Jazoni ijro etish muassasalarida rejim - Юриспруденция - Рефераты

Jazoni ijro etish muassasalarida rejim

Загружено в:

20.09.2019

Скачано:

0

Размер:

52.5 KB

Jazoni ijro etish muassasalarida rejim REJA: 1. Rejimning asosiy talablari. 2. Mahkumlarni batamom ajratib qo`yish va qo`riqlash , mahkumlarni kiyimi. 3. Nazorat va tekshiruvning texnikaviy vositalari 4. Mahkumlarni narsalari va buyumlari. Tintuv va ko`zdan kechirish. 5. Jazoni ijro etuvchi muassasalarda tezkor qidiruv faoliyat. 6. Mahkumlarga nisbatan jismonan kuch ishlatish. 7. O`q otar qurolni qo`llash tartibi. 8. Mahkumlarni telefon orqali so`zlashuvlari va yozishmalari.

Jazoni ijro etish muassasalarida rejim tushunchasi va ahamiyati. Rejimning mohiyati va asosiy talabalari. Rejimni tashkil etishdan maqsad. Jazoni ijro etish muassasalarida rejim talablariga ko`ra mahkumlar kiyimi. Rejim talablariga ko`ra mahkumlarni nazorat qilish, tekshirishning texnikaviy vositalaridan foydalanish, tintuv va ko`zdan kechirish. Mahkumlarning narsa va buyumlarini tekshirish. Jazoni ijro etish muassasalarida tezkor qidiruv faoliyatlardan foydalanish maqsadi, tartibi va shartlari. Mahkumlarni nisbatan jismoniy kuch ishlatish, tinchlantirish ko`ylagini va maxsus vositalarni ishlatish tartibi, shartlari va asoslari. Mahkumlarni saqlash sharoitida o`qotar qurol vositalaridan foydalanish asoslari, tartibi va shartlari. Jazoni ijro etish muassasalarida rejim talablariga muvofiq alohida holat joriy etish tartibi va shartlari. Jazoni ijro etish muassasalarida rejim talablariga muvofiq mahkumlarga beriladigan imtiyozlar. Mahkumlarning oziq-ovqat mahsulotlari va eng zarur narsalarni sotib olishi, mahkumlarning eng yaqin qarindoshlari va boshqa shaxslar bilan uchrashuvlari, qisqa muddatli va uzoq muddatli diydor ko`rishuv tartibi shartlari va vaqti. Mahkumlarning telefon orqali so`zlashuvi va yozishmalari. Mahkumlarning posilka, yo`qlov, banderol va pul jo`natmalari yuborishi. Mahkumlarning adabiyot va yozuv ashyolarni sotib olishlari tartibi. Mahkumlarning kinofilmlar, teleko`rsatuvlar ko`rish va radio eshitish tartibi. Mahkumlarning soqchisiz yoki kuzatuvchisiz yurishlari shartlari. Mahkumlarga alohida hollarda muassasa doirasidan chetga chiqishlariga ruxsat berilishi tartibi va shartlari. Mahkumlarning chetga chiqish tartibini buzganlari uchun kelib chiqadigan huquqiy oqibatlar. Jazoni ijro etish muassasalarida rejim jazodan ko`zlangan maqsadga erishish uchun belgilanadi. Rejim quyidagilarni ta`minlaydi:

Mahkumlarni batamom ajratib qo`yish, ularni qo`riqlash va nazorat qilib turishni; Mahkumlarni huquqlari va qonuniy manfatlarini ro`yobga chiqarish,shuningdek ularning o`z majburiyatlarini ado etishini; Muayyan toifadagi mahkumlarni alohida-alohida saqlashni; Muassasa turiga qarab mahkumlarni har-xil sharoitda saqlash; Mahkumlarning va muassasa hodimlarining havfsizligini ta`minlash. Ozodlikdan mahrum etishga hukm qilingan shaxslarni batamom ajratib qo`yish va qo`riqlash,shuningdek ular saqlanadigan va mehnat qiladigan oboyektlarni qo`riqlash O`zbekiston Respublikasi IIV tomonidan qonun hujjatlarida belgilangan tartibda amalga oshiriladi. Mahkumlar kiyimi:jazoni ijro etish muassasalarida, manzil koloniyalarni istisno etganda,mahkumlar belgilangan namunada kiyim kiyadilar. Kiyimning ko`rinishi O`zbekiston Respublikasi IIV tomonidan belgilanadi. Ichki tartib qoidalarida nazarda tutilgan hollarda mahkumlarga fuqarolik namunasidagi kiyimdan foydalanishga ruxsat etiladi. Ozodlikdan mahrum etish joylaridan qochish va boshqa jinoyatlarning,jazoni o`tashning belgilangan tartibini buzishlarni oldini olish,mahkumlar hulq-atvori to`g`risida zarur axborot olish uchun jazoni ijro etish muassasalarida nazorat va tekshiruvning audiovizual,elektron va boshqa texnikaviy vositalardan foydalaniladi. Muassasa ma`muriyati mahkumlarni nazorat va tekshiruvning texnikaviy vositalari qo`llanilayotganligidan xabardor qilishi shart. Nazorat va tekshiruvning texnikaviy vositalari ro`yxati, ulardan foydalanish tartibi O`zbekiston Respublikasi IIV tomonidan belgilanadi. Mahkumlarning yonidan topilgan foydalanishga ruxsat etilmagan narsalar va buyumlar muassasa boshlig`ining qaroriga binoan olib qo`yiladi,hamda mahkum ozod bo`lgunga qadar saqlash uchun topshiriladi yoki yo`q qilib tashlanadi,yohud davlat foydasiga o`tkaziladi va bu haqda tegishli xujjat tuziladi.

Ozodlikdan mahrum etishga hukm qilingan shaxslar,ularning buyumlari tintuv o`tkazilishi va ko`zdan kechirilishi mumkin. Shaxsiy tintuv mahkum bilan bir jinsda bo`lgan shaxslar tomonidan amalga oshiriladi. Turar joy binolari ularda mahkumlar bo`lgan chog`da tintuv qilishga kechiktirib bo`lmaydigan hollardagina yo`l qo`yiladi. Jazoni ijro etish muassasi ma`muriyati ushbu muassasaga xamda mahkumlar ishlaydigan obektlarga kirayotgan va chiqayotgan shaxslarni, transport vositalarini, buyumlari va kiyimini ko`zdan kechirishga xaqli, qonun xujjatlarida nazarda tutilgan hollar bundan mustasno. Jazoni ijro etish muassaslarida tezkor qidiruv faoliyati: Mahkumlar, muassasa xodimlari va boshqa shaxslar xavfsizligini ta`minlash; Mahkumlar mazkur muassasaga yetib kelgunga qadar sodir etgan jinoyatlarni aniqlash va fosh etish; Jinoyatlarni va belgilangan saqlash rejimini buzish hollarini aniqlash va ularning oldini olish; Jazoni ijro etuvchi muassasada sodir etilgan jinoyatlarni fosh etish; Ozodlikdan mahrum etish joylaridan kochgan mahkumlarni qidirish; Boshqa jinoyatlarni fosh etishda yordam berish maqsadida amalga oshiriladi. Tezkor qidiruv faoliyatini jazoni ijro etish muassasalarining tezkor xizmat xodimlari, shuningdek vakolatli organlar qonun hujjatlarida belgilangan tartibda amalga oshiriladi. Ozodlikdan mahrum etishga hukm qilingan shaxslar tomonidan sodir etilayotgan jinoyatlar va huquq buzarliklarni to`xtatib qolish maqsadida, shuningdek ularni ushlash chog`ida, agarda boshqa usullar bilan muassasa ma`muriyatining qonuniy talablarini ta`minlashning iloji bo`lmasa, mahkumlarga nisbatan jismoniy kuch ishlatilishi mumkin. Jismoniy ishlatilishi natijasida mahkumlar xayoti va sog`ligiga zarar yetkazilgan har bir hodisa haqida prokurorga xabar qilinadi.

Tinchlantirish ko`ylagi: mahkumlarga nisbatan, agar ular jazavaga tushsalar tinchlantirish ko`ylagini qo`llashga yo`l qo`yiladi. Tinchlantirish ko`ylagi tibbiy xodim ishtirokida qo`llaniladi, hamda uni qo`llash muddati ikki soatdan oshmasligi kerak. Mahsus vositalar jumlasiga rezina tayoqlar, qo`l kishanlari yoki boshqacha bog`lash vositalari, xizmat itlari, ko`zdan yosh chiqaruvchi moddalar, chalg`itma taosir ko`rsatuvchi tovush moslamalari, to`siq-g`ovlarni bartaraf etuvchi vositalar, suv bilan zarba beruvchi va zirxli mashinalar, inshoatlarni ochish, transportni majburan to`xtatish moslamalari hamda qonunda nazarda tutilgan boshqa vositalar kiradi. Mahsus vositalar quyidagi hollarda ko`llaniladi: Mahkumlarni muassasa ma`muriyati vakillariga boshqa mahkumlarga va o`zga shaxslarga hujumini daf etish chog`ida; Mahkumlar tomonidan sodir etilgan ommaviy tartibsizliklar, jamoat tartibini guruh bo`lib to`xtatish muassasa ma`muriyatiga ashadiy boysunmayotgan yoki qarshilik ko`rsatayotgan huquqbuzarliklarni ushlash chog`ida; Garovga olinganlarni mahkumlar egalab olgan binolarni inshoatlarni, xonalarni va transport vositalarini ozod qilish chog`ida; Mahkumlarni qo`riqlab borish va qo`riqlab turish chog`ida; Jazoni ijro etish muassasalaridan qochgan mahkumlarni ushlash chog`ida; Mahsus vositalar qonunda nazarda tutilgan boshqa hollarda ham qo`llanilishi mumkin. Mahsus vositalar turlari, ularni ishlatish intensivligi yuzaga kelgan vaziyat, huquqbuzarlik xususiyati va huquqbuzarning shaxsini inobatga olgan holda belgilanadi. Ayollar, voyaga yetmagan shaxslar va nogironlar tomonidan qarshilik ko`rsatgan taqdirda mahsus vositalar qo`llanilishi mumkin. Har qandan mahsus vositalar ishlatilgan taqdirda natijalari haqida prokurorga xabar qilinadi.

O`q-otar qurolini qo`llash tartibi:O`q otar qurolni qo`llanshdan oldin qurol qo`llanilishi mumkinligi haqida ogoxlantirish va yuqoriga qarab ogohlantiruvchi o`q otish kerak. quyidagi hollarda ogoxlantirishsiz qo`llaniladi: qo`qqisdan xujum qilinganda, qurolli xujumni yoki jangavor texnikani, uchish oparatlarini dengiz va daryo kemalaridan foydalangani holda qilingan xujumni daf etishda, garovga olinganlarni ozod qilishda, ozodlikdan mahrum etish joylaridan qurol bilan, transport vositalari yordamida yoki yurib ketayotgan transport transport vositalari yordamida yoki tunda ko`rish cheklangan sharoitlarda qochilganda. O`q otar qurolini qo`llash asoslari: Alohida xollarda, agar jinoyatchini boshqa vositalar bilan to`xtatishning iloji bo`lmasa eng so`nggi chora sifatida o`q otar qurol qo`llashga yo`l qo`yiladi. Mahkumlarga texnikaviy imkoniyatlar mavjud bo`lgan taqdirda telefon orqali so`zlashuv huquqi beriladi. Telefon orqali so`zlashuv tekshiruv ostida olib boriladi hamda haqi mahkumning shaxsiy hisob varag`idan to`lanadi. So`zlashuv miqdori sharoitiga qarab belgilanadi va mahkumni iltimosnomasiga ko`ra berilishi mumkin. Ozodlikdan mahrum etish joylarida saqlanayotgan mahkumlarning telefon orkali so`zlashuvi taqiqlanadi. Ozodlikdan mahrum etishga hukum qilingan shaxslar cheklanmagan miqdorda xat va telegrammalarni olishi va jo`natishi mumkin. Mahkumlarni xatlari va jo`natmalari senzuradan o`tkaziladi, jazoni manzil koloniyalarda o`tayotgan shaxslar bundan mustasno. Ozodlikdan mahrum etish joylarida saqlanayotgan mahkumlar o`rtasida xat yozishmalari faqat o`zaro qarindoshlar o`rtasida va muassasa ma`muriyatining ruxsati bilan amalga oshiriladi. Prokuror nomiga yo`llangan taklif,ariza va shikoyatlar ko`zdan kechirilmaydi hamda bir sutkalik muddat ichida tegishliligi bo`yicha jo`natiladi. Mahkumlarga alohida hollar ( yakin qorindoshning vafoti yoki hayoti uchun xavfli bo`lgan og`ir kasaligi, uning oilasiga jiddiy zarar yetkazgan voqea)

munosabati bilan borish kelish uchun ketadigan vaqtni hisobga olmagan holda yetti sutkagacha bo`lgan muddatga jazoni ijro etish muassasasidan chetga chiqishga ruxsat etilishi mumkin. Mahkum arizasi ma`muriyat tomonidan bir sutka davomida qo`rib chiqiladi va ruxsatnoma prokuror tomonidan taqiqlanadi. quyidagilar: O`ta xavfli retsidivistlar; Umrbod ozodlikdan mahrum qilish jazosi avf etish tartibida uzoq muddatli ozodlikdan mahrum qilish jazosi bilan almashtirilgan shaxslar; O`ta og`ir jinoyati uchun hukm qilingan shaxslar; Majburiy davolanishni o`tayotgan va yukumlik kasalikka chalingan mahkumlarga chetga chiqishga ruxsat berilmaydi. Chetga chiqish vaqti jazoni o`tash muddatiga qo`shiladi. Chetga chiqish bilan bog`liq harajatlar mahkum mablag`lari hisobidan yoki boshqa shaxslar tomonidan to`lanadi. Mahkumning belgilangan muddatda joyiga qaytib kelishini qiyinlashtiruvchi kutilmagan holatlar yuz bergan taqdirda u borgan joydagi IIB boshlig`ini qaroriga binoan qaytish muddati, jazoni ijro etish muassasasi ma`muriyatini albatta ogohlantirgan holda besh sutkagacha uzaytirilishi mumkin. Mahkum belgilangan muddatda joyiga qaytishdan bo`yin tovlagan vaqtda, u IIB tomonidan ushlanadi va jazoni o`tash joyiga jo`natiladi. Ozodlikdan mahrum etishga hukm qilingan ijobiy tavsifga ega shaxslarga muassasani qo`riqlanadigan hudud doirasidan tashqarida soqchisiz va kuzatuvchisiz yurishga ruxsat etilishi mumkin. Soqchisiz va kuzatuvchisiz yurish huquqi mahkumlarga quyidagi hollarda berilandi: Uncha og`ir jinoyat uchun tayinlangan jazo muddatini kamida uchdan bir qismi o`talganidan so`ng; Og`ir jinoyat chun tayinlangan jazo muddatini kamida yarmini o`taganidan so`ng.

O`ta og`ir jinoyat uchun, shuningdek ilgari jazodan muddatidan oldin shartli ozod qilingan yoki jazosi yengilroq jazo bilan almashtirilgan va jazoni o`talmagan qismi mobaynida qasddan yangi jinoyat sodir etgan shaxsga tayinlangan jazo muddatini kamida 3 dan 2 qismi o`talganidan keyin. quyidagilarni soqchisiz yoki kuzatuvchisiz yurishiga yo`l qo`yilmaydi: Intizomiy jazosi bor mahkumlar; Yuqumli kasallikka chalingan, shuningdek majburiy davolanishdan o`tayotgan mahkumlar; Birinchi, ikkinchi guruh nogironlari; Mazkur muassasaga kelganiga 6 oy to`lmagan mahkumlar.

ADABIYOTLAR 1. Jinoyat-ijroiya huquqi. Darslik. Mualliflar jamoasi. Mas`ul muharrir-yu.f.n., dots. B.J.Axrorov. –T.: O`qituvchi, 2002. – 208b. 2. Jinoyat-ijroiya kodeksiga sharhlar. Rustamboyev M.H., Axrarov B.J. va boshqalar. Ma`sul muharrir: yu.f.d., prof. M.H.Rustamboyev. – T.: TDYUI, 2007. – 574 b. 3. Kommentariy k Ispravitelno-trudovomu kodeksu Respubliki Uzbekistan. –T.: Uzbekistan, 1997.- 345s. 4. Abduxaliqov M.A., Payzullayev Q., Abduqodirov Sh.Y. Jinoyat - ijroiya huquqi (albom sxemalar). –T.: TDYUI, 2005. – 142 b. 5. Kurs ugolovnogo prava Respubliki Uzbekistan Tom-1 obshaya chast ucheniye o prestuplenii.uchebnik. M.X. Rustamboyev. - T.:TDYUI, 2009.-526 st.

Похожие

Jazoni ijro etish muassasalarida rejim

Jazoni ijro etish muassasalarida sodir etiladigan jinoyatlarning kriminologik tavsifi

Qo`shimcha jazolarni ijro etish. Koloniya va turmalarda jazoni o`tash

Mulkiy xususiyatga ega bo’lmagan nizolar bo’yicha ijro hujjatlarini ijro etish

Boshqa jinoiy-huquqiy ta’sir choralarini ijro etish