Murda bo'lagi topilgan holatlarda tergovning o'ziga xosliligi - Юриспруденция - Рефераты

Murda bo'lagi topilgan holatlarda tergovning o'ziga xosliligi

Загружено в:

16.09.2022

Скачано:

0

Размер:

56.5 KB

Murda bo`lagi topilgan holatlarda tergovning o`ziga xosliligi Reja: 1. Murda bo`lagi va uning topilgan joyini ko`zdan kechirish 2. Sud tibbiyot ekspertizasi hal qiladigan masalalar 3. Tergovning keyingi bosqichida o`tkaziladigan harakatlar

Qotillik jinoyatlarini tergov qilish uslubiyoti nuqtai naza-ridan ular shartli ravishda uch guruhga bo`linib, tergov qilish takti-kasiga tavsiya qilinadi. 1. Zo`rlik alomatlari mavjud bo`lgan murda topilgan holda o`tkaziladigan tergov va tezkor harakatlari; 2. Qotillik jinoyatini sodir qilib, so`ng qotil jabrlanuvchi tana jasadini bo`laklab har joylarga tashlab yuboradi yoki yashiradi; 3. Bedarak yo`qolgan shaxsning jinoyat qurboni degan versiya asosida jinoiy ish qo`zg`atilib tergov olib borish. Jinoyatning sodir qilinish motivlari hodisa joyidagi oqi-bat, izlar, qurollar va boshqa vaziyatlar jinoyatning kriminalistik tavsifini tashkil qiladi. Kriminalistik tavsifining ayrim ele-mentlari bir-birlari bilan bog`liq bo`ladi va biri ikkinchisidan kelib chiqadi va biri ikkinchisini to`ldiradi. Jinoyatning subyekti, jinoyat sodir qilingan joyi, murda yoki uning bo`lagi topilgan joy-lar kriminalistik tavsif elementlari bir-birlari bilan bog`liq bo`lib, har qaysi elementdan qolgan izlar (jinoyat oqibati izlari) boshqa elementlarda aks etadi, birini kuzatish va tekshirish bilan ikkinchisi unga bog`liq bo`lgan holat – vaziyatning xususiyatini kel-tirib chiqaradi. Jinoyat sodir etilgan, jabrlanuvchining murdasi topilgan joylardan jinoyatning sodir etilish usuli, motivlari, qo`llanilgan qurollar, jinoyatni sodir etgan shaxs haqidagi dastlabki ma`lumot-larni olish mumkin bo`ladi. Jabrlanuvchining shaxsi ma`lum bo`lgan hollarda, jinoyatchi haqida, marhum bilan ular orasidagi munosabat, jinoyat hodisasining mexanizmi haqida xabar olish mumkin bo`ladi va tegishli versiya-tusmollar tuzish imkoni bo`ladi. Jinoyat hodisa-si bilan jabrlanuvchining tanasi topilgan joylar bir bo`lganda, qotillikning asosiy holatlari haqida ma`lumot olish va dastlabki tergov-tezkor harakatlarni o`tkazish bilan jinoyatda shubhalangan shaxsni topishga, qo`lga olish imkon bo`ladi. Qotillik jinoyati ochiq joylarda, yo`l-ko`cha yuzasida, tashlandiq, odamlar kam yuradigan joy-larda sodir etilganda jabrlanuvchi murdasi bir muncha o`zgarishlar, (murda

alomatlari, atrof-muhit, ob-havo ta`siri) yuz berishi nati-jasida uning shaxsini aniqlash murakkab bo`ladi. Bunday hollarda tezkor xodimlarning ma`lumotlar, qidirilayotgan bedarak iz qol-dirgan shaxslar haqidagi informatsion xizmat xodimlarining axbo-rotlari katta yordam beradi. Shahar sharoitlarida sodir qilinadigan qotilliklar haqidagi ma`lumotlar ko`pincha informatsion xizmat xodimlarining axborot-lari orqali olinib, ular asosida tezkor qidiruv choralari o`tkazi-ladi. Odamlar gavjum bo`lib yashayotgan joylar sharoitlarida sodir qilinadigan qotilliklar ko`p hollarda jinoyat izlarini yo`qotishga, murdani bo`laklab yashirishga qaratilgan bo`ladi. Murda bo`laklarini ahlat-chiqindilar tashlanadigan joylarga tashlaydilar, jamoa gav-jum joylardagi maxsus yuk saqlanadigan binolarda biror material-ga o`ralgan holda yoki sumka- chemodanlarga joylashtirilib qoldira-dilar. Jinoyat sodir bo`lgan va murda bo`lagi topilgan joylar har xil hududlarda bo`lgan taqdirda bu joylarni bir-birlari bilan bog`liq va moslik holatlari aniqlanmog`i lozim. Qotillik jinoyatlarining tavsifiy qismlaridan yana biri uning sodir qilinish usulidir. Sodir qilinish usuli o`z ichiga ish-latilgan qurol, vosita, harakat, jinoyatga avvaldan tayyorgarlik ko`-rish va sodir qilinganidan so`ng jinoyat izlarini yo`qotishga harakat qilish holatlari kiradi. Uy – ro`zg`or janjallari, rashq, bezorilik, spirtli ichimlik va narkotik moddalar ta`siri ostida sodir qilinadigan qotilliklar deyarli oldindan tayyorgarlik ko`rilmasdan sodir qilinadi. Qotil qo`liga duch kelgan predmet qurol (pichoq, tesha, bolta) yoki boshqa vosita bilan jarohat yetkazadi va maqsadiga yetadi. Qotillik g`arazlik maqsadida yoki jabrlanuvchining lavozimi, xizmat vazifasiga qarshi qaratilgan bo`lsa, jinoyatchi oldindan ta-yyorgarlik ko`radi, joyini, vaqtini va qurolni belgilab qo`yadi, bun-day hollarda o`q otish quroli, portlovchi moddalarni mo`ljallab qo`yadi. Qasdni amalga oshirgandan so`ng, qotil quroldan otilgan o`q va gilzalarni ham olib ketishga, oyoq va qo`l izlarini

qoldirmaslikka harakat qiladi. Bu holatlar qotilning shaxsi haqidagi ma`lumot-larni olishga va uni kimlar orasidan qidirish lozimligini belgi-laydi. Qotillik jinoyatining izlarini va jabrlanuvchining murdasi-ni yo`qotishga qaratilgan harakatlar ba`zida qotillikka boshqa hodisa tusini berish uchun niqoblash usullarini ham qo`lashlar uch-rab turadi. Qotil qurbonini hushsizlantirib yoki og`ir jarohat yet-kazib, xonaning eshik-derazalarini berkitib o`t qo`yib ketadi, tepa-lik balandlikdan itarib yuboradi, “o`z-o`ziga qasd qilgan” – niqobi tusini yaratadi va xakozo. Jabrlanuvchining shaxsini aniqlash ham tergovning dastlabki bosqichida to`g`ri tusmollar tuzishga va gumonlanuvchini topishga yor-dam beradi. Jabrlanuvchilar ayol kishilar bo`lsa, ko`p hollarda ular zo`rlik, g`arazlik yoki rashq qurbonlari bo`ladilar. Qotil bilan jabrlanuvchining o`zaro aloqalari, munosabatlari bir-birlari bilan bog`liq bo`lib jinoiy oqibatga olib kelishligi sababida va qasdning mazmunidan darak beradi. Jinoyatga gumonlangan qotillarning shaxsi, tergov amaliyotiga asoslangan holda quyidagicha tavsiflanishi mumkin. Spirtli ichim-lik yoki narkotik moddalarni suis`temol qiluvchi 18 yoshdan 50 yoshga-cha bo`lgan erkak kishilar. Ko`p hollarda ular qo`pol muomala qiluv-chilar, axloqsiz, jamoaga va ayollarga behurmat va rahmsiz qaraydi-gan, ilgari sudlangan kabi sifatlarga ega bo`ladilar. Qotilning ba`zi harakatlari – jabrlanuvchiga nisbatan o`ta rahmsizlik bilan ko`p jarohat yetkazishi, o`zining yaqin qarindoshi, oila a`zolari, yosh bolalarni o`ldirishi, ularning murdalarini may-da bo`laklarga bo`lib, har joylarga tashlashi, uning aqli norasoligi-dan xabar beradi, bunday hollarni tipik vaziyatlarga kiritish mum-kin. Tergov amaliyotida notipik holar ham uchrab turadi. Qotil qurol bilan muomala qilishni yaxshi biladi, harbiy xizmatda yoki alohida mashq asosida otish yoki sovuq qurollarni ishlatishni o`zlashtirib, jinoyatga tayyorgarlik ko`rishni va sodir qilgandan so`ng uning izlarini yo`qotishni avvaldan belgilab qo`yadi. Bunday vaziyat-lar tergovning dastlabki bosqichida bir muncha murakkablikni kel-tirib chiqaradi.

Lekin kriminalistik faoliyatning qonuniyatiga binoan hech bir jinoyat o`z oqibatini – izlarini qoldirmay iloj yo`q, shuning uchun har qanday jinoyat shu jumladan qotillik qurbonini bo`laklab yo`qotishga qaratilgan jinoyatlar ham muvaffaqqiyatli tekshirilib o`z yechimini topadi. Murda bo`lagi topilgan hollarda jinoyat ishi darhol qo`zg`a-tiladi, chunki mazkur holatning o`zi yetarli asos bo`ladi. Jinoiy ish qo`zg`atilishi bilan tezkorlik bilan murda bo`lagini va uning topil-gan joyini ko`zdan kechirish lozim. Ko`zdan kechirishda topilgan mur-da bo`lagi qanday holatda ekanligi, biror material, qog`oz sellofan paketga solinganmi, mato, qog`oz turi, o`ralish usuli bog`lash va bog`ich turi haqidagi ma`lumotlar to`la va aniq qilib bayonnomaga kiritil-mog`i lozim. Murda bo`lagini ko`zdan kechirishda uning kimga tegishli ekan-ligi, (jinsi, taxminiy yoshi, millati) bosh qismi bo`lgan hollarda shaxsini ham aniqlash imkoni bo`ladi Shuningdek, ko`zdan kechirishda ishtirok etayotgan sud tibbiyoti mutaxassisining yordamida, o`lim yuz bergan vaqt, murdani bo`laklash vaqti, qanday qurol bilan sodir etilganligi taxminiy belgilanib versiya yuritiladi, so`ngra eksper-tiza tekshiruvi o`tkazilganda ana shu versiyalar tekshiriladi. Murda bo`lagi topilgan joyni ham sinchiklab ko`zdan kechirish lozim bo`ladi. Bunda joyning o`zi tavsiflanadi; gavjum joylardagi, (vokzal, aeroport va h) ahlat tashlash joylari, yashik, bochka, chuqur, hojatxonalar, yo`lovchilarning yuki saqlanadigan - qo`riqlanadigan joylardagi papka, tokchalar, qutilar va h.k. Ochiq joylarda topilgan bo`lsa, mazkur hududning joylashgan joyi, tuman, manzil, ko`p qavatli uylar orasidagi bo`shliqlar, chiqindilar tashlanadigan joylar, qurilish va ta`mirlash joylari, shahardan tashqaridagi ochiq joylar, yo`l-ko`cha yuzasi yoki ariq-zovur kabi joylarning aniq mo`ljali, belgi-alomatlari bilan belgilab tegishli chizma va bayonnomada aks ettirmoq lozimdir. Murdaning boshqa qismlarini topish ham dastlabki tergov harakatlarini amalga oshirish bosqichida o`tkaziladi. Bunda ayniqsa tezkor – qidiruv xodimlarining chora-tadbirlari katta ahamiyatga egadir. Qotillik jinoyatlarini tergov qilishda tashkil qilingan ter-gov-tezkor xodimlar guruhi tarkibiga kirgan jinoyat-qidiruv xo-dimlari tomonidan bo`laklangan

murdaning boshqa qismlarini qidi-rib-topish lozim bo`ladi. Bular murda qismlari topilgan joy atro-fidagi yaqin joylar bo`lishi mumkin. Tezkor qidiruv choralarini o`tkazishda, kinolog mutaxassislarni jalb etish bilan ham foydala-nish mumkin bo`ladi. Mazkur chora-tadbirlarni o`tkazish bilan bir qatorda IIVning axborot- informatsion markazi ma`lumotlaridan, kriminalistik ro`yxatga olingan bedarak yo`qolgan shaxslar haqidagi axborotlardan ham foydalanish lozim bo`ladi. Yo`qolgan shaxslarning og`zaki belgi-alomat portretlari bilan bo`laklangan murda shaxsi o`zaro solishtirilib identifikatsiyalash bilan jabrlanuvchining shaxsini aniqlashga harakat qilmoq zarur bo`ladi. Ko`zdan kechirish jarayonida murda bo`lagi topilgan joydan olingan turli modda-buyumlar ashyoviy dalil sifatida rasmiylash-tiriladi, fotosuratga tushiriladi. Murda bo`lagi umumiy ko`rinishi obzor uslubi bilan bo`laklashda kesilgan, aralangan, chopilgan joy-lari uzlovoy va masshtabli qilib suratga olinadi. Atrof- muhitdagi alomatlar (transport vositasi, oyoq-poyafzal) izlari, turli pred-metlar, (chekilgan sigaret qoldig`i, ro`molcha, tugma kabilar) ham ashyo-viy dalil sifatida olinadi va rasmiylashtiriladi. Murda bo`lagi biror materialga o`ralgan, solingan bo`lsa, ular ham ko`zdan kechirilib (ularning turi, sorti) guruh mansubligi bel-gilanadi. Tergovning keyingi bosqichida o`tkaziladigan tekshiruvlar natijasida topiladigan o`xshash material, qog`oz va b. ekspert tekshi-ruvi bilan identifikatsiya qilinadi. Murdaning bo`lagidagi jarohatlar, bo`laklashda ishlatilgan qurol, uslub, jinoyatchining shaxsidan xabar beradi, uning hunari-kasbi, mutaxassisligi haqida versiya yuritishga imkon beradi. Tergovning xususiyatiga ko`ra mazkur guruh jinoyatlarining so-dir qilinishi jinoyat izlarini, jabrlanuvchi jasadini turli usul-lar bilan yashirish-yo`qotish harakatlar borligi namoyon bo`ladi. Ter-gov va tezkor xodimlarning hamkorligi, ayniqsa, bu ishlarda ahamiyatlidir. Sud tibbiyot ekspertizasi hal qiladigan masalalar

Hodisa joyini, murdaning bo`lagi (bir qismi) topilgan joy-larni ko`zdan kechirish, tezkor - qidiruv chora-tadbirlarini o`tkazish natijasida turli izlar va ashyoviy dalillar topiladi, bular qato-riga jinoyatchiga tegishli bo`lgan izlar (qo`l oyoq) shaxsiy buyumlar va ularning biror qismi (ro`molcha, sigaret qoldig`i, tugma va h.k.) Topilgan turli obyektlar o`zining tuzilishi, xoslik xususiyat-lari, qurol sifatida ishlatilishi mumkin bo`lgan buyumlar o`zlariga tegishli bo`lgan tekshiruvlarga obyekt bo`ladi. Sud-tibbiyot va biologik ekspertizalari odamning tanasi, un-dagi jarohatlar, odam qoni va boshqa biologik moddalari yuzasidan o`tkaziladi. Qotillik jinoyati sodir qilinib, so`ng uning izlarini yo`qo-tish maqsadida jinoyatchi jabrlanuvchining tanasini bo`laklab xara-jatlarga tashlaydilar, berkitadilar. Tergov va tezkor qidiruvi yordami bilan topilgan murda bo`lagi bo`yicha tibbiyot tekshiruvi quyidagi masalalarni hal qiladi: tana bo`lagi (bosh qismidan boshqalari bo`yicha) kimning – ayol yoki erkak kishining tanasimi; taxminan yoshi,qaysi millatga mansubligi; qotillik sodir qilingan vaqti; jarohatlar qanday quroldan yetkazilgan; o`lim yuz bergan va murda bo`laklangan vaqt; Murdani bo`laklashda qanday qurol (o`tkir kesuvchi, chopuvchi, arralovchi) ishlatilgan; Jasadni qismlarga bo`lishda jinoyatchining kasb-hunar belgi-lari (jarrohlik, qassoblik kabi); Jabrlanuvchi qonining qaysi guruhga mansubligi; Murda bo`laklari bir necha bo`lsa, ular bir odam tanasiga tegishlimi degan savol va boshqa masalalar aniqlanadi. Murda bo`lagi biror materialga, karton yoki to`qima qutiga, turli sumka va boshqa idishlarga joylashtirilgan bo`lsa, mazkur predmetlar ham ashyoviy dalil

sifatida olinadi, ulardagi qon va boshqa biologik moddalar ham ekspert tekshiruviga yuboriladi, o`rash materiallari-idishlari yuzasidan esa identifikatsiya o`tkaziladi, ular-ning guruh mansubligi bo`yicha gumonlanuvchi shaxslarning yashaydigan yoki ushlangan joylarda topilgan o`xshash obyektlar bilan solishtiriladi. Murda bo`lagidagi boshqa moddalar (jinoyat sodir bo`lgan yoki bo`laklangan joyidan) yopishgan zarrachalar, tuproq-chang, loy va b. mikroelementlar ham ko`zdan kechirishda va ekspert tadqiqoti jarayonida tekshiriladi. Ular gumonlanuvchi ushlangan taqdirda, uning ustki kiyimidan, poyafzal tagcharmidan olingan mikro elementlar bilan qiyoslanib aynanlik fakti yoki guruh mansubligi belgilanadi.

Tergovning keyingi bosqichida o`tkaziladigan harakatlar Tergov jarayonining keyingi bosqichi dastlabki tergov va tezkor-qidiruv choralari natijasiga bog`liq. So`roqni jinoyat hodisasi-ni ko`rgan, eshitgan va muhim ma`lumotlarni berishi mumkin bo`lgan guvohlardan boshlash kerak. Tezkor-qidiruv choralari yordamida aniq-langan gumon qilinuvchilar ushlanib, tegishli muddatlarda so`roq qilinishi va ularning ko`rsatmalari tekshirilishi lozim. Ko`zdan kechirish natijasida topilgan ashyoviy dalillar, jinoyat qurollari, turli izlar yuzasidan kriminalistik ekspertizaning alohida turlari o`tkaziladi. Jumladan, transport vositasi yordamida sodir qilingan jinoyatlar bo`yicha izlar trasologik, yo`l harakat qoidasini qasddan buzish va yo`lovchini bosib ketish holatlari avtotexnik ekspertiza, ayrim singan va alohida bo`laklar bo`yicha butun bir predmet — qurolni aniqlashda trasologik, jinoiy hodisasiga tegishli bo`lgan turli hujjat matnlari bo`yicha xatshunoslik tekshiruvlari o`tkaziladi. Otish quroli vositasida sodir qilingan qotillik ishlarida qurol va uning qaysi harbiy qismga tegishligi yuzasidan ballistik identifikatsiyaviy tekshiruv va sovuq qurollarning ballistik eks-pertizasi o`tkaziladi. Jinoyat sodir bo`lgan joyda, jabrlanuvchining va ishda gumon qilinuvchining tanasi-kiyimida turli modda va mikro-materiallar topilishi mumkin, xususan jinoyatchi poyabzalining tagcharmida hodisa joyidagi tuproq va turli biologik zarrachalar, jabrlanuvchi kiyimining ustki qismida jinoyatchining egnidan mikrozarrachalar o`tish hollari amaliyotda ko`p uchrab turadi. Bu mikrozarrachalarni tekshirish natijasida material, modda va mahsulotlarning qaysi guruhga mansubligi, ba`zida esa aynanligi aniqlanadi. Keltirilgan ma`lumotlar gumon qilinuvchining jinoyat sodir bo`lgan vaqtda «men boshqa joyda edim, umuman, hodisa joyida bo`lmaganman» - degan vajining yolg`onligini fosh etib, aksincha holatni tasdiqlashga imkon beradi. Tergov jarayonida olingan xabarlar, turli ekspertiza xulosa-lari, tergov eksperimenti natijalarida yangi holatlar ma`lum bo`lishi mumkin. Bu vaziyatlar va holatlarni hal qilish uchun ba`zida dafn etilgan jabrlanuvchining mayitini, bedarak

yo`qolgan.shaxsi noma`lum murdani ko`milgan joyidan qayta ochib olish «eksgumatsiya» qilish va turli ekspertiza tekshiruvidan qayta o`tkazish harakatlari ham amalga oshiriladi. «Eksgumatsiya» o`tkazish uchun sud-tibbiyot ekspertizasini qayta-takroriy o`tkazish va noma`lum mayitning shaxsini aniqlash uchun ham zarurat tug`iladi. Mazkur tergov harakati maxsus qaror va prokuror ruxsati asosida, dafn etilganning yaqin qarindosh-urug`larining rozi-noroziligidan qat`i nazar o`tkaziladi. Tergovning bu bosqichida ayblanuvchini so`roq qilish zarur bo`ladi. So`roq o`tkazish uchun ish yuzasidan yig`ilgan dalillar, guvohlarning ko`rsatuvlari, ekspertiza xulosalari va boshqa ma`lumotlar yana bir bor tahlil etilib, ular o`zaro bir-birlari bilan bog`liqmi, orasida ziddiyatli vaziyatlar yo`qmi, tekshirilib, ayblanuvchini so`roq qilish davomida uning yolg`on ko`rsatma berishiga qarshi qo`llanilishi mumkin. Ayblanuvchining yolg`on ko`rsatmasini tekshirish va haqiqatni isbotlash uchun uni tanib olishga ko`rsatish, ayrim bergan ma`lumotlari asosida tergov eksperimenti o`tkazish, yuzlashtirish bilan amalga oshiriladi. Shuningdek, ayblanuvchining ko`rsatmalarini hodisa va jinoyat joyida qayta tekshirish bilan ham to`g`ri-noto`g`ri ekanligini aniqlab olish mumkin bo`ladi. Qotillik jinoyatini sodir qilishda qo`llanilgan usullar, alohida o`ta rahmsizlik harakatlari, qurol xususiyati, jinoyat qurbo-ni bo`lgan shaxs murdasini bo`laklash holatlari yuzasidan ayblangan shaxsning aqli rasoligini aniqlash uchun, albatta, sud-psixiatriya tekshiruvidan o`tkazilishi lozim. Jinoyatda ayblanganning ushlangan joyida, yashash manzilida zarur bo`lganda tintuv o`tkazmoq mumkin. Tintuvning maqsadi jinoyat qurolini, izlarini, o`g`irlangan qimmatbaho buyum, pul mablag`lari-ni topishdan iboratdir. Tanib olishga ko`rsatish, tergov eksperimenti, yuzlashtirib so`roq qilish harakatlarini o`tkazishda kriminalistik taktikaning umumiy qoida tartibiga rioya qilgan holda amalga oshiriladi. Ayrim vaziyatlarni hal etishda ishning o`ziga

xoslik tomonlarini nazarda tutgan holda u yoki bu taktik qoidalarni qo`llash lozim bo`ladi. Tergovning so`nggi bosqichida o`tkaziladigan tergov harakat-larining ketma-ketligi, ba`zida takror o`tkazilishi, aniqlanayotgan holatning xususiyatiga bog`liq bo`lib, har xil vaziyatni hal etish tergovchining mutaxassis sifatidagi saviyasiga va ishdagi tajribasi va ijodiy yondashuviga bog`liq bo`ladi.

Adabiyotlar ro`yxati 1. O`zbekiston Respublikasining Konstitutsiyasi. “O`zbekiston” Toshkent, 2003 2. I.A.Karimov “Adolat - qonun ustuvorligida”. O`zbekiston Respublikasi Oliy Majlisining II chaqiriq 6-sessiyasida so`zlagan nutqi “O`zbekiston ovozi” gazetasi, 2001 y. 30 avgust. 3. I.A.Karimov. Biz tanlagan yo`l demokratik taraqqiyot va ma`rifiy dunyo bilan hamkorlik yo`li -T: “O`zbekiston”, 2003 4. I.A.Karimov. Tinchlik va havfsizligimiz o`z kuch - qudratimizga, hamjihatligimiz va qat`iy irodamizga bog`liq T: “O`zbekiston”, 2004 5. I.A.Karimov. Bizning maqsad-jamiyatni demokratlashtirish va yangilash, mamlakatni modernizatsiyalashtirish va isloh qilishdir. T: “O`zbekiston”, 2005 6. Alimova R.A, Otaxo`jayev S.A. – Sud ekspertizasini tashkil qilish va o`tkazish masalalari. Toshkent, 2001 7. Kriminalistika texnikasi; O`quv qo`llanma, Toshkent, 1999 8. Kriminalistika taktikasi; O`quv qo`llanma, Toshkent, 2000 9. Kriminalistika; Darslik. I-II qism. Toshkent. 2003 y. 10. Kriminalistika; Uchebnik. Moskva “BEK”. 2000 g. 11. Kriminalistika; Uchebnik. Moskva. 2004 g. 12. Norboyev A. – Hodisa joyini ko`zdan kechirish. Uslubiy qo`llanma Toshkent. 1999 y.

Похожие

Zo`rlik alomatlari mavjud murda topilganda o`tkaziladigan tergovning alohidaligi

Qotillik jinoyatlarini tergov qilish uslubiyoti

Tanib olish uchun ko`rsatish taktikasi

Yo`l harakati xavfsizligi qoidalarini jinoiy tarzda buzganlik hollarini tergov qilish

Uyushgan jinoyatchilikni tergov qilish