Ўзбекистон Республикасининг ер фонди – ер кадастрининг объекти сифатида - География - Рефераты

Ўзбекистон Республикасининг ер фонди – ер кадастрининг объекти сифатида

Загружено в:

20.09.2019

Скачано:

0

Размер:

108 KB

Ўзбекистон Республикасининг ер фонди – ер кадастрининг объекти сифатида 1

Республикамиз ер фонди ер кадастри билан узвий боғлиқдир. Чунки айнан ер кадастри мамлакатимиз ҳамма ер майдонларида ягона услубият асосида ўт казилади. Ўзбекистон Республикасида ер - давлат мулки, умуммиллий бойликдир, ундан оқилона фойдаланиш зарур. Ер давлат томонидан мухофаза қилинади. Давлат ернинг асосий эгаси сифатида ер фондига эгалик қилиш ва ундан тўғри фойдаланишни ҳам ташкил этиши зарур. Шундай ташкилий тадбирлардан бири дав лат ер кадастри ҳисобланади. Демак, мамлакатнинг ягона ер фонди-ер кадастрининг объекти ҳисобланади. Ер фонди ундан фойдаланишнинг асосий мақсадига қараб қуйидаги тоифаларга бўлинади: 1) қишлоқ хўжалиги ерлари - қишлоқ хўжалиги эхтиёжлари учун ёки шу мақсадларга мўлжалланган ерлар; 2) аҳоли пунктларининг ерлари (шаҳарлар, посёлкалар ва қишлоқ аҳоли пунктлари ерлари), шаҳар ва поселка ва қишлоқ аҳоли пунктлари чегаралари доираларидаги ерлар; 3) саноат, транспорт, алоқа, мудофаа мақсадларида фойдала ниш учун мўлжалланган ерлар; 4) табиатни муҳофаза қилиш, согломлаштириш рекреация мақсадларида фойдаланиш учун мўлжалланган ерлар; 5) тарихий-маданий мақсадларда фойдаланиш учун мўлжаллан ган ерлар; 6) ўрмон фонди ерлари; 7) сув фонди ерлари; 8) заҳира ерлар. Қишлоқ хўжалик эҳтиёжлари учун ажратиб берилган ерлар шу соҳага мўлжаллан ган ерлар деб ҳисобланади. Бу ерлар қишлоқ хўжалиги мақсадларида фаолият кўрсатиш учун зарур бўлган экинзорлар, дарахт зорлар, ички хўжалик 2

йўлллари, коммуникациялар, ўрмонлар, берк сув хавзалари, бинолар ва иншоотлар, аҳоли яшаш жойлари билан банд бўлган ерларга ажратилади. Ҳайдаладиган ерлар, кўп йиллик дархтзорлар (Боғзор, токзор ва тутзорлар), яйловлар, пичанзорлар ва бўз ер лар қишлоқ хўжалиги ерлари жумласига киради. Қиш лоқ хўжалигига мўлжалланган ерлар доимий ёки вақтинчалик фойдаланиш мақсадларида қишлоқ хўжалиги ишлаб чиқариш кооперативларига (ширкатларга), бошқа қишлоқ хўжалик корхоналари, муассасалари ва ташкилотларига, фермер хўжаликларини ташкил этиш ва юритиш, деҳқон хўжалигини, хусусий боғдорчилик, жамоа боғдорчилиги ва узумчилиги учун Республика фуқароларига, ёрдамчи қишлоқ хўжалигини юритиш учун қишлоқ хўжалиги билан шуғулланмайдиган корхоналар; муассасалар ва ташкилотларга бе рилади. Қишлоқ хўжалиги ерларини ирригациялаш ва сувдан фойдаланиш тизимига асосланган қишлоқ хўжалиги ишлаб чиқа ришини ташкил этишнинг асоси ва ерлардан фойдаланиш жараёнида тупроқ унумдорлигини оширишнинг шартидир. Қишлоқ хўжалигида фойдаланиладиган ва суғоришни таъминлай оладиган суғориш манбааси билан боғланган доимий ёки муваққат суғориш тармоғига эга бўлган ерлар суғориладиган ерлар жумласига киради. Суғориладиган ерлар давлат органлари томонидан махсус муҳофаза қилинади, уларни суғорилмайдиган ерлар сарасига ўтказиш алоҳида ҳолларда, тупроқ – мелиоратив ва иқтисодий шароитларни ҳамда ерларнинг сув билан таъминланганлигини, улардаги мавжуд сув ресурсларини ва уларга белгиланган меъёрлашни эътиборга олиб вилоят ҳокимликлари томонидан Ўзбекистон Республикаси Вазирлар Маҳкамаси билан келишилган ҳолда амалга оширилади. Шаҳар ва посёлка доирасидаги барча ерлар шаҳарлар ва посёлкалар ерларига киради. Шаҳар ва посёлкалар ерлари таркибига шаҳар қурилиши ерлари, умумий фойдаланишдаги ерлар, қишлоқ ҳужалигида фойдаланиладиган ерлар, дарахтзорлар эгаллаган ерлар, саноат транспорт, алоқа, мудофаа ерлари 3

ва бошқа мақсадларга мўлжалланган ерлар, табиатни муҳофаза қилиш, соғломлаштириш, рекреацион ва тарихий – маданий мақсадларга мўлжалланган ерлар, сув фонди ерлари ва заҳира ерлар киради. Қишлоқ аҳоли пунктларининг ерларига белгилаб қўйилган чегаралари доирасидаги ҳамма ерлар киради. Қишлоқ ва овул, ўзини-ўзи бошқариш органлари тассарруфидаги қишлоқ аҳоли пунктларининг қишлоқ хўжалиги ҳамда ўрмон хўжалиги корхоналари муассасалари ва ташкилотлари фойдаланадиган ерлар киради. Саноат ерлари жумласига саноат корхоналарига, жумладан ундирма саноат ва энергетика корхоналарига ишлаб чиқариш ва ёрдамчи бинолар ҳамда иншоатлар қурилишига доимий фойдаланиш учун бериб қўйилган ерлар киради. Транспорт ерлари жумласига темир йўл, ички сув транспорти корхоналари, муассасалари ва ташкилотларига транспорт иншоатлари, қурилмалари ва бошқа объектларни ишлатиш, сақлаб туриш, қуриш, қайта қуриш, таъмирлаш, такомиллаштириш ва ривожлантириш соҳасида улар зиммасига юклатилган вазифаларни амалга ошириш учун доимий фойдаланишга бериб қўйилган ерлар киради. Алоқа ерларига алоқа тизими объектларини ҳамда уларга тегишли иншоатларни жойлаштириш, алоқа, радиоэшиттириш, телевидения ва ахборот корхоналари муассасалари ва ташкилотларига доимий фойдаланиш учун бериб қўйилган ерлар киради. Қуролли кучлар, чегара, ички ва темир йўл қўшинларининг ҳарбий қисмлари, ҳарбий ўқув юртлари, корхоналари, муассасалари ва ташкилотларининг жойлашиши ҳамда доимий фаолияти учун бериб қўйилган ерлар мудофаа эҳтиёжлари учун мўлжалланган ерлар деб эътироф этилади. Бошқа мақсадлар учун мўлжалланган ерлар жумласига корхоналар, муассасалар ва ташкилотлар фойдаланадиган, қишлоқ хўжалиги ерлари аҳоли пунктлари, саноат транспорт, алоқа, мудофаа, табиатни муҳофаза қилиш, соғломлаштириш, рекриацион ва 4

тарихий-маданий мақсадларга мўлжалланган ерлар таркибига, шунингдек ўрмон ва сув фондлари таркибига кирмаган ерлар киради. Сув хўжалиги эҳтиёжлари учун корхоналар, муассасалар ва ташкилотларга белгиланган тартибда бериб қўйилган сув хавзалари (дарёлар, кўллар, сув омборлари ва ҳ.) гидротехника ва бошқа сув хўжалиги иншоатлари эгаллаб турган ерлар, шунингдек сув хавзаларининг қирғоқлари ва бошқа сув объектлари бўйлаб ажратиб қўйилган зонадаги ерлар сув фонди ерлари жумласига киради. Табиатни муҳофаза қилишга мўлжалланган ерлар таркибига корхоналар, муассасалар ва ташкилотларга махсус мақсадлар учун берилган давлат қўриқхоналари, миллий ва дендрология боғлари, ботаника боғлари, буюртма боғлар (овчиликка мўлжалланган ерлар бундан мустасно), табиат ёдгорлиги ерлари киради. Касалликнинг олдини олиш ва даволашни ташкил этиш учун қулай, табиий шифобахш омилларга эга бўлган, тегишли муассасалар ва ташкилотларга доимий фойдаланиш учун белгиланган тартибда бериб қўйилган ер участкалари соғломлаштириш ишлари учун мўлжалланган ерлар жумласига киради. Аҳолининг оммавий дам олиши ва туризмни ташкил этиш учун тегишли муассасалар ва ташкилотларга берилган ерлар - рекреация учун мўлжалланган ерлардир. Тегишли муассасалар ва ташкилотларга доимий фойдаланиш учун бериб қўйилган тарихий – маданий қўриқхоналар, меъмориал боғлар, мақбаралар, археология ёдгорликлари, тарихий ва маданий ёдгорликлар жойлашган ерлар тарихий-маданий аҳамиятга молик ерлар қаторига киради. Ўрмон хўжалиги эҳтиёжлари учун бериб қўйилган ерлар ўрмон фонди ерлари деб эътироф этилади. Ўрмонзорлар барпо этиш, жарликларнинг кенгайишини тўхтатиш, шаҳарлар ва саноат марказлари теварагидаги ихота ўрмонзорлари ва кўкаламзор майдонлар барпо этиш учун бошқа мақсадларга мўлжалланган 5

ерлар ўрмон фонди ерлари таркибига белгиланган тартибда ўтказилиши мумкин. Фуқаролар, корхоналар, муассасалар ва ташкилотларга фойдаланиш учун берилмаган барча ерлар заҳира ерлардир. Бундай ерлар жумласига доимий эгалик қилиш ва доимий фойдаланиш ҳуқуқи тугатилган ерлар ҳам киради. Заҳира ерлар, туман ва шаҳарларнинг давлат ҳокимияти органлари тасарруфида бўлади ва қишлоқ хўжалиги мақсадлари учун эгалик қилиш, фойдаланишга ва ижарага беришга мўлжалланади. Туман ҳокими маҳаллий аҳамиятга молик заҳира ерларнинг айрим участкаларини ўз қарори билан посёлка, қишлоқ ва овулларнинг ўзини-ўзи бошқариш органлари тасарруфига бериши мумкин. Қуйидаги 1 – жадвалда Ўзбекистон Республикаси ягона давлат ер фондининг ер тоифалари бўйича тақсимланиши келтирилган. 1 - жадвал Республика ер фондини ер тоифалари бўйича тақсимланиши (2005 йил 01.01 гача бўлган ҳолати) Т.р Ер тоифалари Умумий майдони минг. га. % 1 2 3 4 5 6 7 8 Қишлоқ хўжалик ерлари Аҳоли яшаш ерларининг майдони Саноат транспорт, алоқа, мудофаа ва бошқа мақсадлар учун ажратилган ерлар Ўрмон фонди ерлари Сув фонди ерлари Табиатни муҳофаза қилиш, соғломлаштириш, рекриацион Тарихий–маданий аҳамиятига молик ерлар Давлат заҳира ерлари 25789,8 230,6 1934,2 8050,4 810,2 12,6 7582,5 58,1 0,5 4,4 18,1 1,8 - 17,1 Жами ерлар 44410,3 100,0 6

Жадвалдаги маълумотлардан кўринадики, умумий ер майдонининг 58,1 фоизини қишлоқ хўжалик ерлари, яъни қишлоқ хўжалиги билан шуғулланадиган корхона, муассаса ва ташкилотлар ерларини ташкил қилади. Олиб борилаётган ер ҳисоби шуни кўрсатадики, Ўзбекистонда 2005 йил 1 январга суғориладиган ер майдони 4277,6 минг гектар бўлиб, умумий майдоннинг 9,6 фоизини ташкил этади. Ушбу майдонлардан олинаётган қишлоқ хўжалик маҳсулотлари умумий қишлоқ хўжалик маҳсулотларининг 95,0 фоизини ташкил этади. Шу сабабли ҳам ишлаб чиқариш манбаъларини жадал ривожлантиришда суғориладиган ерлардан тўғри ва оқилона фойдаланишни йўлга қўйиш катта аҳамият касб этади. Ягона ер фонди нафақат фойдаланиш мақсадлари бўйича, балки ҳар бир ердан фойдаланувчилар бўйича ҳам ажратилади. Республикамизда ҳозирги кунда асосий ердан фойдаланувчилар – жамоа, кооператив (ширкат) хўжаликлари, фермер ва бошқа қишлоқ хўжалик корхоналари, муассасалари ва ташкилотлари, саноат, транспорт ва бошқа ноқишлоқ хўжалик корхоналари, муассасалари, қўшма корхоналар ҳамда алоҳида фуқаролар ҳисобланади. Шундай экан, ер кадастри ёрдамида ер фондининг ердан фойдаланувчиларнинг гуруҳлари бўйича ҳам уларни тақсимланиши тўғрисида маълумотлар бериши керак. Ердан фойдаланувчилар гуруҳлари бўйича тавсифлар олиш учун ер кадастри ҳар бир ердан фойдаланувчи учун алоҳида юритилиши лозим. Шу сабабли асосий ер кадастри бирлиги – бу ердан фойдаланувчи субъектдир. Ердан фойдаланиш – бу ягона давлат ер фондининг таркибий қисмини ташкил этган, маълум бир ердан фойдаланувчига қатъий белгиланган мақсадларда давлат томонидан берилган ҳудуддир. Ердан фойдаланувчи субъект маълум майдонга, жойдаги ўрнига, шаклига ва доимий чегарасига эга. Ердан фойдаланувчи субъектга ер бериш ер ажратиш асосида амалга оширилади. Ер участкаларини фойдаланиш учунажратиш ер қонунлари 7

хужжатларида белгиланган тартибда Вазирлар Маҳкамасининг қарори, вилоят, туман ва шаҳар ҳокимиятларининг қарорларига асосан амалга оширилади. Ердан фойдаланувчилар ер участкасидан меёрий хужжатларда белгиланган асосий мақсадлар бўйича фойдаланишлари зарур. Берилиш муддатларига қараб ердан фойдаланиш икки турга бўлинади: доимий ва вақтинчалик. Олдиндан муддати кўрсатилмасдан берилган ерлар муддатсиз ёки доимий фойдаланишдаги ерлар деб эътироф этилади. Ердан муддатли фойдаланиш қисқа муддатли уч йилгача ва узоқ муддатли – уч йилдан ўн йилгача бўлиши мумкин. Ишлаб чиқариш эҳтиёжлари талаб қилган ҳолларда бу муддатлар тегишлича қисқа муддатли ёки узоқ муддатли даврга узайтирилиши мумкин. Яйлов чорвачилиги учун ер участкалари қишлоқ хўжалиги корхоналарига 25 йилгача муддатга берилиши мумкин. Берилган шароитига қараб ерлар бирламчи ва иккиламчи ердан фойдаланишга ажратилади. Бирламчи фойдаланиш тўғридан-тўғри давлат ҳокимияти органлари томонидан ажратилади. Буларга жамоа хўжаликлари, кооперативлар (ширкатлар), бошқа қишлоқ хўжалик корхоналари, саноат корхоналари, транспорт муассасалари, ўрмон хўжаликлари ва бошқалар киради. Бирламчи ердан фойдаланишда қонунда кўзда тутилган тартибда томорқа участкаларига иккиламчи тартибда ер берилиши мумкин. Бунда ширкат (жамоа) хўжалигининг ерларидан иккиламчи фойдаланиш учун ер майдонлари, хўжалик аъзоларининг умумий мажлис қарорига асосан, бошқа ердан фойдаланувчиларга ерлар – маҳаллий ҳокимият қарори бўйича берилади. Муддатсиз ердан фойдаланиш учун ердан фойдаланиш ҳуқуқларини берувчи давлат далолатномаси билан тасдиқланади. Давлат далолатномасига биноан қишлоқ хўжалик корхоналарига бириктирилган ерлар жамоа ерларига ва томорқа ерларига бўлинади. Томорқа ерлари жойларда жамоа ерларидан ажратилади. Қишлоқ хўжалик корхоналари аъзолари, қишлоқ жойларида истиқомат қилувчи ишчилар, хизматчилар ва бошқа фуқаролар томорқа ерлари 8

майдони ер кадастри китобида ҳамда қишлоқ фуқаролар Кенгашининг хўжалик дафтарларида қайд қилган ҳолда расмийлаштирилади. Ер майдонларидан вақтинчалик фойдаланиш давлат ҳокимияти органларининг қарорлари билан расмийлаштирилади. Ердан фойдаланиш ер кадастрининг асосий бирлиги сифатида ўз мазмунига қараб турлича бўлиб, фойдаланиш тавсифи бўйича фарқланувчи турли табиий – тарихий хусусиятларга эга бўлган ер участкаларининг йиғиндисидан иборат. Булар ер турларини ташкил этади. Ер кадастри ердан фойдаланувчи чегарасида ерлар турлари бўйича юритилади. Шу сабабли ер тури ер кадастрининг асосий элементи хисобланади. Турлича табиий хусусиятларга эга бўлган, аниқ бир ишлаб чиқариш мақсадларида фойдаланиладиган ер участкалари ер турлари деб эътироф этилади. Ер турларини таснифлашда айниқса қишлоқ хўжалик ер турларини ажратиш муҳимдир. Қишлоқ хўжалик маҳсулотларини етиштиришда бевосита фойдаланиладиган ер турларига қишлоқ хўжалик ер турлари деб эътироф этилади. Буларга ҳайдалма ерлар, кўп йиллик мевали дарахтзорлар, яйловлар, пичанзорлар, бўз ерлар киради. Қишлоқ хўжалигида бевосита фойдаланилмайдиган ер турлари бўйича ҳам алоҳида ҳисоб юритиб борилади. Булар ўрмонлар, ботқоқликлар, кўллар, йўл ва йўлаклар, қурилишлар, ҳовлилар, кўчалар, майдончалар билан банд ерлар, қумликлар ва қишлоқ хўжалигида фойдаланилмайдиган бошқа ерлардир. Қишлоқ хўжалик экинларини экиш мақсадида тизимли тарзда мунтазам фойдаланадиган ер тури ҳайдалма ерлардир. Бунга экилган кўп йиллик ўтлар ва дам бериш учун қолдирилган шудгор ерлар ҳам киради. Пичанзор ва яйловларни яхшилаш мақсадида ҳайдалиб, чорва учун экилган ўтлар ва дарахтлар орасига экилган майдонлар экин ерларига кирмайди. Сунъий равишда яратилган мевали кўп йиллик дарахтзорлар, бутазорлар ёки ўтсимон кўп йиллик ўсимликлар, маҳсулот берадиган доривор ва техник дарахтзорлар 9

кўп йиллик дарахтзорлар деб юритилади. Уларга боғлар, токзорлар, тутзорлар ва мевали кўчатзорлар киради. Мева ҳосилини олиш учун экилган кўп йиллик дарахтзорлар боғларни ташкил этади. Токзорлар – узум олиш мақсадида экилган ишкомлардир; тутзорлар – ипак қуртини боқиш учун экиладиган тут плантациялари; мевали кўчатзорлар – кўп йиллик маданий мевали дарахт кўчатларини етиштириш учун фойдаланиладиган ерлар таркибига киради. Мунтазам экин экиб келинган, аммо бир йил (куздан-кузгача) ва ундан ортиқ даврда ҳайдалмаган ва фойдаланилмай қолган ерлар бўз ерлардир. Чорва моллари учун дағал хашак сифатида узлуксиз пичан ўриб туриладиган қишлоқ хўжалик ерлари пичанзорлар деб аталади. Кўпроқ пичан ўриб олиш мақсадида ҳолати яхшиланган пичанзорлар ҳам мавжуд. Қишлоқ хўжалигида чорва молларини узлуксиз боқиш учун фойдаланиладиган ерлар яйловлардир. Яйловлар асосан тубдан яхшиланган, маданий, тоғ чорва моллари ўтлайдиган, сув билан таъминланган турларига ажратилади. Тубдан яхшиланган яйловлар – чорва моллари истеъмол қиладиган табиий ўсимликларни бойитиш мақсадида махсус ўт уруғлари сепилган ҳамда саксовул ва бутазорлар ташкил қилинган ер майдонлари; маданийлашган яйловлар – зарурий тартибда ишлов берилган, доимо ўғитлатиб, чорва моллари учун ўт ўсиши яхшиланган вақти – вақти билан чорва моллари ўтлатиладиган яйловлар; тоғ яйловлари – тоғлик ерларда жойлашган яйлов ерлар; чорва моллари ўтлатиладиган яйловлар – хўжалик марказидан узоқ муддатга (бутун мавсум давомида) чорва молларини ўтлаши учун ажратилган яйловлар; сув билан таъминланган яйловлар - мавжуд чорва молларини сув истеъмоли билан таъминлай оладиган, сув манбасига эга бўлган яйловдир. Дарёлар, кўллар ва каналлар атрофида жойлашган яйловлар ҳам сув билан таъминланган ҳисобланади. Ўрмон фонди ерлари – ўрмон дарахтлари билан қопланган, шунингдек, ўрмонга қўшилмаган якка дарахтлар, жарликлар атрофига экилган дарахтлар, 10

қиялик, баландлик, дарё қирғоқларига сув ҳавзалари атрофларига қумликлар ёнларида, ўрмон – боғ ерлари, ўрмон кўчатзорлари, шунингдек, дарахтлари кесиб олинган ўрмон ерлари, очиқ қолган ерлар, сийраклашиб қолган ўрмонлар, ёғоч кесиш учун ажратилган ерлар ва ёнғиндан нобуд бўлган (ёнғинга учраган) ўрмон кўчатзорлари ерларидаир. Ўрмонзорлар учун кўчат етиштиришга ажратилган ер майдонлари ўрмон кўчатхонасидир. Ўрмон учун кўчатзорлар: уруғликдан олинадиган кўчатзор, кўчат экиш учун ер бўлимлари бирламчи (бошланғич) кўчат экиш ерлари, кўкарган қаламчалар ва қаламча қилиб экиладиган кўчатзор бўлимларига бўлинади. Ихота дарахтзорлари – алмашлаб экиш майдонларини шамолдан тўсиш, суғориладиган ва қурилиш иншоатлари таъсирида тупроқ эрозиясидан сақлаш, қурғоқчиликдан ва бошқа табиий ноқулайликлардан асраш мақсадида экиладиган ўрмон дарахтзорларидир. Ботқоқлик–ер ости сувларининг кўтарилиши ҳамда ёғингарчилик натижасида тупроқнинг устки қатлами сернам бўлиб кетган ерлардир. Жарликлар–ер қатламининг эрозия таъсирида ёмон жойлашганлиги ёки тупроқ қуйи қатламларининг генетик ҳолати ва қия кесиклиги бир метрдан ортиқ бўлган ерлардир. Қуйидаги жадвалда республика вилоятлари бўйича асосий ер турлари майдонларининг тақсимланиш маълумотлари келтирилган (2- жадвал). 11

2–Жадвал Республика вилоятлари бўйича ер турлари майдонларининг тақсимланиши (2006 йил 01.01. га бўлган ҳолати минг га ҳисобида) Вилоятлар Умуми й майдон Шу жумладан: Ҳай- далм а ерла р Шун- дан су- ғорил а- диган Кўп йилли к дарах т- зорла р Бўз ерлар Яйлов ва пичан- зорлар Қишлоқ хўжалик ерлари- нинг жами Томор -қа ерлар и Ўрмо н ва бута- зорла р Мелио ратив ҳо-лати ях- шилана -диган ерлар Бошқа ерлар Қорақалпоғист он 16100,6 419,2 419,2 12,0 8,0 4855,2 5294,4 44,6 592,2 27,1 10142, 3 Андижон 430,3 199,1 199,1 28,4 3,9 21,6 253,0 52,2 3,5 1,9 119,7 Бухоро 4193,7 200.3 200,3 24,0 5,2 2685,1 2914,6 55,3 232,5 4,0 987,3 Жиззах 2117,8 477,5 256,6 18,6 6,3 739,0 1241,4 31,8 173,3 7,2 664,1 Қашқадарё 2856,8 669,7 417,7 34,6 23,5 1503,2 2231,0 73,6 109,8 20,9 421,5 Навоий 10937,4 112,6 92,1 10,6 7,0 10009,0 10140,0 20,3 0,7 2,8 773,6 Наманган 717,5 197,2 197,2 36,4 3,.3 158,9 395,8 45,1 24,6 1,4 250,6 Самарқанд 1677,4 477,4 261,9 53,3 4,.5 806,1 1301,3 85,1 11,7 4,5 279,8 Сурхандарё 2009,9 284,7 245,6 34,2 1,7 865,0 1185,6 58,2 201,5 0,2 564,4 12

Сирдарё 427,6 256,2 256,2 7,4 11,3 23,6 298,5 18,8 3,4 4,6 102,3 Тошкент 1513,2 333,9 298,9 42,6 0,8 397,6 774,9 57,7 81,1 1,3 548,2 Фарғона 715,3 256,3 256,3 36,9 - 26,0 319,2 66,9 17,7 1,5 310,0 Хоразм 681,6 212,5 212,5 13.7 5.2 172,3 403,7 41,5 58,5 1,9 176,0 Жами 44410,3 4056, 6 3313,6 352,9 80,7 22263,4 26753,6 651,4 1511,9 79,3 15414, 1 13

2-жадвалдаги маълумотлардан кўринадики республикамиз бўйича асосий қишлоқ хўжалик ери ҳисобланган ҳайдалма ерлар 4056,6 минг гани, яйлов ва пичанзорларэса 22263,4 минг гадан иборат. Эътироф этиш жоизки, кейинги йилларда мамлакат ер фондида бўз ерларнинг майдони асоссиз равишда ошиб кетмоқда. Олинган маълумотларга қараганда, агарда 1993 йилда бўз ерлар майдони республикамиз бўйича 53,6 минг гани ташкил этган бўлса, 2005 йилга келиб 80,7 минг гадан иборат бўлган. Томорқа ерлари билан 651,4 минг га, ўрмонлар ва бутазорлар билан 1511,9 минг га, мелиоратив тайёргарликдаги ерлар билан 79,3 минг га майдон эгалланган. Маълумки, ҳар бир ер тури алоҳида контурлардан иборат. Контур деб одатда бир хил ер турига ҳамда ёпиқ ташқи чегарага эга бўлган майдон тушунилади. У маълум бир майдон ва аниқ бир хўжалик аҳамиятига эгалиги билан тавсифланади. Контурларнинг майдонлари қанча катта бўлса техникадан самарали фойдаланиш шунча қулай бўлади. 14

Похожие

Давлат кадастрларининг ягона тизимида ер кадастрининг ўрни, вазифаси ва аҳамияти

Давлат ўрмон кадастрини юритиш

Ер ости сувлари

Ер ости бойликлари давлат кадастрини юритиш

Ўзбекистон республикасининг геосиёсий келажаги