Siyosiy huquqiy ta`limotlar tarixining predmeti va metodi - Юриспруденция - Рефераты

Siyosiy huquqiy ta`limotlar tarixining predmeti va metodi

Загружено в:

20.09.2019

Скачано:

0

Размер:

64 KB

Siyosiy huquqiy ta`limotlar tarixining predmeti va metodi R e j a: 1. Siyosiy va huquqiy ta`limotlar tarixining predmeti 2. Siyosiy va huquqiy ta`limotlar tarixining o`rganish metodologiyasi 3. Siyosiy va huquqiy ta`limotlar tarixining ahamiyati 4. Mavzu yuzasidan tayanch so`z va iboralar

Siyos i y va huquqiy ta`limotlar tarixining predmeti. Mustaqil O`zbekiston yangi davlat barpo etayotgan bugungi kunda insoniyatning siyosiy va huquqiy tajribasiga va bu tajribani o`zida ifoda etgan siyosiy va huquqiy ta`limotlar tarixiga murojat qilish zaruriy extiyojga aylanmoqda. Jamiyatimiz ma`naviyati barcha xalqlar tomonidan yaratilgan siyosiy madaniyat yutuqlarini o`z ichiga oladi va o`zida mujassamlantiradi. O`tmish avlodlarning davlat va huquq adolatli ijtimoiy tuzum haqidagi fikrlari va ularni qanday yo`nalishda rivojlanganligini bilish, ayniqsa yoshlar uchun, nixoyatda muhimdir. Siyosiy va huquqiy ta`limotlar tarixining vazifasi avloddan-avlodga o`tib kelayotgan siyosiy va huquqiy bilim sohasidagi tajribani o`rganish, umumlashtirishdan iboratdir. Bu bebaxo boylikdan foydalanmasdan turib, yangi milliy davlat qurish vazifalarini amalga oshirish mushkuldir. Siyosiy va huquqiy ta`limotlar davlat va huquqning paydo bo`lishi natijasida vujudga keldi. Siyosiy ta`limotlar keng ma`noda jamiyatdagi sinflar, tabaka va toifalar, millatlar va ellatlar, shuningdek davlatlar o`rtasidagi munosabatlarni ifoda etuvchi g`oyalar, qarashlar va vazifalarni o`z ichiga oladi. Bu qarashlarning o`zagini hokimiyat masalasi, davlat tuzish va boshqarish uslublari masalalari tashkil qiladi. Jamiyatning rivojlanishi natijasida siyosiy va huquqiy bilimlar ham rivojlanadi, boyib bordi. Shunga muvofiq siyosiy va huquqiy ta`limotlar tarixining predmeti ham rivojlanib, o`zgarib bordi. Siyosat, davlat, xuquq muammolari falsafa, politologiya, sotsiologiya, huquqshunoslik va boshqa gumanitar fanlar tomonidan ham o`rganiladi. Ular o`rtasida vorislik aloqalari mavjud. Biroq har bir fanning bu muammolarga yondoshishi o`zgachadir. Agar siyosiy va huquqiy ta`limotlar davlat va xuquqning paydo bo`lishi bilan shakllana boshlagan bo`lsa, siyosatshunoslik fani siyosatning iqtisodiy, ijtimoiy va ma`naviy faoliyatdan mustaqil ijtimoiy faoliyat smfatida ajralib chiqishi natijasida shakllandi. Bu esa tarixning yangi va eng yangi davriga

to`g`ri keladi. Bundan tashqari siyosatshunoslik fanining predmeti siyosiy ta`limotlar emas, balki real siyosiy jarayonlarning o`zidir. Siyosiy va huquqiy ta`limotlar tarixi davlat va huquq haqidagi nazariy bilimlarning paydo bo`lishi va rivojlanish tarixini o`rganuvchi ham tarixiy, xam nazariy ixtisoslikka mansub fandir. Uning doirasida davlat, huquq, siyosat va qonun chiqarish haqidagi nazariy bilimlarning paydo bo`lishi va rivojlanishi tadqiq qilinadi va yoritiladi. Bu fanda siyosiy va huquqiy hodisalarni ifodalovchi nazariy g`oyalar, qonun-qoida va ta`limotlar tarixi o`z aksini topgan. Jamiyatda nazariy ta`limotlardan tashqari siyosiy va huquqiy voqelikni o`zida aks etuvchi turli tasavvurlar, his-tuyg`ular, e`tiqodlar, kayfiyatlar, fikrlar ham mavjud. Bular xalq og`zaki ijodida, badiiy asarlarda, jamoat va siyosiy arboblarning siyosiy va huquqiy xodisalar haqida aytgan fikr va mulohazalarida ifodalangan. Ular maxsus nazariya darajada bo`lmasada, jamiyatdagi turli ijtimoiy- siyosiy xarakatlarning manfaatlarini, siyosiy dasturlarini aniklash va yoritish imkonini beradi. Siyosiy ta`limotlar tarixi bularni ham o`z ichiga oladi va o`rganadi. Mehnatkash xalq ommasining manfaatlarini, orzu umidlarini, ijtimoiy taraqqiyot extiyojlarini ifoda etuvchi g`oyalar alohida ahamiyat kasb etadi. Siyosiy va huquqiy ta`limotlar tarixida ijtmmoiy taraqqiyot extiyojlarini o`zida ifoda etuvchi umuminsoniy umumbashariy fikrlar, orzular aloxida diqqatga sazovordir. «Bu inson huquqlariga rioya etish, tadbirkorlik erkinligi; so`z erkinligi, matbuot erkinligi va xokazolardir». Siyosiy va huquqiy ta`limotlar tarixi faniga xos xususiyatlardan yana biri shundan iboratki, unda siyosiy va huquqiy ta`lmmotlar birgalikda o`rganiladi, chunki siyosiy va huquqiy xodisalar bir-biri bilan uzviy bog`liqdir. Shunga mos holda siyosiy va huquqiy hodisalarni ifodalovchi nazariy tushunchalarni ham bir- biridan ajratgan xolda o`rganish mumkin emas. Siyosiy va huquqiy ta`limotlar tarixi davlat va huquq masalalarini keng doirada, asosan davlat va huquqning mohiyati, jamiyatda tutgan o`rni va rolini ifodalovchi ta`limotlar va g`oyalarni tadqiq qiladi. Asosan huquq nazariyasiga

mansub bu muammolardan tashqari huquqning alohida tarmoqlari doirasida yoritiladigan jinoyat va jazo, ayb va ma`suliyat shakllari, huquq sub`ektlari, sudning tashkil qilinishi, roli va vakolatlari, ma`muriy faoliyatning yo`nalishlari kabi masalalarini ifoda etuvchi fikr va qarashlar ham siyosiy va huquqiy ta`limotlar tarixi doirasiga kiradi. Ular davlat va jamiyatning siyosiy holatining anglashga, tasavvur etishga yordam beradi va muhim ahamiyat kasb etadi. Siyosiy va huquqiy ta`limotlarning shakllanishi va rivojlanishiga falsafa namoyondalarining qo`shgan katta xissasini alohida ta`kidlash lozim. Falsafiy fikr va tarixining bir qator mashxur namoyondalari ayni zamonda siyosiy va huquqiy ta`limotlar tarixining buyuk namoyondalari hamdirlar. Ularning huquq falsafasiga asos solganligini alohida ko`rsatish kerak. Masalan, Aflotun, Arastu, Konfutsiy, Farobiy, Kant, Gegel’ va boshqalar. Falsafaning siyosiy va huqukiy ta`limotlarga ta`siri yana shunda ham ko`rinadiki, ijtimoiy siyosiy va huquqiy ta`limotlar namoyondalarining ko`pchiligi o`zlari faylasuf bo`lmasalar-da o`z davrining falsafiy g`oyalariga va metodologik tamoyillariga tayanganlar. Siyosiy va huquqiy fikrning rivojlanishida falsafaning ta`sirini xisobga olgan holda uning o`ziga xos nazariy xususiyatlari borligini tushunish zarur. Bu siyosiy va xuquqiy xodisalarnmng jamiyatda tutgan o`rni va roli, o`ziga xos rivojlanish qonunlari bilan belgilanadi. Masalan, Aflotun, Arastu, Farobiy, Kant, Gegel’ va boshqa faylasuflarning davlat va huquq haqidagi falsafiy ta`limotlari siyosiy va huquqiy ta`limotlar tarixida maxsus tushunchalar, o`ziga xos bilish vositalari yordamida muayyan vazifa va maqsad nuqtai nazaridan yoritiladi. Bu erda o`rganilayotgan ta`limotlarning huquqiy siyosiy mohiyati, o`ziga xos xususiyatlarini ochib berishga urgu beriladi. Siyosiy va huquqiy ta`limotlar tarixi davlat va huquq nazariyasi, davlat va huquq tarixi va boshqa huquqshunoslik fanlaridan ham farqlanadi. Bu fanlar siyosiy-huquqiy muassasalar va institutlarning o`zini o`rgansa, siyosiy ta`limotlar tarixi ularning nazariy bilimda, ta`limotlarda ifodalanishini o`rganadi. Shuni

alohida ta`kidlash lozimki, davlat va huquq tarixini bilmasdan turib uni ifodalovchi siyosiy va huqukiy ta`limotlar mazmunini ham bilish mumkin emas. Huquqshunoslik ixtisosligidagi bir-biri bilan uzviy boglangan tarixiy va nazariy fanlar orasida siyosiy va huquqiy ta`limotlar tarixi o`zining genossologik darajasi va mavqei bilan ajralib turadi, ularning barchasini o`zaro bog`langanligini ifodalaydi. U hozirgi zamon davlat va huquq muammolarini o`rganish va tadqiq qilishning muxim nazariy shartlardan biri sifatida xizmat qiladi. Siyosiy va huquqiy ta`limotlar tarixi ijtimoiy-siyosiy tuzum, hokimiyat, davlat va huquq haqidagi g`oyalar va ta`limotlarning paydo bo`lishi va rivojlanish qonuniyatlari haqidagi fandir. Siyosiy va huquqiy ta`limotlar tarixining o`rganish metodologiyasi Jamiyat taraqqiyoti o`ziga xos rivojlanish qonunlariga ega. Bu qonunlarni ochish va unga amal qilish yo`llarini ko`rsatib berish fanning vazifasidir. Ijtimoiy-siyosiy fikr tarixida jamiyat taraqqiyoti to`g`risida turli xil ta`limotlar vujudga keldi, rivojlandi va inqirozga uchradi, o`rniga yangi ta`limotlar paydo bo`ldi. Buning sababi bu ta`limotlarning haqiqatga moslik darajasining nisbiyligidadir. Ilm-fan taraqqiyoti, ijtimoiy tajriba u yoki bu ta`limot doirasidan chiqish, davr talabiga javob beradigan yangi, kengroq tushunchalar tizimiga o`tish zarurligini taqozo qila boshlaydi. Mana shu davrlarda yangi qarashlar bilan zskicha qarashlar o`rtasida munozaralar keskinlashadi. «Tarix sabog`i shundaki, uning aynan keskin burilishlarida, ijtimoiy formatsiyalar almashilayotganda ijtimoiy muammolar va ziddiyatlar g`oyat keskinlashadi, milliy xafsizlikka, fuqarolar tinchligi va barqarorlikka taxdid soluvchi omilga aylanadi. » Siyosiy ta`limotlarni taxlil qilish usuli o`zaro munozarada bo`lgan siyosiy va huquqiy maktablarning biri tomoniga o`tib olmasdan ularga nisbatan ob`ektiv, xolisona yondashishni talab qiladi. Sovet tuzumi davri siyosiy va huqukiy ta`limotlar tarixining barcha muammolariga partiyaviylik, tor sinfiylik mezonlari asosida yondashildi. Bu xol

siyosiy va huquqiy ta`limotlar tarixining ko`p muammolarini bir yoqlama baxolashga olib keldi, ob`ektiv va xolisona o`rganishga imkon bermadi. Kommunistik mafkura mezonlariga mos kelmaydigan ko`plab ta`limotlar butunlay o`rganilmadi. Sharq siyosiy ta`limotlari, islom siyosiy va huquqiy madaniyatini xolisona o`rganish imkoniyatlari cheklab qo`yildi. Tadqiqotchi, qanday sohada bo`lishidan qat`iy nazar, predmetga qanday yondashish kerak degan muammoga albatta duch keladi. Siyosiy va huquqiy ta`limotlar tarixini o`rganish va unga yondashishning nazariy va amaliy masalalarini chuqurlashtirish, ob`ektiv ilmiy xaqiqatni aniqlashga mos keladigan tadqiqotlar yo`llarini ishlab chiqish metodologiyaning muhim muammolaridandir. Tadqiqotning natijasigina emas, unga olib boruvchi yo`l ham nazariy asoslangan, haqqoniy bo`lmog`i kerak. Bugungi kunda ijtimoiy xodisalarga, tarixga yangicha, tsivilizatsion yondashish qo`llanilmoqda. Bu yondashish davlat, huquq va shu kabi ijtimoiy xodisalarning paydo bo`lishi va rivojlanishi sabablarini o`rganishda ma`naviy, madaniy omillariga ko`proq ahamiyat berishni talab qiladi. Ingliz olimi A. Toynbining fikriga ko`ra, tsivilizatsiyaning ichki mohiyati, ruxiyatining madaniy omillar tashkil qiladi. T s ivilizatsion kontseptsiya davlatni tsivilizatsiyaning o`zgarmas belgisidir, deb biladi. TSivilizatsiyaning rivojlanish darajasi qanday bo`lishidan qat`iy nazar davlat huquq tartibotini ta`minlash va ijtimoiy munosabatlarni tartibga solib turish uchun doim kerak. Davlat tarixda jamiyatning manfaatdor qatlamlarining siyosatini amalga oshirish, sinfiy antogonizmlarni bostirish vazifalarini ham bajargan bo`lsada, asosan u jamiyatning iqtisodiy va ma`naviy rivojining ta`minlovchi qudratli vositadir. U turli sinflar, tabaqalar, millatlar o`rtasida tinchlik va totuvlikni ta`minlovchi kuch, tashkilotdir. TSivilizatsion yondashuv konkret shaxs huquqlarini birinchi o`ringa ko`yadi. Konkret shaxs huquklarining ustuvorligi g`oyasi bu yondashuvning o`ziga maftun qiladigan tomonidir. Formatsion kontseptsiyaga binoan davlat sinflar paydo bo`lishi bilan birga paydo bo`ladi. Iqtisodiy jihatdan hukmron bo`lgan sinf o`zining siyosiy

hokimiyatini amalga oshirish uchun davlatdan foydalanadi. Sinflar va davlat abadiy emas. Insoniyat o`zining rivojlanish tarixida ibtidoiy tuzumdan boshlab qulchilik, feodal, kapitalistik formatsiyalarni bosib o`tadi, undan kommunistik jamiyatga kirib boradi. Kommunistik jamiyatda sinflar va davlat bo`lmaydi. Bu g`oyani hayotda amalga oshirish ko`p salbiy oqibatlarga olib keldi. Birinchidan, jamiyat tarikqiyotining barcha bosqichlarida iqtisodning ko`p qatlamliligi inkor qilinadi, oqibatda bir-biriga qarama-karshi asosiy sinflargina taxlil doirasiga kiradi, axolining katta qismi hisobga olinmay qoladi. Ikkinchidan, iqtisodiy bazis ustkurmaga nisbatan belgilovchi asosiy omil deb hisoblanib, unga urg`u berish, uni absolyutlashtirish inson ruhiyatining, ijodiy faolligini mensimaslikka, shaxsning umuminsoniy ideallar bilan uyg`unlashgan qadriyatlarini inkor qilishga olib keladi. Insonga betakror shaxs sifatida emas, sinfning vakili sifatida, xukuq esa xukumron sinfning qonun darajasiga ko`tarilgan irodasidir deb qaraladi. Bu ta`limotni hayotga tadbiq etish inson huquqlarini cheklashga, axolining katta qismini manfaatlarini hisobga olmaslikka olib keldi. Uchinchidan, formatsion yondashuv sinflar, tabaqalar o`rtasida ziddiyatni kuchaytiradi, ularni bir-biriga qarama-qarshi qo`yadi. Davlatni bir sinfning ustidan ikkinchisining hukumronligini ta`minlovchi kuch deya noto`g`ri xulosalar kiladi. Hozirgi zamon ilmiy adabiyotida formatsion yondashuv asta-sekin o`z o`rnini tsivilizatsion yondashuvga bo`shatib bermoqda, chunki bu yondashuv xuquqiy davlat va xuquk vazifalariga mosdir, ularni ilmiy tahlil qilish imkoniyatini beradi. Siyosiy va xuquqiy ta`limotlar tarixini o`rganishda ijtimoiy iqtisodiy shart- sharoitlarni ham, ma`naviy, madaniy omillarni xam hisobga olish zarur. eng muhimi bu omillarning bir-biriga qarama-qarshi qilib qo`ymaslikdan iborat. Ular bir-birini to`ldirib, boyitib turishi kerak. Jamiyat o`ziga xos taraqqiyot qonunlariga bo`ysungan holda rivojlansada, xar bir xalq o`zining tarixiy tajribasi, o`ziga xos madaniyati va an`analari orqali umumiy rivojlanish qonuniyatlarini boyitadi. Siyosiy va huquqiy ta`limotlar tarixining o`rganish uslubi har bir mamlakatning madaniyati, dini va an`analari bilan bog`liq o`ziga xos xususiyatlarni nazarda tutish zarurligini taqozo qiladi.

Siyosiy va huquqiy ta`limotlarning jamiyatda tutgan o`rni va ahamiyati qanday maqsadga xizmat qilishi va qanday manfaatlarni ifodalashi bilan belgilanadi. Agar siyosiy va huquqiy ta`limotlar o`z umrining o`tab bo`lgan ijtimoiy-siyosiy tuzumni himoya qilishga qaratilgan bo`lsa, bu ta`limotlar ijtimoiy taraqqiyotga g`ov bo`lib qoladi va oqibatda inqirozga uchraydi. Jamiyat taraqqiyotining zxtiyojlari zaminida paydo bo`lgan yangi ilg`or goya va qarashlar, jamiyat taraqqiyotiga, yangi ijtimoiy iqtisodiy tuzumning paydo bo`lishiga va mustahkamlanishiga ko`maklashadi. Siyosiy va huquqiy ta`limotlar tarixini o`rganishda tarixiy yondashish tamoyili alohida o`rin egallaydi. Tarixiy yondashish ta`moyili o`rganilayotgan ta`limotlarning paydo bo`lishi va rivojlanishi yo`nalishini mumkin qadar har tomonlama tahlil qilishni, uni baholashda voqea va hodisalarni tanqidiy o`rganish bilan cheklanib qolmasdan, o`sha davr kishilarining ruhiyatini, an`analarini, ular borliqni qanday idrok qilishlarini o`rganishni talab qiladi. U o`tmishdagi ta`limotlarga baho berishda sub`ektizmga yo`l qo`ymaslik, tarixiy xodisalarga xolisona, ob`ektiv munosabatda bo`lishga ko`maklashadi. Tarixiy yondashish tamoyili siyosiy va huqukiy ta`limotlarning muayyan tarixiy sharoit bilan va shu davrning siyosiy va huquqiy bilimlar tizimi bilan, o`tmish va hozirgi zamon siyosiy tajribasi bilan bog`liq ekanligini kuzatish imkonini beradi. Siyosiy va huquqiy ta`limotlar o`ziga xos rivojlanish qonuniyatlarga egadir. O`tmishda yaratilgan ta`limotlar faqat o`tmishgagina taa`lluqli emas. Ularning vujudga kelishi uchun asos bo`lgan tarixiy vaziyatni o`zgarishi yoki tugab ketishi bilan ular ham yo`q bo`lmb ketmaydi. Albatta, bu ta`limotlarning o`sha davr tarixiy sharoiti bilan bevosita bog`liq tamonlari o`zgaradi yoki hayotini tugatadi. Biroq, o`sha davr mutaffakirlarining davlat va huquq haqida bayon qilgan ko`pgina nazariy g`oyalari o`z davrini oshib o`tadi, siyosiy va huquqiy bilimning rivojlanish zanjiriga muhim bo`g`in bo`lib kiradi, o`zining nazariy ahamiyatini keyingi davrlarda ham yo`qotmaydi. Masalan, Aflotun, Arastu, TSitseron, Rim xuquqshunoslari, Forobiy, Burxoniddin Al-Marg`inoniy, Alisher Navoiy va boshqa ko`p mutafakkirlarning ta`lmmotlarini vujudga keltirgan tarixiy vaziyat allaqachon

yo`q bo`lib ketgan, lekin ularning g`oyalari hozirgacha o`zining ilmiy ahamiyatini yo`qotgani yo`q. Bu erda O`zbekiston Prezidenti I.A.Karimovning Forobiyning mashhur «Fozil odamlar shahri» asari haqida aytgan fikrini keltirish o`rinlidir. «Bundan ming yilcha muqaddam yaratilganligiga qaramasdan, bugungi o`quvchi ham bu asardan hozirgi hayotning murakkab muammolarini hal qilishda asqotadigan muhim fikr va yo`l-yo`riqlarni topa oladi.»Kadimgi Rim siyosiy va huquqiy ta`limotlar namoyondalaridan biri TSitseron miloddan oldingi I asrda mahalliy o`z-o`zini boshqarish va davlat boshqaruvini markazlashtirish ta`moyillari, shaxsiy hokimiyat va uning chegarasi, axloq va davlat manfaatlari kabi muammolarini qo`ydiki, Evropa bu muammolarni hal qilish uchun ko`p asrlar bosh qotirdi. Huquqshunoslik ilmining rivojiga ulkan hissa qo`shgan buyuk alloma Burxoniddin Al-Marg`inoniy o`zining «Hidoya» asarini XIII asrda yaratgan bo`lsada, bu asar XIX asrgacha butun musulmon dunyosida asosiy huquq manbai bo`lib xizmat qildi va hozirgacha o`zining ilmiy axamiyatni yo`qotgani yo`q. Siyosiy va huquqiy ta`limotlarning bilish jarayonida yangi tushunchalar, g`oyalar vujudga keladi, bu esa nazariy bilimni boyitadi va chuqurlashtiradi. Mana shunday jamg`arish natijasida siyosiy va huquqiy ta`limotlar tarixining barcha davrlarida ham dolzarb bo`lgan komil inson, ahloq va siyosat, fuqaro va davlat, erkinlik va zarurat, hokimiyat va zo`rlik, adolat va huquq aloqadorligi kabi "abadiy" muammolar shakllanadi. Turli davr mutafakkirlari bu muammolarni hal qilishga harakat qildilar va bu ishga o`z xissalarini qo`shdilar. Siyosiy va huquqiy ta`limotlar tarixidagi vorislik, uning nazariy mazmunini boyishi shu yo`nalishda boradi. Bu jarayon voqealarni tasvirlash bilan bir qatorda nazariy taxlil qilish orqali yoritiladi. Siyosiy va huquqiy ta`limotlar tarixini o`rganishda xronologik va muammoviy yondoshish uslubi ham qo`llaniladi. Xronologik uslub mutafakkirning hayoti va ijodi faoliyati, yaratgan ta`limotining mohiyati, siyosiy va huquqiy fikrning qanday oqim va yo`nalishlariga mansubligini yoritishni talab qiladi. Bu uslub ta`limotning shakllanish jarayonini, uning o`z davri bilan bog`langanligi, qanday manfaatlarni

ifodalanganligini, jamiyatda tutgan o`rni va o`ynagan rolini tarixan konkret va to`laroq yoritish imkoniyatini beradi. Muammoviy uslub ta`limotning nazariy mazmuni zaminida qanday falsafiy ta`moyillar yotganligini, ta`limot muallifi uchun qanday g`oyalar etakchi bo`lganligini ifodalaydi. Bu uslub ta`limotning siyosiy va huquqiy bilimlar tizimida tutgan o`rni va ahamiyati, undagi vorislik va yangilik kabi nazariy muammolarni aniqlash va tahlil qilishni talab qiladi. Buning sababi shundaki har bir tarixiy davr, mamlakat o`ziga xos xususiyatlarga ega bo`lishi bilan birga umumiylik, takrorlanish belgilariga ham egadir. Mana shu umumiylikni aniqlash zarurati muammoviy uslubni talab qiladi. Xronologik, muammoviy uslublar bir-biri bilan uzviy bog`liq. Buni hisobga olish turli ta`limotlardagi umumiylik va alohidalik, takrorlanmas va takrorlanuvchi hodisalarni chuqurroq anglash, aniqroq ajratish imkoniyatini beradi. Siyosiy va huquqiy ta`limotlar tarixini yoritishda qiyosiy tarixiy tadqiq qilish uslubi ham ishlatiladi. Bu uslub ta`limotlarga xos umumiy va xususiy belgilarni chuqurroq anglash imkoniyatini beradi. Masalan, ma`rifatparvarlik yo`nalishiga xos ta`limotlarning bir-biriga taqqoslab tahlil qilsak, ularning barichasi ilm-fan, inson erkinligining ulug`laganligini, qoloqlik,cheklanmagan mustabid hokimiyatning qattiq tanqid ostiga olganligini ko`ramiz. Bu yo`nalishdagi mutafakkirlar turli mamlakatlarda, turli davrlarda yashagan va ijod qilgan. Bu xol ularning ta`limotlariga xos xususiyatlarni belgilaydi. Ta`limotga baxo berishda mutafakkirning dunyoqarashiga, uning o`z zamoni, ijtimoiy-siyosiy tuzumiga bo`lgan munosabati, g`oyaviy siyosiy hayrixoxligi kabi sub`ektiv hususiyatlarga ham ahamiyat berish zarur. Hozirgi kunda oldimizda turgan dolzarb muammolardan biri O`zbekiston siyosiy va huquqiy ta`limotlar tarixini yaratishdir. Bu masuliyatli vazifani amalga oshirishda O`zbekiston Respublikasi Prezidenti I.A.Karimovning asarlari muhim metodologik asos bo`lib xizmat kiladi. Bu asarlarda o`z aksini topgan nazariy g`oyalar sun`iy ravishda inkor qilingan ta`limotlarni o`rganish va fan doirasiga kiritish imkonini beradi. Xalqimiz o`zining buyuk allomalariga nazar solmoqda,

ularning ibratli ishlaridan saboq olishga intilmoqda. «Mustaqilligimizni dastlabki kunlaridanoq ajdodlarimiz tomonidan ko`p asrlar mobaynida yaratib kelingan g`oyat ulkan, bebaxo ma`naviy va madaniy merosni tiklash davlat siyosati darajasiga ko`tarilgan g`oyat muhim vazifa bulib qoldi». Ajdodlarimizning davlatchilik g`oyalarini o`rganish, ijtimoiy-siyosiy fikrga xos xususiyatlarini bilish zaruriyati tobora oshib bormoqda. O`tmish mutafakkirlarini adolatli jamiyat va davlat qurilishi va boshqarish ta`moyillari haqidagi ta`limotlari bizni hayajonlantirgan savollarga javob topishda, ibratli ishlardan saboq olishga ko`maklashadi. Ularning barchasi odamlar o`rtasidagi munosabatlarni yaxshilashga va takomillashtirishga qaratilgan ijtimoiy idealni izlash, adolat va tenglik printsiplariga asoslangan jamiyatni qurish g`oyalarini targ`ib qildilar. O`zbekiston ijtimoiy-siyosiy fikriga xos xususiyatlardan biri shundan iboratki, uning namoyondalari davlat, xokimiyat, adolat masalalarini islom siyosiy madaniyatga tayangan holda xal qilishga harakat qildilar. «Vatanimiz azaldan bashariyat tafakkuri xazinasiga unitilmas hissa qo`shib kelgan. Asrlar mobaynida xalqimizning yuksak madaniyat, adolatparvarlik, ma`rifatparvarlik kabi ezgu fazilatlari Sharq falsafasi va islom dini ta`limoti bilan uzviy ravishda rivojlandi. Va o`z navbatida bu falsafiy ahloqiy ta`limotlar ham xalqimiz daxosidan bahra olib boyib bordi. Bizning kelajagi buyuk davlatimiz ana shu falsafaga uyg`un holda Xo`ja Axmad Yassaviy, Xo`ja Bahovuddin Naqshbandiy, Imom Buxoriy, Imom Termiziy, Amir Temur, Mirzo Ulug`bek, Alisher Navoiy, Bobur Mirzo singari mutafakkir ajdodlarimizning dono fikrlariga uyg`un qolda shakllanishi lozim». Ma`lumki islomda davlat va huquk masalalari muhim o`rin olgan. Unda hokimiyat jamiyat uchun zarur va muqaddas qadriyat sifatida ifodalanadi. Al- Gazzoliyning aytishicha Ollox-taolo payg`ambarlarning odamlarga to`g`ri yo`l ko`rsatish uchun tanlagan bo`lsa, hukmdorlarni odamlar o`rtasidagi nizolarni bartaraf qilish uchun tanlagan. Hokimiyat barqarorlikni ta`minlash uchun berilgan, degan bu fikr keyingi davlardagi ta`limotlarda ham o`z aksini topgan. Islomda o`z aksini topgan muhim

qadriyatlardan biri adolatdir. Musulmon dunyosida mashhur XI asr huquqshunosi Al-Movardining aytishicha, davlat dinsiz saqlanishi mumkin, lekin adolatsiz yashayolmaydi. O`rta Osiyo xalqlarining ilg`or mutafakkirlarining siyosiy qarashlarida odil hukumdor g`oyasi markaziy o`rin egallaydi. Ular davlat tepasida turgan xukmdor adolatli, xulq-atvori pok, fuqarolarga rahm-shavqatli, g`amxo`r bo`lsa davlat qudratli, jamiyat faravon bo`ladi deb tushundilar. Shundan kelib chiqqan holda ular insonni ma`naviy kamolotga erishishga chaqirdilar va shu orqali adolatsizlik, xulqiy buzukliklarni bartaraf qilish mumkin deb hisobladilar. O`zbekistonning ijtimoiy va siyosiy fikriga xos xususiyatlardan yana biri shundaki, unda axloq masalalari etakchi o`rin egallaydi. Uning namoyondalari ezgulik, yaxshilikni bilishga intildilar, axloqiy qonun va tamoyillarga amal qilish insonning oliy ma`naviy burchi deb bildilar. Forobiy, Imom Motrudiy, Imom Al-Samarqandiy, Burxoniddin Marg`inoniy o`z qarashlarini maxsus falsafiy va huquqiy asarlarda ifodalagan bo`lsalar, yassaviy, Alisher Navoiy, Mashrab, Furqat, Muqimiy va boshqalar badiiy ijodda namoyon qildilar. Badiiy asarlarning barchasini badiiy shakl berilgan falsafiy yoki siyosiy asar deb hisoblab, shoir va yozuvchilarning barchasini falsafiy va ijtimoiy siyosiy fikr tarixiga kiritish yaramaydi, albatta. Shu bilan birga ijtimoiy va siyosiy fikr tarixiga ilmiy yondashish «sof faylasuf» yoki «sof huquqshunos» bo`lmagan mutafakkirlar ijodida ifodalangan ijtimoiy-siyosiy g`oyalarning rivojining kuzatishni talab qiladi. Badiiy merosning tahlil qilish ijodkorning ijtimoiy-siyosiy va huquqiy muammolarga bo`lgan munosabatini tiklash imkonini beradi. O`zbekiston ijtimoiy- siyosiy fikr tarixiga kiritilgan buyuk shoir, yozuvchilar o`z asarlarida zamondosh jamiyatning ijtimoiy-siyosiy holatini tasvirlash bilan birga, jamiyatdagi adolatsizlik, zo`ravonlik, insoniy munosabatlarda uchraydigan soxtalik sabablarini aniqlash va ularni bartaraf qilish yo`llarini topishga urindilar. Ular haqikat va adolatga asoslangan insoniy munosabatlarning o`rnatish uchun nima qilish zarur degan savolga javob izladilar.

O`zbekitson siyosiy va huquqiy fikrda ma`naviyat va ma`rifatga katta e`tibor beriladi. Davlatning boshqaruvchi xukumdorning o`zi ham, uning atrofidagi mansabdorlar ham bilimli, adolatparvar kishilar bo`lishi zarur degan fikr izchillik bilan uqtiriladi. Siyosiy va huquqi y ta`limotlar tarixining axamiyati Siyosiy va huquqiy ta`limotlar tarixining o`rganishni n ima ahamiyati bor, undagi ta`lmmotlarning ko`pchiligi o`z umrini o`tab bo`ldiku? - degan savol tug`ilishi mumkin. B i rinch i dan shuni ta`kidlash kerakki, davlat va hukuq xa kidagi hozirgi fanlar tarix i y rivojlanishning m ax su l idir. Ularning paydo bo`lish tarix i ni bilmasdan turib chuqur tasavvur qilish mumkin emas. Fanda ifodalangan haqiqat osmondan tayyor tushmaydi. Unga erishish uchun qancha izlanish, kuch-quvvat, fidokorlik, xatto kurbonlik beriladi. Buyuk mutafakkirlarning ilm-fandagi kashfiyotlarigagina emas, ularning bunga erishish yo`lida qilgan xato va kamchiliklari ham biz uchun saboqdir. Bugungi kunning yaxshi va to`g`ri tasavvur qilish uchun ijtimoiy taraqqiyotning oldingi bosqichlarining bilish zarurligini taqozo qiladi. Shuning uchun ham o`tmishga murojaat kilamiz. Undan saboq olish bilan birga bugungi ayrim muammolarning echimini topish mmkoniyatiga ham ega bo`lamiz. "Tarixiy xotirasiz kelajak yo`q", degan edi I A.Karimov. O`zlikning anglash tarixni bilishdan boshlanadi. Tarix xotirasi insonni istiqbolga da`vat etadi, milliy istiqlol mafkurasini shakllantirishda muhim omil bo`lib xizmat qiladi. Davlat va huquq hakidagi ta`limotlar tarixining o`rganish turli nazariyalarning paydo bo`lishining nazariy shart-sharoitlarini anglatadi, yangi g`oyalar uchun ijobiy ilxom bag`ishlaydi. O`tmishdoshlarimiz yaratgan buyuk kashfiyotlarning kuzatish, xuquqshunoslik ilmining ruxini xis qilish, uning yangi qirralarni ochish imkonini beradi, bizni birtomonlama yuzaki qarashlardai ehtiyot qiladi, mustaqil fikr yuritish va ro`y berayotgan xodisalarni baxolay olmsh qobiliyatini shakllantiradi.

Tabiiyki bunda Markaziy Osiyo xalqlarining buyuk arboblarining siyosiy va huquqiy qarashlari munosib o`rin olgan. Bu xalqimizning haqqoniy tarixini tiklash va milliy o`zlmgini anglash, milliy iftixorni shakllantirish va o`stirish ishiga xissa bo`lib xizmat qiladi. "Shuni esda tutish muhimki, o`tmishimizni "oqlash" vazifalari umuman olganda bajarib bo`lindi; hozir esa asosiy vazifa tarixiy tahlilni ilmiy jihatdan xolisona va xalol amalga oshirishdan iboratdir".1 Siyosiy-xuquqiy ta`limotlar tarixining ahamiyati yana shundaki, u bo`lajak huquqshunoslarni umumjaxon miqyosidagi ta`limotlarning paydo bo`lish va rivojlanish qonuniyatlari bilan tanishtirish bilan birga, ularda bu ta`limotlarning mohiyatini anglab olish malakasini shakllantiradi.

F o y d a l a n i l g a n a d a b i y o t l a r : 1. Karimov I.A. «O`zbekiston XXI asrga intilmoqda». «O`zbekiston», Toshkent. 2000 y. 2. Karimov I.A. «O`zbekiston XXI asr bo`sag`asida: xavfsizlikka taxdid, barqarorlik shartlari va taraqqiyot kafolotlari». «O`zbekiston», Toshkent 1997 y. 3. Karimov I.A. «O`zbekiston – bozor munosabatlariga o`tishning o`ziga xos yo`li». «O`zbekiston», Toshkent 1995 y. 4. Karimov I.A. «O`zbekiston iqtisodiy islohotlarni chuqurlashtirish yo`lida». «O`zbekiston», Toshkent 2000 y. 5. Karimov I.A. «O`zbekiston Konstitutsiyasining 9-yilligiga bag`ishlangan tantanali marosidagi nutqi». «O`zbekiston ovozi», 2001 y, 8.XII. 6. www.akadmvd.uz

Похожие

“Siyosiy va huquqiy ta`limotlar tarixi” fanining predmeti, metodi va ahamiyati

Qadimgi Rimda siyosiy-huquqiy ta`limotlar

Qadimgi sharqda siyosiy va huquqiy ta`limotlar

Qadimgi Yunonistonda siyosiy va huquqiy ta`limotlar

XX ( 20 ) asrdagi siyosiy- huquqiy ta`limotlar