Қуёш энергиясини бошқа тур энергияга айлантириш - Физика - Рефераты

Қуёш энергиясини бошқа тур энергияга айлантириш

Загружено в:

20.09.2019

Скачано:

0

Размер:

178 KB

Қуёш энергиясини бошқа тур энергияга айлантириш Режа: 1. Ярим ўтказгичли термоэлектр генераторлар. 2. Ярим ўтказгичли термоэлементларнинг вольтампер характеристикалари. 3. Қуёш фотобатареяларининг тузилиши ва ишлаш принциплари (ф.и.к.).

Термоэлементлар батареяси ёрдамида қуёш энергиясини электр энергиясига айлантириш қуёш энергиясидан фойдаланишдаги асосий йўналишлардан биридир. Термоэлектрик қурилмаларнинг соддалиги, чидамлилиги ҳамда ярим ўтказгичли материалларни текшириш соҳасидаги ва ўртача қувватли энергетикада фойдаланиш истиқболларини ижобий баҳолашга имкон беради. Кейинги йилларда ҚТЭГ ларнинг техникавий ва энергетикавий кўрсатгичлари анча ошди. Қуёш термоэлектр генераторларини қуриш бўйича илмий-тадқикот ишлари ЎзР ФА Физика-техника институтида мувоффақиятли олиб борилмоқда. Маълуми, икки хил металл ўтказгичнинг икки учини ўзоро кавшарлаб, ўтказгичнинг бирига гальванометрни уласак ва кавшарланган учларнинг бирини қиздирсак, бундай берк занжирдан электр токи ўтаётганлигини кузатамиз (расм-1). Бу ҳодиса 1821 йилда Т. Зеебак томонидан кашф этилган ва термоэлектрик эффект деб юритилади. Тажрибалар ва назарий текширишлар кўрсатадики, ҳосил бўлувчи термо э.ю.к. нинг катталиги кавшарланган учларнинг температуралари айирмасига ва ишлатилган моддаларнинг физикавий ва химиявий хоссаларига боғлиқ бўлади, яъни: Е = a (Т 1 –Т 2 ), Бунда: Е – термоэлементнинг термоэлектр юритувчи кучи, a - термоэлементнинг солиштирма термо э.ю.к. коэффициенти, Т 1 – иссиқ кавшарнинг температураси, Т 2 – совуқ кавшарнинг температураси. Одатда термоэлементнинг кавшарланган учлари температуралари айирмаси 1 0 С га тенг бўлганда ҳосил бўлувчи термо э.ю.к. нинг катталигини солиштирма термо э.ю.к. коэффициенти деб юритилади ва град мкв бирликларда ўлчанади. Солиштирма термо э.ю.к. коэффициенти термопара тармоқларида ишлатиладиган моддаларнинг хоссаларига боғлиқ. Ра c м-1.

Демак, термопара тармоқларининг моддаси ўзгариши билан солиштирма термо э.ю.к. коэффициентнинг қиймати ҳам ўзгаради. Термопараларнинг ҳар гал иккита тармоқни моддасини кўрсатиш ўрнига жадвалларда битта тармоқни доим қурғошин олишга келишилган. Худди шу принципда тузилган қуйидаги 1-жадвалда баъзи металл термопаралар учун 0-100 0 С температура интервалидаги солиштирма термо э.ю.к. коэффициентларнинг қийматлари кўрсатилган. Жадвал. Металл ёки қотишма Солиштирма термо э.ю.к. коэффициентиград мкв Сурьма Темир Мис Рух Олтин Платина Нихром Алюмель Константан +43 +15 +3,2 +3,1 +2,9 -4,4 -18 -17,3 -38

Висмут -68 Бу жадвалдаги (+) ишораси олинган модда учун токни иссиқ кавшарланган учдан бошлаб ўтишини кўрсатади. Агар термопаранинг бирор кавшарланган учи тармоқ учун қўрғошин ўрнига бошқа модда олинса, термопаранинг солиштирма термо э.ю.к. коэффициенти тармоқларда ишлатилган моддаларнинг қўрғошинга нисбатан солиштирма термо э.ю.к. коэффициентларнинг айирмаси тарзида аниқланади. Масалан, сурьма-висмут термопараларда град мкв град мкв град мкв 111 ) 68 ( 43     a мис-константан термопараларда град мкв град мкв град мкв 2, 41 ) 38 ( 32     a га тенг бўлади. Бундай термопараларнинг иссиқ кавшарланган учида ток термо э.ю.к. коэффициенти катта бўлган металлдан камига томон йўналади. Масалан, темир-константан термопаранинг иссиқ кавшарланган учида ток константандан темир томонга йўналган. Термопаранинг ф.и.к. деб термопарадан олинган электр энергиясининг миқдорига нисбатига айтилади, яъни , Q E   бунда  -термопаранинг ф.и.к., Е- нагрузкада ажраладиган электр энергияси, Q - кавшарлардан бирини иситишга сарфланган иссиқлик миқдори. Металлар электр токини яхши ўтказиши билан бирга иссиқликни ҳам яхши ўтказганлигидан термопаранинг кавшарланган учлари орасида тепмературалар айирмасини ошириш қийин. Шу билан бирга металларда иситилаётган кавшарланган учдаги эркин электронларнинг концентрацияси ҳам ошмайди. Шу сабабларга кўра металл термопараларнинг ф.и.к. 1% га ҳам

етмайди. Шунинг учун ҳам металл термопаралардан электр токининг генератори сифатида фойдаланилмайди. Ҳозирги вақтда металлардан тайёрланган термопаралар температурани ўлчовчи асбоблар (термометрлар) сифатида кенг қўлланилади. Бунда термопара занжиридаги гальванометр шкаласини тўгридан-тўгри градусларда даражаланади. Ўлчаш ишларида кўпроқ термо э.ю.к. га эга бўлиш учун термопараларни ўзоро кетма-кет улаб термобатарея тузилади. Бундай термобатареяни схема тарзида 2-расмдаги каби кўрсата оламиз. Расм . Бунда барча жуфт номерли кавшарланган учлар бир хил температурада ва тоқ номерли кавшарланган учлар иккинчи хил температурада сақланади . Амалда ўлчанадиган температура интервалига қараб, турли материаллардан тайёрланган термопаралар ишлатилади. Масалан, темир-константан термопара ёрдамида 500 0 С гача температурани ўлчаш мумкин. Унинг солиштирма термо э.ю.к. коэффициенти 5,3 градв 5 10   га тенг. Маълумки ярим ўтказгичлар ўзининг бир қанча хоссалари билан металлардан фарқ килади. Бундай хоссаларнинг баъзиларини кўриб ўтамиз. 1. Металларда исталган температурада ҳам электр токини ҳосил қилиш мумкин, бошқача айтганда металларда ўтказувчанлик электронлари исталган температурада ҳам мавжуд бўлади. Ташқи электр майдоннинг таъсири натижасида металлдаги эркин электронлар бирор томонга (электр майдони кучланганлигига тескари йўналишда) кўпроқ кўча бошлайди. Ярим ўтказгичлар эса паст температураларда электр токини жуда ёмон ўтказади ва

абсолют ноль температурада эса идеал диэлектрик бўлиб қолади. 2. Металл ўтказгичдан электр токи ўтиши учун қўшимча энергия (иссиқлик ёки ёруғлик энергияси) бўлиши шарт эмас. Ярим ўтказгичлардан электр токи ўтиши учун эса қўшимча энергия албатта бўлиши шарт. Ярим ўтказгичнинг бу хоссалари уларни металлардан ажратиб турадиган умумий хоссалардир. Бундан ташқари ярим ўтказгичлар иссиқлик ўтказувчанлик ва ток ташувчиларнинг температурага боғланиш жиҳатидан ҳам металлардан фарқ қилади. Худди шу хоссалардан фойдаланиш асосида ярим ўтказгичлардан ф.и.к. анча юқори бўлган термоэлементларни ясаш мумкин бўлади. 1. Ярим ўтказгичлар иссиқликни металларга қараганда ёмон ўтказади. Уларнинг бу хоссалари ярим ўтказгичли термоэлементнинг кавшарланган учлари орасидаги температура айирмасини оширишга имкон беради. 2. Металларни қиздириш билан ток ташувчиларнинг концентрацияси ўзгармайди. Ярим ўтказгичларни қиздирганда уларнинг температураси ошган сари ток ташувчиларнинг концентрацияси, яъни электр ўтказувчанлиги ҳам ортиб боради. Масалан ярим ўтказгичлар температурасининг 1 0 С га ошиши электр ўтказувчанлигининг 3-6 фойизга, 100 0 С га ошиши эса электр ўтказувчанлигининг дастлабки қийматидан 50 мартача ошишига олиб келади. Ҳақиқатан ҳам, ярим ўтказгичнинг температураси ошган сари атомлараро боғланишда банд бўлган валент электронлар қўшимча энергия олиб ўз атомларидан ажралиб электр ўтказувчанликда иштирок эта бошлайди. Агар ярим ўтказгич электрон ўтказувчанликка эга бўлса (германий ёки кремнийга Y группа атомлари аралашган), бундай ярим ўтказгични қиздирганда, ўтказувчанлик электронларнинг концентрацияси орта бошлайди, масалан, 27 0 С температурада германий элементида ток ташувчиларнинг сони 2,5 х 10 15 см -3 га, кремний элементида эса 6,8 х10 +10 см -3 гача етади. Шунингдек, ярим ўтказгичнинг қиздирилган жойидаги ток

ташувчиларнинг энергияси ҳам ортади. Юқоридаги факторларнинг мавжудлиги ярим ўтказгичларнинг солиштирма термо э.ю.к. коэффициенти металларникидан анча юқори бўлишини кузатамиз. Масалан, Bi 2 Te 3 ва Sb 2 Te 3 тармоқли термоэлементнинг умумий солиштирма ўтказувчанлик коэффициенти 270 град мкв га тенг. Ярим ўтказгичли термоэлементнинг ишлаш принципини тушуниш учун аввал электронли ( n ) ёки тешикли (р) ўтказувчанликка эга яримўтказгич пластинкаларнинг ҳар бирини алоҳида-алоҳида олиб, бирор учини қиздирганимизда улардаги ток ташувчиларнинг ҳаракат механизмини ўрганайлик. Агар олинган ярим ўтказгич пластинкаларнинг ҳар бирининг узунлиги бўйлаб температура пасаймаса, аввалдан мавжуд бўлган ток ташувчиларнинг ярим ўтказгичнинг ҳажми бўйлаб тартибсиз ҳаракатда бўлишини биламиз. Агар электрон ўтказувчанликли ( n ) ярим ўтказгичнинг бирор учини қиздирсак, унинг узунлиги бўйлаб температураси пасая боради. Ярим ўтказгичнинг исталган томонида асосий ток ташувчилар сони- ўтказувчанлик электронларининг сони ва энергияси (юқорида тушунтирганимиздек) ортади. Натижада ярим ўтказгичнинг иссиқ учидан совуқ учи томон ҳаракатланаётган электронлар сони совуқ учдан иссиқ учи томон ҳаракатланаётган электронлар сонидан ошиқ бўлади. Электронларнинг совуқ учга томон кўпроқ ҳаракатланганлиги сабабли ярим ўтказгич пластинкасининг иссиқ учида компенсациялашмаган мусбат заряд қолади, бошқача айтганда, ярим ўтказгичнинг иссиқ учи мусбат зарядланади, совуқ учи эса манфий зарядланади. Ярим ўтказгичнинг иккала учи орасида ҳосил бўлган потенциаллар айирмасининг ортиши электронлар ҳаракатида мувозанат ўрнатилгунча давом этади. Электрон ўтказувчанликли ярим ўтказгич пластинканинг иссиқ учидан электронларнинг совуқ учга ҳаракатланиши сабабли ярим ўтказгичнинг ичида совуқ уч томон йўналган электр майдони ҳосил бўлади. Бу электр майдони электронларни ярим ўтказгичнинг совуқ учига ўтишига

қаршилик кўрсата бошласа, ярим ўтказгичнинг иссиқ учига томон йўналган электронлар ҳаракатига эса тезлаштирувчи таъсир кўрсатади. Натижада қарама-қарши йўналишда ҳаракатланувчи электронларнинг сони ўзоро тенглашганда динамик мувозанат ўрнатилади. Ярим ўтказгичнинг температуралар айирмаси учун бундай мувозанат ҳолатдан сўнг ярим ўтказгичдаги потенциаллар айирмаси ошмайди. Агар ярим ўтказгичли пластинка ва гальванометрдан иборат берк электр занжири тузсак, ундан 1- расмда кўрсатилган йўналишда ток ўтади. Тешикли ( р ) ўтказувчанликка эга бўлган ярим ўтказгичнинг бирор учини қиздирсак , асосий ток ташувчиларнинг – тешикларнинг совуқ уч томонга ҳаракатланиши сабабли , ярим ўтказгичнинг иссиқ учи манфий зарядланади ва совуқ учи эса мусбат зарядланиб қолади . Натижада тузилган берк электр зандирдан электр токи расмда кўрсатилгандек йўналишда ўтади. n ва р ўтказувчанликка эга бўлган ярим ўтказгичларни металл пластинкага пайвандлаб тайёрланган термоэлементнинг ҳар қайси тармоғига ток ташувчиларнинг йўналишини 3-расмдаги каби кўрсата оламиз.

Энди ярим ўтказгичли термоэлемент, нагрузка қаршилиги R н дан иборат берк электр занжири тузайлик (расм). Бунда термоэлемент металл пластинкали томонини қиздирсак , иккала тармоқдаги токлар бир - бирини кучайтириб 4- расмда стрелка билан кўрсатилган йўналишда ток ўтади . Қуёшнинг нур энергиясини электр энергиясига айлантиришнинг энг истиқболли усулларидан бири-ярим ўткзгичли фотоэлементлар батареяси ёрдамида қуёш энергиясини электр энергиясига айлантиришдир. Ярим ўтказгичли фотоэлементларнинг фойдали иш коэффициенти термоэлементларникидан анча юқори бўлиб, уларнинг баъзи турларининг, масалан, кремнийли фотоэлементларнинг ф.и.к. 15% гача етади. Шунинг учун ҳам кремнийли фотобатареяларни кичик энергетикада электр токининг генераторлари сифатида ишлатиш мумкин. Маълумки, ёруғлик нурлари таъсирида металл ташқарисига электронларнинг чиқиш ҳодисасини

фотоэффект деб юритилади. 1931 йилдаёқ машҳур рус физиги А.Ф. Иоффе ярим ўтказгичли фотоэлементларнинг турли соҳаларда қўлланилишига тўхталиб, келгуси фотоэлементларнинг қуёш энергиясини айлантиришдаги аҳамияти тўғрисида қуйидагиларни айтган эди: «… улар орасида ўз аҳамияти жиҳатидан қолганларини қоплайдиган бир соҳа борки, бу фотоэлементлардан қуёш ёруғлигини электр энергиясига айлантириш учун фойдаланишдир. Ҳозирги замон фотоэлементлари ёрдамида қуёш энергиясининг бир фойизининг юздан бир улушигина электр энергиясига айлантирилади, бу амалий мақсадлар учун етарли эмас. Аммо уларни анча такомиллаштириш туфайли, эҳтимол 8-10 % га етказиш мумкин. Агар бу мақсад йўлида қуёш энергиясининг атига 1 % ини айлантириш мумкин бўлса, бу энергетикада бурилиш, бўлур эди». Ҳозирги вақтда академик А.Ф. Иоффенинг орзулари амалга ошган бўлиб, ярим ўтказгичли фотоэлементларнинг айрим тури, масалан, кремний элементидан тайёрланган фотоэлементлар кичик энергетикада муҳим роль ўйнай олади. Шунинг учун биз «Қуёш батареялари» деб аталувчи кремнийли фотоэлементлар тузилиши ва ишлаш принципи, уларни батареяга улаш усулларини ҳамда қўлланиш соҳаларини ўрганамиз. Кремнийли фотоэлементларнинг яратилиши гелиотехника тараққиётида янги саҳифа очди, деб бемалол айтиш мумкин. Чунки, кремнийли фотоэлементлар туфайли ярим ўтказгичли фотоэлементлар батареясидан кичик энергетикада электр токининг генератори сифатида фойдаланиш имкони яратилди. Кремнийли фотобатареяларда қўзғалувчан қисмларнинг бўлмаслиги, ишлаш муддатининг узоқлиги ва ишлаши учун нур энергияси тушишининг етарлилиги уларнинг афзаллигидир. Кремнийнинг ўзи IY группа элементи бўлиб, атом оғирлиги 28,06 м. а. б. (массанинг атом бирлигига), зичлиги 2,328 г/см 3 , эриш температураси 1415 0 С ва қайнаш температураси 2360 0 С га тенг. Кремний табиатда турли бирикмалар ҳолида учрайди, айниқса

характерли бирикмаси Si O 2 силикат ангидрид (ёки қумтупроқ) ҳисобланади. Одатда кристалл ҳолидаги кремний икки оксиди ( SiO 2 ) кварц минерали тарзида учрайди. Кремний табиатда кислороддан кейин энг кўп тарқалган элемент бўлиб, ер қобиғининг тахминан 26 % ини ташкил қилади. Кремнийли фотоэлемент асосан электрон ўтказувчанликли кремний 1, тешик ўтказувчанликли кремний 2 ва электрод 3 ва 4 дан иборат (расм-1). Фотоэлемент ясаш учун соф кремний бўлиши керак. Бунинг учун даставвал кўмир ва қумтупроқ SiO 2 аралашмаси билан (температураси 800 0 С) хлорни таъсир қилдириб, SiCl 4 олинади. Сўнгра SiCl 4 дан махсус усулда ажратиб олинган соф кремний монокристали аралашмага қараб электрон ёки тешик ўтказувчанликка эга бўла олади. Сўнгра бу монокристалл қўймасини юпқа пластинкалар (1 мм қалинликда) тарзида қирқилиб, сирти яхшилаб тозаланади. Бу усулда тайёрланган кремний пластинкаси нур энергиясини электр энергиясига айлантира олиши учун унинг сиртидан бир неча микрон чегарада р- n ўтишни ҳосил қилиш керак. Икки хил ўтказувчанлик чегарадаги р- n ўтишда энергиянинг йўқолишини минимумга келтириш учун р- n ўтишни кристалл тузилиши бузилмаган монокристаллда амалга оширилади. Агар олинган монокристалл р ўтказувчанликка эга кремний пластинкаси бўлса, унинг сиртига термик диффузия усулида донор (масалан, фосфор) аралашма атомлари киритилади. Олинган монокристаллнинг юзига яқин қисмига киритилган донор

аралашма асосий моддадаги акцептор аралашмасидан (асосий моддасидаги электронларни ўзига қабул қилувчи аралашмалар) ошиқ бўлганда, пластинканинг юзига яқин қисмида n ўтказувчанлик ўрнатилади ва ичкариси эса р ўтказувчанлик ҳолида қолади. Натижада р- n бошланғич моддадаги акцептор концентрацияси билан киритилган донор концентрацияси тенг бўлган чуқурликда ҳосил бўлади. Шу усулда тайёрланган фотоэлементни ташқи таъсирдан сақлаш учун уларнинг ёруғлик тушувчи сиртини ёруғликни ўтказадиган лак қатлам суркаб, ҳимоя қобиқларига жойлаштирилади. Кремнийли фотоэлементларни доирасимон, тўғри бурчакли ва олти бурчакли шаклларда ясалади ва юзлари 1 см 2 дан 15 см 2 гача етади. Одатда кремнийли фотоэлекментларнинг юзини бундан катта қилиб ясалмайди. Кремнийли фотоэлементлар батареясини одатда қуёш батареялари деб юритилади. Бундай дейилишининг сабаби сифатида қуйидагиларни кўрсатиш мумкин 1. Кремний элементи ер қобиғида кенг тарқалган. 2. Фотоэлемент юзига тушувчи қуёш нур энергияси ҳисобига кремнийли фотоэлементлар бошқа турдаги фотоэлементларга қараганда ошиқроқ қувватга эга бўлади. 3. Бошқа турдаги (масалан, германийли) асбобларга қараганда температура тебранишларига сезгирлиги кам. Крейнийли фотоэлементлар батареяси –65 0 С дан +175 0 С гача температура оралигида эффектив ишлайди. Кремнийли фотоэлементнинг интервал сезгирлиги аввал кўрсатганимиздек, 35000лм мка га тенг ва спектрал сезгирлигининг максимал қиймати 0,75 мк га тўғри келади. Ёритилганлик ортиши билан кремнийли фотоэлементда қисқа туташув токининг ҳам қиймати орта боради, аммо салт ишлашдаги кучланиш эса тўйиниш қийматидан сўнг ошмайди (расм-2 а,б ).

Фотоэлемент занжирига ташқи қаршилик киритилса , қисқа туташув токининг чизиқли ортишидан четлашиш рўй беради ва ташқи қаршилик қанчалик катта бўлса , бу четлашиш ҳам шунчалик кучая боради . Кремнийли фотоэлементнинг ф . и . к . (  ) ни фотоэлементнинг юз бирлигидан олинадиган максимал қувват ( Р max ) нинг бирлик юзага тушувчи куёш нурланиш куввати ( Р о ) га нисбати сифатида ҳам аниқлаш мумкин : 100 max   oP P  % Текширишларнинг кўрсатишича , тушувчи ёруғлик оқими интенсив кучайиши билан фотоэлементнинг фойдали иш коэффициенти орта боради . Фотоэлементдан олинадиган максимал қувват ва нагрузкадаги кучланиш орасида 2- расмда кўрсатилганича боғланиш мавжуд . 2- расмдан кўрамизки , нагрузкадаги кучланиш 0,3-0,4 в бўлганида фотоэлементдан олинадиган қувват ҳам максимал бўлади . Бундан ташқари, кремнийли фотоэлементнинг электр юритувчи кучи температура ортиши билан камая боради. Демак, фотоэлементдан максимал қувват олиш учун уни паст температурада тутиб туриш керак. Кремнийли фотоэлементлар қуёш энергиясини бевосита электр энергиясига айлантиргани учун уларни фотоўзгартиргичлар деб ҳам юритилади. Куёш фотобатареялари асосан икки йуналишда: ер шароитида

турли курилмаларни ток билан таъминлашда хамда космик кемалар, суъний йулдошларнинг илмий ва улчов аппаратларини ток билан таъминлашда кулланилади.

Ф ойдаланилган адаби ё тлар : 1. Г.Я.Умаров, Р.Т.Раббимов и др. Использование низко- потенциаль ных солне ч ных установок. Изд-во «Фан» АнУзССР, 1976 2. П.Л.Михайлов. «Гелиотехника в школе» Изд-во «Укитувчи», Т. 1977 3. Бринкворт. «Солнечная энергия для человека» Изд-во «Энергия» 1985. 4. Б.Андерсон. Солнечная энергия М. Стройиздат, 1982 5. Х.Аргинбоев Гелиотехника ўқув қўлланма. Ўқитувчи Т., 1974 6. Вейенберг В.Б. Оптика в устоновках для использования Сольнечной Энергии М. Оборонгиз. 1959. 7. Изроэль Г.Б. Энергетика и ее будушее М. Энергия 1969. 8. Баум В.А. Использование Солнечной энергия. Сб.науч.трудов. № 1 М.1957

Похожие

Электр таъминоти

Электромагнит тебранишлар ва тўлқинлар мавзусини ўрганишда табиатни қўриқлашга оид билим бериш

Қуёш энергиясининг манбаи. Қуёш активлиги. Қуёш-ер муаммоси сайёралар физикаси ер типидаги сайёралар

Электр занжирлари ҳақида умумий маълумотлар

Паст ҳароратли Қуёш қурилмалари