Каталитик риформинг. Гидрогенизацион жараёнлар - Геология - Рефераты

Каталитик риформинг. Гидрогенизацион жараёнлар

Загружено в:

20.09.2019

Скачано:

0

Размер:

86.5 KB

Каталитик риформинг. Гидрогенизацион жараёнлар Режа: 1. Каталитик риформинг жараёни ва унинг механизми. 2. Каталитик риформинг жараёни хом ашёси, параметрлари ва унда ҳосил бўлувчи маҳсулотлар. 3. Гидрогенизацион жараёнлар механизми ва унда фойдаланиладиган катализаторлар.

1. Нафтен ва парафин углеводородларининг каталитик реакцияларини ўрганиш натижасида академик Зелинский бошчилигида циклогексан углеводородларини дегидридлаб, ароматик углеводородлар синтез қилишга эришилди. 1936-1937 йилларда хром оксиди катализаторлигида 450 - 470ºС да парафин углеводородини ароматик моддаларга айлантириш реакциялари кашф этилди. Бу реакциялар алканларни дегидроцикллаш номини олди. Бундай реакцияларда камида олтита углерод атомлари бўлган парафин занжири ва натижада ҳосил бўлган нафтен углеводороди ароматик углеводородгача дегидридланади. Оксидли катализатор юзасида дастлаб алканга дегидридланади ва у кейин циклланишга қуйидагича учрайди. C n H 2n+2 → C n H 2n(алиф) + H 2 С n H 2n(ҳалқа) C n H 2n-6 + 3H 2 Умумий ҳолда бу жараённи нг реакциясини қуйидагича ёзиш мумкин: C n H 2n+2 → C n H 2n-6 +4H 2 Шундай усул билан гександан бензол, гептандан толуол, октан ва нонанлардан ароматик углеводородлар аралашмаларини олиш амалга оширилади. Ароматик углеводородлар олиш реакцияларида олефин ва

циклопентан углеводородларидан ҳам фойдаланиш мумкин. Бу реакциялар оксидли катализаторлар иштирокида бориш тезлашади. Турли синф углеводородларини оксидли ва металл катализаторлар иштирокида юқори ҳароратда ароматик углеводородларига айланиш мойиллиги қуйидаги қатор бўйича ифодаланади: Циклогепсенли; циклогексанли; циклопентанли; олефинли; парафинли. Юқорида келтирилган жараён, яъни нафтен, парафин, олефин ва бошқа углеводородларни катализаторлар иштирокида ароматик углеводородларга айлантириш, саноат миқёсида каталитик риформинг номи амалга ошириб келинмоқда. Бу реакцияларда катализатор юзасини кокс билан тезликда қопланиши содир бўлади. Шу сабабли бу вақтда қўшимча тарзда борувчи зичланиш ва конденсацияланиш реакцияларини тўхтатиш ва катализаторларни ишлаш муддатларини ошириш учун каталитик риформинглаш жараёни водород газини атмосферасида олиб борилади. Ле- Шателе принципига ва массалар таъсири қонунига мувофиқ дегидридлаш ва дегидроциклланиш реакцияларида водороднинг босимини ошиши реакция мувозанатини ўнг томондан чапга силжитади: С 6 Н 12 ↔ С 6 Н 6 + 3Н 2 С 6 Н 14 ↔ С 6 Н 6 + 4Н 2 Бундан ташқари водород босими қанчалик юқори бўлса, клксни ҳосил бўлиши шунча камаяди. Каталитик риформинг жараёнлари ичида гидроформинг жараёни энг биринчи бўлиб ўзлаштирилди. Бу жараён 480 – 550ºС температура ва водород босими15 – 25 атм бўлганида алюмомолибден катализатори иштирокида (МоО 3 /Аl 2 О 3 ) олиб борилади. Ҳозирги кунда каталитик риформинг жараёни қурилмаларида платинали катализаторлар қўлланганлиги сабабли бу жараён платформинг номини олди. Платина катализатори алюминий оксидидан ташкил топган бўлиб, унга 0,6 %

платина қўшилган. Жараён 470 – 540ºС атрофида ва водород босими 14 – 15 атм бўлган шароитда олиб борилади. Қурилмада ишлатиладиган айланувчи газ таркибида 75 – 90% водород бўлиши керак. Коксланиш бу вақтда кескин камайиб катализатор узоқ муддат ишлаши мумкин (6 ой, 1-2й.). Каталитик риформинг жараёнини олиб боришдан асосий мақсад – автомобил бензинларини октан сонини ошириш ва ароматик углеводородларни (бензол, толуол, ксилол) нефт хом ашёсидан ажратиб олиш. Риформинг жараёнини платинали катализатор юзасида механизми жуда мураккабдир, чунки жараён бир вақтни ўзида юқори ҳарорат, водород босими ва кўп функционал хусусиятга эга катализатор иштирокида боради. Қуйида биз каталитик риформинг жараёнда борувчи асосий реакцияларни кўриб чиқамиз: - Олти аъзоли нафтен углеводородларини дегидридланиши. Бу реакцияни жараён ҳароратида термодинамика нуқтаи назаридан бориши аниқдир. - Беш аъзоли нафтенларни олти аъзоли нафтен углеводородларига изомерланиши ва кейин ароматик углеводородларга дегидридланиши. Умумий ҳолатда бу реакция дегидроизомерланиш номини олди. Масалан, СН 3 + 3Н 2 - Алканларни дегидроциклланиши: С n H 2n+2 ↔ C n H 2n-6 + 4H 2 – Q. Катализатор иштирокисиз бу реакцияни олиб бориш мумкин эмас, чунки катализаторсиз алканлар парчаланиб кетади. - Олефинларни циклодегидридланиши:

C n H 2n → C n H 2n-6 +3H 2 . Тўйинмаган углеводородларни цикланиши жараёни жуда тезликда боради, аммо қўшимча ёнма-ён борувчи парчаланиш ва конденсацияланиш реакциялари туфайли катализаторни заҳарланиши содир бўлади. Шу сабабли хом ашё сифатида таркибида тўйинмаган углеводородлари бўлмаган фракциялар ишлатилади. Каталитик риформинг жараёнида борувчи юқорида келтирилган реакциялар ичида кинетик нуқтаи назаридан нафтенларни дегидридланиши анча катта тезликда боради. Қолганлари эса секинроқ содир бўлади. 2. Нефтни қайта ишлаш корхоналарида каталитик риформинг (платина катализаторлари иштирокида олиб борилувчи) жараёни энг муҳим ҳисобланади. У юқори октанли бензинлар олишда етакчи ўрин эгаллайли. Бу жараён асосида октан сони 95 бўлган бензин ишлаб чиқарилмоқда. Шу билан бирга бензол, толуол ва ксилолларни ишлаб чиқаришда бу жараённи аҳамияти жуда каттадир. Каталитик риформинг (КР) қурилмаларида углеводород газалри, ароматлашган бензин, водород сақловчи газ олинади. Маҳсулотларни чиқиши ва таркиби катализатор хоссаларига, хом ашёга ва ўзаро боғланган параметрлар (t, P, υ ва бошқалар)га боғлиқдир. Ҳозирда КР қурилмаларида АП-64 катализатори қўлланилади. Катализатор промотори (фаолловчи) сифатида хлор бирикмалари, масалан, дихлорэтан ишлатилади. Катализатор таблетка кўринишда 3-4 ой давомида фойдаланилади ва азот муҳитидаги ҳаво кислороди ёрдамида кокси ёқилиб регенерация қилинади. Регенерация қилинаётган катализатор миқдорига нисбатан кокс 3% ни ташкил этади. Хом ашёси. КР жараёни хом ашёси сифатида қайнаш температураси 60°С ва юқори, ҳамда охирги қайнаш температураси 180°С бўлган бензин фракцияси ишлатилади. 180°С дан юқори температурада қайнайдиган фракцияларни ишлатиш мумкин эмас, чунки бунда катализатор юзасида коксни ҳосил бўлиши кўпаяди, натижада унинг ишлаш муддати қисқаради.

КР учун қурилмага берилган талабга мувофиқ бензин фракцияларини турли қайнаш температурасига эга бўлган қисмлари қўлланилади. Масалан, юқори октанли бензин олиш учун 85 – 180°С ва 105 – 108°С да қайнайдиган фракциялардан фойдаланилади. Алоҳида ароматик углеводородларни олиш учун эса қуйидаги фракциялар ишлатилади: бензол олишда ― 60 – 85°С; толуол олишда ― 85 – 105°С; ксилол олишда ― 105 – 140°С; псевдокумол, дурол, изодурол олишда ― 130 – 165°С. Октан сони 95 – 100 бўлган бензин олиш учун қайнаш температураси 105°С дан бошланадиган углеводородли фраклар каталитик риформингланади. Хом ашёнинг углеводород таркиби риформинглаш бензинини чиқиши ва унда ароматик углеводородларни миқдорини ўзгаришига сабаб бўлади. Агарда хом ашё таркибида циклли алканлар ва ароматик углеводород миқдори кўп бўлса, риформинг бензинини чиқиши шунча кўпаяди (8.1-расм). 8.1-расм. Риформинглашда октан сони 95 бўлган бензинни чиқишини хом ашё таркибига боғлиқлиги: 1― 85 – 180°С фракция; 2― 105 – 180°С фракция.

Жараён параметрлари. Жараёнда борувчи реакцияларнинг иссиқлик эффектлари энг аввал хом ашё таркибидаги нафтен углеводородларига боғлиқ, чунки нафтенларни дегидрирланиши реакциялари иссиқликни интенсив тарзда ютиш билан боради. Парафинли хом ашё олинганида иссиқлик эффекти – 50-70 ккал/кг бўлса, нафтенли учун – 100-140 ккал/кг га тенг. Шу сабабли қурилмага, яъни реакция борувчи аралашмалари платинали катализаторларни жуда тез заҳарлагани сабабли платформинг хом ашёларида дастлаб гидротозалаш ва қуритиш амалга оширилади. Натижада бунда олтингугурт миқдори 0,3 дан 0,001% гача камаяди. Агар хом ашё сифатида тўйинмаган углеводороди бор бўлган (кокслаш ва гидрокрекинг маҳсулотлари) фракциялар ишлатилса, у ҳолда бу хом ашёда ҳам дастлабки гидротозалаш (тўйинмаган углеводородларни водород билан тўлиқ тўйинмагунича) олиб бориади. Жараён температураси 470 – 525°С га тенг. Ҳароратни ошиши бензин чиқишини оширади, газ чиқишини камайтиради, коксланиш пасаяди, бироқ бу вақтда олинадиган бензинда ароматик углеводородларни миқдорини камайтиради. Хом ашёни қурилмага беришни ҳажмий тезлиги 1 – 2 соат -1 га тенг. Ҳажмий тезликни камайиши юқорида келтирилган ҳарорат ўзгаргандаги ўзгаришларни беради. Аммо энг паст ҳажмий тезликда ҳам жараённи олиб бориш мақсадга мувофиқ эмас, чунки у ҳолда реактор ҳажмини ошириш талаб этилади. Риформинг жараёни учун 120 – 180°С фракция олинган вақтидаги катализатни чиқиши (495°С да) ва таркиби қуйидагичадир: Ҳажмий тезлик, соат -1 .......................0,5 Катализатни стабил чиқиши, % ...... 64,5 Катализат зичлиги (201 ) .................0,788 Ароматик углеводородлар миқдори, % ........................................66,8 1 78,2 0,787 65,2 1,5 81 0,786 65,2 2 83 0,784 60

Таркибида водороди бор бўлган газнинг босимини КР жараёнидаги ўрни муҳимдир, чунки босимни ошиши (20 – 40 атм) газ ва кокс ҳосил бўлишини кескин камайтиради. Шу билан бирга босим ортиши ароматик углеводородларни чиқишини камайтиради. Паст босимда ароматик углеводородлар кўп чиқади, аммо газ кўп ажралади, натижада риформат миқдори камаяди (8.2-расм). 8.2-расм. КР жараёнига босимни таъсири (105 – 140°С да қайнайдиган фракция олинганида). КР да бензол олиш учун босим 20 атм.га пасайтирилади. Бу вақтда коксланиш унча сезилмайди. Риформинг реакторига келувчи ва таркибида водород сақловчи газни 0°С ва 760 мм.сим.уст.даги ҳажми билан 20°С даги ҳажми нисбати – газни айланиш (циркуляция) такрорийлиги (кратность) деб аталади. Хом ашё буғларини водород билан суюлтирилиши катализаторни самарали ишлашини таъминлайди. Газни айланиш такрорийлиги 1500 – 1800 м 3 /м 3 оралиғида бўлади. Айланиш такрорийлигини оширилиши қурилмадаги ёқилғи, сув, электр-энергияси сарфларини кўпайтиради. Платформинг қурилмасида 62 – 85°С (I) қайнаш температурасидаги фракциядан бензол, 105 – 140°С (II) фракциядан толуол ва ксилол ҳамда 95 октан сонли бензин олиш (III) нинг технологик режими қуйидагича: I II III Температура, °С .............................................. Босим, атм. ...................................................... Ҳажмий тезлик, соат -1 .................................... Газни айланиш такрорийлиги, м 3 /м 3 ............ Айланувчи газда Н 2 миқдори, м 3 /м 3 ............. 525 20 2 1500 80 – 90 525 40 2 1500 80 – 90 500 – 515 43 – 34 1,5 1850 70 Таркибида 60 – 90% водороди бор бўлган газ амалда ёқилғи ва мойларни гидротозалаш учун қўлланилади. Бу вақтда ҳосил бўлувчи Н 2 S дан олтингугурт ва Н 2 SО 4 олинади. Қуруқ газ корхонанинг ёқилғи тизимига, пиролиз ёки водород олиш қурилмаларига юборилади. Таркибида пропан, бутан, изобутан углеводороди бор фракция нефт-кимё синтези саноати учун хом ашё сифатида ишлатилади.

3. Термик ва каталитик крекинглаш жараёнларида газ ҳамда бензин билан биргаликда водороди кам бўлган юқори молекулали маҳсулотлар ҳам ҳосил бўлади. Бу хом ашё таркибида бензинга, қолаверса газ углеводородларига нисбатан водородни тўғри миқдорларда тақсимланмаганлигини кўрсатади. Агарда крекинглаш жараёнидаги дастлабки хом ашёда ва маҳсулоти – бензинда водородни нисбий миқдорини 100Н:С деб белгиласак, у ҳолда қуйидаги қийматларни олиш мумкин: Хом ашё ― нефт қолдиқлари ..................................................12 – 14 Бензин .........................................................................................17 – 18 Бундан кўринадики, хом ашёни тўлиқ ҳолда бензинга айланиши учун водород етишмайди. Шу сабабли крекинглаш жараёнида бензинни чиқиш миқдори 40 – 50% дан ошмайди. Шунга кўра, оғир нефт хом ашёсини қолдиқсиз мотор ёқилғисига қайта ишлаш учун ташқаридан қўшимча тарзда Н 2 бериш лозим бўлади. Натижада бу жараёнда водород мавжудлиги туфайли коксланишни чиқариб келтирувчи дегирирланиш ва конденсацияланиш реакциялари содир бўлмайди. Таркибида олтингугурти бор бўлган нефт хом ашёсини крекинглаш жараёнини водород иштирокида олиб борилса, кам олтингугуртли маҳсулот олиш имконияти яратилади, чунки бу вақтда олтингугуртли бирикмалар гидрирланиб, Н 2 S кўринишида ажралиб чиқади. Нефтни қайта ишлашнинг охирги ва оралиқ маҳсулотлари таркибидан олтингугуртли бирикмаларини ажратиб олиш учун гидрогенизацион жараёнлар қўлланилади. Ҳозирги вақтда гидрогенизацион жараёнлар қуйидаги икки йўналишда олиб борилади: 1. Нефт хом ашёсини паст молекулали углеводородларга айлантириш учун қолдиқсиз тарзда деструкциялаш, яъни гидрокрекинглаш; 2. Турли нефт фракцияларини тўйинмаган ва олтингугуртли бирикмалардан чуқур тозалаш, яъни гидротозалаш (гидроочистка). Гидрокрекинг ва гидротозалаш жараёнлари каталитик жараёнлардир.

Бу гидрогенизацион жараёнларда хом ашё компонентларини ўзгариши қуйидагичадир. Алканлар. Алканлар учун С―С боғни узилиши билан қолдиқларни тўйинтириши ва гидроизомерлаши характерлидир: R – СН 2 СН 2 – R + Н 2 → 2RСН 3 н-С n Н 2n+2 → изо- С n Н 2n+2 . Алканларни гидрокрекингланиш тезлиги уларни парчаланиш тезлигидан жуда кам фарқ қилади. Изомерланиш катализаторни фаол таъсири ҳисобидан амалга ошади. Тармоқланган алкан қолдиқлари тармоқланмаганларига нисбатан водород билан осон тўйиниши туфайли охирги маҳсулотда изо- алканларни тўпланишига олиб келади. Чуқур тарзда алканларни парчаланиши мақсадга мувофиқ эмас, чунки бу вақтда газ, яъни метанни чиқиши ортади. Тўйинмаган углеводородлар. Алканларни парчаланиши ва циклик углеводородларни деалкиллаш жараёнида турли таркибли моноолефин (алкен)лар ҳосил бўлади. Термодинамика нуқтаи назаридан алкенлар гидрирланиш, полимерланиш ва ҳалқаланиш (циклизация) реакцияларига учраши мумкин. Бироқ гидрирланиш реакцияси тезлиги юқори бўлгани сабабли полимерланиш ва циклланиш реакциялари рўй бермайди. Гидрирланиш реакцияси қуйидагича қайтар жараёндир: С n Н 2n + Н 2 ↔ С n Н 2n+2 + Q. Реакция вақтида иккита “С―Н”, битта “С―С” (ажралиш иссиқлиги натижасида) боғ ҳосил бўлади ва битта “Н―Н” ҳамда битта “С=С” (ютиш иссиқлиги) боғлари йўқотилади. Умумий ҳолда гидрирлаш жараёни иссиқлиги тенг: Q гидр. = 2∙93,6 + 71,1 – 103 – 123 = 32,3 ккал/мол. Демак, гидрирлаш жараёни экзотермик бўлиб, иссиқлик ажралиб чиққанлиги сабабли уни паст ҳароратларда ҳам олиб бориш мумкин. Бу ҳолда 0 G ва 1p K бўлади. Аммо реакция тезлиги жуда паст бўлгани

сабабли катализатор ишлатиш талаб қилинади. Гидрирланишнинг классик катализаторлари сифатида қайтарувчи металлар: Pt, Pd, Ni, Fe, Co қўлланилади. Ҳарорат 400°Сдан ортганида олефинларни бориши термодинамик нуқтаи назардан камаяди. Шунинг учун водородбосимини ошиши бу жараёнга анча қулайдир. Олефинларни тузилиши ва молекуляр оғирлигига қараб водород билан тўйиниш тезлиги ўзгаради. Демак, гирирлаш жараёнини тўлиқ бориши катализатор хоссалари, t, P реакция аралашмаси таркиби ва реакцияни бориш даврига (вақтига) боғлиқ экан. Нафтенлар. Гидрокрекинг жараёнида нафтенларни парчаланиши, дециклланиши, деалкилланиши, ҳалқаларни изомерланиши ва моноциклик углеводородларни гидрогенолизланиши содир бўлади. Циклопентан қатори углеводородларини парафинлар ҳосил қилиб, дециклланиши реакциялари гидрогенолиз деб аталади. Масалан, метилциклопентан 300°С да Pt катализатори ва водород иштирокида қуйидаги реакциялар боради. Ароматик углеводородлар. Бу хилдаги углеводородлар учун деалкиллаш ва бензол ядросини гидрирланиши реакциялари хосдир. Натижада бу вақтда ҳосил бўлувчи нафтен углеводородларлари юқорида келтирилган реакцияларга киришади. Бензол ҳалқасини 300°С дан юқорида гидрирланиши мусбат ишорали ΔG қиймати билан характерланади. Шу сабабли жараён мувозанатини тўйинган ҳалқалар ҳосил бўлиши томонига йўналтириш учун водород гази босимини ошириш талаб этилади. Полициклик ароматик углеводородларларини гидрирланиши босқичли кечади. Бунда дастлаб энг чеккадаги ҳалқа ва кейин марказий ҳалқа гидрирланади. Ҳосил бўлган нафтен – ароматик аралашма циклогексан ҳалқасини узиб дециклланиши ёки циклогексан ҳалқасини циклопентан ҳалқасига айлантириб изомерланиши мумкин. Охир оқибат гидрокрекинглаш жараёнини охирги маҳсулотларида нафтен ва парафин углеводородларлари йиғилади. Бензол ва унинг гомологларини гидрирлаш мақсадга мувофиқэмас,

чунки агар юқори октанли бензин олиш керак бўлса, бу ҳолда октан сони камаяди. S, N, O сақловчи моддалар. Таркибида S, N, О сақловчи нефт бирикмалари гидрокрекинг ва гидротозалаш жараёнида Н 2 S, Н 2 О, NН 3 кўринишда ажралиб чиқиши содир бўлади. Демак, охирги маҳсулотларни S бирикмаларидан озод қилиш шароити яратилади. Шунга биноан, гудрон, қолдиқлар ва смоласимон моддаларга бой бошқа маҳсулотларни гидрокрекинглаш қўшимча равишда ёқилғи олиш имкониятини беради. S, N, O бирикмалари учун тааллуқли гидрирлаш реакцияларини қуйидагича ифодалаш мумкин: - меркаптанларни гидрирлаш: RSН + Н 2 → С n Н 2n + Н 2 S. - сулфид ва дисулфидларни гидрирланиши: R – S – R´ + 2Н 2 → RН + R´Н + Н 2 S R – S – S –R´ + 3Н 2 → RН + R´Н + 2Н 2 S - тиофанларни гидрирланиши:2H изо-С 5 Н 12 + Н 2 S - тиофенларни гидрирланиши: 2H С 4 Н 10 + Н 2 S - фенолларни гидрирланиши:

- пиридин асосли моддаларни гидрирланиши: С 5 Н 11 NН 2 → С 5 Н 12 + NН 3 Назорат учун таянч сўз ва иборалар: Академик Зелинский, циклогексан, алканларни дегидроцикллаш, оксидли катализатор, бензол, толуол, ксилол, риформинг, гидроформинг, МоО 3 /Аl 2 О 3 , платформинг, АП-64, дегидроизомерланиш, параметрлар, бензин чиқиши, нафтен миқдори, ҳажмий тезлик, газни чиқиши, коксланиш, айланиш такрорийлиги, гидрокрекинг, Н 2 етишмаслиги, гидрогенолиз, Н 2 S, NН 3 , Н 2 О кўринишида.

Фойдаланилган асосий дарсликлар ва ўқув қўлланмалар 1. Про скуряков Б.А., Дробкина А.Е. «Химия нефти и газа». – М.: Химия, 1995г. 2. Уильям Л. Леффлер. «Переработка нефти» – М.: ЗАО «Олимп-бизнес» 1999 г. 3. Нестеренко Л.Л., Бирюкова Ю.В., Лебедев В.А. «Основы химии и физики горючих ископаемых». Учебное пособие. – Киев: Высшая школа, 1987. – 359стр. 4. Гуревич И.Л. «Технология переработки нефти и газа», ч. I. – М.: Химия, 1972г. 5. Смидович Е.В.. «Технология переработки нефти и газа», ч.п. М.: Химия, 1980г. – 382 стр. 6. Черножуков Н.И. «Технология переработки нефти и газа», ч.ш. – М.: Химия, 1978г. – 423стр. 7. «Химическая технология переработки твердых горючих ископаемых». / Под ред. Г.Н. Макарова, Г.Д. Харламповича). – М.: Химия, 1986г. – 496стр. 8. Белянин Б.В., Эрих В.Н. «Технический анализ нефтепродуктов и газа». Л., Химия, 1975г. 9. Гуреев А.А., Фукс И.Г., Лашхи В.Л. «Химмотология». – М.: Химия, 1986г.

Похожие

Нефтни қайта ишлашдаги гидрогенизацион жараёнлар

Каталитик крекинг

Авт дистиллатларини иккиламчи хайдаш, тозалаш ва ёқимлироқ қилиш

Кимёвий реакторлар

Замонавий нефтни қайта ишлаш заводи