Озодликдан маҳрум қилишга ҳукм қилинган шахслар моддий-маиший таъминоти - Юриспруденция - Рефераты

Озодликдан маҳрум қилишга ҳукм қилинган шахслар моддий-маиший таъминоти

Загружено в:

20.09.2019

Скачано:

0

Размер:

23.7373046875 KB

Озодликдан маҳрум қилишга ҳукм қилинган шахслар моддий- маиший таъминоти, тиббий хизмат курсатиш ва меҳнати Режа: 1. Маҳкумларнинг овкати,уларга белгиланган овкат нормаси ва маълум тоифадагиларга оширилган нормада берилган овкат 2. Маҳкумларнинг тиббий санитария таъминоти 3. Озодликдан маҳрум этилган маҳкумларни меҳнатга жалб этишни ташкиллаштириш тушунчаси, шарт ва тамойиллари.

Озодликдан маҳрум этилган маҳкумларнинг яшаш жойлари, уларнинг овқати. Ҳар бир маҳкумга белгилангановқат нормаси ва маълум тоифадаги маҳкумларга оширилган нормаларда бериладиган овқат. Маҳкумларнинг тиббий-санитария таъминоти. Озодликдан маҳрум этилган маҳкумларни меҳнатга жалб этишни ташкиллаштириш шартлари ва тамойиллари. маҳкумларнинг баъзи тоифаларини меҳнатга жалб этишнинг ихтиёрийлиги. Иш билан таъминлаш. Иш вақти.Иш вақтидан ташқаридаги ишлар. Дам олиш ва байрам кунларида меҳнатга жалб этиш тартиби. Маҳкумларнинг меҳнат таътили, уларга ҳақ тўлаш тартиби, ижтимоий суғуртаси ва пенсия таъминоти. Рағбатлантириш чоралари ва уларнинг турлари. Интизомий жазо чораларини қўллаш асослари ва тартиби. Интизомий жазонинг амал қилиш муддати. Маҳкумларни интизомий бўлинмаларга киритиб қўйиш шартлари. Изолятор ва карцерлар. Жазони ўташ тартибини қўпол тарзда бузиш тушунчаси. Сақлаш режимини ашаддий бузувчи тушунчаси. Жиноят-ижроия кодексининг 84-моддаси озодликдан маҳрум этилган маҳкумларнинг яшаш жойи ҳақида фикр юритилган. Унда айтилишича, «озодликдан маҳрум этишга ҳукм қилинган шахслар сақлаш шароитига караб умумий турар жойларда, хоналарда ёки камераларда яшайдилар. Бир маҳкумга тугри келадиган яшаш майдони нормаси куйидаги миқдордан кам булиши мумкин эмас: -умумий турар жойларда-икки квадрат метр; -тергов ҳибсхоналари ва турмаларнинг умумий камераларида-икки ярим квадрат метр; -аёллар ва вояга етмаганлар сақланадиган колониялардаги умумий турар жойларда-уч квадрат метр; -бемор маҳкумлар сақланадиган палаталарда-турт квадрат метр;

-интизомий булинмаларнинг камераларида хамда сокчисиз ёки кузатувчисиз юриш ҳуқуқидан фодаланаётган маҳкумлар яшаши учун, шунингдек жазони манзил-колонияларда утаётган шахслар учун мўлжалланган хона типидаги турар жойларда-турт ярим квадрат метр. Маҳкумларга ётиш учун алоҳида жой, курпа-тушак,чойшаб ва керакли инвентар берилади». Бу хилдаги нормаларнинг белгилаб куйилиши маҳкумларнинг яшашидаги асссосий норма ҳисобланади.Хар бир маҳкум узининг содир этган жиноятининг огир ёки енгиллигига караб, муассаса сақлаш шароитига караб жойлаштирилади. Умумий,қаттиқ ва махсус тартибли колонияларда жазони утаётган маҳкумлар умумий турар жойларда яшайдилар. Қонунда озодликдан маҳрум этилган маҳкумларнинг яшаш жойларининг минимал ва максимал улчами курсатиб куйилган,холос. Бирок бу белгиланган норманинг канча булишини муассаса куйидаги хусусиятларга кура белгилаб олади: тиббий мезонларга кура; маҳкумларнинг ёш даражасига кура; Жазони ижро этиш муассасаларида яшаш учун мўлжалланган қисмда яшаш уйларидан овкатланиш хонаси, дам олиш хонаси, шифохона, укиш ва касб-хунар ургатиш хоналари, магазин,клуб, кир ювиш ва хаммом, кутиш ва учрашув хоналари, кир куритиш хонаси, кийим-бош ва пойабзалларни таъмирлаш хоналари, маҳкумларнинг штаблари, камера типидаги хоналари,назорат килиш ва утказиш жойлари, ёз мавсумларида маҳкумларнинг саф тортиши, спорт билан шугулланиши ва тарбиявий тадбирларни утказиш майдони, ибодат килиш учун мўлжалланган хоналари ва бошқа иншоотлар булиши шарт. Макумларни яшаш уйларида ювиниш,хожатхоналар, аёллар колонияларида гигиена хоналари булиши керак.

Кишки мавсумда маҳкумлар яшаш жойлари иситилиб, харорат 18- 20даража булиши таъминланади. Хар бир маҳкум узи билан совун, тиш чёткаси, тиш пастаси, тарок, румолча, ручка,китоб ва дафтар сақлашлари мумкин. Жазони ижро этиш муассасаларида назорат-утказиш пункти биноси (КПП) ёки унинг ёнида қисқа ва узок муддатли учрашувлар утказиш, посилка ва йўқловлар бериш, телефон орқали сўзлашувни олиб бориш учун хоналар бир-биридан алоҳида, шунингдек, муассаса худудига кириб келаётган шахсларни хамда уларнинг буюмларини куздан кечириш учун мўлжалланган бино мавжуд бўлади. Бундан ташқари, маҳкумларни тинтув килиш жойлари назорат майдончаси якинида хамда турар-жой ва ёнма-ён булган ишлаб чикариш зоналари уртасидаги ички назорат утказиш пункти курилиб, маъмурий бино колония худудидан ташқарида жойлашган. Маҳкумлар турар жойларидааги шароит ҳақида тухталадиган булсак, уларга алоҳида каравот, курпа-ёстик, икки кишига битта тумбочка, стол билан таъминланади. Хар бир каравотнинг оёк тарафига маҳкум ҳақидаги маълумотлар ёзилган белгилар осиб куйилади. Хафтада камида бир марта маҳкумлар хаммомга туширилиб, урин-курпа жилдлари алмаштирилади. Муассасада тозалик маҳкумларнинг бепул ёрдамларидан фойдаланган холда амалга оширилади. Муассаса худудида маҳкумларнинг қисқа муддатли ва узок муддатли учрашувлари учун мўлжалланган жойлари ташкил этилади.Бундай жой,одатда, маҳкумларнинг яшаш зоналари жойларида ташкил этилади ва маъмурият вакили ва сокчилар билан курикланади. Узок муддатли учрашув жойлари мехмонхона куринишида бўлиб, бу жойларда яшаш пуллик амалга оширилади. Маҳкумларнинг овкати,уларга белгиланган овкат нормаси ва маълум тоифадагиларга оширилган нормада берилган овкат

Маҳкумларнинг овкати масаласи Жиноят-ижроия кодексининг 85- моддаси билан амалга оширилади. Бунда белгиланган озиқ-овқат нормаси киши организмининг нормал хаётини таъминлайдиган даражада булиши керак. Овкат нормаси Ўзбекистон Республикаси Вазирлар Махкамаси томонидан маҳкумларнинг соглиги ҳолатига, уларнинг ёши, бажараётган ишининг хусусияти ва огирлигига караб белгиланади. Маҳкумларга уларни ишга жалб этган корхона, муассаса ва ташкилотлар маблаглари хисобидан қўшимча овкат берилиши мумкин. Маҳкум хомиладор аёллар, эмизикли оналар, вояга етмаганларга, шунингдек I ва II гурух ногиронларига бериладиган овкат оширилган нормаларда белгиланади. Тиббий хулоса асосида уларга қўшимча озиқ- овқат махсулотлари олишга рухсат этилиши мумкин. Ўзбекистон Республикаси 30.08.2003 й. 535- II-сон Қонунига мувофиқ Ўзбекистон Республикаси Жиноят-ижроия кодекси 85- моддасининг туртинчи қисм чикариб ташланган. Жазони ижро этиш муассасаларининг интизомий булинмаларига киритиб куйиш тариқасидаги жазо чораси ун беш суткагача булган муддатга кулланилган маҳкумларга овкат камайтирилган норма бўйича берилади. Маълум тоифадаги маҳкумларга оширилган миқдорда овкат берилади, бунинг боиси шуки огир меҳнатга жалб қилинганлигида намоён бўлади. Хар бир жазони ижро этувчи муассасада махсус овкат пишириш жойлари бўлади ва тегишлича идиш-товок билан таъминланади. Бир кунда маҳкумларга уч махал овкат берилиши шарт. Шунингдек, маҳкумларни ишга жалб килган корхона ёки муассасалар маблаги қўшимча овкат беришга йул куйилади. Маҳкумларнинг овкати махсус ошхоналарда ёлланма меҳнат вамаҳкумларнинг узларидан фойдаланган холда пииширилади ва кун тартибида белгиланган

вақтлардагина маҳкумларни овкатланишларига йул куйилади. Маҳкумларга пишириладиган овкат биринчи навбатда сифатли ва калорияга бой булиши лозим. Маҳкумларга таркатиладиган овкат маъмурият вакили ва тиббиёт ходими томонидан текширилади. Овкат учун хом ашёлар махсус сақлаш жойларида сақланади. Колония худудидаги магазиндан маҳкумларга белгиланган норма миқдорида қўшимча озиқ-овқат сотиб олишларига рухсат берилади. Бундан ташқари, белгиланган миқдор бўйича посилкалар олишларига йул куйилганлиги хам уларга қўшимча озиқ-овқат олишларига имконият яратади. .Маҳкумларнинг тиббий санитария таъминоти Ўзбекистон Республикаси Жиноят-ижроия кодексининг 87-моддаси бўйича маҳкумлар тиббий-санитария хизматидан фойдаланади. Маҳкумларга курсатиладиган тиббий хизмат барча фуқароларга курсатилган бепул ва чеклашларсиз тиббий хизматдан фарқ килмайди. Маҳкумларга курсатиладиган тиббий хизмат Ўзбекистон Республикаси Соғлиқни сақлаш вазирлигининг қонунчилиги ва узаро Ички ишлар вазирлиги билан кабул қилинган махсус буйрук, инструкция ва фармойишлар билан тартибга солинади. Жазони ижро этиш муассасалари маъмуриятига маҳкумлар тиббий хизмат курсатиш учун махсус вазифалар билан белгилаб берилади. Бу вазифаларни амалга ошириш учун маъмурият таркибида махсус тиббий хизмат бўлимлари ташкил этилади. Маҳкумларнинг тиббий-санитария хизмат бўлимлари узига хос хусусиятларга эга.Бу хусусиятлар Ўзбекистон Республикаси Ички ишлар вазирлиги кошида махсус тиббий бошқарма тузилганки, бу бошқарма жазони ижро этиш муассасаларининг тиббий санитария хизматларини хам тартибга солади. Маҳкумларга тиббий-санитария хизмати курсатиш учун жазони ижро этиш муассаси кошида даволаш бўлими мавжуд. Бу бўлимлар маҳкумларга тиббий хизмат курсатиш вазифасини амалга оширади. Бу хилдаги бўлимлар жумласига тиббий марказлар, шифохоналар, қисқа муддатли туберкулёз I ва II гурух

ногиронлари учун тиббий руйхатга олиш учун махсус колониялар ташкил этилган. Юкумли касалликлар, таносил ва орттирилган иммунитет хасталиги касаллиги,гиёҳванд ва алкогол касалларни сақлаш ва даволаш учун махсус муассаса ташкил этилади. Таносил касалликлари билан огриган маҳкумлар даволаниш жараёнида колониянинг тиббий бўлимларида бошқа маҳкумлар билан бирга сақланадилар. Орттиирилган иммунитет хасталиги гиёҳванд ав алкоголларни алоҳида сақлаш учун махсус колония ёки булинмаларда назарда тутилмаган. Бундай маҳкумлар бошқа маҳкумлар билан биргаликда сақланадилар, лекин улар тиббий руйхатга олинадилар, зарур ҳолларда эса уларга тегишли даволаниш ёрдамлари қилинади.Жумладан, суд томонидан тайинланган мажбурий гиёҳвандлик ёки ичкилибозлик бўйича даволаниш чоралари бундай даволанишнинг тури ҳисобланади. Маҳкумларни айрим зарур ҳолларда соғлиқни сақлаш тизими тиббий хизматларидан фойдаланишларига ха мйул куйилиши мумкин. Манзил колонияларида жазони утаётган маҳкумлар эса соғлиқни сақлаш тизими хизматларидан навбати билан фойдаланишларига йул куйилади. Озодликдан маҳрум қилинган маҳкумлар учун тиббий-санитария хизматлари давлат хисобидан амалга оширилади, лекин шундай холлар хам учрайдики, бунда маҳкумларга курсатиладиган тиббий хизмат уз хисоб варакларидан амалга оширилади. Озодликдан маҳрум этилган маҳкумларни меҳнатга жалб этишни ташкиллаштириш тушунчаси, шарт ва тамойиллари. Иш билан таъминлаш, иш вақти,дам олиш ва байрам кунларида меҳнатга жалб этиш Озодликдан маҳрум қилинганларнинг ахлоқан тузалишида ва кайта тарбияланишида уларнинг меҳнати, таълими ва касб тайёргарлиги катта аҳамиятга эга. Маҳкумларни меҳнатга жалб этиш масаласи Жиноят- ижроия кодексининг алоҳида 13-бобида уз ифодасини топган бўлиб, 88- 96 моддаларни уз ичига олади.

Маҳкумларни меҳнатга жалб килишдан асосий мақсад уларда ижтимоий-фойдали фаолият билан шугулланиш эхтиёжини шакллантиришдан иборат. Озодликдан маҳрум этишга ҳукм қилинган шахслар жинси, ёши, соглигининг ҳолати, меҳнат кобилияти ва иложи борича, ихтисосини инобатга олган холда меҳнатга жалб этилади. Маҳкумларнинг меҳнатга оид муносабатлари меҳнат тўғрисидаги қонун ҳужжатлари билан,ушбу Кодексда назарда тутилган истисно ва чеклашларни хисобга олган холда тартибга солинади. Озодликдан маҳрум этилган шахслар, одатда, шу муассасанинг корхоналарида, айрим ҳолларда эса керакли тарзда куриклаш ва батамом ажратиб куйиш таъминланган такдирда, бошқа корхоналарда меҳнатга жалб этилади. Маҳкумларнинг хусусий шахслар фойдасига меҳнат килишига йул куйилмайди. Олтмиш ёшдан ошган эркаклар, эллик беш ёшдан ошган аёллар, I ва II гурух ногиронлари меҳнатга уз хохишларига кура жалб этиладилар. Маҳкума аёллар хомиладорлик ва тугиш муносабати билан қонун ҳужжатларида белгиланган муддатга ишдан озод қилинадилар. Шунингдек, меҳнат тўғрисидаги қонун ҳужжатларига мувофиқ, вояга етмаган ва аёл маҳкумлар бажариш таъқиқланган ишларда ишлашларига йул куйилмайди. Озодликдан маҳрум қилинганлар меҳнати озод шахслар меҳнатидан куйидаги хусусиятлари билан фарқ килади: озодликдан маҳрум киилинган маҳкумлар узларининг касб фаолияти ёки хохишига кура иш танлай олмайдилар. Маъмурият томонидан берилган ишларнинг улар учун мажбурийлиги. Маҳкумлар меҳнати вақти меҳнат қонунчилиги билан энг узайтирилган вақтларни ташкил этади.

Маҳкумлар меҳнатига тулов камайтирилганлиги энг кам иш ҳақи миқдорида белгиланади ва ундан бош тортишга ҳуқуқи йук. Маҳкумлар жазолаш хусусиятлари уларнинг меҳнатларини ташкил этиш жараёнида уз аксини топади. Маҳкумларни меҳнатини ташкил килишда уларнинг кобилияти, жисмоний хусусиятлари, билим малакаси каби хусусиятлар бирламчи саналади. Сабаби, жазони ижро этиш муассасасига келиб тушган хар бир маҳкумнинг ишга яроклилик хусусияти тиббий комиссияда текширилади. I ва II гурух ногиронлари тиббий комиссиянинг хулосасига кура меҳнат килишга юборилади. Хар бир маҳкум узининг касб хунаига караб иш билан таъминланади, бундан кузланган мақсад эса иш унумдорлигини яхшилашда намоён бўлади. Бирок касб-хунарга эга булмаган маҳкумлар муассаса маъмурияти томонидан иш билан таъминланади. Умуман хунар ёки касбга эга булмаган маҳкумлар мхсус касб-хунар укишларида хам укитилади. Маҳкумлар муассасанинг рахбарий хўжалик ёки савдо-сотик ишларида ишлашларига тавсия этилмайди.Масалан, озиқ-овқат мудири, назоратчи. Одатда, маҳкумнинг иш жойи жазони утаётган муассасадан узок масофада булмайди, аммо иш жойи зонаса яшаш жойидан 3 км масофадан ошса, маҳкум ишга мослаштирилган транспортда олиб борилади. Маҳкумлар,одатда, бригадаларга булинган холда ишга таксимланади,хар бир бригадада узининг бригадири бўлади ва у жавобгар шахс саналади. Бригадир куйидаги ишларни амалга ошириши шарт: -бригада аъзоларининг иш сифатини текшириш; -бригада аъзоларининг иш режасинин бажаришни назорат килади ва бригада таркибида тартиб-интизомни таъминлаш чораларини куради; Иш вақти масаласи мамлакат қонунлари ва Жиноят ижроия кодекси нормалари билан тартибга солинади. ЖИКнинг 90-моддасига биноан, жазони ижро этиш муассасаларида утаётган маҳкум олти кунлик иш

хафтаси белгиланади.Уларнинг иш вақти режимини ижро этиш муассасанинг маъмурияти белгилайди ва умумий иш вақтининг энг куп нормасидан ошиб кетмаслиги керак. Маҳкумларни иш вақтидан ташқари ишларга, дам олиш ва байрам кунларида ишга жалб этишга, ишлаб чикариш зарурати булган такдирда меҳнат тўғрисидаги қонун ҳужжатларига кура амалга оширилади. Шунингдек,маҳкумларнинг дам олиш вақти тўғрисидаги алоҳида модда Жиноят-ижроия кодексининг 91-моддасида уз ифодасини топган бўлиб, унда маҳкумларга хар хафтада бир марта дам олиш куни беришлиги, байрам кунлари эса ишдан озод килиниши белгилаб куйилган. 2003 йил 30 августда бу моддага киритилган қўшимча ва ўзгартиришга кура озодликдан маҳрум этишга ҳукм қилинган шахсларга хар йилги меҳнат таътили берилмайди, жазони манзил колонияларда утаётганлар бундан мустасно. Шунингдек, жазони ижро этиш колониясининг интизомий булинмаси турар жойларида сакланган вақт хак туланадиган хар йилги меҳнат таътили бериш учун зарур муддатга кушиб хисобланмайди. Озодликдан маҳрум этишга ҳукм қилинган шахслар меҳнатга меҳнат тўғрисидаги қонун ҳужжатларига мувофиқ ҳақ тўланади. Меҳнат нормаларини ва меҳнат вазифаларини бажарган маҳкумлар меҳнатга тўланадиган ойлик ҳақ қонун ҳужжатларида Меҳнатга ҳақ тўлаш ягона тариф сеткасининг биринчи разряди бўйича белгиланган миқдордан кам бўлиши мумкин эмас. Маҳкумлар меҳнатидан чегириб колиш меҳнат тўғрисидаги қонун ҳужжатлари ва бир неча истисно, чеклашлар билан амалга оширилади. Бунда ишнинг бошланиш ва тугалланиш вақти колония бошлиги томонидан белгиланади. Маҳкумга туланадиган иш ҳақи уларнинг хисоб варагига утказилади ва хакларидан уларнинг барча туловларига утказилиши мумкин.

Маҳкумлар жазони ижро этиш муассасаларини ва уларга тўташ худудларни ободонлаштириш, шунингдек маданий-маиший шароитни яхшилаш ишларига хак туламай ишга жалб қилинадилар. Шунингдек, маҳкумларнинг пенсия таъминоти ва ижтимоий сугуртаси масаласи Жиноят-ижроия кодексининг 96-моддасида уз ифодасини топган. Ўзбекистон Республикаси қонун ҳужжатларига мувофиқ, жазони утаб турган маҳкумнинг килган меҳнати иш стажига кушилмайди. Бирок, маҳкумнинг жазони ўташ муддати окланса, унда маънавий зарар сифатида иш стажи 1.5 бараварда кушилади. Маҳкумларни рағбатлантириш ва интизомий чоралар куриш. Изолятор ва карцерлар. Ашшадий бузувчи. Озодликдан маҳрум этилган шахсларнинг хулқи, меҳнати ва бошқа ишчанлик обруси инобатга олиниб, уларга рағбатлантириш чоралари қўлланилади. Рағбатлантириш чоралари сифатида: -ташаккур эълон килиш; -илгари кулланилган интизомий жазо муддатидан олдин олиб ташлаш; -ёрлик, кимматли совга ёки пул мукофоти билан такдирлаш; -қўшимча посилка, йўқлов ёки бандерол олишга рухсат этиш; -озиқ-овқат махсулотлари ва энг зарур нарсаларни сотиб олиши учун пул суммасини купайтириш; -енгиллаштирилган сақлаш шароитига утказилиши мумкин. Шунингдек, маҳкумларга рағбатлантириш чораси сифатида сокчисиз ёки кузатувчисиз юриш ҳуқуқи хам берилиши мумкин; Махсус тартибли колонияларда-камералардан умумий турар жойларга утказиш хамда йил мобайнида қўшимча равишда бир марта қисқа муддатли учрашув, бир марта телефон орқали сўзлашув, битта бандерол олиш ;

Турмаларда эса йил мобайнида қўшимча равишда бир марта қисқа муддатли учрашув, битта посилка ёки йўқлов олиш ҳуқуқини беради. Дарвоке, ташаккурнома кандай тарзда эълон килинишидан катъи назар, маҳкумнинг шахсий варакасига тикиб куйилади. Маҳкумларни сақлаш шароитини ўзгартириш билан боғлиқ булган енгиллаштирилган сақлаш шароитига утказиш интизомий жазоси йук маҳкумларга берилади. Маҳкумларни ахлоқан тузалиши, уни халол меҳнатга ургатиш ва жазони ижро этиш муассасаларининг ички тартиб-интизомига буйсунишини таъминлаш учун интизомий жазо чоралари хам қўлланилади. Жазони ўташ тартибини бузган маҳкумларга куйидаги турдаги интизомий жазо чоралари кулланилиши мумкин:  огохлантириш;  хайфсан;  енгиллаштирилган сақлаш шароитини бекор килиш;  интизомий булинмага киритиб куйиш;  сақлаш режимини ашшадий бузувчи маҳкумларни манзил- колониядан умумий тартибли колонияга утказиш;  сақлаш режимини ашшадий бузувчи маҳкумларни манзил- колониядан умумий тартибли колонияга утказиш;  сақлаш режимини ашшадий бузувчи маҳкумларни манзил- колониядан умумий ёки қаттиқ тартибли колонияга, қаттиқ тартибли колониядан махсус тартибли колонияга ,колониядан турмага кайтариш бўлиб ҳисобланади. Маҳкумлар меҳнат нормаларини бажармаганлиги учун, агар бу ишни рад этиш ёки ишдан бўйин товлашнинг оқибати булмаса, интизомий жавобгарликка тортилмайди. Интизомий жазо дархол ижро этилади. Агар ижро уз вақтида бир ой давомида ижро этилмаган булса, у ижрога кайтарилмайди.

Бир ҳуқуқбузарлик учун бир нечта интизомий жазо бериш таъқиқланади. Интизомий булинмаларга куйидаги шахслар умуман жалб этилмайди:  I гурух ногиронлари;  хомиладорлик ва тугиш бўйича ишдан озод этилган аёллар;  ёнида эмизикли боласи бор аёллар; Интизомий булинмаларда сакланаётган маҳкумлар меҳнатга жалб килинмайдилар. Жазони ижро этиш муассасаси ҳудудини ёки маъмурият йўлланмаси билан бўлиши керак бўлган бошқа жойни ўзбошитмчалик билан ташлаб кетиши, ҳамда манзил колонияда жазони ўташ тартибини қўпол тарзда бузиш маҳкумга нисбатан интизомий жазо чораси қўллашга мажбур қилувчи омил ҳисобланади. Шунингдек, Ўзбекистон Республикаси Жиноят ижроия кодексида ҳеч бир давлат кодексида учрамайдиган модда мавжуд. Бу 112-модда бўлиб, у сақлаш режимини ашаддий бузувчи маҳкумлар ҳақида. Жазони ўташ тартибини камида икки маротаба қўпол бузган ва бунинг учун интизомий бўлинмага киритиб қўйиш тариқасидаги жазога тортилган маҳкум ҳар бир интизмоий жазо белгиланган тартибда олиб ташланмаган ёки бекор бўлмаган жазо сақлаш режимини ашаддий бузувчи ҳисобланади. Ўзбекистон Республикаси Жиноят-ижроия кодексига 2003 йил 12 декабрда киритилган ўзгартиришларга кўра, жазони ижро этиш муассаса ҳудудини, ёки маъмурият йўлланмаси билан бўлиши керак бўлган бошқа жойни ўзбошимчалик билан 24 соатдан кўпроқ муҳлат мобайнида ташлаб кетган маҳкум манзил колонияда сақлаш режимини ашаддий бузувчи деб топилади. Режимни ашаддий бузувчи енгиллаштирилган сақлаш шароитига, манзил колонияга ўтказилмайди. Шунингдек, бу хилдаги маҳкумлар жазодан муддатидан илгари шартли озод қилиш ва жазони

енгилроғи билан алмаштиришга тақдим этилмайди. Сақлаш режимини ашаддий бузувчиларга соқчисиз ёки кузатувчисиз юриш ҳуқуқи берилмайди.

Фойдаланилган адабиётлар 1. Jinoyat-ijroiya huquqi. Darslik. Mualliflar jamoasi. Mas’ul muharrir- yu.f.n., dots. B.J.Axrorov. –T.: O‘qituvchi, 2002. – 208b. 2. Jinoyat-ijroiya kodeksiga sharhlar. Rustamboyev M.H., Axrarov B.J. va boshqalar. Ma’sul muharrir: yu.f.d., prof. M.H.Rustamboyev. – T.: TDYUI, 2007. – 574 b. 3. Kommentariy k Ispravitelno-trudovomu kodeksu Respubliki Uzbekistan. –T.: Uzbekistan, 1997.- 345s. 4. Abduxaliqov M.A., Payzullayev Q., Abduqodirov Sh.Y. Jinoyat -ijroiya huquqi (albom sxemalar). –T.: TDYUI, 2005. – 142 b.

Похожие

Махкумларнинг моддий-маиший таъминоти ва уларга тиббий хизмат курсатиш

Жарима, муайян хукукдан махрум килиш ва ахлок тузатиш ишлари ва камок тарикасидаги жазоларни ижро этиш

Пенитенциар психология фанининг предмети мақсади ва вазифалари

Озодликдан маҳрум этиш билан боғлиқ бўлмаган жазолар

Жазони ижро этиш муассасаси ходими касбий фаолиятининг психологик хусусиятлари