Қаттиқ материалларни майдалаш - Геология - Рефераты

Қаттиқ материалларни майдалаш

Загружено в:

20.09.2019

Скачано:

0

Размер:

696.5 KB

Қаттиқ материалларни майдалаш Режа: 1. Умумий тушунчалар 2. Майдалашнинг асосий қонунлари 3. Майдалаш машиналарининг принципиал схемалари 4. Майдалаш машиналарининг тузилиши 5. Майдаланиш машиналарини ҳисоблаш

1. УМУМИЙ ТУШУНЧАЛАР Майдалаш – майда ўлчамли бўлакчалар фракцияларини олиш учун қаттиқ материалларни механик куч таъсирида емирилиши. Ушбу жараёндан нефть ва газни қайта ишлаш саноатида коксни майдалашда, майдаланган олтингугурт, катализаторлар, тозаловчи гилмоялар ишлаб чиқаришда ва бошқа мақсадларда фойдаланилади. Моддаларнинг диффузияси билан боғлиқ бўлган жараёнларнинг тезлиги фазаларнинг контакт, яъни ўзаро таъсир қилиш юзасига боғлиқдир. Контакт юзанинг катта бўлиши фазаларнинг ичидаги модда тарқалишини ва бир фазадан иккинчи фазага модда ўтишини тезлатади. Контакт юзанинг кўпроқ бўлиши кимёвий жараёнларни ҳам тезлатишга сабабчи бўлади. Айниқса, кимёвий ёки диффузион жараёнларда қаттиқ фаза қатнашса, контакт юзани кўпайтириш алоҳида аҳамиятга эга. Қаттиқ материалларнинг контакт юзаси ташқи куч таъсирида майдалаш йўли билан эришилади. Майдалаш пайтида материал бўлакларининг ўлчами анча камаяди. Қаттиқ материалларни майдалаш жараёни шартли равишда икки турга бўлинади: а) янчиш, яъни материални майда бўлакларга бўлиш (йирик, ўртача ва майда); б) майдалаш (юпқа ва ўта юпқа). Умуман олганда материалларни майдалаш жараёни эзиш, ёриш, ейилиш ва зарба бериш усуллари ёрдамида олиб борилади (5.1-расм). Материалнинг физик-механик хоссалари ва бўлакларининг ўлчамларига кўра у ёки бу усул танлаб олинади. Масалан, қаттиқ ва мўрт материаллар эзиш, ёриш ва зарба бериш усуллари билан қаттиқ ва қовушоқли материаллар эса эзиш ва ейилиш усуллари ёрдамида майдаланади.

5.1-расм . Қаттиқ материалларни майдалаш усуллари: а) эзиш; б) ёриш; в) ейилиш; г) зарба. Материалларни янчиш одатда қуруқ (сув ишлатмасдан) усул билан, юпқа майдалаш эса кўпинча ҳўл усул билан (яъни сув ёрдамида) олиб борилади. Сув ишлатилганда чанг ҳосил бўлмайди ва майдаланган маҳсулотни ташиш осонлашади. Дастлабки ва майдаланган материал бўлакларининг ўлчамларига кўра майдалаш жараёнининг синфланиши 5.1-жадвалда берилган. Майдалаш жараёнининг самарадорлигини аниқлаш учун майдаланиш даражаси тушунчаси ишлатилади. Бу кўрсатгич майдаланишгача бўлган 5.1-жадвал. Майдалаш жараёнининг синфланиши Майдаланишнинг турлари Бўлакларнинг ўртача ўлчами, мм Майдаланиш даражасимайдаланишгача майдалангандан сўнг Йирик янчиш 1500-300 300-100 2-6 Ўртача янчиш 300-100 50-10 5-10 Майда янчиш 50-10 10-2 10-50 Юпқа майдалаш 10-2 2-0,75 100 Ўта юпқа майдалаш 2-0,075 7,5·10 -2 -1·10 -4 -

материал бўлагининг ўртача аниқловчи ўлчами ( d б ) ни майдаланган материал бўлагининг ўртача аниқловчи ўлчами ( d м ) га нисбати билан белгиланади:   d d i б . (5.1) Шарсимон бўлакларнинг аниқловчи ўлчами сифатида диаметр, куб шаклидаги бўлак учун эса – қиррасининг узунлиги олинади. Нотўғри геометрик шаклга эга бўлган бўлакларнинг аниқловчи ўлчамининг ўртача қиймати қуйидагича аниқланади: 3 bh dх   , (5.2) бу ерда  , b, h - материал бўлагининг ўзаро перпендикуляр йўналган учта томонларининг максимал ўлчамлари. Бу ўлчамларнинг ичида энг каттаcи (  ) – узунлик, ўртачаси (b) – кенглик, энг кичиги (h) – қалинлик. Майдаланган бўлакларнинг ўртача аниқловчи ўлчамини аниқлаш учун сараловчи ғалвирлар ёрдамида материал бир нечта фракцияларга ажратилади. Ҳар бир фракциядаги энг катта ва энг кичик бўлакларнинг ўртача ўлчами қуйидагича аниқланади: d ў = 2 min max d d  . (5.3) Аралашмадаги бўлакларнинг ўртача аниқловчи ўлчами қуйидагича ҳисобланилади: n n уn у у a a a a d a d a d d        ... ... 2 1 2 2 11 , (5.4) бу ерда d у1 , d у2 , ..., d уn – ҳар бир фракциядаги бўлакларнинг ўртача ўлчамлари; na a a ,..., , 2 1 – ҳар бир фракциянинг таркиби, массавий %. Материалларни майдалашга мосланган машиналар шартли равишда икки гуруҳга бўлинади: а) материалларни йирик, ўртача ва майда бўлакларга ажратувчи янчиш машиналари; б) материалларни юпқа ва ўта юпқа майдалайдиган тегирмонлар. Умуман олганда майдалаш машиналари очиқ ва чегараланган цикллар билан ишлайди. Очиқ цикл қўлланилганда, материал майдалайдиган ускуна орқали бир маротаба ўтади. Бундай шароитда йирик

ва ўртача янчиш юз беради. Чегараланган циклда эса майдалаш машинасидан чиққан материал синфлаш учун бошқа ускунага юборилади. Бу ускунада катта ўлчамли заррачалар ажратиб олиниб, майдалаш машинасига қайтарилади. Чегараланган цикл материалларни юпқа майдалашда ишлатилиб, энергия сарфини камайтиришга, майдаловчи машиналарнинг иш унумдорлигини оширишга олиб келади. 2. МАЙДАЛАШНИНГ АСОСИЙ ҚОНУНЛАРИ Материал заррачаларининг ўзаро тортишув кучларини енгиш учун, майдалаш пайтида ташқи куч таъсир қилдирилади. Қаттиқ материал янчилганда унинг бўлаклари аввал ҳажмий деформацияга учрайди, сўнгра ҳосил бўлган катта ва кичик ёриқлар бўйлаб емирилиб кетади. Оқибатда янги юзалар ҳосил бўлади. Демак, материални янчиш учун бажарилган иш емирилаётган бўлакларнинг ҳажмий деформацияси ва янги юзаларни ҳосил қилиш учун сарфланади. Материалнинг янчилиши пайтида ҳажмий деформация қилиш учун сарфланган иш А D емирилаётган бўлак ҳажмининг ўзгаришига Δ V га мутаносиб бўлиб, қуйидаги ифода билан аниқланади: А D = КΔ V , (5.5) бу ерда К – мутаносиблик коэффициенти. Янчиш пайтида янги юзаларни ҳосил қилиш учун сарфланган иш А Ю қуйидагича топилади: А Ю = σΔ F . (5.6) бу ерда σ – мутаносиблик коэффициенти, қаттиқ жисмда янги юза бирлигини ҳосил қилиш учун сарфланган иш миқдори; Δ F – қайтадан ҳосил бўлган юза. Янчиш учун сарф бўлган ташқи кучларнинг тўла иши Ребиндер тенгламаси орқали ифода қилинади: А = А D + А Ю = КΔ V + σΔ F . (5.7)

Материалларни янчиш пайтида янги юза ҳосил қилиш га сарфланган ишни ҳисобга олмаса ҳам бўлади, чунки уни нг қиймати анча кичик бўлади. Бундай ҳолатда (5.7) – тенглама қуйидаги кўринишга эга бўлади : А = КΔ V = К 1 d 3 , (5.8) бу ерда К 1 – мутаносиблик коэффициенти; d – бўлакнинг аниқловчи ўлчами. (5.8) – тенглама Кик-Кирпичевнинг янчиш гипотезасини ифода қилади. Бу гипотезага кўра қаттиқ материални янчиш учун сарфланган иш янчилаётган бўлак ҳажмига (ёки массасига) мутаносибдир. Агар янчиш жараёни юқори майдаланиш даражаси билан олиб борилса, (5.7) – тенгламадаги ҳажмий деформация учун сарфланган ишни ҳисобга олмаса ҳам бўлади, чунки унинг қиймати янги юза ҳосил қилишга сарфланаётган ишга нисбатан анча камдир. Бундай ҳолатда (5.7) – тенгламани қуйидагича ёзиш мумкин: А = σΔ F = σ 1 d 2 , (5.9) бу ерда σ 1 – мутаносиблик коэффициенти. (5.9) – тенглама Риттингер гипотезасини ифода қилади. Бу гипотезага кура қаттиқ жисмни янчиш учун сарфланган иш янги ҳосил бўлган юзага мутаносибдир. (5.7) – тенгламанинг ўнг томондаги иккала ташкил этувчиларни ҳисобга олиш зарур бўлган пайтда (майдаланишнинг ўртача даражалари учун) Бонд куйидаги тенгламани таклиф этган: А = К 2 5,2 2 2 3 d К d d   . (5.10) Бонд тенгламасига асосан битта бўлакни янчиш учун сарфланган иш унинг ҳажми ва ҳосил бўлган янги юза ўртасидаги ўртача геометрик қийматга мутаносибдир. (5.8) – (5.10) тенгламалар ёрдамида майдалаш жараёни учун сарфланган ишнинг абсолют миқдорини аниқлаш мумкин эмас, чунки мутаносиблик коэффициентлари (К 1 , σ 1 , К 2 ) нинг қийматлари номаълумдир.

Шу сабабдан ушбу тенгламалар майдалаш жараёнларини ўзаро солиштириш учун ишлатилади. Янчиш машиналари (ёки тегирмонлар) нинг бирорта материални майдалаш учун сарф қиладиган қуввати тажриба йўли орқали аниқланади. Бунинг учун бошқа майдалаш машинасининг ана шу материални майдалаш пайтидаги олинган тажриба натижаларидан фойдаланилади. Агар ишлаб турган тегирмоннинг иш унуми Q 2 , сарфланган куввати N 2 , материалнинг майдаланиш даражаси 2 2/ м б d d ва ишлаб чиқаришга жорий қилинаётган бошқа тегирмоннинг иш унуми Q 1 , майдаланиш даражаси 1 1/ м б d d бўлса, у ҳолатда охирги тегирмоннинг сарф қиладиган куввати N 1 Риттингер гипотезасига асосан қуйидаги тенглама билан топилиши мумкин: N 1 = N 2 22 11 11 22 21 Q Q мб мб мб мб d d d d d d d d       . (5.11) Юқорида баён қилинган гипотезалардан фойдаланиш майдалаш жараёнларини тўғри ташкил қилиш ва бу жараёнларга сарф қилинадиган энергияларни тахминан аниқлаш имкониятини беради. 3. МАЙДАЛАШ МАШИНАЛАРИНИНГ ПРИНЦИПИАЛ СХЕМАЛАРИ Саноатда қаттиқ жисмларни майдалаш мақсадида турли машиналар ва тегирмонлар ишлатилади. Майдалаш машиналарининг принципиал схемалари 5.2-расмда берилган. Ясси қисмли янчигичларнинг ишлаш принципи қуйидагича бўлади. Ясси қисмлар даврий равишда ўзаро яқинлашганда материал эзиш, ёриш ва қисман ейилиш принциплари асосида майдаланади. Конусли янчиш машиналари бир-бирига нисбатан эксцентрик ҳолатда айланадиган иккита конуслар оралиғида материални синиш, эзиш ва қисман ейилиш принциплари ёрдамида майдалашга асосланган. Валли

янчигичларда материал бир-бирига қарама-қарши йўналган валлар оралиғида эзилади. Агар валлар бир хил тезликка эга бўлса материалнинг ейилиши ҳам юз беради. Шнекли янчиш машиналарида материал кесиш ва қисман ейилиш принциплари асосида майдаланишга учрайди. Бол ғал и янчигичларда қаттиқ жисм болғаларнинг зарбаси ва ейилиш таъсирида майдаланади. Шарли тегирмонлар материалларни асосан юпқа ва ўта юпқа майда лаш учун ишлатилади. Бундай машиналар айланувчи ёки вибрация қилинадиган барабандан иборат бўлиб, уларнинг ичига майдаланиши лозим бўлган материал юборилади; материал доналари бир- бири билан тўқнашиб, 5.2-расм . Майдалаш машиналарининг принципиал схемалари: I-янчиш машиналари: а-ясси қисмли; б-конусли; в-валли; г-шнекли; д- болғали; II-тегирмонлар: а-шарли; б-вибрацион шарли; в-дезинтегратор; г- аэродастали; е-ғилдиракли; I-материал; 2-ҳаво.

зарба ва ишқаланиш кучлари асосида майдаланиб кетади. Ғилдиракли тегирмонлар майда янчиш ёки айрим материаллар (шамот, кварц, лой-тупроқ ва ҳоказо) ни дағал янчиш учун ишлатилади. Дағал янчиш пайтида майдаланишдан ташқари зичланиш, ейилиш юз беради ҳамда материалларнинг биргаликдаги аралашмаси ҳосил бўлади. Деэинтеграторлар ва аэродастали тегирмонларнинг ишлаши материалга зарба бериш принципига асосланган. Пурковчи тегирмонлар эса материалларни ўта юпқа майдалаш учун мўлжалланган. Бундай машиналарнинг ишлаш принциплари катта тезлик билан ҳаракат қилаётган ҳаво оқимининг таркибидаги қаттиқ заррачаларнинг бир-бирига ва камера деворларига урилиши ва ишқаланиши оқибатида майдаланиши юз беради. 4. МАЙДАЛАШ МАШИНАЛАРИНИНГ ТУЗИЛИШИ Болғали янчиш машинаси. Бу ускуна (5.3-расм) зарба-марказдан қочма кучлари асосида ишлайдиган янчиш машиналари турига киради. Бу машинанинг ички қисми эскиришга бардошли марганецли пўлат плиталари билан қопланган қобиқ 1, вал 2 ва валга ўрнатилган диск 3 дан иборат. Дискда палецлар 4 ёрдамида болғалар 5 эркин жойлаштирилган. Болғалар ҳам марганецли пўлатдан тайёрланган. Қобиқнинг пастки қисмида колосникли панжара 6 бор. Болғалари бўлган диск 40 м/с тезлик билан айланма ҳаракат қилади. Машинага тушган материал болғаларнинг зарбаси ва плиталарга урилиш зарбаси таъсирида янчилади. Материал колосникли панжара орқали ўтиш пайтида эса қўшимча ейилиш ва эзилишга дуч келади. Болғали янчиш машиналари юқори унумдорликка эга бўлиб, асосан мўрт материалларни майдалаш учун ишлатилади. Эскиришга чидамли бўлган материалларни ишлатилишига қарамасдан, янчигичнинг иш органлари тезда ейилиб кетади, роторини эса даврий равишда балансировка қилиб туриш зарур бўлади.

Шарли тегирмон. Шарли тегирмон майдаловчи жисмлар (металл ёки кварцдан тайёрланган шарлар) билан қисман тўлдирилган барабандан иборатдир. Барабаннинг айланиши пайтида ишқаланиш кучлари таъсирида шарлар барабан билан биргаликда ҳаракат қилиб, маълум баландликка кўтарилгандан сўнг эркин тушиб, материални зарба кучи ва ейилиш натижасида майдалайди. Шарли тегирмонлар бир неча турга бўлинади: диафрагмали; қувурли; стерженли ва ҳоказо. 5.4-расмда шарли диафрагмали те гирмон схемаси кўрсатилган. Бундай тегирмон ён томондан қуйилган 5.3-расм. Болғали янчиш машинаси: 1-қобиқ; 2-вал; 3-диск; 4-палецлар; 5-болғачалар; 6-колосникли панжара. қопқоқлар 1 ва 7 билан беркитилган калта цилиндрсимон барабандан иборатдир. Барабан ичи бўш цапфалар 9 ёрдамида айланма ҳаракат қилади. Қопқоқларнинг биттаси бутун кўндаланг кесими бўйича диафрагмали панжара 6 билан тўсилган бўлади.

Диафрагмали панжара материалнинг катта бўлакларини ва шарларни ушлаб қолиш учун хизмат қилади. Майдаланган материал диафрагманинг тор тирқишлари орқали ўтиб, радиал қирралар 8 ёрдамида йўналтирувчи конус 10 га тукилади, сўнгра ичи бўш цапфа орқали машинадан ташқарига чиқарилади. Юпқа майдалаш учун мосланган тегирмонлар диаметри 25 дан то 150 мм гача булган пўлат шарлар билан тахминан ярмигача тўлдирилган бўлади. Тегирмондаги майдалаш жараёни қуруқ ва ҳўл усуллар билан олиб 5.4-расм . Шарли тегирмон: 1,7-қопқоқлар; 2-зирҳли плиталар; 3-барабаннинг қобиғи; 4-қопқоқли туйнук; 5-ҳаракатланувчи ғилдирак; 6-диафрагмали панжара; 8- радиал қирралар; 9-ичи бўш цапфалар; 10-йўналтирувчи конус. борилади. Ҳўл усул қўлланилганда ҳосил бўлган суспензия юк туширувчи цапфа орқали ташқарига чиқарилади. Шарли тегирмонларнинг майдалаш самарадорлиги ва энергия сарфи майдаловчи жисмларнинг айланиш тезлиги, оғирлиги ва ўлчамларига, ҳўл усул қўлланилганда эса суспензиянинг концентрациясига ҳам боғлиқ бўлади.

Шарли тегирмонлар бир қатор афзалликларга эга: ҳохлаган материалларни майдалаш мумкин; узоқ давом этган иш режимида доимий майдаланиш даражасига эришилади; мустаҳкамлик ва ҳавфсизликни таъмин этади; ишлатиш жуда қулай. Бундай тегирмонлар камчиликлардан ҳам ҳоли эмас: ўлчамлари анча катта; фойдали иш коэффициенти анча кичик; майдаловчи жисмларнинг ейилиши натижасида майдаланган материал заррачалари ифлосланади; машиналарнинг ишлаш жараёнида шовқин ҳосил бўлади. Пурковчи тегирмон. 5.5-расмда қувурли камерага эга бўлган пурковчи тегирмон кўрсатилган. Тегирмон чегараланган қувур 1 дан ташкил топиб, унинг пастки қисмида сиқилган ҳаво берувчи конусли найчалар 6 жойлаштирилган. Майдаланиши лозим бўлган материал тегирмонга инжектор 5 орқали берилади. Қувурнинг ичида уюрма оқим ҳосил бўлади. Уюрмали оқимнинг ичида бўлган заррачаларнинг кўп маротаба ўзаро урилиши натижасида материалнинг майдаланиши юз беради. Оқимнинг тирсак 2 дан ўтишида марказдан қочма куч майдони ҳосил бўлади, бу майдон ёрдамида майдаланган материал сараланади. Катта кинетик энергияга эга бўлган йирик заррачалар қувурнинг ташқи девори томонига интилади ва ҳаракатни давом эттириб қайтадан майдалаш зонасига тушади. Майда

5.5. расм . Пурковчи тегирмон: 1-чегараланган қувур; 2-юқориги тирсак; 3-қиясимон тўсиқли панжара; 4-майдаланган маҳсулотни чиқарувчи қувур; 5-материал берувчи инжектор; 6-сиқилган ҳаво бериб турувчи конусли найчалар. заррачалар эса ҳаво оқими билан биргаликда қиясимон тўсиқли панжара 3 дан ўтиб, қувур 4 орқали ускунадан ташқарига чиқарилади. Бу оқим сўнгра циклон ва енгил фильтрларга юборилади. Пурковчи тегирмонларда юқори даражада бир жинсли бўлган майдаланган маҳсулот олинади, бироқ улар кўп миқдордаги сиқилган ҳавони ишлатилиши сабабли катта энергия сарфини талаб қилади. Шу сабабдан пурковчи тегирмонлар фақат қимматбаҳо маҳсулотларни ўта юпқа қилиб майдалашда ишлатилади. Дезинтеграторлар ва дисмембраторлар . Бундай машиналар мўрт ва юмшоқ материаллар (олтингугурт, тузлар, каолин, бўёқлар ва ҳоказо) ни майдалаш учун ишлатилади. Дезинтегратор валларга ўрнатилиб, қарама- қарши тамонларга қараб айланувчи иккита дисклардан иборат (5.6-расм). Дискларга уларнинг айланаси бўйлаб зарба берувчи палецлар шундай жойлаштирилганки, биринчи дискдаги палецлар қатори иккинчи дискдаги

5.6-расм. Дезинтеграторнинг тузилиш схемаси: 1,2-дисклар; 3-зарба берувчи палецлар; 4-юкловчи воронка; 5,7- шкивлар; 6,8-валлар. иккита палецлар қаторининг ўртасига киради. Марказдан қочма кучлар таъсирида дезинтеграторга тушган материал дисклар ёрдамида машинанинг ички қисмига улоқтирилиб ташланади ва айланиб турган палецларга дуч келади. Бундай ҳолатда материал майдаланиб, палецлар оралиғидаги бўшлиқдан ўтиб, тегирмоннинг пастки қисмига тушади ва ташқарига чиқарилади. Дискларнинг айланиш сони минутига 1200 дан 2200 гача бўлади. Металл бўлакчаларидан тозалаш мақсадида материал дезинтеграторга берилишдан олдин ғалвир ва электромагнитли сепаратордан ўтказилади. Бундай шароитда зарба берувчи палецлар ва дисклар металл парчалари таъсирида бузилишдан сақланади. Дисмембраторларда зарбали палецларга эга бўлган дисклардан биттаси айланувчан бўлади, иккинчиси эса қўзғолмас бўлади ва очиладиган копқоқни ташкил этади. Иккала машиналарнинг ҳам ишлаш принципи бир

хил, бироқ дисмембратор дезинтеграторга нисбатан ихчамроқ машина ҳисобланади. Дисмембраторнинг барабани турли шаклдаги тешиклари бўлган халқасимон тўрнинг ичида айланади. Халқасимон тўрнинг вазифаси, биринчидан керакли ўлчамга эга бўлган заррачаларни элаш, иккинчидан, заррачаларни тўрга урилиши таъсирида уларни майдалашга ёрдам бериш. Вибрацияли тегирмонлар. Бундай машиналар катта қаттиқликка эга бўлмаган материалларни ўта юпқа майдалаш учун ишлатилади (5.7-расм). Ушбу гуруҳдаги машиналар ички бўшлиғининг 70÷80 % вибрация қилувчи шарлар билан тўлдирилган барабандан иборат бўлади. Барабан мувозанатланмаган вал ёрдамида ҳаракатга келтирилади. Материалнинг майдаланиш жараёни вибрация қилувчи шарларнинг жадал ҳаракати ва уларнинг бир-бирлари билан тез-тез тўқнашувлари оқибатида юз беради. Вибрация таъсирини тегирмон фундаментига берилмаслиги учун машинанинг қобиғи пружинали суянчиққа ўрнатилган бўлади. Вибрацияли тегирмонлар даврий ёки узлуксиз режимда материалларни қуруқ ёки хўл усул билан майдалашда қўлланилади. Бундай машиналардан заррачаларнинг ўлчамлари 1÷2 мм дан 60 мкм гача ва ундан ҳам кичикроқ бўлган материалларни ўта юпқа майдалашда фойдаланиш самарали ҳисобланади. 5.7-расм. Вибрацияли тегирмон схемаси: 1-қобиқ; 2-майдаловчи жисмлар; 3-мувозанатланмаган вал; 4- пружинали суянчиқ.

5. МАЙДАЛАНИШ МАШИНАЛАРИНИ ҲИСОБЛАШ Майдалаш машиналарини ҳисоблашнинг асосий мақсади майдаланган заррачаларнинг ўлчамларини, иш унумдорлигини ва талаб қилинадиган қувватни топишдан иборатдир. Ҳисоблаш тартиби ускунанинг турига ва унинг асосий кўрсатгичларига боғлиқ бўлади. Мисол учун шарли тегирмонларни ҳисоблашни кўриб чиқамиз. Энг аввало материалларни майдалашга ҳизмат қиладиган шарларни ҳаракатга келтириш учун зарур бўлган қувват (N ш , Вт) аниқланилади: N ш = GЭ С , (5.12) бу ерда G – берилган иш унумдорлиги, кг/с; Э С – берилган материални майдалашнинг солиштирма энергияси, Ж/кг. Э С нинг қиймати материал юзасининг ускунага киришдаги ва ундан чиқишдаги солиштирма майдонлари қийматлари (Ғ сб ва Ғ со ) га боғлиқ бўлади, яъни Э С =ƒ(Ғ С ). Э С нинг сон қиймати материалнинг турига боғлиқ бўлиб, махсус адабиётларда келтирилган бўлади. Шарли тегирмондан чиқаётган майдаланган материалнинг солиштирма юзаси (Ғ СО , м 2 /м 3 ) қуйидаги тенглама билан аниқланилади:        47,5 10 lg4, 41 6 ном нoм CO d d F , (5.13) бу ерда d ном – R ( d ном )=0,05 шартига жавоб берадиган заррачанинг номинал ўлчами, м. Шарли тегирмонлар учун заррачалар массаларининг ўлчамлар бўйича тарқалиш функциясини қуйидаги соддалаштирилган тенглама орқали топиш мумкин: R = exp       номd d3 , (5.14) бу ерда d – заррачанинг 0 билан d ном ўртасида ўзгарадиган ўлчами. Тегирмонни танлаш пайтида электродвигательнинг қуввати куйидагича топилади: N дв = (1,3 ÷1,5) N ш . (5.15)

Майдаловчи жисмлар (яъни шарлар) нинг массаси қуйидаги тенглама бўйича ҳисобланилади: m ш = φπ R 2 L ρ тш . (5.16) бу ерда φ – барабаннинг тўлдириш коэффициенти; R – барабаннинг ички радиуси, м; L – тўкилган ҳолатдаги шарларнинг зичлиги, кг/м 3 (пўлат шарлар учун ρ тш = 4100 кг/м 3 , керамик шарлар учун эса ρ тш = 1260 кг/м 3 ). Шарнинг диаметри ( d Ш , м) унинг кинетик энергиясининг энг катта ўлчамли материал бўлагини ( d бмах ) емириш учун керак бўлган энергияга тенглик шартига кўра аниқланилади:max 3 2 2 18 б ш ш C ш d EW d     , (5.17) бу ерда ρ ш – шар материаллар и нинг зичлиги (пўлат учун ρ ш =7800 кг/м 3 , керамика учун ρ ш = 2440 кг/м 3 ); W ш – шарнинг тушиш тезлиги, м/с. Шарнинг тушиш тезлиги қуйидаги тенглама орқали топилади:      25 3 2 2 2 16 n R n R g W к k ш   , (5.18) бу ерда R К – барабанга солинган шарлар қатламининг энг кичик радиуси, м; g – эркин тушиш тезланиши ( g =9,81 м/с 2 ); n – барабаннинг айланиш частотаси, с -1 . Ҳисоблаш натижаларига асосланиб, керакли шарнинг стандарт диаметри топилади. Бундай мақсад учун стандарт шар диаметрининг қуйдаги қаторидан фойдаланиш керак (мм ҳисобида): 15; 20; 25; 30; 40; 50; 60; 70; 80; 90; 100; 110; 125. Ҳисобланган диаметрга энг яқин максимал ўлчамга эга бўлган стандарт шар танлаб олинади. Тегирмон двигателининг қуввати қуйидаги тенглама билан ҳисобланади: M ТЮ N дв Lg R K N   60 5,2 , (5.19) бу ерда ρ тю – шарлар ва материалнинг биргаликда тўкилган ҳолатидаги зичлиги; кг/м 3 ; η м – механик ўтказишнинг фойдали иш коэффициенти

(η м =0,9); К N – барабанга юкланган шарлар қатлами қувватининг коэффициенти; R – барабаннинг ички радиуси, м. К N нинг қиймати қуйидаги тенглама ёрдамида топилади: K N = Lg R N ТШ ш5,2 60  . (5.20) ρ ТЮ ни аниқлаш учун куйидаги тенгламадан фойдаланилади: ТЮ = Тш + 1,15 M Ш ТШ          1 , (5.21) бу ерда М – тўкилган ҳолатдаги материалнинг зичлиги, кг/м 3 . (5.21) тенгламадаги 1,15 га тенг бўлган коэффициент шарлар оралиғидаги бўшлиқнинг 15 фоизида майдаланган материал борлигини билдиради.

Адабиётлар рўйхати 1. Скобло А.И., Молоканов Ю.К., Владимиров А.И., Щелкунов В.А. Процессы и аппараты нефтегазопереработки и нефтехимии. – М.: Недра, 200 0 . – 677 с. 2. Молоканов Ю.К. Процессы и аппараты нефтега з опереработки. – М.: Химия, 1980. – 407с. 3. Владимиров А.И., Щелкунов В.А., Щелкунов В.А., Круглов С.А. Основные процессы и аппараты нефтегазопереработки (краткий справочник). – М.: Нефть и газ, 1996. – 155 с. 4. Фарамазов С.А. Оборудование нефтеперерабатывающих заводов и его эксплуатация. – М.: Химия, 1978. – 352 с. 5. Рябов В.Д. Химия нефти и газа. – М.: Техника, 2004. – 287 с. 6. Коннова Г.В. Оборудование транспорта и хранения нефти и газа. – Ростов-на-Дону: Феникс, 2006. – 126 с. 7. Грищенко А.И., Галанин И.А., Зиновьева Л.М. и др. Очистка газов от сернистых соединений при эксплуатации газовых месторождений. – М.: Недра, 1985. – 270 с. 8. Справочник нефтехимика. В двух томах. Том 1. Под редакцией Огородникова С.К. – Л.: Химия, 1978. – 496 с. 9. Справочник нефтехимика. В двух томах. Том 2. Под редакцией Огородникова С.К. – Л.: Химия, 1978. – 592 с. 10. Фукс И.Г., Холодов Б.П. Нефть, газ и продукты их переработки. – М.: Нефть и газ, 1994. – 163 с.

Похожие

Қаттиқ материалларни синфлаш, саралаш ва аралаштириш

Қаттиқ қотишмали коронкалар билан бурғилаш технологияси

Суюқ муҳитларни аралаштириш

Олмосли коронкалар билан бурғилаш

Нефть ва газни қайта ишлаш жараёнлари ва ускуналари