Ўзбекистоннинг жаҳон цивилизациясига қўшилиб бориши - Философия - Рефераты

Ўзбекистоннинг жаҳон цивилизациясига қўшилиб бориши

Загружено в:

19.09.2022

Скачано:

0

Размер:

48.5 KB

Ўзбекистоннинг жаҳон цивилизациясига қўшилиб бориши Режа: 1. Жаҳон цивилизацияси. 2. Жаҳон ҳамжамияти. 3. Ўзбекистоннинг жаҳон ҳамжамиятига интеграциялашуви

Ўзбекистонинг жаҳон цивилизациясига қўшилиб боруви – интеграциялашув, деб юритилади. Жаҳон миқёсида интеграция турли мамлакатларнинг ўзаро яқинлашувида, уларнинг корхоналари, тармоқлари ва миллий иқтисодиётнинг ягона хўжалик организмига бирлашувида намоён бўлади. Маълумки, Ўзбекистон мустақиликка эришгунга қадар ташқи оламдан узилиб қолган эди. Чор хукумати даврида Қўқон хонлиги ўрнида Туркистон генерал-губернаторлиги деб аталган мустамлака худуд ташкил этилган эди. Туркистон генерал-губернаторлиги, Бухоро ва Хива хонлиги ташқи дунё билан мустақил алоқалар ўрнатиш хукукидан махрум этилган. Ўзбекистон мустақиллигини қўлга киритиши билан халқаро муносабатларнинг тенг хуқуқли аъзосига айланди. У жаҳоннинг 182 мамлакати томонидан тан олинган, 142 мамлакат билан диалектик алоқалар ўрнатган. Ўзбекистонда кўпгина халқаро, давлатлараро ва нодавлат ташкилотларнинг ваколатхоналари очилган. Ҳозирги глобаллашув асрида жаҳон хамжамиятига қўшилув (интеграциялашув) масалалари сайёрамизнинг турли бурчакларида яшаётган халқлар учун тобора мухим ахамият касб этмоқда. Бошқа мамлакатлар қатор ўз мустақиллигини қўлга киритган Ўзбекистон хам тобора кўпроқ жахон хамжамиятига интеграциялашиб бормоқда. Ўзбекистоннинг жахон хамжамиятига тобора интеграциялашиб боруви унинг ташқи сиёсатининг асосий мохиятини ташкил этмоқда. Ўзбекистон Республикаси ташқи сиёсатининг асосий тамойиллари «Ўзбекистон Республикасининг Конституциясида ўз ифодасини топди: Унда кўрсатилганидек Ўзбекистон Республикасини ташқи сиёсатининг асосий тамойиллари қуйидагилардан иборат. Улар: 1. Давлатларнинг суверен тенглиги; 2. Куч ишлатмаслик ёки куч билан тахдид қилмаслик; 3. Чегаралар дахлсизлиги; 4. Низоларни тинч йўл билан хал этиш;

5. Бошқа давлатларнинг ички ишларига аралашмаслик қоидалари ва халқаро хукукнинг умумэътироф этилган қоидалари ва нормалари. Республикамизнинг жаҳон хамжамиятига интеграциялаб борувида ташқи иқтисодий ва сиёсий алоқаларни йўлга қўйиш мухим ахамият касб этади. Ташқи иқтисодий ва сиёсий алоқаларнинг асосий тамойиллари Ўзбекистон мустақиллигининг дастлабки йилларида ишлаб чиқилган. Биринчидан, ташқи иқтисодий ва сиёсий алоқаларни йўлга қўйишда ўзаро манфаатларни хар томонлама хисобга олган ҳолда давлат миллий манфаатларининг устунлиги; Иккинчидан, тенг хуқуқлилик ва ўзаро манфаатдорлик, бошқа давлатларнинг ички ишларига аралашмаслик; Учинчидан, мафкуравий қарашлардан қатъий назар хамкорлик учун очиқлик, умуминсоний қадриятларга, тинчлик ва хавфсизликни сақлашга содиқлик; Тўртинчидан, халқаро хуқуқ нормаларининг давлат ички нормаларидан устуворлиги; Бешинчидан, ташқи алоқаларни хам икки томонлама, хам кўп томонлама келишувлар асосида ривожлантириш. 1 Ташқи алоқаларнинг интеграциялашувга қандай алоқаси бор?, деган саволни қўйиш ўринли. Ташқи сиёсат, алоқаларни ўрнатиш мамлакатимизнинг ички хаёти учун осойишта шарт-шароитларни таъминлашга, туб ислоҳотларни амалга оширишга хизмат қилади. Биз ўз олдимизга демократик хуқуқий давлат ва эркин фуқаролик жамиятини барпо этишдан иборат стратегик вазифани қўйганмиз. Замонавий демократик хуқуқий давлат деганда, жаҳон хамжамияти билан интеграцияга Кириши оладиган Ўзбекистонинг жахон хамжамиятига интеграциялашувининг асосий йўналишлари унинг ташқи сиёсатида ўз ифодасини топиши мумкин: 1. Давлатлараро, шунингдек нодавлат халқаро ташкилотлар ишидаги иштироки. Булар: а) БМТ Ўзбекистон 1992 йилдан Бер; 1 Ислом Каримов. Ўзбекистон XXI аср бўсағасида; хавфсизликка тахдид, барқарорлик шартлари ва тараққиёт кафолатлари. – Т., «Ўзбекистон» 1997 йил, 296-297 бетлар.

б) Европа хавфсизлик ва хамкорлик ташкилоти. 2. Битим ва келишувлар аоссида иккиёқлама ва кўпёқлама давлатлараро муносабатлар Ўзбекистоннинг МДХ доирасидаги фаолияти. 3. Марказий Осиё суверен давлатлари билан хамкорлик. Бундан кўзда тутилган мақсад Марказий Осиёда ягона иšтиосдий, маънавий ва сиёсий мухитни барпо этиш. Маълумки Ўзбекистон ўзининг географик ва сиёсий ўрнига кўра Шарқ ва Ғарб цивилизацияси ўртасидаги боғловчилик вазифасини бажаради. Марказий Осиёда 50 млндан ортиқ аҳоли истиқомат қилади. 4. Чегарадош ва Яқин Шарқ мамлакталари билан шўролар даврида узилиб қолган алоқаларни қайта тиклаш ва мустахкамлаш; 5. Бошқа Осиё мамлакталари, хусусан Хитой, Хиндистон билан кенг алоқаларни йўлга қўйиш. Бу борада 2000 йилдан бошлаб ташкил топган Шанхай ташкилоти мухим ахамият касб этади. Ўзбекистон Шанхай ташкилотга 2002 йилдан бери аъзо. Бу ташкилотнинг асосий мақсади инсоният аҳолисининг 4/1 қисми яшаётган худудда хамкорлик ва хавфсизликни таъминлаш, истиқболда минтақада яшовчи халқларнинг турмуш шароитларини яхшилаш ва муносиб келажакларини таъминлаш. 6. Ўзбекистонда жаҳондаги ривожланган мамлакатлар билан тенгхуқуқли, ўзаро манфаатли алоқаларни йўлга қўйиши, унинг жаҳон хамжамиятига интеграциялашувида мухим ўрин тутади. Ҳозирда, Ўзбекистоннинг, АҚШ, Германия, Япония, Франция, Италия ва бошқалар билан алоқалари тобора ривожланиб бормоқда. Бундай алоқалар замонавий технологияларни, янги инвестицияларни жалб этиш, замон талабларига жавоб берадиган қадрлар тайёрлаш борасида кенг имкониятларни очиб бермоқда. 7. Ўзбекистоннинг жаҳон хамжамиятига қўшилиб боришида маданий алоқалар мухим ахамият касб этмоқда. Мамлакатимиз дунёвий цивилизациянинг қадимги ўчоқларидан бири, у умуминсоний ахамиятга эга бўлган маънавий бойликлар, қадриятлари билан машҳур.

8. Республиканинг жаҳон иқтиосдий хаётига интеграциялашуви ниҳоятда мухим ахамиятга эга. Республика ўзининг ташқи иқтисодий сиёсатини кўпгина нуфузли халқаро ва минтақавий иқтисодий ва молиявий ташкилотларнинг аъзоси сифатида амалга оширилмоқда. Ўзбекистон 1994 йилда ташкил топган Марказий Осиё иқтисодий хамжамияти (МОИҲ) аъзоси бўлган. Ҳозирда бу Марказий Осиё хамкорлик ташкилоти, МОҲТ деб юритилади. Бу ташкилотнинг фаолияти 4 йўналишда олиб борилмоқда: - иқтисодий хамкорлик; - минтақавий хавфсизликни таъминлаш; - Афғонистонни қайта тиклаш; - гуманитар хамкорлик. Ўзбекистон жаҳоннинг нуфузли иқтисодий, молиявий ташкилотлари билан хамкорликда мамлакатда қудратли иқтисодиётни барпо этиш йўлида харакат қилмоқда. Осиё тараққиёт банки, Европа тикланиш ва тараққиёт банки, жаҳон банки, Ислом тараққиёт банки, БМТ тараққиёт дастури шундай ташкилотлар жумласидандир. 8. Ўзбекистоннинг минтақавий интеграция доирасидаги фаолияти хам унинг жаҳон хамжамиятига қўшилиб боришида мухим ахамиятга эга. Ўзбекистоннинг Марказий Осиё минтақаси давлатлари билан тузган шартномалари бундан далолат беради.

Адабиётлар: 1. Ислом Каримов. Ўзбекистон XXI аср бўсағасида: хавфсизликка тахдид, барқарорлик шартлари ва тараққиёт кафолатлари. – Т., «Ўзбекистон» 1997 йил, 296-323 бетлар. 2. Ислом Каримов. Биз танлаган йўл – демократик тараққиёт ва маърифий дунё билан хамкорлик йўли. Арезидент Ислом Каримовнинг Ўзбекистон Республикаси Олий Мажлиси XI сессиясидаги маърузаси. – Т., «Ўзбекистон овози», 26 апрель 2003 йил. 3. Falsafa . М.Ахмедова тахрири остида. – Т., 2006 йил, 470-479 бетлар. 4. Муножатхон Нурматова. Ўзбекистон ва жаҳон хамжамияти. – «Ижтимоий фикр. Инсон хуқуқлари» журн., 2004 йил, 4-сон. 5. Дилшод Комилов, Норбой Каримов. Халқаро молиявий ташкилотлар. – «Хамкор» газетаси, 2002 йил, 6 июнь. 6. Қобилбек Каримбоев. Хавфсизлик ва ижодий тараққиёт йўлидаги хамкорлик – XXI аср зазетаси, 2004 йил, 10 июнь. 7. З.Музаффаров. Минтақавий интеграция росмана иқтисодий саъй- харакатларни тақазо этади. – «Халқ сўзи». 2003 йил 27 сентябрь.

Похожие

Ўзбекистоннинг жаҳон ижтимоий тараққиёти тизимидаги ўрни

Узбекистоннинг жахон цивилизациясига кушилиб боришининг фалсафий муаммолари. Тараққиётнинг ўзбек модели

Ўзбекистон мустақиллигининг назарий – фалсафий масалалари

Цивилизация тушунчаси мохияти ва мазмуни

Кадрият тушунчаси. Кадриятнинг турлари ва уларнинг ўзаро алоқадорлиги