Буйруқ процессори файл вируслари учун асосий нишон бўлгани учун, уни "нишон" сифатида қолдириш мумкин, лекин уни системани қайта ишга туширишда ишлатмаслик зарур. Бир қарашда бу мумкин эмасдек туюлади, лекин буйруқ процессорини химояланган бўлакка жойлаштириб, компьютер бошланғич ишга тушгандан сўнг, уни виртуал дискка нусҳалаш йўли билан бунга эришиш мумкин. Бунинг учун COMSPEC ўзгарувчисига мос қийматни ўрнатиш лозим бўлади. Виртуал дискнинг буйруқ процессорини сақлаш учун ишлатилиши уни ўзига хос химоя воситасига айлантиради, унинг зарарланишини осон назорат қилиш ва дискдан уни ўчиришни эса MS DOS ни қайта ишга туширганда автоматик тарзда бажарилишини таъминлашдан ташқари, баъзи программа қобиқларининг ишини тезлаштиради. Бундай холда COMMAND . COM файлини эталон билан даврий равишда солиштириб туриш мақсадга мувофиқдир. Шуни қайд қилиш лозимки, анча оғир холатларда ҳам шикастланган маълумотларни тиклаш (жуда бўлмаганда қисман) мумкин. Лекин бу юқори малакани талаб қилади. Худди шундай шароитларда архивлаштирилган система блокларининг дискларда мавжудлиги тиклаш ишларини енгиллаштиради. Система блокларининг янги архив нусҳалари билан бир қаторда системани яхши билувчи, шикастланиш характери ва кўламини баҳолай оладиган, система блокларидаги бузилишлар ёки файл системасининг бошқа шикастларини тиклай оладиган программачилар бўлиши ҳам катта аҳамиятга эга. Aдaбиётлар : 1. Аюпов Р.Х. Microsoft Front Page амалий дастурида ишлаш. Тошкент, ТМИ, 2005 йил. 2. У.Ю.Юлдашев, Р.Р. Боқиев, Ф.М. Зокирова. Информатика, Ғ офур §улом номидаги нашриёт-матбаа ижодий уйи, Т., 2002 3. §уломов С.С, Шерму xa медов A.Т., Бегaлов Б.A. Иқтисодий информaтикa/ Тошкент, “Ўзбекистон”: 1999 й, 528 бет. 4. Аюпов Р.Х., Исмоилов СИ., Аюпов Х.Р. Хусусий компьютерда ишлаш/ “ Microsoft Word 2000 матн муҳаррири”, Т., ТМИ, 2002 йил, 124 бет. 5. Марахимова А.Р., Рахмонқулова С. Интернет ва ундан фойдаланиш/ ТДТУ, Т.: 2001 йил, 176 бет. 6. Ғ уломов С.С, Aлимов Р.X., Xодиев Б.Р. вa бошқ a лaр. Ax борот тизимлaри вa теxнологиялaри/ Тошкент, “Шaрқ”: 2000 йил. 7. Симонович СВ. и другие. Общая Информaтикa.Учебное пособие/ М, Издaтелство “АСТПресс”: 2001 г. 8. Симонович СВ. и другие. Специальная Информaтикa.Учебное пособие/. М, Издaтелство “АСТПресс”: 2001 г. 9. У.Юлдашев, Р.Р. Боқиев, М.Э.Мамаражабов. ЕХСЕ L -97. Уқув қў лланма. Т., 2000

Похожие

Компьютерларнинг дастурий таъминоти
Шахсий компьютерларнинг дастурий таъминоти.Дастурий таъминотнинг таснифланиши.Амалий дастурлар таъминоти
Шахсий компьютерларнинг архитектуралари
Программавий таъминот махсулот сифатида
Программавий таъминот махсулот сифатида. Программавий махсулотни лойхалаш усуллари ва компонентлари