Сувнинг оқиш тезлигини ўлчайдиган асбоблар - География - Рефераты

Сувнинг оқиш тезлигини ўлчайдиган асбоблар

Загружено в:

20.09.2019

Скачано:

0

Размер:

84 KB

Сувнинг оқиш тезлигини ўлчайдиган асбоблар Режа: 1. Сувнинг оқиш тезлигини ўлчайдиган асбоблар 2. Гидрометрик парракларни тарировкалаш 3. Гидрометрик паррак ёрдамида тезликларни ўлчаш

Дарё участкасининг ҳолатига, нишаблигига, ўзаннинг тузилишига боғлиқ ҳолда кўндаланг кесимда тезликнинг тақсимланиши турлича кўринишда бўлиб, уларни ўлчаш ва ҳисоблаш ҳам мураккабдир. Ушбу мавзуда тезликларни ўлчайдиган асбоблар, уларнинг турлари ва тузилиши, ишлаш тамойиллари ёритилади. Ҳозирги кунда сувнинг оқиш тезлигини ўлчайдиган жуда кўп асбоблар ва қурилмалар мавжуд бўлиб, уларни шартли равишда иккита катта гуруҳга ажратиш мумкин: 1) сувнинг оқиш тезлигини тўғридан тўғри ўлчашга имкон берадиган асбоблар (қалқималар); 2) сувнинг оқиш тезлигини тўғридан тўғри аниқлашга имкон бермайдиган, лекин сув режимининг бирорта элементини ёки асбобнинг кўрсаткичини аниқлаш ёрдамида тезликни ҳисоблаб топиш. Масалан, тезликни гидрометрик паррак ёрдамида ўлчаш парракнинг 1 секунддаги айланишлар сонини аниқлашга асосланган. Бундай ҳолатда сувнинг оқиш тезлиги (V) парракнинг айланишлар сонига (n) боғлиқҳолда махсус графикдан топилади. Гидрометрик паррак сувнинг оқиш тезлигини ўлчашда қўлланиладиган энг асосий асбобдир. Бу асбоб ёрдамида сувнинг оқиш тезлигини 1-3 % гача хатоликда аниқлаш мумкин. Шу билан бирга гидрометрик паррак сувнинг оқиш тезлигини жонли кесманинг исталган нуқтасида ўлчаш имконини беради. Гидрометрик паррак сувнинг оқиши натижасида ҳаракатга келиб, унинг айланиш тезлиги сувнинг оқиш тезлигига боғлиқ бўлади, аниқроғи тезлик қанча катта бўлса, паррак ҳам шунча тез айланади. Парракнинг бир секунддаги айланишлари сонини аниқлаб, сувнинг оқиш тезлигини қўйидаги ифода ёрдамида ҳисоблаш мумкин: V  V 0  K  n ,

буерда: V –сувнинг оқиш тезлиги, м/сек; V 0 -бошланғич тезлик, м/сек; К- коэффициент, n -парракнинг 1 секунддаги айланишлари сони. Кўпчилик ҳолларда V 0  0,03 - 0,07 м/сек оралиғида бўлади. Гидрометрик парракларни тарировкалаш Тажриба асосида парракнинг айланишлари сони n билан сувнинг оқиш тезлиги V орасидаги боғланишни топиш гидрометрик парракни тарировкалаш дебаталади. Тарировкалаш мақсадида ўтказиладиган тажриба табиат ҳодисасига тескари олиб борилади. Маълумки, табиий шароитда гидрометрик паррак сув оқими таъсирида айланади. Тарировкалашда эса унга тескари ишолиб борилади, аниқроғи сув массаси тинч ҳолатда бўлади, гидрометрик паррак эса белгиланган S масофада турли тезликларда ҳаракатлантирилади. Маълум t вақт ичида белгиланган тезликда ҳаракатлантирилган гидрометрик парракнинг умумий айланишлари сони n ни аниқлаймиз. Энг кичик тезликдан бошлаб, тезликларни секундига 3 мгача ўзгартириб, тажрибани қайта-қайта такрорлаймиз. Қайд этиш лозимки, тажриба секундига 3 мдан ортиқ тезликда ўтказилмайди. Тажрибалар сони 15 тадан 30 тагача бўлиши мумкин. Ҳар бир тажриба натижасида аниқланган V ва n лар қайд этиб борилади: V 1  n 1 ; V 2  n 2 ; V 3  n 3 ваҳоказо. Сўнг тажрибалар натижаларидан фойдаланиб, V  f ( n ) боғланиш графиги чизилади. Тажрибалар махсус тарировка ҳавзаларида ўтказилади. Улар икки турда бўлади: 1) тўғриўзанли канал шаклида; 2) ўзани айланашаклида. Ушбу ҳавзаларда гидрометрик паррак 5-10 ммасофада ҳаракатлантирилади. Юқорида қайд этилган тажрибалар мажмуаси 4-5 марта қайтарилади. Тарировкалашда дастлаб, парракни жуда кичик тезлик билан ҳаракатлантиришга алоҳида эътибор бериш лозим. Жуда кичик тезликда

паррака йланмайди, тезлик0,04 м  с атрофида бўлганда паррак секин-аста айлана бошлайди. Заводда ишлаб чиқарилган ҳарбитта гидрометрик паррак албатта тарировка қилинади. Тарировка қилинган гидрометрик парракни иккийил давомида ишлатиш мумкин. Гидрометрик паррак билан тезликни ўлчашдан олдин унинг ишга яроқлилик ҳолати махсус текширувдан ўтказилиши лозим. Айниқса асбобнинг паррагига алоҳида эътибор берилиши шарт. Шу тарзда гидрометрик паррак ўлчаш ишларига тайёрланади. Тарировка маълумотларини ишлаб чиқиш. Гидрометрик парракни тарировкалаш маълумотлари график ёки аналитик усулда ишлаб чиқилиши мумкин. Лекин бунда график усули асосий ҳисобланади. Чунки график усулдан фойдаланиб, тарировка маълумотларини ишлаб чиқиш оддий ва шу билан бирга натижа яққолкўриниб туради. График усулни қўллашда V ва n ларнинг тажриба вақтида аниқланган жуфт қийматлари бўлиши керак. График миллиметровка қоғозга чизилади ва гидрометрик парракнинг паспорти ҳисобланади. Тарировкалаш графигидан амалда фойдаланишда хатоликни камайтириш учун шу график асосида қуйидаги кўринишга эга бўлган ҳисоблаш жадвали тузилади

15-жадвал Парракнинг айланишлари сони n га боғлиқ ҳолда тезлик V ни аниқлаш жадвали n V , м / с 0,0 0 0,0 1 0,0 2 0,0 3 0,0 4 0,0 5 0,0 6 0,0 7 0,0 8 0,0 9 0, 0 0,0 3 0,0 5 0,0 7 0,0 9 0,1 1 0,1 3 0,1 5 0,2 1 0,2 7 0,3 3 0, 1 0,3 47 0,3 6 0,3 8 0,3 93 0,4 06 0,4 19 0,4 32 0,4 45 0,4 58 0,4 71 0, 2 0,4 85 0,4 98 0,5 11 0,5 24 0,5 37 0,5 5 0,5 52 0,5 55 0, 3 Жадвалдаги 0,03 ва 0,15 м/с тезликлар n га боғлиқҳолда графикдан аниқланади. Уларнинг оралиғи эса интерполяция усули ёрдамида тўлдирилади. Тезликнинг ундан кейинги қийматларини топиш учун  V аниқланади ва унинг қийматлари асосида тезлик 5 м/сга етгунча ҳисоблашлар давом эттирилади. Юқорида баён этилган ишлар тажрибали муҳандислар томонидан амалга оширилади. Гидрометрик паррак ёрдамида тезликларни ўлчаш Ушбу мавзуда дарёларда сувнинг оқиш тезлигини гидрометрик паррак ёрдамида ўлчаш усуллари, паррак диаметри ва чуқурликка боғлиқҳолда тезликни ўлчаш тартиби, тезликни нуқта ҳамда интеграцион усулларда ўлчаш вақтида бажариладиган ишлар ёритилади.

Гидрометрик паррак ёрдамида тезликларни ўлчаш вақтида асосан қуйидаги икки усул қулланилади: 1) Нуқта усули 2) Интеграцион усул Нуқта усулини қўллашда чуқурлик вертикалида маълум нуқталар танланади. Агар вертикалда 5 та нуқтада тезликларни ўлчамоқчи бўлсак, уларнинг чуқурликлари қуйидаги тартибда белгиланади: 1-нуқтада паррак сув юзасидан 10 см чуқурликка туширилади; 2-нуқта 0,2h чуқурликда; 3-нуқта 0,6h чуқурликда; 4-нуқта 0,8h чуқурликда; 5-нуқта ўзан тубига яқин бўлади. Агар ўзанда сув ўтлари ривожланган бўлса, 0,4h чуқурликдаги нуқта ҳамқўшилади. Кўриниб турибдики, вертикалнинг чуқурлиги 0,5 мбўлса, тезликни 5 нуқтада ўлчаш мумкин эмас. Тезликлар чуқурликларга боғлиқ ҳолда 3 тануқтада (0,2h; 0,6h; 0,8h), 2 тануқтада (0,2h; 0,8h), 1 тануқтада (0,6h) ўлчанади. Тезликларни гидрометрик паррак диаметрига, чуқурликка боғлиқ ҳолда вертикалда нечта нуқтада ўлчаш мумкинлиги қуйидаги жадвалда тавсия этилади (16-жадвал).      

16-жадвал Гидрометрик паррак диаметри ва чуқурликка боғлиқ холда нуқталар сонини белгилаш d  12-13 см d  5-7 см h , м Нуқталар сони h , м Нуқталар сони  1,00 5 та  6,00 5 та 0,6-1,0 3 та 0,4-0,2 3 та 0,35-0,60 2 та 0,20-0,40 2 та 0,20-0,35 1 та 0,10-0,20 1 та Ҳар бир нуқтада вертушкани камида 100 секунд ушлаб туриш керак. Нуқта усулида тезликларни ўлчаш вақтида ҳар бир нуқтадаги тезликни t вақт (100 сек) давомида парракнинг умумий айланишлари сони n га боғлиқ ҳолда аниқлаш мумкин (агар пульсация ҳодисасининг қонунияти аниқ бўлса). Акс ҳолда нуқтадаги тезлик сигналлар сони бўйича аниқланади. Шу мақсадда алоҳида-алоҳида сигналлар учун кетган вақт белгиланади. Интеграцион усул. Бу усул ёрдамида вертикалдаги ўртача тезликни (а) ёки бутун жонли кесма бўйича ўртача тезликни (б) тўғридан-тўғри аниқлаш мумкин. Вертикалдаги ўртача тезликни интеграцион усул билан аниқлашда гидрометрик паррак аста-секинсув юзасидан ўзан тубига туширилади. Шу вақт давомида қайд этилган сигналлар сони санаб борилади. Гидрометрик парракни сув юзасига кўтариб олишда ҳам юқоридаги қайд этилганларга амал қилиш керак. Энг муҳими, гидрометрик парракни тушириш тезлиги уни кўтариш тезлигига тенг бўлиши керак. Жонли кесма бўйича ўртача тезликни интеграцион усул билан аниқлаш катта тажриба ва маҳорат талаб қилади. Бунда қайиқни бир хил тезликда бошқариш керак. Тезликни интеграцион усул билан ўлчашда вақтдан ютамиз. Бу усул биринчи марта Ўрта Осиёда Б.А.Симбирский томонидан қўлланган. Утезликни олдин нуқта усули билан ўлчаган, сўнги интеграцион усулдан фойдаланган. Уларни солиштирганда орадаги фарқ жуда кам бўлган.

Адабиётлар: 1. Барышников Н.Б., Галактионов И.И., Скородумов Д.Е. Методические указания по курсу «Гидрометрия».-Л. Гидрометеоиздат,1975. 2. БыковВ.Д., ВасильевА.В. Гидрометрия. -Л.: Гидрометеоиздат, 1965. 3. ЖелезняковГ.В. Гидрологияигидрометрия. -М.: Высш. шк, 1981. 4. КарасевИ.Ф., ВасильевА.В., СубботинЕ.С. Гидрометрия. -Л.: Гидрометеоиздат, 1991. 5. КарасевИ.Ф., ШумковИ.Г. Гидрометрия. -Л.  Гидрометеоиздат, 1985.

Похожие

Чуқурликларни ўлчаш усуллари ва унда қўлланиладиган асбоблар

Ўзи ёзар сув ўлчаш қурилмаси лентасини қайта ишлаш

Нуқтадаги ҳамда вертикалдаги ўртача тезликларни ҳисоблаш

Гидрометрик паррак ёрдамида аниқланган тезлик асосида сув сарфини ҳисоблаш

Сувнинг табиий ва химиявий хоссалари