Majburiyatlarni buzganlik uchun javobgarlik - Юриспруденция - Рефераты

Majburiyatlarni buzganlik uchun javobgarlik

Загружено в:

20.09.2019

Скачано:

0

Размер:

114 KB

www.arxiv.uz Reja: 1. Majburiyatlarning buzilishi va buning uchun fuqarolik-huquqiy javobgarlik tushunchasi 2. Majburiyatlarni buzganlik uchun javobgarlik asoslari 3. Qarzdorning zararni to`lash majburiyati 4. Qarzdorning javobgarlikdan ozod qilinishi asoslari 5. Majburiyatning qarzdor va kreditor tomonidan kechiktirilishi oqibatlari

www.arxiv.uz Majburiyatlarning buzilishi va buning uchun fuqarolik-huquqiy javobgarlik tushunchasi Ma`lumki, jamiyatimiz hayotining eng muhim tamoyillaridan biri qonun ustuvorligi hisoblanadi. Uning mohiyati shundan iboratki, “Asosiy ijtimoiy, eng avvalo iqtisodiy munosabatlar faqat qonun bilan tartibga solinadi, uning barcha qatnashchilari esa hech bir istisnosiz huquq normalarini buzganligi uchun javobgar bo`ladi”[133]. Bozor mexanizmining eng asosiy xususiyatlaridan biri “xo`jalik yurituvchi subyektlar o`rtasida ularning iqtisodiy javobgarligi va to`liq iqtisodiy mustaqilligi asosida”[134] qonun va shartnomalar intizomiga qat`iy rioya qilish hisoblanadi. Qonun va shartnomalar mazmunida esa ko`p hollarda fuqarolar va yuridik shaxslar zimmasiga yuklangan majburiyatlar yotadi. Majburiyat yuzasidan qarzdor bo`lgan shaxs uni butunlay bajarmasli-gi yoki lozim darajada bajarmasligi, majburiyatni bajarish yuzasidan belgilangan huquq normalariga rioya qilmasligi huquqqa xilof harakat yoki harakatsizlik hisoblanib, bu hol majburiyat buziganligidan ya`ni majbu-riyat yuzasidan qarzdor shaxs shuning o`zi bilan kreditorning subyektiv huquqini buzgan hisoblanadi. Chunonchi, sifatsiz mahsulot (tovar) yet-kazib berishda mahsulot sotuvchi tashkilot – qarzdor sifatida huquq normasini, ya`ni, FKning tegishli moddasida ko`rsatilgan qoidani buzish bilan birga mahsulot oluvchi korxonaning, ya`ni kreditor tashkilot qarzdor tashkilotdan shartnomaga muvofiq sifatli mahsulot (tovar) ning o`ziga topshirilishini talab qila oladi. Yuqorida aytilganidek, qarzdorning harakatsizligi ham huquqqa xilof hisoblanishi mumkin. Bunday harakatsizlik qarzdorning shunday xatti-harakatidan iborat bo`lib ko`rinadiki, bunda qarzdor o`zi amalga oshirishi lozim bo`lgan harakatni qilmaydi. Masalan, uy-joy ijarasi shartnomasi bo`yicha tashkilotning uyida yashovchi fuqaro belgilangan ijara haqini to`lamasligi bilan Uy-joy kodeksining 69-moddasida belgilangan qoidani buzadi. Shu bilan birga, shartnomaga muvofiq tarzda qarzdordan kvartira haqining o`z vaqtida to`lanishini talab qilish huquqiga ega bo`lgan tashkilotning – ijaraga beruvchining, ya`ni kreditorning subyektiv huquqi ham buziladi.

www.arxiv.uz Bozor munosabatlari sharoitlarida qarzdorning tadbirkorlik qoidala-riga zid kelgan harakatlari yoki harakatsizligi, beparvoligi huquq norma-sini to`g`ridan- to`g`ri buzish bilan bog`liq bo`lmasa ham, huquqqa xilof hisoblanishi mumkin. Qarzdorning huquqqa xilof xatti-harakati huquq normalariga rioya qilmaslikni bildirganligi tufayli, chunonchi, qarzdor tomonidan olingan majburiyatning butunlay bajarilmasligi yoki lozim darajada bajarilmasligi va shu bilan shartnoma intizomining buzilishi – qonunchilikni buzish deb yuritiladi. Binobarin, shartnoma yuzasidan olingan majburiyatlarning, shuningdek, boshqa majburiyatlarning bajarilishini ta`minlashga qaratilgan kurash – aynan shu vaqtning o`zida qonunchilikka rioya qilish uchun bo`lgan kurash deb hisoblanadi. Qonunchilik xo`jalik yurituvchi subyektlar tomonidan shartnoma majburiyatlarining buzilishiga yo`l qo`ymaslik lozimligini normalamaydi. Chunki qarzdor tomonidan majburiyatning buzilishi, mazkur subyektlar tomonidan shartnoma intizomiga rioya qilmasligi davlat tomonidan belgi-langan huquq normalariga rioya qilmaslikni bildiradi. Natijada tashkilot-larning mablag`lari muomalada bo`lishi birmuncha sekinlashadi; qurilish-lar, korxonalar va tashkilotlarning izchil, uzluksiz ish olib borishlari buziladi. Qishloq xo`jalik mashinalarining va boshqa mahsulotlarning sanoat korxonalari tomonidan qishloq xo`jalik korxonalariga topshirilishi va ular-ning davlat buyurtmasi bo`yicha qishloq xo`jalik mahsulotlari topshirish yuzasidan olingan majburiyatlarning o`z vaqtida bajarilishi muhim aha-miyatga egadir. Kreditorlar sifatida fuqarolar bo`lganida ham tegishli tashkilotlar o`z zimmalariga olgan majburiyatlarni lozim darajada bajarishlari talab qilinadi. Fuqarolik-huquqiy javobgarlik qarzdor tomonidan majburiyatning bajarilmasligi yoki lozim darajada bajarmasligi hollarini nazarda tutib, qonun yoki shartnomada belgilangan sanksiyalar qo`llaniladi. Fuqarolik-huquqiy javobgarlik majburiyatni bajarmagan qarzdor zimmasiga zararlarni, neustoykani kreditor foydasiga to`lash vazifasini yuklashdan iboratdir.

www.arxiv.uz Fuqarolik-huquqiy javobgarlik tushunchasi majburiyatdagi sanksiya tushunchasidan birmuncha torroq ma`noda tushuniladi, chunki bunda qarz-dorning javobgarligi barcha hollarda faqat mulkiy javobgarlik hisoblanadi. Chunonchi, birovga zarar yetkazish tufayli vujudga keladigan majburiyat-larda zarar yetkazuvchi jabrlangan shaxsga yetkazilgan zararning pul bilan hisoblangan miqdorini to`la ravishda to`laydi. Shartnoma bo`yicha olingan majburiyatlarning bajarilmasligi esa kreditorning ko`rgan zararlarni to`latish uchun ham, qarzdordan neustoykaning undirilishi uchun ham asos bo`ladi. Qarzdorning majburiyatni lozim darajada bajarmasligi, ya`ni majbu-riyatni shartnoma yoki qonunda ko`rsatilgan shartlariga muvofiq ravishda bajarmasligi; masalan, mahsulotning sifati, topshirish muddati, shartnoma-ning bajarilish joyi kabi shartlar buzilishidan iboratdir. Majburiyat qarzdor tomonidan butunlay bajarilmasa, kreditor sud orqali majburiyatning maj-buriy tartibda bajarilishini, birinchi navbatda, albatta real ravishda baja-rilishini, agar majburiyat lozim darajada bajarilmagan bo`lsa, uning qonun yoki shartnomada ko`rsatilgan shartlarga muvofiq bajarilishini talab qilish-ga haqli. Yuqorida ko`rsatilgan har ikki holatda, ya`ni majburiyat butunlay bajarilmaganida ham, lozim darajada bajarilmaganida ham, ya`ni ayrim shartlari buzilganida ham kreditor qarzdordan qonun yoki shartnomada nazarda tutilgan mulkiy jarimalarning undirilishini, ya`ni o`zi ko`rgan zararlarning qoplanishini, neustoykalarning to`lanishini talab qila oladi. Shu bilan birga qarzdorni olgan majburiyatlarini bajarish uchun mumkin qadar ko`proq harakat qilishga majbur qiladi. Fuqarolik-huquqiy javobgarlikning belgilanishi turli subyektlar o`rtasidagi munosabatlarda shartnoma intizomining mustahkamlanishiga yordam beradi. Binobarin, fuqarolik – huquqiy javobgarlik majburiyat-larning real va tegishli darajada bajarilishiga yordam berib, katta yuksak tarbiyaviy rol o`ynaydi. Agar majburiyatni bajarmaslik yoki lozim dara-jada bajarmaslik natijasida kreditorga zarar yetkazilgan bo`lsa, qarzdor bunday zararlarni to`lashga majbur bo`ladi.

www.arxiv.uz FKning 324-moddasida qarzdor majburiyatni bajarmaganligi yoki lozim darajada bajarmaganligi tufayli kreditorga yetkazilgan zararni to`lashi shart deb ko`rsatiladi. FKning 14-moddasi 2-qismida zarar tushunchasi normalangan. Bun-ga asosan, zarar deganda, huquqi buzilgan shaxsning buzilgan huquqini tiklash uchun qilgan yoki qilinishi lozim bo`lgan xarajatlari, uning mol-mulki yo`qolishi yoki shikastlanishi (haqiqiy zarar), shuningdek, bu shaxs o`z huquqlari buzilmaganida, odatdagi fuqarolik muomalasi sharoitida olishi mumkin bo`lgan, lekin ololmay qolgan daromadlari (boy berilgan foyda) tushuniladi. Zarar deganda, qarzdor tomonidan majburiyatning butunlay ijro etil-masligi yoki lozim darajada ijro etilmasligi oqibatida kreditor tomonidan qilingan xarajatlar, mulkning yo`qotilishi yoki kamayishi tushuniladi. Kreditorning mulkiy zarariga misol qilib tashkilot tomonidan qilingan ishlarning sifatsiz bajarilishi sababli uni tuzatish bilan bog`liq bo`lgan xarajatlarni yoki shartnomada belgilanmagan muddatda qarzdor tomonidan yuborilgan, masalan, muddatidan oldin yuborilgan mahsulotni saqlash xarajatlaridan kelgan zararni yoxud kreditor tomonidan boshqa tashki-lotlarga to`langan jarimalarni ko`rsatsa bo`ladi. Kiyim tikuvchi atelyening xizmatchisi tomonidan fuqaroga kostum tikilishida u tomondan topshirilgan materiallarning noto`g`ri bichilishi natijasida ko`rgan zararni kreditor bo`lgan fuqaroning zararlariga misol qilib ko`rsatish mumkin. Ikkinchidan, zarar sifatida kreditor tomonidan olinishi mumkin bo`l-gan, ammo qarzdor majburiyatni bajarmagani tufayli olinmay qolgan daro-madlar ham misol bo`la oladi. Masalan, kreditor bo`lgan davlat korxonasi qarzdor tashkilotning xom ashyolarni o`z vaqtida yetkazib berilishini kechiktirmaganida majburiyat o`z vaqtida bajarilgani holda olishi mumkin bo`lgan, ya`ni tayyor mahsulotni sotish natijasida olishi mumkin bo`lgan foydaning qarzdor o`z majburiyatini bajarmaganligi sababli olinmagan daromadlari kreditorning ko`rgan zarari hisoblanadi. O`zbekiston Respublikasi Oliy xo`jalik sudining Plenumi qarori ham mavjud zarar tarkibiga faqatgina tegishli shaxs tomonidan aniq yetkazilgan zararlarnigina emas, balki shaxsning buzilgan huquqini tiklashi uchun qilgan yoki qilishi lozim

www.arxiv.uz bo`lgan xarajatlar ham kirishini belgilaydi. Ayni paytda bunday xarajatlarning zaruriyligi va ularning taxminiy miqdori javobgarlik miqdorini belgilovchi tovar, ishdagi hamda xizmat ko`rsatish-dagi kamchiliklarni bartaraf etishga ketadigan smeta (kalkulatsiya) sifa-tidagi va majburiyatlarni buzganlik uchun javobgarlik darajasini belgilov-chi shartnoma, asoslantirilgan hisob-kitob kabi boshqa dalillar bilan tasdiqlangan bo`lishi ham kerak. Olinmay qolgan daromadning miqdori (boy berilgan foyda), agarda majburiyat bajarilgan bo`lganida, kreditor qilishi lozim bo`lgan oqilona xarajatlar hisobga olinib aniqlanadi[135]. Majburiyat huquqida zararning to`la ravishda to`lanishi (qoplanishi) tamoyili belgilanadi. Shu bilan birga, fuqarolar o`rtasidagi munosabatlarda sud zararning undirilishi tartibini belgilashda har ikki tomonning mulkiy ahvolini, xususan, qarzdorning mulkiy ahvolini e`tiborga olib, majburiyat-ning bajarilishini kechiktirishga yoki uni bo`lib-bo`lib bajarilishini belgilashga ham haqli. Bu to`g`risida Fuqarolik protsessual qonunining tegishli moddasida qoida belgilangan. Unda alohida hollarda ish bo`yicha hal qiluv qarorini chiqargan sud yoki hal qiluv qarorini ijro etish joyidagi sud ishda ishtirok etuvchi shaxslarning arizasi bo`yicha taraflarning mulki ahvoliga yoki boshqa holatlarga qarab, hal qiluv qarorining ijrosini kechiktirishga yoki bo`lib-bo`lib ijro etishga, shuningdek uni ijro etish usuli va tartibini o`zgartirishga haqli deb ko`rsatilgan. N.Egamberdiyevaning fikricha faqatgina bevosita zararlar undirilishi kerak, bilvositalari esa undirilishi lozim emas, chunki huquqbuzarlik va ularning yuzaga kelishi o`rtasidagi sababiy bog`lanish huquq tomonidan hisobga olish uchun yetarli emas[136]. FKning 332-moddasiga asosan majburiyatning ayrim turlari bo`yicha hamda muayyan faoliyat turi bilan bog`liq majburiyatlar bo`yicha qonunda zararni to`la qoplashga bo`lgan huquq cheklab qo`yilishi mumkin (chek-langan javobgarlik). Masalan, yuk tashuvchi transport tashkiloti tashish uchun qabul qilgan mulkni yo`qotganda, yuzaga kelgan zararni yuk jo`na-tuvchiga yoki oluvchiga yo`qotilgan ashyo qiymati baravarida to`laydi. Agar yuk zararlantirilgan bo`lsa, u holda zararlangan yukning qiymati qanchaga kamaygan bo`lsa, shu summa miqdorida

www.arxiv.uz to`laydi. Holbuki, yuk yuboruvchi yoki yuk oluvchining zararlari faqat yo`qotilgan yukning qiymati yoki qiymatining kamayishi natijasida kelgan zarardangina iborat bo`lmay, yana yuklarni saqlash uchun kerakli ombor binolarini ijaraga olish bilan bog`liq xarajatlardan, xodimlarning bekor turgan davrida ularga to`langan ish haqidan yuk tashuvchining aybi bilan materiallar va uskunalarning o`z vaqtida olinmasligi natijasida sodir bo`lgan boshqa zararlardan iborat bo`lishi mumkin edi. Ammo transport tashkilotlariga nisbatan cheklangan javobgarlik belgilanganligi sababli keyingi zararlar e`tiborga olinmaydi. Cheklangan javobgarlik transport tashkilotlari va ba`zi boshqa tashkilotlar uchun ham belgilanishi mumkin. Chunonchi, elektr quvvatini yetarli miqdorida yetkazib berolmagan elektr stansiyasi – faqat berilmagan elektr quvvati qiymati miqdorida javobgar bo`lishi mumkin. Tashkilotlar o`rtasidagi majburiyat munosabatlarida ko`proq tadbiq etiladigan mulkiy sanksiya – neustoykadir. Neustoykani undirish uchun faqat qarzdorning o`z majburiyatini bajarmaganligi ko`rsatilsa kifoya va bunday majburiyatning bajarilmasligi natijasida yetkazilgan konkret moddiy zarar miqdorini isbotlash talab qilinmaydi. Agar muayyan majburiyat uchun belgilangan javobgarlik miqdori qonunda aniq ko`rsatilgan bo`lsa, bunday javobgarlikni cheklash to`g`ri-sida o`zaro kelishishga yo`l qo`yilmaydi.

www.arxiv.uz Majburiyatlarni buzganlik uchun javobgarlik asoslari Qarzdor tomonidan majburiyatning bajarilmasligi yoki lozim daraja-da bajarilmasligi huquqqa xilof harakat yoki harakatsizlik hisoblanadi. Buning uchun umumiy qoida sifatida faqat muayyan asoslar mavjud bo`lgandagina qarzdorning, ya`ni majburiyatni buzgan shaxsning mulkiy javobgarlikka tortilishi belgilanadi. Fuqarolik huquqida, odatda, majburiyatni buzganlik uchun qarzdor-ning yoki zarar yetkazuvchining javobgarlikka tortilishi uchun quyidagi to`rtta asos bo`lishi ko`rsatilgan: birinchidan, huquqqa xilof harakat yoki harakatsizlik; ikkinchidan, zarar yetkazilishi; uchinchidan, huquqqa xilof harakat yoki harakatsizlik bilan sodir bo`lgan zarar o`rtasida sababiy bog`lanish bo`lishi; to`rtinchidan, qarzdorning yoki zarar yetkazuvchining aybi mavjud bo`lishi. Shuni ko`rsatib o`tish kerakki, shartnomadan yoxud boshqa bir tomonlama bitimdan kelib chiqadigan majburiyatlarda uning bajarilmasligi boshqa shaxsga g`ayriqonuniy ravishda zarar yetkazish – barcha hollarda huquqqa xilof bo`lib hisoblanadi. Mazkur hollarda qarzdor xatti-harakati-ning huquqqa xilof bo`lishini belgilashda qanday shartlar mavjud bo`l-ganida majburiyatni ijro etmaslik uchun fuqarolik-huquqiy javobgarlikning belgilanishini aniqlash zarur bo`ladi. Zararlar hamma vaqt ham qarzdorning majburiyatni bajarmaganligi yoki lozim darajada bajarmaganligidan kelib chiqavermaydi. Ba`zi hollarda majburiyatning bajarilmasligi natijasida yuqorida aytganimizdek, mulkiy zarar bo`lmasligi ham mumkin. Ammo aksariyat hollarda zarar javob-garlikni belgilash uchun zarur asos bo`ladi. Zarar yetkazishdan kelib chiqadigan majburiyatlar ba`zi hollarda qonun yo`l qo`ygan harakatlar natijasida ham yetkazilishi mumkin. Masa-lan, davlat, jamiyat yoki ayrim fuqarolarning huquqlari va qoununiy man-faatlarini himoya qilishda yetkazilgan zarar qonuniy, huquq yo`l qo`ygan harakat bo`lib hisoblanadi.

www.arxiv.uz Agar kreditorning talablari zararni undirishga qaratilgan bo`lsa u holda, albatta, quyidagi asoslar: zararning bo`lishi, qarzdorning huquqqa xilof harakati yoki harakatsizligi bilan kreditorning ko`rgan zarari o`rtasida sababiy bog`lanishlar bo`lishi va nihoyat, qarzdorning aybi bo`lishi talab etiladi. Agar kreditorning talabi faqat neustoyka, penya, jarimani undirish-ga qaratilgan bo`lsa, qarzdor faqat aybi bo`lgandagina mulkiy javob-garlikka tortiladi. Qarzdorga mulkiy javobgarlikni belgilashdan oldin, ya`ni kreditorga yetkazilgan zararning undan undirilishidan oldin sud har bir aniq holatda, mazkur zararlar qarzdorning o`z majburiyatlarini buzishidan kelgan-kelmaganligini aniqlashi, ya`ni qarzdorning huquqqa xilof harakati yoki harakatsizligi bilan kreditorning ko`rgan zarari o`rtasida sababiy bog`la-nish bo`lib-bo`lmasligini aniqlashi lozim. Masalan, agar temir yo`l tran-sporti korxonasi yuk oluvchiga zararlangan yukni yetkazib bersa, sud kreditorga bunday zararni kim yetkazganligini, mahsulot yuboruvchi tashkilotmi yoki temir yo`l korxonasi tomonidan yetkazilganligini, bunday zararning sifatsiz tovar yuboruvchi tashkilotning aybi, huquqqa xilof harakati bilan bo`lish-bo`lmaganligini yoki tashish uchun qabul qilingan yukning yo`lda saqlanishini ta`minlamagan temir yo`l korxonasining huquqqa xilof harakatlaridan bo`lgan-bo`lmaganligini aniqlashi lozim. FKning 324-moddasida ko`rsatilganidek, qarzdor majburiyatni bajar-maganligi yoki lozim darajada bajarmaganligi tufayli kreditorga yetkazil-gan zararni to`lashi shart. Bunda shartnoma bilan belgilanadigan majbu-riyat munosabatlarida ham sababiy bog`lanish muammosini qo`yish va hal qilish zarurligi kelib chiqadi. Yuridik adabiyotlarda sababiy bog`lanish to`g`risidagi masalani tahlil qilishda aksariyat mutaxasislar quyidagi ilmiy qoidalarga yakdillik bilan asoslanadilar: –tabiatda va jamiyatda har bir hodisa faqat atrofdagi boshqa hodisa-lar bilan bog`liq holdagina olib qaralishi mumkin. Har bir hodisaning kelib chiqishi atrofdagi hodisalar bilan bog`liq bo`lishi, bir hodisaning kelib chiqishiga ikkinchisi, shu bilan birga, bir hodisaning o`zi boshqa birmuncha sabablar tufayli sodir bo`lishi mumkin;

www.arxiv.uz –tabiat va jamiyatda sababiy bog`lanish hodisalar o`rtasidagi obyek-tiv ravishda mavjud bo`lgan bog`liqlikdan iborat. Bunday bog`lanishlar kishilar tomonidan o`rganilib, amaliyotda tekshiriladi. Yuqorida ko`rsatib o`tilgan qoidalarga asoslanib, sud sababiy bog`-lanish to`g`risidagi masalan,i hal qilishda mazkur natijaning, ya`ni kreditor zararlari sodir bo`lishida qarzdorning huquqqa xilof harakati yoki hara-katsizligi tufayli bo`lgan boshqa holatlar o`rtasida qanday rol o`ynagan-ligini e`tiborga olishi, o`zining mulohazasida – mazkur hodisaga subyektiv ravishda qilingan bahosidan emas, balki obyektiv ravishda mavjud bo`lgan qonuniyatlarga amal qilishi, har bir konkret ishni hal qilishda barcha muhim holatlarni ajratib olishi lozim. Muayyan bir natijaga qator sabablarning oqibati bo`lishi mumkinligi tufayli har qanday huquqqa xilof harakatsizlik, kreditorning zarar ko`rishi-ga aloqasi bo`lgan qarzdorning har qanday harakati ham huquqiy aha-miyatga ega, ya`ni uning uchun javobgarlik tug`diradigan harakat bo`lish-bo`lmasligi masalasini hal qilishda roli bor. Qachonki natija, ya`ni kreditorga zarar yetkazilishi qarzdorning huquqqa xilof harakati yoki harakatsizligidan bevosita vujudga kelganligi ma`lum bo`lsa; ya`ni to`g`ridan-to`g`ri sababiy bog`lanish mavjud bo`lsa, u holda masalaning hal etilishi uncha qiyinchilik tug`dirmaydi. Yuqorida yozilgan nazariy tushunchani quyidagicha izohlash o`rinli-dir. Masalan, mebel fabrikasiga qarashli yuk kirakash avtopark mashina-sida tashilishida yong`in bo`lib, fabrikaga mulkiy zarar yetkaziladi. Da`vo ishining sudda ko`rilishida avtopark yong`in bo`lishida aybi yo`qligini isbotlay olmadi. Binobarin, fabrikaning mashinadagi yong`in natijasida ko`rgan zararini to`lashga avtopark majbur qilinadi. Mazkur holda to`g`ridan-to`g`ri sababiy bog`lanish mavjudligini ko`ramiz. Chunki bunday holatda avtopark yo`lga nosoz mashina chiqar-ganligi va shu bilan uning harakati beparvolikning bo`lishligi – muayyan zararli oqibat sodir etilganligiga sabab bo`ladi.

www.arxiv.uz Qarzdorning harakatlari muayyan zararli oqibatlarning sodir bo`lishi-ga sabab bo`lgan-bo`lmaganligini belgilash uchun sud bunday holatlarning sababiy bog`lanishiga ta`siri bo`lgan-bo`lmaganligini belgilashi kerak. Bunday maqsadda har xil dalillardan foydalanishga to`g`ri keladi. Jumla-dan, dalil to`plash uchun ekspertiza tayinlashga, masalan, yuk tashishdan kelib chiqadigan da`volar bo`yicha tovarni tekshirish ekspertizasi tayin-lashga, bajarilgan ishlarning sifati to`g`risidagi da`volar bo`yicha texnika-viy ekspertizalar tayinlashga to`g`ri keladi. Qarzdorning huquqqa xilof harakati yoki harakatsizligi bilan sodir bo`lgan natija o`rtasidagi sababiy bog`lanish qarzdorning majburiyatni butunlay bajarilmaganligi yoki lozim darajada bajarilmaganligi uchun javobgarlikka tortilishiga obyektiv asos bo`ladi. Shu bilan birga, qonun javobgarlikning subyektiv asosini ham, ya`ni qarzdorning aybini ham nazarda tutadi. Majburiyat bajarilmaganligi uchun qarzdorning javobgarligini belgi-laydigan shart sifatida ko`riladigan ayb qonunda nazarda tutilgan. Jumla-dan, FKning 333- moddasida ko`rsatilganidek, qarzdor aybi bo`lgan taqdir-da majburiyatni bajarmaganligi yoki uni lozim darajada bajarmaganligi uchun, agar qonun hujjatlarida yoki shartnomada boshqacha tartib belgi-lanmagan bo`lsa, javob beradi. Agar majburiyat har ikki tarafning aybi bilan bajarilmagan bo`lsa, u holda sud qarzdorning javobgarligini tegishlicha kamaytiradi. Yuqorida aytib o`tganimizdek, olingan majburiyatlarning tashkilotlar tomonidan ham, fuqarolar tomonidan ham lozim darajada bajarilishi uchun barcha moddiy shart-sharoitlar mavjud. Buning uchun qarzdordan o`z ijodiy qobiliyatlari va irodasining muayyan darajada kuchaytirilishi talab etiladi. Majburiyatlarni lozim darajada bajarish uchun barcha imkoniyat-lardan foydalanish, majburiyatlarni bajarishda vujudga kelishi mumkin bo`lgan qiyinchiliklarni yo`qotish uchun har ikki tarafning – qarzdor va kreditorning ham ma`lum darajada tashabbus ko`rsatishi, diqqat bilan ish qilishi, faol harakat qilishlari zarur. Barcha subyektlar o`z majburiyatlarini bajarishlari uchun o`zidagi mavjud ichki imkoniyatlarni qidirib topish va ulardan mumkin qadar to`liq foydalanish,

www.arxiv.uz ishlab chiqarish texnologiyasini takomillashtira borib, mehnat unumdorligini oshirish, uskunalardan, xom ashyo va materiallardan samarali foydalanishda g`amxo`rlik qilishlari lozim. Agar qarzdor o`z erkini, ijodiyotini, kuchini qasdan safarbar qilmaganligi yoki bunga beparvolik bilan qaraganligi natijasida majburiyat butunlay bajarilmasa yoki lozim darajada bajarilmasa, uning aybi bo`lmaganligi aniqlanadi va buning uchun u mulkiy javobgarlikka tortilishi lozim bo`ladi. Shartnomalardan kelib chiqadigan majburiyatlarga nisbatan ayb to`g`risida gapirar ekanmiz, ayb deb shaxsning majburiyatini bajarishga talab qilingan tarzda munosabatda bo`lmaganligi, qonun va axloq talab-lariga muvofiq rioya qilmaganligi va natijada majburiyatning butunlay bajarilmasligi yoki lozim darajada bajarilmasligi tushuniladi. Fuqarolik huquqi fanida, ayb qasd yoki ehtiyotsizlik (beparvolik) shaklida ifodalanadi. Qasd shaklida ayb bo`lishida shaxs majburiyatni ongli ravishda, atayin bajarmaydi yoki lozim darajada bajarmaydi. Fuqarolik muomalasida majburiyatni bajarishga nisbatan bunday munosabatda bo`lish faqat ayrim hollardagina uchraydi. Umumiy qoida sifatida tashkilotlar va fuqarolar o`z zimmalariga olgan majburiyatlarni bajarishga vijdonan munosabatda bo`ladilar. Majburiyatlarning ayrim turlari bo`yicha qasd shaklida ayb qonun-larda bevosita nazarda tutiladi. Tashkilotlar tomonidan majburiyatlarning qasdan bajarilmasligi ular-ning fuqarolik-huquqiy (mulkiy) javobgarlikka tortilishiga, ba`zi hollarda mansabdor shaxslarning jinoiy javobgarlikka ham tortilishiga sabab bo`lishi mumkin. Yuqorida aytganimizdek, navbatdagi shakli esa – beparvolikdir. Ayniqsa, bu sohada O`zbekiston Respublikasi Prezidentining 1998-yil 4-martdagi “Xo`jalik yurituvchi subyektlarning iqtisodiy nochorligi va shartnoma majburiyatlarining bajarilishi uchun mansabdor shaxslarning javobgarligini kuchaytirish to`g`risida”[137]gi Farmonini eslatish o`rinli bo`lardi. Unda e`tirof etilganidek,

www.arxiv.uz xo`jalik yurituvchi subyektlarning rahbarlari javobgarlikni his etmagan holda o`zibilarchilik, sovuqqonlik va xizmat mansabini suiiste`mol qilish natijasida korxona shartnoma intizomini qo`pol ravishda buzib, uni iqtisodiy nochorlik va bankrotlikka olib kelmoqda. Tahlillar shuni ko`rsatmoqdaki, xo`jalik sudlari tomonidan ko`rilgan ishlarning salmoqli foizi shartnoma majburiyatlarini bajarmaslik yoki kechiktirishga oiddir. Shu ma`noda xo`jalik yurituvchi subyektlar mansabdor shaxslarining javobgarligini kuchaytirish, shartnomalarning o`z vaqtida tuzilishi va bajarilishini ta`minlash maqsadida yuqorida Farmon bilan xo`jalik sudlari: –xo`jalik nizolarini ko`rish jarayonida jinoyat alomatlari aniqlangan holatlarda xo`jalik yurituvchi subyektlar mansabdor shaxslariga nisbatan jinoyat ishi qo`zg`atish; –iqtisody huquqbuzarlikni sodir qilgan shaxslarga nisbatan ma`muriy javobgarlik choralari qo`llash; –xo`jalik yurituvchi subyektlarga yetkazilgan mulkiy zararni aybdor mansabdor shaxslar hisobidan qoplash; –pul mablag`lari va boshqa mulkdan oqilona foydalanmaganlik, to`lov intizomini buzganlik, shartnoma majburiyatlarini bajarmaslik va korxonalarni bankrotlik darajasiga olib kelganlik uchun xo`jalik yurituvchi subyektlarning rahbarlarini va boshqa xodimlarini egallab turgan lavozi-midan ozod etishga qadar bo`lgan intizomiy javobgarlikka tortish haqida tegishli organlarga taqdimnomalar kiritish[138] vakolati berildi. Beparvolikda qarzdor majburiyatni bajarishga intilmaydi, harakat qilmaydi, buning uchun barcha kuch va qobiliyatini yetarli darajada safar-bar qilmaydi, ishni bajarishda diqqatsizlikka, e`tiborsizlikka yo`l qo`yadi. Beparvolik shaklidagi ayb ham FKning tegishli moddalarida normalangan. Fuqarolik kodeksida qo`pol ehtiyotsizlik oddiy ehtiyotsizlik, oddiy beparvolikdan farqlanadi. Qonun ba`zi hollarda qarzdorga javobgarlik bel-gilash uchun oddiy ehtiyotsizlik (beparvolik) emas, balki qo`pol ehtiyot-sizlik bo`lishini shart qilib qo`yadi.

www.arxiv.uz Ehtiyotsizlikning qo`pol ehtiyotsizlikdan farqi shundaki, olingan majburiyatlarni tegishli darajada bajarishda e`tiborsizlikning turli darajada bo`lishidir. Qo`pol ehtiyotsizlik mavjud bo`lganida qarzdor xatti-harakatidagi e`tiborsizlik oddiy ehtiyotsizlikka nisbatan birmuncha qo`pol bo`lib ko`ri-nadi yoki turmush va ishbilarmonlik qoidalari nuqtai nazaridan qarasak, bunday qo`pol ehtiyotsizlikka nisbatan qattiqroq mas`uliyat belgilanishi, jazo berilishi talab etiladi. Qarzdor qo`pol ehtiyotsizlikka yo`l qo`yishi bilan fuqarolik muoma-lasida bo`lgan talablarga atayin e`tiborsizlik bilan qaraydi. Chunonchi, omonatga olingan ashyolar havoning bulutli vaqtida ochiq joyda qoldiri-lishi tufayli yomg`ir ta`sirida zararlansa, bu holta ehtiyotsizlikka yo`l qo`yilgan deb hisoblanadi. Fuqarolik huquqi fanida ehtiyotsizlik shaklidagi ayb sodir qilingan-ligini belgilash birmuncha murakkab hisoblanadi. Majburiyatni bajarishga qaratilgan munosabatlarga baho berishda qarzdorning individual xusu-siyatlariga ham qarash kerak. Chunonchi, fuqaroning aqliy, jismoniy tomonidan yetarli darajada kamolotga yetmagani aniqlansa, bunday shaxsga nisbatan mulkiy javobgarlikni belgilamaslik masalasi qo`yiladi. Ba`zi hollarda mazkur sharoitlarda har bir kishi yoki xo`jalik korxonasi xizmatchisi tomonidan amalga oshirilishi lozim bo`lgan g`amxo`rlik choralari ko`rilgan-ko`rilmaganligiga qarab baho berish masalasi tug`iladi. Shartnoma yuzasidan olingan majburiyatlarni butunlay bajarmagan-lik yoki lozim darajada bajarmaganlik uchun qarzdorga mulkiy javobgarlik yuklash to`g`risidagi masalani hal qilishda uning tajribasizligi, ma`lum ishlarni bajarishga qobiliyatsizligiga qarab, ma`lum chekinishlarga yo`l qo`yish noto`g`ri bo`lur edi. Sudlarga fuqarolik-huquqiy xarakterdagi nizolarni hal qilishdagi barcha hollarda yuridik shaxslarning aybi to`g`risidagi masalani tekshirish-ga, tahlil qilishga to`g`ri keladi. Yuridik shaxsning aybi bo`lishi-bo`lmas-ligi to`g`risidagi masalani ko`rishda sud korxona, muassasa yoki tashkilot mazkur sharoitlarda majburiyatni bajarish uchun maksimal darajada barcha kuch va tashabbusni

www.arxiv.uz ko`rsatgan-ko`rsatmaganligini, buning uchun bozor munosabatlari sharoitida bo`lgan keng imkoniyatlardan foydalan-gan-foydalanmaganligini e`tiborga olish talab etiladi. Agar yuridik shaxs majburiyatni bajarish uchun barcha zarur choralarni ko`rgan bo`lsa-yu, majburiyatni butunlay yoki qisman bajara olmasa, mas`uliyatni belgilash uchun talab etilgan subyektiv asos – ayb bo`lmaganligi sababli bunday tashkilot majburiyatni bajarmaganligi uchun mulkiy javobgarlikdan ozod qilinadi. Majburiyatni bajarmaslikda yuridik shaxsning aybi mazkur tashkilot organlari (vakillari) hisoblangan va o`zlariga berilgan vakolatlar doirasida harakat qilgan ayrim shaxslarning aybi bilan ko`riladi. Tashkilotlarning aybi ular tomonidan berilgan vakolatlar doirasida harakat qiluvchi vakillarining, muayyan xizmat vazifalarini bajaruvchi xodimlarining aybi bilan belgilanadi. Tashkilotlarning aybi yuridik harakatlarda, masalan, vakil tomonidan qonunga xilof bitimlar tuzilishida, shuningdek, faktik harakatlarida; chu-nonchi, xodimlarning usta tomonidan noto`g`ri o`rgatilishi yoki ularning yetarli darajada malakali bo`lmasliklari tufayli sifatsiz mahsulotlar tayyorlanishida ham yuzaga kelishi mumkin. Yuridik shaxs shartnoma bo`yicha olingan majburiyatini bajarmagan-ligi yoki lozim darajada bajarmaganligi uchun mulkiy jarima (sanksiya) ni to`laganidan so`ng o`zi tomonidan to`langan summalarni regress tartibida majburiyatni bajarmaganlikda yoki lozim darajada bajarmaganlikda ayb-dor bo`lgan xodimlardan to`la hajmda yoki qisman undirib olishi mumkin. Bunday hollarda muayyan xodimning shaxsiy javobgarligi to`g`risida so`z ketadi. Ularning javobgarligi fuqarolik huquqi normalari bilangina tartibga solinmay, balki mehnat huquqi, ma`muriy huquq va ba`zi hollarda jinoyat huquqi normalari bilan ham tartibga solinishi mumkin. Masalan, O`zbe-kiston Respublikasi Mehnat kodeksi[139]ning 202-moddasi 6-bandiga asosan xodim korxona (muassasa, tashkilot) tijorat sirlarini oshkor etganligi uchun to`liq moddiy javobgar bo`ladi va buning natijasida yetkazilgan zararni to`lashi lozim.

www.arxiv.uz Yuqorida aytganimizdek, fuqarolik ishlarini hal qilishda xo`jalik sudi shartnoma intizomini qo`pol tarzda buzishda aybdor bo`lgan shaxslarni shaxsiy javobgarlikka tortish to`g`risidagi masalani tegishli organlar oldiga qo`yadi. Kreditor qarzdorning harakatlari yoki harakatsizligi huquqqa xilof bo`lishligini, ya`ni, u tomondan majburiyatning bajarilmaganligi yoki lozim darajada bajarilmaganligi faktini va qarzdorning aybli harakati natijasida zarar ko`rganligini isbotlashi lozim. Qarzdor esa javobgarlikdan ozod bo`lishi uchun o`z harakatida ayb yo`qligini isbotlashi, ya`ni majburiyatni lozim darajada bajarish uchun barcha zarur choralarni ko`rganligini tasdiqlaydigan faktlarni keltirishi lozim. Qarzdorning aybli deb faraz qilinishini qonun ba`zi holatlarni e`ti-borga olib belgilaydi. Chunonchi, jamiyatda majburiyatlarni lozim daraja-da bajarish uchun barcha shart-sharoitlar mavjudligi, ularning bajarilmas-ligi esa, odatda, qarzdorning ayb, harakati natijasida bo`lishligi, qarzdor-ning aybi bo`lmaganida – uning dalillarni yetkazib keltirishi kreditorga qaraganda bir-muncha yengil bo`lishligi e`tiborga olinadi. FKning 333-moddasi fuqarolik qonunchiligining asosiy tamoyillari-dan birini, ya`ni qonun yoxud shartnomada nazarda tutilgan istisnolardan tashqari hollarda, majburiyatlarni buzganlik uchun javobgarlikni belgilash-da huquqni buzuvchi harakatlarida ayb bo`lishi tamoyilini belgilaydi. Shartnomali majburiyatni buzishdagi ayb, shuningdek, shartnomasiz majburiyatlarda ham zarar yetkazuvchining aybi deganda, huquqqa xilof harakatni qiluvchi shaxsning qasdi yoki ehtiyotsizligi tushuniladi. Ammo yuqorida ko`rsatilgan qoida bilan belgilangan ayb qarzdorda bo`lishligi faraz qilinadi. Binobarin, qarzdor o`ziga qo`yilgan aybni yo`qqa chiqarishga harakat qilishi va o`zining aybsizligini isbotlashi kerak. Qarzdor tomonidan majburiyatning qasdan buzilishi hollari sud amaliyotida kamdan-kam uchraydi. Ammo ba`zi hollarda majburiyatni qasddan buzish hollari ham uchrashi mumkin. Masalan, tashkilot o`zi tomonidan buyurtma qilingan

www.arxiv.uz mahsulotni qasddan qabul qilmaslik hollari, soxta bankrotlik holatlari bo`lishi mumkin. Majburiyatlarni buzishda yuridik shaxsning aybi tushunchasi ba`zi xususiyatlarga ega. Bunday ayb masalasini ko`rishda sud aybli bo`lgan tashkilotni muayyan bir butun tashkilot, ya`ni yuridik shaxs sifatida nazarda tutadi. Binobarin, agar majburiyat tashkilot xodimining aybi bilan bajaril-maganida majburiyatni bajarmaslikda tashkilot aybli bo`lib ko`riladi. Ba`zi hollarda sud tashkilotning majburiyatni bajarish uchun barcha imkoniyat-lardan foydalangani holda majburiyat bajarilmay qolganida uni aybli emas deb topishi mumkin. Aybning qasddan yoki ehtiyotsizlikdan kelib chiqishi, shuningdek, ehtiyotsizlik darajasi, umumiy qoida bo`yicha, qarzdorning fuqarolik javobgarligini belgilash uchun ahamiyatli emas, qaysi shaklda bo`lsa ham qarzdor o`z majburiyatini buzishda aybli bo`lsa, buning natijasida kelgan zararni, neustoykani to`lashga majbur bo`ladi. Ammo ba`zi hollarda qonun majburiyatning qarzdor tomonidan faqat qasdan yoki qo`pol ehtiyotsizlik natijasida bajarilmagani uchungina javobgar bo`lishini belgilaydi. Bundan tashqari, qarzdor aybining shakli va darajasi – majburiyat faqat qarz-dorning aybli harakatlari bilangina emas, balki kreditor aybi bilan ham bog`liq bo`lgan hollarda va har ikki tarafning aybini qarzdorning javob-garligi hajmini belgilash uchun solishtirib ko`rish zarur bo`lgan hollarda ahamiyatga ega bo`ladi. Qonunchilikda nazarda tutilganidek, umumiy qoidadan istisno sifatida qarzdorning ba`zi hollarda majburiyatlarni buzganligi uchun javobgarligini aybning bo`lish-bo`lmasligidan qat`i nazar belgilaydi. Bunday hollarda, birinchi navbatda, birovning aybi uchun javobgarlik belgilaydigan FKning 334-moddasida ko`rsatilgan hollar nazarda tutiladi. Bular jumlasiga majburiyatni o`z aybi bilan buzmay, qarzdorga nisbatan olgan majburiyatlarini buzgan shaxslarning uning boshqa qarzdorlari aybi bilan buzilgan majburiyatlar uchun javobgarlikni sud amaliyotida mahsu-lotlar tayyorlovchi bilan birga, mahsulot yetkazib berishga majbur bo`lgan tashkilotlarning aybli harakatlari natijasida, majburiyat buzilganida mahsulot yetkazib beruvchi tashkilotlarga yuklash hollari uchraydi.

www.arxiv.uz Shuningdek, mahsulot yoki tovar ishlab chiqaruvchi tashkilot ham mahsulotning sifati uning aybli harakatlaridan kelib chiqmay, balki unga xom ashyo, materiallar va boshqa narsalar yetkazib bergan tashkilotlarning aybli harakatlaridan kelganida ham javobgar bo`ladi. Agar qarzdor bu tashkilotlarning harakatlari uchun kreditor oldida javobgar bo`lmaganida, kreditor majburiyatlarning ular aybi bilan buzilganida, hech qanday chora ko`rmay qolgan bo`lar edi. Qarzdor o`zini javobgarlikdan ozod qilish uchun ba`zi holatlarni, chunonchi, birinchidan, o`zining harakatlarida ayb yo`qligini; ikkinchidan, o`z majburiyatlarini buzgan uning qarzdorlari harakatlarida ham ayb yo`qligini isbotlashi lozim. Ba`zi hollar uchun qonun biron-bir tarafning harakatida aybning bo`lish- bo`lmasligidan qat`i nazar, javobgarlik belgilaydi. Bunday javobgarlikning belgilanishi to`g`risida shuni aytish kerakki, odatda, qarzdorning javobgarligi uning harakatlarida ayb bo`lishida belgilanadi. Ammo ba`zi hollarda qonun istisno sifatida qarzdor tomonidan majburiyatlarning boshqa uchinchi shaxslar aybli harakati natijasida bajarilmagani uchun ham javobgar bo`lishini belgilaydi. Bunday javobgarlik to`g`risida FKning 334-moddasida ko`rsatilishi-cha, basharti qonun hujjatlari yoki shartnomada bevosita ijrochi bo`lgan uchinchi shaxsning javobgarligi belgilab qo`yilmagan bo`lsa, zimmasiga majburiyatni bajarish vazifasi yuklatilgan uchinchi shaxslarning majbu-riyatni bajarmaganligi yoki lozim darajada bajarmaganligi uchun qarzdor javobgar bo`ladi. Mazkur hollarda qarzdorning javobgarligini belgilash uchun quyidagi shartlar, chunonchi: qarzdor majburiyatini boshqa shaxslar bajarishlari lozim bo`lishi; bunday harakatlar uchinchi shaxslar uchun belgilangan qoidalar bilan yuklatilgan bo`lishi yoki bunday harakatlar ularning qarzdor bilan tuzilgan shartnomaga asosan bajarilgan bo`lishi yoki ma`muriy jihatdan bo`ysunishlik tufayli bajarilgan bo`lishi; mazkur shaxslarning aybi qasd yoki ehtiyotsizlik shaklida ko`rilgan bo`lishi lozim.

www.arxiv.uz Amalda ushbu qoida yuklarning tranzit tartibida yuborilishida, qachonki, sotilgan tovarlar, bevosita oluvchining manziliga mahsulot tayyorlovchi tomonidan yuborilmay, balki uchinchi bir tashkilot orqali uning omboriga tushirilmay yuborilishida qo`llaniladi. Agar kreditor uchinchi shaxsning aybi bilan mahsulotni kechiktirib olsa, mahsulot yuboruvchi tashkilot, ya`ni mahsulot tayyorlovchining topshirig`i bo`yicha tovarni yuboruvchi uchinchi tashkilot emas, balki qarzdorning bevosita o`zi, ya`ni mahsulot tayyorlovchi tashkilot javobgar bo`ladi. Majburiyatni bajarmagan yoki uni lozim darajada bajarmaganligi uchun qarzdor, agar qonun yoki shartnomada boshqacha hol nazarda tutilmagan bo`lsa, o`zining aybi bo`lish-bo`lmasligidan qat`i nazar, mulkiy javobgarlikka tortilishi mumkin. Bu holda mulkiy javobgarlikning belgilanishi xalq xo`jaligi manfaatlarini himoya qilish, fuqarolarning hayoti va sog`liqlarini himoya qilish maqsadlarini ko`zlaydi. Masalan, avtotransport bilan yuk tashish yuzasidan olingan shartnomaviy rejali majburiyatlarni bajarmaslik uchun har ikki tomon – yuk yuboruvchi ham, avtotransport tashkiloti ham o`zlarining ayblari bo`lish- bo`lmasligidan qat`i nazar, mulkiy javobgarlikka tortiladilar. Avtotransport bilan yuk tashish to`g`risidagi maxsus qonunlarda yuk tashish rejasini bajarish yuzasidan olingan majburiyatlarni bajarmaslik uchun avtotransport tashkilotini va yuk tashuvchini javobgarlikdan ozod qilinadigan holatlar ham ko`rsatiladi.

www.arxiv.uz Qarzdorning zararni to`lash majburiyati FKning 324-moddasida qarzdor majburiyatni butunlay bajarmagan-ligi yoki lozim darajada bajarmaganligi tufayli kreditorga yetkazilgan zararni to`lashi shartligi normalangan. Qarzdorning majburiyatni bajarmasligi natijasida vujudga kelgan va to`lanishi lozim bo`lgan kreditorning xarajatlari deganda, kreditor tomo-nidan mazkur majburiyat yuzasidan qilingan xarajatlar va qarzdorning o`z vazifasini bajarmaganligi bilan bog`liq xarajatlar tushuniladi. Chunonchi, mahsulot yetkazib beruvchi tomonidan mahsulotning belgilangan muddat-larda yetkazib berilmasligi tufayli mahsulot oluvchi korxonaning faoliyat ko`rsatib turishi vaqtida qilingan xarajatlar to`lanishi lozim. Majburiyatni bajarish yuzasidan topshirilgan mulk shartnoma shart-lariga muvofiq kelmaganda va kreditor bunday hollarda mulkni qarzdorga qaytarish yoki majbur bo`lganida kreditor zararlarining undirilishidan qat`i nazar, mulk uchun to`langan pul summalarining o`ziga qaytarilishini talab qilish huquqiga ega. Kreditor qarzdorning o`z vazifasini bajarganligi tufayli yo`qotgan mulkining qiymatini yoki mulkning zararlanishi natijasida uning qiymati kamayishidan kelgan summalarning to`lanishini talab qilishi mumkin. Ma`lumki, bozor munosabatlari sharoitida shartnomaviy narxlar amal qiladi. Uning asosiy xususiyati shundan iboratki, ba`zi hollarda majburiyat vujudga kelgan paytdagi narx bilan zararni undirish vaqtidagi baholar o`rtasida tafovut bo`lishi mumkin. Qonunda ushbu holatlar ham ko`zda tutiladi. FKning 324-moddasi 2-qismi mazmuniga ko`ra, agar qonun hujjatlari yoki shartnomada o`zgacha tartib nazarda tutilmagan bo`lsa, zararni aniqlashda majburiyat bajarilishi kerak bo`lgan joyda, qarzdor kreditorning talablarini ixtiyoriy qanoatlantirgan kunda, bordi-yu, talab ixtiyoriy qanoatlantirilmagan bo`lsa, da`vo qo`zg`atilgan kunda mavjud bo`lgan narxlar e`tiborga olinadi. Sud vaziyatga qarab, zararni to`lash haqidagi talabni

www.arxiv.uz qaror chiqarilgan kunda mavjud bo`lgan narxlarni e`tibor-ga olgan holda qanoatlantirishi mumkin. Kreditor tomonidan olinmagan va to`lanilishi qarzdordan talab qilishga haqli bo`lgan daromadlar deganda, qarzdor o`z majburiyatini lo-zim darajada bajarmaganida kreditorning olishi mumkin bo`lgan daromad-lar tushuniladi. Bu ayniqsa, pul majburiyatini bajarmaganlik uchun javobgarlik belgilashda yaqqol namoyon bo`ladi. FKning 337-moddasiga asosan boshqa shaxslarning pul mablag`larini g`ayriqonuniy ushlab qolish, ularni qaytarib berishdan bosh tortish, ularni to`lashni boshqacha tarzda kechiktirish yoxud boshqa shaxs hisobidan asossiz olish yoki jamg`arish natijasida ulardan foydalanganlik uchun ushbu mablag`lar summasiga foiz to`lanishi kerak. Foizlar miqdori kreditor yashaydigan joyda, kreditor yuri-dik shaxs bo`lganida esa, uning joylashgan yerida pul majburiyati yoki uning tegishli qismi bajarilgan kunda mavjud bo`lgan bank foizining hisob stavkasi bilan belgilanadi. Qarz sud tartibida undirib olinganida, sud kreditorning talabini da`vo qo`zg`atilgan kundagi yoki qaror chiqarilgan kundagi bank foizining hisob stav-kasiga qarab qondirishi mumkin. Ushbu qoidalar qonunda yoki shart-nomada boshqa foiz miqdori belgilanmagan bo`lsa qo`llaniladi. Kreditorning pul mablag`laridan qonunsiz foydalanish tufayli unga yetkazilgan zarar yuqorida ko`rsatilgan foizlar summasidan oshib ketsa, kreditor qarzdordan zararning bu summadan ortiqcha bo`lgan qismini to`lashni talab qilishga haqli. Ushbu modda bilan bog`liq munosabatlar O`zbekiston Respublikasi Oliy xo`jalik sudi Plenumining qarori[140]da ham tartibga solingan. Zarar ko`rilganligini isbotlash va bunday zararning qarzdorning majburiyatni bajarmasligidan kelgan bo`lishini isbotlash, shuningdek, zararning miqdorini hisoblab ko`rsatish vazifasi zararning undirilishi to`g`risida talab qo`yadigan kreditorga yuklatiladi. Qonunda kreditor qarzdordan yo`qotilgan ashyoning qiymatinigina talab qilishga haqli bo`lib, majburiyatning qarzdor tomonidan bajarilmas-ligi natijasidan olinmay qolgan daromadlarni talab qilishga haqli bo`lmas-ligi hollari ham mavjud.

www.arxiv.uz Qonun ba`zi hollarda zararlarni to`lagan qarzdorning majburiyatni asl holida bajarish burchini ham belgilaydi. FKning 330-moddasiga asosan, basharti qonunda yoki shartnomada boshqacha tartib nazarda tutilgan bo`lmasa, majburiyat bajarilmagan taq-dirda zararni qoplash va uning bajarilmaganligi uchun neustoyka to`lash qarzdorni majburiyatni asl holida bajarishdan ozod qiladi. Xususiy alomatlari bilan belgilangan ashyoni topshirish majburiya-tini bajarmaslik oqibatlari FKning 331-moddasida normalangan. Agar ashyoni oluvchilar egaligiga topshirish to`g`risida shartnoma tuzilmay, bu ashyoni kreditorga foydalanish uchun topshirish to`g`risida ikki yoki bir necha shartnoma ketma-ket tuzilgan bo`lsa, ashyoning kreditordan biriga topshirilishi, avval shartnoma tuzgan kreditorlarning huquqini yo`qqa chiqaradi. Agar ashyo kreditor bilan birdek huquqqa ega bo`lgan uchinchi shaxsga topshirilgan bo`lsa, bu huquq bekor bo`ladi. Bunday holda avval shartnoma tuzgan kreditor ko`rgan zararlarning to`lanishi to`g`risida da`vo qo`zg`atishga haqli. Xususiy alomatlari bilan belgilangan ashyoni egalikka o`tkazish yoki xo`jalik yuritishga, operativ boshqarishga yoxud foydalanish uchun topshi-rish to`g`risidagi ketma-ket tuzilgan ikki yoki bir necha shartnomalar bo`lgani holda ashyoni ashyo kreditorlardan hech qaysisiga topshirilmagan bo`lsa, kreditorlardan qaysi biri foydasiga ilgari majburiyat vujudga kelgan bo`lsa, ya`ni, ashyoni topshirish to`g`risida kim bilan avval shartnoma tuzilgan bo`lsa, shunisi ustunlik huquqiga ega bo`ladi. Agar ishning vaziyatlari bo`yicha majburiyatlarning qachon vujudga kelganligi, ya`ni shartnoma kim bilan avval tuzilganligini belgilash mum-kin bo`lmasa, ashyoning topshirilishi to`g`risida kim avval da`vo qo`z-g`atgan bo`lsa, bu shaxs imtiyozga ega bo`ladi. Muayyan ishni bajarish majburiyatini bajarmaslik oqibatlari 330-moddada belgilanganidek, majburiyatni real ravishda, aslicha bajarilishini ta`minlashga qaratiladi. FKning mazkur normasi qarzdor tomonidan majburiyatning

www.arxiv.uz bajarilmaganida shartnoma yuzasidan bajarilishi lozim bo`lgan ishni, birinchi navbatda, o`zi bajarishi yoki bajarishni boshqa shaxsga topshirishi va mazkur ishni bajarish uchun zarur xarajatlarning to`lanishini qarzdor zimmasiga qo`yish huquqini beradi. Fuqarolik protsessual qonunlarda javobgarni muayyan harakatlar qilishga majbur etadigan da`volarning qilinishi va bu to`g`rida sud qaror-ining chiqarilishi nazarda tutiladi. Majburiyat bo`yicha amalga oshirilishi lozim bo`lgan harakatlarni bevosita qilishga majbur etish mumkin bo`lma-ganligi tufayli qonun, agar javobgar qarorni belgilangan muddatda bajar-masa, da`vogar bu harakatlarni javobgar hisobidan o`zi bajarishga va shu munosabat bilan qilingan zarur xarajatlarni undan undirishga haqli ekanligi to`g`risida sud o`z qarorida ko`rsatishga haqli bo`ladi, deb ko`rsatma bera-di. Agar qonun yoki shartnomada nazarda tutilmagan bo`lsa, majburiyatni bajarmagan qarzdor hisobiga ishning kreditor tomonidan bajarilishiga yoki u bilan tuzilgan shartnoma bo`yicha boshqa shaxs tomonidan bajarilishiga yo`l qo`yilmaydi. Agar qarzdor, ya`ni javobgar tomonidan bajarilmagan faqat uning tomonidangina bajarilishi mumkin bo`lsa, bunday harakatlarni qilishga qarzdorni majbur etadigan qarorda sud qarori ijro etilishi muddati belgi-lanadi, agar sud qarori belgilangan muddatda ijro etilmasa, javobgarga qonunda ko`rsatilgan tartibda jarima solinishi mumkin. Ba`zi hollarda ishni ijro etish mumkin bo`lmaganida, kreditor majbu-riyatning qarzdor tomonidan bajarilmasligi tufayli o`ziga yetkazilgan zararning to`lanishini talab qila oladi.

www.arxiv.uz Qarzdorning javobgarlikdan ozod qilinishi asoslari Qarzdorning majburiyatni bajarmaganligi yoki lozim darajada bajar-maganligi uning aybisiz sodir bo`lganligi yoki bunday holat kreditorning aybi bilan bog`liq bo`lsa, umumiy qoida bo`yicha qarzdor javobgarlikdan ozod bo`ladi. Qarzdor tomonidan majburiyatning aniq bajarilishiga to`sqinlik qilgan yuqorida ko`rsatilgan yuridik faktlardan birining bo`lishi – majburiyat bajarilishi mumkin bo`lmasligi tushunchasini bildiradi. Oddiy tasodifiy holat – yuridik ma`noda majburiyatning qarzdor tomonidan uning va kreditorning aybi bo`lmay turib bajarilganligi yoki lozim darajada bajarilmaganligini sodir qilgan holat hisoblanadi. Bunday holatlar uchinchi shaxslarning, chunonchi, boshqa shaxslarning harakatlari bilan ham bog`liq bo`lishi mumkin. Masalan, begona bir shaxsning hara-katlari natijasida qarzdor yo`qligida u tomondan oldi-sotdi shartnomasi bo`yicha kreditorga topshirilishi lozim bo`lgan uyga o`t tushib, yonib ketishini ko`rsatish mumkin. Bozor munosabatlari sharoitida tadbirkorlik-ning ahamiyatini hisobga olgan holda tadbirkorlar uchun muhim kafolatni ko`zda tutadi. FKning 333-moddasi 3-qismiga asosan basharti, qonunda yoki shartnomada nazarda tutilgan bo`lmasa, tadbirkorlik faoliyatini amalga oshirishda majburiyatni bajarmagan yoki lozim darajada bajarma-gan shaxs majburiyatni lozim darajada bajarishga yengib bo`lmaydigan kuch, ya`ni, favqulodda va muayyan sharoitlarda oldini olib bo`lmaydigan vaziyatlar (fors-major) tufayli imkon bo`lmaganligini isbotlay olmasa, javobgar bo`ladi. Qaytarish mumkin bo`lmagan kuch sifatida shu majburiyatda taraflar bo`lgan shaxs tomonidan, uning ixtiyoridagi barcha vositalar bilan oldini olish, qaytarish mumkin bo`lmagan favqulodda hodisa deb hisoblanadi. Qaytarish mumkin bo`lmagan kuch oddiy tasodifiy hol kabi maj-buriyatni bajarmaslikda yoki lozim darajada bajarmaganlikda taraflarning aybi bo`lmasligi va mazkur aniq holatlarda uni qaytarish mumkin bo`lmas-ligi bilan xarakterlanadi. Shu bilan birga, mazkur holat odatdan tashqari favqulodda sodir etilgan bo`lishi

www.arxiv.uz kerak. Amalda bunday holatlarda tabiiy ofat, masalan, suv toshqini, zilzila, kuchli bo`ron kabi tabiiy ofat hollari to`g`risida so`z yuritiladi. Sud qarorlarida majburiyatni butunlay bajarmaganlik yoki lozim darajada bajarmaganlik uchun javobgarlikdan qarzdorni ozod qilishga asos bo`ladigan qaytarish mumkin bo`lmagan kuch holatlarini ko`rsatish kamdan-kam uchraydi. Qaytarish mumkin bo`lmagan kuchni (zilzila, toshqin, yong`in kabi-larni) nisbiy tushuncha deb bilib, bunday holatlarni asos qilib, javobgar-likdan ozod qilish-qilmaslik mazkur holatlarning qanday sharoitlarda, qanday joyda va davrda sodir bo`lganligi e`tiborga olinadi. Majburiyatni bajarishga to`sqinlik qilgan holat o`zining ichki, o`ziga xos xususiyatlari bo`yicha qaytarish mumkin bo`lmagan kuch sifatida ko`rilmaydi, balki qator sharoit va muayyan holatlarning birgalikda kelishiga qarab belgila-nadi. Qaytarib bo`lmaydigan kuch ta`siri natijasida zarar yetkazilganligi isbotlanganda mulkiy javobgarlikdan ozod qilish mumkin. Shu bilan birga, ayrim hollarda qaytarib bo`lmaydigan kuch ta`sirida yetkazilgan zararning to`lanishi ham fuqarolik qonunchiligida nazarda tutilgan. Chunonchi, havo transportidan foydalanishda yo`lovchilarning ko`rgan zararlari O`zbekis-ton Respublikasi Havo kodeksiga muvofiq to`la ravishda to`lanadi. Qaytarib bo`lmaydigan kuch tushunchasini aniqlash fuqarolik-huquqiy javobgarlik to`g`risidagi masalani to`g`ri hal qilish uchun zarur. Chunki qarzdor tasodifiy holat uchun javobgar bo`lganligi tufayli qaytarish mumkin bo`lmagan kuch mavjud bo`lganida, u javobgarlikdan ozod qilinadi. Chunonchi, avtotransport orqali yuk yuboruvchi va yuk tashuvchi tashkilot yuk tashishdan kelib chiqadigan majburiyatlarni tasodifiy holatlar sababli bajarmaganlarida javobgarlikka tortilsalar, ammo tabiiy hodisalar sodir bo`lganda javobgarlikdan ozod qilinadilar. Yengib bo`lmaydigan kuch ta`sirida majburiyatni bajarmaganlik uchun qarzdorni tadbirkorlik faoliyatini amalga oshirayotganda sodir bo`lsagina qo`llaniladi. Binobarin, tadbirkorlik faoliyatini amalga oshirish bilan bog`liq bo`lmagan majbu- riyatlarga nisbatan FKning 333-moddasining 3-qismi normasi qo`llanil-maydi. Ayni vaqtda shuni ta`kidlab o`tish o`rinliki, tadbirkorlik faoliyatini amalga oshirish bilan bog`liq bo`lgan majburiyatning bajarilmasligi qarzdorning shartnoma

www.arxiv.uz bo`yicha sheriklari tomonidan sodir etilib, bozorda majburiyatni bajarish uchun zarur tovarlarning yo`qligi, qarzdorda pul mablag`lari bo`lmaganligi sababli ro`y bergan hollarda ular yengib bo`l-maydigan kuch (fors-major) holati sifatida qaralmaydi va demak, qarzdor-ni 333-modda 3-qismi bilan javobgarlikdan ozod etish uchun asos bo`lmaydi. Kreditorning aybini ham aniqlash muhim ahamiyatga ega. FKning 335- moddasida aytilganidek, agar kreditor qasdan yoki ehtiyotsizlik tufayli majburiyatni bajarish mumkin bo`lmasligi yuk berishiga yoki bajarmaslik tufayli yetkazilgan zarar miqdorining ko`payishiga ko`maklashgan bo`lsa, shuningdek kreditor majburiyatni bajarmaslikdan yetkazilgan zararni kamayish choralarini qasdan yoki ehtiyotsizlik tufayli ko`rmagan bo`lsa, sud ishning holatlariga qarab to`lanadigan haq miqdorini kamaytirishga yoki kreditorga haq to`lashni batamom rad etishga haqli. FKning qoidasida majburiyatlarning qarzdor, shuningdek, kreditor xatti- harakatlari tufayli bajarilmasligi yoki lozim darajada bajarilmasligi to`g`risida so`z boradi. Bunday hollarda qarzdorning javobgarligi hajmi ham kamaytirilishi mumkin. Mazkur holda sud har ikki tarafning aybi darajasini belgilashi va qarzdorning javobgarligi miqdorini tegishlicha kamaytirishi, kreditor ko`rgan zararlarni qisman to`lashga majbur qilishi, kreditorga to`lanishi lozim bo`lgan neustoyka summasini kamaytirishi lozim. Modomiki, majburiyatlarni bajarishda har ikki taraf o`zi uchun foydali, tejamli samaraga erishishni ko`zlab harakat qilar ekan, kreditor o`z aybi bilan zarar kamayishi uchun choralar ko`rma-sa, o`z majburiyatini bajarmagan hisoblanadi. Majburiyatni bajarmaslikdagi aybi keyinchalik majburiyatni lozim darajada bajara olmagan qarzdorning javobgar bo`lish darajasini belgilashda e`tiborga olinadi. Majburiyatni bajarmaslikda har ikki taraf teng darajada aybli bo`lsa, ko`rilgan zarar taraflar o`rtasida bab-baravar taqsimlanishi zararning faqat yarminigina to`lashga majbur qilinadi. Zararning ikkinchi yarmi esa kreditorga to`lanmay qoladi. Ammo bunday javobgarlik barcha hollarda ham bir xil bo`lmaydi.

www.arxiv.uz Chunonchi, sud qarorlarida har ikki tarafning aybini taqqoslab ko`rib, to`lanadigan zarar summasi birmuncha kamaytirilishi hollari ko`riladi. Ba`zi hollarda qarzdor majburiyatni bajarish uchun barcha choralarni ko`rsa ham kreditor o`zining harakatsizligi va beparvoligi bilan majbu-riyatning bajarilishiga to`sqinlik qiladi. Bunday holda sud qarzdorning majburiyatni bajarmaslik yoki lozim darajada bajarmaslik javobgarligidan ozod qiladi. Majburiyatning qarzdor va kreditor tomonidan kechiktirilishi oqibatlari FKning 337-339-moddalari majburiyatning bajarilishi qarzdor yoki kreditor tomonidan kechiktirilgani uchun javobgarlik to`g`risidagi masa-lani tartibga soladigan qoidalarni belgilaydi. Ijroning qarzdor tomonidan kechiktirilishi deb, majburiyatning u tomonidan belgilangan muddatda bajarilmasligi tushuniladi. Majburiyatning bajarilishini kechiktirgan qarzdor bunday kechikti-rishi natijasida kreditorga yetkazilgan zararni to`lashga majbur bo`ladi. Mazkur zararning to`lanishini qarzdorni o`z majburiyatini asl holida bajarishidan ozod qilmaydi. Qarzdorning aybi bilan majburiyatning ijro etilishining kechiktirilishi majburiyatning keyinchalik ijro etilishi imkoniyati bo`lmasligi uchun javobgarligini oshiradi. Agar majburiyatning ijro etilishi kechiktirilgan davrda mazkur majburiyat qarzdorning aybidan qat`i nazar, ijro etilishi mumkin bo`lmasa ham, u o`z aybi bilan majburiyatni ijro etmaganida qanday javobgarlikka tortiladigan bo`lsa, unga nisbatan xuddi shunday javobgarlik belgilanadi. Bunday hollarda javobgarlikni belgilash uchun qarzdor tomonidan kechik-tirilishi asos qilib olinadi. Chunki qarzdor sotilgan narsani yoki ijaraga berilgan ashyoni o`z vaqtida topshirganida edi, ashyo tasodifan nobud bo`lmagan bo`lur edi, deb faraz qilinadi.

www.arxiv.uz Agar majburiyatning bajarilishi qarzdor tomonidan kechiktirilganligi tufayli uning keyinchalik bajarilishiga zarurat qolmagan bo`lsa, kreditor FKning 337- moddasi 2-qismida ko`rsatilganidek, ijroni qabul qilishdan bosh tortishga va zararni to`lashni talab qilishga haqli. Kreditorning kechiktirishi ham muhim huquqiy oqibatlar tug`diradi. Fuqarolik qonunchiligi yuqorida aytilganidek, majburiyatning bajarilishida qarzdorning ham, kreditorning ham manfaatlari bir bo`lishi zarurligini belgilaydi. Modomiki, taraflar majburiyatni bajarishda bir-biriga ko`mak-lashishlari lozim ekan, kreditor o`zining xatti-harakati bilan majburiyat-ning qarzdor tomonidan bajarilishiga to`sqinlik qilmasligi, ijroni og`ir-lashtirmasligi kerak. Kreditorning kechiktirishi deganda, majburiyatning qarzdor tomo-nidan bajarilishida to`sqinlik qilishga yoki bunday ijroning qiyinlashtiri-lishiga qaratilgan harakat tushuniladi. Bunday harakatning oqibati uchun kreditor mulkiy javobgar bo`lishi, ya`ni bunday harakatning mulkiy oqibati kreditorning zimmasiga qo`yilishi kerak. Kechiktirishning oqibatlari FKning 338-moddasida ko`rsatil-gan. Bu moddada kreditorning shartnoma bo`yicha o`ziga tegishli narsani qabul qilishni kechiktirib yuborishi tufayli yetkazilgan zararni undirib olish huquqini berishi va keyinchalik majburiyatni ijro etish mumkin bo`lmay qolsa, uni javobgarlikdan ozod qilish, qarzdorning qasdan ish tutishi yoki qo`pol ehtiyotsizlik qilish hollari bundan mustasno ekanligi, pul majbu-riyati bo`yicha kreditor ijroni kechiktirib yuborgan vaqt uchun qarzdor foizlar to`lashga majbur emasligi ko`rsatilgan. Kreditorning kechiktirishi ikki turdagi xatti-harakatdan, birinchidan, kreditor o`ziga qarzdor tomonidan lozim drajadagi ijroni qabul qilmaslik-dan, ikkinchidan, qarzdorning o`z majburiyatini bajarishga qadar kreditor tomonidan lozim bo`lgan harakatning u tomondan qilinmaganligidan iborat bo`lishi mumkin. Yuqorida ko`rsatilgan holatlarni ba`zi misollar bilan tushuntirsa bo`ladi. Chunonchi, agar mahsulot oluvchi mahsulotni topshirishga tayyor ekanligi

www.arxiv.uz to`g`risida xabardor qilingan bo`lsa-yu, uni belgilangan muddatda olib ketmasa – majburiyatni kechiktirishga yo`l qo`ygan hisoblanadi. Kreditor o`ziga yuklatilgan harakatlarni bajarmasa va bu harakatni bajarmasdan turib qarzdor majburiyatini ijro eta olmaydigan hollarda ham kreditor kechiktirgan hisoblanadi. Chunonchi, mahsulot yetkazib berish shartnomasi bo`yicha mahsulot uni oluvchiga bevosita yuborilmay, balki sotib oluvchining taqsimotiga muvofiq ravishda shartnomada qatnashma-gan boshqa tashkilotlarga jo`natilishi lozim bo`lganida belgilangan mud-datda taqsimotning berilmasligi kreditorning kechiktirishini anglatadi. Boshqa bir misol: qurilish pudrati shartnomasi bo`yicha buyurtmachi pudrat shartnomalari to`g`risidagi qoidalar bo`yicha o`z zimmasidagi harakatlarni bajarmaganida ham kreditorning kechiktirishi ko`rinadi. Kreditor majburiyatni kechiktirishda o`z aybi yoki o`ziga qarashli shaxslarning aybi yo`qligini isbotlay olmasa, majburiyatning kechiktiri-lishi natijasida qarzdorga yetkazilgan zararni to`lashga majbur bo`ladi. Chunonchi, belgilangan muddatda olib ketilmagan mahsulotlarni saqlash bilan bog`liq xarajatlarni to`lashi shart. Odatda, bunday hollarda neustoyka (penya, jarima) undiriladi. Chunonchi, “Xo`jalik yurituvchi subyektlar faoliyatining shartnomaviy-huquqiy bazasi to`g`risida”gi O`zbekiston Respublikasi Qonuni[141]da shartnomada belgilangan muddatda tovarlarni yetkazib berganda ularni olishni asossiz rad etilishi uchun sotib oluvchi (kreditor) yetkazib beruvchiga ushbu o`z muddatida olinmagan tovarlar qiymatining 5 foizi miqdorida, tez buziladigan tovarlar bo`yicha esa – 10 foiz miqdorida jarima to`lashi belgilandi. Kreditorning kechiktirishi ko`pincha majburiyatning bajarmasligida aybli bo`lgan qarzdorning javobgarligi to`g`risida da`vo qo`zg`atilganda muhim ahamiyatga ega bo`ladi. Chunki bunday hollarda kreditorning ayblilik darajasi e`tiborga olinib, qarzdorning javobgarligi darajasi birmuncha kamaytirilishi mumkin. Agar kechiktirish kreditorning o`z aybi yoki qonunga yoxud kre-ditorning topshirig`iga binoan ijroni qabul qilish yuklatilgani shaxslarning qasdi yoki qo`pol

www.arxiv.uz ehtiyotsizligidan emasligini kreditor isbotlasa, u kechiktirish javobgarligidan ozod bo`ladi. Majburiyatning qarzdor tomonidan bajarilishida u tomondan berilgan tilxat yoki hujjatini kreditor qarzdorga qaytarib berishdan bosh tortganda ham kreditor kechiktirgan hisoblanadi. Yuqorida aytilganidek, kreditor majburiyatning qarzdor tomonidan bajarilishida unga ko`maklashishga majbur. Agar u o`zining bunday maj-buriyatini bajarmasa, oqibatlari uchun ham javobgar bo`ladi. Kreditorning majburiyatni kechiktirish oqibatlari quyidagilardan iborat bo`lishi mumkin: birinchidan, majburiyatning kechiktirilishi natijasida qarzdorga yetkazilgan zararni to`laydi; masalan, qarzdor majburiyatini bajarish yuzasidan kerakli mahsulotlarni o`z vaqtida yetkazgan bo`lsa-yu, kreditor bo`sh ombor binosining bo`lmasligini bahona qilib, mahsulotni qabul qilishdan bosh tortsa, qarzdor mahsulotning tashilishi va saqlanishi bilan bog`liq oshiqcha xarajatlardan kelgan zararlarni kreditordan undirishga haqli. Bu holda kreditor bunday kechiktirishning o`z qasdi yoki ehtiyotsiz-ligi bilan bog`liq bo`lmaganligini yoki bunday kechiktirishda qonun yoxud kreditorning topshirig`i bo`yicha majburiyatni bajarishni o`z zimmasiga olgan boshqa shaxslarning qasd yoki ehtiyotsizligidan kelmaganligini isbotlasa, qarzdor ko`rgan zararlarni to`lashdan ozod qilinadi; ikkinchidan, kreditorning kechiktirish vaqti uchun qarzdor pul majburiyatlari bo`yicha foizlar to`lamaydi; uchinchidan, agar kreditor qarzdorga uning bergan tilxatini yoki boshqa qarz hujjatini qaytarishdan, yoxud tilxatda qarz hujjatining qayta-rilishi mumkin bo`lmasligini ko`rsatishdan bosh tortsa, qarzdor ijro etishni to`xtatishga haqli. Bajarish mumkin bo`lmasligi tushunchasi ham ma`lum ahamiyatga ega. Bajarish mumkin bo`lmasligi, yuqorida aytib o`tilganidek, majbu-riyatning real tarzda, ya`ni asl holatda bajarish mumkin bo`lmasligini bildi-radi. Bajarish mumkin bo`lmasligi to`g`risidagi masala har bir muayyan holatda sud tomonidan mazkur ishning xususiyatlari e`tiborga olinib hal etiladi.

www.arxiv.uz Qarzdordan majburiyatning real tarzda bajarilishini ba`zi hollarda va ba`zi asoslar bo`yicha talab qilish mumkin bo`lmaydi. Bunga quyidagilarni ko`rsatish mumkin: 1) majburiyatning aslicha bajarilishi mumkin bo`lmasligi, ya`ni majburiyat narsasi xususiy alomatlari bilan belgilangan ashyo bo`lib, uni aslicha topshirish mumkin bo`lmagan holatlarning mavjudligi yoki biron-bir holatning sodir bo`lishi sababli qarzdor majburiyatini ma`lum bir joyda bajara olmasligi kabi; 2) majburiyatning huquqiy jihatdan bajarilishi mumkin bo`lmasligi, ya`ni ba`zi hollarda majburiyatning bajarilishi bunday majburiyat vujudga kelgandan so`ng qabul qilingan qonun hujjatlariga xilof keladigan bo`lsa, majburiyat bajarilmasligi mumkin; 3) ba`zi hollarda majburiyatning real bajarilishi nihoyatda qiyin bo`lishi mumkin. Masalan, shartnoma bo`yicha biron-bir majburiyatni shaxsan bajarishga majbur qarzdorning qattiq betob bo`lib qolishini ko`rsatish mumkin. Majburiyatning bajarilishi mumkin bo`lmasligi qarzdorni kreditor oldida bo`lgan javobgarlikdan ozod qilmaydi. Qarzdor faqat majburiyat-ning bajarilishi mumkin bo`lmasligida o`z aybining yo`qligini isbot qilsagina, javobgarlikdan ozod bo`ladi. Masalan, xususiy alomatlari bilan belgilangan ashyolar ijaraga oluvchining qo`lida bo`lgan vaqtda uning aybidan tashqari nobud bo`lsa, qarzdor kreditorga zarar yoki jarimani to`lashdan ozod bo`ladi. Agar ashyolarning nobud bo`lishi qarzdorning mazkur ashyolarga beparvolik bilan, ehtiyotsizlik muomalasi tufayli bo`lsa, kreditorga yetka-zilgan zarar uchun javobgar bo`ladi.

Похожие

Tadbirkorlik qoidalarini buzganlik uchun javobgarlik

O`rmon qonunchiligini buzganlik uchun javobgarlik

Uchinchi shaxslar harakatlari uchun javobgarlik

Majburiyatlarni bajarish

Ijro hujjatini ijro etmaganlik uchun javobgarlik