Урта ва олий мактабларда иктисодий география - География - Рефераты

Урта ва олий мактабларда иктисодий география

Загружено в:

20.09.2019

Скачано:

0

Размер:

115.5 KB

Ўрта ва олий мактабларда иқтисодий география Режа: 1. Иқтисодий география-ўқув предмети ва фан соҳаси. 2. Янги шароитда иқтисодий географиянинг ўқитилиши. 3. Олий мактабларда иқтисодий география. 4. Ўрта мактаб, коллеж ва академик лицейларда иқтисодий география.

Юзага келган сиёсий ва иқтисодий вазият барча фанлар қатори иқтисодий ва социал географиянинг ўқитилиши, унинг назарий ва амалий ривожланиши борасида қатор долзарб масалаларни олдинга сурди. Ушбу муаммоларнинг ечими энг аввало икки асосий нуқтаи назардан келиб чиқиши керак. Бу ҳам бўлса мустақиллик ва бозор муносабатларига ўтишдир. Ўзбекистон Республикасининг дунё ҳамжамиятига алоҳида сиёсий бирлик сифатида қўшилиши унинг бу сиёсий мустақилликни таъминловчи иқтисодий имкониятларини ҳар томонлама ҳисобга олиш ва улардан тўла фойдаланишни назарда тутади. Бозор иқтисодиёти муносабатлари эса ишлаб чиқариш кучларини ривожлантириш ва жойлаштиришга бўлган анъанавий («социалистик») қарашларни, бу йўсиндаги омил ва қонуниятларни тубдан ва қайтадан кўриб чиқишни тақозо этади. Айнан шу икки масала иқтисодий ва социал география фанининг ривожланиши ва ўқитилишидаги асосий вазифаларни белгилаб беради. Албатта, мазкур фаннинг объекти сифатида ишлаб чиқириш кучларининг ҳудудий тарқалиши ёки таркиби сақланиб қолаверади. Унинг предмети ҳам деярли ўз ҳолича, яъни турли район ёки мамалкатларда ишлаб чиқириш кучларинингҳудудий ташкил этиш омил ва хусусиятлари, ҳудудий социал-иқтисодий тизим (система)ларнинг шаклланишидаги қонуниятларини ўрганишдан иборатлиги ўзгармайди. Шу боис унинг асосий назарий тушунчалари (ҳудудий меҳнат тақсимоти, иқтисодий районлаштириш, ҳудудий ишлаб чиқариш мажмуалари, иқтисодий географик ўрин ва бошқалар) ўз аҳамиятини йўқотмайди. Баъзан собиқ Иттифоқнинг парчаланиб кетиши билан илгариги барча назарий тушунчалар ҳам ўз-ўзича барбод бўлади, деган бутунлай нотўғри фикрлар учраб туради. Ваҳоланки, сиёсий тузум, унинг шакли ўзгарсада, фан фанлигича қолаверади. Фақат унинг бош тушунчалари, ўрганиладиган предмети янги социал-иқтисодий ва сиёсий жиҳатдан қайта кўриб чиқилиши, мослаштирилиши керак бўлади, холос. Лекин айрим фанлар борки, уларнинг

фан мақомида сақланиб қолиши, туб моҳияти бутунлай ўзгаради ёки йўқолиб кетади. Бундай фанлар туркумига ўта сиёсийлашган, илгариги социалистик (коммунистик) ғояларни уқтирадиган КПСС тарихи, илмий коммунизм, илмий атеизм кабилар киради. Иқтисодий ва социал географияда эса мазкур фаннинг айни пайтда табиий ва ижтимоий хусусияти туфайли бундай қийинчилик бироз енгил кўчади. Аммо шундай бўлсада, унинг яшовчанлиги ва ҳаётийлигини сақлаб қолиш учун фаннинг мавжуд назарий масалаларини янгича, замонавий талабларни ҳисобга олиб тадқиқ қилиш ва ўрганиш керак. Юқоридаги фикрлардан келиб чиққан ҳолда барча асосий (фундаментал) тушунчаларнинг ҳудудийлиги, аниқлиги оширилиши лозим. Чунончи, ҳудудий ёки географик меҳнат тақсимоти илгаригидек катта кўламда, «Бутуниттифоқ» миқёсда эмас, Ўзбекистон Республикаси, қолаверса, вилоят ва туманлар доирасида тўғри амалга оширилиши назарда тутилади. Худди шундай, аслида, моҳиятан тўғри бўлган ҳудудий ишлаб чиқариш мажмуаси ғояси жуда катта, улкан (қуйи Амударё, қашқадарё ва ҳоказо) маконда эмас, балки уни нисбатан кичик ва ихчам жойларда, инфтаструктура тизими билан таъминланган ишлаб чиқариш буғинларини тўла вужудга келтирилган шароитда шакллантириш зарур. Дарвоқе, илғор хорижий мамлакатларда айнан шундай кичик ва маҳаллий ишлаб чиқариш мажмуаларини ривожлантиришга кўпроқ эътибор берилади. Иқтисодий географиянинг асосий тушунчаси «ҳудудий меҳнат тақсимоти» бўлса, унинг ва умуман географиянинг бош тушунчаси район, районлаштиришдир. Бинобарин, иқтисодий районлаштириш ҳам ўз кўламини, аниқлик даражасини ўзгартирган ҳолда сақланиб қолади. Тўғри, энди Ўрта Осиё ёки Кавказорти иқтисодий райони йўқ, Белоруссия ёки қозоғистон иқтисодий райони ҳам мавжуд эмас. Ҳозир Ўрта Осиё, Болтиқбўйи, Кавказорти, Белоруссия мустақил давлатлари бор. Бас, шундай экан, иқтисодий районлаштириш мустақил давлатлар доирасида ажратилиши ва у пировард натижада ижтимоий-иқтисодий ривожланишни

бошқаришга қаратилиши керак. Масалан, Ўзбекистон Республикаси ҳудудида иқтисодий зоналар (минтақалар), йирик, ўрта ва кичик иқтисодий районлар ажратилиши ва улар мамлакат ишлаб чиқириш кучларини тўғри жойлаштириш, маъмурий-ҳудудий тизимни такомиллаштириш ва халҳ хўжалигини бошқариш сиёсати ҳамда мамлакат иқтисодий ва социал географиясини чуқур, кенг ўрганиш билан боғлиқ равишда амалга оширилиши лозим. Шу йўсинда оламшумул урбанизация, шаҳарлар тараққиёти жараёнини ҳам маҳаллий шароит ва имкониятлардан, тарихий ижтимоий-иқтисодий ривожланиш, халқ хўжалигини ихтисослашувидан келиб чиққан тарзда тушуниш тўғри бўлади. Бу жараённинг истиқболини белгилашда қайси бир Европа мамлакат даражасига қачонджир етиб олиш, албатта айнан ўша ғарбий мамлакатлардаги шароитни ният қилиш қанчалик нотўғри бўлса, ҳар қандай йўл билан қишлоқларни, мавжуд шароитлардан қатъий назар, шошмашошарлик билан шаҳарлар мақомига ўтказиш, сохта (ёлғон) урбанизацияни ривожлантириш ҳам шунчалик ўринсиз ва хатодир. Уйлаймизки, Республика Президенти И.Каримов айтганларидак, Ўзбекистоннинг бозор муносабатларига ўтишида ўз йўли бор экан, шубҳасиз, халқ хўжалиги худудий тузилишининг усутини, қовурғаси бўлган шаҳарлар, урбанизация ривожланишининг ҳам ўзига хос йўли мавжуд. Вазифа – айнан шу йўлларни аниқлаш, уларни илмий жиҳатдан тўла асослаш ва амалиётга тўғри татбиқ этишдан иборатдир. Иттифоқ йўқолиши билан ўз элимизга эътибор кучайди. Худди тарих дарсида ўз халқимизнинг ўтмишини ўрганишдан, адабиётда ўз миллий аломаларимиз асарларидан бошлаганимиздек иқтисодий ва социал географияни ҳам ўз она юртимизни чуқур билишдан бошламоғимиз зарур. Шунинг учун ҳам ўрта ва олий мактабларда Ўзбекистон Республикасини ўрганиш ҳорижий ёки жаҳон мамлакатлари социал-иқтисодий ва сиёсий географиядан олдин бошланиши тўғридир.

Ўзбекистонинг иқтисодий ва социал географияси курси икки асосий қисмдан иборат бўлмоғи лозим. Биринчи қисмда фаннинг объекти ва предмети, ўрганиш методлари, тарихий шаклланиш жараёни, унинг илмий- назарий асослари (ҳудудий меҳнат тақсимоти, иқтисодий районлаштириш, ҳудудий ишлаб чиқариш мажмуалари ва хоказо) ўқитилади. Иккинчи блок бевосита Ўзбекистон Республикаси иқтисодий ва социал географиясига бағишланган бўлиб, у ҳам ўз навбатида икки қисмдан тузилиши мақсадга мувофиқ. Бу ерда аввал республика иқтисодий географк ўрни, унинг табиий шароити ва фойдали қазилмалари, иқлим ва ерсув захирмалари, аҳолиси ва меҳнат ресурслари, халқ хўжалигининг тармоқлар таркиби ва асосий тармоқларининг иқтисодий географик тавсифи берилиши керак. Мазкур қисм ўзбекистон Республикасининг иқтисодий районлаштириши билан ниҳоясига етса, унда том маънодаги географик қисмга «кўприк» ясалган бўлади. Демак, республика иқтисодий ва социал географиясининг ўқитилишида умумназарий, мамлакат халқ хўжалиги тармоқларидан кейин унинг иқтисодий районларига ўтилади. Ўзбекистон ҳудуди бу борада, энг аввало, 4 та асосий иқтисодий минтақа ёки зонага ажратилади: Марказий (Тошкент), Шарқий (Фарғона), Жанубий-/арбий ва қуйи Амударё ёки Шимоли-/арбий минтақалари. Бу минтақалар иқтисодий районлардан, улар эса вилоят кўламидаги районлардан ташкил топади. Шу билан бирга ҳудуди катта ва ички хўжалик тузилиши мураккаб бўлган вилоятларда (масалан, қорақалпоғистон Республикаси, қашқадарё, Навоий, Сурхондарё кабиларда) янада кичикроқ социал-иқтисодий районлар ажратилиши мақсадга мувофиқ. Энг қуйи босқичда эса 160 дан ортиқ қишлоқ маъмурий районлари (туманлари) туради ва уларнинг социал-иқтисодий географиясини ўрганиш ҳам катта вазифа ҳисобланади. Бу борада мактаб ўқувчилари хусусан ўзлари яшаб турган туман географиясини яхши билмоқлари зарур. Ҳозирги замон талабларига кўра иқтисодий ва социал географиянинг ўқитилишида бир қатор асосий йўналишлар борки, улар сиёсий, социал,

экология, иқтисодий, тарих ва географиялаштиришдан иборатдир. Ҳар бир дарс мазмуни худди шу масалалар билан бойитилиши керак. Иқтисодий ва социал географиянинг ўқтилишида ҳозирги куннинг сиёсий масалалари, экологик вазияти, аҳолининг яшаш тарзи ва даражаси, унга хизмат кўрсатувчи тармоқлар, миллий урф-одатларнинг (менталитетнинг) ҳудудий хусусиятлари, шунингдек, бозор иқтисодиётига молик асосий тушунчалар ўқувчиларга ёритилиб бериши зарур. Шу ўринда ўлкамизнинг тарихига ҳам эътибор кучайтирилиши мақсадга мувофиқдир. Тарих ва географиянинг (замон ва маконнинг) бир-бири билан боғлиқлигига қарамай, географиянинг бироз бўлсада тарихи бору, тарихимизнинг географияси ёки тарихий география йўқ ва у яратилиши керак. Дарҳақиқат, араблар ёки мўғуллар истилоси давридаги, соҳибқирон Амир Темур ёки хонликлар вақтида юртимизда хўжалик тармоқларининг аҳволи ва уларнинг ҳудудий тузилишини биз ҳали деярли билмаймиз. Юзаки қараганда, географиянинг географиялаштириш ибораси кулгили ҳисобланади. Аслида эса бу ерда ҳудудни янада чуқурроқ жойларни ҳар томонлама ва катта масштабли ўрганишлар назарда тутилади. қизиғи шундаки, биология фани кичик бир мавжудотларни, ҳужайрани махсус асбоблар (микроскоп) ёрдамида катталаштириб ўрганади. Географияда эса катта ҳудуд-бутун Ер курраси, мамлакат ёки вилоят бир парча қолғозга тушурилиб қаралади. Бу мазмунда айтмоқчимизки, географияда янада анъанавий, катта масштабли комплекс тадқиқотларга ўтиш вақти келди. Жумладан, ўқувчиларнинг географик фикрлашлари мактаб географик майдончаси, ўзлари яшаб турган хўжалик, туман ва вилоят географиясидан бошланиши лозим. Маълумки, географик фикрлаш, географик маданият турли ҳудудий кўламдаги ҳодисаларни бир-бири билан алоҳадорликда ўрганишда шаклланади. У айни пайтда глобал (оламшумул) ва аниқ, комплекс, ҳудудий (регионал) бўлмоғи лозим. Шу давргача биз улкан, жуда йирик ҳудудларни ўрганиш билан шуғулландигу, ўз юртимизнинг нақадар ранг-баранглигини

ўқитмадик. Гап шундаки, илгари Ўзбекистон собиқ Иттифоқ ҳудудида кичик бир жой эди, энди эса унинг ўзи бир дунё! Ана шу дунёни, мустақил мамлакатимиз, жонажон Ватанимизнинг ташқи алоқалари ва ички имкониятларини, жаҳон ҳамжамиятидаги ўсиб бораётган мавқеини, хўжалик тармоқларини, шаҳар ва қишлоқларини, уларнинг ҳудудий тузилишини батафсил ўргатишимиз мустақиллигимизни янада чуқурроқ англаб олишимизга ёрдам беради. Мавжуд тажриба шуни кўрсатадики, географик билимнинг тўлиқ бўлиши учун фақат рақамлар ёки географик элементларни (номенклатур география) ёдлаб олиш етарли эмас. Аксинча, бундай ёндашиш зарарлидир. Худди шундай-у ёки бу жой географиясини ўрганишда маъмурий чегарани «Хитой девори» сифатида қараш ҳам хатодир. Чунки, шу маъмурий чегара ортида ҳам табиат, аҳоли жойлашуви, хўжаликнинг ихтисослашуви деярли шундай (масалан, Фарғона водийсини ёки қайси бир қишлоқ туманини ўрганишда). Демак, географияда ҳам система – структура ёки тизим –таркиб услуби яхши ва тўғри қўлланилиши лозим. Айтмоқчимизки, ўрганилаётган объект-туман, вилоят ёки хўжалик тармоғи айнан бир пайтда ҳам «ёпиқ», ҳам «очиқ» тизим сифатида унинг яхлит бир бутунлиги ва, ўз навбатида, турли қисмлардан иборатлиги, ташқи ва ички, тик ва ётиқ (горизонтал) алоҳалар мавжудлиги ўқувчиларга сингдирилиши зарур. Географик билимдонлик мезони беҳисоб рақамларни ёдлаб олиш билан эмас, балким ҳудудий қонуниятларни аниқлаш билан белгиланади. Шу ўринда, масалан, мазкур фаннинг бош масаласи географиями ёки жўғрофия, океанми ёки уммон каби бемаҳсул баҳслардан воз кечиш керак. Аксинча, ишлаб чиқариш кучларининг ҳудудий тузилиши ва таркиби, табиий бойликлар, аҳоли ва хўжалик тармоқларининг жойлашуви, улар ўртасидаги қонуний алоҳадорликларни ўрганиш муҳимроқдир. Албатта, давлат тили мақомига эга бўлган ўзбек тилининг софлиги, нафис ва жозибалигини тиклашимиз ва сақлаб қолишимиз зарур. Аммо тилимизни энг аввало хорижий (ажнабий) сўзлардан тозалаш керак, халқаро мазмунга эга

бўлган илмий тушунча ёки атамалардан эмас. Шу билан бирга шаҳар ва қишлоқлар, дарё ва кўлларни илк тарихий номларига қайтариш лозим. Лекин Солдатский-Аскарлик, Красногорскийни қизилтоғ Жилгородокни «яшаш шаҳарчаси»га тўғридан-тўғри ўгириш ҳам кулгили ҳолдир. Агар уларнинг эски номи бўлмаса, ўз ҳолича қолавергани маъқул, чунки бу ҳам тарихдир. Худди шундек, иқтисодий районларни иқтисодий ноҳия ёки туман шаклида ҳам ишлатиш ҳам ўта нотўғридир. Агар жуда харур бўлса ноҳия ёки туман атамаларини фақат қуйи маъмурий бирликларга - қишлоқ районларига нисбатан қўллаш мумкин, холос. қолган барча ҳолларда маълум умумийликка эга бўлган реал ҳудудий борлиқлар райондир. География фанининг имкониятлари катта. Улардан тўла фойдаланиш умуминсоний аҳамиятга молик. Зеро, бу фаннинг тарбиявий, миллий мафкурани шакллантиришда роли беқиёсдир. Ушбу фаннинг серқирралиги, бир қарашда бутун бир ҳудудий мавжудотни тўла ва уни ички хусусиятлари билан қамраб олиши барча «қўшни» фанлар билан алоқада бўлишини тақозо этади. Чунончи, ҳозирги пайтда географиянинг тарих, сиёсат, иқтисодиёт, психология, социология, демография сиёсатшунослик ва бошқалар қиррасида ўрганилиши унинг янги-янги йўналишларини очиб беради. Географик ўрганишнинг асосий мақсадларидан бири ҳар бир жойнинг у ёки бу соҳага қулай ёки ноқулайлигини аниқлашдан иборатдир. Шу боис, айтиш мумкинки, табиатда умуман, мутлақ ёмон жой йўқ, балки ёмон ёки нодон географ бордир. Ахир, тоғ ҳам яхши, текислик ҳам, қуруқлик ҳам, сув ҳам, шаҳару-қишлоқ ҳам яхши. Бундай геопара (геожуфтлик) айниқса, биргаликда, ўзгача яхши ва улар оламнинг борлиги ва бутлиги, яхлитлиги ва харакатчанлигини таъминлайди. Иқтисодий география ҳам табиий географиядек ҳудудий нотекисликлар, нобаробарлик билан шуғулланади. Чунки, ҳамма жой бир хил бўлганда, географиянинг ўзи ҳам бўлмасди. Худди шундай, бутун ўтмиш айнан бир-бирига ўхшаш йиллар ва кунлардан иборат бўлганда, тарих ҳам бўлмас эди. Аммо иқтисодий географиянинг илгариги ривожланишида биз фақат ана шу нотекисликларни (аҳоли жойлашуви,

урбанизация жараёни, ишлаб чиқариш кучларини жойлаштириш ва б.) оптималаштиришга, текислашга (нивелирлашга) ҳаракат қилар эдик. Аслида эса, айниқса ҳозирги бозор муносабатлари шароитида ижтимоий-иқтисодий ривожланишининг негизида макондаги тенгсизлик, ҳудудий нобаробарлик, ҳудудий рақобат ётади. Мадомики мутлоқ ҳудудий тенглик, биртуслик йўқ экан, географиянинг бош мақсади ана шу ҳудуднинг ички хусусиятларини, уларнинг келиб чиқиш сабаб ва қонуниятларини ўрганишдан иборатдир. Ўқувчиларнинг ҳам айнан шу йўналишда географик фикрлашларини шакллантириш лозим. Ҳар қандай фаннинг ўқитилиши авваламбор ўқув дастурлари маърузалар матни ва қўлламаларисиз бўлмайди. Бу борада иқтисодий ва социал география олдида талайгина муаммолар мавжуд. Гап шундаки, ҳозирги кунда давлат тили-ўзбек тилида умумтаълим мактабларида ҳам, ўрта махсус ва олий юртларида ҳам ушбу ўқув предмети бўйича дарсликлар жуда оз. Саккизинчи синф учун фақат З.Акромов ва П.Мусаевларнинг «Ўзбекистон иқтисодий ва ижтимоий жуғрофияси» ва олий ўқув юртлари талабларига мўлжалланган Г.Асанов, М.Набихонов, И.Сафаровлар ҳамкорлигида ёзилган «Ўзбекистоннинг итисодий ва ижтимоий жўғрофияси» бор, холос. Яқинда ташкил қилинган коллеж ва академик лицейларда эса аҳвол янада мураккаброқ -ҳозирча уларда география ва шу жумладан иқтисодий география қай даражада ва йўналишда ўқитилиши унча аниқу-равшан эмас. Айтиш лозимки, иқтисодий географиядан дарслик ёзиш ўта маъсулятли ва мушкул иш; ушбу фаннинг ўзига хос хусусиятлари-ҳаракатчанлиги (динамиклиги), сиёсат ва статистика, экология билан алоқадорлиги ҳар қандай дарслик олдидаги қийинчиликларга сабабчи бўлади. Унинг устига, ўтиш даврида иқтисодий ривожланишнинг унча барқарор эмаслиги, пулнинг бироз қадрсизланиши оқибатида маҳсулот қийматининг турли йиллардаги реал ҳолатини ўзгарувчанлиги, горизонтал алоқалар (ишлаб чиқариш кооперацияси)нинг вақтинча бузилганлиги оқибатида баъзи соҳаларда ўсишнинг деярли тўхтаб қолганлиги каби масалалар дарслик муаллифларини

ниҳоятда қийин вазиятга туширади. қолаверса, аввалги бандларда таъкидлаганимиздек, ишлаб чиқаришни ташкил этишнинг ижтимоий ва ҳудудий шакллари: мужассамлвшув, ихтисослашув, кооперация (ҳамкорлик), комбинатлаштириш, ҳудудий ишлаб чиқариш мажмуалари, саноат парки ва тугунлари, ўсиш қутб ва марказлари, технополис, ягона иқтисодий макон, агросаноат мажмуалари, игфраструктура тузилмасига ўхшаш анъанавий ва замонавий тушунчалар янгича талқин қилинишни талаб қилади. Ана шундай шароитда яратилган ўқув дарсликларида баъзи бир камчиликлар бўлиши табиий. Чунки, бу соҳада, яъни илмий мафкура ва дунёқарашда ҳам ўзига хос ўтиш даври кечмоқда. Бинобарин, республикамиз иқтисодий географиясининг чуқур ва кенг, унинг ички турли-туманлиги ва бойликлари, ранг-баранглигини тўлақонли даражада таърифловчи ва тавсифловчи ҳаммабоп дарсликларни тайёрлаш барчамизнинг олдимизда турган асосий масаладир. Шу боис келажакда янги-янги, такомиллашган дарсликлар турининг кўпайиб бориши, аста-секин Ўрта Осиё давлатлари ва ҳатто дунё мамлакатлари иқтисодий ва сиёсий географияси тўғрисида ҳам дасрликлар яратилиши айни муддаодир. Шу билан бирга турли хўжалик тармоқлари ва ҳудудларига бағишланган ўқув қўлланмалар ва методик кўрсатмаларни тайёрлаш ҳам катта амалий аҳамиятга эга. Чунончи, саноат, қишлоқ хўжалиги, шаҳарлар ва аҳолига хизмат кўрсатиш соҳалари географиясига оид ҳамда алоҳида вилоят ва иқтисодий районлар таърифига доир ўқув қўлланмаларининг яратилиши ўқувчи-талабалар билимларининг кенгайиши ва мустаҳкамланишига ёрдам беради. Ҳозирга қадар айрим ҳудудлар-Самарқанд Хоразм, Наманган, Сурхондарё, қашқадарё, Бухоро ва бошқа вилоятлар географияси тўғрисида ҳар хил ҳажмдаги қўлланмалар тайёрланган. Ҳатто қибрай туманининг иқтисодий ва ижтимоий харитаси ҳам нашр эттирилган. Бу, албатта, таҳсинга лойиқ ишлардир.ва улар Ватан географиясини чуқурроқ ўрганишга асос бўлиб хизмат қилади.

Собиқ Иттифоқ давридаги олий ўқув юртлари дастурларида «Ўз ўлкасини ўрганиш»га ҳам соат ажратиларди ва ўлка сифатида Ўзбекистон тушуниларди. Энди эса геосиёсий вазият тамомила ўзгарди: ватанимиз том маънода Ўзбекистон, ўлкамиз эса яшаб турган жойимиз-вилоят ва районлар бўлди. Демак, уларни ҳам атрофлича ўрганиш вақти етди, зеро, «Ватан остонадан бошланади» дейишади. Аммо, талаба ва ўқитувчиларимизга бу хусусда ҳамма вақт нимадир етишмай келган: авваллари соат етишмаган бўлса, энди эса ўқув материаллари кам. қолаверса, мамлакат географиясини ўқитиш учун ҳозирча ўқув харита ва атласлар ҳам оз. Шунинг учун умумий ўрта, ўрта махсус ва олий мактаблар олдида турган долзарб муаммолар ҳам ўз ечимини топмоғи лозим. Дарсликлар мазмунида ва ўқитиш жараёнида география, шу жумладан иқтисодий географиянинг ўқув предмети ва унинг айни пайтда алоҳида фан эканлиги, таълим-тарбия билан биргаликда илму-фан элементлари ҳам юқорига борган сари кўпайиб ва чуқурлашиб бориши керак. Айтмоқчимизки, талабалар иқтисодий географияни фақатгина дунё борлиғини билиб олувчи оддий ўқув предметигина эмас, балки бу борлиқ сирлари ва қонуниятларини ўргатувчи алоҳида ва замонавий фан даражасида ҳам англамоқлари зарур. Республикамизда 1997 йилда қабул қилинган Таълим тўғрисидаги қонун ва кадрлар тайёрлаш бўйича Миллий дастурни амалга ошириш олинадиган билимларнинг анча «ёшариши» ва замонавийлашувини назарда тутади. Мамнунлик билан қайд этиш жоизки, ҳозир ҳам мамлакатимиз вакиллари турли фанлар бўйича ўтказилаётган халқаро ўқув олимпиадаларида юқори кўрсаткич ва натижаларга эришмоқдалар. Бу, албатта, ўқитувчиларимизнинг ўз касбига фидоийлиги, сидқи дилдан хизмат қилишлари маҳсулидир. Шубҳасиз, эришилган ютуқлар ўзимизники, улар келажаги буюк бўлган Ўзбекистон учун хизмат қилади. Шу билан бирга умумтаълим мактабларда, коллеж, академик лицей ва олий ўқув юртларида билим ва илм, таълиму фан муштараклигини таъминлаш, уларни ўзаро уйғунлаштирилган ҳолда олиб бориш керак.

Билим олиш узлуксиз жараён, унинг доираси киши ҳаёти давомида кенгайиб бораверади. Айни вақтда тобора катталашган билим доираси шунга мувофиқ, янади каттароқ ноаниқликка, мавҳумликка тақалаверади. Демак, қанча кўп билсак, яна ундан ҳам кўпроқ билмаслигимиз, била олмаслигимиз аён бўлаверади. Билим кенгайиб бориши, тўпланиши ва йиғилиши, бинобарин, у миқдори кўрсаткичлар билан белгиланса, илму фан олган билимларни таҳлилу ташҳис, чуқур идрок ва мушоҳада қилиш каби сифатий мезон билан ифодаланади. Тўпланган билим «қайта ишлангандан» (илмий монография, дарсликлар ёзиш, аспирантлар тайёрлаш ва бошқа шаклларда) сўнг, яъни сабаб-оқибат алоқадорлиги, объектив қонуниятларни англаб олинганидан кейингина у фанга, илму-амалга айланади. Шу нуқтаи назардан илм билимнинг натижасидир; билим ўзининг кенглиги билан, илм эса чуқурлиги билан тавсифланади. Билим тоғ бўлса, илм унинг чўққисидир, билим агар океан бўлса, илм унинг энг чуқур нуқтасидир. Илм муайян тартибга ва тизимга солинган билим демакдир. Муайян йўналишдаги илмий-тадқиқот ишлар, назарий-услубий ва методик асослар мажмуаси алоҳида фанларнинг шаклланишига олиб келади. Бу ўринда фан илмнинг ҳосиласидир. Бироқ билимни киши фақат китобдан эмас, балки ҳаётдан олиши ҳам зарур, зеро ҳаёт мактаби, кундалик жонли мушоҳада баъзан барча манбалардан ҳам муҳимроқ ва бойроқ. қолаверса, китоб ҳам қачондир объектив борлиқ, ҳаётдан олинган. Аммо, билимдон кишиларнинг ҳамалари ҳам илм чўққиларига эришавермайди, олим бўлиш даражасига етишмайди. Бу янада машаққатлироқ ва мураккаброқ фаолиятдир. Ана шундай мушкул, айни чоғда жамият тараққиёти учун маъсулиятли ва шарафли ишларга ҳам ўқувчиларимизни, иқтидорли талабларни жалаб қилиш ва тайёрлаш замон тақазосидир.

А д а б и ё т л а р 1.Бабурин В.Л., Мазуров Ю.Л, Географические основы управления. М, 2000 2.Голубчик М.М., Евдокимов С.П., Максимов, Г.И., История географии- (Смоленск, 1998) 3.Григорьев А.Г. География в современном мире.-М, Просвеҳение, 1999. 4.Каримов И. Ўзбекистон ХХ I аср бўсағасида: хавфсизликка таҳдид, барқарорлик шароитлари ва тараққиёт кафолатлари. –Т:Ўзбекистон, 1997. 5.Машбиц Я.Г. Основы страноведения.-М: Просведение, 1999. 6.Максаковский В.П. Историческая география мира.-М., 1999. 7.Прохоров Б.Б. Прикладная антропоэкология.-М., 1998. 8.Ратанова М.П. Экологические основы обҳественного производства.- Смоленск, 1999 9.Саушкин Ю.Г. Экономическая география: теория, методы, практика.- М:Мысль,1978. 10.Солиев А., Маллабоев Т. Иқтисодий ва социал географияда айрим қонуниятларни ўрганиш методикаси. -Т.,1988. 11.Солиев А. Иқтисодий ва ижтимоий географиянинг долзарб масалалари.- Т., 1995. 12.Солиев А. Маҳамадалиев Р.Й. Иқтисодий география асослари.-Т., 1996 13.Солиев А., Каршибоева Л. Иқтисодий географиянинг назарий ва амалий масалалари.-Т.,1999. 14.Шаригин М.Д. Основные проблемы экономической и социальной географии.-Пермь,1997. 15. г.ф.д., проф. Солиев А.С доц . Жумахонов Ш . Иктисодий ва социал география. Маъруза матни 16. WWW.ZiyoNet.uz

Похожие

Бозор иктисодиёти ва иктисодий география

Узбекистонда география таълими. Узбекистон худудида чор Россияси босиб олгангача география фанини ўқитиш

Умумий урта таълим мактабларининг география дарсларида Карорлар шажараси методидан фойдаланиш

Узбекистон иктисодий-ижтимоий география курси укитишнинг методикаси. Дуне давлатлари ижтимоий-иктисодий географиясини укитиш методикаси

Демографик жараёнлар ва ижтимоий - иктисодий муаммолар Урта Осиё Республкиалари материаллари асосида