Нефт ва газ қатламларни ва конларни лойиҳалашда математик моделлардан фойдаланиш - Геология - Рефераты

Нефт ва газ қатламларни ва конларни лойиҳалашда математик моделлардан фойдаланиш

Загружено в:

20.09.2019

Скачано:

0

Размер:

36 KB

Нефт ва газ қатламларни ва к онларни лойиҳалашда математик моделлардан фойдаланиш Аввал айтиб ўтганимиздек, конни ишлашининг асосий технологик кўрсаткичларини ҳисоблаш мураккаб жараён бўлиб, бу ҳисоблашлар шахсий компютерларда бажарилади. Шахсий компютерларда ҳисоблаш учун кондаги бўладиган барча жараёнларнинг математик моделини тузиб, унинг дастурини тайёрлаб, ана шу дастурни компютерга киритишга тўғри келади. Ана шу математик моделлар нефтни сиқиб чикариш ва қамраб олиш коэффициентлари, сув ҳайдаш сурьатини, шунингдек улар орасидаги ҳар хил статистик боғлиқликларнинг кўп омилли таҳлил натижаларини ҳисобга олган ҳолда яратилади. Ҳисоблашлар гидродинамиканинг асосий икки масалалари – тўғри ва тескари масалаларига асосланган бўлиб, ҳар икки турдаги масалаларнинг ечими бир хил ёки бир-бирига жуда яқин натижалар берган тақдирда ҳисоблашлар туғри эканлиги тасдиқланади. Нефт олиш коэффициентини (НОК) ҳисоблашда қабул қилинган кўрсаткичларнинг қандай қилиб танланганлиги, қайси усуллар билан аниқланганлиги ва уларнинг қанчалик ҳақиқий эканлигини батафсил асосланиб берилиши керак. Агар НОК ни ҳисоблаш учун статистик усулл а р қўлланилган бўлса, албатта ҳисоблаш усуллари келтирилган бўлиши керак, уларнинг ишлатиш чегаралари геологик ва технологик омиллар ўзгарганда қандай ўзгариши, статистик усулларда қатнашаётган ҳар бир омилнинг Ўртача қиймати қатлам ва кон учун келтирилиши керак. Агар НОК ни солиштириш усули билан ҳисобланаётган бўлса, у ҳолда ҳамма статистик боғлиқликларни солиштирилаётган кон учун ҳам тўлиқ ёритиш зарур бўлади. Бу солиштиришда айниқса геологик ва физик-кимёвий омиллардан ташқари энергетик кўрсаткичларни (қатлам босими, қатлам

сувларининг фаоллиги), ишлаш тизимини, нефт олиш техникаси ва технологиясини ҳам солиштириш керак бўлади. Шундай қилиб, танланган математик моделни ниҳоятда катта талабчанлик билан синаш зарур. Тўлиқ синовдан ўтган математик модел кон учун кейинчалик ҳам ишлатиш учун мумкин бўладиган, ҳамда ўз ичига ҳамма геологик ва гидродинамик маълумотларни олган доимий ишлайдиган модел бўлиб қолиши керак. Доимий ишлайдиган математик модел ўз ичига қуйидагиларни: - уюмнинг уч ўлчамли тўлиқ тафсилотига эга бўлган геолого-математик моделини; - ишлаш жараёнини тавсифловчи турли кўринишдаги икки ўлчовли ва уч ўлчовли, уч фазали ва композицияли математик моделларини; - геологик, геофизик ва кон-геологик маълумотларни ўз ичига олган маълумотлар банкини; - конни ишлаш тарихи бўйича математик моделларни мослаштирадиган дастурларни; - берилган технологик ва иқтисодий мезонлар бўйича уч ўлчовли сирқиш моделларини, конни ишлаш жараёнининг энг қулай шароитларини ҳисоблаш учун ишлатиладиган усуллар ва дастурларни олган бўлиши керак. Юқорида кўрсатиб ўтилган кўрсаткичларни ўз ичига тўлиқ олган математик моделлар ва дастурлар конларни бекаму - кўст лойиҳалаш ишларини бажариш учун яроқли бўлади. Уюмлар ишлашининг иқтисодий кўрсаткичларини ҳисоблаш Уюмлар ишлашининг технологик кўрсаткичларини бир неча вариантлари ҳисоблангандан сўнг, ишлаб чикаришга тадбиқ этилиши керак бўлган варианти иқтисодий ҳисоблашлар натижасида аниқланади.

Уюмнинг (ёки коннинг) иқтисодий ҳисоблари одатда қуйидагилардан иборат бўлиши керак; - кўрсаткичларнинг иқтисодий таҳлили; - капитал қурилишга ва ишлатишга сарф бўлган маблағларнинг таҳлили; - солиқлар тизимининг тавсифи; – маблағ билан таъминлаш манбалари; – ишлаш вариантининг техник-иқтисодий таҳлили, тадбиқ этилиши керак бўлган варилнтни танлаш; - лойиҳага тўлиқ иқтисодий баҳо бериш. Бу ҳисоблашлар учун ҳам махсус ҳисоблаш моделлари ва дастурлари яратилиб, ҳисоблашлар ҳам компютерларда олиб борилади. И қ тисодий кўрсаткичларни ҳисоблаш жуда ҳам мураккаб жараён бўлмаса ҳам, лекин ҳисоблаш вақтида амалдаги давлат конунларини, солиқларни, банк ва биржа кўрсаткичларнни, дунё миқёсида нефт ва газни сотиш нархларини, давлатнинг нефт маҳсулотларига бўлган эхтиёжини назарда тутган ҳолда бажариш керак бўллди.

Похожие

Нефт газ коллекторлари улардаги нефт газ ва қатлам сувларининг хусусиятлари

Нефт ва газ уюмининг энергетик тавсифи

Нефт ва газ қудуқлари уларнинг вазифаси ва конструкцияси

Нефт ва газ уюмининг ишлаш усуллари ва уларнинг самарадорлиги

Нефт ва газ сизилишининг конунлари ва асосий дифференциал тенгламалари