Компьютерларнинг дастурий таъминоти - Информатика и ИТ - Рефераты

Компьютерларнинг дастурий таъминоти

Загружено в:

20.09.2019

Скачано:

0

Размер:

134 KB

Компьютерларнинг дастурий таъминоти Режа: 1. Программавий бошқарув принципи ва унинг ахамияти. 2. Компьютерларнинг программавий таъминоти ва унинг таркибий қисмлари. 3. Қўшимча программа (утилиталар) ва уларнинг асосий турлари. 4. Компьютер вируслари хақида тушунча. Уларнинг турлари, уларга қарши кураш усуллари ва антивирус дастурлар. 5. Локал ҳисоблаш тармоғини бошқариш учун ишлатиладиган асосий дастурлар.

Программавий бошқарув принципи ва унинг аҳамияти. Хар қандай инсоннинг юриш туриши, қилаётган ишлари ва режалари қандайдир дастур ёки программа орқали амалга ошириладики, бу программа ёки дастур унинг тарбияси, кўп йиллик хаёт тажрибаси, билими, атроф-мухити ва хакозолар орқали аниқланади. Компьютерлар хам ўз ишлаш жараёнида маълум бир программавий бошқарувга асосланадики, бу уларнинг бир маромда ва тўғри ишлашига олиб келади. Ушбу программавий бошқарув принципининг асоси нимадан иборат бўлиши мумкин деб ўйлайсиз? Нима учун бу принцип амалга оширилганидан сўнггина компьютерлар амалларни автоматик равишда бажара олиш имконига эга бўлдилар? Бу муаммони хал қилиш учун икки хил объект бор деб фараз қилинг – биринчиси программавий дастурсиз ишлайдиган объект ва иккинчиси тегишли программавий дастур бошқаруви остида ишлайдиган объект. Яъни, биринчи объектда нималар қилиниши кераклигини доимо ва мунтазам равишда кўрсатиб туриш керак, кейинги объектда эса вазифаларнинг вақт бўйича тақсимланиши олдиндан аниқ ва равшан кўрсатилган, шунинг учун хам у барча вазифаларни режа асосида аниқ бажаради ва бошқарилади. Уларнинг қайси бири конкрет шароитларда яхшироқ натижаларга олиб келади? Ҳар қандай ЭҲМ нинг ишлаши асосида программа билан бошқариш принципи ётади. Бу принцип шундан иборатки, қўйилган масалани ЭҲМ аввалдан тузилган ва машина хотирасига киритилган программага тўла мос ҳолда автоматик ечади. Фақат программа ЭҲМ учун у қандай маълумот устида ва қандай кетма-кетликда қайси амалларни бажариши кераклигини белгилайди. Шу боисдан хам ЭҲМ ни керакли амаллар кетма-кетлигини берилган программа бўйича ва унга қатъий мос равишда бажариш йўли билан изланилаётган натижани олишни таъминлайдиган программа асосида бошқарилувчи автомат деб қараш мумкин. ЭҲМ да ахборотни қайта ишлаш жараёни арифметик, мантиқий ва бошқа махсус амалларни машинада тузилган программага мос равишда бажаришдан иборатдир. Ушбу амалларнинг кетма-кетлиги программада

ҳисоблаш машинасининг алоҳида буйруқлари билан кўрсатилади, ёки бошқача қилиб айтганда, программа алоҳида олинган буйруқлардан ташкил топиб, улар процессорга машина хотирасида сақланаётган ахборотлар устида у ёки бу амалларни қандай бажаришга топшириқ беради. Худди мана шу изоҳнинг ўзи ЭҲМ нинг программа асосида бошқариш принципини етарлича изохлаб беради. ЭҲМ да ҳар бир буйруқ машина тилида, яъни ушбу ЭҲМ да қабул қилинган ва тегишли бошқарув қурилмалари тушунадиган код кўринишида ифодаланади. Бунда буйруқлар коди машинада бажариладиган амаллар турини белгилайди, шунингдек ушбу амалларнинг бажарилиш жараёнида керак бўладиган маълумотлар сақланган хотира ячейкаларининг номерини хам кўрсатади. Машина амаллари бажарилишида қатнашадиган маълумотлар ва буйруқлар мажмуаси операторлар деб аталади. 443.2. ЭҲМнинг программавий таъминоти ва унинг асосий таркибий қисмлари. Программаларнинг турли хиллари мавжуд бўлиб, уларнинг хар бири маълум бир ишни бажаришга мўлжалланган. Лекин инсонларга ўхшаб, ЭХМ лар хам қандайдир кўрсатмаларга ёки программавий таъминотга мухтож бўлади, чунки бусиз уларнинг ишини, ички ва ташқи хотиралар билан ишлашни, қўшимча қурилмаларга мурожаат қилишни, фойдаланувчилар билан мулоқотни ва компьютер таркибий қисмларининг бир маромда ишлашини таъминлаш мумкин эмас. Бу муаммоларни хал қилиш учун қандай турдаги программалар ишлатилиши мумкин деб ўйлайсиз? Компьтер хотирасида жуда катта миқдордаги қўшимча жой эгаллайдиган ушбу программаларсиз у билан самарадор ишлашни амалга ошириш мумкинми ёки йўқми? Агарда шундай турдаги программалар мавжуд бўлмаса компьютер билан мулоқот қандай равишда ўзгаради? Бундай турдаги программаларни қандай асосий гурухларга ажратган бўлар эдингиз? ЭХМдан фойдаланиш самарадорлигини оширишга , уни ишлатишни енгиллатишга ва фойдаланувчилар дастурларини тайёрлашни осонлаштиришга мўлжалланган программа воситалари комплексига

программа таъминоти системаси ( ПТС ) деб юритилади . ЭХМнинг ПТС ўз ичига турли хил программалар тўпламини олади (3.1 расм). Программалашни автоматлаштириш системаси ( ПАС) фойдаланувчилар программаларини яратиш жараёнини енгиллаштириш ва автоматлаштиришга мўлжалланган бўлиб ПТС нинг бир қисми ҳисобланади. Ривожланган ПАСлар программалаштириш тиллари, трансляторлар ва созлаш программаларини ўз ичига олади. Созлаш программалари тузилган программалар ишининг тўғрилигини текшириш ва хатоларни топиш учун ишлатилади. ЭХМда масалаларни ечиш жараёнини таъминлаш ва уни осонлаштириш учун операцион система деб аталувчи программалар комплекси ишлатилиб, у бошқарувчи ва қайта ишловчи программалар гурухидан иборат. Бошқарувчи программалар ЭХМ қурилмалари ишини бошқаради, яъни ЭХМ қурилмалари ишини, киритиш, тайёрлаш ва бошқа программаларнинг бажарилишини ташкил қилади ва бошқаради. Қайта ишловчи программалар маълумотни қайта ишлаш билан боғлиқ янги программаларни ЭХМда ишга тушириб, масалаларни ечишга ва бошланғич маълумотларни тайёрлаш ишларини бажаришга хизмат қилади. Техник хизмат қилиш программалари ЭХМ нинг профилактика ишларида, диагностика масалаларини ечишда ва ундаги носозликларни аниқлашда хамда бошқа мақсадларда ишлатилади. Амалий программа пакетлари таркибига инсоннинг кундалик амалий фаолиятида вужудга келадиган илмий, техник, молиявий ва турли-туман иқтисодий масалаларни ечишга мўлжалланган, операцион система имкониятларини ва функциясини кенгайтиришга хамда бошқа бир қанча конкрет мақсадларга мўлжалланган программалар комплекси киради. ЭХМнинг программа таъминоти системаси ( ПТС ) Операцион система ( ОС ) Дастурлашни автоматлаштириш системалари Техник хизмат қилиш программалари Амалий программа пакетлари ( АПП ) Бошқарувчи программалар Қайта ишловчи программалар Модулларни йиғиш программалари ЭХМ курилмаларига хизмат курсатувчи программалар

Кутубхонага хизмат кўрсатувчи программалар Программа - лаштириш тиллари Транслятор ларСозлаш программалариОС функцияларини кенгайтувчи АППИлмий , иўтисодий ва б . к АПП АБС учун АПП 3.1– расм Юқорида тасвирда кўрсатилган трансляторлар амалий программаларни алгоритмик тиллардан машина тилига ўгирувчи таржимон программалардир . Улар икки хил бўлади: компиляторлар ва интерпретаторлар. Интерпретаторлар программалаштириш тилида ёзилган программани босқичма-босқич (ёки қаторма-қатор) машина тилига ўгириб ва дархол бажариб борса, компиляторлар эса бутун программани бирданига машина тилига ўгиради ва агарда унинг хатоси ёки камчилиги бўлмаса, уни бажаришни амалга оширади. Бир марта компиляция қилинган программа бошқа компиляция қилинмайди, негаки унинг натижаси ишловчи программани хосил қилади. Интерпретаторда эса программа ҳар бир бажарилишида қайтадан машина тилига ўгирилади ва босқичма-босқич бажарила боради. Хусусий компьютернинг ҳам фойдаланувчи учун қулай ва самарадор бўлиши унда қандай программавий таъминот мавжудлиги билан аниқланади . Лекин программавий таъминотнинг қандай турлари фойдаланувчи учун зарур бўлиши унинг қайси сохада фаолият кўрсатиши билан аниқланади. Энди ўзингизни иқтисод сохасида фаолият кўрсатаётган мутахассис сифатида фараз 46қилган холда қайси турдаги программавий таъминот Сизнинг кундалик ишларни бажаришингиз учун керак бўлишини ўйлаб топишга харакат қилинг. Компьютер ишлаганда уни бошқариш учун керак бўладиган программалар билан амалиётда қўлланиладиган программалар орасида қандай фарқ бўлиши мумкин? Компьютернинг программавий таъминоти уларнинг қўллаш самарадорлигини ошириш, ундан фойдаланишни осонлаштириш ва фойдаланувчилар программаларини тайёрлашнинг меҳнат сарфини камайтириши учун мўлжалланган программалар системасидан иборат. Компьютер программалар таъминотининг тўплами қуйидаги гурухларга ажралади: • Системавий

программалар – хилма-хил қўшимча ишларни бажаришга имкон беради, масалан, компьютернинг ишлаш жараёни давомида носоз қурилмаларни диагностика ва назорат қилиш воситалари, маълумотларнинг нусхаларини олиб қўйиш, компьютер хақида маълумотномалар бериш, компьютерни бошланғич ишга тайёрлаш ва хакозолар; • Амалий программалар – фойдаланувчиларга зарур бўлган ишларни бажаришга имкон берувчи программалар, матн тахрирчилари, жадвал процессорлари, расмлар чизишга имкон берувчи программалар, информацион массивлар ва билимлар базалари билан ишлашга имкон яратувчи программалар ва хакозолар. • Программалаштириш системалари ёки инструментал системалар – улар компьютер учун янги амалий программалар ёки фойдали иловалар ёзиш учун хизмат қиладилар. Системавий программаларга операцион система, драйверлар, қобиқ программалар ва операцион қобиқларни киритиш мумкин. Операцион қобиқлар ишга тушириладиган программалар учун қуйидаги имкониятларни яратиши мумкин: • график интерфейс – маълумотларни чиқариш ва улар билан самарадор ишлашга имкон берадиган воситалар тўпламини хосил қилиш мумкин, яъни алохида турдаги менюлар, дарчалар, ойналар, маълумотномалар ва хакозолар; • Мультипрограммалаштириш – бир вақтнинг ўзида бир қанча программаларни ишлатиш имконияти; • Программалараро маълумот алмашинишниг кенгайтирилган воситаларини ишлатиш. • Программа таъминоти илмий-техник, иқтисодий-статистик ва бошқа масалаларни ечишда, шунингдек бошқарув маълумотларини қайта ишлаш учун ҳисоблаш системалари қуришда ЭҲМ техник воситаларининг имкониятларини анча кенгайтиради. • ЭҲМ программа таъминотининг асосий функциялари қуйидагилардан иборат: 47• программалашни автоматлаштириш воситалари ёрдамида масалани ЭҲМ-да ечишга тайёрлаш; • оператор билан ЭҲМ-нинг энг қулай кўринишлардаги алоқасини ташкил қилиш; • ЭҲМ-ни назорат қилиш, унга диагноз қўйиш ва юзага келган нуқсонларнинг кенгайишига йўл қўймаслик. ЭҲМ-нинг программа

таъминоти структурасида программалашнинг модулли принципи амалга оширилади, бу принцип, одатда функционал боғлиқ бўлмаган программалар ёки уларнинг қисмлари стандарт модуллар кўринишида шаклланадиган ва созланадиган бўлишини талаб қилади. Бундай структура ёки уларнинг ўрнини алмаштириш, ёхуд қўшимча модуллар киритиш йўли билан ЭҲМ- нинг программа таъминотини нисбатан оддий кенгайтириш ва такомиллаштириш имконини беради. ЭҲМ программа таъминотининг энг муҳим таркибий қисми, операцион система бўлиб, у турли режимларда ЭҲМ-нинг энг самарали ишлашини, шунингдек масалани ЭҲМ-да ечишга тайёрлашдаги меҳнат сарфининг камайишини таъминлайдиган программали воситалар мажмуидан иборат. Хусусий ЭҲМ функционал мақсадига боғлиқ ҳолда комплекс монитор имкониятлари фойдаланувчи томонидан дисплей киритиладиган катта сонли бўлмаган оддий буйруқларнинг бажарилишидан тортиб, то аниқ вақт давомида ҳар хил қурилмалар билан бошқаришгача ўзгариб туради. Мониторнинг одатдаги вазифаси хусусий ЭҲМ билан фойдаланувчи ўртасида ўзаро алоқадорликни ташкиллаштириш, ресурслар тақсимлашни бошқариш ва хусусий ЭҲМ фаолиятида талаб этилган режимни таъминлаш, системали ва бошқа программаларни ишга тушириш ва бажарилишини назорат остига олиш, маълумотлар алмашиниш жараённинг бажарилишини бошқаришдир. Системали программалар ва маълумотлар гурухига ташқи ташувчиларга хизмат қилувчи программалар, сервис программалар ва программалар кутубхонаси киради. Ахборотларнинг ташқи ташувчиларга хизмат кўрсатадиган программалар ташувчилардаги мавжуд ахборотларни тенглаштириш ва назорат қилишга, шунингдек ташувчилар билан ва алоҳида файллар билан бошқа жараёнларни бажаришга тайёрлаш, сақлашни ташкиллаштириш ва программаларни қўллаш ишларини енгиллаштиради. Улар ўзларининг функционал мақсадлари нуқтаи-назаридан турли- тумандир, лекин қоидага кўра, уларнинг таркибида матнни тахрирлаш дастурлари ва кутубхоналар бўлади. Дисплейдан ёки бошқа бир қанча

ташувчилардан киритилаётган матнлар тахрир программалари орқали хусусий ЭҲМ-нинг оператив ёки ташқи хотирасига ёзилади, бунда улар махсус тахрир буйруқлари ёрдамида ўзгартирилиши мумкин. Кўплаб тахрир программалари мавжуд, улар бир биридан бажарадиган имкониятлари билан фарқланади ва матнларда ўзгаришлар қилиш учун ишлатилади. Қўшимча программа (утилиталар) ва уларнинг асосий турлари. Юқорида компьютерда фойдаланиладиган асосий программалар мажмуаси билан танишиб чиқдингиз. Лекин ўз-ўзидан маълумки ушбу программалар хали компьютер билан ишлаш учун унчалик етарли эмас. У холда фойдаланувчининг ишини енгиллаштириш мақсадида яна қандай турдаги программалар ишлатилиши керак бўлади? Бу муаммони хал қилиш учун ташқи қурилмаларга хизмат қилувчи, дисклар билан ишловчи, маълумотларни химоялаш учун мўлжалланилган ва бошқа бир қанча турдаги программалар хам бўлиши керак. Хақиқатан хам компьютернинг бир маромда ишлашини таъминлаш учун турли қўшимча программалар зарур бўлади. Масалан, қаттик диск ( винчестер) билан турли ишларни амалга ошириш учун махсус программалар зарур. Винчестерни бўлакларга бўлиш, унинг маълум бўлакларини пароль билан химоялаш учун Disk Manager деб аталувчи программа ишлатилади. Дискнинг холатини текшириш учун эса NDD (Norton disk doctor) программаси ишлатилади. Бу программа ёрдамида диск сегментлари текширилиб, ундаги хатоликлар топилади ва бартараф этилади. Дискдаги маълумотларни оптимизация қилиш, яъни бир тартиб билан жойлаштириб чиқишга хизмат қилувчи SD (Speed Disk) программаси мавжуддир. Унинг ёрдамида дискдаги маълумотлар тартибга келтирилади, бу эса дискдаги маълумотларга мурожаат қилишни енгиллаштириб, компьютер ишини тезлатади. Юқорида санаб ўтилган программаларни ишлатиш қулай бўлиб, диалог дарчасида ҳосил бўладиган меню пунктларидан мосини танлаш ва ишлатишдан иборатдир. Утилитлар гурухларга бирлаштирилиб, уларнинг энг кўп

ишлатиладиганлари Norton Utilities , PC Tools Deluxe , Mace Utilities лар бўлиб хисобланади. Утилитларни қуйидаги тартибда гурухларга бўлиб чиқиш мумкин: • Упаковка қиладиган программалар махсус усулларни қўллаган холда маълумотларни сиқилган холда жойлаштириб, уларнинг архив нусхаларини хосил қилишга ёрдам берадилар. Масалан, PKZIP, PKUNZIP ва ARJ программалари буларга мисол бўла олади. • Дисклардаги маълумотларнинг резерв нусхаларини хосил қиладиган программалар қаттиқ дискка ёзилган маълумотларни тезлик билан дискетларга ёки стриммерларга нусхалаш учун ёрдам берадилар. Масалан, Norton Backup , Fast Back Plus . • Антивирус программалари, улар хилма-хил турдаги вирусларга қарши самарали курашиш учун хизмат қиладилар. 49• Коммуникацион программалар компьютерлараро маълумотларни алмашиниш учун ишлатиладилар. Масалан , Brooklin Bridge, DeskLink, LapLink, Fast Link. Telemate, Procom, Dataline программалари компьютерларнинг телефон каналлари орқали мулоқот қилинишига ёрдам берса , WinFax Pro, Bit Fax, Fax It программалари телефон маълумотларини факс модем орқали узатиш имкониятини яратадилар . • Компьютерни диагностика қилиш программалари унинг конфигурациясини ва ишга лаёқатлилигини текширишга имкон беради. Масалан, Cheeck It , ND lags , Control Room , System Sleuth программаларини шу программалар туркумига киритиш мумкин. Дискларни текшириш учун Disk Technician Advance , Calibrate дастурлари қўлланилиши мумкин. • Диск учун мўлжалланилган программа-кэш дискдан маълумот ўқишни анча тезлаштиришга имкон беради, чунки ушбу холда оператив хотирада дискнинг тез-тез ишлатилиб турадиган бўлакларини ўз ичига олган кэш-буфер хосил қилинади. Масалан , Smart Drive, NKache, Super PC Kwik. • Дискларни оптимизация қилиш программалари дискларда сақланадиган маълумотлар хажмини анча оширишга ва маълумотларни тезроқ топишга ёрдам еради . Масалан, Speed Disk ёки Fast Trax программалари. • Дискларни динамик сиқиштиришга имкон берувчи программалар дискларда сақланилиши

мумкин бўлган информация хажмини анча оширишга ёрдам беради. Масалан , Stacker, Double Space, Super Stir программалари . • Автоном равишда чоп қилиш программалари ( скулерлар ) файлларни чоп қилишни бошқа ишлар билан бир вақтда амалга оширишга имкон беради . Масалан , Print Cashe программаси . • Хотирани бошқариш учун мўлжалланилган дастурлар оператив хотирани яхшироқ бошқариш учун ишлатилади . Масалан , Software Carousel ва Switch It программалари хотирага бир қанча программаларни юклашга ва биридан иккинчисига осонлик билан ўтишга ёрдам беради . 503.4. Компьютер вируслари хақида тушунча. Уларнинг турлари, уларга қарши кураш усуллари ва антивирус дастурлар. Сиз жуда кўплаб марта « компьютер вируси» иборасини эшитгансиз. Лекин компьютер вирусининг нима эканлигини, унинг қандай оқибатларга олиб келиши мумкинлигини, қандай қилиб уни аниқлаш мумкинлигини, унга қарши қандай усуллар билан курашиш мумкинлигини биласизми? Масалан, Сиз Интернет билан ишлаб ўтирганингизда, сизнинг адресингизга бир маълумот келди ва уни очганингизда компьютерингиздаги бир қанча қимматли маълумотлар йўқолиб кетди. Бу нима сабаблар орқали юз бериши мумкин деб ўйлайсиз? Ўзингиз ёки дўстларингиз тажрибасини умумлаштирган холда бу муаммо хақида бироз фикрлаб кўринг. Ҳақиқатан ҳам, агарда дастурингизга, информацион системангизга ёки минг азоб билан яратган муҳим бир файлингизга компьютер вируси қандайдир йўллар билан кириб қолса, жуда ноқулай аҳволга тушиб қолишингиз мумкин. Бунинг олдини олиш ва компьютер вирусларидан самарали химояланиш учун уларнинг ўзи нима эканлигини, уларнинг қандай турлари мавжудлигини, улар қандай оқибатларга олиб келиши мумкинлигини ва уларга қарши курашиш учун нима қилиш лозимлигини пухта билиб олиш зарур бўлади. Ҳозирги пайтда вирус ва антивирусларнинг турлари шу қадар кўп, ҳамда уларни хосил қилишда шунчалик кўп программистлар бандки, агар масаланинг моҳиятини тушунмасангиз, бу ғоялар тўфонида ғарқ бўлиб кетишингиз ҳам

мумкин. Бунда "Аҳмоққа қарши осонгина курашиш мумкин, лекин топқир аҳмоққа қарши курашиш жуда ҳам қийин", - деган иборанинг тўғрилиги яна бир карра исбот бўлади, десак хеч ҳам янглишмаган бўлар эдик. Компьютер вируси ибораси 1984 йилда пайдо бўлиб, у оммавий ахборот воситалари, семинарлар ва конференцияларда хар томонлама ёритилиб борилаяпти. Илк компьютер вируси Америкалик Фред Коэн томонидан ёзилган программа бўлиб, унинг асосий вазифаси программаларни ноқонуний кўчириб олишга қарши қаратилган эди. Яъни, бирор-бир программа ноқонуний кўчириб олиб кетилса, ушбу яратилган программача ҳам унга қўшилиб кўчирилади ва ўша ишлатилган компьютердаги қимматли ахборотларни дискдан ўчириши, файлларни йўқотиши ва шунга ўхшаш номаъқул ишларни амалга ошириши мумкин. Коэннинг бу иши компьютерлар хавфсизлигини таъминлаш бўйича анжуманда эълон қилингандан сўнг, "XX аср компьютер вабоси", яъни компьютер вируслари кўпайиб, §арбий Европа ва АҚШ бўйлаб тарқалди. Образли қилиб айтганда, «Жахон бўйлаб бир шарпа кезиб юрибди – у хам бўлса компьютер вируси шарпасидир». Улар жуда кўплаб фирмалар , давлат ташкилотлари , илмий лабораториялар компьютер тизимларини ишдан чиқарди ёки уларга жиддий зарар етказди . Ҳозирги пайтга қадар компьютерларни вируслар хужумидан асраш долзарб вазифалардан бири бўлиб қолмоқда. Бизга маълум бўлган компьютер вируслари асосан бир хил тузилишга эга. Улар тўрт қисмдан иборат бўлиб, унинг биринчи қисми вируснинг компьютер хотирасига 51киришини таъминлайди, иккинчи қисми вирусни қаттиқ ёки эгилувчан дискка нусҳалашга хизмат қилади. Бунда вирус файлларга қўшилиб олиши ёки дискнинг ишга тушириш секторига жойлашиб олиши мумкин. Учинчи қисмда вирус ўз фаолиятини қандай шароитларда бошлаши зарурлиги кўрсатилса, тўртинчи қисмда унинг алгоритми баён этилади. Компьютер вирусининг ўз фаолиятини қандай бажаришини Lehigh вируси мисолида кўриб чиқамиз. Ушбу вирус кўпайиш нуқтаи-

назарида жуда қулай бўлган жойда, яъни операцион системанинг command.com файлида яширинади. Бу файл операцион системанинг барча асосий буйруқлари - DIR, DEL, COPY ва бошқалар ишлатилганида таъсир қилиши мумкин. Демак, ушбу холда вируснинг тарқалишига жуда ҳам қулай имконият мавжуддир. Бундан ташқари вирус билан боғлиқ кодлар системасини сақлаш учун файлнинг стек деб аталмиш бўлаги ( маълумотлар кетма-кетлигини вақтинча сақлаш учун мўлжалланган қисм) танланган бўлиб, бунинг натижасида зарарланган COMMAND.COM файли зарарланмаган файлдан ўлчами билангина фарқ қилади. Ҳар бир дискли операцион система (DOS) буйруғи киритилганида, вирус зарарланмаган файл борлигини текширади ва бундай файл мавжуд бўлса, уни берилган программа воситасида зарарлайди. Зарарланган файллар сони тўрттага етганда, вирус ўз фаолиятини бошлайди, яъни қаттиқ дискдаги барча маълумотларни ўчириб ташлайди. Ҳозирги пайтда вирусларни уларнинг фаолиятига қараб тўрт асосий турга бўлиш мумкин: "қопқон", "мантиқий бомбалар", "чувалчанглар" ва "троян отлари". "Қопқон" вирусларининг ишлаши программа таъминотидаги турли хатолар ва ноаниқликлардан фойдаланишга асосланган. "Мантиқий бомбалар" вирус программалари бўлиб, улар бир нечта мантиқий шартлар бажарилганида ишга тушиши мумкин. Масалан, маълум вақт ёки сананинг келиши, қандайдир тасодифий ёки олдиндан режалаштирилган ходисанинг компьютерда ёки атроф-муҳитда рўй бериши ва шунга ўхшаганлар бўлиши мумкин. "Мантиқий бомбалар"нинг асосий хавфи шундан иборатки, уларда ўзига хос " инкубация даври" бўлиб, бу даврда асосий программа таъминотининг кўпчилик файлларига зарар етказишга харакат қилинади. "Тармоқ вируслари" - бундай турдаги вируслар умумий тармоққа уланган компьютерларнинг бир-бири билан мулоқот қилиши орқали тарқалиб, ҳозирги информацион жамиятда жуда ҳам хавфли ва каттадан-катта миқёсларда зарар келтириши мумкин. Интернет тармоғи орқали хилма- хил

мамлакатлардаги информацион системаларни зарарлаши, жиноятларга олиб келиши ва бошқарув тизимларининг барбод бўлишига олиб келиши мумкин. Бундай вирусларнинг фаолияти туфайли халқаро можаролар келиб чиқиши, харбий харакатлар бошланиши, халқаро террорчилик харакатлари амалга оширилиши мумкин. "Чувалчанглар" деб аталадиган программалар эса системавий программа ҳисоблаш ресурсларининг ҳозирги пайтда бўш турган қисмларида яшириниб олиб, шу бўш турган дастурларни ёки қурилмалар дастурий таъминотини ўзбошимчалик билан эгаллаб оладилар. Бунда улар диспетчер 52программасини огоҳлантирмай, бу қурилмаларнинг қимматли вақтини бефойда ишлар қилишга сарф қилишга олиб келадилар. Масалан, бир рулон қоғозга умуман кераксиз бўлган маълумотларни чоп қилиш, программаларнинг баъзи бир хил бўлакларни чексиз бажаришга олиб келиш ва хоказолар. "Троян отлари" туридаги вирусларнинг ишини юқорида келтирилган Lehigh вируси мисолида кўриб чиққанимиз ёдингизда бўлса керак. Ҳар қандай турдаги вирус программаси қандайдир йўл билан компьютер хотирасига кириб олгандан сўнг ўзини қандай тутишини кўриб чиқишга харакат қиламиз. Вирус boot секторга, операцион системага ёки бажариладиган программага ўтиб олиши мумкин. Boot сектор - бу дискнинг бошланғич йўлаклари бўлиб, унда исталган программани бажаришдан олдин албатта бажарилиши шарт бўлган программа жойлашган. Бу программа операцион системани ишга тайёрлаш ва компьютердан фойдаланувчига бошқа программа воситалари билан ишлаш имкониятини беради. Boot вируси кўпинча дискнинг биринчи йўлакчасига жойлашиб олиб, ўзининг бу ерга сиғмаган қисмини ҳақиқий boot сектор билан бирга дискнинг бошқа секторига жойлайди ва ушбу қисмни яроқсиз сектор деб белгилаб қўяди. Машинанинг ишлаш жараёнида вирус уни ўзича бошқариб туради. Компьютерга тушиб олган вирус унга киритилган ҳар бир бошқа дискнинг бошланғич секторига ҳам ўз нусхасини ёзиб қўяди. Вируслар операцион системанинг ичидаги программаларга ҳам зарар

етказиши ва турли хил муаммолар келтириб чиқариши мумкин. Вируслар файлларга зарар етказиши, компьютер ишини секинлаштириши ёки экрандаги маълумотларни ўзгартириб юбориши мумкин. Баъзи бир инсонлар вирус яратиш ва уни тарқатишни ўзларига касб қилиб олганлар ва бу орқали тирикчилик ҳам қиладилар. Бундай турдаги мутахассисларни "Хакерлар" деб аталади. Уларни топиш ва қилган ишлари бўйича жавобгарликка тортиш жуда ҳам мушкул масаладир. Ҳозирги пайтда кенг миқёсда тарқалган вируслар амалий программаларга, матн муҳаррирларига, катта ўлчамли жадвалларга, утилитларга ва ўйин программаларига зарар етказиши мумкин. Кўпгина вируслар янги компьютерга ўтишдан олдин ундаги программалар вирус билан зарарланган ёки йўқлигини текшириб кўради ва у илгари зарарланган бўлса, унга қайта зарар етказмайди. Акс холда зарарланган программа хажми катталашиб, вирус ўзини ошкор қилиб қўйиши мумкин. Вирус юққан дискни ишлатиш бу вируснинг тарқалишига олиб келади, шунинг учун ҳам ишлатилаётган дискнинг ва ундаги программаларнинг вирусдан зарарлангани ёки зарарланмаганлигини билиб, сўнгра ишлатган маъкул. 53Вирусдан химояланиш воситалари классификацияси Ушбу воситаларни қуйидаги кўринишда классификациялаш (гурухлаштириш) мумкин: Архивлаштириш - FAT жадвалининг нусхасини олиб қўйиш, ўзгартирилган файлларнинг кундалик архивини юритиш. Булар энг муҳим ва асосий усуллар ҳисобланади. Бошқа усуллар вируслардан ҳимояланишнинг умумий даражасини оширгани билан кундалик архивлаштиришнинг ўрнини боса олмайди. Бошланғич назорат - ишлатилаётган программани детекторлар ёрдамида текшириш, программаларнинг узунлиги ва контрол йиғиндисини унинг махсус сертификатида кўрсатилган узунлик ва контрол йиғиндига мослигини текшириш. Boot вирусларини йўқотиш учун машинани ишга туширишга мўлжалланган дисклардан ташқари бошқа дискларнинг бошланғич секторидаги биринчи учта байтни мунтазам равишда ноллар билан тўлдириш. Профилактика ишларини олиб бориш - маълумот

ёзиш дискетларга маълумот ёзиш мумкин бўлган вақтни иложи борича қисқартириш, яъни олинган программаларни илгари ишлатиб келинаётганлардан алоҳида сақлаш, программаларни винчестерда архивлаштирилган холда сақлаш. Тафтиш қилиш - Янги олинган программаларни махсус воситалар ёрдамида таҳлил қилиш, программаларнинг бутунлигини уларнинг контрол йиғиндисини ҳисоблаб бориш йўли билан текшириш, дискетларнинг бошланғич секторини ундаги ахборотни ишлатишдан олдин текшириш, операцион системанинг файлларини, аввало COMMAND.COM файлини текшириш. Карантин даврини ўрнатиш - Контрол йиғиндиси бўлмаган, янги сотиб олинган ҳар бир программа мутахассислар томонидан компьютер вируслари бор-йўқлиги нуқтаи-назаридан чуқур текширилиши ва маълум вақт мобайнида бу программа устидан назорат ўрнатилишини ташкил қилиш. Сегментлаш - (ADM- Advanced Disk Manager) Программаси ёрдамида дискни "чўкмайдиган бўлим", яъни read only атрибутли зоналарга бўлиш, жуда қимматли маълумотларни асраш учун С ва D дан бошқа, ҳамда PATH буйруғида кўрсатилмайдиган бўлакни ишлатиш. Бажарилувчи программаларни ва маълумотлар базасини алоҳида сақлаш. Фильтрлаш – кўзда тутилмаган ишларни бажаришга бўладиган уринишларни ўз вақтида аниқлашга хизмат қилувчи "қоровул" программаларни қўллаш. Вакцина киритиш - вирусларни чалғитиш мақсадида файллар, дисклар, каталогларга махсус ишлов бериш. Вакцина-программа ишлаши натижасида шундай шароит яратиладики, вирус диск, каталог ва программаларнинг зарарланганми ёки йўқлигини текшираётганида уларни зарарланган деб қабул қилади ҳамда уларга бошқа зарар етказмайди. Программа бутунлигини автоматик равишда назорат қилиш - резидент программа ёрдамида программани ишга туширишдан олдин унинг контрол йиғиндисини ҳисоблаш, программа ишлатилаётган пайтда унга 54ўзгариш киритилганми ёки йўқлигини аниқловчи мухсус алгоритмлардан фойдаланиш. Терапия – Маҳсус антибиотик программалар ёрдамида зарарланган программалардаги вирусларни зарарсизлантириш

ёки программанинг бошланғич холатини ундаги вирусни "қирқиб олиш" йўли билан тиклаш. Ушбу хар бир зарарланган файлларни фаг-программалар ёрдамида тузатиш орқали амалга оширилади. Юқорида кўриб чиқилган ҳимоя воситаларининг қўлланилишини маълум бир химоя технологиясига асосан амалга ошириш мақсадга мувофиқдир. Бундай технология асосида кўп поғонали ҳимоя системаси лойиҳалаштирилгани мақсадга мувофиқдир. Бунда албатта бир неча ҳимоя поғонаси бўлиб, бу поғоналар сони компьютерда ишланаётган маълумотларнинг қанчалик қимматлилигига боғлиқ бўлиши лозим. Бундай кўп поғонали ҳимоя системасининг устунлиги шундан иборатки, агар вирус бир поғонадан ўтиб кетса, бошқа поғонада тутилиши мумкин. Масалан, қуйидаги поғоналардан иборат самарадор ҳимоя системасини таклиф қилиш мумкин: • янги программа воситаларини узлуксиз бошланғич назоратдан ўтказиш; • винчестердаги маълумотларни сегментлаш орқали MS DOS қисмларини ва тез-тез ишлатиладиган системавий программаларни вируслардан ҳимоялаш; • "хафта-ой-йил" тавқими бўйича доимий равишда архивлаштириш ишларини амалга ошириш; • маълумотлар бутунлигини текшириш учун ревизор- программаларни мунтазам ишлатиб туриш. Янги олинган программа ва дискетларни бошланғич назоратдан ўтказишнинг аҳамияти жуда катта. Кўпчилик маълум вирусларни мана шу босқичда аниқлаб олиш мумкин. Бу иш бор-йўғи бир неча минутни талаб этади, лекин ушбу иш ўз вақтида амалга оширилмаса, кейинчалик винчестерни вирусдан тозалаш, барча дискларни назоратдан ўтказиш ва йўқотилган маълумотларни тиклашга бир неча ўнлаб соатларни сарфлашга тўғри келади. Бошланғич назоратни амалга оширишда детекторлар ва фагларнинг махсус тахланган тўпламини ишлатиш мақсадга мувофиқдир. Бундай тўпламнинг қуйидаги таркибини тавсия этиш мумкин: Scan, LD, SOS, Aidtest ва V. Бундаги фагларни детектор режимида ишлатиш зарур. Ушбу тўпламни ( батареяни) одатдаги bat файли ёки антивирус-интегратор туридаги (масалан AVTP) қобиқ ёрдамида ишлатиш мумкин. Вируслар бор-йўқлигини

аниқлаганда ўтказилган тафтишнинг протоколини чоп қилиб, сақлаб қўйган маъқул. Натижаларни таҳлил қилаётганда бирор-бир детекторнинг ёлғон маълумот бериши мумкинлигини ҳам ҳисобга олиш зарур. Бундай назорат ва таҳлил натижасида, бошланғич назорат даврида вирус пассив ҳолатда тургани сабабли, ҳозиргача маълум вируслар томонидан винчестер ва файлларнинг зарарланишига бутунлай (99% холларда) йўл қўйилмайди. Бошланғич назоратдан олдин дискетларга VITAMIN В вакцина туридаги программа билан ишлов бериш тавсия этилади. Бу эса компьютерни boot вируси билан зарарланишдан асрайди. Карантин режимини ташкил қилиш, яъни программа сертификатсиз 55олинган бўлса, ёки у олинган жойда хали ишлатилмаган бўлса, бу программани бир неча кун карантин режимида ишлатган маъқул. Ушбу режимда сунъий равишда тезлаштирилган календарь, яъни хар бир ишлатишдан (тажрибадан) олдин янги ой ва кунни компьютерга киритиб бориш мақсадга мувофиқдир. Бу эса ўз навбатида маълум ойда ёки қандайдир бир вақтдан сўнг фаоллашиши мумкин бўлган " троян оти" туркумига мансуб программа-вирусни аниқлаб олиш эҳтимоллигини анча оширади. Умуман бу турдаги тажрибаларни ўтказишда фойдаланиш учун махсус ажратилган " карантин" компьютери бўлгани маъқул. Масалан, маънавий равишда эскирган, лекин хали ишга яроқли компьютерларни ушбу мақсадда ишлатиш мақсадга мувофиқдир. Бу компьютерда барча программаларнинг охирига маҳсус қатор, масалан "***ОК***" ёки НБ (контрол йиғинди) ёзиб қўйган маъқул. Ушбу ёзувлар кейинчалик программани тахлил қилишни анча осонлаштиради, чунки бунда программа охирига жойлашган вирус билан файл чегараси аниқ кўриниб туради. Албатта бу вирусга қарши воситалар тўплами, ревизор, қоровул, ўз-ўзини назорат қилувчи хўрак программалар ишлатиш заруриятини асло йўқотмайди. Резидент мақомидаги қоровул программаларни гоҳ- гоҳида ишлатган маъкул, чунки вирус бундай восита борлигини сезиб, шунга мос равишда ўзини бошқача тутиши мумкин. Карантин компьютернинг вазифаси вируснинг кўпайишига тўсқинлик қилиш эмас,

балки унинг фаоллашиш шарт-шароитларини аниқлашдан иборатдир. Агар алоҳида карантин компьютерни ажратиб қўйиш имконияти мавжуд бўлмаса, жуда ҳам қимматли ахборотлар ёзилмаган бирор-бир компьютерда " карантин режими" ни ўрнатиш зарур. Карантин режимига кириш учун фойдаланувчи махсус ном ишлатиши ва унинг ишлатилиши учун фақат мантиқий диск ёки винчестердан махсус карантин бўлимигина берилиши зарур. Винчестернинг қолган бўлимлари яширинган ёки READ ONLY мақомида бўлиши керак. Бунда вирусга " хўрак" сифатида ишлатиладиган операцион система компонентлари ва баъзи утилитларнинг мос файлига ревизор программа орқали ҳисобланган контрол йиғиндини ёзиб қўйиш керак. Ревизор программа бўлмаса, бу мақсад учун исталган архиватор, масалан Pkzip ишлатилиши мумкин. Оператив хотирада маълум бир катталикдаги электрон диск ташкил қилиб, унга тез-тез ишлатилиб турадиган утилитларни ёзиб қўйиш ва ушбу утилитларни ишлатишни ҳам тавсия этиш мумкин. Бунда вирус бу " хўрак"лардан бирини " ютиши" ва ушбу программалардан бирини зарарлаши мумкин. Бундай холда ревизор программа контрол йиғиндиларнинг мос тушмаганини аниқлайди ва файлнинг зарарланганлигини билдиради. Бундай тажрибалар учун электрон дискнинг ишлатилишининг афзаллиги шундан иборатки, ундаги ёзувлар ва маълумотлар компьютер ўчирилганида ёки қайта ишга тушганда автоматик тарзда ўчиб кетади. Бу эса ўз навбатида тажриба давомида вирус билан зарарланган программа эхтиётсизлик ёки тасодифий холатлар туфайли дискда қолиб кетмаслигига қўшимча кафолот беради. Ноқонуний тарқатилаётган программа нусхалари ва " ҳимоя қулфи бузилган" программалар кўпинча вирус билан зарарланган бўлиб, маълум даражада хавф туғдиради. Кўпчилик программа воситалари фойдаланувчилар томонидан кенг тарқалиб кетмаслиги учун 56маълум даражада " ҳимоя қулфи" билан таъминланади. Бу программаларни бошқа компьютерларда ишлатишга уринишлар кўпинча ёмон натижалар билан

тугаши ҳам мумкин. Янги компьютер сотиб олинганда ва уни ишга тушириш жараёнида албатта винчестердаги программаларни текшириш керак. Бунга сабаб, сотишдан аввал бу компьютерларда турли хил дастурлар ишлатилган бўлиши мумкин ва улардаги вируслар компьютерда сақланиб қолган бўлиши мумкин. Винчестердаги маълумотларни сегментларга ажратиш. Маълумотларни ҳимоялашнинг иккинчи поғонаси винчестерни маҳсус программа ёрдамида сегментларга ажратишдан иборат бў-либ, мантиқий дискларга (винчестер бўлакларига) READ ONLY атрибутини таъминлашдан, ҳамда парол билан мурожаат қилишнинг оддий схемасидан иборатдир. Бу мақсадда турли хил драйверларни ишлатиш мумкин. Масалан, ADM (Advancer Disk Driver) дискни бир неча бўлакларга бўлишдан ташқари, турли хил вариантларда бу бўлакларга пароллар орқали мурожаат қилиш имконини беради. Бундан ташқари унинг ёрдамида химоя даражаси бошқа драйверларга нисбатан юқорироқ таъминланади. Шу билан бирга бу драйверлар компьютердан руҳсатсиз фойдаланишга тўсиқ воситасини бажара олмайди. Чунки ҳозирги пайтда бир қатор программалар мавжуд бўлиб, улар ёрдамида компьютердан тўлиқ фойдаланувчи мақомини олиш мумкин. Энди маълумотларни сегментларга ажратишнинг асосий принципларини кўриб чиқамиз. "Чўкмайдиган бўлимлар" яъни, READ ONLY аттрибутли бўлакларни жойлаштириш схемаси, винчестерга вирус хужуми бўлганда, унинг бардошлилигини таъминловчи асосий омиллардан биридир. Фақат биргина С бўлаги ҳимояланган винчестер вируснинг ёки троян оти программасининг биринчи хужумидан кейин инқирозга учраши, яъни ишдан чиқиши мумкин. "Чўкмайдиган бўлимлар" сони винчестер хажми ва ечиладиган масалаларга боғлиқ. Бунда С мантиқий дискида иложи борича камроқ файлларни жойлаштириш керак. Винчестернинг қолган қисмини трансляторлар ва системавий утилитлар учун тақсимлаш мақсадга мувофиқдир. Лекин шуни қайд этиш лозимки, винчестерни сегментларга ажратиш дискдан фойдаланиш самарадорлигини бирмунча

камайтиради. Шунинг учун ҳам уни жуда майда бўлакчаларга бўлишга қизиқиб кетиш ҳам мақсадга мувофиқ эмас. Операцион системани ва буйруқ процессорини вирус билан зарарланишдан сақлаш Вируслар билан курашда муҳим воситалардан бири машинани ишга туширувчи файлларни вируслар кира олмайдиган бўлакларда сақлаш ҳисобланади. Бунинг учун сегментларнинг аҳамиятини юқорида кўриб чиқдик. Лекин операцион системани химоялашда сегментлашнинг аҳамияти жуда катта бўлгани учун унга алоҳида тўхталиб ўтамиз. Операцион система ва бир қанча утилитларни тўғри жойлаштирсак, операцион система ишга тушгач, у вирус билан зарарланмаслигини кафолатлаш мумкин. Бунинг учун операцион системани химояланган бўлакка, масалан D бўлакка жойлаштириш зарур. 57Буйруқ процессори файл вируслари учун асосий нишон бўлгани учун, уни "нишон" сифатида қолдириш мумкин, лекин уни системани қайта ишга туширишда ишлатмаслик зарур. Бир қарашда бу мумкин эмасдек туюлади, лекин буйруқ процессорини химояланган бўлакка жойлаштириб, компьютер бошланғич ишга тушгандан сўнг, уни виртуал дискка нусҳалаш йўли билан бунга эришиш мумкин. Бунинг учун COMSPEC ўзгарувчисига мос қийматни ўрнатиш лозим бўлади. Виртуал дискнинг буйруқ процессорини сақлаш учун ишлатилиши уни ўзига хос химоя воситасига айлантиради, унинг зарарланишини осон назорат қилиш ва дискдан уни ўчиришни эса MS DOS ни қайта ишга туширганда автоматик тарзда бажарилишини таъминлашдан ташқари, баъзи программа қобиқларининг ишини тезлаштиради. Бундай холда COMMAND.COM файлини эталон билан даврий равишда солиштириб туриш мақсадга мувофиқдир. Шуни қайд қилиш лозимки, анча оғир холатларда ҳам шикастланган маълумотларни тиклаш (жуда бўлмаганда қисман) мумкин. Лекин бу юқори малакани талаб қилади. Худди шундай шароитларда архивлаштирилган система блокларининг дискларда мавжудлиги тиклаш ишларини енгиллаштиради. Система блокларининг янги архив нусҳалари билан бир қаторда системани яхши билувчи, шикастланиш характери ва кўламини баҳолай

оладиган, система блокларидаги бузилишлар ёки файл системасининг бошқа шикастларини тиклай оладиган программачилар бўлиши ҳам катта аҳамиятга эга.3.5. Локал хисоблаш тармоғини бошқариш учун ишлатиладиган асосий дастурлар. Локал хисоблаш тармоғи нима ва нима учун уни бошқариш зарур бўлади? Нега тармоқларда бошқарувни амалга ошириш алохида дастурларни талаб қилади? Бундай дастурлар қандай вазифаларни бажара олиши керак бўлади? Компьютерларни локал хисоблаш тармоғига бирлаштириш учун уларни кабеллар орқали улаш ва тармоқ адаптерлари платаларини ўрнатиш лозим, чунки шундагина информация тармоқ кабеллари орқали узатилиши мумкин бўлади. Лекин бундан ташқари тармоқда маълумотларни узатишни таъминлаб бериш учун тегишли программалар хам керак бўлиши зарур. Агарда тармоқдаги компьютерлар сони камроқ бўлса, тармоқ программаларидан Lantastic , Personal Netware ёки Windows NT ларни ишлатиш мақсадга мувофиқдир. Кам миқдордаги компьютерлардан ташкил топган тармоқларда биттагина компьютер тармоқни ва у билан боғлиқ бўлган ресурслари бемалол бошқариши мумкин. Бундай компьютерни сервер ёки файл-сервер деб аталади. Тармоқдаги бошқа компьютерлар эса ишчи станциялар деб номланади. Локал тармоқларда энг кўп қўлланиладиган операцион системалар Windows 2000, Windows NT , Nowell , Unix , OS /2 лардир. Кўплаб сонли компьютерлар ва локал тармоқларни бир-бири билан хам улаш мумкин. Бунда тарқалган турдаги хисоблаш тармоқлари ва хисоблаш системалари хосил бўладики, уларни катта миқёсдаги масалаларни ечиш учун ишлатиш мумкин. Бундай системаларга мисол қилиб Интернетни, Евронетни, Фидонетни хамда банклараро хисоб-китобни амалга ошириш учун мўлжалланилган SWIFT хисоблаш системаси тармоғини келтириш мумкин.

Адабиётлар : 1. Каримов И.А. Ислохотларни амалга оширишда катъиятли бўлайлик / Тошкент “Ўзбекистон”: 1996 йил. 2. У.Ю.Юлдашев, Р.Р. Бокиев, Ф.М. Зокирова. Информатика, §офур §улом номидаги нашриёт-матбаа ижодий уйи, Т., 2002 3. Ғ уломов С.С., Шерму xa медов A .Т., Бег a лов Б. A . Иктисодий информ a тик a / Тошкент, “Ўзбекистон”: 1999 й, 528 бет. 4. Аюпов Р.Х., Исмоилов С.И., Аюпов Х.Р.. Хусусий компьютерда ишлаш/ “ Microsoft Word 2000 матн мухаррири”, Т., ТМИ, 2002 йил, 124 бет. 5. Марахимова А.Р., Рахмонкулова С.. Интернет ва ундан фойдаланиш/ ТДТУ, Т.: 2001 йил, 176 бет. 6. www . ziyonet . uz

Похожие

Шахсий компьютерларнинг дастурий таъминоти.Дастурий таъминотнинг таснифланиши.Амалий дастурлар таъминоти

Компьютернинг дастурий таъминоти

Компьютернинг дастурий таъминоти

Хусусий компьютерларнинг программавий таъминоти

Шахсий компьютернинг дастурий таъминоти. Операцион тизимлар ва уларнинг таснифланиши