Maktabda geografiya ta`limini takomillashtirishda pedagogik texnologiyalardan foydalanish - География - Рефераты

Maktabda geografiya ta`limini takomillashtirishda pedagogik texnologiyalardan foydalanish

Загружено в:

20.09.2019

Скачано:

0

Размер:

33 KB

Maktabda geografiya ta`limini t akomillashtirishda pedagogik texnologiyalardan foydalanish Hozirgi kundagi eng dolzarb masalalardan biri ta`lim standartlari o`quv jarayonini rivojlantirishdan iboratdir. Geografiya ta`limida o`qituvchi o`quvchilarni faollashtiradigan o`zi va o`rganishi uchun qulay bo`lgan usul va uslublarni, o`qitish shakllarini, vaziyatlarni izlaydi, zamonaviy pedagogik texnologiyaga suyanib, o`quv jarayoni samaradorligini oshiradi. O`quvchilarni mustaqil fikrlashga o`rgatib, o`quv jarayonining yuqori sifat va samaradorligiga erishadi. Ta`lim-tarbiyaning mazmuni, maqsad va vazifalari davrlar o`tishi bilan kengayib borishi natijasida uning shakl va usullari ham takomillashib bormoqda. Hozirda inson faoliyatining asosiy yo`nalishlari shu faoliyatdan ko`zda tutilgan maqsadlarni to`liq amalga oshirish imkoniyatini beruvchi yaxlit tizimga, yangi texnologiyalarga aylanib bormoqda. Geografiya ta`limida pedagogik texnologiya ta`lim-tarbiya jarayoni sifatida ishtirokchilarning faoliyatlari orqali amalga oshiriladi. Bu jarayonning pirovard maqsadi barkamol insonni shakllantirish va rivojlantirish bo`lib, asosan quyidagilardan tarkib topadi: - ta`lim-tarbiya berish; - axborotlarni uzatish; - mustaqil fikrlashni o`rgatish; - bilim-ko`nikma, malakalarni o`rgatish va o`zlashtirilishiga erishish; - turli usul va uslublarni qo`llash va takomillashtirish; - diagnostika, monitoring olib borish; - ta`lim-tarbiya jarayonida insonparvarlik, vatanparvarlik tamoyillariga asoslanish;

- o`quvchilarni tayyorgarlik darajasini, psixologik, fiziologik, yosh xususiyatlarini, gigiyenik talablarini hisobga olish va hokazolar; Shu asosda geografiya texnologiyasida ta`lim tizimining metodologik, didaktik, pedagogik, psixologik, fiziologik, gigiyenik asoslarini yaratish lozimdir. Ta`limning metodologik asosi-dars jarayonini amalga oshirishda qanday metodlarga asoslanishini belgilaydi. Metodologik asosning ilmiy jihatdan to`g`ri bo`lishi pedagogik texnologiya uchun zaruriy shartdir. Ta`lim tizimining didaktik asosi-ta`lim-tarbiya qoida va tamoyillariga muvofiqligini belgilaydi. Didaktik talablar ta`lim-tarbiya vazifalarning nazariy jihatdan to`g`ri bajarilishini ta`minlaydi. Pedagogik texnologiyaning pedagogik asosi-zamonaviy pedagogik fanining ilmiy xulosalaridan kelib chiqadi. Bunda pedagogik texnologiyaning umumiy tarkibiy tuzilishi, manzili, shakli, usullari, vositalari, pedagogik jarayonning tashkil qilinishi, olib borilishi, uning diagnostikasi, monitoringi, o`quv-mavzu rejalar va shu kabilarning ilmiy jihatdan to`g`ri bo`lishi ta`minlanadi. Pedagogik texnologiyaning psixologik asosi-psixologiya fanining ilmiy xulosalari va tavsiyalari bilan belgilanadi. Ta`limning har bir bosqichida o`quvchilarning psixologik xususiyati hisobga olinadi. Pedagogik texnologiyaning fizio-logik asosi o`quvchilarning turli yoshdagi fiziologik xususiyatlarini hisobga olishdan iborat, bunda o`g`il va qiz bolalar fiziologiyasidagi farqlar alohida hisobga olinadi. Pedagogik texnologiyaning gigiyenik asosi-ta`lim-tarbiya jarayonida salomat-likni saqlash talablariga rioya qilishdan iborat bo`lib, bunda turli zararli va ortiqcha ta`sirlarni bartaraf qilish, o`quv-xona sharoiti: yoritganlik, harorat, havoning tozaligi, o`qituvchi va o`quvchining ish o`rni, jihozlar, o`quv mashg`ulotlarining me`yorlari, didaktik vositalarining qulayligi ilmiy asosda belgilab boriladi. Yuqorida keltirilgan asoslar umumlashtirilsa, geografiya ta`limida texnologiyaning nazariy va amaliy asoslari kelib chiqadi.

Xulosa qilib shuni aytish mumkinki, pedagogik texnologiyadan foydalanish- hozirgi zamon didaktikasi va pedagogikasi taraqqiyotining mahsuli bo`lib, uni geografiya ta`limi tizimida qo`llash va amalga oshirish lozim deb o`ylaymiz.

Adabiyotlar: 1. Mo‘minov O. Geografiya ta’limi metodikasi. -T., 1986. 2. Qurbonniyozov R. Geografiya o‘qitish metodikasi. –Urganch, 2001. 3. Yo‘ldoshev J.G‘., Usmonov S.A. Pedagogik texnologiya asoslari. -Toshkent, 2004. 4. Ta’lim samaradorligini oshirish yo‘llari. Trenerlar uchun qo‘llanma. –Toshkent, 2002. www . ziyonet . uz

Похожие

Geografiya ta`limida toponimika va geografik terminlar

Geografiya o’qitish nazariyasi va metodikasi fanining boshqa fanlar bilan aloqasi va o’rganish metodlari

Geografiya darslarida she`rlar va topshiriqlardan foydalanish qo`shimcha adabiyotdan foydalanish

Xorazm viloyati qishloq xo`jalik majmuasini hududiy tashkil etishni takomillashtirishda kartografik metoddan foydalanish

Geografiya o’qitish nazariyasi va metodikasi fani, uning o’rganish predmeti, mazmuni, vazifalari va muammolari