Ijro ishi yuritishdagi xarajatlar - Юриспруденция - Рефераты

Ijro ishi yuritishdagi xarajatlar

Загружено в:

28.10.2023

Скачано:

0

Размер:

36.9384765625 KB

Ijro ishi yuritishdagi xarajatlar Reja: 1.Ijro yig’imi tushunchasi va uni undirish tartibi, ijro harakatlarini amalga oshirish xarajatlari va ushbu xarajatlarning undiruvchi tomonidan bo’nak bilan ta’minlanishi hamda ijro harakatlarini amalga oshirish. 2.Xarajatlarini qoplash tartibi to’g’risida talabalarda tasavvurni hosil qilish va ko’nikmalarni shakllantirish.

1.Ma’ruzaning asosiy masalalari: Ijro harakatlarini amalga oshirish xarajatlari Sud ijrochilarining depozit hisobvarag’ida bo’lib, ijro harakatlarini tashkil etish va amalga oshirishga sarflangan mablag’lar, shuningdek, ijro ishini yuritishda ishtirok etuvchi taraflar va boshqa shaxslarning mablag’lari ijro harakatlarini amalga oshirish xarajatlari hisoblanadi. Ijro harakatlarini amalga oshirish xarajatlariga quyidagilar kiradi: - qarzdorning mol-mulkini tashish, saqlash va realizatsiya qilishga sarflangan mablag’lar; - ijro harakatlarini amalga oshirishga belgilangan tartibda jalb etilgan tarjimonlar, mutaxassislar va boshqa shaxslarga haq to’lashga sarflangan mablag’lar; - undirilgan summalarni undiruvchiga pochta orqali o’tkazishga (jo’natishga) sarflangan mablag’lar; - qarzdorni, uning mol-mulkini yoki qarzdordan sudning qarori bo’yicha olib qo’yilgan bolani qidirishga sarflangan mablag’lar; - ijro hujjatini ijro etish jarayonida amalga oshiriladigan boshqa zarur ijro harakatlariga sarflangan mablag’lar. Ijro harakatlarini amalga oshirish xarajatlari hujjatlar bilan tasdiqlangan bo’lishi kerak. Ijro harakatlarini amalga oshirishga ketgan xarajatlar qarzdordan undirilib, sud ijrochilarining depozit hisobvarag’iga o’tkaziladi. Xarajatlarning undiruvchi tomonidan bo’nak bilan ta’minlanishi “Sud hujjatlari va boshqa organlar hujjatlarini ijro etish to’g’risida”gi Qonunga kura undiruvchi ijro harakatlari ta’minlash uchun sud ijrochilarining depozit hisobvarag’iga tegishli xarajatlarni yoxud ularning bir qismini amalga oshirish uchun kerakli miqdorda bo’nak badalini o’tkazishi mumkin. Undiruvchi tomonidan ijro harakatlarini amalga oshirish uchun kelgusida qilinadigan harajatlarni qoplash uchun bo’nak badali o’tkazilishi ijro hujjatining ijro etilishini tezlashtiradi. “Sud hujjatlari va boshqa organlar hujjatlarini ijro etish

to’g’risida”gi Qonunning 42 - moddasi 2 qismiga muvofiq qarzdor yoki uning mol-mulkini qidirish sud ijrochisi uchun majburiy emas, bu harakatni amalga oshirish undiruvchining erkiga bog’liqdir. Shuning uchun ham Qonunning 42 - moddasini 2 qismida ko’rsatilgan hollarda undiruvchi qarzdorni yoki uning mol- mulkini qidirish bo’yicha tegishli harajatlarni to’liq bo’nak bilan ta’minlashga haqli. Ko’rsatilgan ijro harakatlari undiruvchi tomonidan bo’nak bilan ta’minlangach, sud ijrochisi qarzdorni yoki uning mol-mulkini qidirish to’g’risida tegishli qaror chiqaradi. Ijro harakatlarini amalga oshirish uchun undiruvchi tomonidan to’langan bo’nak badali ijro ishi tamomlangach qarzdorning hisobidan koplanadi. Ijro harakatlarini amalga oshirish xarajatlarini qoplash tartibi Sud ijrochisi majburiy ijroni ta’minlaganda ijroni amalga oshirishga sarflangan xarajatlarni qarzdor hisobidan undiradi. Sud ijrochisi tomonidan chiqarilgan ijro ishi yuritishni qo’zg’atish to’g’risidagi qarorda ijro harakatlarini amalga oshirishga sarflangan xarajatlar qarzdordan undirilishi ko’rsatilishi kerak. Qaror chikarilgandan keyin, qarorning nushasi qarzdorga topshiriladi . Qarzdordan undirilgan ijro harakatlarini amalga oshirish harajatlari sud ijrochilarining depozit hisobvarag’iga o’tkaziladi. Depozit hisobvarag’i katta sud ijrochisi tomonidan boshqariladi. Ijro harakatlarini amalga oshirish xarajatlari qarzdordan undirilgan pul summasidan (shu jumladan uning mol-mulkini realizatsiya qilish yo’li bilan olingan pul summasidan), ijro hujjati bo’yicha ijro yig’imi to’langan va ijro jarayonida qarzdorga solingan jarimalar undirilgach, qoplanadi. Sud ijrochisi mulkiy xususiyatga ega bo’lgan ijro hujjatlarini ijro etishda ijro hujjatida ko’rsatilgan undirilishi lozim bo’lgan summadan tashqari, ijro yig’imi summasi, jarima (agar u qo’llanilgan bo’lsa) va ijro bilan bog’liq boshqa harajatlarni hisobga olgan holda, undiruvni amalga oshirishi lozim. Mulkiy xususiyatga ega bo’lmagan ijro hujjatini ijro etishda sud ijrochisi qarzdordan ijro

yig’imi va jarimalardan tashqari ijro harakatlarini amalga oshirish xarajatlarining undirilishini ta’minlashi kerak. Ijro ishi yuritish quyidagi asoslarga ko’ra, tugatilgan taqdirda, ijro hujjatini ijro etish uchun ketgan harajatlar undiruvchining hisobidan qoplanishi lozim: - qarzdorning undiruv qaratilishi mumkin bo’lgan mol-mulki yoki daromadlari bo’lmasa va uning mol-mulki yoki daromadlarini qidirish yuzasidan sud ijrochisining qonunda yo’l qo’yiladigan doirada ko’rilgan barcha choralar natijasiz bo’lsa; - undiruvchi ijro hujjati ijro etilayotganda qarzdorning sotilmagan mol- mulkini o’ziga olishdan voz kechsa yoki qarzdorlik hisobidan ushbu mol-mulkni o’ziga olish to’g’risidagi sud ijrochisining taklifi bo’yicha o’z qarorini belgilangan muddatda taqdim qilmaganda; - undiruvchi o’z harakatlari (harakatsizligi) bilan ijro hujjatining ijro etilishiga to’sqinlik qilayotgan bo’lsa, shu jumladan ijro hujjatida ko’rsatilgan, qarzdordan olib qo’yilgan muayyan ashyolarni olishdan voz kechsa. Sud ijrochisi tomonidan ijro harakatlarini amalga oshirish bilan bog’liq xarajatlarini undirish va qoplash bilan bog’liq barcha harakatlar u tomonidan chiqariladigan ijro harakatlarini amalga oshirish xarajatlarini undirish to’g’risidagi qaror orqali amalga oshiriladi. Bu qarorlar ustidan sudga shikoyat yoki protest keltirish mumkin bo’lganligi sababli, ularning nusxalari uch kunlik muddat ichida ishda katnashuvchi taraflarga jo’natilishi lozim. Ijro yig’imi Sud ijrochisi tomonidan ijro hujjatlarini majburiy ijro etish bo’yicha harakatlar amalga oshirilganligi uchun qarzdordan ijro yig’imi undiriladi. Ijro yig’imi sud ijrochisi tomonidan sud hujjatlari yoki boshqa organlar hujjatlarini majburiy ijro etishda amalga oshiriladigan undiruvni nazarda tutadi. Shu o’rinda ta’kidlash joizki, O’zbekiston Respublikasida 2007 yilning 1 dekabridan e’tiboran ijro yig’imi joriy etildi. Ijro yig’imi - sud ijrochisi tomonidan sud hujjatlari yoki boshqa organlar hujjatlarini majburiy ijro etishdagi undiruv bo’lib, ijro hujjati talabi sud ijrochisi

tomonidan belgilangan muddatda qarzdor tomonidan bajarilmagan taqdirda qonun hujjatlarida belgilangan tartibda va miqdorda qo’llaniladi. Sud ijrochisining ijro hujjati bo’yicha ijro ishi yuritishni qo’zg’atish to’g’risidagi qarorida, qarzdor ushbu qaror ijrosini belgilangan ixtiyoriy muddatda bajarmagan taqdirda, unga ijro hujjati mazmunidan kelib chiqqan holda qancha miqdorda ijro yig’imi qo’llanilishi to’g’risida tushuntirish tariqasida ogohlantirilishi shart. Ijro hujjatini ixtiyoriy ravishda ijro etish muddati tugagandan keyingi kunda sud ijrochisi tomonidan chiqarilgan qaror ijro yig’imini undirish uchun asos bo’ladi. Ijro yig’imini undirish to’g’risida sud ijrochisi chiqargan qaror Qonunga muvofiq ijro hujjati hisoblanadi, lekin alohida ijro ishi yuritishi qo’zg’atilmasdan majburiy ijro etiladi. 1.Seminar savollari: 1. Ijro harakatlarini amalga oshirish harajatlarini qoplash tartibini tushuntirib bering. 2. Xarajatlarning undiruvchi tomonidan bo’nak puli bilan ta’minlanish tushunchasini aytib bering. 3. Ijro yig’imini undirish asoslarini keltiring. 4. Mulkiy xarakterga ega bo’lgan ijro hujjatlari deyilganda qanday hujjatlar tushuniladi? 5. Ijro harakatlarini amalga oshirish xarajatlariga nimalar kiradi? 6. Ijro yig’imi tushunchasi aytib bering. 7. Ijro yig’imi qanday maqsadlarda qo’llaniladi? 8. Ijro harakatlarini amalga oshirish uchun undiruvchi tomonidan to’langan bo’nak badali ijro ishi tamomlangach kimning hisobidan koplanadi? 9. Ijro yig’imini to’lash nimalarga bog’liq bo’ladi? 10. Ijro yig’imini undirish masalalari qanday hujjatlar bilan tartibga solinadi?

2.MUSTAQIL TAYYORLANISH UCHUN MASALALAR: Vazifa№1 Sud ijrochisifuqarolik ishlari bo’yicha Uchtepa tumanlararo sudining qarzdor Yuldashevdan undiruvchi Boyto’rayevga 8500000 so’m qarzni undirish to’g’risidagi ijro hujjati yuzasidan ijro ishi qo’zg’atdi. Ijro harakatlarini ixtiyoriy amalga oshirish uchun besh kun muddat berib, bu muddat o’tgach, qarzdorga jarima va ijro yig’imini to’lash majburiyatini yukladi. Qarzdor ijro yig’imini to’lashni rad etdi. Masalaning keyingi yechimini toping. Vazifa№2 Sud ijrochisi Jo’rayev2011 yilning 23 may kuni fuqarolik ishlari bo’yicha Uchtepa tumanlararo sudining 87-sonli, qarzdor Inamovdan undiruvchi Ismailovga 970000 so’m qarzni undirish to’g’risidagi ijro hujjati yuzasidan ijro ishi qo’zg’atgan. Ushbu ijro ishi bo’yicha qarzdor Inamovdan qancha miqdorda ijro yig’imi undiriladi? Masalaning yechimini toping. Vazifa№3 Sud ijrochisi Hasanov ijro ishi yuritishni qo’zg’atish to’g’risidagi qarorda ijro hujjatidagi talablarni ixtiyoriy ravishda bajarish uchun qarzdor Soipovga ijro ishi qo’zg’atilgan kundan e’tiboran 5 kunlik muddat belgiladi. Qarzdor Soipov bu muddatda ijro hujjatidagi talabni bajarmadi. Sud ijrochisining keyingi harakatini davom эттиринг.

Vazifa№4 Sud ijrochisi qarzdorning matiz rusumli avtomobilini ijro xujjatidagi ko’rsatilgan qarzni undirish uchun xatladi va saqlash uchun saqlovchiga topshirdi. Saqlovchi saqlash xarajatlarini qanday qoplaydi . Vazifa №5 Sud ijrosining ish yurituviga qarzdordan bitta davlatga ikkita yuridik shaxslar foydasiga qarzni undirish xaqidagi ijro xujjatlari kelib tushdi. Kelib tushgan pul mablag’lari qanday tartibda taqsimlanadi. Vazifa №6 Qarzdor Valiyev vafot etganligi sababli sud ijrochisi Lochinov ijro ishini to’xtatib turish to’g’risida qaror chiqardi va bu haqda undiruvchi Jabborovni xabardor qildi. Undiruvchi Jabborov ijrochining harakatidan norozi bo’lib, katta sud ijrochisiga shikoyat qildi. Masalaga yuridik baho bering. Vazifa №7 Sud ijrochisi2011 yilning 15 yanvar kuni undiruvchi foydasiga 500000 so’m qarzni undirish to’g’risidagi ijro hujjati bo’yicha qarzdor G’ulomovga nisbatan ijro ishini qo’zg’atib, ixtiyoriy ijro uchun 5 kun muxlat bergan. Qarzdor G’ulomov tomonidan ijro hujjati ixtiyoriy bajarilmaganidan so’ng sud ijrochisi 2011 yilning 21 yanvar kuni qarzdorning uyiga majburiy ijroni ta’minlash uchun kelgan. Qarzdor eshikni ochmadi. Sud ijrochisining keyingi harakatlarini aytib bering Vazifa №8 Qarzdor Tog’ayev olti oy ichida o’z mol – mulkini olib ketmaganligi sababli, sud ijrochisi Anvarov qarzdorni yozma ravishda ogohlantirib, unga tegishli bo’lgan

mol – mulkni realizatsiya qilish uchun topshirib yubordi. Qarzdor Tog’ayev esa, sud ijrochining xarakatidan norozi bo’lib, Sud Departamentining hududiy boshkarmasiga shikoyat qildi. Sud ijrochisining xarakati qonuniymi?

3.Mustaqil o’qish uchun adabiyotlar. 1.Qarzdor jismoniy shaxsga ish haqi yoki unga tenglashtirilgan to’lovlarni to’layotgan tashkilotlar yoki boshka shaxslar tomonidan ijro hujjatlarini ijro etish qoidalari .// "O’zbekiston Respublikasi qonun hujjatlari to’plami". 2009, № 28, 329-modda. 2. Ijro ishi yuritishga oid normativ-huquqiy hujjatlar va ichki buyruqlar to’plami. T., Adolat, 2010, 464- bet. M.Q. O’razaliyev. Ijro ishi yuritish. O’quv qo’llanma. T., TDYUI, 2011,369- bet. 3. U.A. Tuxtasheva. Ijro ishi yuritish. Darslik. T., TDYUI, 2009, 308 -bet. 4. Ijro ishi yuritishga oid protsessual hujjatlar namunalari to’plami. T., Adolat, 2010, 512- bet 5. D. Habibullayev. Sud qarorilari ijrosi muammo va yechim. “Huquq va burch”.T., 2009 , № 10, 36-38-bet. 6.B.Yusupov. Sud hujjatini ijro etmaganlik uchun jinoiy javobgarlik muammolari.Monografiya. T.,2011,173-bet. 7.Qarzdor jismoniy shaxsga ish haqi yoki unga tenglashtirilgan to’lovlarni to’layotgan tashkilotlar yoki boshka shaxslar tomonidan ijro hujjatlarini ijro etish qoidalari.// "O’zbekiston Respublikasi qonun hujjatlari to’plami". 2009, № 28, 329-modda. 8.Ijro ishi yuritishga oid normativ-huquqiy hujjatlar va ichki buyruqlar to’plami. T., Adolat, 2010, 464- bet.

Adabiyotlar ro’yxati 1. U.A. Tuxtasheva. Ijro ishi yuritish. Darslik. T., TDYUI, 2009, 308 -bet. 2. M.Q. O’razaliyev. Ijro ishi yuritish. O’quv qo’llanma. T., TDYUI, 2011,369- bet. 3. D. Habibullayev. Sud qarorilari ijrosi muammo va yechim. “Huquq va burch” T 2009 № 10, 36-38-bet. 4. B. Yusupov. Sud hujjatini ijro etmaganlik uchun jinoiy javobgarlik muammolari. Yurid.fan.nomz.ilm.darajasini olish uchun yozilgan diss. avtoref. T., 2011, 26-bet. 5. B. Yusupov. Sud hujjatini ijro etmaganlik uchun jinoiy javobgarlik muammolari. Monografiya. T.,2011,173-bet. 6. A. Norqulov. Burch ado yetilsa, huquq toptalmaydi. “Huquq va burch”. T., 2012, №5,34-35-bet.

Похожие

Ijro hujjatini ijro etmaganlik uchun javobgarlik

Sud qarorlarining ijro etilishi

Mulkiy xususiyatga ega bo’lmagan nizolar bo’yicha ijro hujjatlarini ijro etish

Jazoni ijro etish muassasalarida rejim

Jazoni ijro etish muassasalarida rejim