Умрбод озодликдан махрум килиш жазосини ижро этиш тартиби - Юриспруденция - Рефераты

Умрбод озодликдан махрум килиш жазосини ижро этиш тартиби

Загружено в:

20.09.2019

Скачано:

0

Размер:

48 KB

У мрбод озодликдан маҳрум қилиш жазо с и ни ижро этиш тартиби РЕЖА: 1. У мрбод озодликдан маҳрум қилиш жазосига ҳукм қилинган шахснинг ҳуқуқий ҳолати. 2. У мрбод озодликдан маҳрум қилиш жазосини ижро этиш тартиби ва асоси.

У мрбод озодликдан маҳрум қилиш жазосини ижро этиш асослари, шартлари ва тартиби. Умрбод озодликдан маҳрум қилиш жазосига ҳукм этилган маҳкумларни сақлаш шароитлари. Умрбод озодликдан маҳрум қилиш жазосига ҳукм қилинган шахсларнинг ҳуқуқий ҳолатлари. Умрбод озодликдан маҳрум қилиш жазосига ҳукм этилган маҳкумнинг афв этиш тўғрисида илтимоснома бериши ва бу илтимоснома кўриб чиқилгунга қадар унинг ҳуқуқий ҳолатлари. Умрбод озодликдан маҳрум қилиш жазосини ижро этиш асоси. Умрбод ёки узоқ муддатга озодликдан маҳрум қилиш жазосини ижро этиш тартиби. Ўзбекистон Республикаси Президентининг умрбод озодликдан маҳрум қилиш жазосини бекор қилиш тўғрисидаги фармони. Жиноий жазоларни либераллаштириш муносабати билан ўлим жазосини узоқ муддатга ёки умрбод озодликдан маҳрум қилиш жазоси билан алмаштириш м асала лари. Умрбод ёки узоқ муддатга озодликдан маҳрум қилиш жазоси аёлга, олтмиш ёшдан ошган эркакка ва 18 ёшга тўлмасдан жиноят содир этган шахсга нисбатан тайинланиши мумкин эмас. Умрбод озодликдан маҳрум қилиш жазоси авф этиш тартибида узоқ муддатга озодликдан маҳрум қилиш билан алмаштирилиши мумкин. Умрбод ёки узоқ муддатга озодликдан маҳрум қилиш жазосига ҳукм қилинган шахс қуйидагиларга ҳақли: - қонунда назарда тутилган тартибда зарур фуқаровий-ҳуқуқий ва оила никоҳ муносабатларини расмийлаштиришга; - юридик ёрдам олиш ҳамда муддати ва миқдори чекланмаган ҳолда адвокатлар билан учрашишга; - чекланмаган миқдорда хат олиш ва жўнатишга; - яқин қариндошлари билан ҳар ойда бир марта қисқа муддатли учрашувга; - зарур тиббий ёрдам олишга. Умрбод озодликдан маҳрум қилинган маҳкумлар махсус сақлаш шароитларига эга бўлган махсус тартибли колонияларда сақланадилар. Умрбод озодликдан маҳрум қилинган маҳкумлар камераларга кўпи билан икки кишидан жойлаштириладилар. Маҳкумларнинг илтимосига кўра ёки зарурат тақозо этганда улар бир кишилик камераларда сақланишлари ҳам мумкин. Умрбод озодликдан маҳрум қилинган маҳкумлар жазони қаттиқ, одатдаги ва енгиллаштирилган сақлаш шароитларида ўтайдилар.

Умрбод озодликдан маҳрум қилинган маҳкумлар жазонинг дастлабки ўн йилини қаттиқ сақлаш шароитларида ўтайдилар. Муддатнинг камида ўн йилини ўтаган, белгиланган тартибни бузганлик учун интизомий жазо олмаган умрбод озодликдан маҳрум қилинган маҳкумлар қаттиқ сақлаш шароитларидан одатдаги сақлаш шароитларига ўтказилишлари мумкин. Муддатнинг камида ўн беш йилини ўтаган, белгиланган тартибни бузганлик учун интизомий жазо олмаган умрбод озодликдан маҳрум қилинган маҳкумлар одатдаги сақлаш шароитларидан енгиллаштирилган сақлаш шароитларига ўтказилишлари мумкин. Умрбод озодликдан маҳрум қилинган битта маҳкумга тўғри келадиган яшаш майдонининг нормаси тўрт квадрат метрдан кам бўлиши мумкин эмас. Умрбод озодликдан маҳрум қилиниб, жазони қаттиқ сақлаш шароитларида ўтаётган маҳкумлар ўз шахсий ҳисобварағида мавжуд бўлган маблағлардан белгиланган энг кам иш ҳақи миқдорининг етмиш беш фоизигача бўлган суммага ҳар ойда озиқ-овқат маҳсулотлари ва энг зарур нарсалар сотиб олиш, йил мобайнида бир марта қисқа муддатли учрашув, бир марта телефон орқали сўзлашув, битта посилка ёки йўқлов, битта бандерол олиш ҳуқуқига эга. Умрбод озодликдан маҳрум қилиниб, жазони одатдаги сақлаш шароитларида ўтаётган маҳкумлар ўз шахсий ҳисобварағида мавжуд бўлган маблағлардан қонун ҳужжатларида белгиланган энг кам иш ҳақининг бир бараваригача миқдордаги суммага ҳар ойда озиқ-овқат маҳсулотлари ва энг зарур нарсалар сотиб олиш, йил мобайнида бир марта узоқ муддатли ва бир марта қисқа муддатли учрашув, икки марта телефон орқали сўзлашув, иккита посилка ёки йўқлов, иккита бандерол олиш ҳуқуқига эга. Умрбод озодликдан маҳрум қилиниб, жазони енгиллаштирилган сақлаш шароитларида ўтаётган маҳкумлар ўз шахсий ҳисобварағида мавжуд бўлган маблағлардан белгиланган энг кам иш ҳақининг бир ярим бараваригача миқдордаги суммага ҳар ойда озиқ-овқат маҳсулотлари ва энг зарур нарсалар сотиб олиш, йил мобайнида бир марта узоқ муддатли ва икки марта қисқа муддатли учрашув, уч марта телефон орқали сўзлашув, учта посилка ёки йўқлов, учта бандерол олиш ҳуқуқига эга. Умрбод озодликдан маҳрум қилинган маҳкумлар, сақлаш шароитларидан қатъи назар, ҳар куни бир ярим соатгача сайр қилиш ҳуқуқига эга. Умрбод озодликдан маҳрум қилинган маҳкумларнинг меҳнати одатдаги ва енгиллаштирилган сақлаш шароитларида сақланаётган шахслар учун иш камераларида ташкил этилади. Умрбод озодликдан маҳрум қилинган маҳкумларга нисбатан Жиноят ижроия кодекси 102-моддаси биринчи қисмининг иккинчи – бешинчи хатбошиларида назарда

тутилган рағбатлантириш чоралари қўлланилади. Белгиланган тартибда енгиллаштирилган сақлаш шароитларига ўтказилган маҳкумларга нисбатан рағбатлантириш тартибида қўшимча учрашиш ёки телефон орқали сўзлашиш имконияти ҳам берилиши мумкин. Умрбод озодликдан маҳрум қилинган маҳкумларга нисбатан Жиноят ижроия кодекси 105-моддаси биринчи қисмининг иккинчи, учинчи ва бешинчи хатбошиларида назарда тутилган интизомий жазо чоралари қўлланилади. Умрбод озодликдан маҳрум қилиниб, одатдаги ва енгиллаштирилган сақлаш шароитларида белгиланган тартибни ашаддий бузувчи деб топилган маҳкумлар қуйидаги тартибда: енгиллаштирилган сақлаш шароитларидан одатдаги ёки қаттиқ сақлаш шароитларига; одатдаги сақлаш шароитларидан қаттиқ сақлаш шароитларига ўтказилишлари мумкин. Авф этиш тўғрисида илтимоснома бериш ва уни кўриб чиқиш тартиби қонун ҳужжатларида белгиланади. Авф этиш тўғрисидаги илтимоснома умрбод озодликдан маҳрум қилишга ҳукм этилган шахс томонидан у тайинланган жазо муддатининг йигирма беш йилини ҳақиқатда ўтаб бўлганидан кейин, агар жазони ўташ даврида маҳкум қатъий тузалиш йўлига ўтган, белгиланган тартибни бузганлик учун интизомий жазо олмаган, меҳнат ва ўқишга нисбатан виждонан муносабатда бўлаётган, тарбиявий тадбирлар ўтказишда фаол иштирок этаётган тақдирда эса, тайинланган жазонинг йигирма йилини ҳақиқатда ўтаб бўлганидан кейин берилиши мумкин. Авф этиш тўғрисидаги илтимоснома узоқ муддатли озодликдан маҳрум қилинган шахс томонидан у тайинланган жазо муддатининг йигирма йилини ҳақиқатда ўтаб бўлганидан кейин, агар жазони ўташ даврида маҳкум қатъий тузалиш йўлига ўтган, белгиланган тартибни бузганлик учун интизомий жазо олмаган, меҳнат ва ўқишга нисбатан виждонан муносабатда бўлаётган, тарбиявий тадбирлар ўтказишда фаол иштирок этаётган тақдирда эса, тайинланган жазонинг ўн беш йилини ҳақиқатда ўтаб бўлганидан кейин берилиши мумкин.

АДАБИЁТЛАР 1. Жиноят-ижроия ҳуқуқи. Дарслик. Муаллифлар жамоаси. Масъул муҳаррир-ю.ф.н., доц. Б.Ж.Ахроров. –Т.: Ўқитувчи, 2002. – 208б. 2. Жиноят-ижроия кодексига шарҳлар. Рустамбоев М.Ҳ., Ахраров Б.Ж. ва бошқалар. Маъсул муҳаррир: ю.ф.д., проф. М.Ҳ.Рустамбоев. – Т.: ТДЮИ, 2007. – 574 б. 3. Комментарий к Исправительно-трудовому кодексу Республики Узбекистан. –Т.: Узбекистан, 1997.- 345с. 4. Абдухалиқов М.А., Пайзуллаев Қ., Абдуқодиров Ш.Ё. Жиноят -ижроия ҳуқуқи (альбом схемалар). –Т.: ТДЮИ, 2005. – 142 б. 5. Курс уголовного права Республики Узбекистан Том-1 общая часть учение о преступлении . учебник. М.Х. Рустамбоев . - Т.:ТДЮИ, 2009.- 526 ст. 6. Курс уголовного права Республики Узбекистан Том-2 общая часть учение о наказании . учебник. М.Х. Рустамбоев . - Т.:ТДЮИ, 2009.-394 ст. 7. Курс уголовного права Республики Узбекистан Том-3 особенная часть . учебник. М.Х. Рустамбоев . - Т.:ТДЮИ, 2009.-423 ст. 8. Курс уголовного права Республики Узбекистан Том-4 особенная часть . учебник. М.Х. Рустамбоев . - Т.:ТДЮИ, 2009.-513 ст. 9. Курс уголовного права Республики Узбекистан Том-5 особенная часть . учебник. М.Х. Рустамбоев . - Т.:ТДЮИ, 2009.-401 ст.

Похожие

Узок муддатли ёки умрбод озодликдан махрум килиш жазосини ижро этиш масалалари

Умрбод озодликдан махрум килиш жазосини такомиллаштириш муаммолари

Узоқ муддатли ёки умрбод озодликдан маҳрум қилиш жазосини ижро этиш масалалари

Озодликдан маҳрум қилиш тариқасидаги жазо ижросини ташкил килиш ва ижро этиш

Жарима, муайян хукукдан махрум килиш ва ахлок тузатиш ишлари ва камок тарикасидаги жазоларни ижро этиш