Суд департаментининг ҳудудий бошқармалари суд ҳужжатлари ва бошқа органлар ҳужжатларини ижро этиш

Суд департаментининг ҳудудий бошқармалари суд ҳужжатлари ва бошқа органлар ҳужжатларини ижро этиш

Загружено в:

20.09.2019

Скачано:

0

Размер:

83 KB

Суд департаментининг ҳудудий бошқармалари суд ҳужжатлари ва бошқа органлар ҳужжатларини ижро этиш Режа: 1. Суд департаментининг ҳудудий бошқармалари суд ҳужжатлари ва бошқа органлар ҳужжатларини ижро этиш бўйича ишларини ташкил этади 2. Ижро этиш органлари 3. Ижро этиш асослари

Суд департаментининг ҳудудий бошқармалари суд ҳужжатлари ва бошқа органлар ҳужжатларини ижро этиш бўйича ишларини ташкил этади Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида” ги Қонуни 3 -моддасига мувофиқ суд ҳужжатлари ва бошқа органлар ҳужжатларини мажбурий ижро этиш Ўзбекистон Республикаси Адлия вазирлиги ҳузуридаги Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаменти органларининг суд ижрочилари зиммасига юклатилади. Суд ижрочиларининг ваколатлари қонун ҳужжатлари билан белгиланади. Суд департаменти суд ҳужжатлари ва бошқа органлар ҳужжатларини ижро этиш бўйича махсус ваколатли орган ҳисобланади. Суд департаменти ўз фаолиятини бевосита ва ҳудудий тузилмалари орқали амалга оширади. Суд департаменти ўз фаолиятини судлар, ҳуқуқни муҳофаза қилувчи ва бошқа давлат идоралари ҳамда ташкилотлари билан ҳамкорликда амалга оширади. Қуйидагилар Суд департаментининг асосий вазифалари ҳисобланади: - суд ҳужжатлари ва бошқа органлар ҳужжатларининг сўзсиз ижро этилишини таъминлаш; - судлар фаолиятини моддий-техника жиҳатидан ва молиявий таъминлаш ҳамда уни такомиллаштириш юзасидан таклифлар тайёрлаш; - суд ижрочилари кадрларини танлаш ва жой-жойига қўйиш ҳамда уларнинг малакасини ошириш; - суд ижрочиларининг самарали фаолият кўрсатишини ташкил этиш. Суд департаменти унга юклатилган вазифаларига мувофиқ қуйидаги функцияларни амалга оширади: - суд ҳужжатлари ва бошқа органлар ҳужжатларининг мажбурий ижро этилишини таъминлайди . М ажбурий ижро этиш қонун билан бошқа давлат бошқаруви органларига юклатилган ҳужжатлар бундан мустасно;

- ваколатли органларнинг мол-мулкни, шу жумладан ҳуқуқбузарлик буюмлари ва қуроллари ҳамда ашёвий далилларни давлат даромадига ўтказиш ёки йўқ қилиб ташлашни назарда тутувчи қарорларини қонун ҳужжатларида белгиланган тартибда ижро қилади; - хатланган ва олиб қўйилган мол-мулкларнинг баҳоланиши, сақланиши ва сотилишини ташкил қилади; - суд ижрочилари туман (шаҳар) бўлимларида ижро иши, ҳужжат айлануви ва статистика ишларининг юритилишини ташкил этади, суд ижрочилари ишини ташкил этишнинг самарали усулларини ишлаб чиқади ва татбиқ этади; - суд ҳужжатлари ва бошқа органлар ҳужжатларини ижро этиш соҳасидаги қонун ҳужжатларининг қўлланилиши амалиётини таҳлил қилади ва умумлаштиради ҳамда уни такомиллаштириш бўйича Ўзбекистон Републикаси Адлия вазирлигига таклифлар киритади; - Суд департаменти ва унинг органлари фаолияти натижалари тўғрисида статистик ва таҳлилий маълумотларни шакллантиради ва юритади, ижро ишлари ва ундирилган маблағлар бўйича маълумотлар банкини белгиланган тартибда юритади; - ҳудудий бўлинмалар фаолиятини бошқаради ва назорат қилади; - марказий аппарат, ҳудудий бошқармалар кадрларини, суд ижрочиларини танлаш ва жой-жойига қўйишни амалга оширади, уларни тайёрлаш, қайта тайёрлаш ва малакасини оширишни ташкил қилади; - Ўзбекистон Республикаси Адлия вазири томонидан белгиланган тартибда кадрлар устидан ички назоратни олиб боради. Ўзбекистон Республикаси Адлия Вазирлиги ҳузуридаги Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаменти тўғрисидаги Низомда белгилаб қўйилганига кўра с уд ҳужжатлари ва бошқа органлар ҳужжатларининг мажбурий ижросини амалга ошириш жараёнида

Суд департаментининг мансабдор шахслари қуйидаги ҳуқуқларга эга: - зарур ахборот, тушунтириш ва маълумотномалар олиш; - корхоналар, муассасалар ва ташкилотларда ишлаётган қарздорларга нисбатан суд ҳужжатлари ва бошқа органлар ҳужжатларининг ижро этилишини ва молиявий ҳужжатларнинг юритилишини ижро иши юритувига мувофиқлиги юзасидан текшириш; - ижро ишини юритишда иштирок этаётган жисмоний ва юридик шахсларга муайян ижро ҳаракатларини амалга ошириш масалалари юзасидан топшириқлар бериш; - қарздорлар эгаллаб турган ёки уларга қарашли бўлган бинолар ва омборларга кириш, мазкур бинолар ва омборларни кўздан кечириш, зарурат бўлганда уларни очиш, шунингдек , суд ажрими асосида бундай ҳаракатларни бошқа шахслар эгаллаб турган ёки уларга қарашли бўлган бинолар ва омборларда амалга ошириш; - қонунга мувофиқ мол-мулкни хатлаш, хатланган мол-мулкни олиб қўйиш, сақлашга топшириш ва реализация қилиш; - қарздорнинг банклардаги ва бошқа кредит ташкилотларидаги ҳисобварақларида, омонатларида турган ёки сақлаш учун қўйилган пул маблағлари ҳамда бошқа қимматликларини қонун ҳужжатларига мувофиқ хатлаш; - олиб қўйилган мол-мулкни вақтинча сақлаш учун давлат мулкидаги яшаш учун мўлжалланмаган жойлардан, мулкдорнинг розилиги билан эса, хусусий мулкдаги жойлардан фойдаланиш, бундай мол-мулкни сақлаш мажбуриятини тегишли шахслар зиммасига юклаш, ундирувчининг ёки қарздорнинг транспорт воситасидан мол-мулкни ташиш учун сарф- ҳ аражатларни қарздорнинг ҳисобига киритган ҳолда фойдаланиш; - ижро ҳаракатлари амалга оширилаётганда асос бўлган ижро ҳужжатидаги талабларда ноаниқлик бўлган тақдирда, ижро ҳужжатини берган суд ёки бошқа органдан уни ижро этиш тартибини тушунтириб беришни сўраш;

- қарздорга, унинг мол-мулкига ёки болага нисбатан қидирув эълон қилиш; - қонун ҳужжатларига мувофиқ бошқа ҳаракатларни амалга ошириш. Суд департаментининг марказий аппарати таркибига умумий юрисдикция судлари қарорларини ижро этиш бўлими, хўжалик судлари қарорларини ижро этиш бўлими ҳамда солиқ, божхона ва бошқа органлар қарорларини ижро этиш бўлимларидан ташкил топган Суд қарорларини ижро этиш бошқармаси киради. Бу бошқарманинг фаолияти “Ўзбекистон Республикаси Адлия вазирлиги ҳузуридаги Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаментининг Суд қарорларини ижро этиш бошқармаси тўғрисида”ги Низом ( Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаменти директорининг 2006 йил 29 ноябрдаги 93-х-сон буйруғи билан тасдиқланган ) билан тартибга солинади. Суд департаментининг ҳудудий бошқармалари суд ҳужжатлари ва бошқа органлар ҳужжатларини ижро этиш бўйича ишларини ташкил этади Суд департаменти ҳудудий бошқармаларининг фаолияти “Ўзбекистон Республикаси Адлия вазирлиги ҳузуридаги Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаментининг ҳудудий бошқармалари тўғрисида”ги Низом. ( Ўзбекистон Республикаси Адлия вазирининг 2006 йил 30 ноябрдаги 223-ум-сон буйруғи билан тасдиқланган ) билан тартибга солинади. Суд ижрочиларининг туман (шаҳар) бўлимларига катта суд ижрочилари раҳбарлик қилади. Туман (шаҳар) суд ижрочилари бўлимларининг фаолияти “Суд ижрочилари туман (шаҳар) бўлимлари тўғрисидаги низом” ( Ўзбекистон Республикаси Адлия вазирининг 2006 йил 30 ноябрдаги 223-ум- сон буйруғи билан тасдиқланган ) билан тартибга солинади. Ижро иши юритишни ва суд ижрочиларининг фаолиятини ташкил этиш Ўзбекистон Республикаси Адлия вазири белгилаган тартибда амалга оширилади.

Суд департаментининг директори лавозимига кўра Ўзбекистон Республикасининг Бош суд ижрочиси, ҳудудий бошқармаларнинг бошлиқлари тегишинча Қорақалпоғистон Республикаси, вилоятлар ва Тошкент шаҳрининг бош суд ижрочисидир. Суд департаментининг суд қарорларини ижро этиш бошқармаси бошлиғи ва ҳудудий бошқармаларнинг суд қарорларини ижро этиш бўлимлари бошлиқлари лавозимига кўра тегишинча бош суд ижрочиларининг ўринбосарларидир. Суд департаментининг суд қарорларини ижро этиш бошқармаси ва ҳудудий бошқармаларнинг суд қарорларини ижро этиш бўлимлари ходимлари суд ижрочилари мақомига эга бўлади. Қонунда назарда тутилган ҳолларда, пул маблағларини ундириш тўғрисидаги суд ҳужжатлари ва бошқа органлар ҳужжатларининг талабларини ижро этиш солиқ органлари, банклар ҳамда бошқа кредит ташкилотлари томонидан амалга оширилади. Бундан ташқари, суд ҳужжатлари ва бошқа органлар ҳужжатларининг талаблари қонунда назарда тутилган ҳолларда ўзга жисмоний ёки юридик шахслар томонидан ҳам ижро этилиши мумкин. Аммо, юқорида кўрсатилган органлар ҳамда шахслар мажбурий ижро этиш органлари ҳисобланмайди. Ижро этиш асослари – Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида” ги Қонунида белгиланган тартибда ижро қилинадиган суд ҳужжатлари ва бошқа органлар ҳужжатлари. Ижро асосларига қуйидагилар киради : 1) фуқаролик ишлари ва хўжалик низолари бўйича судларнинг ҳал қилув қарорлари, ажримлари ва қарорлари; 2) жиноят ишлари бўйича судларнинг ҳукмлари, ажримлари ва қарорларининг мулкий ундиришга оид қисми, шунингдек, жарима тариқасидаги жазони назарда тутувчи ҳукмлари, ажримлари ва қарорлари; 3) маъмурий ҳуқуқбузарликлар тўғрисидаги ишлар бўйича суд қарорларининг мулкий ундиришга оид қисми;

4) алиментлар тўлаш тўғрисидаги нотариал тарзда тасдиқланган келишувлар; 5) нотариусларнинг ижро хатлари; 6) меҳнат низолари комиссияларининг қарорлари; 7) маъмурий ҳуқуқбузарликлар тўғрисидаги ишларни кўриб чиқиш ваколатига эга органлар (мансабдор шахслар) чиқарган қарорлар; 8) ҳакамлик судининг қарорлари; 9) Ўзбекистон Республикасининг қонун ҳужжатлари ёки халқаро шартномасида назарда тутилган ҳолларда чет эл судлари ва арбитражларининг қарорлари; 10) ўзбошимчалик билан турар жойни эгаллаб олган ёки авария ҳолатида деб топилган уйларда яшаётган шахсларни маъмурий тартибда кўчириш тўғрисидаги прокурорларнинг қарорлари; 11) суд ижрочиларининг “Суд ҳужжатлари ва бошқа органлар ҳужжатларини ижро этиш тўғрисида” ги Қонунда назарда тутилган ҳолларда чиқарилган қарорлари; 12) қонун ҳужжатларида назарда тутилган ҳолларда бошқа органларнинг ҳужжатлари. Ушбу рўйхат тугалламаган бўлиб, қонунда назарда тутилган холларда ижро асосларига бошқа органларнинг ҳужжатлари ҳам киритилиши мумкин. Ўзбекистон Республикаси адлия вазирининг 2007 йил 5 февралдаги № 1091-1 – сонли буйруғи билан Ижро ишларини юритиш ва суд ижрочилари фаолиятини ташкил этиш тартиби тўғрисидаги низомга ўзгартиш ва кўшимчалар киритилган. Унга кўра ижро асосларига жиноят ишлари бўйича судлар қарорларининг жиноят предметлари ва қуроллари, шунингдек далилий ашёларга тегишли қисми, судларнинг маъмурий ҳуқуқбузарликлар ҳақидаги ишлар бўйича қарорларининг ҳуқуқбузарлик предметлари ва қуроллари, шунингдек далилий ашёга тегишли қисмлари киритилган. Мазкур ҳолатда тегишли ваколатли органлар томонидан олинган ва уларда

сақланаётган жиноят, ҳуқуқбузарлик предметлари ва қуроллари, шунингдек далилий ашелар назарда тутилган. Ижро ҳужжатлари — ижро иши юритишни бошлаш учун тақдим этилиши зарур бўлган, ўзида ижро асоси мазмунини акс эттирган ҳужжат. Икки хил ижро ҳужжатлари мавжуд. Биринчиси, мустақил ҳужжат бўлиб ижро асоси бўлган ҳужжат мазмунини ўзида акс эттиради ва мустақил ҳуқуқий аҳамиятга эга бўлади. Иккинчи хил ижро ҳужжатлари ижро асосларини ўзида акс эттирувчи ҳужжатнинг ўзи бўлиб, у бир вақтнинг ўзида ижро ҳужжати ҳисобланади. “Суд ҳужжатлари ва бошқа органлар ҳужжатларини ижро этиш тўғрисида” ги Қонунига мувофиқ қуйидагилар мустақил ижро ҳужжатлари бўлиб, ҳисобланади: 1) судлар ўзлари қабул қиладиган суд ҳужжатлари асосида берадиган ижро варақалари; 2) ҳакамлик судининг қарорларини мажбурий ижро этиш юзасидан судлар берадиган ижро варақалари; 3) чет эл судлари ва арбитражлари қарорлари асосида Ўзбекистон Республикаси судлари берадиган ижро варақалари. Қонунда назарда тутилган ҳолларда ижро асоси бир пайтнинг ўзида, ижро ҳужжати ҳам ҳисобланади. Улар бўйича мустақил ижро ҳужжати ёзиш талаб этилмайди. Уларга қуйидагилар киради: 1) суд буйруқлари; 2) алиментлар тўлаш тўғрисидаги нотариал тарзда тасдиқланган келишувлар; 3) нотариусларнинг ижро хатлари; 4) меҳнат низолари комиссиялари ўз қарорлари асосида берадиган гувоҳномалар; 5) маъмурий ҳуқуқбузарликлар тўғрисидаги ишларни кўриб чиқиш ваколатига эга органлар (мансабдор шахслар) чиқарган қарорлар;

6) ўзбошимчалик билан турар жойни эгаллаб олган ёки авария ҳолатида деб топилган уйларда яшаётган шахсларни маъмурий тартибда кўчириш тўғрисидаги прокурорларнинг қарорлари; 7) суд ижрочиларининг қарорлари; 8) қонун ҳужжатларида назарда тутилган ҳолларда бошқа органларнинг ҳужжатлари. Ижро ҳужжатининг асл нусхаси йўқолган тақдирда, қонун ҳужжатларида назарда тутилган тартибда бериладиган унинг дубликати ундирув учун асос бўлади. Қонун ижро ҳужжатларининг мазмунига бир қатор талаблар қўяди. Ижро ҳужжатида қуйидагилар кўрсатилиши лозим: 1) ижро ҳужжатини берган суд ёки бошқа органнинг номи; 2) ижро ҳужжатининг қайси иш бўйича берилганлиги ва унинг тартиб рақами; 3) ижро этилиши шарт бўлган суд ҳужжати ёки бошқа орган ҳужжати қабул қилинган сана; 4) ундирувчи ва қарздорнинг номи, уларнинг манзиллари; жисмоний шахслар учун - қарздорнинг туғилган санаси ва жойи, иш жойи; 5) суд ҳужжати ёки бошқа орган ҳужжатининг қарор қисми; 6) суд ҳужжати ёки бошқа орган ҳужжати кучга кирган сана; 7) ижро ҳужжати берилган сана ва уни ижрога топшириш муддати. Суд ҳужжати асосида берилган ижро ҳужжати судья томонидан имзоланади ва суднинг гербли муҳри билан тасдиқланади. Бошқа органнинг ҳужжати асосида берилган ижро ҳужжати мазкур ҳужжатни қабул қилган органнинг ваколатли мансабдор шахси томонидан имзоланади ва тегишли органнинг муҳри билан тасдиқланади. Ижро ҳужжатларига кўйиладиган талаблар процессуал қонун ҳужжатларининг тегишли қоидаларига асосланган бўлиб, ижро ҳаракатларининг ўз вақтида амалга оширилишини таъминлаш заруриятидан келиб чиқади . Ижро ҳужжатларида қарздорларнинг яшаш жойи, фамилияси,

исми-шарифи, тугилган санаси ва жойи, уларнинг иш жойи аниқ курсатилмаслиги амалиётда суд ижрочиларининг қарздорни топиш бўйича ишини жуда мураккаблаштиради. Бу ўз навбатида қонуннинг ижро ҳужжатларини ижро этиш муддатлари ҳақидаги талабларининг бузилишига олиб келади. Қонунда ижро ҳужжатида албатта баён этилиши лозим бўлган асосий ҳолатларнинг барчаси келтирилмаган. Улар ўртасида суд ҳужжати ёки бошқа орган ҳужжатининг қарор қисми асосий ўринни эгаллайди. Суд қарорининг қарор қисми суднинг иш юзасидан қисқа ва узил-кесил хулосасини акс эттириши ҳамда даъво талабларини тўлиқ ёки қисман қондириш, даъвони тўлиқ ёки қисман рад қилиш каби масалаларга жавоб бериши керак. Суднинг ҳал қилув қарори одил судлов ҳужжати бўлиб, у ишни мазмунан ҳал этади ва унинг қарор қисми баён қисмида аниқланган фактик ҳолатлардан келиб чиқувчи тугалланган хулосаларни ўзида акс эттириши лозим. Суд ҳал қилув қарорининг қарор қисмида тарафларнинг фамилияси, исми, шарифи, юридик шахснинг номи, у уставда қандай қайд қилинган бўлса шундай, тўлиқ келтирилиши лозим. Арз қилинган талабларга жавобнинг мазмуни эса бу талабларнинг моҳиятига боғлиқдир. Қарорнинг қарор қисми тарафларда унинг мазмуни юзасидан шубҳа уйғонмаслиги учун императив шаклда қисқа ва аниқ баён этилиши керак. Бу талаблар шу билан боғлиқки суд қарорининг қарор қисми ижро варақасига тўлиқ кўчирилади. Суд ҳаражатларининг кимдан ва қанча миқдорда ундирилиши масаласини қарорнинг қарор қисмида баён этиш жуда муҳим. Бир неча жавобгарларга нисбатан даъво қўзғатилганда суд ҳаражатлари жавобгарларнинг ҳар биридан қанчадан ундирилиши аниқ кўрсатилиши керак. Турли суд ҳужжатлари ва бошқа органлар ҳужжатлари асосида берилган ижро ҳужжатларининг мазмуни айрим ўзига хос хусусиятларга эга.

Агар ижро варақаси хўжалик суди ҳал қилув қарори асосида берилган бўлса, Хўжалик процессуал кодексининг 212 - моддасига мувофиқ ижро варақасида қуйидагилар кўрсатилиши керак: 1) ижро варақасини берган хўжалик судининг номи; 2) ижро варақаси берилган иш ва унинг тартиб рақами; 3) ижро этилиши лозим бўлган суд ҳужжати қабул қилинган сана; 4) ундирувчининг ва қарздорнинг номи, уларнинг манзиллари; 5) суд ҳужжатининг хулоса қисми; 6) суд ҳужжати қонуний кучга кирган сана; 7) ижро варақаси берилган сана ва унинг амал қилиш муддати. Агар хўжалик суди томонидан ижро варақаси берилгунча суд ҳужжатини ижро этишни кечиктириш ёки бўлиб-бўлиб ижро этишга рухсат берилган бўлса, унда ижро варақасининг муддати қачондан ўта бошлаши кўрсатилади. Ижро варақасини судья имзолайди ва у хўжалик судининг гербли муҳри билан тасдиқланади. Суд буйруғи мазмунига қўйиладиган талаблар Фуқаролик процессуал кодекс ининг 238-8 - моддасида баён этилган . Бу модда нормалари талабига кўра с уд буйруғида қуйидагилар кўрсатили ши керак : 1) иш юритиш тартиб рақами ва буйруқ чиқарилган сана; 2) суднинг номи, буйруқ чиқарган судьянинг фамилияси ҳамда исми ва отаси исмининг бош ҳарфлари; 3) ундирувчининг номи (фамилияси, исми ва отасининг исми), яшаш жойи ёки жойлашган ери; 4) қарздорнинг номи (фамилияси, исми ва отасининг исми), яшаш жойи ёки жойлашган ери; 5) талабни қондириш учун асос бўлган қонун;

6) ундирилиши лозим бўлган пул суммасининг миқдори ёки талаб қилиб олиниши лозим бўлган кўчар мол-мулкнинг қиймати ҳам кўрсатилган ҳолдаги белгиси; 7) агар қонунда ёки шартномада неустойка ундириш назарда тутилган бўлса, неустойка миқдори; 8) қарздордан ундирилиши лозим бўлган давлат божининг суммаси; 9) арз қилинган талабга қарши қарздор томонидан эътироз билдириш муддати ва тартиби. Вояга етмаган болалар учун алиментлар ундириш тўғрисидаги суд буйруғида келтирилган рўйхатнинг 1-5 ва 8-бандларида назарда тутилган маълумотлардан ташқари қуйидагилар кўрсатилади: қарздорнинг туғилган санаси ва жойи, таъминоти учун алимент ундирилиши лозим бўлган ҳар бир боланинг исми ва туғилган санаси, қарздордан ҳар ойда ундириладиган тўловлар миқдори ва уларни ундириш муддати. Суд буйруғи иккита нусхада тайёрланиб, судья томонидан имзоланади. Суд буйруғининг бир нусхаси иш материалларида қолдирилади, иккинчиси эса суднинг муҳри билан тасдиқланиб ундирувчига топширилади. Алимент тўлаш тўғрисидаги келишувнинг мазмуни Оила кодексининг 130-134 моддаларида баён этилган. Алимент тўлаш тўғрисидаги келишув (алимент миқдори, шартлари ва тўлаш тартиби) алимент тўлаши шарт бўлган шахс билан алимент олувчи ўртасида тузилади. Агар алимент олувчи муомалага лаёқатсиз бўлса, келишув унинг қонуний вакили билан тузилади.Алимент тўлаш тўғрисидаги келишув ёзма шаклда тузилиб, нотариал тартибда тасдиқланиши лозим. Нотариал тартибда тасдиқланган алимент тўлаш тўғрисидаги келишув ижро варақаси кучига эга бўлади. Нотариал тартибда тасдиқланган алимент тўлаш тўғрисидаги келишув ва суд буйруғининг мазмуни Фуқаролик процессуал, Хўжалик процессуал ва Оила кодекслари нормалари билан белгиланади. Бу ҳужжатлар уларни қабул қилган ёки тасдиқлаган шахслар томонидан имзонланади ва муҳр билан тасдиқланади.

Фойдаланилган адабиётлар: 1. Абдумаджидов Г.А., Саркисянц Г.П. Правосудие и уголовный процесс Франции., -Т., 1992. 2. Апарова Т.В. Суды и судебный процесс Великобритании. Англия, Уэлься, Шотландия. М.: 1996. 3. Апарова Т.В. Статус судей в Великобритании. /Журнал Российского права. 1999. №7-8. 4. Басков В.И. Прокурор назорати (дарслик, рус тилида) М., ”Бек” нашриёти, 1998. 5. Безнасюк А.С., Рустамов Х.У. Судебная власть: Учебник для вузов. -М.: ЮНИТИ-ДАНА, Закон и право, 2002. 6.Давлетов А. Дж. Прокурор назорати (дарслик, рус тилида). Нукус. Билим.1999.

Похожие

Суд департаменти органлари томонидан суриштирув олиб боришнинг ўзига хос хусусиятлари

Суд қарорларининг ижро этилиши

Суд қарорларининг ижро этилиши

Ўзбекистон Республикаси Адлия вазирлиги ҳузуридаги суд департаментининг ҳуқуқни муҳофаза қилиш фаолиятини ташкил этиш

Ижро иши юритиш устидан назорат бўйича ишларни ташкил этиш