Махкумларнинг моддий-маиший таъминоти ва уларга тиббий хизмат курсатиш - Юриспруденция - Рефераты

Махкумларнинг моддий-маиший таъминоти ва уларга тиббий хизмат курсатиш

Загружено в:

20.09.2019

Скачано:

0

Размер:

57.5 KB

Маҳкумларнинг моддий-маиший таъминоти ва уларга тиббий хизмат кўрсатиш РЕЖА : 1. Маҳкумларнинг яшаш жойи, овқати, уст-бош билан таъминланиши, тиббий санитария таъминоти. 2. Маҳкумларнинг меҳнатга жалб қилиш иш билан таъминлаш, иш вақти ва дам олиш вақти, меҳнатга ҳақ тўлаш , меҳнат ҳақи тўламай ишга жалб қилиш, иш ҳақидан чегириб қолиш. 3. Маҳкумларнинг моддий жавобгарлиги, ижтимоий суғуртаси ва пенсия таъминоти.

Маҳкумлар озодликдан маҳрум этилганларида ҳам улар моддий- маиший таъминот олишга, яшаш жойларига ҳам эга бўла оладилар. Маҳкумларнинг яшаш жойлари ва бир маҳкум учун қоида бўйича белгиланган майдон сатҳи. Маҳкумларнинг овқати. Ҳар бир маҳкумга белгиланган овқат нормаси. Имтиёзли маҳкумларга бериладиган қўшимча овқат нормалари. Маҳкумларни уст-бош билан таъминлаш. Маҳкумларнинг тиббий санитария-таъминотларидан фойдаланишлари тартиби, шартлари ва уларга сарфланадиган харажатлар. Озодликдан маҳрум этишга ҳукм қилинган шахслар сақлаш шароитига қўра умумий турар жойларда, ҳоналарда ёки камераларда яшайдилар. Бир маҳкумга тўғри келадиган яшаш майдони нормаси қуйидаги миқдордан кам бўлиши мумкин эмас: Умумий турар жойлари – 2кв/м тергов ҳисбхоналари ва турмаларнинг умумий камераларида 2,5 кв/м. Аёллар ва вояга етмаганлар сақланадиган колониялардаги умумий турар жойларда 3 кв/м. Бемор маҳкумлар сақланадиган палаталар 4 кв/м. Интизомий бўлинмаларнинг камераларида ҳамда соқчиси ёки кузатувчисиз юриш ҳуқуқидан фойдаланаётган маҳкумлар яшаши учун, шунингдек, жазони манзил колонияларда ўтаётган шахслар учун мўлжаллаган хона типидаги турар жойларда 4,5 кв/м. Маҳкумлар ётиши учун алоҳида жой, кўрпа-тўшак, чойшаб ва керакли инвелтар берилади. Маҳкумларнинг овқати: овқат нормаси Ўзбекистон Республикаси Вазирлар Маҳкамаси томонидан маҳкумларнинг соғлиғи ҳолатига, уларнинг ёши ва бажараётган ишининг хусусияти, оғирлигига қараб белгиланади. Маҳкумлар ишлаётган корхона, муассаса, ташкилот томонидан қўшимча овқат берилиши мумкин.

Маҳкум ҳомиладор аёллар, эмизикли оналар, вояга етмаганлар, биринчи, иккинчи гуруҳ ногиронларига бериладиган овқат оширилган нормада бўлади. Маҳкумларга Республика бюджети ҳисобидан белгиланган намунада кийим мавсумига қараб пойабзал билан таъминланади. Маҳкумларни меҳнатга жалб этишдан асосий мақсад уларда ижтимоий фойдали фаолият билан шуғулланиш этиёжини мустаҳкамлашдан иборат. Озодликдан маҳрум қилишга этилган шахслар шу муассасаларнинг кор.да айрим ҳолларда керакли тарзда қўриқлаш ва батамом ажратиб қўйиш таъминланган тақдирда бошқа корхоналарда меҳнатга жалб этилади. Маҳкумларнинг хусусий шахслар фойдасига меҳнат қилишига йўл қўйилмайди. 60 ёшдан ошган эркаклар 55 ёшдан ошган аёллар биринчи ва иккинчи гуруҳ ногиронлари меҳнатга ўз ҳохишларига кўра жалб этилади. Маҳкума аёллар ҳомиладорлик ва туғиши муносабати билан қонун ҳужжатларида белгиланган муддатга ишдан озод қилинади. Меҳнат тўғрисидаги қонун ҳужжатларида бажариш тақиқланган ишларда аёл ва вояга маҳкумлар меҳнатидан фойдаланишга йўл қўйилмайди. Маҳкумларни иш билан таъминлаш Ўзбекистон Республикаси Вазирлар Маҳкамаси: Жазони ижро этиш муассасаларида ишлаб чиқариладиган муайян маҳсулот турлари учун буюртмаларни тақсимлайди; Ишлаб чиқариш корхоналарини моддий техника билан таъминлаш чораларини кўради; Ишлаб чиқариш қувватларини ривожлантиришни, ишлаб турган корхонани техника билан қайта жиҳозлаш ва реконструкция қилишни, молиявий таъминлайди; Корхона, муассаса. ташкилотни маҳкумларни меҳнатидан фойдаланишга жалб этишга имкон яратиб беради; Корхона, муассаса. ташкилотда меҳнат қилаётган маҳкумларга ёзиладиган иш ҳақи миқдорини белгилаб беради.

Маҳкумларни иш вақти: озодликдан маҳрум этишга ҳукм қилинган шахслар учун меҳнат тўғрисидаги қонун ҳужжатларида белгилаб қўйилган вақтини энг кўп нормасига риоя этган ҳолда одатда 6 кунлик иш ҳафтаси белгиланади.маҳкумлар иш вақти режимини жазони ижро этиш муассасаси маъмурияти ишлаб чиқариш хусусиятига қараб белгилайди. Иш вақтини жамлаб ҳисобга олиш жорий этилганда маҳкумлар иш вақтидан ташқари ишларга дам олиш ва байрам кунларига ёки тунги ишларга жалб этилган тақдирда меҳнат тўғрисидаги қонун ҳужжатларида вояга етмаган шахслар шунингдек, биринчи, иккинчи гуруҳ ногиронларига нисбатан белгиланган чеклашларга риоя этилиши шарт. Маҳкумларнинг иш вақтидан ташқари дам олиш ва байрам кунларидаги ишлари учун 2 ҳисса ҳақ тўланади. Маҳкумларнинг дам олиш вақти: маҳкумлар ҳар ҳафтада камида бир дам олиш куни берилади. Улар байрам кунларида ишдан озод қилинади. Озодликдан маҳрум этишга ҳукм қилинган шахсларга ҳар йилги меҳнат таoтили берилмайди. Маҳкумлар меҳнатига ҳақ тўлаш: озодликдан маҳрум этишга ҳукм қилинган шахслар меҳнатига меҳнат тўғрисидаги қонун ҳужжатларига мувофиқ ҳақ тўланади. Меҳнат нормаларини ва меҳнат вазифаларини бажарган маҳкумлар меҳнатига тўланадиган ойлик ҳақ белгиланган энг кам иш ҳақи миқдоридан кам бўлиши мумкин эмас. Барча чегирмаларидан қатoий назар шахсий ҳисоб варағига уларга ёзилган иш ҳақининг камида 25 фоизи 60 ёшдан ошган эркакларнинг, 55 ёшдан ошган аёлларнинг, биринчи, иккинчи гуруҳ ногиронларининг, ҳомиладор аёллларнинг ҳамда жазони ижро этиш муассасалари қошидаги болалар уйида боласи бор аёлларнинг шунингдек, манзил колониялар ва тарбия колонияларидаги маҳкумларнинг ҳисоб варағига эса камида 50 фоизи ўтказиб қўйилади.

Маҳкумларни меҳнат ҳақини тўламай жазони ижро этиш муассасасини ободонлаштириш, шунингдек, маданий-маиший шароитни яхшилаш ишларигагина жалб этилиши мумкин. Озодликдан маҳрум этишга ҳукм қилинган шахсларнинг ҳақидан давлат ижтимоий суғуртасига ажратмалар ажратилмайди. Маҳкумлар жазони ўтаб келганларидан сўнг қонун ҳужжатларига мувофиқ давлат пенсия таъминотига эга бўлади. Моддий жавобгарлик Жиноят ижроия кодекси 95-моддасига биноан амалга оширилади. М авзу. Озодликдан маҳрум этишга ҳукм қилинган шахс лар нинг моддий маиший таъминоти, тиббий хизмат кўрсатиш ва меҳнати, уларга нисбатан қўлланиладиган рағбатлантириш ва интизомий жазо чоралари Озодликдан маҳрум этилган маҳкумларнинг меҳнатларини ташкил қилиш тушунчаси, тартиби, шартлари ва принциплари. Маҳкумларни меҳнатга жалб этиш қоидалари. Маҳкумлар меҳнатининг мажбурийлиги. Мажбурий меҳнатга жалб этиладиган маҳкумлар. Маҳкумларни иш билан таъминлаш вазифаси. Маҳкумларнинг иш вақти. Ишдан ташқари вақтларида дам олиш ва байрам (ишламайдиган) кунларида, шунингдек, тунги ишларда маҳкумларни ишлатиш қоидалари. Маҳкумларнинг дам олиш вақтлари. Маҳкумларни касаллиги туфайли ишдан озод қилиш. Маҳкумлар меҳнатига ҳақ тўлаш тартиби ва шартлари. Маҳкумлар иш ҳақларидан чегириб олиш қоидалари. Маҳкумларга ҳақ тўламай ишга жалб этиш. Маҳкумларга қўлланадиган моддий жавобгарлик.

Маҳкумларнинг ижтимоий суғуртаси ва нафақа таъминоти. Озодликдан маҳрум этишга ҳукм қилинган шахсларга қўлланиладиган тарбиявий таъсир кўрсатиш тушунчаси, принциплари ва аҳамияти. Маҳкумларни тарбиявий ишларга жалб қилишнинг мақсадлари. Маҳкумлар билан олиб бориладиган тарбиявий ишларнинг шакллари. Маҳкумларнинг тарбиявий ишларида матбуот, радио, телевидение, кинофильмлардан, кутубхона ва бошқа воситалардан фойдаланиш. Маҳкумларнинг тарбиявий ишларини ташкил этишда жамоатчилик ва айрим фуқаролар ёрдамидан фойдаланиш. Маҳкумлар тарбиявий ишларини ташкил этишда ҳуқуқий тарғибот ишларидан, қонун нормалари билан таништиришдан фойдаланиш. Маҳкумларни ахлоқий тузатишда маҳкумлар таълими ва касб тайёргарлигининг тушунчаси ва аҳамияти. Маҳкумларни умумий таълимга жалб этиш. Маҳкумлар умумтаълимининг мажбурийлиги ва ихтиёрийлиги. Маҳкумларнинг олий ва ўрта махсус билим юртларида таълим олиш муассасалари. Умумтаълим ёки ўқиш жараёнида маҳкумларнинг меҳнати. Маҳкумларни ҳунар-таълим ва касб тайёргарлигига жалб этиш. Озодликдан маҳрум этишга ҳукм қилинган шахсларга нисбатан қўлланиладиган рағбатлантириш ва интизомий жазо чораларини қўллаш тушунчаси, аҳамияти ва асослари. Рағбатлантириш чораларини қўллаш асослари. Рағбатлантириш чораларининг турлари. Маҳкумларнинг сақлаш шароитларини ўзгартириш билан боғлиқ бўлмаган, интизомий жазо чорасини бекор қилиш тартибида амалга ошириладиган рағбатлантириш. Маҳкумларнинг сақлаш шароити ўзгариши билан боғлиқ рағбатлантириш чораларини қўллаш тартиби ва шартлари. Интизомий жазо чоралари. Интизомий жазо чораларини қўллаш асослари. Интизомий жазо чораларининг турлари. Интизомий жазо чораларини қўллаш тартиби. Интизомий жазо чоралари устидан шикоят бериш тартиби.

АДАБИЁТЛАР 1. Жиноят-ижроия ҳуқуқи. Дарслик. Муаллифлар жамоаси. Масъул муҳаррир-ю.ф.н., доц. Б.Ж.Ахроров. –Т.: Ўқитувчи, 2002. – 208б. 2. Жиноят-ижроия кодексига шарҳлар. Рустамбоев М.Ҳ., Ахраров Б.Ж. ва бошқалар. Маъсул муҳаррир: ю.ф.д., проф. М.Ҳ.Рустамбоев. – Т.: ТДЮИ, 2007. – 574 б. 3. Комментарий к Исправительно-трудовому кодексу Республики Узбекистан. –Т.: Узбекистан, 1997.- 345с. 4. Абдухалиқов М.А., Пайзуллаев Қ., Абдуқодиров Ш.Ё. Жиноят -ижроия ҳуқуқи (альбом схемалар). –Т.: ТДЮИ, 2005. – 142 б. 5. Курс уголовного права Республики Узбекистан Том-1 общая часть учение о преступлении . учебник. М.Х. Рустамбоев . - Т.:ТДЮИ, 2009.- 526 ст. 6. Курс уголовного права Республики Узбекистан Том-2 общая часть учение о наказании . учебник. М.Х. Рустамбоев . - Т.:ТДЮИ, 2009.-394 ст.

Похожие

Озодликдан маҳрум қилишга ҳукм қилинган шахслар моддий-маиший таъминоти

Ахолига хизмат курсатиш соҳасидаги тадбиркорлик

Ҳақ эвазига хизмат кўрсатиш ( Хак эвазига хизмат курсатиш )

Тадбиркорлик фаолияти соҳасида юридик хизмат курсатиш

Жарима, муайян хукукдан махрум килиш ва ахлок тузатиш ишлари ва камок тарикасидаги жазоларни ижро этиш