Айблов тарафининг тортишувни амалга оширишдаги ваколатлари - Юриспруденция - Рефераты

Айблов тарафининг тортишувни амалга оширишдаги ваколатлари

Загружено в:

20.09.2019

Скачано:

0

Размер:

25.60546875 KB

Айблов тарафининг тортишувни амалга оширишдаги ваколатлари Режа: 1. Айблов тарафининг асосий вазифаси 2. Давлат айбловчиси

Қонун билан тартибга солинган, муайян мақсадга йўналтирилган ҳамда судланувчининг жиноят содир этишда айбли эканлигини фош қилиш, унга қандай жазо белгиланиши, мулкий даъвони ундирилиши юзасидан фикрини асослаб бериш ҳуқуқи билан таъминланган субъектларнинг фаолиятлари айбловнинг процессуал мазмунини ташкил этади. Айблов – айбловчининг судда айбловни қўллаб-қувватлашга қаратилган фаолиятидир. Бундай фаолиятнинг субъектлари давлат айбловини қувватлайдиган прокурор, жамоат айбловчиси сифатида ишга қўйилган жамоат бирлашмасининг вакили, шунингдек, қонунда алоҳида белгиланган холларда жабрланувчи бўлиши мумкин. 1 Айблов процессуал маънода жиноят процессини ҳаракатга келтирувчи куч 2 ҳамда қолган функцияларни амалга оширилишини келтириб чиқарувчи функциядир. Айблов тарафининг асосий вазифаси жиноят содир қилган шахсларни суд олдида жавобгарликка тортилиши, адолатли жазонинг муқаррарлигини таъминлашдир. 3 Айбловнинг ҳуқуқий асослари аввало ЖПКнинг 2-моддаси ҳисобланади. Мазкур моддада белгиланган «жиноят-процессуал қонун ҳужжатларининг вазифалари жиноятларни тез ва тўла очишдан, жиноят содир этган ҳар бир шахсга адолатли жазо берилиши ҳамда айби бўлмаган ҳеч бир шахс жавобгарликка тортилмаслиги ва ҳукм қилинмаслиги учун айбдорларни фош этишдан ҳамда қонуннинг тўғри татбиқ этилишини таъминлашдан иборат» вазифани бажариш тегишли органларга айблов функциясини амалга ошириш масъулиятини юклайди. Айблов жиноят процессида шахсни айбланувчи тариқасида ишда иштирок этишга жалб қилиш ҳақида қарор чиқарилиши ва айбланувчига айб эълон қилиниши билан юзага келади. Айбланувчи тариқасида жиноят ишига жалб қилиш қарорида айнан шу шахсни айбланувчи тариқасида жиноят 1 Никифорова Е.Н. Уголовный процесс. (Общая часть) Учебник. –Т.: Адолат, 2000. -Б.18. 2 Шестакова С.Д. Состязательность уголовного процесса. -СПб.: Норма –инфра, 2001. – Б.129 . 3 Еникеев З.Д. Механизм уголовного преследования: Учебное пособие. – Уфа: БашГУ, 2001. - Б. 10.

ишига жалб қилиш учун қандай далилларга асосланилаётганлиги кўрсатилиши, шу далиллар айбланув чини ЖКнинг айнан қайси моддасида кўрсатилган жиноятни содир этганлигини таърифлаб берилиши шарт. Албатта судга айбланувчининг айбдорлиги ҳақидаги хулосаларни тасдиқловчи далилларни тақдим қилиш, уларнинг тизимлаштириш ва таҳлил қилиб бериш, шунингдек та рафлар томонидан илгари сурилган қарши далиллар (контрдалил лар) ни йўққа чиқариш - буларнинг ҳаммаси айбловни қувватлаётган прокурор томонидан давлат айбловчиси сифатидаги функциясини амалга оширилишидир. ЖПКнинг 260-моддасида дастлабки тергов органи шахсни жиноий қилмишда гумон қилинувчи тариқасида расмий равишда процессга жалб этилиши мумкинлиги кўрсатиб ўтилган. Шу ўринда айтиш керакки, шахс процессга расмий равишда гумон қилинувчи тариқасида жалб этилишига қарамай, уни айбланувчи тариқасида жавобгарликка тортиш учун ҳали асос йўқ ёки у етарли даражада эмас. Бошқача айтганда, гумон - айблаш эмас. Тергов жараёнида гумон тасдиқланиши ёхуд тасдиқланмаслиги мумкин. Айбланувчи тариқасида жавобгарликка тортиш эса дастлабки тергов органининг моддий далилларга асосланган қатъий фикридир ва улар терговчига айблов хулосаси тузиш учун асос бўлади. Бироқ, бу масалада бир процессуал муаммо вужудга келади. У дастлабки терговда прокурорнинг назорати масаласи билан боғлиқдир. Дастлабки тергов босқичида прокурорнинг ваколатлари ЖПКнинг 382- моддасида белгиланган бўлиб, унга кўра прокурор, дастлабки тергов органлари юритувидаги жиноят ишларини тергов жараёнида тугатиши мумкин. Унинг ваколати айблов хулосаси билан келиб тушган жиноят ишлари юзасидан ҳам мавжуд (ЖПКнинг 384-моддаси 5-банди). Шунга биноан, терговчининг айб эълон қилиш қарори ва айблов ҳулосаси прокурорнинг розилиги ва у томондан тасдиқлангандан сўнг, расмий процессуал тус олади, деган фикрга келиш мумкин. Прокурор ўз ваколатларини амалга ошириб, терговнинг қайси босқичда эканлигидан

қатъи назар, жиноят ишини тугатиши, терговчининг айблаш тўғрисидаги қарори ва айблов хулосасини процессуал оқибатларсиз қолдириши мумкин. Шундай экан, айблов функцияси айблов хулосаси прокурор томонидан тасдиқланганидан кейингина вужудга келади, деган фикр туғилади. Аммо бу фикр масаланинг моҳиятига таъсир этмайди. Чунки, прокурор томонидан айблов хулосаси тасдиқланмай, жиноят ишининг тугатилиши, унинг назорат функциясидан келиб чиқади. Бу фақат терговчи томонидан шахсни асоссиз ва ноқонуний айбланишга йўл қўймаслик ҳамда дастлабки тергов органининг хатоларини процесснинг шу босқичидаёқ аниқлаб, бартараф қилишга қаратилган фаолиятдир. Ушбу фикрлардан судда айблов ўз-ўзидан пайдо бўлмаслигини тушуниш мумкин. Шунга кўра, дастлабки тергов босқичида айблов функциясининг бошланиши шахсни айбланувчи тариқасида ишга жалб этилиши билан ҳаракатга келади, деган фикрдамиз. Айбловни амалга оширувчи субъектларнинг процессуал ваколатларини таҳлил қилиш айбловнинг моҳиятини ўрганишда муҳим ўрин тутади. 4 Айблов аввало давлат номидан амалга ошириладиган функциядир. Шу сабабли уни асосан давлат органлари амалга оширади. Аммо айбловни жамоат вакиллари ҳам амалга ошириши мумкинлигини унутмаслигимиз лозим. Давлат айбловчиси - суд муҳокамасида айблов функциясини асосий субъекти сифатида намоён бўлади. Маълумки, жиноят процессида айблов давлат номидан олиб борилади ва айнан шунинг учун давлат айблови деб номланади. 5 Жиноят процессида жиноят содир этган шахсни аниқлаш ва уни айблаш масаласи давлат фаолиятининг бир соҳаси эканлигини эътироф этиш лозим. Айбланувчи процессда иштирок этаётган шахслар (масалан жабрланувчи) билан эмас, балки давлатнинг расмий органлари билан ҳуқуқий муносабатга киришади. 4 Уголовно-процессуальное право Российской Федерации: Учебник / Отв. ред. П.А. Лупинская. - М.: Юристъ, 2003. - Б. 78 5 Строгович М.С. Избранные труды. Т.2. –М.: 1992. –Б. 80.

Жиноят процессида фақат давлатнинг расмий органлари (дастлабки тергов, прокуратура) жиноий қилмишда айбли эканлиги ҳамда суд олдида жавоб бериши лозимлиги ҳақида шахсга нисбатан расмий «даъво» қилишга ҳақлидирлар. Бундай ҳуқуқ билан бошқа бирон-бир процесс иштирокчиси, жумладан жабрланувчи, фуқаровий даъвогар ва уларнинг вакиллари таъмин этилмаганлар. Айнан шу ҳолат давлат айбловини жабрланувчи ва жамоат айбловчиси амалга оширадиган айбловдан фарқлаб туради. Давлат айблови - давлат фаолиятининг бир соҳаси сифатида шахсни бевосита (расмий) айблаш, унга нисбатан жазо белгилаш масалалари хусусида айблов курсисидан туриб, судда фикр билдиришдан иборат. Шунинг учун давлат айбловчиси суд муҳокамасида айблов функциясининг «йўлбошчиси» тариқасида фаолият кўрсатади. Суд муҳокамасида давлат айблови фақат прокурор томонидан амалга оширилади. 6 Айблов функциясини амалга оширувчи субъектлар орасида прокурор муҳим ўрин тутади. Аммо прокурор фақат судда давлат айбловини қувватлайди, дейиш нотўғридир. У жиноят процессида унинг бошланишидан то охиригача иштирок этувчи, кўп қиррали фаолият олиб борувчи давлат органи ҳисобланади. Жиноят процессида прокурор аввало қонунлар ижроси устидан назорат олиб борувчи ҳисобланади. 7 Прокурор суриштирув ва дастлабки тергов босқичида қонунларни ижро этилишини назорат қилади, судда эса давлат айбловини қувватлайди. 8 Бироқ прокурор суриштирув ва дастлабки тергов босқичида ҳам айблов функциясини амалга ошириши мумкин. Давлат айбловчисининг ҳуқуқ ва мажбуриятлари ЖПКнинг 409- моддасида белгиланган. Давлат айбловчиси процессуал фаолиятини айнан қонун ва ички ишончига таянган ҳолда олиб боради. Давлат айбловчиси 6 Пулатов Б.Х. Судларда жиноят ишлари кўрилишида прокурорнинг процессуал фаолияти. –Т.: Х.Ф. Мизим, 2004.- Б.223 . 7 Гуськова А.П. Проблемные вопросы уголовно-процессуальных функций в российском праве // Проблемные вопросы законотворческой и правоприменительной деятельности в России на рубеже нового тысячелетия. Сборник научных статей. -Оренбург: 2001. - Б.12. 8 Кириллова Н.П. Процессуальные и криминалистические особенности поддержания обвинения в суде первой инстанции: Автореф. дисс. ... канд. юрид. наук. -СПб.: 1995. –Б.10.

айблов юзасидан муайян фикрга эга бўлиб, у айблов функциясини амалга оширувчи бошқа субъектларнинг фикрларига мос келиши ёки келмаслигидан қатъи назар, ишни мустақил олиб боради. Бироқ, прокурор айблов функцияси субъектларининг суд муҳокамасида тутган процессуал позицияларига таъсир этиши мумкин. Чунки, уларнинг позициялари айбловнинг асосли эканлигини исбот этишда муҳим ўрин тутади. Давлат айбловчиси бундай таъсирни суд тергови ва тарафларнинг музокараларида савол-жавоб, илтимосномалар, раддиялар, эътирозлар, айблов нутқи каби процессуал ҳаракатлар орқали амалга оширади. Шу билан бирга, давлат айбловчисининг умумий айблов функциясида олдинги ўринни эгаллашда муҳим омил бўлувчи асосий ҳолатлардан бири ҳар бир жиноят ишининг муҳокамасида айбловнинг ҳажми, унинг қонуний, асосли ва холисоналиги, айбловни суд муҳокамасида қувватлаш масалаларига фақат прокурорнинг жавобгар эканлигидир. Негаки, суд муҳокамасининг манбаи бўлган айблов ҳулосаси айнан прокурорнинг назорати остида ўтган дастлабки тергов босқичида тузилиб, прокурор томонидан тасдиқланади. Прокурорнинг суд жараёнида қатнашиши ва айбловни қувватлаши судда тортишув принципини амалга ошириш имконини беради. 9 Прокурор давлат айбловини қувватлашда ЖПК, Ўзбекистон Республикасининг бошқа қонунлари талабларига ва барча иш ҳолатларини кўриб чиқишга асосланган ўзининг ички ишончига таянади. 10 Судларда жиноят ишлари кўрилишида прокурорнинг иштироки Ўзбекистон Республикасининг «Прокуратура тўғрисида»ги Қонуни (янги таҳрири) ва Ўзбекистон Республикаси Бош прокурорининг 2004 йил 11 майдаги №21-сонли «Судларда жиноят ишлари кўрилишида прокурор иштирокининг самарадорлиги ва таъсирчанлигини ошириш тўғрисида»ги буйруғига ҳам асосланади. Прокурор суд муҳокамасида айблов функциясини қандайдир манфаатни 9 Башкатов Л., Ветрова Г. О состязательности // Российская юстиция. -1995. -№ 1. -Б. 8-9. 10 Жиноят процесси. Умумий қисм. / З.Ф.Иноғомжонованинг умумий таҳрири остида. -Т.: Янги аср авлоди, 2002. -Б.110.

кўзлаб эмас, фақат айблов хулосасини тасдиқлаганлиги ва шу билан судланувчининг айбли эканлигига тўлиқ ишончи комиллиги учун амалга оширади. Прокурорнинг судда айблов функциясини амалга ошириши, фақат ана шу ишончнинг мавжудлигига асосланади. Агарда прокурор, суд муҳокамаси натижасига кўра, судланувчининг жиноят содир этишда айбсиз эканлиги ҳақидаги хулосага келадиган бўлса, унда ЖПКнинг 409-моддаси талабига мувофиқ, айбловдан воз кечишга мажбур. Прокурорнинг бундай процессуал мажбурияти фақат суд тергови натижаларига қараб эмас, балки ишнинг ҳолатидан келиб чиқиб, муҳокаманинг барча босқичларида амалга оширилиши мумкин. Шу ўринда айтиш лозимки, давлат айбловчисининг ишни кўрилишида иштирок этмаганлиги суд муҳокамасида айблов функциясининг умуман ёки қисман мавжуд эмаслиги ҳақида фикр юритишга асос бўлмайди. Чунки суд муҳокамаси фақат прокурор тасдиқлаган айблов хулосаси мавжуд бўлганда кўриб чиқилиши ва ҳал этилиши мумкин. Демак, прокурор айблов хулосасини тасдиқлаб, судга юборар экан, унинг жиноят иши юзасидан фикри шу айблов хулосасида баён этилади. 11 Аммо шуни айтиш керакки, прокурор иштироксиз ўтадиган суд муҳокамасида тортишув ҳам бўлмайди. Шу билан бирга, давлат айбловчиси иштирокисиз муҳокама этилган айрим жиноят ишларининг тахлили натижасидан шу нарса маълум бўлдики, суднинг муҳокамадаги фаолияти бир томонлама, яъни айблов хулосасининг асосли эканлигини судланувчига исботлаб беришга фаол уринишдан иборат бўлиб қолган. Бу эса тортишув принципига мутлақо зид ҳолатдир. Шу туфайли, барча суд мухокамаларида давлат айбловчисининг иштироки тортишув принципини амалда рўёбга чиқишига омил бўлади. Жабрланувчи нинг процессуал ҳолати ва процессдаги фаолиятининг йўналиши унинг айблов функциясини амалга оширишини белгилайди. Жиноят процессида жабрланувчининг ҳуқуқий мақоми аниқ белгиланган. 11 Питерцев С.К. Составление обвинительного заключения. Учебное пособие.- СПб.: Статут, 1998.- Б.67.

Жабрланувчи судда айблов функциясини тенг ҳуқуқли субъект сифатида амалга оширса-да, унинг фаолияти давлат айбловчисининг фаолиятидан мазмунан фарқ қилади. Биринчидан, жабрланувчи назорат органи эмас. Шу туфайли, жабрланувчи зиммасига жиноий ҳодисанинг барча тафсилотларини, жиноятни содир этган шахсни аниқлаш, уни жазолаш масалалари борасида барча қонуний чораларни кўриш ҳамда айбни исботлаш мажбурияти ( onus probandi ) юклатилмаган. Иккинчидан, суд муҳокамасида жабрланувчининг судланувчи ҳақиқатдан ҳам жиноят содир этишда айблилигига ишончи комил бўлмаслиги, шу сабабдан у баъзан судланувчини жавобгарликка тортилиши ва жазоланишидан манфаатдор бўлмаслиги ҳам мумкин. Учинчидан, жабрланувчи дастлабки тергов ва суд муҳокамасида текширилаётган ҳолатлар юзасидан кўрсатув бериш ҳуқуқига эга. Бу айни вақтда унинг мажбурияти ҳамдир (ЖПКнинг 55-моддаси). Жабрланувчининг кўрсатувлари айбланувчининг айбини исбот этувчи далиллардан бири ҳисобланади. Жабрланувчи суд муҳокамасида кўрсатув бериш ҳуқуқидан фойдаланиб, бир томондан судланувчининг жиноятда айбли эканлигини исботлайди, бошқа томондан эса ўзининг қонуний манфаатларини ҳимоя қилади. Албатта, амалиётда жабрланувчи муайян жиноят ишларини судда кўрилишида судланувчининг жавобгарлигини енгиллаштириш ёхуд уни жазодан озод этиш ҳақида фикр билдириши мумкин, лекин бу ҳолат жабрланувчи айблов функциясини амалга оширишдан воз кечди, дегани эмас. Ҳар қандай процесс иштирокчисининг функцияси маълум жиноят ишларини кўришда эгаллаган позицияларига эмас, балки уларнинг процессуал ҳолатлари ҳамда уларга берилган ҳуқуқларнинг қай мақсадга йўналтирилганлигига боғлиқдир. 12 Суд муҳокамасида жабрланувчи фуқаровий даъвогар сифатида ҳам намоён бўлиши мумкин. Жабрланувчи жиноят оқибатида мулкий зарар кўрган ва дастлабки терговда фуқаровий даъво масаласи ҳал қилинмаган 12 Ковтун Н. Н. О роли суда в доказывании по уголовному делу в свете конституционного принципа состязательности // Государство и право. –1996.-№6. –Б.59-64.

бўлса, жабрланувчи суд муҳокамаси бошлангунча фуқаровий даъво қўзғатиш ҳуқуқига эга. Бундай ҳолда жабрланувчи жиноятдан жабр кўрган иштирокчи сифатидаги ва ўзининг мулкий ҳуқуқини тиклашга қаратилган фаолиятини баравар амалга оширади. Зеро, бу фаолиятлар ўзаро мос ва ҳар иккаласининг асосий мақсади айбланувчи (судланувчи) томонидан содир этилган жиноятнинг ҳолати, аломатлари ҳамда унинг айбдорлигини аниқлашга қаратилган. Шу ўринда муаллифларнинг жабрланувчига тўғридан тўғри судга шикоят қилиш ҳуқуқи берилиши лозимлиги тўғрисидаги таклифларга қўшиламиз. 13 Фуқаровий даъвогар нинг ҳуқуқий ҳуқуқий мақоми (ЖПКнинг 56- моддаси) унинг худди жабрланувчи каби жиноят оқибатида жабр кўрган субъект сифатида намоён бўлишини кўрсатади. Аммо фуқаровий даъвогарнинг жабрланувчидан фарқли процессуал белгиси шундан иборатки, у жиноят оқибатида фақат мулкий зарар кўрган ва шу ҳақда етарли асослар мавжуд бўлган тақдирда, жиноят процессида иштирок этиши мумкин. Жиноят процессида даъвонинг предмети фақат мулкий характерда бўлади, яъни айнан мулкий зарар кўрган шахс жиноят процессида фуқаровий даъвогар бўла олади. Жиноят оқибатида етказилган маънавий ёки жисмоний зарарни ундириш характеридаги даъволар бизнинг жиноят процессимизга ҳали маълум эмас. Фуқаровий даъвогарнинг процессдаги иштироки тергов босқичида ҳамда суд муҳокамасининг бошланишига қадар, мулкий зарар кўрган шахс (жисмоний ва юридик) томонидан қўзғатилган даъво асосида таъминланади. Фуқаровий даъвогар суд муҳокамасининг бошқа иштирокчилари билан тенг ҳуқуқга эга. Унинг ҳуқуқлари ЖПКнинг 57-моддасида тартибга солинган ва унга муайян мажбуриятларни бажариш юклатилган. Фуқаровий даъвогарнинг процессуал манфаати унга мулкий зарар етказган судланувчи нинг суд томонидан айбдор деб топилишига қаратилган. Чунки, 13 Рахмонова С.М. Жабрланувчининг ҳуқуқ ва мажбуриятлари. // Ҳаёт ва қонун. -2002. -№7. –Б.39- 43. .

судланувчининг жиноят содир этишда айбдор деб топилиши фуқаровий даъвогар келтирган даъвонинг асосли эканлигини эътироф этилишига ҳамда даъвони қаноатлантиришга олиш келиши мумкин. Агар судланувчи оқланса, даъво ҳам ўз-ўзидан рад этилади. Жиноят процессида айблов функциясини амалга оширувчи субъектларнинг яна бири жамоат айбловчиси дир. Айтиш лозимки, жиноят процессида жамоат томонидан айбловни қўллаш ҳуқуқи фақат суд босқичида таъминланади. Жамоат айбловчисининг суд муҳокамасида иштирок этиш тартиби ЖПКнинг 42-моддасида белгиланган. Унга кўра, жамоат бирлашмалари ва жамоаларнинг мажлис қарори билан суд муҳокамасида иштирок этиш учун ўз вакилларини юборишлари мумкин. Суд муҳокамасида иштирок этаётган жамоат айбловчисининг ҳуқуқ ва мажбуриятлари ЖПКнинг 43-моддасида мустаҳкамланган ва жамоат айбовчисининг суд муҳокамасида қатнашаётган бошқа иштирокчилар билан ҳуқуқий тенглиги эътироф этилган. Шунга асосан, жамоат айбловчиси жиноят ишида тўпланган ҳужжатларни суд терговида текшириш ва ўрганишда фаол иштирок этиш ва музокараларда қатнашиш ҳуқуқий билан таъминланган. Бироқ судда ҳар қандай ишларнинг кўрилишида жамоат айблови юзага келавермайди. Жиноят процессида жамоат айбловчиси айблов функциясини амалга оширишида унинг суддаги манфаатлари муҳим аҳамиятга эга. Жамоат айбловчисининг айблов функциясини амалга ошириши судланувчини айблаш учун жамоа томонидан берилган ваколат билан характерланади. Шу туфайли жамоат айбловчиси айблов функциясини ўзининг шахсий ёки хизмат манфаатидан эмас, судланувчи содир этган жиноий қилмиш оқибатида жабр кўрган жамоа манфаатидан келиб чиққан ҳолда амалга оширади. Шунинг учун жамоат айбловчиси амалга оширадиган айблов жамоат айблови деб юритилади. Аммо жамоат айбловчиси ҳам судланувчининг жиноий қилмишда айбдор деб топилишидан манфаатдор. Чунки, уни вакил қилган жамоа судланувчининг айбли эканлиги ва у жазоланиши лозимлиги тўғрисида фикр

билдирган. Жамоа фикри уни суд муҳокамасида ана шу мақсадни кўзлаб ҳаракат қилишга ундайди. Жамоат айбловчиси судланувчи томонидан содир этилган жиноятнинг исботланганлиги, судланувчи ва ҳимоянинг эътирофлари асосли эканлиги хусусида фикр билдиради. Шунингдек, у айблов юзасидан далиллар келтириш, тарафлар музокарасида айблов юзасидан ўз фикр ва мулоҳазаларини баён қилиш, айбловнинг асоссиз эканлиги тўғрисида хулосага келса, айбловдан воз кечиш ҳуқуқларига эга. Бироқ, жамоат айбловчисининг айбловдан воз кечиши суд муҳокамасида жиддий ҳуқуқий оқибатларга олиб келмайди. Чунки, қўлланманинг олдинги бўлимларида айблов давлат характерига эга ва айбланувчини жавобгарликка тортиш масаласи фақат давлатнинг расмий органлари томонидан амалга оширилади, деган хулосалар ўз исботини топди. Жиноят процессида вакиллик институти мавжуд бўлиб, айблов функциясини амалга оширувчи жабрланувчи ва фуқаровий даъвогар ўз вакилларига эга бўлишлари мумкин. Вакиллик ўз моҳиятига кўра қонуний ва ихтиёрий бўлиши мумкин. Ишда иштирок этаётган жабрланувчининг вояга етмаганлиги ёки унинг ақли норасо деб танилганлиги процессга қонуний вакилнинг жалб этилишига асос бўлади. Фуқаровий даъвогар қонуний вакилга эга эмас. ЖПКнинг 60-моддасида жиноят процессида қонуний вакил бўлиб иштирок этиши мумкин бўлган шахсларнинг рўйхати ва тартиби белгиланган. Унга кўра, жабрланувчининг ота-онаси, фарзандликка олган шахс, васийлар, ҳомийлар ва вояга етмаган ёки ақли норасо деб танилган шахсни ўз қарамоғига олган ташкилот ва муассаса вакилллари қонуний вакил этиб жалб этилишлари мумкин. Юқоридаги шахслар жабрланувчининг қонуний вакили этиб тайинланганлиги ҳақида суриштирувчи, терговчи ва прокурор қарор, суд эса ажрим чиқаради. Шундан сўнг қонуний вакил ЖПКнинг 61-моддасида кўзда тутилган ҳуқуқларга эга бўлади. Ишда мавжуд бўлган ҳужжатларни муҳокама этишда кўрсатиб ўтилган жабрланувчи қандай процессуал ҳуқуқларга эга бўлса, қонуний вакил ҳам шундай

ҳуқуқлар билан таъминланади. Юқорида таъкидлаб ўтганимиздек, айблов функцияси жиноятни тез ва тўла очиш, айбдорларни жазолаш, фуқаролар, жамият ва давлатнинг бузилган ҳуқуқларини тиклашга хизмат қилувчи фаолиятдир. Шу сабабли айблов функциясига салбий ҳолат деб эмас, балки жиноят процессининг асосий фаолият йуналишларидан бири сифатида қараш лозим бўлади. Бу билан тортишув принципини янада ривожлантиришга, жиноят-процессуал функциялар сонининг сунъий равишда ортишига чек қўйилишига эришиш мумкин.

Фойдаланилган адабиётлар: 1. Абдумажидов Г. Актуальные вопросы реализации принципа состязательности и равноправия сторон в судопроизводстве Адвокат. - 1999. –Декабр. - Б. 49-50. 2. Абдумажидов Ғ.А. Конституция ва суд мустақиллиги – адолат гарови. Давлат ва ҳуқуқ. -2002. -№4(12). –Б.31-35. 3. Абдумажидов Ғ.А. Ҳимояланиш ҳуқуқи ва тарафларнинг ўзаро тортишуви. Ишонч. -1999. -21 июль. 4. Асомутдинов А. Оценка доказательств в уголовном процессе. Ҳуқуқ, Право, Law. -2000. -№4. –Б.60. 5. Балакшин В. Истина в уголовном процессе. Российская юстиция. -1998. - №2. –Б.19. 6. Башкатов Л., Ветрова Г. О состязательности Российская юстиция. - 1995. -№ 1. -Б. 8-9.

Похожие

Инсон ҳуқуқлари умумжаҳон декларациясидаги қоидалар

Ҳимоя тарафининг тортишувдаги ҳуқуқлари

Mеҳнат шартномаси тушунчаси ва фуқароларнинг меҳнат қилиш ҳуқуқларини амалга оширишдаги ўрни

Одил судловнинг тортишувни таъминлашдаги аҳамияти

Ўзини ўзи бошқаришнинг ваколатлари