Жамиятнинг фалсафий тахлили - Философия - Рефераты

Жамиятнинг фалсафий тахлили

Загружено в:

20.09.2019

Скачано:

0

Размер:

144.5 KB

Жамиятнинг фалсафий таҳлили Режа: 1. Жамият–ижтимоий фалсафанинг тадқиқот объекти. Жамият ҳақидаги фалсафий қарашлар. 2. Жамиятнинг моҳияти, ўзига хос жиҳатлари. 3. Жамият яхлит тизим сифатида. Жамият ҳаётининг асосий соҳалари. 4. Ахборотлашган жамият. Фуқаролик (гражданлик) жамияти. 5. Ўзбекистонда барпо этилаётган эркин фуқаролик (гражданлик) жамияти.

Жамият – кишилар уюшмасининг махсус шакли, кишилар ўртасида амал қиладиган жуда кўплаб муносабатлар йиғиндиси; табиатнинг бир қисми; ижтимоий борлиқ. Жамият ғоят мураккаб ва кўпқиррали ҳодиса бўлиб, муттасил равишда ўзгариш ва ривожланиш хусусиятига эгадир. Жуда қадим замонларданоқ инсониятнинг улуғ мутафаккирлари жамият моҳиятини билишга ва инсоннинг жамиятдаги ўрни ва ролини белгилашга ҳаракат қилганлар. Турли тарихий даврларда мифологик, диний, илмий ва фалсафий қарашлар жамиятнинг келиб чиқиши ва ривожланиши тўғрисида муайян билим, тасаввурлар ҳосил қилишга имкон берган. Инсоният маънавияти юксалиб боргани сайин жамият тўғрисидаги қарашлар ҳам тобора такомиллашиб борган, жамият тўғрисидаги ўта содда диний-мифологик қарашларга нисбатан анча мураккаб ва ишончли илмий- фалсафий қарашлар вужудга келган. Жамият тўғрисидаги изчил илмий-фалсафий қарашларнинг ривожланишига Марказий Осиё мутафаккирлари қомусий билим эгалари: Фаробий, Абу Райҳон Беруний, Ибн Сино сингари улуғ мутафаккирлар салмоқли ҳисса қўшганлар. Уларнинг илғор қарашлари кўп асрлар давомида ижтимоий муносабатларни такомиллаштириш, комил инсон шахсини шакллантиришда муҳим аҳамиятга эга бўлди ва ҳозиргача ўз аҳамиятини сақлаб келмоқда. Абу Райҳон Беруний ва Ибн Сино биринчи бўлиб жамият қандай пайдо бўлган, деган саволга илмий асосда жавоб беришга ҳаракат қилганлар. Инсоният жамиятининг пайдо бўлиш сабабларини одамларда ақл ва тафаккурнинг ривожланиши, кишиларнинг бирдамликка бўлган табиий интилиши билан боғлаганлар. Ибн Сино жамиятдаги ижтимоий тенгсизликни нормал-табиий ҳолат эканлигини таъкидлаган. Меҳнатнинг ижтимоий

тақсимланиши жамият тараққиётида муҳим аҳамиятга эга эканлигини асослашга ҳаракат қилган. Марказий Осиё мутафаккирларининг жамият тўғрисидаги қарашлари кейинчалик европалик олимлар томонидан янада ривожлантирилди. Ўрта асрларда Европа ижтимоий-фалсафий тафаккурида диний қарашлар етакчи мавқени эгаллади. Бу давр мутафаккирлари (номиналистлар ва реалистлар) инсон ва жамиятнинг қай бири олдин вужудга келган, деган масала атрофида баҳс-мунозара юритганлар. Машҳур илоҳиётчи Фома Аквинский ва унинг издошлари инсон ва жамиятнинг пайдо бўлишини Худонинг иродаси билан боғлаганлар. XIX аср ўрталарига келиб жамиятни илмий асосда тадқиқ этиш, унинг ривожланиш истиқболларини олдиндан кўриш, етилган ижтимоий муаммоларни илмий асосда ҳал этиш ҳаётий заруриятга айланди. Бу даврда табииётшунослик фанлари соҳасида эришилган улкан кашфиётлар олимларни жамият тўғрисида ҳам илмий назария яратишга рағбатлантирди. Табииётшунослик фанларининг илмий билиш методларини жамиятни билишга татбиқ этиш яхши натижалар бериши мумкин, деган хулосага олиб келди: жамият тўғрисидаги илмий назария -социология фани вужудга келди. Ижтимоий фалсафа социология ва бошқа ижтимоий фанларнинг хулосаларига таяниб, жамият тўғрисида яхлит таълимот ва дунёқараш яратишни ўз олдига мақсад қилиб қўйди. Европа ижтимоий-фалсафий тафаккури жамият тўғрисида яхлит таълимот яратгунига қадар ғоят машаққатли ғоявий кураш йўлини босиб ўтди. Европа ижтимоий фалсафаси илм-фан хулосаларига таяниб, жамиятнинг пайдо бўлиши ва ривожланиш хусусиятлари тўғрисида изчил таълимот яратишга қаратилган эди. Машҳур немис файласуфи Гегель (1770-1831) жамиятнинг пайдо бўлиш сабабларици мутлақ руҳ тараққиётининг қонуниятли натижаси сифатида изоҳлади. Жамият тўғрисидаги фалсафий фанга асос солган

француз файласуфи О. Конт (1758-1820) эса жамиятнинг пайдо бўлиши ва ривожланишини инсониятнинг маънавий тараққиёти маъсули сифатида талқин этди. Буюк немис файласуфи И. Кант (1724-1774) кишилик жамиятининг пайдо бўлиши аҳлоқий онгнинг ривожланиши, оиланинг вужудга келиши билан боғлади. Инглиз файласуфи Г.Спенсер жамиятни табиатнинг ажралмас бир қисми, умумий эволюцион жараён сифатида тушунтирди; жамият ва табиатни бир-бири билан қиёслаш орқали улар ўртасидаги ўхшашлик ва тафовутларни кўрсатди. Жамият моҳиятини билишда ижтимоий дарвинизм, психологизм (фрейдизм, инстинктивизм, халқлар психологияси) марксизм сингари фалсафий таълимот муайян роль ўйнади. Бундай ижтимоий фалсафий қарашлар ҳозирги пайтда таназулга учраб ўз аҳамиятини йуқотган бўлсада, жамият моҳиятини илмий асосда билиш йўлидаги уринишлар эди дейишимиз мумкин. Ҳозирги замон ижтимоий фалсафаси ана шу таълимотларнинг бирёқлама, хато ва ижтимоий амалиётга зид ва у тасдиқламаган томонларини янада такомиллаштириш асосида қарор топди. Жамият тўғрисидаги ҳар бир фалсафий таълимотда конкрет тарихий даврнинг руҳи, маънавий салоҳияти ўз ифодаснни топади. Гегель ибораси билан айтганда, жамият фалсафа орқали ўзлигини англайди. Жамият ва инсон моҳиятан бир-бири билан узвий боғлиқ бўлган тушунчалардир. Бу тушунчаларни бир-бири билан айнийлаштириш ҳам, уларни қарама-қарши қўйиш ҳам хатодир. Инсон моҳиятини бир ёқлама тушуниш муқаррар равишда жамият моҳиятини ҳам бирёқлама ва хато тушунишга олиб келади. Инсондаги биологик ва ижтимоий жиҳатларни бир- биридан ажратиш, улардан бирини муҳим, асосий деб ҳисоблаш марксизм ва фрейдизмнинг бирёқлама таълимот бўлиб қолишига олиб келган. Таниқли рус файласуфи Н. А. Бердяевнинг фикрича, «Маркс истеъдодли социолог, бироқ бўш антрополог бўлган. Марксизм жамият

муаммосини қўяди, бироқ инсон муаммосини қўймайди, унинг учун инсон жамиятнинг функцияси, иқтисодиётнинг техник функциясидир. Жамият бирламчи феномен, инсон эса иккиламчи феномендир» 1 Собиқ иттифоқ даврида кўп йиллар давомида ўқитиб келинган ижтимоий фалсафа (тарихий материализм) жамият моҳиятини бирёқлама тушунтиришга асосланган эди. Жамиятнинг моддий, иқтисодий ҳаёти унинг маънавий ҳаётидан устун қўйилар, маънавиятнинг жамият ва шахс ҳаётидаги аҳамиятига етарли эътибор берилмас эди. Миллий мустақиллик йилларида шаклланган янгича сиёсий тафаккур маънавиятнинг жамият ҳаётидаги ўрни ва ролини янгича тушунишга имкон берди. Президент И. А. Каримов томонидан илгари сурилган «юксак маънавият-жамият тараққиётининг асосидир» деган ғоя жамиятнинг моҳияти ва ривожланиш истиқболларини янгича тушунишнинг методологик асоси бўлиб хизмат қилади. Инсон ва жамият - бир-бири билан узвий боғлиқдир: инсон жамиятдан ташқарида ўзининг ҳақиқий моҳиятини йўқотади. Бироқ жамият инсонларнинг шунчаки йиғиндисидангина иборат эмас. Бундан ташқари, жамият одамлар ўртасида амал қиладиган реал муносабатларни ҳам қамраб олади; бундай муносабатлар кишиларни оила, уруғ, қабила, миллат, давлат ва ниҳоят, инсоният ҳамжамиятига бирлаштиради. Одамлар йиғиндисини хис этиш, кузатиш мумкйн. Бироқ одамлар ўртасидаги муносабатларни кўриш, кузатиш имконсиздир, чунки улар яширин характерга эга бўлиб, жисмсиз, номоддийдир. Жамият ҳаётида ана шундай муносабатлар ҳал қилувчи роль ўйнайди. Ижтимоий фалсафа тарихида инсон ва жамиятнинг ўзаро муносабати масаласи турли тортишувларга сабаб бўлган. Фақат айрим инсонларгина мавжуд, жамият мавжуд эмас, деб ҳисоблайдиган файласуфлар давлат ва 1 Н.А.Бердяев Истоки и см ў сл русского коммунизма. - М.:,1990. С.150.

бошқа ижтимоий ташкилотлар мавжудлигини инкор этганлар (Буларни сўл индивидуалистлар, анархистлар деб аталади) Бошқа бир файласуфлар фақат жамиятгина олий қадрият, инсонлар эса унинг кичик қисмлари деб ҳисоблайдилар. Улар жамият асосини ташкил этувчи реал инсонни кўрмайди. Булар марксизм тарафдорлари бўлиб, жанговар коллективизм, тоталитаризм ғоясини илгари сурдилар. Одамлар ва улар ўртасидагй муносабатлар жамият структурасининг таянч элементи бўлса ҳам, унинг бутун мазмунини белгилай олмайди. Жамият таркиби (структураси) икки ўлчамли эмас, балки кўп ўлчамлидир. Жамиятни назарий жиҳатдан таҳлил қилиш қулай бўлиши учунгина жамият структураси икки асосий элементга бўлинади. Жонли, реал жамият эса жуда кўплаб алоқа, муносабат ва ўзаро таъсир бирлигидан иборат бўлиб, улар хилма-хил элементлар мажмуасидан яхлит ижтимоий организмни вужудга келтиради. Жамиятни яхлит ва бир бутун система сифатида тушуниш қадимги дунё файласуфлари учун ҳам хос эди. Бироқ Х1Х-ХХ асрга келиб, жамиятни тизими асосида равишда тадқиқ этишда О. Конт, Г. Спенсер, К. Маркс, Э. Дюркгейм, М. Вебер, П. Сорокин, Т. Парсонс каби олимларнинг хизматлари салмоқли бўлди. Жамият элементлари деганда ижтимоий тизимнинг энг кичик қисмлари тушунилади. Ижтимоий муносабатлар - жамиятни ташкил этувчи субъектлар ўртасидаги муайян алоқа ва боғлиқликдир. Барқарор ва доимий равишда такрорланувчи муносабатлар аста-секин барқарор ижтимоий гуруҳлар, ташкилотлар, институтларнинг шаклланишига олиб келади. Жамиятдаги муносабатлар қанчалик бой, хилма-хил бўлса, бу жамиятнинг демократик характерга эга эканлигидан, ривожланганлигидан далолат беради. Ижтимоий тизим бошқа тизимлардан ажратиб турадиган муҳим хусусиятлар қуйидагилардир; 1) жамиятни ташкил этадиган элементларнинг кўплиги;

2) ижтимоий тизим элементларнинг ранг-баранглиги, турлича сифат ва характергаэга эканлиги; 3) ижтимоий тизим асосий элементи ва ядроси бўлган инсоннинг бетакрорлиги, ўз фаолияти ва хулқ-атворини эркин намоён этишидир. Бу ҳолатлар жамият истиқболи қандай бўлишини олдиндан билишниниҳоятда қийинлаштиради. Бироқ шунга қарамай ижтимоий-фалсафий тафаккур жамият элементларини бир-бири билан узвий боғлайдиган ягона асосни топишга интилиб келди. Бу асос инсон фаолиятидир. Инсон фаолияти туфайли бутун ижтимоий тизим ҳаракатга келади, турли элементлар ўртасидаги алоқалар мустаҳкамланади. Ижтимоий ҳаётнинг моҳиятли асоси бўлган инсон фаолиятининг рўй бериши учун қуйидаги тўрт элемент талаб этилади. Биринчи ва асосий элемент инсон, кишилардир . У фаолиятнинг фаол қисми, фаолият субъектидир. Инсон фаолиятининг иккинчи элементи фаолият объектларидир. Бу инсон фаолияти йўналтирилган нарсаларгина эмас, балки инсоннинг ўзи ҳам фаолият объекти ҳисобланади. Масалан, ўқитувчи, врач фаолияти инсонга қаратилади. Лекин кўпинча нарсалар фаолият объекти ҳисобланади. Инсон фаолияти учун зарур бўлган учинчи энг муҳим элемент тил, нутқ, информациядир. Бундай белгиларсиз инсон фаолиятининг амалга ошишини ҳатто тасаввур этиб бўлмайди. Рамзлар ва белгилар инсон онгига таъсир этиб, фаолиятнинг узлуксиз равишда амалга ошишини таъминлайди. Инсон фаолиятйнинг тўртинчи муҳим элементи барқарор алоқа ва муносабатлардир. Барқарор муносабатлар инсон фаолияти элементларини ҳаракатга келтиради. Ижтимоий фаолиятнинг тўрт асосий элементига мос равишда ижтимоий ҳаётнинг қуйидаги тўрт соҳаси вужудга келади:

1) маънавий соҳа, 2) моддий соҳа, 3) сиёсий соҳа, 4) ижтимоий соҳа. Ҳозирга қадар адабиётларда жамиятнинг моддий ва маънавий соҳалари бир-биридан кескин фарқланар, унинг моддий жиҳатига кўпроқ эътибор берилар эди. Холбуки, жамиятнинг туб моҳияти уни ташкил этувчи инсон моҳияти билан узвий боғлиқдир. Ҳудди инсон танасини унинг руҳидан ажратиб бўлмагани сингари жамиятнинг моддий ва маънавий томонларини бир-биридан ажратиш ва уларнинг бирини иккинчисидан устун қўйиш ҳам мантиққа зиддир. Президент И. А. Каримовнинг асарларида жамиятнинг моддий ва маънавий томонларини уйғунлаштириш ижтимоий тараққиётнинг асоси эканлиги таъкидланган. Инсон маънавиятини юксалтириш орқалигина иқтисодий ривожланишга эришиш мумкин. Шунинг учун ҳам ҳозирги даврда аҳоли маънавиятини юксалтиришга, миллий ғоя ва мафкура асосларини сингдиришга катта эътибор бериляпти. Инсоннинг ҳақиқий моҳияти моддий эҳтиёжларни маданий шаклларда қондирилишида яққол намоён бўлади. Инсон ақлли мавжудот сифатида моддий эҳтиёжларини маданий шаклларда қондириш учун табиат ва жамият моҳиятини билишга, табиат ва жамиятни ўз мақсадларига мос равишда ўзгартиришга ҳаракат қилади. Илм-фан ва техника инсоннинг маънавий ва моддий эҳтиёжларини қондириш қуроли, муҳим воситаси бўлиб хизмат қилади. Юксак маънавият туфайлигина инсон ўз эҳтиёжларини маданий шаклларда оқилона ва тўлароқ қондириш имконига эга бўлади. Ҳар қандай жамият ҳаётида маънавият, маънавий ишлаб чиқариш ҳал қилувчи роль ўйнайди. Кишилар маънавий ишлаб чиқариш жараёнида оламни, атроф-муҳитни тўлароқ биладилар, ижтимоий ҳаёт қоидаларини ўзлаштирадилар, бир-бирлари билан инсонларча муносабатда бўлишни ўрганадилар. Маънавий ишлаб чиқариш жараёнида илғор ғоя, назария ва таълимотлар яратилади. Бу эса ижтимоий-сиёсий барқарорлик, тотувликни

таъминлашда муҳим роль ўйнайди, Илм-фан ва техника тараққиёти жамиятнинг моддий фаровонлигини янада яхшилаш учун замин яратади. Фалсафа жамиятни объектив оламнинг таркибий қисми сифатида ўрганади. Ижтимоий фалсафа жамият, унинг моҳияти, тараққиёт қонунларини ўрганадиган фалсафанинг махсус соҳаси бўлиб ҳисобланади. Жамият муаммоси қадимдан одамларни қизиқтириб келган. Кишилик жамиятини ўрганадиган фан соҳалари кўп. Жамиятнинг иқтисодий ҳаёти иқтисодиёт назарияси, унда кечадиган тарихий жараёнлар тарих, жамиятни бошқариш соҳаси «Давлат ва ҳуқуқ назарияси»нинг тадқиқот объекти бўлиб ҳисобланади. Ижтимоий фалсафа бошқа фанлардан фарқли ўлароқ жамиятни ўз-ўзини ташкилловчи ва бошқарувчи яхлит бир тизим сифатида ўрганади ва бу тизимга хос бўлган қонунларни очишни ўз олдига мақсад қилиб қўяди. Ҳозирги замон антропология ва этнография фанлари нуқтаи-назаридан одам бундан тахминан 5 миллион йиллар муқаддам шу Ер деб аталган Қуёш системаси таркибидаги планета – Она – табиат ҳаракати натижасида тирик мавжудотлар ичида бир тур сифатида вужудга келган. Одам мия тузилишининг ҳайвонларникидан сифат жиҳатидан фарқ қилиши ва онгли меҳнат туфайли аста-секин физиологик ва интеллектуал (ақлий) жиҳатдан такомиллашиб бориб, кейинги 50-40 минг йиллардан эътиборан Кроманьон типидаги одам жамият бўлиб яшашга ўтган. Одамзотнинг жамият бўлиб яшаши учун маънавий маданият керак эди. Ана шу эҳтиёжлар сабабли илгариги одам типлари (австралопитек, питекантроп, синантроп, неандерталь)даги инстинктлар ўрнини аҳлоқ нормалари эгаллаб борди. Натижада дунёнинг турли минтақаларида вужудга келган одамлар жамоасида рухсат ва таъқиқ тизими шаклланди. Ибтидоий жамият одамлари мифологик дунёқараш асосида шаклланган. Дастлаб улар сеҳрли кучлар борлигига ишонганлар, улардан нажот тилаб яшаш тарзига ўтганлар. Диний дунёқарашнинг шаклланиши туфайли рухсат ва таъқиқлар ўрнига савоб ва гуноҳ ҳақидаги тушунчалар таркиб топди; одамзотнинг кейинги уч минг

йиллик маънавий маданияти ана шу қарашлар доирасида такомиллашиб борди. Давлатнинг демократик шакллари юзага келгач, жамият маънавияти қонун устиворлиги руҳида шаклланиб борди. Давлат ва жамият, ижтимоий муносабатлар ҳақидаги дастлабки тасаввурлар қадимги Бобил, Миср, Ҳиндистон, Марказий Осиёда вужудга кела бошлаган. Зардуштийлик динининг муқаддас китоби «Авесто»да, қадимги ҳинд эпослари бўлмиш «Маҳабҳорат», «Рамаяна», «Калила ва Димна»да жамият, инсон, ижтимоий муаммолар ўз ифодасини топган. Жамият муаммоси қадимий Юнон файласуфлари қарашларида марказий ўрин тутади. Платон таълимотида жамият, давлат масалалари муҳим ўрин тутади. Платон жамиятга тизим сифатида ёндошиб, унинг таркиби, давлат бошқаруви ҳақида қимматли фикрлар билдирган. Қадимий Юнон файласуфи Аристотель жамиятни ўрганиш билан боғлиқ фанларни «Метафизика» деб номлаган. Бу фанлар орасида сиёсатга алоҳида ўрин берган. Унинг фикрича, жамият сиёсий мавжудотлардан ташкил топган. Жамият, унда одамларнинг ўрни, уларнинг ҳамкор, ҳамнафас бўлиб яшаши тўғрисидаги ғоялар Марказий Осиёда шаклланган монийлик ва маздакийлик таълимотининг асосини ташкил этади. Амир Темурнинг «Темур тузуклари» да жамият, унинг иқтисодий, сиёсий, маданий ҳаёти; жамият ҳаётини ташкил этиш қонун-қоидалари тўғрисида қимматли маълумотлар берилган. Жамият ҳақидаги фалсафий қарашлар Марказий Осиёлик буюк мутафаккир олимлар ижодида алоҳида ўрин тутади. Абу Наср Форобий асарларида жамият муаммоси фалсафий таҳлил қилинган. У Платон ва Аристотель асарларига таяниб, жамиятнинг келиб чиқиши асосида табиий эҳтиёжларни қондириш ётади, деган назарияни

илгари сурган. Табиий эҳтиёж кишиларни бирлашишга, жамоага уюшувига, ўзаро ёрдамга олиб келган. Ўзаро ёрдам туфайли эҳтиёжлар қондирилган. Кишилар ўртасидаги ўзаро ёрдам жамиятни келтириб чиқарган. Инсоният жамияти турли халқлардан ташкил топган бўлиб, улар ўзаро бир-бирларидан тиллари, урф-одатлари, малакалари, хусусиятлари билан фарқланадилар. Форобий жамиятларни фозил ва жоҳилларга ажратади. Фозил шаҳар юксак ахлоқли ва маърифатли кишилар томонидан бошқарилиб, бу давлат шаҳар аҳолисининг ўзаро кўмаклашувига, бир-бирига ёрдам беришга асосланади. Одамларга нисбатан уларни бирлаштириб турувчи ибтидо – инсонийликдир. Шу туфайли одамлар одамзод туркумига оид бўлгани учун ҳам ўзаро тинчликда яшамоқлари лозим. 1 Абу Али Ибн Сино «Ишорат ва танбиҳот» асарида инсон ўз шахсий талаблари жиҳатидан бошқалардан ажралган ҳолда яшай олмайди, чунки у инсониятнинг бошқа вакиллари билан муносабатда бўлибгина, ўз эҳтиёжларини қондириши мумкин» 2 деб ҳисоблайди. У инсонларнинг жамиятдаги ўрнига кўра 3 гуруҳга бўлади: а) давлат идораларида хизмат қилувчи ва жамиятни бошқариш иши билан шуғулланувчилар; б) хом-ашё ва зарурий маҳсулотларни ишлаб чиқарувчилар; в) давлатни қўриқлаш, уни турли ташқи хужумлардан сақлашни таъминлайдиган харбийлар. Ибн Сино жамиятнинг пайдо бўлиши кишиларнинг бирдамликка бўлган табиий эҳтиёжидан келиб чиққанлигини кўрсатган. Абу Райҳон Беруний биринчилардан бўлиб цивилизацияларнинг пайдо бўлишида табиий-географий муҳитнинг тутган ўрнини асослашга уринган. У 1 Қаранг.: Ўзбекистонда ижтимоий-фалсафий фикрлар тарихидан лавҳалар. – Т., «Ўзбекистон», 1995 йил, 49-бет. 2 Ўша ерда 68 - бет

жамиятни идора қилиш ва бошқаришнинг моҳияти азият чекканларнинг ҳуқуқларини ҳимоя қилиш, бировларнинг тинчлиги йўлида ўз тинчлигини йўқотишидан иборат, деб билган. 2 Алишер Навоий ўз асарларида «идеал жамият» қиёфасини чизган. XIX асрнинг ўрталарида жамият, унинг моҳияти, тараққиёт истиқболларини ўрганиш ҳаётий зарурат даражасига кўтарилди. Иккинчи мавзуда таъкидлаганимиздек, айнан шу зарурият фалсафа фанидан ижтимоий фалсафанинг ажралиб чиқишига ва махсус фалсафий фан сифатида шаклланишига сабаб бўлди. Ғарбий Европанинг Г.Спенсер (1820-1907), Дюркгейм (1858-1917, Георг Вилгельм Гегель (1770-1831), М.Вебер (1864-1920), сингари олимлари, шунингдек К.Маркс (1818-1883), Энгельс (1820-1895) лар жамият ҳаётини мураккаб ижтимоий тизим сифатида тадқиқ этдилар. Ижтимоий фалсафа жамиятни таҳлил қилишда қуйидаги тамойилларга асосланади: 1) жамият бир бутун яхлит оламнинг таркибий қисми, борлиқ, табиатнинг ўзига хос кўриниши, одамлар уюшмасининг махсус шакли. 2) жамият бир бутунликни, яхлитликни ташкил этувчи ижтимоий тизимдир. Фалсафа жамиятни яхлитлик сифатида олиб ўрганади ва шу асосда унинг мавжудлиги, тараққиёт қонунларини очиб беради. 3) ижтимоий фалсафа жамиятнинг барча томонлари орасидаги алоқадорликлар ва тараққиётни тадқиқ этади. 4) Ижтимоий фалсафа жамият ҳам олам каби узлуксиз ҳаракатда, ўзгаришда, тараққиётида, деб билади, унда кечадиган барча воқеа- ҳодисаларни динамик жараён сифатида ўрганади. 2 Жаҳон фалсафаси тарихидан мавҳулар. I қисм. – Т., Ўзбекистон Файласуфлари Миллий жамияти нашриёти, 2004 йил, 122-бет.

Иқтисодий ҳаёт соҳаси жамиятдаги мавжуд моддий ишлаб чиқаришни назарда тутади. У жамият ҳаётининг иқтисодий шароитларини яратишдан иборат бўлган мураккаб ижтимоий жараёнларни ўз ичига олади. Жамиятнинг ижтимоий ҳаёти деганда ундаги мавжуд турли бирликлар, гуруҳларнинг ҳаёти ҳамда, улар орасидаги турли-туман ижтимоий алоқа ва муносабатлар назарда тутилади. Жамиятнинг сиёсий ҳаёти соҳаси одамлар, сиёсий кучлар-синфлар, миллатларнинг ўзаро сиёсий муносабатларини, уларнинг давлат ҳокимиятини қўлга киритиш ва мустаҳкамлаш борасидаги онгли фаолиятларини қамраб олади. Жамиятнинг маънавий ҳаёт соҳаси маънавий бойликлар яратишга қаратилган фаолият ва унинг натижалари: (хилма-хил қарашлар, ғоялар, таълимотлар, фан, адабиёт, санъат, таълим-тарбия каби) ни, маънавий муносабатларни ўз ичига қамраб олади. Жамиятлар очиқ жамият, ёпиқ жамият, ахборотлашган жамият, фуқаролик жамияти каби шакл ва кўринишларга эга. Очиқ ва ёпиқ жамият тушунчаларини ижтимоий фалсафага инглиз олими Карл Поппер (1902-1994) киритган. У ёпиқ жамиятни тоталитар сиёсий тузумнинг маҳсули сифатида таърифлайди. Очиқ жамиятда фуқаролар шахс ҳисобланади. Бундай жамиятда муайян қарорларни қабул қилишда фуқаролар қатнашадилар. Карл Поппер очиқ жамиятни бозор иқтисоди (бозор эркинлиги) билан боғлайди. Унинг фикрича, дунёда инсонпарварлик тамойилига асосланган ижтимоий тузумни ташкил этиш учун инсоният бешта муҳим вазифани адо этиши зарур. 1. Эркинликни мустаҳкамлаш, ундан келиб чиқадиган масъулиятни англаш; 2. Дунёда тинчлик ўрнатиш;

3. Қашшоқликка қарши кураш; 4. Демографик «портлаш»га қарши кураш; 5. Зўравонликка қарши таълим-тарбияни жадаллаштириш. 1 Ахборотлашган жамият тушунчаси америкалик файласуф, социолог Олвин Тоффлер (1928 йилда туғилган) томонидан истеъмолга киритилган, у постиндустриал жамиятни ахборотлашган жамият, деб атайди. Ахборотлашган жамият деганда информация, ижодиёт ва интеллектуал технологиянинг аҳамияти ортиб борган жамият назарда тутилади. Бу жамият компьютерлар, лазер техникаси, биотехнология, ген инженерияси, информатика, электроника, телевидеокоммуникация ривожи билан боғлиқ равишда мавжуд бўла олади. Бу жамиятда асосий эътибор машиналарни ўзгартиришга эмас, балки кишилар онги ва маданиятини ўзгартиришга қаратилади. Ижтимоий фалсафа фани доирасида идеал жамиятга нисбатан «фуқаролик жамияти» тушунчаси қўлланади. Гарчи фуқаролик жамияти тушунчаси истеъмолга нисбатан кейин киритилган ҳисобланса-да, аслида у ҳақидаги фалсафий фикрлар қадимий даврлардан шаклланган. Аристотель «Сиёсат» асарида фуқаролик жамияти муаммосига диққатини қаратган ва уни «полис» сифатида ифодалаган. Абу Наср Форобий «Фозил одамлар шаҳри» асарида фуқаролик жамиятига хос хусусият – бошқарувнинг жамоатчилик асослари ҳақидаги ғояларни илгари сурган. Таълим-тарбия тизими жамият маънавий ҳаётида муҳим ўрин тутади. Ҳаётга кириб келаётган ёш авлоднинг маънавий қиёфаси, маданияти, ҳаётга ва одамларга бўлган муносабати мактабда шаклланади. Санъат, адабиёт. 1 Фалсафа. Қомусий луғат.-Т., «Шарқ» , 2004 йил, 331-332-бетлар

маданият, илм-фан арбобларининг меҳнати жамиятнинг юксалишида алоҳида ўрин тутади, шу боисдан ҳам уларнинг меҳнати қадрланади. Жамиятнинг модций ва маънавий соҳалари кишиларнинг моддий ва маънавий эҳтиёжлари билан узвий боғлиқ равишда вужудга келади. Жамиятнинг моддий ҳаётига: - кишиларнинг яшашлари, шахс сифатида камол топишлари учун зарур бўлган шарт-шароитлар; - озиқ-овқат, кийим-кечак, турар-жой, ёқилғи, коммуникация воситалари; - моддий неъматлар ишлаб чиқариш, тақсимлаш, айирбошлаш ва истеъмол қилиш; - ишлаб чиқариш жараёнида кишилар ўртасида амал қиладиган иқтисодий муносабатлар мажмуаси; - моддий бойликлар, табиий заҳиралар киради. Жамиятнинг моддий ҳаёти кишилар учун тирикчилик неъматлари, воситалари яратишга қаратилгандир. У кишиларнинг моддий эҳтиёжларини қондиришга имкон беради. Моддий ишлаб чиқаришда жисмоний меҳнат кишиси асосий роль ўйнайди. Тўғри, бу соҳада ақлий меҳнат кишилари, (инженер, агроном, зоотехник, раҳбарлар ва ҳ.к.) ҳам фаолият кўрсатади, бироқ етакчи мавқени жисмоний меҳнат ходимлари эгаллайдилар. «Иқтисодиётнинг барча соҳа ва тармоқларини эркинлаштириш жараёнини изчиллик билан амалга ошириш ва олиб борилаётган ислоҳотларни янада чуқурлаштириш, хўжалик юритувчи субъектларнинг мустақиллигини ошириш, тадбиркорлик фаолиятини ривожлантириш йўлидаги мавжуд тўсиқларни бартараф этиш - бу соҳадаги ўзгаришларнинг асосий йўналишларидир.» 3 Моддий ишлаб чиқаришсиз жамият ҳаётининг нормал табиий ривожланишини ҳатто тасаввур этиб бўлмайди. Бироқ моддий соҳа 3 Миллий истиқлол ғояси: асосий тушунча ва тамойиллар. Т. «Ўзбекистон», 2000.-Б.31.

аҳамиятини ҳаддан ташқари бўрттирнш, бутун эътиборни моддий ишлаб чиқаришга қаратиш ҳам жамиятни маънавий инқирозга олиб келиши мумкин. Тараққий этган мамлакатлар тажрибасининг кўрсатишича, ҳозирги пайтда товар ишлаб чиқаришга нисбатан хизмат кўрсатиш соҳаси фойдалироқ бўлиб қоляпти. Д. Белл, 3. Бзежинский сингари ғарб олимлари ўз тадқиқотларида постиндустриал жамиятда моддий ишлаб чиқаришнинг аҳамияти тобора камайиб боришини кўрсатяптилар. Жамиятнинг моддий ва маънавий ҳаётини бир-биридан фарқлаш ижтимоий ҳаёт моҳиятини чуқурроқ билишга имкон беради. Аслида реал ҳаётда улар бир-бири билан чамбарчас боғлиқ ҳолда кечади. Илмий иазария ва амалиётда жамиятнинг моддий ва маънавий ҳаётини бир-биридан ажратиш, улардан бирини муҳимроқ, бошқасини номуҳим деб ҳисоблаш жамиятнинг табиий-тарихий ривожланишини издан чиқаради. Жамиятнинг маънавий-интеллектуал тараққиёти учун иқтисодий замин яратиш қанчалик муҳим бўлса, моддий фаровонликни таъминлаш учун маънавий-интеллектуал салоҳиятни кучайтириш ҳам шунчалик муҳимдир. Жамият ҳаётида моддий ва маънавий ишлаб чиқариш қанчалик муҳим ўрин тутса, уни бошқариш ҳам шунчалик муҳим аҳамият касб этади. Жамиятнинг турли элементлари нормал ишлаши, бир-бирига мувофиқ фаолият кўрсатиши учун уни бошқариш талаб этилади. Бошқариш давлатдан тортиб корхона ва оилагача бўлган кенг соҳани қамраб олади. Бошқариш билан махсус кишилар, сиёсатчилар, раҳбар ходимлар шуғулланадилар. Бошқариш турли даражаларда амалга оширилса ҳам, бошқариш фаолиятининг энг юқори шакли сиёсий фаолият ҳисобланади. Жамиятни сиёсий бошқаришнинг хилма-хил шакллари мавжуд бўлиб, ҳар бир мамлакатнинг миллий менталитети, анъаналарига мос равишда сиёсий бошқаришнинг монархия, аристократия, республика шакллари қўлланилади. Бир ижтимоий-сиёсий тузумдан янги ижтимоий-сиёсий тузумга ўтиш даврларида қадриятларни қайтадан бахолаш, жамият ҳаётида давлат,

оила, меҳнат, мулк, сиёсий партиялар, дин, фан ва бошқа ижтимоий институтлар моҳиятини янгича тушуниш зарурияти вужудга келади. Бунда фақат мазмунгина эмас, балки шакл ҳам қайта қурилади. Мамлакатимизда миллий мустақилликнинг қўлга киритилиши, мустабид тузум мафкураси ва сиёсатининг инқирозга юз ўгириши билан «...давлатнинг моҳияти бутунлай тубдан ўзгарди. Давлат дастлабки босқичда жамиятни янгилашнинг энг фаол кучига айлангани ҳолда ислоҳотларнинг бош ташаббускори ва йўналтирувчиси, ижтимоий ҳаётдаги янги ғояларнинг асосий амалга оширувчиси бўлиб қолди». 4 Инсон эҳтиёжларининг муттасил ўсиб бориш қонунияти мавжуд сиёсий система олдига қатор талаблар қўяди. Мамлакатимизда узоқ йиллар давомида хукм суриб келган маъмурий буйруқбозликка асосланувчи сиёсий система ўзининг туб моҳияти билан шахснинг ҳар томонлама эркин ривожланишига имкон бермаганлиги учун ҳам муқаррар равишда инқирозга юз ўгирди. Иқтисодий таназзул сиёсий системанинг емирилишига олиб келди. «Бир ижтимоий тузумдан иккинчисига ўтиш муқаррар равишда шу пайтгача мисли курилмаган сиёсий фаоллик шароитида юз беради. бу ҳол табиийдир. Шу пайтга келиб карахтлик ҳолатидан ҳалос бўлган жамият тўпланиб қолган жами ижтимоий зиддиятларни бир зумда юзага чиқаради». 5 Жамиятни бошқариш тизими ҳар бир халқнинг миллий хусусият, психологияси, анъналари. маданий салоҳиятига мос равишда вужудга келади. Турли жамиятларда сиёсий бошқариш усулларининг турлича характери уларнинг илғор ёки қолоқ эканлигидан далолат бермайди. Сиёсий бошқаришнинг ҳар бир усули турли тарихий шароитларда турлича самара бериши мумкин. Жамиятнинг маънавий салоҳияти юксалиб боргани сайин сиёсий бошқарув усуллари ҳам тобора инсонийлашиб боради. Тараққий этган мамлакатлар тажрибаси сиёсий бошқарувнинг демократик шакли анча 4 И.А.Каримов. Ўзбекистон XXI аср бўсағасида: хавфсизликка таҳдид, барқарорлик шартлари ва тараққиёт кафолатлари.-Т.:Ўзбекистон, 1997.-Б.158. 5 И.А.Каримов Ўзбекистон XXI аср бўсағасида: хавфсизликка таҳдид, барқарорлик шартлари ва тараққиёт кафолатлари.-Т.:, Ўзбекистон, 1997.-Б.182.

қулай ва инсонпарвар эканлигини кўрсатди. Миллий мустақиллик йилларида Ўзбекистоннинг республика деб эълон қилиниши ва мамлакат Конституциясининг қабул қилиниши жамиятимизни сиёсий бошқариш жаҳон ҳамжамиятининг илғор тажрибаларига, халқимизнинг маънавий салоҳиятига таянишидан далолат беради. Очиқ демократик жамиятда давлат ижтимоий-иқтисодий ва сиёсий ислоҳотлар ташаббускори, жамият раҳнамоси сифатида фаолият кўрсатади. Демократик жамиятда сиёсий бошқариш ҳуқуқий давлатчилик асосларини яратишни тақозо этади. қонун устуворлиги демократик жамият ва давлат ҳаётининг муҳим шарти ҳисобланади. Демократик давлат жамиятни бошқаришда конституция талабларига бўйсунар экан, у амиятни танҳо бошқариш даъвосини қилмайди. Балки жамиятни бошқаришда турли диний, илмий ташкилотларга, жамоат ташкилотларига, аҳолининг ўз-ўзини бошқариш органларига кенг ваколатлар беради. Демократик жамиятда диннинг давлатдан, мактабнинг диний муассасалардан ажратилиши, кишиларга виждон эркинлиги ҳуқуқининг берилиши прогрессив ҳодиса, жамият эркин ривожланишининг муҳим шартидир. Одатда дунёвий ва диний давлатлар бир-биридан фарқланади. Дунёвий давлатлар конституцияга, илм-фан хулосаларига асосланади. Диний ёки теократик давлатлар диний таълимот ва шариат ҳукмига асосланади. Бундай давлатлар ўз фуқароларининг виждон эркинлигини таъқиқлайди; таълим- тарбия асосан диний руҳда олиб борилади. Демократик давлатда таълим-тарбия муассасалари жамиятни оқилона бошқаришга яқиндан ёрдам беради; ёш авлодга пухта сиёсий ва ҳуқуқий билим беради, мавжуд аҳлоқий, ҳуқуқий нормаларни сингдиради, сиёсий онг ва маданиятни ривожлантиради. «Жамият ҳаётини демократлаштириш жараёнини янада чуқурлаштириш, унинг изчиллиги ва самарадорлигини

таъминлаш -мамлакатимизда амалга оширилаётган сиёсий ислоҳотларнинг асосий йўналишидир» 6 Жамиятда ижтимоий-сиёсий барқарорликни таъминлаш, етилган муаммоларни оқилона ҳал этиш, мамлакат фуқароларининг сиёсий фаоллигини ошириш-жамият сиёсий тизимини ташкил этувчи барча бошқарув органлари ва ташкилотларнинг асосий мақсади ҳисобланади. Жамият аъзоларини умумий мақсад йўлида янада жипслаштириш, ижтимоий-сиёсий фаолликни кучайтиришда миллий ғоя ва миллий мафкура муҳим роль ўйнайди. ғоявий муштараклик жамиятдаги турли ижтимоий гуруҳ, қатлам ва синфларда бирдамлик туйғусини кучайтиради, турли сиёсий ҳаракат ва партиялар фаолиятини бунёдкорлик ишларига йўналтиради. Республикамизда бозор муносабатларига ўтиш даврида аҳолини ижтимоий ҳимоялашга алоҳида эътибор берила бошланди. «Тарих сабоғи шундайки, -деб ёзади И.А.Каримов, - унинг айнан кескин бурилишларида, ижтимоий формациялар алмашинаётганда ижтимоий муаммолар ва зидциятлар ғоят кескинлашади, миллий хавфсизликка, фуқаролар тинчлигига ва барқарорликка таҳдид солувчи омилга айланади». 7 Мамлакатимизнинг миллий мустақиллик йилларида орттирган тажрибаси жамият барқарорлиги, тинч-тотувлигини таъминлашда ижтимоий соҳага кўпроқ эътибор беришнинг муҳим аҳамиятга эга эканлигини кўрсатди. «Бозор муносабатларига ўтишнинг илк даврида биз олдиндан бутун аҳолини ижтимоий ҳимоялаш йўлидан бордик. Бу чора-тадбирлар одамларнинг турмуш даражаси кескин пасайиб кетишининг олдини олишда муҳим роль ўйнади. Республикада осойишталик ва барқарорликни сақлаб қолиш омили бўлди» 8 6 Миллий истиқлол ғояси: асосий тушунча ва тамойиллар. - Т .: Ўзбекистон 2000.-Б.29. 7 И. А. К а ри мо в Ўзбекистон XXI аср бўсағасида: хавфсизликка тахдид, барқарорлик шартлари ва тараққиёт кафолатлари-Т.: Ўзбекистон, 1997.-Б. 212. 8 И.А.Каримов Ўзбекистон XXI аср бўсағасида: хавфсизликка тахдид, барқарорлик шартлари ва тараққиёт кафолатлари.- Т.:, Ўзбекистон, 1997.-Б. 218.

Жамиятнинг ривожланишида кишиларнинг моддий ва маънавий эҳтиёжларининг қондирилиши, мулк ва меҳнатнинг ижтимоий тақсимланиши муҳим роль ўйнайди. Кишиларнинг қобилиятига қараб меҳнатнинг ижтимоий тақсимланиши натижасида турли касблар билан шуғулланадиган қатор тоифалар, гуруҳлар, қатламлар ва синфлар вужудга келади. Улар жамият структурасида ўзига хос ўринни эгаллайдилар; жамият тараққиётига муайян хисса қўшадилар. Соц и ал стратификация аҳолининг иерархик мавқеига мос равишда ижтимоий қатламларга бўлинишидир. Ижтимоий стратификация олий ва қуйи қатламлар мавжудлигини, ҳуқуқ ва имтиёзларнинг тенгсизлигини, масъулият ва бурч тенгсизлигини эътироф этади. Ижтимоийстратификациянинг конкрет шакллари ниҳоятда хилма-хилдир. Агар жамият аъзоларининг иқтисодий мақоми турлича бўлса, мулкдор ва мулксизлар мавжуд бўлса, жамият қандай шаклда ташкил этилишидан қатъи назар унинг иқтисодий табақаланиши мурқаррардир. Агар бирон бир гуруҳ ичида мансаб ва обрўоига, унвон ва лавозимига қараб турли иерархик ранг (даража) мавжуд бўлса, бу гуруҳнинг сиёсий дифференциаллашганлигидан далолат беради. Агар жамият аъзолари ўз фаолият турига қараб турли гуруҳларга бўлинган бўлса, айрим касблар бошқаларига нисбатан қадрлироқ бўлса, профессионал гуруҳ аъзолари раҳбарлар ва итоат қилувчиларга бўлинган бўлса, бундай гуруҳ профессионал дифференциаллашгандир. Ижтимоийстратификация иқтисодий, сиёсий ва профессионал шакллардан ташкил топади. Барча аъзолари ҳар жиҳатдан тенг бўлган ижтимоий гуруҳ, ҳеч қачон бўлмаган ва бўлмайди. Ижтимоий стартификация - ҳар қандай уюшган жамиятнинг доимий тавсифидир. Ҳар бир ижтимоий структура бўш жойда вужудга келмайди: балки илгари мавжуд бўлган ижтимоий структура негизига янгилик киритиш

орқали вужудга келади. Ўтмишда мавжуд бўлган ва бугунги кундаги мавжуд ижтимоий структура ўртасида тарихий алоқадорлик мавжуддир. Ана шу боғлиқлик инсоният жамияти ривожланишининг ягона жараён сифатида рўй беришини тақозо этади. Тарих такрорланмайдиган фактларни ўрганади. Шу боисдан ҳам фатализм назариётчиларининг воқеа, ҳодисалар, фактларнинг албатта олдиндан - белгиланганлиги тўғрисидаги фикрига қўшилиб бўлмайди. Инсоният тарихига фақат такрорланмайдиган ҳодисаларгина киради. Тарихий даврлар индивидуал ҳодисаларни намоён этади. Фалсафада жамият тараққиётининг мезони нима, деган масалада турлича қараш ва назариялар вужудга келди. К. Маркс жамиятнинг ривожланиш сабабларини синфий кураш ва инқилобий ўзгаришлар билан боғлади; барча ижтимоий ҳодиса ва жараёнларни синфий нуқтаи назардан тушунтирди. Ижтимоий зиддиятларни сунъий равишда мутлақлаштирди ва бу зиддиятларни ҳал этишнинг асосий усули сифатида ижтимоий революцияни амалга оширишни, миқдорлар синфини тугатишни таклиф этди. Ижтимоий амалиёт бундай назариянинг бирёқлама ва хато эканлигини кўрсатди. Жамият тараққиёти кўп босқичли жараён эканлиги тўғрисидаги қарашлар АҚШ файласуфи О. Тоффлер томонидан илгари сурилди. Бундай қарашга кўра жамият тараққиётини аграр жамият, индустриал жамият. постиндустриал жамиятга ажратилди. Адабиётларда жамият ривожланишига цивилизацияли ёндашув ғояси илгари сурилмоқда. Бундай ёндашувга кўра ҳар бир халқ ўзининг бетакрор, ноёб, ўзига хос ва ўзига мос томонларини сақлаб қолган ҳолда бошқа халқларнинг тажрибаларидан ижодий фойдаланиш орқали ижтимоий тараққиётнинг ўзига хос моделини яратади. Ғарбда ижтимоий ривожланишнинг циклли назарияси кенг ёйилган бўлиб, унинг йирик вакиллари О .Шпенглер ва А. Тойнби ҳисобланади. О. Шпенглер ўзининг «Европа қуёшининг сўниши» асарида жаҳон тарихини

«кўплаб маданиятлар феномени» сифатида тавсифлади. Ҳар бир маданият бир-бирига боғлиқ бўлмаган ҳолда вужудга келади, уларнинг ҳар бири ўзининг маънавий ҳаракатлантирувчи кучига, ўз қиёфасига, ўз ҳаёти ва ўлими тарихига эгадир. Шпенглернинг фикрича, тарих прогресс нималигини билмайди: улардан ҳар бирининг маданияти бетакрор бўлиб, уларни боғлаб турадиган мезон йўқ. Англиялик социолог А.Тойнби ҳам ана шу ғояни давом эттирди. Унинг фикрича, бутун инсоният тарихи 21 цивилизация тарихидан иборат бўлиб, улар бир-бири билан ички боғланмаган. Ҳар бир цивилизация ўз ривожида: вужудга келиш, ўсиш, синиш, парчаланиш ва ҳалокат босқичини кечиради, сўнг ўрнини бошқа цивилизацияга бўшатиб беради. Тойнби барча цивилизациялардаги ижтимоий жараёнлар бир-бирига ўхшаш эканлигини таъкидлади. Цивилизация ривожланишининг ҳаракатлантирувчи кучи «ижодкор озчилик бўлиб, у инерт кўпчилик» ни орқасидан етаклашга қодирдир. «Ижодкор элита» аста-секин ижтимоий-сиёсий муаммоларни ҳал этиш қобилиятини йўқотгач, ўз ҳокимиятини авторитет орқали эмас, балки зўравонлик билан амалга ошира бошлайди. Агар асосий омма ҳарбий ҳолат ёки табиий офатдан қирилиб кетмаса, бу цивилизацияни емиради. А.Тойнби ҳозирги пайтда беш цивилизация (хитой, ҳинд, испан, рус ва ғарб) сақланиб қолди, деган хулосага келди. Ҳар бир янги цивилизациянинг вужудга келиши, Тойнби фикрича, диннинг янги шакллари пайдо бўлиши билан боғлиқдир. П.А.Сорокин жамият тарихини маданий ва ижтимоий тизим ларнинг алмашинуви сифатида изоҳлади. Тарихий жараён маданиятнинг уч типи (хиссий, рационал, инти у тив) алмашинувидан иборатдир. Ҳар бир инсон ўз олдига қўйган мақсадларига эришиш учун осойишталик ва тинчликка муҳтож бўлгани каби жамият ҳам ўз олдига

қўйган вазифаларини адо этиши учун ижтимоий-сиёсий барқарорликка эҳтиёж сезади. Барқарорлик нисбий сокинлик, ижтимоий тизимнинг нормал фаолият кўрсатиш имкониятидир. У турғунлик тушунчасидан кескин фарқланади. Ижтимоий-сиёсий турғунлик тушунчаси жамиятдаги мавжуд сиёсий, иқтисодий, маънавий системанинг таназзули аломатидир. Жамиятда барқарорлик беқарорлик билан, инқироз гуллаб-яшнаш билан алмашиниб туриши ҳам мумкин. Жамият маънавий, иқтисодий, сиёсий, ҳуқуқий соҳаларда муайян ютуқларга эришиб, ижтимоий имкониятларини рўёбга чиқариб бўлгач, унинг бундан кейинги тараққиёти йўлида янги муаммолар туғилади. Уларни ҳал этиш вазифаси пайдо бўлади. Жамият аъзоларининг маънавий салоҳияти, миллий психологиясига мос равишда мавжуд сиёсий система кишиларни бошқаришнинг ўзига хос усулларини ҳаётга татбиқ этади. Инсоният жамияти тарихида жамият барқарорлигини таъминлашнинг монархик, аристократик. тоталитар ва демократик усуллар амал қилиб келган. Жамият барқарорлигининг издан чиқиши кишилар психологясидаги салбий ўзгаришларда, қонунларнинг ишламаслигида, ижтимоий бурчнинг адо этилмаслигида, ижтимоий идеалларнинг йуқолишида, ғоя ва мафкурага лоқайдликнинг кучайишида, турли жиноий гуруҳларнинг пайдо бўлишида, ижтимоий адолат принципларининг бузилишида, давлат органларининг аҳолини бошқариш қобилияти кучсизланишида, турли конфликтларнинг кескинлашувида ўз ифодасини топади. Беқарорлик ички ва ташқи таҳдидлар туфайли вужудга келади. Беқарорлик бир ижтимоий-сиёсий тизимдан янги бир ижтимоий-сиёсий тизимга ўтиш даврида кескинлашиши мумкин. И.А.Каримов «Ўзбекистон XXI аср бўсағасида...» асарида бозор муносабатларига ўтиш даврида оммавий норозиликлар, ҳатто фуқаролар уруши вужудга келиши мумкинлигини, жамият барқарорлигини таъминлаш учун етилган муаммоларни оқилона ҳал этиш зарурлигини кўрсатди. Жаҳон тажрибаси ҳар

бир мамлакат халқларининг ўз тараққиёт йўлини танлаш ҳуқуқига эга бўлиши умумий хавфсизлик ва ижтимоий барқарорликни таъминлаш гарови эканлигидан далолат беради. Ўзбекистон миллий мустақилликка эришганидан кейин ўз миллий-давлатчилик асосларини яратиш, ўзига хос ва ўзига мос тараққиёт йўлини белгилаш. ривожланишнинг ўзбек моделини яратиш имконига эга бўлди. Тараққиётнинг ўзбек модели-жамиятнинг тадрижий ривожланиши концепцияси сифатида. Ижтимоий ривожланишнинг ўзбек модели бутун инсониятнинг илғор тажрибасига, халқимизнинг миллий хусусиятлари ва менталитетига таянади. Инсоният тажрибаси ижтимоий ривожланишнинг кескин инқилобий ўзгаришлар йўли номақбул ва яроқсиз эканлигини, жамиятнинг тадрижий (эволюцион) тараққиёти нормал-табиий ривожланиш йўли эканлигини кўрсатди. Ўзбекистон Президенти И.А.Каримов ижтимоий тараққиётнинг тадрижий йўли моҳиятини шундай изоҳлайди: «Сохта инқилобий сакрашларсиз эволюцион йўл билан нормал, маданиятли тараққиётга ўтиш- танлаб олинган йўлнинг асосий мазмуни ва моҳиятидир» 9 . «Бозор иқтисоди сари буюк сакрашлар, инкилобий қайта ўзгаришлар йўли билан эмас, балки собитқадамлик ва изчиллик билан босқичма-босқич ҳаракат қилиш керак. Ҳар бир босқичнинг қанча давом этиши ҳал қилиниши лозим бўлган муаммолар доирасига, ташқи омиллар қанчалик қулай бўлишига, аҳолининг меҳнат фаолиятига боғлиқдир» 10 Ўзбек моделининг асосий тамойиллари: - иқтисоднинг сиёсатдан устуворлиги; - давлатнинг бош ислоҳотчи эканлиги; - қонун устуворлиги; - кучли ижтимоий сиёсат; 9 И.А.Каримов. Ўзбекистон XXI аср бўсағасида -Т.:, 1997.-Б.184. 10 И.А.Каримов Ўзбекистоннинг ўз истиқлол ва тараққиёт йўли. –Т.:, «Ўзбекистон», 1992. –Б.10-41-46.

- бозор муносабатларига босқичма-босқич ўтиш. Ўзбек моделининг ўзига хос хусусиятлари миллий давлатчилик асосларининг барпо этилишида, миллий қадриятларнинг тикланишида, миллий ўзликнинг англанишида, умуминсоний қадриятлар миллий қадриятлардан устуворлигининг эътироф этилишида, миллий менталитет хусусиятларининг тикланиши ва ривожланишида, миллий ғоя ва миллий мафкура ижтимоий-сиёсий фаолликнинг муҳим омили эканлигининг эътироф қилинишида, демократик қадриятларнинг ривожлантирилиши ва инсон ҳуқуқларининг кафолатланишида, ўз имкониятларига таянишида, кадрлар тайёрлаш миллий дастурининг ишлаб чиқилишида, хорижий мамлакатлар билан турли соҳалардаги муносабатларни йўлга қўйишнинг янги принциплари ишлаб чиқилишида ўз ифодасини топди. «Биз танлаб олган йўл ўзбек халқининг асрий анъаналарига, одатларига, маданияти ва тилига, шунингдек, жаҳон цивилизацияси ютуқларига асосланган ҳолда мазкур тузилмаларни янги мафкуравий негизга ўтказиш, мослаштиришдан иборат эди». Ўзбек моделининг ҳаётийлиги жаҳон жамоатчилиги, етук фан, сиёсат, санъат арбоблари томонидан эътироф қилинди. Ўзбекистон тажрибаси қатор мамлакатлар учун намуна бўлиб хизмат қилмоқда ва уни ўрганишга бўлган қизиқиш ортиб бормоқда. Ўзбекона тараққиёт йўли маънавий ҳаёт ва иқтисодий ривожланишни бир-бири билан узвий боғлиқликда амалга оширишда, маънавият, маърифат, маданиятга бўлган эътиборнинг кучайишида яққол кўзга ташланади. Маънавий салоҳиятнинг кучайиши, инсон интеллектуал ва ахлоқий қобилиятларининг ривожланиши иқтисодий ривожланиш учун пухта замин яратади. Кишиларда янгича иқтисодий тафаккур, тадбиркорлик қобилиятлари ривожланишида замонавий илм-фан, техника ва технология асосларини эгаллаш муҳим аҳамият касб этади.

Иқтисодий ривожланишнинг асосий мақсад ва вазифалари, уни амалга ошириш усуллари миллий ғоя ва мафкурада ўз ифодасини топади. Мулкни давлат тасарруфидан чиқариш, мулкчиликнинг турли шаклларини вужудга келтириш, хусусий мулкчиликни қўллаб-қувватлаш, тараққий этган мамлакатлар билан қўшма корхоналар қуриш, рақобатбардош маҳсулотлар ишлаб чиқариш, чет мамлакатлар билан илмий, маданий ва техникавий ҳамкорликнинг миллий манфаатлар йўлида хизмат қилиши миллий ғоя ва мафкуранинг моҳиятидан келиб чиқади. Миллий мафкура ўзида жамият аъзоларининг эзгу орзу-умидларини, мақсадларини ифодалайди; уларнинг меҳнат фаоллиги, ижтимоий-сиёсий активлигини оширади, жамиятни такомиллаштириш учун хизмат қилади. Давлат-жамиятни бошқариш, тартибга солиш, ижтимоий барқарорликни таъминлашга қаратилган алоҳида бир муассасадир. Давлат умуминсоний қадрият, инсоният маънавий тараққиётининг муҳим ютуғидир. Жамиятнинг маънавий салоҳияти юксалиб бориши билан сиёсий бошқариш шакллари ва усуллари ҳам такомиллашиб боради. Ўзгарган тарихий шароитда давлатнинг моҳияти, мазмуни ва вазифаларини янгича тушуниш зарурияти вужудга келди. Мустақиллик йилларида миллий давлатчилик анъаналарининг тикланиши билан давлатнинг ташкилотчилик, бош ислоҳотчилик фаолияти янгича мазмун ва аҳамият касб этди. Президент И.А.Каримов томонидан ишлаб чиқилган миллий тараққёт концепцнясининг амалга оширилишида давлат ҳал қилувчи роль ўйнайди. Мамлакатимизнинг сиёсий, ҳуқуқий ҳаётида амалга оширилаётган туб ислоҳотлар сиёсий бошқарувни янада такомиллаштиришга, юртимизда ҳуқуқий давлат, янги демократик жамият барпо этишга, кучли давлатдан кучли жамиятга ўтишга қаратилгандир.

«Янги шароитда давлатнинг, давлат ҳокимияти ва бошқарув органларининг ғоят муҳим вазифаси сиёсий партиялар, нодавлат, ижтимоий структуралар, фуқаролик жамиятининг эндигина пайдо бўлиб келаётган хилма-хил институтлари билан ишлаш ва ҳамкорлик қилишнинг янгидан- янги шаклларини излаб топишдан иборатдир». 11 Жамият ҳаётида турли жамоалар, ташкилот ва уюшмалар ҳам фаолият кўрсатади. Уларни шартли равишда давлат ташкилотлари ва нодавлат ташкилотларга ажратиш мумкин. Бу ташкилотларга сиёсий партиялар, сиёсий ҳаракатлар, касаба уюшмалари, ёшлар уюшмалари, турли жамғармалар, хотин-қизлар ташкилотлари, фахрийлар уюшмаси, маҳалла қўмиталари ва бошқалар киради. Мамлакатимизда амалга оширилаётган барча ислоҳотлар инсон салохиятини янада юксалтиришга, юртимизда фуқаролик жамияти барпо этишга қаратилгандир. Фуқаролик жамияти - кишиларнинг юксак аҳлоқий, сиёсий ва ҳуқуқий маданиятига асосланадиган жамият тараққиётининг юқори босқичидир. Бундай жамият эркин уюшмаларнинг кўпқиррали алоқаси бўлиб, давлат қонунларини ҳурмат қилиш ва бажариш, жамият таркибига кирувчи элементларнинг нисбий мустақиллигига асосланувчи, турли зиддият ва ихтилофларни қонун доирасида ўзаро келишув, сабр-тоқат ва музокаралар орқали ҳал этишга асосланувчи жамиятдир. Фуқаролик жамияти умуминсоний тамойиллар, миллий давлатчилик хусусиятлари, ўзига хос турмуш тарзи ва ҳаёт фалсафаси негизида қарор топади. Ўзбекистон миллий мустақиллигининг дастлабки йиллариданоқ юртимизда фуқаролик жамияти асосларини барпо этишни ўз олдига мақсад қилиб қўйди. 11 И.А.Каримов «Ўзбекистон XXI аср бўсағасида...» Т.,1997. 159-бет.

«Биз учун фуқаролик жамияти ижтимоий макон. Бу маконда қонун устувор бўлиб, у инсоннинг ўз-ўзини камол топтиришига... ёрдам беради. Шахс манфаатлари, унинг ҳуқуқ ва эркйнликлари тўла даражада рўёбга чиқишига кўмаклашади». 12 Фуқаролик жамиятида давлатнинг қатор вазифалари фуқароларнинг ўз- ўзини бошқариш органлари қўлига ўта бошлайди, маҳаллий ҳокимият органларининг ваколати кенгаяди. Фуқаролик жамияти асосларни барпо этиш кишиларнинг юксак сиёсий ва ҳуқуқий маданияти. ижтимоий-сиёсий фаоллигига таянади. Мамлакатимизда маҳалла ҳокимият органларининг ташкил этилиши, улар ваколатининг кенгайтирилиши халқимизнинг ўз-ўзини бошқариш, идора этиш маданиятини шакллантиришда муҳим аҳамият касб этади. Маҳалла кишиларда яхши инсоний фазилатларни камол топтириш, ўз- ўзини бошқариш, демократик қадриятларни рўёга чиқариш мактабидир. Шарқда фуқаролик жамиятининг туб негизлари аста-секинлик билан шаклланган ва тараққий этган. Шарқ донишмандлари ижтимоий жараёнларга ҳар қандай сунъий аралашувнинг мудҳиш оқибатларини кўрсатганлар. Шунинг учун ҳам жамият ҳаётидаги барча ўзгаришлар халқларнинг фикрлаш тарзи, миллий анъаналари, урф-одатларига мувофиқ равишда тадрижий равишда рўй берган. Ижтимоий адолат, тартиб-интизом, аҳоли тинч- тотувлигини таъминлашга алоҳида эътибор берилган; ҳурфикрлилик, бошқа динларга нисбатан сабр-тоқатлилик мавжуд бўлган. Давлат фуқароларнинг шахсий ва оилавий ҳаётига деярли аралашмаган. Савдо-сотиқ, ҳунармандчилик, одоб-ахлоқ, миллий анъаналар асосида ривожланган. Давлат деҳқончилик ишлаб чиқариши учун ҳаётий аҳамиятга эга бўлган сунъий суғориш иншоотлари қуришга бевосита раҳнамолик қилган. Шарқда одамлар асрлар давомида жамоа бўлиб яшаган ва меҳнат қилган, жамоатчилик асослари халқ онгига чуқур сингиб кетган. 13 Фуқаролик 12 И.А.Каримов Ўзбекистон XXI аср бўсағасида : хавфсизликка тахдид, барқарорлик шартлари ва тараққиёт кафолатлари . - Т., 1997.-Б.173. 13 И.А.Каримов, Ўзбекистон-бозор муносабатларига ўтишнинг ўзига хос йўли.-Т.: Ўзбекистон, 1993.-Б.106.

жамиятида давлатнинг айрим муҳим вазифалари сақланиб қолади, у жамият билан ёнма-ён яшашда давом этади. Юртимизда фуқаролик жамиятини барпо этиш баркамол инсон шахсини шакиллантиришни талаб этади. Ўз навбатида маънавий етук авлод жамият тараққиётига' салмоқли ҳисса қўшади. Шундай етук кишиларни тарбиялашда жамият тўғрисидаги фалсафий билим ва қарашларни ўзлаштириш ва ҳаётга татбиқ этиш алоҳида аҳамиятга эгадир.

Похожие

Хозирги даврнинг умумбашарий(глобал) муаммолари ва уларнинг фалсафий тахлили

Хозирги даврнинг умумбашарий(глобал) муаммолари ва уларнинг фалсафий тахлили

Жамиятнинг социал хаёти

Жамиятнинг маънавий хаёти

Жамиятнинг иқтисодий ҳаёти