Радиоактив материалларни қонунга хилоф равишда эгаллаш - Юриспруденция - Рефераты

Радиоактив материалларни қонунга хилоф равишда эгаллаш

Загружено в:

20.09.2019

Скачано:

0

Размер:

74.5 KB

Радиоактив материалларни қонунга хилоф равишда эгаллаш Режа: 1. Радиоактив материаллардан фойдаланиш қоидаларини бузиш 2. Радиоактив материаллардан қонунга хилоф равишда фойдаланиш 3. Ядро қурилмаларидан фойдаланиш қоидаларини бузиш

Радиоактив материалларни қонунга хилоф равишда эгаллаш (ЖК 252-моддаси) Жиноятнинг бевосита объекти радиоактив материал ларнинг муомаласини белгиловчи ижтимоий муносабатлар ҳисобланади. Бевосита қўшимча объект – ўзгалар мулки фуқароларнинг ҳаёти ва соғлиғи дахлсизлигини таъмин ловчи ижтимоий муносабатлар. Радиоактив материаллар , яъни ион нурлари чиқарувчи (радиация манбалари) чиқиндилар, шунингдек, иссиқлик чиқарувчи ядровий реакторларининг қурилмалари, радиоак тив манбалар, ядро материал лари, радиоактив моддалар, ра диоактив чиқиндилар жиноятнинг предмети ҳисобланади. Объектив томондан ЖК 252-моддасида назарда тутилган жиноят радиоактив материалларни қонунга хилоф равишда эгаллашдан ибо ратдир. Субъектив томондан жиноят қасддан содир этилади. Жиноятнинг содир этилиш мотиви ва ундан кўзланган мақсад қилмишни квалификация қилишда аҳамиятга эга эмас. Жиноятнинг субъекти 14 ёшга тўлган, ақли расо жисмоний шахс бўлиши мумкин. ЖК 252-моддаси 2-қисмида радиоактив материалларни: а) такроран ёки хавфли рецидивист томонидан; б) бир гуруҳ шахслар томонидан олдиндан тил бирик тириб; в) мансаб мавқеидан фойдаланган ҳолда эгаллаганлик учун жавобгарлик назарда тутилган. ЖК 252-моддаси 3-қисмида радиоактив материаллар: а) уюшган гуруҳ томонидан ёки унинг манфаатларини кўзлаб; б) ўта хавфли рецидивист томонидан содир этилиши учун жавобгарлик белгиланган.

Радиоактив материаллардан фойдаланиш қоидаларини бузиш (ЖК 253-моддаси) Жиноятнинг бевосита объекти радиоактив материаллар билан муомалада бўлиш тартибини белгиловчи жамоат хавфсизлиги ҳисобланади. Бевосита қўшимча объекти ўзгалар мулки, фуқаролар нинг ҳаёти ва соғлиғининг дахлсизлигини таъминловчи ижтимоий муносабатлардир. Жиноятнинг предмети радиоактив материаллар ҳисоб ланади. Объектив томондан жиноят радиоактив материалларни сақлаш, ҳисобга олиш, фойдаланиш, ташиш, жўнатиш ва улар билан муомалада бўлишнинг бошқа қоидаларини бузиш натижасида баданга ўртача оғир ёки оғир шикаст етказилишидан иборатдир. Субъектив томондан ушбу нормада назарда тутилган жиноят айбнинг мураккаб шакли билан тавсифланади. Жиноятнинг субъекти 16 ёшга тўлган, ақли расо жис моний шахс бўлиши мумкин, шунингдек, радиоактив мате риаллар билан муомалада бўлиш бўйича муайян мажбурият лар зиммасига юклатилган мансабдор ёки бошқа шахслар ҳам бўлиши мумкин. ЖК 253-моддаси 2-қисмида радиоактив моддалар билан муомалада бўлиш қоидаларининг бузилиши: а) одам ўлимига; б) бошқа оғир оқибатларга олиб келганлиги учун жавобгарлик назарда тутилган. Радиоактив материаллардан қонунга хилоф равишда фойдаланиш (ЖК 254-моддаси) Жиноятнинг бевосита асосий объекти радиоактив ма териаллар билан муомалада бўлиш тартибини белгиловчи жамоат хавфсизлиги ҳисобланади. Бевосита қўшимча объекти экологик хавфсизлик, фуқароларнинг ҳаёти ва соғлиғи, ўзгалар мулкининг дахлсизлигини таъминловчи ижтимоий муносабатлардир.

Радиоактив материаллар – ион нурлари тарқатувчи манбалар, турли физикавий ҳолатда, ҳар қандай қурилма ёки буюм кўриниши даги радиоактив моддалар ёки ядро материаллар жиноятнинг предмети ҳисобланади. Объектив томондан жиноят радиоактив материаллар билан қонунга хилоф равишда муомалада бўлиш, яъни радиоактив материаллар (қурилмада ёки буюм таркибида ҳар қандай физик ҳолатда ёинки бошқа кўринишда турган ион нурлари тарқатувчи манбалар)га, радио актив модда ёки ядро материалларига қонунга хилоф равишда эга бўлиш, уларни сақлаш, улардан фойдаланиш, уларни бировга ўтказиш, уларни бузиш натижасида баданга ўртача оғир ёки оғир шикаст етказилишида ифодаланади. Жиноят субъектив томондан мураккаб айбли бўлиб, радиоактив материаллардан фойдаланиш, уларни сақлаш қоидаларини бузишга нисбатан қасддан, рўй берган оқибатларга нисбатан эса эҳтиётсизлик шаклида бўлади. Жиноятнинг содир этилиш мотиви ва ундан кўз ланган мақ сад қилмишни квалификация қилишда аҳамият касб этмайди. Жиноятнинг субъекти 16 ёшга тўлган, ақли расо жисмоний шахс бўлиши мумкин. ЖК 254-моддаси 2-қисмида радиоактив моддалар билан қонунга хилоф равишда муомалада бўлиш: 1) одам ўлишига; 2) бошқа оғир оқибатларга олиб келганлиги учун жавобгарлик назарда тутилган. Ядро қурилмаларидан фойдаланиш қоидаларини бузиш (ЖК 255- моддаси) Жиноятнинг бевосита асосий объекти ядро энергия сидан фойдаланиш билан боғлиқ объектларни эксплуатация қилиш хавф сизлиги қоидаларига риоя қилинишини тартибга солувчи ва таъмин ловчи ижтимоий муносабатлар ҳисобла нади. Бевосита қўшимча объекти экологик хавфсизлик, фуқароларнинг ҳаёти ва соғлиғи, ўзга лар мулкининг дахлсизлигини таъминловчи ижтимоий муносабат лардир.

Жиноятнинг предмети ядро энергиясидан фойдаланиш билан боғлиқ объектлар ҳисобланади. Улар жумласига ядро қурилмалари, радиация манбалари, шунингдек, ядро материаллари ва радиоактив моддаларни сақлаш пунктлари, радиоактив чиқиндиларнинг омборлари киради. Объектив томондан ЖК 255-моддасида назарда тутилган жиноят ядро энергияси билан боғлиқ объектлардан фойдаланиш қоидалари нинг бузилиши натижасида баданга ўртача оғир ёки оғир шикаст еткази лишида ифодаланади. Субъектив томондан ушбу нормада назарда тутилган жиноят айбнинг мураккаб шакли билан тавсифланади. Жиноятнинг содир этилиш мотив ва мақсадлари қил мишни квалификация қилишда аҳамиятга эга эмас. Жиноятнинг субъекти ядро энергиясидан фойдаланиш, объект ларни эксплуатация қилиш вақтида хавфсизлик қоидаларига риоя қилиш масъулияти юклатилган 16 ёшга тўлган, ақли расо жисмоний шахс бўлиши мумкин. Буларга хавфсизлик қоидаларига риоя қилишга масъул бўлган мансабдор шахслар, хизматчи ходимлар ва бошқалар киради. ЖК 255-моддаси 2-қисмида ядро қурилмаларидан фойдаланиш қоидаларини бузганлик: а) одам ўлишига; б) бошқа оғир оқибатларга сабаб бўлган ҳолатлар учун жавобгарлик назарда тутилган. Бактериологик, кимёвий ва бошқа хил ялпи қирғин қуроллари турларини ишлаб чиқиш, ишлаб чиқариш, тўплаш, олиш, бировга ўтказиш, сақлаш, қонунга хилоф равишда эгаллаш ва улар билан бошқа ҳаракатларни содир этиш (ЖК 255 1 -моддаси) Жиноятнинг бевосита асосий объекти жамоат хавф сизлиги ва инсоният хавфсизлигини таъминловчи ижтимоий муносабатлар ҳисоб ланади. Бевосита қўшимча объекти экологик хавфсизлик ва фуқаро ларнинг ҳаёти ва соғлиғи дахлсизлигини таъминловчи ижтимоий муно сабатлардир.

Ўзбекистон Республикасида ратификация қилинган халқаро шартномаларда тақиқланган, бактериологик (биоло гик), кимёвий ва бошқа хил ялпи қирғин қуроллари жиноятнинг предмети ҳисобланади. Объектив томондан ЖК 255 1 -моддасида жавобгарлик белгиланган жиноят бактериологик, кимёвий ва бошқа хил ялпи қирғин қуроллари ишлаб чиқиш, ишлаб чиқариш, тўплаш, олиш, бировга ўтказиш, сақлаш, қонунга хилоф равишда эгаллаш ва улар билан бошқа ҳара катларни содир этишдан иборатдир. Субъектив томондан ЖК 255 1 -моддаси 1-қисмида назарда тутилган қилмиш тўғри қасд билан содир этилади. Уни квалификация қилишда жиноятнинг содир этилиш мотиви ва ундан кўзланган мақсад аҳа миятга эга эмас. 16 ёшга тўлган ҳар қандай ақли расо шахс жиноятнинг субъекти бўлиши мумкин. ЖК 255 1 -моддаси 2-қисмида : а) одам ўлишига; б) бошқа оғир оқибатларга сабаб бўлган оғирлаштирувчи ҳолатлар учун жавобгарлик назарда тутилган. Тадқиқот фаолиятини амалга оширишда хавфсизлик қоидаларини бузиш (ЖК 256-моддаси) Ушбу жиноятнинг бевосита асосий объекти хавфсизлик талаб ларига жавоб берадиган шароитларда тадқиқот фаолиятини амалга ошириш ҳуқуқини таъминловчи ижти моий муносабатлардир. Жиноят нинг бевосита қўшимча объекти одамларнинг ҳаёти ва соғлиғини таъминловчи ижтимоий муносабатлар ҳисобланади. ЖК 256-моддаси 1-қисмида назарда тутилган жиноят нинг объектив томони илмий тадқиқот ёки синов тажриба фаолиятини амалга ошириш вақтида хавфсизлик қоидала рини бузиш натижасида баданга ўртача оғир ёки оғир шикаст етказилишида ифодаланади. Субъектив томондан жиноят қасддан ёки илмий тадқиқот ёхуд синов тажриба фаолиятини амалга ошириш вақтида хавфсизлик қоидаларини

бузишга нисбатан эҳтиёт сизлик орқасида ҳамда юзага келган оқибатларга нисбатан ўз-ўзига ишониш ёки бепарволик шаклидаги эҳтиётсизлик орқасида содир этилади. Жиноятнинг мотиви ва ундан кўзланган мақсад қил мишнинг квалификациясига таъсир қилмайди. Жиноятнинг субъекти махсус субъект бўлиб, зиммасига илмий- тадқиқот ёки экспериментал фаолият олиб боришда хавфсизлик қоидаларига риоя қилиш мажбурияти юкла тилган 16 ёшга тўлган, ақли расо шахс бўлиши мумкин. Бундай мажбуриятлар хизмат вако лати ёки махсус фармойиш асосида вужудга келади. ЖК 256-моддаси 2-қисми билан квалификация қилиш учун илмий тадқиқот олиб борилаётган вақтда хавфсизлик қоидаларининг бузилиши: а) хавфсизлик қоидаларига риоя қилиниши учун масъул шахс томонидан содир этилган; б) кўп миқдорда зарар етказилишига сабаб бўлган бўлиши керак. ЖК 256-моддаси 3-қисмида илмий тадқиқот фаолияти ни амалга ошириш вақтида хавфсизлик қоидаларининг бузилиши: а) одам ўлишига; б) бошқа оғир оқибатларга сабаб бўлганлиги жавобгар ликнинг оғирлаштирувчи ҳолати сифатида кўрсатилган ва уларни содир этганлик учун жазо белгиланган. Меҳнатни муҳофаза қилиш қоидаларини бузиш (ЖК 257-моддаси) Ушбу жиноятнинг бевосита асосий объекти мулкчилик шаклидан қатъи назар, корхоналар, муассасалар, ташки лотларда ишлаётган шахсларнинг меҳнат шароитларини тартибга солувчи ижтимоий муносабатлар ҳисобланади. Бевосита қўшимча объекти одамларнинг ҳаёти ва соғлиғини таъминловчи ижтимоий муносабатлардир. Объектив томондан ЖК 257-моддаси 1-қисмида назарда тутилган қилмиш ўртача оғир ёки оғир тан жаро ҳати етказилишига сабаб бўлган

техника хавфсизлиги, саноат санитарияси, меҳнатни муҳофаза қилувчи бошқа қоидаларнинг бузилишидан иборатдир. Субъектив томондан жиноят қасддан ёки меҳнатни муҳофаза қилиш қоидаларини бузишга нисбатан эҳтиётсиз лик билан ҳамда юзага келган оқибатларга нисбатан ўз-ўзига ишониш ёки бепарволик шаклидаги эҳтиётсизлик билан содир этилади. Жиноятнинг содир этилиш мотиви ва ундан кўзланган мақсад жиноятнинг квалификациясига таъсир этмайди. Жиноятнинг субъекти 16 ёшга тўлган, ЖК 257-моддаси 1-қисми диспозициясида назарда тутилган техника хавфсизлиги, саноат санита рияси ёки меҳнатни муҳофаза қилиш қоидаларига риоя этиш зимма сига юклатилган ёхуд махсус фармойиш билан маълум иш участкасида меҳнат муҳофазаси ва техника хавфсизлиги қоидаларига риоя эти лиши ёки шу қоидаларнинг ижроси бўйича масъулият юкланган жисмоний шахс бўлиши мумкин. ЖК 257-моддаси 2-қисмида меҳнатни муҳофаза қилиш қоидалари - нинг бузилиши натижасида а) одам ўлиши; б) бошқа оғир оқибатлар рўй бериши каби жавобгар ликни оғир лаш - тирувчи ҳолатлар учун жавобгарлик назарда тутилади. Санитарияга оид қонун ҳужжатларини ёки эпидемияга қарши кураш қоидаларини бузиш (ЖК 257 1 -моддаси) Жиноятнинг бевосита асосий объекти санитарияга оид қонун ҳужжатлари ва эпидемияга қарши кураш қоидалари билан қўриқлана диган жамоат хавфсизлиги ҳисобланади. Қўшимча бевосита объекти одамлар ҳаёти ва соғлиғини таъминловчи ижтимоий муносабатлардир. Объектив томондан жиноят одамларнинг оммавий касалланишига ёки заҳарланишига олиб келган санитарияга оид қонун ҳужжатлари, эпидемияга қарши кураш қоида ларининг бузилишида ифодаланади. Субъектив томондан жиноят қасддан ёки санитарияга оид қонун ҳужжатларини ёки эпидемияга қарши кураш қоидаларини бузишга нисбатан

эҳтиётсизлик билан ҳамда юзага келган оқибатларга нисбатан ўз-ўзига ишониш ёки бепарволик шаклидаги эҳтиётсизлик билан содир этилади. Жиноятнинг мотиви ва мақсади унинг квалификация сига таъсир кўрсатмайди. Жиноятнинг субъекти санитарияга оид қонун ҳужжат лари ва эпидемияга қарши кураш қоидалари нормаларига риоя қилишга масъул бўлган, 16 ёшга тўлган ақли расо жисмоний шахс бўлиши мумкин. Тоғ-кон, қурилиш ёки портлатиш ишлари хавфсизлиги қоидаларини бузиш (ЖК 258-моддаси) Жиноятнинг бевосита асосий объекти жамоат хавф сизлиги, тоғ-кон, қурилиш ёки портлатиш ишлари хавфсиз лиги қоидаларини белги лаш орқали муҳофаза қилинадиган жамоат хавфсизлигидир. Одамларнинг ҳаёти ва соғлиғи, ўзганинг мулки жиноятнинг қўшимча бевосита объекти ҳисобланади. Объектив томондан жиноят баданга ўртача оғир ёки оғир шикаст етказилишига сабаб бўлган тоғ-кон, қурилиш ёки портлатиш ишларида хавфсизлик қоидаларининг бузилишидан иборат. Субъектив томондан жиноят қасддан ёки тегишли ишлар хавфсиз лиги қоидаларини бузишга нисбатан эҳтиёт сизлик билан ҳамда юзага келган оқибатларга нисбатан ўз-ўзига ишониш ёки бепарволик шаклидаги эҳтиётсизлик билан содир этилади. Жиноятнинг мотиви ва мақсади қилмишнинг квали фикациясига таъсир кўрсатмайди. Жиноятнинг субъекти тоғ-кон, қурилиш ёки портлатиш ишлари хавфсизлиги қоидаларига риоя қилиш зиммасига юклатилган 16 ёшга тўлган ақли расо жисмоний шахс бўлиши мумкин.

ЖК 258-моддаси 2-қисмида тоғ-кон, қурилиш ёки портлатиш ишлари хавфсизлиги қоидаларининг бузилиши: а) одам ўлишига; б) бошқа оғир оқибатлар келиб чиқишига сабаб бўлган ҳоллар учун жавобгарлик назарда тутилган. Ёнғин хавфсизлиги қоидаларини бузиш (ЖК 259-моддаси) Жиноятнинг бевосита асосий объекти ёнғин хавфсиз лигини, яъни одамлар, жамоат ва давлат мулкини ёнғиндан муҳофаза қилишни таъминловчи ижтимоий муносабатлар ҳисобланади. Бевосита қўшимча объекти эса, шахснинг ҳаёти, соғлиғи ва мулкидир. Объектив томондан жиноят ёнғин хавфсизлиги қоида ларининг ушбу қоидалар бажарилиши учун масъул бўлган шахс томонидан бузилиши оқибатида баданга ўртача оғир ёки оғир шикаст еткази лишида ифодаланади. Субъектив томондан ЖК 259-моддасида назарда тутилган жиноят эҳтиётсизлик билан ўз-ўзига ишониш ёки бепарволик шаклида содир этилади. Жиноятнинг субъекти эгаллаб турган лавозимига кўра ёнғин хавфсиз - лиги қоидаларининг бажарилиши учун масъул бўлган ёхуд ана шу қоидаларининг бажарилиши учун масъул этиб тайинланган шахслар бўлиши мумкин. ЖК 259-моддаси 2-қисмида ёнғин хавфсизлиги қоидаларининг бузилиши: а) одам ўлишига; б) бошқа оғир оқибатлар келиб чиқишига сабаб бўлган ҳоллар учун жавобгарлик назарда тутилган.

Безорилик (ЖК 277-моддаси) Жиноятнинг асосий бевосита объекти жамоат тар тибини таъмин ловчи муносабатлардир. Қўшимча бевосита объекти шахснинг соғ лиғи, жисмоний дахлсизлиги, шаъни, қадр-қимматини, шунингдек, ўзганинг мулки хавфсизлигини таъминловчи ижтимоий муносабат лар ҳисобланади. Объектив томондан безорилик жамиятда юриш-туриш қоида лари ни қасддан менсимаслик, уриш-дўппослаш, баданга енгил ши каст етказиш ёки ўзганинг мулкига шикаст етказиш ёхуд нобуд қи лиш натижасида анча миқдорда зарар етказишда ифодаланади. Субъектив томондан безорилик тўғри қасд билан содир этилади. Мазкур жиноятнинг мотиви безорилик, яъни жамиятга очиқдан-очиқ ҳурматсизлик мотиви бўлиб, у ўзини атроф дагиларга ғайри қо ну ний қарши қўйишда, ўзининг алоҳида шахсиятини намоён қи лишда, дағал кучни намойиш этишда акс этади. Бунда жиноий ҳара кат қандай предметга қара - тилганлиги ва у қайси ижтимоий муноса бат лар тизимида амалга оширилаётганлиги аҳамиятга эга эмас. Безорилик нияти жиноий қилмишнинг ўзи, жамоат тартибини бу зиш субъектга лаззат бахш этишини англатади. Безориликнинг мақсади – зўрлик ишлатиш йўли билан жабрла нув чини эсанкиратиб қўйиш, унинг иродасини синдириш, уни ўз ҳукмига бўйсундириш. 16 ёшга тўлган ҳар қандай ақли расо жисмоний шахс ЖК 277-мод даси 1-қисмида назарда тутилган безориликнинг субъекти ҳисоб ланади, кўриб чиқилаётган модданинг 2- ва 3-қисмлари бўйича эса 14 ёшга тўлган шахслар ҳам шундай субъект сифатида эътироф эти лиши мумкин.

ЖК 277-моддаси 2-қисмида : а) баданга ўртача оғир шикаст етказиб; б) бир гуруҳ шахслар томонидан; в) совуқ қурол ёки кишининг соғлиғи учун амалда шикаст етка зиши мумкин бўлган нарсаларни (қурол сифатида) намойиш қи либ, уларни қўллаш билан қўрқитиб ёхуд қўллаб; г) ўз мазмунига кўра умум эътироф этилган ахлоқ қоида ларини на - мойишкорона менсимасликда ифодаланувчи ўтакетган беҳаёлик билан; д) ёш бола, қария, ногирон ёки ожиз аҳволдаги шахс ларни хўрлаб; е) кўп миқдорда зарар етказиб, бировнинг мулкини нобуд қилиб ёки унга шикаст етказиб содир этилган безорилик учун жиноий жа воб гарлик назарда тутилган. ЖК 277-моддаси 3-қисмида : а) такроран ёки хавфли рецидивист томонидан; б) ўқотар қуролни намойиш қилиб, уни қўллаш билан қўрқитиб ёки қўллаб; в) оммавий тадбирлар ўтказилаётган вақтда; г) жамоат тартибини сақлаш вазифасини бажариб турган ҳоки мият вакили ёки жамоатчилик вакилига ёхуд безорилик ҳаракатлари нинг олдини олиш чорасини кўрган бошқа фуқароларга қаршилик кўр са тиб содир этилган безорилик учун жиноий жавобгарлик назар да тутилган. Қимор ва таваккалчиликка асосланган бошқа ўйинларни ташкил этиш ҳамда ўтказиш (ЖК 278-моддаси) ЖК 278-моддасида назарда тутилган жиноятнинг асосий бевосита объекти жамоат тартиби, яъни муҳим ижтимоий муносабатларнинг нормал ишлаб туришини, аниқроқ айт ганда, одамларнинг нормал ишлаши, ўқиши, дам олишини таъминловчи, шунингдек, қимор ўйинларини ташкил этиш ҳамда ўтказиш, қимор бизнеси ривожла ниши салбий оқи батларининг олдини олиш борасидаги фаолиятни давлат томонидан тартибга солиш соҳасидаги

ижтимоий муноса бат лардир. Қўшимча объект Ўзбекистон Республикаси - нинг иқтисодиёт асослари, шунингдек, жамиятнинг ахлоқий негизларидир. ЖК 278-моддаси 1-қисмида назарда тутилган жиноят объектив томондан қимор ва таваккалчиликка асосланган бошқа ўйинларни қонунга хилоф равишда ташкил этиш ёки ўтказиш, шу жумладан ана шундай ўйинлар учун қиморхо налар ташкил этиш ёки уларни сақ лаш да ифодаланади. Субъектив томондан жиноят тўғри қасд билан содир этилади. Жиноятни содир этиш мотиви ва мақсади аксарият ҳолларда тама - гирлик билан тавсифланади, лекин қилмишни квалификация қилиш учун аҳамиятга эга эмас. 16 ёшга тўлган ўйинхоналарнинг ташкилотчилари, қимор ўйин ларини ўтказиш учун масъул шахслар, шунингдек, қиморхона ларнинг ташкилотчилари ёки уларни сақловчи лар ушбу жиноятнинг субъекти бўлиши мумкин. Ўйинчи ларнинг ўзи ёки бошқа ташриф буюрувчилар, ўйинхоналар, қиморхоналарнинг ходимлари бу жиноят субъекти бўлиши мумкин эмас. ЖК 278-моддаси 2-қисмида : а) такроран ёки хавфли рецидивист томонидан; б) уюшган гуруҳ томонидан ёки унинг манфаатларини кўзлаб со дир этилган қимор ва таваккалчиликка асосланган бошқа ўйинларни қонунга хилоф равишда ташкил этиш ёки ўтказиш, шу жумладан ана шундай ўйинлар учун қимор хоналар ташкил этиш ёки уларни сақ лаш учун жавобгарлик белгиланган. ЖК 278-моддаси 3-қисмида назарда тутилган жиноят нинг объек тив томони вояга етмаган шахсни қимор ва таваккалчиликка асос лан ган бошқа ўйинларга жалб қилиш учун маъмурий жазо қўлланил гани дан кейин содир этилган айни шундай ҳаракатлар билан тавсиф ланади. ЖК 278-моддаси 4-қисмида назарда тутилган жиноят нинг объек тив томони қимор ва таваккалчиликка асослан ган бошқа ўйинларни ташкил этиш ёки ўтказиш учун теле коммуникация тармоқларида, шу жумладан

Интернет жаҳон ахборот тармоғи провайдерлари томо нидан хизматлар кўр - сатиш, тегишли дастурий таъминотдан нусха кўпайтириш, уни кўпайтириш, тарқатиш учун маъмурий жазо қўлла нилганидан кейин содир этилган айни шундай ҳаракатларда акс этади. ЖК 278-моддаси 4-қисми ҳам маъмурий преюдицияга эга. ЖК 278-моддаси 4-қисмида назарда тутилган жиноят субъектив томондан тўғри қасд билан содир этилади. Мотив ва мақсад жиноят ни квалификация қилиш учун аҳамиятга эга эмас. 16 ёшга тўлган ақли расо шахс мазкур жиноят субъекти бўлиши мумкин.

Фойдаланилган адабиётлар: 1.Ўзбекистон Республикасининг Конституцияси. – Тошкент: Ўзбекистон, 1992. 2.Международний пакт о гражданских и политических правах. Международная зашита прав и свобод человека. Сборник документов. М.: Юрид.лит., 1990 г. 3.Основние принципи независимости судебних органов. Международние права и свобода человека: Сборник документов. М: Юрид.лит., 1990 г. 4.Всеобшая декларация прав человека. – Права человека. Основние международние документи: Сборник документов. М.: Международние отношения. 1989 г. – С. 134-142. 5. Конвенция о правовой помоши и правових отношениях по гражданским, семейним и уголовним делам. (Хўжалик ва ҳуқуқ Хозяйство и право. – Ташкент. 1997, №1-2. С. 58-76).

Похожие

Гиёҳвандлик воситалари ёки психотроп моддалар билан қонунга хилоф равишда

Тадбиркорлики фаолиятига тўсқинлик қилиш, қонунга хилоф равишда аралашиш билан боғлиқ жиноятлар

Одил судловга қарши жиноятлар

Жамоат хавфсизлиги ва жамоат тартибига қарши жиноятларни квалификация қилиш

Ворислик ҳуқуқи. Ворислик асослари. Меросни эгаллаш