Нефтдан олинадиган минерал мойлар - Геология - Рефераты

Нефтдан олинадиган минерал мойлар

Загружено в:

20.09.2019

Скачано:

0

Размер:

80.5 KB

НЕФТДАН ОЛИНАДИГАН МИНЕРАЛ МОЙЛАР Режа: 1. Мойларни тозалаш жараёнида сайловчи эритувчиларидан фойдаланиш. 2. Мойларни деасфальтлаш жараённинг кўрсаткичлари 3. Нефтдан олинадиган ҳар хил соҳаларда ишлатиладиган мойлар атмосфера босими остида ҳайдаб олинган нефть қолдиғи мазутдан олинади. Мойларни ишлаб чиқариш жараёни 3 босқичдан иборатдир: 1. Бошланғич хом ашёни тайёрлаш - мой фракцияларини олиш. 2. Олинган мой фракцияларидан компонентлар олиш. 3. Компонентларни аралаштириш (компаундирлаш) уларга қўндирма қўшиш ва товар маҳсулот олиш. Бошланғич хом ашъёни тайёрлашда мазутни вакуум остида ҳайдаб фракцияларга ажратилади. Мойларни олишда ишлатиладиган усулга қараб улар икки группага бўлинади. 1. Дистиллят группаси – бунга вакуум остида 300-400 0 С, 350-420 0 С, 420-450 0 С ва 450-500 0 С да мазутни қиздириб олинадиган фракциялар. 2. Мазутни вакуумда ҳайдалгандан кейинги қолдиқ-гудрондан (500 0 С дан юқори) олинадиган мойлар. Дистиллят мой фракцияларидан қайта ишлаб олинган сурков мойлари- дистиллят мойлар дейилади, гудрондан олинганлари-қолдиқ мойлар дейилади. Бошланғич мой фракцияларидан мой компонентларини олиш мураккаб кўп босқичли жараёндир. Ҳар бир босқични вазифаси мойларни эксплуатация хусусиятини пасайтирадиган группалар бирикмасидан тозалашдир. Нефть фракцияларидан ҳамма кислотали хоссага эга бўлган бирикмаларни, тўйинмаган углеводородларни, қисман олтингугуртли ва смолали бирикмаларни, қисқа ён занжирли полициклик ароматик углеводородларни, қаттиқ парафинларни чиқариб ташлаш керак. Бошланғич мой фракцияларидан мой компонентларини олиш асосида юқорида кўрсатилган зарарли компонентларни тозалаш ётади. Бу усуллар-физик (эритувчилар билан экстракциялаш), эритмадан паст ҳароратда чўктириш, физик-кимёвий-адсорбция, кимёвий усул-Н 2 SO 4 билан тозалаш ва гидротозалашдир. Қолдиқ мойларини ишлаб чиқариш дистиллят мойларни ишлаб чиқаришга нисбатан мураккабдир, чунки гудронда асфальтен-смолали

бирикмалар жуда кўп. Мазутни вакуум остида ҳайдалгандан кейинги қолган қолдиқни-гудронни деасфальтизация қилиниб ундаги бўлган смолали- асфальтенларни чиқариб олинади. Деасфальтизат сайлаб тозаловчи эритмалар-фенол ёки фурфурол билан тозаланади. Бундан мақсад-қолган смола-асфальтенларни ва ёнбош занжири қисқа бўлган полициклик ароматик углеводородларни ажратиб олиш. Селектив (сайлаб) тозаланган рафинатдан эритувчилар ацетон, дихлорэтан ёрдамида қаттиқ парафинларни чўктирилади. Депарафинланган маҳсулотни адсорбция ёки гидротозалаш ёрдамида меъёрига етказилади. Дистиллят мой фракциялари, одатда, деасфальтизация қилинмайдилар. Дистиллят ва қолдиқ мойларни умумий технологик схемаси шу билан фарқ қилади. Мой фракциялари тозалангандан сўнг мойларни ранги ўзгаради, улар анча рангсизланади. Смолали ва полициклик ароматик углеводородлардан тозалаш натижасида мойларни коксланиши ва ёпишқоқлик индекси ортади. Смола ва тўйинмаган углеводородлардан тозалаш мойни термобарқарорлигини оширади. Кислота хусусиятига эга бўлган углеводородлардан тозалаш эса коррозия активлигини пасайтиради ва қаттиқ углеводородлардан тозалаш қотиш темпертурасини пасайтиради. Мойларни товар ҳолатига келтириб тайёрлаш компонентларни аралаштириш қурилмасида олиб борилади. Енгил, ўрта ва оғир дистиллятлар ва қолдиқ компонентлар бўлса мойларни хохлаган навини тайёрлаш мумкин. Мойларни тозалаш жараёнида сайловчи эритувчиларидан фойдаланиш. Сайловчи ёки селектив эритувчилар суюқ модда бўлиб маълум ҳароратда аралашмадан фақат маълум компонентларни (бошқаларини эритмасдан ва уларда ўзи эримасдан) ажратиб беради. Баъзан эритувчилар углеводородларни яхши эритадилар ва кераксиз компонент чўкмага тушади, енгил ажратиб олинади. Деасфальтлаш ва депарфинлаш ана шунга асосланган. Бошқа жараёнларда, буни тескариси бўлиб, эритувчилар кераксиз компонентларни эритади ва қимматбаҳо компонентларни деярли эритмайди. Бу жараёнларда фенол ва фурфурол селектив тозалашда ишлатилади. Тозаланган маҳсулот ва кераксиз компонентлар ҳар бир жараёнда ўз номига эга. Масалан: Деасфальтлашда тозаланган мой фракцияси деасфальтизат дейилади, смола-асфальтенларни концентрацияси асфальт дейилади. Депарафинлашда олинган мой рафинат, қаттиқ углеводородларни концентрати – гач ёки петролатум дейилади. Фенол ва фурфурол билан тозаланганда мой - рафинат ва смолали, асфальтенли полициклик ароматик углеводород концентрати – экстракт дейилади. Мой фракциялари углеводородларнинг ҳар хил синфлари ва гетероциклик бирикмаларининг аралашмаларидан иборатдир. Углеводородларни физик хоссалари уларни маълум синфларга мансуб эканлигига ва молекуляр массаларига боғлиқдир. Гетероциклик углеводородларни физик хоссалари бошқалардан фарқли бўлиб, улар ҳар хил

ҳароратлардан ҳар хил тезликда органик эритувчиларда сайланиб эрийдилар. Сайловчи (ёки селектив) эритувчилар деб шундай суюқ моддаларга айтиладики, улар маълум ҳароратда нефть маҳсулотлари аралашмасидан фақат мақсадда тутилган компонентларни ажратиб оладиган, бу жараёнда бошқа углеводородларни эритмасдан ва уларда эримасдан қоладиган моддага айтилади. Тозалаш мақсадлари учун шундай эритувчилар танлаб олинадики, улар бир-биридан кескин фарқланадиган эркин ҳароратда ҳар хил моддаларни эритадиган бўлсин. Баъзан эритувчилар углеводородларни яхши эритади ва кераксиз компонентлар эритмалардан чўктирилиб, осонгина ажратилади. Шу принципга асосан смола-асфальтенли бирикмалар (деасфальтлаб) ва қаттиқ углеводородлар ажратиб (денарафинлаб) олинади. Эритувчиларни селективлиги идеал эмас, яъни эритувчи фазалардан бирини тўлиқ эритади ва иккинчисини қисман. Масалан: фенол полициклик ароматик углеводородларини яхши эритади, лекин шу билан бирга мойни углеводородларини ҳам. Шунинг учун фенолни танловчанлиги пастдир, лекин умумий эритувчанлик қобилияти юқоридир. Селективликни пастлиги натижасида экстракт ёки гач билан биргаликда мойни қимматбахо компонентларини ҳам олиб чиқиб кетилади, деасфальтизатга эса смола ва асфальтенлар ўтиб кетади. Биринчи ходисада мойни чиқиши камаяди, иккинчисида эса деасфальтизатни сифати пасаяди. Эритувчиларга (фенол, фурфурол, дихлорэтан, спиртлар ва кетонлар) сув ва бензол, толуол қўшилса уларни селективлигини ва эритувчанлик қобилиятини ўзгартириб юборади. Сув қўшилганда эритувчини селективлиги ортади лекин умумий эритувчанлик қобилиятини пасайтиради. Бензол ва толуолни қўшиш эса селективлигини (эритувчини) пасайтиради ва умумий эритувчанлик қобилиятини ортиради. Эритувчилар қуйидаги талабларга жавоб бериши керак: а) Эритувчи кенг ҳарорат оралиғида ўзини танловчи - эритувчанлик қобилиятига эга бўлиши керак. б) Эритувчи тозаланаётган маҳсулотда ўзи эримаслиги керак. в) Фазаларни тез ажратиб олиш учун эритувчини ва мойни зичлигидаги фарқ катта бўлиши керак. г) Эритувчи кимёвий барқарор ва инерт бўлиши керак (хом-ашёга нисбатан), заҳарли бўлмаслиги ва портлашга хавфсиз бўлиши керак. д) Эритувчи енгил ва тўлиқ регенерация қилиниши керак. е) Эритувчи паст парланиш ҳароратига эга бўлиши керак, чунки бунинг натижасида совутишга берилаётган сувни сарфи камаяди ва умуман энергетик ҳаражатлар камаяди. ж) Эритувчи арзон ва дефицит бўлмаслиги керак. Мойларни танловчи эритувчилар билан тозалаш жараёни учун қуйидаги факторлар муҳимдир: 1. Жараённи ҳарорати.

2. Мой фракциясини эритувчида эрувчанлигини критик ҳарорати. 3. Хом-ашё ва эритувчиларни нисбати. 4. Эритувчини хом-ашё билан ўзаро таъсир усули. Босим суюлтирилган газларни эритувчи сифатида ишлатилганда (пропан, SO 2 газ) ўз таъсирини кўрсатади. Эритувчини мой эритмасидан ва керак бўлмаган компонентлар эритмасидан регенирлаш бир неча босқичда амалга оширилади: а) Эритувчини олдин юқори ёки атмосфера босимида хайдаб олинади. б) Сув пари билан хайдаб олинади. в) вакуум остида хайдалади. Тозаланган маҳсулотда эритувчини қолдиқ миқдори 0,005-0,02% дан ортиқ бўлмаслиги керак. Мойларнинг қимматбаҳо углеводородлари гач ёки экстрактга ўтиб кетиши мумкин. Бу асосан эритувчини етарли даражасида селектив бўлмаганлиги натижасидадир. Бунинг натижасида ўзини тузилиши билан кимматбаҳо ва кераксиз компонентлар оралигида турган углеводородлар йу қ отилади. Бу компонентларни яна ички рафинат дейилади. Бу компонентларни йўқотилиши асосий маҳсулотни чиқишини пасайтиради. 1-жадвал Эритувчиларнинг физик хоссалари. Кœрсаткичлар Фенол Фурфур ол Пропа н М- крезо л П- крезол МЭК Дихл ор этан Аце- тон Кимёвий формулалар С 6 Н 5 О Н С 4 Н 3 ОСНО С 3 Н 8 СН 3 СОНО Н СН 3 С 6 Н 4 О Н СН 3 СО 2 Н 5 С 2 Н 4 Сl 2 СН 3 СОСН 3 Молекуляр массаси 94,1 96,09 44,09 108,0 6 108,06 72,4 98,96 58,0 8 Зичлик n Д 20 1,07 1 1,1614 0,502 0 1,046 5 1,0341 0,805 0 1,252 0 0,792 0 Қотиш ҳарорати нергизм, 0,1 Мпа, 0 С 42,0 -38,7 - 187,7 11,8 34,6 -86,3 - -94,7 Қайнаш ҳарорати, 0,1 МПа, 0 С 181, 4 161,7 -42,2 201,1 202,3 79,6 83,7 5 Сувдаги эрувчанлиги, 38 0 С,% масс. 33,0 6,5 - 14,5 14,5 9,9 0,14 Азеотроп аралаш-мани сув билан қайнаш ҳарорати, 0 С 99,6 97,8 - 98,9 98,7 73,45 72 - Ички (оралиқ) рафинатларни қуйидаги технологик усуллари билан

ажратиб олинади. 1. Экстракт эритмасини ҳароратини пасайтириш билан. 2. Экстракт эритмага сув қўшиш билан. 3. Экстракт эритмага яна экстракт қўшиш билан. 4. Юқори ҳароратда эритувчини янги миқдори билан ювиш. Бунинг натижасида биринчи уч усулни қўллаганда эритувчини селективлиги ортади ва экстракт эритмадан оралиқ рафинатни ажратиб олинади. Тўртинчи усулда эса мой гач ва петролатумдан ажратиб олинади. Мойларни деасфальтлаш Қолдиқ мойларни гудрон ва ярим гудронлардан ишлаб чиқарилади. Бу фракцияларда айниқса смолали нефтьлардан олинган бўлса 50% гача смола ва асфальтен бўлади. Смола-асфальтенли бирикмаларни мураккаблиги селектив эритувчини қўллашга йўл бермайди. Шунинг учун мойни қимматбаҳо углеводородлари учун эритувчи танланади. Смола-асфальтенли бирикмалар эритувчида деярли эримасдан чўкмада қолади. Эритувчи сифатида суюқ пропан ишлатилади. Мойларни деасфальтлаш жараённинг кўрсаткичлари Мой углеводородларининг пропандаги эритмасидан смолалар 50-85 0 С оралиғида енгил ажралади. Ҳароратни юқори даражаси пропанни критик ҳарорати билан (96,8 0 С) чегараланади. Пропаннинг ҳарорати критик темературага яқинлашгани сари унинг эритиш қобилияти пасаяди, мойни углеводородлари қисман смолалар билан чўкиб қолади. Бунинг натижасида мойнинг чиқиши пасаяди. Паст ҳароратда буни тескариси бўлиб суюқ пропанни эритиш қобилияти ортади ва 40 0 С да смолалар пропанда эрийди ва мойни сифати пасаяди. Жараён колоннада олиб борилади. Пропан калонна тагидан берилади, мойлар эса тепа қисмидан, колоннани тепа қисмида ҳарорат 70-75 0 С ва пастки қисмида 50-60 0 С бўлади. Калоннани тепа ва пастки қисмида ҳароратни ҳар хил ушлаб туриш натижасида мойдан смола ва асфальтенларни тўлиқ ажратиб олинади. Ҳароратни бу фарқига деасфальтлаш градиенти дейилади. Пропанни суюқ ҳолда ушлаб туриш учун жараённи 4-4,5 Мпа да олиб борилади. Эритувчини ва бошланғич маҳсулотни нисбатини тажриба йўли билан топилади ва у хом-ашёдаги углеводородлар сонига боғлиқ. Углеводородлар миқдори қанча кўп бўлса пропан билан бошланғич маҳсулот нисбати ҳам шунча кўп бўлади. Пропан ва бошланғич модда 4:1 дан 8:1 гача бўлган нисбатда олинади. Пропанни миқдорини маълум даражагача ошириш деасфальтизат сифатига яхши таъсир кўрсатади, смолали-асфальтенларни чўктириш тезлашади. Деасфальтдаш жараёнини бир босқичда олиб бориш мумкин лекин олинган маҳсулотни сифати икки босқичли жараёнда кўнгилдагидек бўлади. Биринчи босқичда олинган асфальт эритмасидан қимматбаҳо углеводородларни ажратиб олиш учун иккинчи босқичда деасфальтланади. Икки босқичли схемада гудрондан мойни олиш 10% га ортади. I ва II босқич деасфальтизатлари сифат бўйича катта фарқ қилади. II босқич

деасфальтизатидан жуда ёпишқоқ мойлар олинади. 2 - жадвал Ромашкин нефтини гудронидан олинган маҳсулотларнинг сифати қуйидагилардир Кўрсатгичлар Гудрон I деасфальтизат II деасфальтизат Асфаль т Зичлик r 4 20 1.010 0,915 - - Коксланиш, %мас. 18-20 1.1-1.3 1,5-2,2 - Ёпишқоқлиги: 100 0 С, мм 2 /С - 20-23 30-55 - Юмшалиш ҳарорати, 0 С 35 - - 66-75 Мойларни уларни таркибидаги смола-асфальтенли бирикмалардан ва қисқа ён занжирли полициклик ароматик углеводородлардан қутилиш учун уларни селектив тозаланади. Селектив тозалашга дистиллят ва қолдиқ мойлар ҳам берилади. Бунинг натижасида мойларни ранги тозаланади, ёпишқоқлик индекси ортади, коксланиш даражаси ва олтингугурт бирикмаларини миқдори камаяди. Саноат тажрибасида энг кенг тарқалган эритувчилар фенол ва фурфуролдир. Мой фракциялари билан реакцияга киришганда улар мойдаги кераксиз моддаларни яхши эритадилар ва қимматбахо керакли углеводородларни деярли эритмайди. Эритувчиларни миқдори оптимал миқдорда олиниши керак. Ҳарорат ўзгармаганда экстракт ва рафинат фазалар мувозанат ҳолида бўладилар. Хом- ашё эритувчи нисбатини орттириш экстракт эритмасининг концентрациясини пасайишига олиб келади ва фазалар ўртасидаги мувозанатни бузилишига олиб келади. Бунинг натижасида углеводородларнинг бир қисми рафинат эритмасидан экстракт эритмасига ўтади. Тозаланиш даражаси ортади, рафинатни миқдори камаяди. Хом-ашё эритувчи нисбатини камайиши тескари натижасига олиб келади. Лекин жуда катта миқдордаги эритувчилар хом-ашё билан бир-хил эритма ҳосил қилиб фазалар ажралмай қолиши мумкин. Мойларни саиловчи эритувчилар билан тозалаш иккала орада барқарор бўлган ҳароратда олиб борилади. Ҳарорат ортиши билан эритувчиларни эритувчанлик қобилиятлари ортиб боради. Лекин сайловчанлиги секин-аста пасайиб боради ва критик ҳароратда бир хил таркибли аралашма ҳосил бўлади. Шунинг учун селектив эритувчиларга алоҳида талаб қўйилади. Хом- ашёни эритувчидаги критик эриш ҳарорати бирмунча юқори бўлиши керак, чунки экстракцияни 80-150 0 С ҳароратлар оралиғида олиб бориш мумкин бўлсин. Фенол ва фурфурол билан экстракция колонна типидаги аппаратларда олиб борилади. Хом-ашёга нисбатан зичлиги юқори бўлган

эритувчи колоннанинг тепа қисмидан берилади. Хом-ашё колоннани пастки қисмидан берилади. Хом-ашё колонна бўйлаб секин кўтарилади ва доимо тўхтовсиз эритувчи билан контактда бўлади ва кераксиз компонентлардан тозаланади. Эритувчи эса колоннани пастки қисмига тушган сари смолали ва полициклик бирикмаларга тўйиниб боради.Бунинг натижасида рафинатни критик ҳарорати ортади. Экстракция жараёнини яхшилаш учун эритувчи реакторга берилаётгандаги ҳарорат мой берилаётгандаги ҳароратдан бироз юқори бўлади. Бу ҳароратнинг фарқи эритувчилар ва хом-ашёни хусусиятига боғлиқ бўлиб экстракцияни ҳарорат градиенти дейилади. Эритувчиларни ва тозалашни оптимал параметрларини ҳар бир алоҳида вазиятда тажриба йўли билан аниқланади. Бунда бошланғич хом-ашёни сифатига ва олинадиган маҳсулотга қўйиладиган талабга аҳамият берилади. Фурфурол фенолга нисбатан бирқанча афзалликларга эгадир: у камроқ заҳарли, рафинатни 12-15% мас. кўп беради, солиштирма парланиш ҳарорати ва қайнаш ҳарорати фенолга нисбатан анча паст бўлганлиги сабабли иқтисодий томондан ҳам аҳамиятлидир. Лекин, бирқанча моментларда, масалан, қолдиқ мойларни тозалашда, рафинатни сифати фурфурол билан тозаланганда анча пастдир. Фурфурол – хом-ашё нисбатини ортириш ҳеч қандай эффект бермайди. Фурфурол смолаларни фенолга нисбатан ёмон эритади, шунинг учун фурфурол билан тозалаб олинган мойларни ранги анча тўқроқ бўлади. Рафинатни миқдорини кўпайтиришни ва уни сифатини яхшилашни йўлларидан бири фурфурол ва фенолни юқори эффективли эритувчилар, масалан N-метилпирролидон билан аралаштиришдир. N-метилпирролидон барқарор, агрессив эмас, қайнаш ҳарорати 200 0 С, фенол ва фурфуролга нисбатан кам заҳарли ва танловчанлиги юқоридир. Нефтни қайта ишлаш саноатида гудрон пропан билан енгил деасфальтланади ва кейин жуфт эритувчилар билан тозаланади. Бу жараён натижасида тозаланган мой дистиллати ва экстракт ҳамда асфальт ажратиб олинади. Рафинатни сифатига ва олинган миқдорига ҳомашё ва эритувчини нисбати ва фенол-кризол аралашмасини таркиби таъсир кўрсатади. Бу факторлар тажриба йўли билан аниқлаб олинади ва ҳомашёни сифатига боғлиқ бўлади. Одатда 100 кисм (масс) хом ашёга 300-400 қисм (масс) пропан ва 400- 600қисм. (масс) фенол-крезол аралашмаси олинади. Фенол-крезол аралашмасини таркиби 35-60% (масс) фенол ва 65-40% (масс) крезол бўлади.

Похожие

Мойлаш материаллари ва махсус суюқликлар. Уларни синфланиши, маркалари, қўшимчалари

Нефтни қайта ишлаш кимёвий технологияси. Нефтни кимёвий таркиби, физик – кимёвий хоссалари

Нефт ва унинг таркиби

Нефт ва газ уюмининг энергетик тавсифи

Углеродли материаллар (техникавий углерод, кокс), уларнинг синфланиши, маркалари