O`rta Zarafshon okrugi - География - Рефераты

O`rta Zarafshon okrugi

Загружено в:

20.09.2019

Скачано:

0

Размер:

59 KB

O`rta Zarafshon okrugi Reja: 1. Geografik o`rni 2.Samarqand botig`i 3.O`rta Zarafshon okrugi 4. O`rta Zarafshon okrugida tabiiy resurslar

Bu okrug Turkistonning markaziy yyer po`stining tektonik jarayonlar natijasida cho`kkan qismida joylashgan Zarafshon vodiysining o`rta qismini o`z ichiga oladi. Zarafshon vodiysi deyarli kenglik bo`yicha sharqdan g`arbga 766 km cho`zilgan bo`lib, g`arb trmoni ochiq va nishabdir. Lekin, biz O`rta Zarafshon okrugi deganda faqat O`zbekiston hududidagi Samarqand botig`i deb ataluvchi qisminigina tushunamiz. Bu qismda okrug aniq tabiiy chegaralar bilan o`ralgan bo`lib, g`arbda Quyi Zarafshon okrugidan Xazar yo`lagi orqali ajralib turadi. O`rta Zarafshon okrugi shimol tomondan Chumqartog`, G`o`bdintog`, Qaroqchitog`, Oqtog` va Qoratog`, janubdan Qoratepa, Ziyovuddin va Zirabuloq tog`lari bilan o`ralgan, sharqiy chegarasi esa shartli ravishda Tojikiston bilan bo`lgan chegara orqali o`tadi. Okrugning yyer tozasi asosan paleogen, neogen va antropogen davr cho`kindi jinslaridan tarkib topgan. Bu jinslarning ustki qismini esa Zarafshon daryosi va uning irmoqlari olib kelgan allyuvial yotqiziqlar qoplab olgan. Bu yyer neogen davrigacha dengiz bo`lgan. Neogen davridagi alhp orogenetik jarayon ta`sirida vodiy quruqlikka aylangan, Zarafshon daryosi o`z o`zanini chuqurlashtirib, qator kayirlar hosil qilgan. Okrugning sharqiy qismida 6 ta qayiri bor. Bu qayirlar to`rtlamchi davrning allyuvial, prolyuvial, eol jarayonlari tufayli vujudga kelgan shag`al, konglomerat, qumoq, qum, gil va lyoss kabi jinslardan tashkil topgan. Okrugning eng baland tog` oldi qismlarida va Zarafshon daryosining 5—6 qayirlarida ko`proq quyi to`rtlamchi davrning shag`al, konglomerat kabi jinslari uchrasa, 3—4 qayirlarida o`rta va yukori to`rtlamchi davrning qumoq, qumli va lyossimon yotqiziklari joylashgan. Zarafshonning 1—2 qayirlarida va eng yangi kayirlarida hozirgi zamon yumshoq jinslari keng tarqalgan. Okrugning markaziy qismidan oqib o`tuvchi Zarafshon daryosi neogen davrida shakllangan bo`lib, uzoq geologik tarixga ega. U vujudga kelgandan so`ng antropogen davriga qadar Turon tekisligining o`rta qismida oqqan. Antropogen davrining boshlar.ida, Zarafshon daryosi hozirgi Qizilqumning janubiy qismini

kesib o`tib, janubi-g`arbga qarab ancha masofada oqib, Qoraqumning markazi orkali uning janubiy qismidan o`tuvchi Ko`hna Amudaryoga quyilgan. Chunki bu davrlarda Zarafshon daryosiga Qashqadaryo, Sangzor daryolari xam irmoq sifatida qo`shilganligi sababli u juda sersuv bo`lgan. Antropogen davrining o`rtalarida Amudaryo o`z yo`nalishini shimoli-g`arbga qarab o`zgartirib, hozirgi Orol dengizi o`rnidagi chuqurlikka suvini kuya boshlagan, Zarafshon daryosi esa o`sha davrda xam Amudaryoga o`z suvini quygan. Lekin Zarafshon daryosining suvi ilgarigiga nisbatan ancha kamaygan edi. Sabab, bu davrga kelib Zarafshon daryosining eng katta o`ng irmog`i xisoblangan Sangzor daryosi o`z yo`lini shimolga burib, xozirgi Mirzacho`l orqali Sirdaryo havzasiga qo`shilgan. Zarafshon daryosi neolit davrining oxirlarigacha hozirgi Maxondaryo va Xo`jayli o`zanlari orqali Amudaryoga qo`shilib turgan. So`ngra Zarafshon vodiysida sug`orma dehqonchilikning rivojlanishi tufayli suv kamayib (miloddan avvalgi I ming yillikning boshlarida Maxondaryo, Xo`jayli, Toyqir kabi tarmoqlarida suv juda kam bo`lib, Amudaryoga yyetmay), qumlar orasida qurib qolgan. Hozir Zarafshon suvi Samarqand vohasida, shuningdek Tuyatortar arig`i orqali Sangzor vodiysida, Eski Anxor arig`i orqali Qarshi cho`lida sug`orishga sarflanishi tufayli Buxoro vohasida tugab qolmoqda. O`rta Zarafshon okrugining relefi asosan yassi tekislik bo`lib, sharqdan g`arbga tomon nishabdir: Samarqand shaxri yaqinida mtloq balandlik 727 m, Kattaqo`rg`onda 450 m, Navoiyda 347 m. Ikkinchi tomondan, okrug markaziy qismidan shimolga va janubga — vodiyni o`rab turgan tog`larga tomon balandlasha boradi. Bu qism relefi o`nkir-cho`nqir yyerlardan iborat tog` oldi tekisliklaridadir. Zarafshon vodiysi relefining o`ziga xos xususiyatlari shundaki, u goh kengayadi, goh torayadi. Zarafshon vodiysining ana shunday kengaygan joyida Samarqand botig`i joylashgan. Samarqand botig`i ancha keng, relefiga ko`ra o`rqir qirlardan iborat bo`lkb, g`arbda to Xazar yo`lagigacha 220 km ga cho`ziladi. Uning kengligi 50— 60 km ga yyetadi.. Botiqning janubida uncha baland bo`lmagan Qoratepa, Ziyovuddin, Zirabuloq tog`lari, shimolda esa Qaroqchitog`, Oqtog` va Qoratog`lar

joylashgan. Bu tog`larning Zarafshon okrugiga qaragan yonbag`irlari soylar va vaqtli suvlar ta`sirida yyemirilgan. Okrugning bu qismida Zarafshon daryosining uchta ko`hna qayirlari bo`lib, ular lyossimon yumshoq jinslardan tuzilgan. Shu sababli oqar suvlar natijasida ular yuvilib, juda ko`p jarlar hosil qilgan. Bunday jarlar, ayniqsa Samarqand shahrining janubi-sharqida va janubi-g`arbida ko`p. Hatto Samarqand botig`ining shimoliy qismidagi Oqtepa va Andan soylari orasidagi 220 kvadrat kilometr hududda 100 dan ortiq jarlar vujudga kelgan. Demak, Samarqand botig`ida relefning xarakterli xususiyatlaridan biri — bu suv eroziyasidir. Hozirda jarlarni vujudga kelishiga chek qo`yish, borlarini kengaytirmaslik uchun bunday yyerlarga ko`p yillik ekinlar (jar chekkalariga) daraxtlar o`tqazilmoqda. Samarqand botig`i g`arbga tomon torayib boradi. Natijada Ziyovuddin va Qoratog`ning g`arbiy davomi bo`lgan Abtobach, Azkalor, Xazar platolari birbiriga juda yaqinlashadi va Xazar yo`lagini hosil qiladi. Bu yyerda Zarafshon vodiysi torayib, uning kengligi 8—10 km bo`lib qoladi. Xazar qishloqidan g`arbga o`tgach, Zarafshon vodiysi yana kengayadi va pasayadi hamda Buxoro vohasini hosil qiladi. O`rta Zarafshon okrugining hozirgi relefini vujudga kelishida Zarafshon daryosi va uning shimolisy hamda janubiy qismidagi tog`lardan boshlanadigan soylar katta rolh o`ynagan. Zarafshon daryosi okrugning o`rta qismida qator qayirlar hosil qilgan. Tog`lardan boshlanadigan vaqtli daryochalar va soylar Zarafshon qayig`ini perpendikulyar kesib, juda ko`p jarliklar xosil qilgan hamda parchalab yuborgan. Okrugning iqlimi Turkistonning tekislik qismidagiga o`xshash yoz jazirama issiq va quruq, qish sovuq, yog`in kam bo`ladi. Lekin okrug janubiy kengliklarda bo`lganligidan va qisman. bo`lsada, shimol, shimoli-sharq va sharq tomondan tog`lar bilan o`ralganligidan qishda havo haddan tashqari sovib ketmaydi. Yanvar oyining o`rtacha harorati —0° —1,3° bo`ladi. Ba`zan Arktika havo massasi kirib kelganda eng past harorat —24° — 35 C gacha pasayadi. Yozda esa, aksincha, havo ochiq bo`lib, juda isib ketadi. Natijada

iyulning o`rtacha harorati 26° —28°S atrofida bo`lib, eng yuqori harorat esa 40° — 44°S ga yyetadi. Okrugga bahor va kuzda ba`zan Arktika havo massalari bostirib kelib, havoni sovitib yuboradi. Bahorda bo`ladigan oxirgi sovuqlar taxminan mart oyining uchinchi o`n kunligiga, kuzgi barinchi sovuqlar esa oktabr oyining uchinchi o`n kunligiga to`g`ri keladi. Okrugda bir yilda 213—215 kun sovuq bo`lmaydi. Harorat +10°S dan yuqori bo`lgan kunlar soni 212—215, vegetao`iya davridagi ijobiy haroratlarning yig`indisi esa 4300°—5050° ni tashkil etadi. O`rta Zarafshon okrugida yog`in kam — g`arbdan sharqqa tomon ortib boradi: Navoiyda (mutloq balandligi 347 m) yillik yog`in miqdori 177 mm, Kattaqo`rg`onda (mutloq balandlik 465 m) 282 mm, Samarqandda (mutloq balandligi 695 m) 328 mm. Iillik yog`inning ko`p qismi (44—49%) bahor va qishga to`g`ri keladi, yozda boryo`g`i 2,0—4,0 foyz yog`in yog`adi. Yog`inning bir qismi qor tarzida tushadi, lekin haroratning; yuqori bo`lishi tufayli qor qoplami uzoq turmaydi, tez erib ketadi. Qishda qor qoplami o`rtacha 7—15 sm qalinlikda bo`lib, 20 kun erimay turadi. Quyi Zarafshon okrugida yil bo`yi shimoldan, shimoli-g`arbdan va shimoli- sharqdan shamollar esib turadi. Shamolning o`rtacha tezligi sekundiga 2,0—2,2 m ga teng. Shamolning tezligi okrugning g`arbiy qismida bahor va yoz oylarida ortsa, kuzda sustlashadi, sharqiy qismida esa bahorda shamolning tezligi ortib, qishda sekinlashadi. Bunga asosiy sabab O`rta Zarafshon okrugining sharqiy qismini shimoldan nisbatan baland tog`lar bilan o`ralganligi tufayli shimoliy va shimoli- sharqiy shamollarning yo`lini qishda to`sib qolishligidir. Okrugning asosiy daryosi Zarafshondir. U Turkistonning katta suv arteriyalaridan biri bo`lib, Ko`ksuv tog` tugunida joylashgan Zarafshon muzligidan boshlanib, Amudaryoga 20 km yyetmasdan Sandiqli va Eshakchi qumlari orasiga singib ketadi. Shu masofada uning uzunligi 781 km, havzasining kattaligi 43 ming kv/km dir. Lekin shundan faqat 12,3 ming kv/km b)o`lgan tog`li qismidagina suv yig`iladi, xolos. Zarafshon daryosi o`zining yuqori qismida Zarafshon muzligidan Mastchoh

nomi bilan boshlanadi. U Ayniy Qishloqi yonida chap irmog`i Fandaryo bilan qo`shilgach, Zarafshon nomini oladi. Zarafshon daryosi tog`li qismida ko`pirib, toshlarga urilib, sekundiga 15—17 m tezlikda oqadi. Bu qismida Zarafshon 200 ga yaqin irmoqlarni qo`shib oladi. Bu irmoqlar ichida eng muhimlari chapdan qo`shiluvchi Fandaryo, Qishtutdaryo va Mariyondaryodir. Qolgan irmoqlari kichik. Zarafshon daryosini Panjakent shahridan o`tgandan keyin, okrug hududida bironta ham doimiy oqadigan irmog`i yo`q. Lekin sug`orish natijasida suvi kamayib, Zarafshon daryosiga quyilmaydigan 120 ta soy bor. Shu soylarning 50 tasi Nurota-Oqtog`dan, qolgani Qoratepa, Zirabuloq va Ziyovuddin tog`laridan boshlanadi. Bu soylarning eng muhimlari Zarafshon tizmasidan boshlanuvchi Urgutsoy, Omonqo`tonsoy, Kamangaransoy, Og`alisoy, Sazangansoy, Oqsoy va NurotaOqtog`dan boshlanuvchi Tusunsoy, Oqtepasoy, Tasmachisoy, Langarsoy, Ko`karasoy va boshqalar. Zarafshon daryosi okrug hududida sekin oqib, kengligi 3—4 km keladigan qayirlar hosil qilgan. U Samarqand shahridan X km o`tgach, Oqdaryo (uzunligi 130 km) va Qoradaryo (uzunligi 127 km) nomi bilan ikki tarmoqqa bo`linadi. Xatirchi qishlog`ida esa bu ikki tarmoq yana birlashib, orasida hosildor Miyonkol orolini hosil qiladi. Orolning uzunligi 100 km, kengligi 15 km, maydoni esa 1200 kv. km dir. Zarafshon daryosi Xatirchi qishlog`idan o`tgach g`arbda Xazar yo`lagidan oqadi. Bu qismda uning o`zani yana torayadi, oqimi esa bir oz tezlashadi. Xazar yo`lagidan o`tgach Zarafshon daryosi Buxoro vohasida sekin, ilonizi shaklida oqib, kengayib, bir nechta tarmoqlarga ajraladi va Buxoro deltasini hosil qiladi. Zarafshon daryosi sersuv bo`lib, Zarafshon, Turkiston va Hisor tog`larida joylashgan umumiy maydoni 556,7 kv km bo`lgan 424 ga yaqin muzliklardan va doimiy qorlardan suv oladi. Zal rafshon daryosining yillik oqimini 100 foiz desak, shuning 65 foizi muz va qorlarning erishidan, 34 frizi qor suvlaridan va atigi 1 foizi yomg`ir suvlaridan iborat. Demak, Zarafshon daryo; sining suvi ayni kun isigan yoz faslida (iyunsentabr oylari), qishloq xo`jalik ekinlari uchun suv kerak bo`lgan davrda ko`payadi. Bu oylarda Zarafshon daryosi yillik oqimining 61,1

foizini o`tkazadi. Eng kam suv sarfi (30—35 m3/sek) esa qish fasliga to`g`ri keladi. Aksincha, suvi eng ko`paygan davr yozga to`g`ri kelib, iyulda ba`zan sekundiga 930 m3 gacha suv oqizadi. Zarafshon daryosining o`rtacha yillik suv sarfi sekundiga 165 kub metrni tashkil etadi. Zarafshon daryosi yozda loyqalanib oqqanligi sababli okrugning sug`oriladigan har gektar yyeriga 10—20 tonnagacha loyqa keltiriladi. Keltirilgan loyqa tarkibida fosfor va kaliy Amudaryo va Sirdaryoga nisbatan 1,5—2 marta ko`p bo`ladi. Zarafshon daryosining suvi dekabr oyining oxirlaridan fevral oyining o`rtalarigacha muzlashi mumkin. O`rta Zarafshon okrugidagi soylar past tog`lardan boshlanib, erta bahorda erigan qor va yomg`ir suvlaridan to`yinadi. Yozda esa ularning suvi juda kamayib, ba`zilari qurib ham qoladi. Soylarda ko`pincha yillik oqimning qariyb 50 foizidan ortig`i bahorga to`g`ri keladi. Natijada xalq xo`jaligiga ziyon yyetkazuvchi sellarni ham vujudga keltiradi. Ma`lumotlarga ko`ra, Zarafshon vodiysining o`rta qismida so`nggi yuz yil ichida 500 ga yaqin sel bo`lgan. Sel bo`lganda soylarning suvi (bahorda) bir necha martaba ko`payib ketib, soy to`lib oqadi. Agar Tusunsoyning yillik o`rtacha suv sarfi sekundiga 1,5 m3 bo`lsa, Kattasoyniki sekundiga 0,268 m3 ni tashkil etadi. Lekin sel bo`lganda Tusun daryosi sekundiga 200 m3 gacha, Kattasoy esa hatto sekundiga 609 m3 gacha suv oqizadi. Bunday katta oqim o`z yo`lida uchragan qishloqlarni, ekin dalalarini, ko`prik va yo`llarni buzib, vayron qilib, tuproqni yuvib, jarlarni vujudga keltiradi. Shuning uchun asosiy vazifa o`sha soy suvlaridan oqilona foydalanish maqsadida bahorgi ortiqcha suvlarni hovuz, kichik suv omborlari qurib, ushlab qolib, yozda ekin dalalariga oqizishdir. Hovuzlarda esa parrandachilik, baliqchilikni rivojlantirish mumkin. Mutaxassislarning ma`lumotlariga qaraganda okrugdagi o`sha 120 soyning 50 foizigagyna o`rtacha 25 mln. m3 suv sig`adigan hovuzlar qurilsa, 1 mlrd. 600 mln. m3 sel suvlarini to`plab qolish imkoniyati turiladi. Okrugda suvlardan oqilona foydalanish maqsadida Katta qo`rg`on suv ombori qurilgan. Kattaqo`rg`on suv ombori Kattaqo`rg`on shahri yaqinidagi tektonik botiqda barpo etilgan. U Zarafshon vodiysining tarmogi Oqdaryodan 28,2 km uzunlikdagi

kanal orqali suv oladi. Bu kanaldan sekundiga 100 m3 suv oqshpi mumkin. Suv omborining suv sig`imi 1 mlrd. m3 ni tashkil etadi. Vegetao`iya davrida ekin dalalarini sug`orish uchun kanaldan sekundiga 140 m3 suv chiqadi. Natijada 65 ming gektar yangi yyerni sug`orib, 384 ming gektar yyerning suv ta`minoti yaxshilandi. Shuningdek, suv omboridan yiliga 240—250 sentnergacha baliq ovlanmoqda. O`rta Zarafshon okrugida yyer osti suvlari bo`r, paleogen, neogen va antropogen davrlarining gil, qum, sharal, qumtosh va konglomerat kabi jinslari orasida uchraydi. Bo`r davr yotqiziqlari orasida uchraydigan suvlar 400—500 m gacha bo`lgan chuqurliklarda joylashgan bo`lib, qazilganda o`zi otilib chiqadi. Suvning tarkibida ko`proq sulfat natriy bor. Okrugdagi yyer osti suvlarining bir qismi paleogen va neogen davr yotqiziqlari orasida 90—100 m gacha bo`lgan chuqurliklarda uchraydi. Suvining tarkibida sulfat natriy yoki gidrokarbonat ko`pdir. Antropogen jinslari orasida uchraydigan yyer osti suvlari 1—20 m chuqurliklarda uchrab, minerallashish xarakteriga ko`ra gidrokarbonatlidir. Paleogen, neogen va antropogen yotqiziqlari orasida uchraydigan yyer osti suvlari Zarafshon daryosidan, sugorish shoxobchalaridan, zovurlardan va ekin dalalaridagi shimilgan suvlardan hamda atmosfera yog`inlaridan to`yinadi. Shu sababli yyer osti suvining sathi may-avgust oylarida ko`tarilib, oktabr-aprel oylarida pasayadi. Chunki may-avgust oylarida ekin dalalari sug`oriladi. Ma`lumotlarga ko`ra okrug hududida har yili 914 mln. m3 yyer osti suvi to`planadi. Uning asosiy qiomi (52%) sug`orish shoxobchalaridan, ekin dalalaridan bo`ladigan shimilish hisobiga, 26% Zarafshon vodiysining yuqori qismidan sizib kelish hisobiga, 10% okrugning o`zida daryodan shimilish hisobiga, 3% atmosfera yog`inlaridan, 3% atrofni o`rab olgan tog`lardan va 6% Qattaqo`rg`on suv omboridan sizib kelgan suvlar hisobiga to`g`ri keladi. O`rta Zarafshon okrugida to`plangan yyer osti suvining 50% bug`lanishga, 30% atrofidagi suvsiz qiya joylarga siljiydi, 10% Zarafshon o`zaniga siljisa, qolgan

10% Buxoro vohasi tomon harakat qiladi. O`rta Zarafshon okrugidagi o`sha yyer osti suvlari nisbatan chuchuk bo`lib, ularni kuchli so`rg`ichlar (nasoslar) yordamida tortib olib, sug`orishda va maishiykommunal xo`jalikda foydalansa bo`ladi. O`rta Zarafshon okrugining sug`oriladigan qismida chirindisi 1—2% bo`lgan madaniy o`tloq-voha tuprog`i tarqalgan. Zarafshon daryosining yuqori qayirlarida esa kadimdan sug`oriladigan bo`z tuproq taraqqiy etgan. Daryoning quyi qayirlarida grunt suvi yyer betiga yaqin bo`lganidan botqoqo`tloq tuproqlar rivojlangan. Ba`zi yyerlarda bu tuproqlar sho`rlangan. O`rta Zarafshon okrugining tog` oldi tekisliklarida asosan och bo`z tuproq tarqalgan, ba`zi yyerlarda esa oddiy bo`z tuproqlar uchraydi. Okrugning tog`larga tutashgan kismlarida esa och bo`z tuproqlar to`q bo`z tuproqlar bilan almashinadi. Och bo`z tuproq tarkibida boryo`g`i 0,5—1,5% chirindi bo`ladi. O`rta Zarafshon. okrugining tabiiy o`simliklari kishilarning xo`jalik faoliyati tufayli ancha o`zgartirilgan. Shu sababli madaniy voha tuprog`i tarqalgan obikor yyerlarda asosan madaniy o`simliklar o`stiriladi. Zarafshon daryosining quyi qayirlarida va eski qayirlarida hamda kadimiy o`zanlarida qamish, ro`vak, jinril, tol, yovvoyi jiyda, yantoq, sho`rajriq, kampirsoch, itgunafsha, suvrang, yulg`un o`sadi. Zarafshon okrugining bo`z tuproqli lalmikor rayonlarida qoziquloq, shuvoq, bug`doyiq, oq quvrak, kampirchopon o`sadi. Shuningdek, bu joylarda bahorda efemer va efemeroid o`simliklar, ayniqsa rang, qo`ng`irbosh, lolaqizg`aldoq, chuchmoma kabilar keng tarqalgan. Okrug Turkistondagi aholi zich yashaydigan rayonlardan biri bo`lganligi sababli, uning tabiiy faunasiga katta ta`sir ko`rsatilgan. Bu yyerlarda Turkistonga xos hayyeonlarning ba`zi turlari uchraydi: bo`ri, tulki, quyon, chiyabo`ri, jayron va jayra, to`qayzorlarda esa qirrovul, loyxo`rak, o`rdak yashaydi. Bu yyerda qushlardan yana so`fito`rg`ay, chumchuq, zarg`aldoq, sudralib yuruvchilardan gekkon, kaltakesak, toshbaqa, sariq ilon, echkemar; kemiruvchilardan ko`rsichqon, kichik qo`shoyoq, qumsichqon, tipratikan, kalamush va boshqalar uchraydi.

O`rta Zarafshon okrugidagi to`qay landshaftini va u yyerdagi o`simliklarni, xususan jirg`anoqni hamda hayvonlarini tabiiy holicha saqlab qolish maqsadida 1975 yili Bulung`ir va Jommoy tumanlari hududida maydoni 2,5 ming gektar keladigan Zarafshon qo`riqxonasi tashkil etildi. Bu qo`riqxonada muhofaza ostiga olingan jirg`anoq (chakanda) o`simligining maydoni qisqarib ketgan edi. Bu o`simlikning mayda mevasidan tibbiyotda ishlatiladigan oblepixa moyi olinadi. O`rta Zarafshon okrugida tabiiy resurslar xilmaxil bo`lib, ularning eng muhimlari iqlim resurslari, yyer-suv resurslari va hokazolardir. O`rta Zarafshon okrugining muhim resursi iqlimidir. Bu yyerda issiq sevuvchi o`simliklar, xususan paxta, uzum va boshqa mevalarning pishib yyetishishi uchun zarur bo`lgan termik resurslar yyetarlidir. Chunki xarorati +10° dan yuqori bo`lgan kunlardagi xaroratning yig`indisi 4500° dan ortiq: harorati 0°S dan past bo`lgan kunlar bir yilda 40—50 kun atrofida. O`rta Zarafshon okrugining yana bir resursi bu yyersuv boyliklarydir. Okrug xududida sug`orishga yaroqli o`tloq, o`tloqallyuvial, bo`z kabi tuproqlar mavjud bo`lib, ularni suv bilan ta`minlovchi Zarafshon daryosi va atrofidagi tog`lardan boshlanuvchi soylar mavjud. Buning ustiga okrugning neogen va antropogen davr yotqiziqlari orasida umumiy miqdori 1,0 km ga yaqin yyer osti suvlari mavjud. Kelajakda kuchli so`rg`ichlar (nasoslar) yordamida o`sha nisbatan chuchuk yyer osti suvlarini tortib olib, xalq xo`jaligining turli sohalarida foydalanish mumkin. O`rta Zarafshon okrugi o`z navbatida Kattaqo`rg`on va Samarqand tabiiy- geografik rayoniga bo`linadi. I. Kattaqo`rg`on tabiiy-geografik rayoni okrugning markaziy va g`arbiy qismini ishg`ol qiladi. Rayon janubda Ziyovuddin-Zirabuloq tog`larining quyi etaklari bilan, g`arbda Buxoro-Qorako`l rayoni bilan, shimolda Oqtog` va Qoratog`larning quyi qismi bilan, sharqda esa Samarqand tabiiy-geografik rayoni bilan chegaralanadi. Rayon o`z ichiga Zarafshon daryosining yangi va eski qayirlarini va yuqorida qayd qilgan tizmalarning tog` oldi tekisliklarini oladi.

Rayon okrugdagi qishi eng sovuq (yanvarning o`rtacha harorati —0,5 —2°), yozi esa issiq (iyulning o`rtacha harorati 27—28°), yog`in eng kam (yiliga 180— 280 mm) tushadigan qismi. Lekin +10° darajadan yuqori bo`lgai davrdagi haroratning yig`indisi eng katta bo`lib, 4500—4600° yyetadi, vegetao`iyali qish esa 40—50% ni tashkil etadi. Rayonda quyidagi landshaft turlari uchraydi. 1. Zarafshon qayirlarida joylashgan och bo`z, o`tloq va bot qoqo`tloq tuproqli madaniy landshaft. 2. Qamish va to`qay o`simliklari o`suvchi, o`tloqbotqoq tuproqli kayirlar landshafti. 3. Efemer va shuvoqefemer, o`suvchi bo`z tuproqli tog` oldi lyossli tekisliklar landshafti. Bu landshaft Zirabuloq-Ziyovuddin hamda Oq-qoratog`larning tog` oldi lyossli tekisliklarini o`z ichiga oladi. Samarqand tabiiy-geografik rayoni okrugning sharqiy kismida joylashib, shimolda G`ubdintog`, Qaroqchitog` va Oqtog`larning janubiy yonbag`rini quyi qismi bilan, sharqda Tojikiston davlat chegarasi bilan, janubda Chaqilkalon va Qoratepa tog`larining etaklari bilan, g`arbda esa Kattaqo`rg`on rayoni bilan chegaralanadi. Rayon o`z ichiga Zarafshon daryosining yangi va eski qayirlarini, tog` oldi lyossli tekisliklarini olib, qishining nisbatan iliqligi (yanvarning o`rtacha harorati —0,2 — 0,5), yozining esa nisbatan salqinligi (iyulning o`rtacha harorati +24,5 +25,9°), yog`inlarning ko`pligi (yillik yog`in miqdori 450—500 mm) bilan Kattaqo`rg`on rayonidan farq qiladi. Rayon o`z navbatida quyidagi landshaftlarga bo`linadi. Chaqilkalon, Qoratepa tog`larining prolyuvial tekislinlarida joylashgan efemer o`simliklari o`suvchi, tipik bo`z tupruqli tekisliklar landshafti. G`ubdintog`, Qarokchitog` va Oqtog`larning efemer o`siliklari o`suvchi, bo`z tuproqli tog` oldi lyossli tekisliklar landshafti. To`qay o`simliklari mavjud bo`lgan, o`tloq, botqoq o`tloq tuproqli qayirlar landshafti. Sug`oriladigan o`tloq allyuvial, o`tloq botqoq tuproqli yangi qayirlardagi madaniy landshaft. Sug`oriladigan bo`z tuproqlar tarqalgan tekisliklardagi va

Zarafshonning ko`hna qayirlaridagi madaniy landshaft.

Foydalanilgan adabiyotlar: 1. Yermakov Y.G. i dr. Fizicheskaya geografiya materikov i okeanov. M: Vqsshaya shkola, 1988. 2. Ryabchikov A.M. Fizicheskaya geografiya materikov i okeanov. M: Vqsshaya shkola, 1988. 3. Fizicheskaya geografiya mirovogo okeana. M: Izdatelpstvo Moskovskogo Universiteta, 1988. 4.Ryabchikov A.M. Dunyo qitoalari tabiiy geografiyasi, Toshkent, 1968. 5. Vlasova T.M. Fizicheskaya geografiya materikov i okeanov. Tom I-II, M: Prosveo‘yeniye, 1976. 6. Vlasova T.M. Materiklar va okeanlar tabiiy geografiyasi. I-II tom.Toshkent, 1985. 7. Leontpev O.K. Fizicheskaya geografiya mirovogo okeana. M: 1982. 8. Ensiklopeditseskiy slovarp geograficheskix terminov. M.1968. 9. http://ziyonet.uz

Похожие

Quyi Zarafshon okrugi

Bobotog` okrugi

Qizilqum okrugi

Surxondaryo okrugi

Farg`ona okrugi