Ijro hujjatini ijro etmaganlik uchun javobgarlik - Юриспруденция - Рефераты

Ijro hujjatini ijro etmaganlik uchun javobgarlik

Загружено в:

28.10.2023

Скачано:

0

Размер:

34.77734375 KB

Ijro hujjatini ijro etmaganlik uchun javobgarlik Reja: 1 .Jismoniy shaxslarning ijro hujjatini ijro etmaganlik uchun javobgarligi. 2.Ijro hujjatini ijro etishga to’sqinlik qilganligi uchun javobgarlik. 3. Sud hujjatlari va boshqa organlar hujjatlarini ijro etish to’g’risidagi qonun hujjatlarini buzganlik uchun javobgarlik

Jismoniy shaxslarning ijro hujjatini ijro etmaganlik uchun javobgarligi. Fuqarolarning ijro hujjatini ijro etmaganlik uchun javobgarligi faqatgina ijro ishi yuritish talablarini buzgandagina kelib chiqadi. Fuqarolarga ijro hujjatini ijro etmaganlik uchun javobgarlikni qo’llash vakolatli davlat organlari tomonidan amalga oshiriladi. Jismoniy shaxslarga ijro hujjati talabini bajarmaganligi uchun javobgarlikka tortishga sud ijrochilari hamda sud vakolatli. Ijro ishi yuritish jarayonining boshqa ishtirokchilari ham fuqaroviy huquqiy javobgarlikka tortilishi mumkin. Masalan, saqlovchi xatlangan mulkni yo’qotganligi yoki unga ziyonetkazganligi sabab javobgarlikka tortiladi. Saklovchi qarzdorning xatlangangan mulkini yashirganligi, boshqa birovga noqonuniy berganligi yoki sotib yuborganligi uchun nafaqat jinoiy, balki moddiy javobgarlikka ham tortiladi. “Sud hujjatlari va boshqa organlar hujjatlarini ijro etish to’g’risida”gi Qonunga muvofiq qarzdor ijro hujjatini belgilangan muddatda uzrsiz sabablarga ko’ra ijro etmaganda, shuningdek uning ijrosiga to’sqinlik qilgan hollarda qonunda belgilangan tartibda javobgarlikka tortishga asos bo’ladi.

Ijro hujjatini ijro etishga to’sqinlik qilganligi uchun javobgarlik. O’zbekiston Respublikasi Konstitutsiyasining 114-moddasiga muvofiq sud hokimiyati chiqargan hujjatlar barcha davlat organlari, jamoat birlashmalari, korxonalar, muassasalar, tashkilotlar, mansabdor shaxslar va fuqarolar uchun majburiydir. Sud hujjatini bajarishdan bo’yin tovlash, uning ijro etilishiga to’sqinlik qilish odil sudlov obro’siga putur, davlat va jamoat manfaatlariga zarar yetkazadi, jismoniy va yuridik shaxslarning buzilgan huquq va qonuniy manfaatlari tiklanishiga qaratilgan faoliyatga salbiy ta’sir ko’rsatadi. Shu munosabat bilan, Jinoyat kodeksi sud hujjatini bajarishdan bo’yin tovlash va uning ijro etilishiga to’sqinlik qilish bilan bog’liq qator jinoyatlar, qaysiki voyaga yetmagan yoki mehnatga layoqatsiz shaxslarni moddiy ta’minlashdan bo’yin tovlash (JK 122-moddasi), ota-onani moddiy ta’minlashdan bo’yin tovlash (JK 123-moddasi), mehnat qilish huquqini buzish (JK 148-moddasi), sud hujjatini ijro etmaslik (JK 232-moddasi), band solingan mulkni qonunga xilof ravishda tasarruf etish (JK 233-moddasi) uchun jinoiy javobgarlikni nazarda tutadi.

Sud hujjatlari va boshqa organlar hujjatlarini ijro etish to’g’risidagi qonun hujjatlarini buzganlik uchun javobgarlik. Sud hujjatlari ijtimoiy munosabatlarni huquqiy tartibga solish tizimida o’zining munosib o’rniga ega bo’lgan yuridik vositalardir. Zotan, sud hujjatlari yordamida huquqiy normalarning amalga oshishi yuz beradi hamda huquqiy tartibga solish tizimida vujudga kelgan “nosozlik”lar bartaraf etiladi. Sud hujjatini ijro etmaslik ko’pchilik holatlarda nafaqat sudning obro’siga daxl qiladi, balki juda katta iqtisodiy zarar yetkazishi ham mumkin. Sud hujjatini ijro etmaslik ijtimoiy xavfli qilmish hisoblanadi. Sud hujjatlari ijrosini ta’minlashda ularni ijro etmaganlik uchun javobgarlik choralarining belgilanishi ushbu qilmishlar sodir etilishining oldini olishda muhim ahamiyatga ega. Qarzdor ijro hujjati talabini ixtiyoriy ravishda ijro etish uchun belgilangan muddatda uzrsiz sabablarga ko’ra ijro etmasa, javobgarlikni keltirib chiqaradi. Sud ijrochisining o’z vakolatlari doirasidagi ijroni amalga oshirish bilan bog’lik talablari O’zbekiston Respublikasi hududida barcha organlar, jismoniy va yuridik shaxslar tomonidan bajarilishi majburiydir.Sud ijrochisining qonuniy talablarini bajarmaslik, uning zimmasiga yuklangan vazifalarni bajarishiga monelik qiluvchi xatti-harakatlar sodir etish qonunda belgilangan tartibda javobgarlikka sabab bo’ladi. Ijro hujjati uni ixtiyoriy ravishda ijro etish uchun belgilangan muddatda uzrsiz sabablarga ko’ra ijro etilmagan taqdirda yoki qarzdor zimmasiga muayyan harakatlarni amalga oshirish yoxud bunday harakatlarni amalga oshirishdan o’zini tiyish majburiyatini yuklovchi ijro hujjati uzrsiz sabablarga ko’ra sud ijrochisi belgilagan muddatda ijro etilmagan taqdirda, sud ijrochisi jismoniy shaxslarga eng kam ish haqining o’n baravarigacha miqdorda, mansabdor shaxslarga eng kam ish haqining o’n besh baravarigacha miqdorda jarima soladi.

1.Seminar savollari: 1. Ijro hujjatini ijro etmaganlik uchun kanday javobgarlik belgilangan? 2. Ijro hujjatini bank yoki boshka kredit tashkiloti tomonidan ijro etmaganlik uchun qonunda qanday javobgarlik nazarda tutilgan? 3. Sud ijrochisi qarzdorga qanday hollarda jarima solishi mumkin? 4. Ma’muriy javobgarlikka tortish asoslarini aytib bering. 5.Sud hujjatlari va boshqa organlar hujjatlarini ijro etish to’g’risidagi qonun hujjatlarini buzganlik qanday oqibatlarga olib keladi? 7. Sud hujjatini ijro etmaslik oqibatlari xususida tushunchalarni yoriting. 8. Jismoniy shaxslarning ijro hujjatini ijro etmaganlik uchun javobgarligi qanday hal qilinadi? 9. Ijro hujjatini ijro etishga to’sqinlik qilganligi uchun javobgarlik masalasini yoritib bering. 10. Jarima summasi kim tomonidan va qanday belgilanadi .

1.Mustaqil tayyorlanish uchun masalalar: Vazifa№1 Sud ijrochisi qarzdordan undiruvchi foydasiga 700000 so’m undirish haqidagi bergan ijro hujjati bo’yicha ijro ishi qo’zg’atdi. Ijro harakatlarini ixtiyoriy amalga oshirish uchun besh kun muddat berib, o’z vaqtida to’lamaslik oqibat larini tushuntirdi. Qarzdor ijro hujjati ijrosini bo’lib-bo’lib ijro qilishini aytdi. Sud ijrochisi qarzdorning fiqriga e’tibor qilmasdan uning mol-mulkiga undiruv qaratdi. Sud ijrochisining harakatlari qonuniymi? Vazifa№2 Undiruvchiga tegishli bo’lgan muzlatgichnini vaqtincha saqlash uchun qabul qilgan saklovchi Qodirov unga hech qanday zarar yetkazmagan holda foydalanib turdi. Bundan norozi bo’lgan undiruvchi Qodirovdan muzlatgichdan foydalnganligi uchun pul talab qildi. Undiruvchiningtalabito’g’rimi? Vazifa№3 Sud ijrchisi Botirov qarzdor Naimovaning ijro hujjati talabini bajarish uchun mol – mulki va boshqa turdagi pul mablag’lari yo’q bo’lganligi sababli, undiruvni Naimovaning homiladorlik va tug’ish bo’yicha to’lanadigan nafaqa summalariga qaratdi. Sud ijrochisining harakatiga yuridik baho bering? Vazifa№4 Sudning qaroriga asosan qarzdor Sattorovni undiruvchi oldidagi 12.000.000 so’m qarzini undirish bo’yicha qarzdorning nomida hech qanday mol – mulk va pul mablaglari aniqlanmaganligi sababli, sud ijrochisi Sattorovning turmush o’rtog’ining nomida bo’lgan, nikoh davrida olingan Matiz rusumli avtomashinaga undiruvni qaratdi. Sud ijrochisining harakati qonuniymi?

Adabiyotlar 1. Qarzdor jismoniy shaxsga ish haqi yoki unga tenglashtirilgan to’lovlarni to’layotgan tashkilotlar yoki boshka shaxslar tomonidan ijro hujjatlarini ijro etish qoidalari.// "O’zbekiston Respublikasi qonun hujjatlari to’plami". 2009, № 28, 329-modda. 2. Ijro ishi yuritishga oid normativ-huquqiy hujjatlar va ichki buyruqlar to’plami. T., Adolat, 2010, 464- bet. 3. M.Q. O’razaliyev. Ijro ishi yuritish. O’quv qo’llanma. T., TDYUI, 2011,369- bet. 4. U.A. Tuxtasheva. Ijro ishi yuritish. Darslik. T., TDYUI, 2009, 308 -bet. 5. Ijro ishi yuritishga oid protsessual hujjatlar namunalari to’plami. T., Adolat, 2010, 512- bet 6. D. Habibullayev. Sud qarorlari ijrosi muammo va yechim. “Huquq va burch”. T., 2009, № 10, 36-38-bet. 7. B.Yusupov. Sud hujjatini ijro etmaganlik uchun jinoiy javobgarlik muammolari.Monografiya. T.,2011,173-bet. 8. Y.SH. Narziyev, S.RBozorov. Ijro ishi yurituvi. O’quv-uslubiy qo’llanma. T., TDYUI, 2008, -2.3 b.t. 9. U.A.Tuxtasheva, L.G.Ton. Ispolnitelnoye proizvodstvo. Uchebno- metodicheskoye posobiye.T., TGYUI, 2010, str. 175.

Похожие

Sud qarorlarining ijro etilishi

Ijro ishi yuritishdagi xarajatlar

Mulkiy xususiyatga ega bo’lmagan nizolar bo’yicha ijro hujjatlarini ijro etish

Jazoni ijro etish muassasalarida rejim

Jazoni ijro etish muassasalarida rejim