Кўчмас мулкни сотиш, корхонани сотиш, айирбошлаш шартномаси - Юриспруденция - Рефераты

Кўчмас мулкни сотиш, корхонани сотиш, айирбошлаш шартномаси

Загружено в:

20.09.2019

Скачано:

0

Размер:

98.5 KB

Режа: 1.Кўчмас мулкни сотиш шартномаси тушунчаси ва унинг турлари 2. Кўчмас мол-мулк сотиш шартномасининг шакли 3. Кўчмас мулкни сотиш шартномасининг предмети ва баҳоси 5. Кўчмас мулкни топшириш тартиби ва сифати лозим даражада бўлмаган кўчмас мулкни топшириш оқибатлари 6. Уй-жой биноларини сотишнинг хусусиятлари

Кўчмас мулкни сотиш шартномаси тушунчаси ва унинг турлари Кўчмас мулкнинг олди-сотди шартномасига биноан сотувчи ер участкаси, бино, иншоот, квартира ёки бошқа кўчмас мулкни сотиб олувчига мулк қилиб топширишни ўз зиммасига олади. Сотиб олувчи эса бунинг учун тегишли ҳақни тўлаши лозим. ФКнинг 83-моддасига асосан кўчмас мулк ер ости бойликлари, кўп йиллик дов-дарахтлар, шунингдек, бинолар ва иншоотлардан иборатдир. Кўчмас мулкнинг муҳим белгиларидан бири шундан иборатки, у ер билан мустаҳкам узвий боғлиқ. Бундай боғлиқлик табиий ҳолда вужудга келганми (масалан, булоқ, кон) ёки инсон меҳнати орқали вужудга келганми (масалан, бино, қудуқ, боғ ва шу кабилар) аҳамиятга эга эмас. Кўчмас мол-мулк ер билан узвий эканлигидан, унинг иккинчи бир белгиси келиб чиқади; бундай мол-мулкни бир жойдан иккинчи жойга кўчириш мумкин эмас ёки кўчириш жараёнида катта қийинчиликлар вужудга келади. Бундай қийинчиликлар, энг аввало, кўчмас мол-мулкни кўчирганда ўзининг табиий хусусиятларини йўқотиши, ундан тайинланиш мақсади бўйича фойдаланиб бўлмаслиги, шаклан ёки жисман ўзгаришларда намоён бўлади. Кўчмас мол-мулкнинг муҳим белгиси сифатида унинг алоҳида қийматга эга эканлиги ҳам адабиётларда кўрсатиб ўтилган. Масалан, баъзи мамлакатлар қонуни бўйича денгиз ва дарё кемалари, космик объектлар ҳам (масалан, ернинг сунъий йўлдошлари) кўчмас мол-мулк жумласига киритилган. Кўчмас мол-мулкнинг қуйидаги турлари мавжуд: а) мол-мулк мажмуи сифатида корхона; б) тураржой бинолари; в) ер ости қатламида, ер бағрида жойлашган объектлар (конлар, шахталар, ғорлар, ер ости суд хавзалари, тоннеллар); г) жойлашган жойидаги ер сатҳи билан узвий мустаҳкам боғлиқ объектлар (бинолар, боғлар, иншоотлар, ўрмонлар, кўллар, дарёлар, ариқлар); д) ер участкалари;

е) гарчи ер билан боғлиқ бўлмаса-да, алоҳида қийматга эга эканлиги сабабли фуқаролик муомаласида кўчмас мол-мулкнинг ҳуқуқий режими жорий қилинган объектлар-денгиз ва ҳаво кемалари, фазо объектлари. Кўчмас мол-мулк сотиш шартномасининг шакли Маълумки, ФКнинг 84-моддасига асосан кўчмас мулкка эгалик қилиш ҳуқуқи ва бошқа ашёвий ҳуқуқлар, бу ҳуқуқларнинг вужудга келиши, бошқа шахсларга ўтиши, чекланиши ва бекор бўлиши давлат рўйхатидан ўтказилиши керак. Кўчмас мол-мулкка бўлган мулк ҳуқуқи давлат рўйхатидан ўтказилганда мулкдорларга кўчмас мол-мулкка нисбатан мулкдор эканлиги ҳақидаги ҳужжат бериш, шунингдек, кўчмас мулкдорини махсус давлат реестрида қайд қилиш орқали амалга оширилади. Кўчмас мол- мулкнинг сотувчиси, бинобарин, мулкдор сифатида тегишли ҳужжатга эга бўлиши, кўчмас мол-мулкнинг ўзи ва мулкдори давлат реестрида рўйхатдан ўтган бўлиши шарт. Акс ҳолда, у кўчмас мол-мулк олди-сотди шартномасида сотувчи сифатида қатнаша олмайди. ФКнинг 480-моддасига асосан, кўчмас мол-мулкни сотиш шартномаси тарафлар имзолаган ёзма шаклдаги битта ҳужжат тарзида тузилади. Бинобарин, бунда ҳужжатларни алмашиш йўли билан шартнома тузиш мумкин эмас. Кўчмас мол-мулкнинг олди-сотди шартномаси ёзма шаклдаги битта ҳужжат сифатида мавжуд бўлади. Юқоридаги талабга риоя қилмаслик шартноманинг ҳақиқий саналмаслигига сабаб бўлади. Қонун талаб қилган ҳолларда кўчмас мулкнинг олди-сотди шартномаси нотариал гувоҳлантирилмоғи лозим (Масалан, корхоналарнинг, тураржой биноларининг олди-сотди шартномасида ва ҳоказо). ФКнинг 481- моддасига асосан, кўчмас мулкни сотиш шартномасига биноан, кўчмас мулкка бўлган ҳуқуқининг сотиб олувчига ўтганлиги давлат рўйхатидан ўтказилиши лозим. Шартноманинг давлат рўйхатидан ўтказилиши шартнома матнига ваколатли давлат идораси томонидан устхат ёзиш йўли билан амалга

оширилади. Айни пайтда сотиб олувчи мулкдор сифатида кўчмас мулк давлат ресстрида қайд этилди ва унга мулкдорлик ҳуқуқини тасдиқловчи ҳужжат берилади. Мулк ҳуқуқи бошқа шахсга ўтганлиги давлат рўйхатидан ўтказилганига қадар тарафларнинг кўчмас мол-мулкни сотиш шартномасинин бажарилиши уларнинг учинчи шахс билан муносабатларини ўзгартириш учун асос бўлмайди. Агар тарафлардан бири кўчмас мулкка бўлган мулк ҳуқуқи бошқа шахсга ўтганлигини давлат рўйхатидан ўтказишдан бўйин товласа, бошқа тарафларнинг талабига биноан суд мулк ҳуқуқи бошқа шахсга ўтганлигини давлат рўйхатидан ўтказиш тўғрисидаги қарор чиқаришга ҳақли. Мулк ҳуқуқи бошқа шахсга ўтганлигини давлат рўйхатидан ўтказишдан асоссиз равишда бош тортаётган тараф бошқа тарафнинг рўйхатдан ўтказиш кечикканлиги сабабли кўрган зарарини қоплаши шарт. Кўчмас мулкни сотиш шартномасининг предмети ва баҳоси Кўчмас мулкни сотиш шартномасида шартнома бўйича сотиб олувчига топширилиши лозим бўлган мулкни аниқ бериш имконини берадиган маълумотлар, шу жумадан, кўчмас мулк тегишли ер участкасида ёки бошқа кўчмас мулкнинг таркибида қандай жойлаштирилганлигини белгилаш имконини берадиган маълумотлар кўрсатилган бўлиши шарт. Масалан: Ер кодексининг 18-моддасида белгиланган асослар бўйича хусусийлаштирилган ер участкаси сотилганда у жойлашган худуд ернинг тоифаси, умумий майдони ва чизма ре жаси, иншоотлар, нотураржой иморатлар сотилганда унинг манзилгоҳи, тайинланиш мақсади, майдони, неча қават эканлиги ҳақидаги маълумотлар кўрсатилган бўлиши лозим. Кўчмас мулк хусусий аломатлари билан белгиланадиган мол-мулк бўлганлиги сабабли, унинг айнан худди ана шу сифат белгилари шартномада аниқ-равшан белгиланган бўлиши керак. Бу ҳолат тарафлар ўртасида ҳар хил низолар вужудга

келишининг олдини олади. Агар шартномада кўчмас мулк ҳақида юқоридаги маълумотлар бўлмаса, кўчмас мулк ҳақидаги шартни тарафлар ўзаро келишиб олмаган, шартнома эса тузилмаган ҳисобланади. Бинобарин, кўчмас мулк сотиш ҳақидаги шартноманинг муҳим шартларидан бири бўлиб, шартнома предмети ва хусусий аломатлари шартномада белгилаш қўйилган ҳисобланади. Кўчмас мулкни сотиш ҳақидаги шартномада яна шу мулкнинг баҳоси назарда тутилган бўлиши шарт (ФКнинг 485-моддаси). Шартномада тарафлар ёзма равишда келишган кўчмас мулкнинг баҳоси тўғрисида шарт бўлмаса уни сотиш тўғрисидаги шартнома бузилмаган ҳисобланади. Бинобарин, тарафлар кўчмас мулкнинг баҳоси ҳақида ўзиро келишувга эришган ва бу келишув ёзма шартномада ўз ифодасини топган бўлиши лозим. Агар шартномада баҳо ҳақидаги шарт мавжуд бўлмаса, ФКнинг 356- моддаси 4-қисмида назарда тутилган баҳони белгилаш қоидалари қўлланилмайди. Агар қонунда ёки кўчмас мулкни сотиш шартномасида бошқача тартиб назарда тутилган бўлмаса, ер участкасида жойлашган бино, иншоот ёки бошқа кўчмас мулкнинг шартномада белгиланган баҳоси ана шу кўчмас мулк билан бирга топширилаётган ер участкаси, тегишли қисмининг баҳосини ёки унга бўлган ҳуқуқни ўз ичига олади. Кўчмас мулкни сотиш шартномасида кўчмас мулкнинг баҳоси унинг майдон бирлиги (масалан, 1 кв.м.га 500 сўмдан) ёки бошқа кўрсаткичига (масалан, боғда жойлашган мевали дарахтлар сони) қараб белгиланган бўлса, бундай кўчмас мулк тўланиши лозим бўлган умумий баҳоси сотиб олувчига топширилган кўчмас мулкнинг амалдаги миқдорига асосланган ҳолда белгиланади. Бинобарин, бундай ҳолларда кўчмас мулкнинг умумий баҳоси белгиланган бўлиши шарт эмас. Масалан 20 кв.м. квартира сотилган бўлса, ҳар бир квадрат метр учун 10.000 сўмдан баҳо келишилган бўлса ва шартномада ўз ифодасини топган бўлса, квартиранинг баҳоси 200.000 сўм қилиб белгиланади. 4. Кўчмас мулк билан бирга сотиб олувчига ўтадиган бошқа

ҳуқуқлар таркиби ва уни амалга ошириш ниятлари Бино, иншоот ёки бошқа кўчмас мулкни сотиш шартномасига биноан, сотиб олувчига бундай кўчмас мулкка эгалик ҳуқуқини топшириш билан бир вақтда, ушбу кўчмас мулк жойлашган ва ундан фойдаланиши зарур бўлган ер участкасининг муайян қисмига бўлган ҳуқуқлар ҳам топширилади (ФКнинг 487-моддаси 1-қисми). Бундан нафақат кўчмас мулк жойлашган ер участкаси, балки ундан фойдаланиш учун зарур бўлган майдон, масалан, бинога олиб кирадиган йўлак ҳам назарда тутилади. Маълумки, Ер кодексининг 18-модда - сида назарда тутилган ҳоллардан ташқари, ер олди-сотди қилинмайди. Ер давлат мулки бўлиб ҳисобланади ва фақат фойдаланиш учунгина берилиши мумкин, холос. Ер участкасига бўлган мулк ҳуқуқи билан ер устида жойлашган кўчмас мулкка нисбатан мулк ҳуқуқи фарқланади. Масалан, боғга нисбатан мулк ҳуқуқи маълум бир фуқарога тегишли бўлса, боғ жойлашган ерга нисбатан мулк ҳуқуқи давлатга тегишли бўлади. Боғнинг эгаси ер участкасидан фойдаланувчи бўлиб ҳисобланади. Бинобарин, боғ сотилган тақдирда, сотиб олувчига нисбатан мулк ҳуқуқи ва боғ жойлашган ер участкасига нисбатан фойдаланиш ҳуқуқи ўтади. Сотувчи сотаётган кўчмас мулк жойлашган ер участкасининг мулкдори бўлган тақдирда сотиб олувчига ер участкасининг тегишли қисмига мулк ҳуқуқи ёки ижара ҳуқуқи ёхуд кўчмас мулкни сотиш шартномасида назарда тутилган бошқа ҳуқуқ ҳам берилади. Агар шартномада кўчмас мулкни сотиб олувчига топшириладиган тегишли ер участкасига бўлган ҳуқуқ белгиланган бўлмаса, сотиб олувчига ер участкасининг кўчмас мулк жойлашган ва кўчмас мулкдан фойдаланиш чун зарур бўлган муайян қисмигамулк ҳуқуқи ўтади. Сотувчига мулк ҳуқуқи асосида қарашли бўлмаган ер участкасида жойлашган кўчмас мулкни агар бундай участкадан фойдаланишнинг қонун ёки шартномада белгиланган шартларига зид бўлмаса, ана шу участкаси мулкдорларнинг розилигисиз сотишга йўл қўйилади. Бундай кўчмас мулк

сотилганида, сотиб олувчи кўчмас мулкни сотаётган шахс ер участкасининг тегишли қисмидан қандай шартларда фойдаланган бўлса, ўша шартларда фойдаланиш ҳуқуқини қўлга киритади. ФКнинг 483-моддасида ер участкаси сотилганда, кўчмас мол-мулкка бўлган ҳуқуқ мазмуни белгилаб қўйилган. Ер кодексининг 18-моддасига асосан, юридик ва жисмоний шахсларнинг савдо, хизмат кўрсатиш объектларини хусусийлаштириб олганда улар жойлашган ер участкаларини ҳам хусусийлаштириш имкониятлари белгилаб қўйилган. Бинобарин, бундай ҳолатда юридик ёки жисмоний шахсда нафақат кўчмас мол-мулкка нисбатан, балки ўша кўчмас мулк жойлашган ер участкасига нисбатан ҳам мулк ҳуқуқи вужудга келади. ФКнинг 483-моддасида мулкдор ушбу объектларга нисбатан ҳуқуқларни алоҳида-алоҳида ҳолда тасарруф этиш оқибатлари белгилаб қўйилган. Сотувчига қарашли бино, иншоот ёки бошқа кўчмас мулк жойлашган ер участкаси ана шу кўчмас мулкни сотиб олаётган шахсга мулк қилиб топширмаган ҳолда сотилса, ер участкасининг кўчмас мулкў жойлашган ва кўчмас мулкдан фойдаланиш учун зарур бўлган қисмидан сотувчининг фойдаланиш ҳуқуқи сотиш шартномасида белгиланган шартларда сақланиб қолади. Масалан, шахс Ер кодексининг 18-моддасини сотган ҳолда, ер участкаси устида жойлашган савдо ёки хизмат кўрсатиш объектига нисбатан мулк ҳуқуқини ўзида сақлаб қолган бўлса, ушбу объектлардан фойдаланиш шартлари ер участкасини сотиш ҳақидаги шартномада белгилаб қўйилган бўлиши керак. Агар участканинг тегишли қисмидан фойдаланиш шартлари уни сотиш шартномаси билан белгиланган бўлмаса, сотувчи ер участкасини кўчмас мулк жойлашган ва бу кўчмас мулкдан кўзланган мақсадларда фойдаланиш учун зарур бўлган қисмдан чекланган ҳолда фойдаланиш (сервитут) ҳуқуқини сақлаб қолади. Олди- сотди шартномасининг шаклига нисбатан битимларнинг шакли ҳақидаги қоидалар (ФКнинг 108-112-моддалари), шунингдек, шартноманинг шакли ҳақидаги қоидалар (ФКнинг 336-моддаси) қўлланилади. Бунда шартноманинг тури ва товарнинг ўзига хос хусусиятлари муҳим аҳамиятга эга. Олди-сотди

шартномаси шаклини белгилашда, биринчидан, фуқаролик муомаласининг талаблари, иккинчидан эса, олди-сотди битимлари қонунийлигининг устидан назорат қилиш зарурати, бундай муносабатларда жамият манфаатлари ёхуд айрим шахслар манфаати ҳимоясини таъминлаш зарурати билан боғлиқ ҳолатлар белгиловчи омил бўлиб ҳисобланади. Масалан, нақд пул ҳисобига амалга ошириладиган чакана савдода тарафларга қулайлик туғдириш учун олди-сотди шартномасини махсус расмийлаштириш талаб этилмайди. Нақд пул бараварига тузиладиган ва тузилиш вақтининг ўзидаёқ ижро этиладиган олди-сотди шартномаси, умумий қоида бўйича суммасидан қатьи назар, оғзаки шаклда тузилиши мумкин. Бинобарин, савдо дўконларида, бозорларда тузиладиган олди-сотди шартномалари товарларнинг харидорларга дарҳол топширилгани ва шу ондаёқ ҳақ тўлангани сабабли оғзаки расмийлаштирилиши мумкин. Агарда олди-сотди шартномасини амалга оширишда ҳақ тўлаш ва сотилган товарни топшириш бир вақтнинг ўзида, сотувчи ва харидор томонидан муқобил ижро этилмаса, масалан, товар ҳақини олдиндан тўлаш, насияга товар сотиш, товар ҳақини бўлиббўлиб тўлаш (ФКнинг 420-422-моддалари) ҳолларида шартнома ёзма равишда тузилиши мақсадга мувофиқ ёхуд бундай ҳолларда тегишли ҳаракатларнинг содир этилганлиги (масалан, пул олдиндан тўланганлиги, товар насияга сотилгани) факти чек, жетон, тилхат орқали гувоҳлантирилиши лозим. Бу эса келгусвда тарафлар ўртасида низолар келиб чиқишининг оддини олади ёхуд бундай низоларнинг адолатли ҳал этилишига хизмат қилади. Кўчмас мол-мулк, шу жумладан, тураржойлар олди-сотдиси, автомобиллар, ов, ўқ отар қуроллари ва ш.к. предметлар олди-сотдиси устидан назорат ўрнатиш ижтимоий аҳамиятга эга. Шу сабабли ҳам бундай шартномалар ёзма тузилиши, нотариал гувоҳлантирилиши, махсус давлат рўйхатидан ўтказилиши талаб этилади. Бундай ҳолларда шартнома тегишли шакдда расмийлаштирилмаслига унинг ҳақиқий саналмаслиги ёки қонунда

белгиланган бошқа оқибатлар келиб чиқишига сабаб бўлади. Бундай талаблар ташқи савдо битимларига нисбатан ҳам қўлланилади. Олди-сотди шартномасида тарафлар сотувчи ва харидор ҳисобланади. Бунда тарафлар сифатида фуқаролар ва юридик шахслар қатнашиши мумкин. Айни вақтда муайян ҳолларда шартномада тараф сифатида давлат ҳам иштирок этиши мумкин. Давлат ўзининг таъсир этиш ҳуқуқ лаёқатига эга бўлганлиги учун тадбиркорлар ва сотиб олувчи истеъмолчилар билан тузиладиган олди-сотди шартномасида иштирок эта олмайди. Масалан, чакана олди-сотди, маҳсулот етказиб бериш, контрактация, энергия таъминоти шартномаларида ва ҳ.к. Олди-сотди шартномасида давлат иштирокининг яққол мисоли давлат эҳтиёжлари учун товарлар етказиб бериш шартномасидир[19]. Олди-сотди шартномаси юқорида кўрсатилган субъектлар ўртасида, шунингдек, ўзаро тузилиши мумкин. Шартномада тараф сифатида фуқаро қатнашганда у муомала лаёқатига эга бўлиши шарт. Бинобарин, вояга етган, яъни 18 ёшга тўлган ва қонунда белгиланган тартибда муомала лаёқати чекланмаган ҳар қандай шахс шартномада тараф сифатида иштирок эта олади. Айни вақтда, қонун муомала лаёқати чекланган ёки муомалага лаёқатсиз фуқароларнинг ҳам олди-сотди шартномасида тараф сифатида қатнашиш ҳолатларини назарда тутади. Масалан, олти ёшдан ўн тўрт ёшгача бўлган кичик ёшдаги болалар майда маиший битимлар тузишга, масалан, кичик суммада товарлар сотиш ёки сотиб олишга (музқаймоқ, чанқовбосди ичимликлар, қалам, дафтар, ҳаво шарлари ва ш. к.) ҳақли (ФКнинг 29-моддаси 2-қисми 1-банди). Ўн тўрт ёшдан ўн саккиз ёшгача бўлган вояга етмаганлар ўз иш ҳақи, стипендияси ва бошқа даромадлари ҳисобига товарлар сотиб олиш ёхуд уларни сотишга ҳақли (ФКнинг 27-моддаси 2-қисми 1-банди). ФКнинг 22-моддаси, 2-қисми ва 28-моддада белгиланган тартибда тўла муомала лаёқатига эга бўлган вояга етмаганлар ҳам олди-сотди шартномасида суммасидан қатьи назар, тўла ҳуқуқли тараф сифатида

қатнаша оладилар. Спиртли ичимликлар ёхуд наркотик моддалар суиистеъмол қилганлиги сабабли муомала лаёқати чекланган шахслар ҳам мустақил равишда майда маиший битимлар туза оладилар (ФКнинг 31- моддаси). Бундай шахслар, шунингдек, ўн тўрт ёшдан ўн саккиз ёшгача бўлган вояга етмаганлар йирик суммадаги олди-сотди шартномаларини фақат ҳомийси, ота-оналари ёки фарзандликка олувчилар розилиги билангина туза оладилар. Ҳар хил ташкилий тузилмалар олди-сотди шартномасида тараф бўлишлари учун куйидаги икки талабга жавоб беришлари шарт: биринчидан, бундай тузилмалар юридик шахс мақомига эга бўлишлари ва иккинчидан, улар тузаётган олди-сотди шартномаси уларнинг таъсис ҳужжатларига зид бўлмаслиги лозим. Одатда шартномада сотувчи сифатида қатнашаётган шахсга сотилаётган ашё мулк ҳуқуқи асосида тегишли бўлади, бироқ айрим ҳолларда сотувчи сотилаётган товарнинг мулкдори бўлмаслиги ҳам мумкин. У ҳолда сотувчининг товарни сотишга бўлган ҳуқуқи қонун ёки шартнома асосида вужудга келган бўлиши лозим (масалан, давлат корхонаси томонидан унга хўжалик юритиш ҳуқуқи асосида бириктириб қўйилган товарни сотиши ёхуд воситачилик (комиссион) дўконларида товарларни сотиш). қонунда бир неча субъектга умумий мулк ҳуқуқи асосида тегишли бўлган ашёларни сотишнинг алоҳида тартиби белгиланган. Мулкдорлардан бири ўз улушини бошқа шахсга сотган вақтда қолган шериклари сотилаётган улушни у сотиладиган нархда ва бошқа тенг шартларда имтиёзли сотиб олиш ҳуқуқига эга, ким ошди савдоси орқали сотиш ҳоллари бундан мустасно (ФКнинг 224-моддаси). Эр-хотинга биргаликдаги умумий мулк ҳуқуқи асосида тегишли бўлган, никоҳ давомида ортгирилган мол-мулк ҳам ҳар иккаласининг розилиги асосида сотилади. Олди-сотди шартномаси бўйича эркин суратда бошқа шахсларга берилиши мумкин бўлган, фуқаролик муомаласидан ташқари чиқарилмаган ҳар қандай ашёлар товар бўлиши мумкин.

Фуқаролик муомаласидан чиқарилган объектлар олиш-сотиш предмети бўла олмайди. Сотилиши ҳамда сотиб олиниши мумкин бўлмаган корхоналар ва мол-мулк турлари ҳамда гуруҳларининг рўйхати Ўзбекистон Республикаси Олий Мажлисининг 1995 йил 31 августдаги 119–1-сонли қарорига 1-иловада кўрсатилган[20]. Бунга давлат мутлақ мулк ҳуқуқи асосида тегишли бўлган объекглар, тарихиймаданий ва табиий мерос объектлари, ҳарбийтехникавий мол-мулк; ҳарбий қуроляроғлар, портловчи ва радиоактив моддалар, умумий фойдаланишдаги автомобиль йўллари, қабристон ва ш.к. объектлар киради. Айрим объектлар фуқаролик муомаласида чекланган ҳаракатда бўлади. Уларни махсус рухсат олиш асосида сотиб олиш ёки сотиш мумкин (масалан, кучли наркотик дорилар фақат махсус рецепт асосида, рўйхатда қайд этилиб сотилади). Товар сифатидаги ашёлар хусусий аломатлар билан белгиланган ашёлар ёхуд жисмий аломатлари билан белгиланган ашёлар ёки кўчмас мол-мулк бўлиши мумкин. Валюта қийматларини олиш-сотиш давлатнинг ваколатли қарорлари томонидан белгиланган тартибда амалга оширилади. Мамлакатимиз ички савдо муомаласида сотилган товарлар учун ҳақ чет эл валютасида эмас, балки умумий қоида тарзида сўмда амалга оширилади. Сотилган товар ҳақини чет эл валютасида тўлашга давлатнинг ваколатли идоралари томонидан белгиланган тартибда ва ҳолларда.гина йўл қўйилади. қимматли қоғозларни олиш-сотиш, айрим турдаги олди-сотди (чакана олди-сотди, товарлар етказиб бериш, энергия таъминоти, корхонани сотиш, кўчмас мол- мулкларни сотиш) махсус белгиланган тартибда амалга оширилади. Олди-сотди шартномаси, агар қонунда бошқача ҳол белгиланган бўлмаса ёки у товарнинг хусусиятидан келиб чиқмаса, шартномани тузиш пайтида сотувчида мавжуд бўлган товарни, шунингдек, келажакда сотувчи яратадиган ёки оладиган товарни олиш-сотиш ҳақида ҳам тузилиши мумкин.

Шартноманинг товар ҳақидаги шарти унинг асосий ва муҳим шарти ҳисобланади, бусиз шартнома мавжуд бўла олмайди. Агар шартнома товарнинг номи ва миқцорини аниқлаш имконини берса, товар тўғрисидаги олди-сотди шартномасининг шарти келишилган ҳисобланади. Олди-сотди шартномасида баҳо харидор томонидан сотиб олинаётган товар учун сотувчига тўланадиган маълум миқцордаги пул суммасидир. Агарда харидор олинаётган товар эвазига сотувчига пул эмас, балки ашёни топширса, ёхуд маълум хизмат кўрсатишни, иш бажаришни ўз устига олса, ёхуд текин олиш назарда тутилган бўлса, у ҳолда олиш-сотиш ҳисобланмайди. Олди-сотди шартномасида товарнинг баҳоси тарафларнинг келишуви билан белгиланади. қонунда назарда тутилган ҳолларда тегишли ваколатга эга бўлган давлат органлари белгилайдиган ёки тартибга соладиган баҳолар (тарифлар, расценкалар, ставкалар ва ҳ.к.) қўлланилади (ФКнинг 356- моддаси, 2-қисми). Масалан, айрим турдаги товарлар фақат бир ёки чекланган доирадаги бир неча корхоналар томонидан ишлаб чиқарилиши ва бу корхоналар ўзларининг бундай устун, монопол мавқеидан фойдаланиб, товарлар баҳосини белгилашда суиистеъмолликлар қилиши мумкин. Шу сабабли ҳам «Товар бозорида монополистик ҳолатни ва рақобатни чеклаш тўррисида»ги қонун (1996 йил 27 декабрда қабул қилинган), «Табиий монополиялар тўғрисида»ги қонун (1997 йил 27 апрелда қабул қилинган) ва шу каби қонунларда товарлар нархи белгилаб қўйилиши мумкин, бироқ бозор муносабатлари тизимида кўпчилик товарларнинг баҳоси тарафлар томонидан ўзаро келишув асосида белгиланади. Тўловни амалга ошириш учун зарур бўлган ҳаракатларни амалга ошириш харидор ҳисобидан амалга оширилади (ФКнинг 418-моддаси 1-қисми). Масалан, пулни почта орқали юбориш, сотувчининг банк ҳисоб рақамига ўпсазиш харажатлари ва ҳ.к. Товарнинг баҳоси унинг оғирлигига қараб белгиланадиган бўлса, ағар шартномада бошқача ҳолат белгиланмаган бўлса, у соф оғирлиги (нетто)

бўйича аниқланиши лозим, бунда товарнинг идиш ёки ўров ҳолидаги оғирлиги (брутто) асос бўлиб ҳисобланмайди. Агар олди-сотди шартномасида товарнинг баҳоси уни белгилайдиган кўрсаткичлар (таннарх, харажатлар ва ҳ.к.)га қараб ўзгартирилиши лозимлиги назарда тутилган бўлса, аммо шу билан бирга, баҳони қайта кўриб чиқиш усули белгиланган бўлмаса, баҳо ушбу кўрсаткичларнинг шартнома тузилган пайгдаги ва товарни топшириш пайтидаги ўзаро нисбатидан келиб чиққан ҳолда белгиланади. Масалан, олди-сотди шартномаси январь ойида тузилди, товар харидорга май ойида топширилди. Мана шу вақт оралиғида товарнинг баҳоси 20 фоизга қимматлашди. Бинобарин, бундай ҳолда бирламчи баҳо ва охирги баҳо ўртасидаги нисбат ҳисобга олинмоғи лозим. Сотувчи товарни топшириш мажбуриятини кечиктириб юборганида баҳо товарни шартнома бўйича топшириш лозим бўлган вақтдаги баҳо бўйича тўланади. Шартнома тузилгандан кейин баҳони ўзгартиришга қонун ҳужжатлари, шартномада назарда тутилган ҳолатларда ва шартларда йўл қўйилади. Баҳо ҳақида келишув шартноманинг муҳим шартидир. Бундай келишувга эришилмаганида шартнома тузилмаган ҳисобланади. Баҳо назарда тутилмаган ва шартнома шартлари бўйича белгиланиши мумкин бўлмаган ҳолларда баҳо худди товарлар учун тўланадиган нархлар бўйича белгиланади. Ушбу қоида ФКнинг 356-моддаси, 3қисми мазмунидан келиб чиқади. Мазкур ҳолларда, гарчи шартномада баҳо ҳақида келишув мавжуд бўлмаса ҳам, тарафлар бундай келишувга эришгани ҳақидаги презумпция амал қилади. Олди-сотди шартномасини ижро этиш муддати тарафларнинг ўз мажбуриятларини амалга ошириш вақти билан белгиланади. Бундай муддат қонун ҳужжатларида ёхуд тарафларнинг келишуви билан белгиланади.

Кўчмас мулкни топшириш тартиби ва сифати лозим даражада бўлмаган кўчмас мулкни топшириш оқибатлари ФКнинг 486- моддасида сотувчи томонидан сотиб олувчига кўчмас мулкни топшириш тартиби ва уни расмийлаштириш шартлари белгилаб қўйилган . Кўчмас мулкнинг сотувчи томонидан топширилиши ва сотиб олувчи томонидан қабул қилиниши тарафлар имзолайдиган топшириш далолатномаси ёки топшириш тўғрисидаги бошқа ҳужжатга биноан амалга оширилади. Кўчмас мулкни топшириш сотувчи зиммасидаги мажбуриятдир. Сотиб олувчи зиммасига эса шартнома бўйича келишилган ҳақни тўлаш ва топширилган кўчмас мулкни қабул қилиб олиш мажбурияти юклатилган. Агар қонунда ёки шартномада бошқача тартиб назарда тутилган бўлмаса, сотувчининг кўчмас мулкни сотиб олувчига мажбурияти бу мулк сотиб олувчига топширилганидан ва топшириш тўғрисидаги тегишли ҳужжатни тарафлар имзоланган кейин бажарилган ҳисобланади. Тарафлардан бирининг кўчмас мулкни шартномада назарда тутилган шартларда топшириш тўғрисидаги ҳужжатни имзолашдан бўйин товлаши тегишли равишда сотувчининг мулкни топшириш мажбуриятини бажаришдан, сотиб олувчининг эса мулкни қабул қилиб олиш мажбуриятини бажаришдан бош тортиши ҳисобланади. Қайси тараф ўз мажбуриятларини бажаришдан бош тортса, қонунда ва шартномада белгиланган асослар бўйича жавобгарликка тортилади. Сотиб олувчининг кўчмас мулкни сотиш шартномасининг шартларига мос бўлмаган кўчмас мулкни қабул қилиб олиши ҳатто бундай мос келмаслик хусусида кўчмас мулкни топшириш тўғрисидаги ҳужжатда писанда қилиб қўйилган бўлса ҳам сотувчининг шартномани тегишли даражада бажарилмаганлиги учун жавобгарликдан озод қилиш учун асос бўла олмайди. Сотувчи томонидан сотиб олувчига тегишли даражада сифатли бўлмаган кўчмас мулкни топшириш оқибатлари ФКнинг 485- моддасида белгилаб қўйилган. Бундай ҳолларда сотиб олувчи қуйидаги ҳуқуқларга эгадир: кўчмас мулк баҳосини ундаги камчиликларга мутаносиб

равишда камайтиришга; кўчмас мулкдаги камчиликларнинг сотувчи томонидан бартараф этилишини талаб қилишга; агарда ўз томонидан ёки учинчи шахслар томонидан кўчмас мулкнинг камчиликлари бартараф этилган бўлса, бунинг учун қилинган харажатларнинг сотувчи томонидан қопланиши талаб қилишга; кўрилган зарар ўрнини қоплаган ҳолда кўчмас мулкни сотиш шартномасининг бекор қилинишини талаб қилиш ҳуқуқига эга. Юқоридаги муқобил ҳуқуқлардан қайси бирини амалга ошириш сотиб олувчи томонидан белгиланади. Уй-жой биноларини сотишнинг хусусиятлари Фуқароларнинг доимий яшашга мўлжалланган, белгиланган санитария, ёнғинга қарши, техник талабларга жавоб берадиган бинолар уй-жой деб эътироф этилади. Уй-жой кўчмас мулк ҳисобланади. ФКнинг 488-моддасида уй-жой биноларини сотишнинг ўзига хос хусусиятлари белгилаб қўйилган. Биринчидан, сотувчи сотиб олгандан кейин қонунга мувофиқ, уй-жой биносидан фойланиш ҳуқуқини ўзида сақлаб қоладиган шахслар яшаб турган уй, квартира, уйнинг ёки квартиранинг бир қисмини сотиш шартномасининг муҳим шарти бу шахсларнинг рўйхатини сотилаётган уй-жой биносидан фойдаланиш ҳуқуқлари кўрсатилган ҳолда тузишдан иборатдир. Агар сотувчи сотиб олувчидан бундай шахслар мавжудлигини яширса, шартнома ушбу тураржойдан фойдаланиш ҳуқуқига эга бўлган шахсларнинг даъвосига кўра, суд томонидан ҳақиқий эмас деб топилади. Шунингдек, квартира, уйнинг ёки квартиранинг бир қисмини сотиш шартномаси нотариал тартибда тасдиқланиши ва давлат рўйхатидан ўтказилиши лозим. Бинобарин, уй-жой биноларини сотиш ҳақидаги шартноманинг оғзаки ёки оддий шакл билан расмийлаштирилгани шартноманинг ўй-ўзидан ҳақиқий саналмаслигига сабаб бўлади

Похожие

Корхонани сотиш шартномаси

Айирбошлаш шартномаси

Топшириқ шартномаси. Воситачилик шартномаси. Мол-мулкни ишончли бошқариш

Тадбиркорлик фаолияти сохасида кулланиладиган шартномалар тизими

Тадбиркорлик соҳасида қўлланадиган шартномалар тўғрисида умумий қоидалар