Марказий осиёда илмий билимларнинг шаклланиши ва ривожланиш босқичлари - Философия - Рефераты

Марказий осиёда илмий билимларнинг шаклланиши ва ривожланиш босқичлари

Загружено в:

20.09.2019

Скачано:

0

Размер:

139.5 KB

Марказий осиёда илмий билимларнинг шаклланиши ва ривожланиш босқичлари Режа: 1. Марказий Осиё Шарқнинг илм - маърифат марказидир. 2. Илк ўрта асрларда Марказий Осиёда табиий-илмий билимлар ривожи. 3. Темурийлар даврида табиий-илмий билимлар ривожи ва унинг аҳамияти. 4. Мустақиллик ва Ўзбекистон фани ривожи.

1-масала. Марказий Осиё азалдан илмий билимлар ва маданиятнинг қадимий марказларидан бири бўлиб келган. Бу ўлка мутафаккирлари жаҳон илм-фани, маданияти, маънавияти ва фалсафий фикрларини ўз кашфиётлари, илғор ижтимоий-фалсафий, ахлоқий қарашлари билан бойитиб келганлар. Унинг тараққиётига самарали таъсир кўрсатганлар. Қадимги Марказий Осиёнинг тарихи, маданияти, ижтимоий-фалсафий қарашлари ҳақида Юнон, Хитой, Хинд, Арман тарихчиларининг асарларида, Авесто, Бехустун, Урхун- Енисей ёдгорликлари каби манбааларда Беруний, Нашахий ва бошқа муттафаккирларнинг асарларида маълумотлар сақланиб қолган. Марказий Осиёда илмий билимлар тараққиёт даражасини кўрсатувчи ёдгорликлар бизнинг давргача кам етиб келган. Аммо юқорида қайд етилган манбалар Марказий Осиёда қадимдан астрономия, математика, геометрия, геодезия, физика, тиббиёт ва бошқа табиий илмий билимлар соҳасида бирмунча муваффақиятларга эришганидан далолат беради. Бизга қадар сақланиб қолган суғд календари, Беруний асарларидаги маълумотлар ва бошқа манбалар Марказий Осиёда илмий билимларнинг, айниқса, астрономия борасидаги илмий билимлар тараққий этганини кўрсатади. Суғд, Хоразм ва бошқа жойларда етишган олимлар сайёралар ва юлдузлар туркумини ўрганиб, уларни махсус номлар билан атаб, Бурж тизимини аниқлаганлар. Ҳукмдорлар саройидаги астрономлар (улар астролог ҳам бўлган) гороскоплар тузиб сайёралар дунёсини текширганлар.Улар физика,математика, фалсафа,тиббиёт ва бошқа илмий билим соҳалари билан шуғулланганлар.Марказий Осиё халқлари жуда қадим замонлардаёқ суғориш иншоатлари қурганлар, каналлар барпо этганлар, чиғир ва кориз усуллари билан сувсиз қурғоқ ерларга сув чиқарганлар, юлдузларга қараб узоқ ерларга сафар қилганлар, мустаҳкам бинолар қурганлар, тошни эритиш йўли билан шиша ишлаб чиқарганлар ва х.к. Буларни маълум илмларсиз амалга ошириш қийин эди.

Умуман VI асрларга қадар давом этган қулдорлик шароитида Марказий Осиёда ижтимоий-фалсафий фикр диний қарашлар билан узвий боғлиқ ҳолда ривожланиб келди.У асосан эрамиздан аввал IX-III асрларда шаклланган зардуштийлик таълимоти ва унинг асосий китоби “Авесто”да ўз ифодасини топган. Бу асар ўзининг тарихий-маърифий ва адабий қиммати билан ажралиб туради. Зардуштийлик таълимоти асосида икки қарама-қарши куч-нур ва зулмат, яхшилик ва ёмонлик, ҳаёт ва ўлим, эзгулик ва ёвузлик ўртасидаги кураш ётади. Эрамизнинг II-III асрларига келиб зардуштийлик таълимоти негизида яхшилик ва эзгуликнинг ғалабасини тарғиб қилувчи Мони таълимоти юзага келди. Мазкур диний таълимотда урушлар, мол-дунё, бойлик йиғиш қораланади. Ўртача, мўътадил яшаш тарғиб қилинган. Эрамизнинг V асрига келиб ижтимоий тенглик байроғини кўтариб чиққан маздакизм таълимоти кишиларни ижтимоий тенгсизликни йўқотиш учун курашга даъват этган. IX-XII асрлар Марказий Осиё халқларининг маданий ва илмий билимлар тараққиётида катта ўрин эгаллаган янги бир босқич бўлди. Бу дарвни тарихда Марказий Осиёда илк Уйғониш даври деб юритилади. Илмий билимлар ривожида Марказий Осиё жаҳон маданиятининг марказий ўчоқларидан бирига айланди. Бу даврда маҳаллий аҳолининг араблар истилосига қарши норозилик ҳаракатлари натижасида араб халифалигининг хукмронлигига бархам берилиб аввал марказлашган сомонийлар, кейинроқ эса Қорахонийлар,Салжуқийлар,Хоразм шоҳлар,Ғазнавийлар давлатлари вужудга келди. Марказлашган феодал давлатларнинг юзага келиши савдо-сотиқ ва маданий алоқаларнинг ривожига, илмий билимларнинг ўсишига олиб келди. Айниқса Марказий Осиёнинг Шарқ ва Ғарб маданий алоқалар йўли устида жойлашиши (Ҳозирда “Буюк ипак йўли” номи билан тарихга кирган) бу ўлкада илмий билимлар ва маданиятнинг ривожланишига катта таъсир

кўрсатди. Худди шу даврда жаҳон фани ва маданияти ривожида ўчмас из қолдирган мутафаккирлар етишиб чиқди. Дехқончилик, хунармандчилик ва савдонинг тараққий этиши жараёнида таббиий эмпирик билимларни ривожлантиришга эҳтиёж туғилди. Шунга мувофиқ Марказий Осиёнинг илғор мутафаккирлари математика, астрономия, география, тиббиёт илмларини чуқур ўргандилар, илмий билимлар борасида янги илмий ғояларни илгари сурдилар. Шуни таъкидлаш жоизки, араб ҳалифалиги учун ҳам диний билимлар билан бир қаторда таббиий илмий билимлар керак эди. Арабларнинг ўз ичида бу ишга яроқли илм аҳли жуда кам ва кучсиз эди. Шунинг учун ҳам улар ўзлари забт этган жойлардаги илм билан шуғулланувчиларга имкон яратишга ҳаракат қилганлар. Бухоро,Урганч, Марв, Балх, Боғдод, Шом каби шаҳарлар илк ўрта аср Шарқнинг илмий марказида айланган. Араб тили эса илм-фан, ижод тилига айланди. Марказий Осиёлик мутафаккирлар араб тилини мукаммал ўрганиб ўз асарларини шу тилда битдилар. Румо, Юнон, Хинд, Форс тилларида битилган асарларни араб тилига ағдардилар. Марказий Осиёлик мутафаккирлар ўрта асрларда ташкил топган илмий маркази- “Байт ул ҳикмат” (Донишмандлар уйи) яъни Боғдодда фаолият кўрсатган “Маъмун академияси”да, 2006 йил ноябрда 1000 йиллиги нишонланган “Дорул ҳикма”- “Хоразм маъмун академияси”да ва XV асрда Мовароуннаҳрда фаолият кўрсатган “Улуғбек (Самарқанд)академияси”да қизғин илмий изланиш ишларини олиб бордилар. Ҳалифа Ҳорун ар-Рашид Бағдодда ташкил этган “Байт-ул ҳикмат”да ҳалифа Маъмун даврида Марказий Осиёлик бир қатор илм аҳллари фаолият кўрсатганлар. Булар жумласига Мусо Муҳаммад Хоразмий, Аҳмад Фарғоний, Аббос ибн Саид Жавҳарий, Аҳмад ибн Абдуллоҳ Марвазий бошқалар киради. Мазкур “Донишмандлар уйи”даги китобҳонада Ҳинд, Юнон, Сурёний (Сурия), Араб, Форс тилларида 400 000 жилд қўлёзма асарлар сақланган бўлиб илм аҳллари ундан фойдаланганлар.

Хорозм маъмун академиясида Марказий Осиё заминида таваллуд топган. Абу Наср ибн Ироқ, Абу Райхон Беруний, Ибн Сино, Маҳмуд Хўжандий, Аҳмад ибн Муҳаммад Хоразмий, Аҳмад ибн Ҳамид Найсабурий каби алломалар Шарқ ва Ғарбдаги ўлкалардан келган турли миллат ва динга мансуб бўлган олимлар билан биргаликда илмий фаолият юритганлар. Мазкур академия Президентимиз ташаббуси билан 1997 йилдан қайта тикланди ва ўз илмий иш фаолиятини бошлади. Ҳозирда Маъмун академияси замонавий жиҳозлар билан таъминланди, бир неча тадқиқот лабараторлари ташкил этилди. У 16 минг 600 нусха китоб фондига эга бўлган бой илмий кутибхона ва замонавий ахборот- ресурс марказига эга. Бир сўз билан айтганда, Хоразм маъмун академияси умумбашарий цивилизация ривожидаги ўрни ва аҳамияти жиҳатидан қадимий Афинадаги Платан академияси, Мисрдаги Александрия кутубхонаси, Шарқ оламида “Байтул ҳикма”номи билан шуҳрат қозонган, “Боғдод академияси”каби машҳур илмий марказлар билан бир қаторда туриб Шарқ мусулмон Ренессанси-Уйғониши даврининг ёрқин намоёни сифатида тарихимизнинг зарҳал саҳифаларини ташкил этади. Марказий Осиёда фаолият кўрсатган илмий марказлардан яна бири темурий ҳукмдор Мирзо Улуғбек (1394-1449й) даврида фаолият кўрсатган Самарқанд (Улуғбек) академиясидир. Самарқанддаги Улуғбек мадрасаси фақат олий ўқув юрти эмас, Улуғбек раҳбарлигида барпо этилган расадхона (1424-1428) билан бирга олинганда, ўша даврнинг академияси ҳам бўлган эди. Мазкур академияда ўша даврнинг машхур олими, математик ва астроном Қозизода Румий, Ғиёсиддин Жамшид ал-Коший, Низомиддин ал- Биржандий, Улуғбекнинг истеъдодли шогирди Али Қушчи ва бошқалар илмий фаолияти олиб борганлар. Агар IX-XIII асрлар Марказий Осиё илк Ренессане-Уйғониш даври сифатида эътироф этилса, XIV-XVI асрлар сўнгги Уйғониш даври сифатида илмий билимлар ривожи тарихидан ўрин олган.

Марказий Осиё хусусан ҳозир Ўзбекистон деб аталувчи бизнинг ҳудудимиз, яъники Ватанимиз, - Прездентимиз таъбири билан айтганимизда, нафақат Шарқ, балки, умумжахон цивилизацияси бешикларидан бири бўлганини эндиликда бутун жаҳон тан олмоқда. Бу қадимий ва табаррук тупроқдан буюк алломалар, фозилу фузалолар, олиму уламолар, сиёсатчилар, саркардалар етишиб чиққан. Диний ва дунёвий илмларнинг асослари мана шу заминда яратилган сайқал топган. Бешафқат давр синовларидан омон қилган, энг қадимги тошёзувлар, битиклардан тортиб, бугун кутубхоналаримиз ҳазинасида сақланаётган 20 мингдан ортиқ қўлёзма, уларда мужасамлашган тарих, адабиёти, санъат, сиёсат, ахлоқ, фалсафа, тиббиёт математика, физика, кимё, астрономия, меъморчилик, деҳқончиликка оид ўн минглаб асрлар Марказий Осиё Шарқнинг илм- маърифат маркази бўлиб келганлигини кўрсатувчи ва тасдиқловчи далил ва исботдир. 1 2-масала . Марказий Осиёда илк ўрта асрлар фанининг асосчиси Муҳаммад ибн Мусо Хоразмий (783-850й) дир. У ҳалифа Маъмун (813- 833йилларда ҳалифалик қилган) даври ва ундан кейин умрининг охирига қадар Боғдоддаги “Байт ул-ҳикмат”ни бошқарган. Олимга буюк шуҳратни дастлаб “Ҳисоб ал Ҳинд” (“Ҳинд ҳисоби”) номли рисоласи олиб келган. Мазкур рисолада жаҳон фани тарихида биринчи марта ўнлик позицион система ва унинг аҳамияти сўз беради. Хоразмийнинг ўнлик позицион системаси инсониятга чексиз қулай имкониятлар яратиб берди. Агар мазкур саноқ системаси бўлмаганида илмий тафаккур бу даражада такомил топиши амри маҳол бўларди. Хоразм тўққиз белгидан иборат ҳинд рақами ёрдамида чексиз миқдорларни қайд этувчи ва уни осонлик билан ифодаловчи саноқ системасини кашф этди. Ҳиндларнинг тўққиз белгидан иборат рақамлар тизими мукаммал саноқ тизимига айланиши учун “0” кашф этилиб, ўз ўрнига қўйилиши керак эди. Хоразмий томонидан “0”(ноль) нинг кашф этилиши инсоният илмий тафаккурининг беқиёс улкан ютуқларидан биридир. 1 Қаранг. Ислом Каримов. Тарихий хотирасиз келажак йўқ. Тошкент. “Шарқ”, 1998. 3-бет.

Хоразмийнинг “Ҳисоб ал- Ҳинд” китобида энг муҳим олтита арифметик амаллар-қўшиш, айриш, кўпайтириш, бўлиш, даражага кўтариш ва квадрат илдиз чиқариш кабилар ишлаб чиқилган. Уларнинг услуб ҳамда қонуниятлари кашф этилган. Хоразмийнинг яна бир кашфиёти ва хизмати алгебра фанига асос солганлигидир. “Алгебра” атамасининг ўзи Хоразмий томонидан ёзилган “ал- жабр ва ал- муқобала ҳисоби ҳақида қисқача китоб” номли рисоласидаги “Ал-жабр” сўзининг лотинча талаффуз ифодасидан келиб чиққан. Алгоритмлар назариясининг яратилиши ҳам Хоразмий илмий фаолияти билан боғлиқдир. Хусусан “Алгоритм” атамаси лотинча ифода этилган “Dixi Algoritmug”- “дедики ал-Хоразмий” сўзидан келиб чиққанлигини ҳеч ким инкор этолмайди. Алгоритм тушунчаси ҳозирги замон кибернетика, ЭҲМ (электрон ҳисоблаш машинаси) ва ҳозирги замон информацион технология ҳамда жараёнларнинг асосий тушунчасига айланди. Хоразмий жуғрофия, тариҳ, астрономия соҳаларида ҳам илмий ишлар олиб борган. Ҳалифа Маъмун олимлар олдига Осмон ва Ернинг тўлиқ харитасини тузишни вазифа қилиб топширган. Бу ишга Хоразмий раҳбарлик қилган. Хариталар “Мажмун ал-Маъмун”-“Дунё харитаси” номи билан юритилган. Шу муносабат билан Хоразмий жуғрофияга оид “Китоб сурат ал-арз” номли асар яратган. Бу асарнинг ягона қўлёзма нусҳаси Коҳирадан топилган.Хоразмий мазкур асарида ер юзини шимолий қутбдан то экваторгача 7 иқлимга бўлиб ўрганишни тавсия этган. Бу билан Хоразмий ер юзасини меридиан (градус)лардан ташқари параллелларга бўлиб ўрганишни бошлаб берди. Параллеллар билан меридианларни аниқ белгилаш имкониятлари очилди. Хоразмий астрономияга оид “Хоразмий зижи”-“Юлдузлар жадвали” асарини ҳам ёзган. Унинг бу асари астрономия илми ривожида янги даврни бошлаб берган. Хоразмий юқоридагилардан ташқари “Астролябия бўйича рисола”, “Қуёш соати тўғрисида рисола”, “Хоразмнинг машҳур кишилари” номли асарларни ҳам ёзган.

Хоразмий ўрта асрларда етишиб чиққан ўзбек фанининг илк тамал тошини қўйган буюк алломадир. У ўз асарлари билан аввал Шарқ ва кейинроқ Овропа риёзиёт илмига асос солган илми соҳибидир. Америкалик шарқшунос олим Д.Сартон “Хоразмий барча замонларнинг энг улуғ математикларидан биридир. Жаҳон фани тарихида 9-асрнинг биринчи ярмини ҳеч муболағасиз Хоразмий даври деб аташимиз лозим”, -деган эди. VIII аср охири IX асрнинг биринчи ярмида фаолият кўрсатган, Хоразмий билан замондош бўлган Марказий Осиёлик буюк астраном, географ ва математик олимлардан бири Абу Аббос ибн Ахмад Фарғоний (797-865 йил) ҳам Боғдодда ижод қилган. “Байт ул-ҳикмат”нинг астраномия мактабининг раҳбари бўлган. Аҳмад Фарғоний “Астраномия ва астролябияга кириш”, “Фалакдан бўладиган сабаблар”, “Астролябия фани усуллари”, “Самовий ҳаракатлар ва умумий илми нужум” каби асарларни ёзган буюк астраном, географ ва математикдир. Унинг “Самовий ҳаракатлар ва унинг илми нужум” асари “Астраномия асослари ҳақидаги китоб” номи билан машҳур бўлиб, 1145 йилдаёқ Европада лотин тилига таржима этилган. Шундан сўнг Аҳмад ал Фарғоний номи лотинлаштирилиб, “Алфраганус”шаклида Ғарбда шуҳрат қозонди. Унинг “Астраномия асослари ҳақидаги китоб”и бир неча асрлар мобайнида Европа университетларида асосий дарслик сифатида фойдаланилган. Асарда фалакиёт ва география илмларининг асосий мазмуни, вазифалари ва қисмлари тушунарли далиллар асосида баён қилинган. Ернинг шар шаклида эканлиги, бир ҳил осмон ёриткичларини турли вақтда кўтарилиши, тутилиши ва бу тутилишнинг ҳар бир жойдан турлича кўриниши масофалар ўзгариши билан уларнинг кўриниши ўзгариши ҳақида қимматли маълумотлар берилган. Аҳмад Фарғонийнинг мазкур китоби аввал мусулмон Шарқида, сўнг Европада астрономия илмининг ривожини бошлаб берди. У бошқа олимлар билан биргаликда ер меридианининг бир даражасини аниқлаш ишларида иштирок этди. 847-861 йилларда Нил дарёсидаги сув сатҳини ўлчайдиган иншоат барпо этиш ишларини олиб борди. Илмий-

техник ва меъморий жиҳатдан ғоят улуғвор бу қурилма ҳозирга қадар сақланиб қолган. Бизнинг давримизгача Аҳмад ал-Фарғонийнинг 7 асари сақланиб қолган. Асарларининг қўлёзма нусҳалари жаҳоннинг турли шаҳарлари- Берлин, Душанба, Лондон, Париж, Техрон, Тошкент, Машҳад, Патна, Рампур, Коҳирларидаги йирик кутубхоналарда сақланмоқда. Олимнинг илмий меросини юртимизда ўрганишга мустақиллик йилларида кенг йўлга қўйилди. 1998 йилда эса Аҳмад ал-Фарғоний таваллудининг 1200 йиллиги нишонланди. Абу Наср Форобий (873-950) – ўрта асрлар мусулмон Шарқнинг машхур мутафаккирлари, қадимги юнон фалсафасининг энг йирик давомчиси ва тарғиботчиси. Антик юнон илми ва фалсафасининг билимдони сифатида Аристотелнинг “Метафизика”, “Физика”, “Метерология”, “Категориялар”, “Анаметика”, “Риторика” ва бошқа асрларини, шунингдек Эвклид, Птоломей, Гиппократ, Галенларнинг асарларини араб тилига таржима қилиб, уларга шарҳлар ёзган. Бу билан Фаробий Шарқ халқларини, кейинроқ эса Европа халқларини Юнон илми, фалсафаси ва маданияти билан таништиришда катта рол ўйнаган. Айниқса Аристотель фалсафасани талқин этишда шухрат қозониб “Ал-муаллими соний”-яъни “Иккинчи муаллим” ва “Шарқ Аристотели” каби номларга сазовар бўлган. Шу билан бирга Форобий фаннинг турли соҳаларига оид кўпгина оргинал асарлар яратган. Булар жумласига “Субстанция ҳақида сўз”, “Қонунлар ҳақида китоб”, “Масалалар манбаи”, “Илмларнинг келиб чиқиши ва таснифи”, “Мантиққа кириш китоби”, “Фалсафа” тушунчасининг маъноси ҳақида сўз, “Фазилатли хулқлар”, “Фозил шаҳар аҳолисининг қарашлари” ва бошқалар киради. Форобий илмий фаолияти давомида 160 дан ортиқ асарлар яратганлиги манбаларда қайд этилган.Борлиқ муаммосини ҳал этишда “вужуди вожиб” ва “вужуди мумкин” нинг ўзаро нисбатига мурожаат қилиш Форобий даҳосига тегишлидир. У ўзининг қатор асарларида бу масалага тўхталиб, “вужуди вожиб” барча мавжуд ёки пайдо бўлиши мумкин бўлган

нарсаларнинг биринчи сабаби эканлигини уқтиради. “Вужуди вожиб” биринчи сабаб сифатида ўзга сабаб ёки турткига муҳтож эмас. Унинг зотига нуқсон ва қусурлар, зиддият, номутаносиблик, беқарорлик, билмасликдан билишга қараб йўналиш каби жараён йўқ. У мутлоқ борлиқ ва донишмандлик ифодасидир. У яратади, лекин бошқа нарсалар томонидан яратилмайди. “Вужуди мумкин” эса аксинча, доимо ўзгаришда, унда барча нарсалар оддийликдан мураккабликка, тартибсизликдан тартиблиликка, норасоликдан етукликка, камолотга қараб боради. “Вужуди мумкин”, “вужуди вожиб” томонидан яратилган, бунёд этилган. Фаробий “вужуди вожиб” томонидан яратилган дастлабкиси биринчи ақлдир. Биринчи ақл фаол бўлиб ҳар бир сайёрага хос ақлларни вужудга келтиради. Энг сўнгги самовий ақл натижасида Ердаги ақл-руҳ ва барча моддий жисмларнинг асоси бўлмиш тўрт унсур-тупроқ, сув, ҳаво ва олов пайдо бўлади.Мана шу тўрт унсур негизида ўсимликлар, ҳайвонат олами, инсон зоти ва нотирик табиат юзага келади. Органик оламга ўсимлик руҳи, ҳайвоний руҳ ва инсоний руҳ ҳосдир. Нарсалардаги ҳаракат ибтидо ва интиҳо билан чегараланмаган, деб кўрсатади, Форобий. Форобий инсон томонидан оламдаги нарса ва ҳодисалар, жараёнларнинг моҳиятини билиш муаммоларига алоҳида эътибор билан қарайди.Мутафаккир инсон томонидан воқеликни билиш мумкинлигини, бунинг учун у кўпгина восита ва усуллар билан, яъни сезги, идрок, ҳотира , тасаввур, мантиқий тафаккур, ақл, нутқ ва бошқалар билан таъминланганлигини таъкидлайди. Айни шу воситалар орқали инсон илм- фанни яратади, деб кўрсатади. Билиш жараёни чексиз бўлиб, у инсоннинг жонли мушоҳадаси ва тафаккурининг билмасликдан ноаниқ нарсани билишга, ҳодисадан моҳиятни билишга томон боришини кўрсатиб ўтган. Форобий дунёқарашида ижтимоий-сиёсий ва ахлоқий фикрлар ҳам муҳим ўрин тутади. Алломанинг “Бахт-саодатга эришув ҳақида”, “Фозил шаҳар аҳолисининг қарашлари”, “Бахт-саодатга эришув йўллари ҳақида рисола”, “Фуқаролик сиёсати” ва бошқа асарларида жамият ва унинг келиб

чиқиши, уни бошқариш, ахлоқ-одоб, таълим –тарбия масалалари баён қилинган. Жумладан, Форобий шаҳар-давлатларни фозил ва жоҳилга ажратади. Фозил шаҳар ўз халқини бахт-саодатга элтиши, унинг бошлиғи эса адолатли, юксак ахлоқли, маърифатли, ўзида бутун ижобий фазилат ва ҳислатларни тўплаган бўлиши лозимлигини уқтиради. Жоҳил шаҳар аҳолиси нафсга берилган, бутун фикри- зикри бойлик тўплаш бўлади. Жоҳил шаҳарда ҳар турли бузуқ одатлар, шаҳвоний нафс, бир-бирини кўролмаслик, бир- бирини талаш, душманлик, низо ва жанжаллар авж олган бўлади, деб таъкидлайди. Форобий фикрича давлатни идора этувчи шахс ўзининг 6 та фазилати ва ҳислати билан ажралиб туриши, уни эгаллаган бўлиши лозим, яъни адолатли ва доно бўлиши, бошқаларга ғамхўрлик қилиши, қонунларга тўла риоя қилиши ва қонунларни ярата олиши, келгусини олдиндан кўра билиши керак. Форобий ўрта асрда мукаммал ҳисобланган илмлар таснифини яратди. У “Илмларнинг келиб чиқиши ҳақида”, “Илмларнинг таснифи ҳақида”номли рисолаларида ўша даврда маълум бўлган 30 га яқин бўлган илм соҳасининг тавсифи ва тавсилотини баён қилиб берди. Форобий илмларни қуйидагича таснифлайди: 1. Тил ҳақидаги илм: грамматика, орфография, шеърият, тўғри ёзув ва бошқалар; 2.Мантиқ: 8 бўлимдан иборат бўлиб, тушунча, муҳокама, хулоса, силлогистика, диалектика, софистика ва бошқалар; 3. Математика: арифметика, геометрия, астрономия, механика, оптика, сайёралар, мусиқа, оғирлик ҳақидаги илм; 4. Табиий илмлар, илоҳий илмлар ёки метофизика; 5. Шаҳар ҳақидаги илм: сиёсий, фикҳий, педогогик, ахлоқшунослик ва калом илми. Форобий фанларни бундай таснифлашда борлиқ хусусиятларининг таҳлилидан ва уларни фанда акс этишидан келиб чиқади. Шундай қилиб Форобийнинг дунёқараши, унинг жамият ва ахлоқ тўғрисида яратган яхлит таълимоти илк ўрта асрлар ва кейинги даврларда

ижтимоий-фалсафий, сиёсий ва ахлоқий фикр ривожида муҳим аҳамиятга эга бўлди. Ўрта асрнинг буюк даҳоларидан бири, ўзбек мутафаккири, қомусий олим Абу Райҳон Беруний (973-1048й.) дир.У ўз замонасининг ҳамма фанларини, биринчи навбатда фалакиёт (астраномия), физика, риёзиёт (математика), илоҳиёт, маданиятшунослик фанларини пухта эгаллаган.Бу фанлар тараққиётига қўшган ҳиссаси билан унинг номи дунё фанининг буюк сиймолари қаторидан жой олди. “Берун”сўзи ташқи шаҳар, “Беруний”эса “Ташқа шаҳарда яшовчи киши”маъносини билдиради. У ўша даврнинг машхур олимлари Абу Наср ибн Ироқ Мансур, Али Саҳл Исо ал- Масихийлардан фалакиёт, риёзиёт, фалсафа, тиббиёт ва бошқа фанлардан таълим олган. Беруний замонасининг буюк олими Ибн Сино билан табиат фалсафаси, физика бошқа фанлар борасида савол-жавоб тарзида ёзишмалар олиб борган, шулардан 18 таси бизгача етиб келган. Бу ёзишмаларда икки машхур олим фазо, иссиқликнинг тарқалиши, жисмларнинг иссиқликдан кенгайиши, нурнинг акс этиши ва синиши каби масалаларда илмий мунозара олиб борган. 1005-1017 йилларда “Хоразм маъмун академияси”да ўша даврнинг машхур илм аҳллари билан ҳамкорликда фаолият юритди. Беруний қолдирган илмий мерос 152 китоб ва рисоладан иборат.Шулардан 70 таси фалакиёт, 20таси риёзиёт, 12 таси география ва геодезия, 3 таси маданиятшунослик, 15 таси тарих ва элшунослик, 4таси фалсафа,18 таси адабиёт, 4таси харитография, 3 таси иқлимшунослик, физика, доришунослик ва бошқа фанларга бағишланган. Булар қаторига “Қадимги халқлардан қолган ёдгорликлар”, “Ҳиндистон”, “Геодезия”, “Минерология”, “Маъсуд қонуни”, “Мунажжимлик санъатидан бошланғич тушунчалар”, “Сайдана” ва бошқа асарлари киради. Берунийнинг фалакиёт соҳасидаги хизмати айниқса каттадир. У ўз илмий асарларида дунёнинг тузилиши масаласида Птоломей назариясига суянса ҳам, лекин Ернинг ҳаракати ҳақида ўша даврда ҳукмрон назарияга зид

келадиган фикрларни айтган. Беруний ёритқичларнинг ҳаракатини ҳандасавий изоҳлаш асосида оламнинг тузилишини тушунтирадиган геоцентрик ва гелиоцентрик система тенг кучга эга, деган хулосага келади. У дунёнинг гелиоцентрик тузилиши ҳақидаги назарияни ишлашга катта ҳисса қўшди. У биринчилардан бўлиб Қуёш тожини тушунтиришда қизиқарли хулосаларга келган. Беруний 1029 та юлдузнинг координатлари ва юлдуз катталиклари қайд этилган юлдузлар жадвалини тузган. Беруний “Ҳиндистон” ва “Маъсуд қонуни” асарларида Европа олимларидан 450 йилча олдин ғарбий ярим шарда катта қуруқлик мавжудлиги тўғрисидаги фаразни айтган. Бу фаразнинг тўғрилиги 1492 йилда Христофор Колумб томонидан Америка қитъасининг кашф этилиши билан ўз илмий тасдиғини топди. У Ер айланаси узунлигини ўлчашда янги усул ишлаб чиқди ва Ер меридиани ёйининг бир даражаси 110275 метрга тенг деб топди. Бу ҳозирги замон маълумотларига жуда яқин. Олим минерология фанида ҳам муҳим кашфиётлар қилган. У минерологик текширишда қимматбаҳо тошларнинг рангини, ялтироқлигини тасвирлаш, қаттиқлигини аниқлаш, уларнинг магнит ва электр хусусиятларини кузатиш, эритиб синаш каби усуллардан фойдаланган. Беруний 50дан ортиқ минералларнинг солиштирма оғирлигини тартибли равишда аниқлаб, минерологиянинг амалий ишларида жорий қилди. Унинг “Минерология” асари Марказий Осиё ер ости бойликларини аниқлаш учун қимматбаҳо манба ҳисобланади. Беруний Марказий Осиё ва умуман Яқин Шарқда биринчи илмий глобусни бунёд этган. Бу глобусда аҳоли яшайдиган жойлар аниқ кўрсатилган. Табиий фанлар тарихида Берунийнинг абадий қоладиган хизмати шундаки, илмий тадқиқот ишларида ўзи ишлаб чиққан илмий тадқиқот усулига, тажриба ва кузатишларга асосланади. Кузатиш ва тажриба усулини мисли кўрилмаган даражада юқори кўтаради.

“Ўтмиш авлодлардан қолган ёдгорликлар” асари Исломгача бўлган Хоразм тарихини ўрганишда муҳим манба ҳисобланади. Бу асарда турли байрам, урф- одатлар муфассал тасвирланган. Зардуштийлик дини ва “Авесто” ҳақида қимматли маълумотлар келтирилган. Беруний ривожланиш ва йўқ бўлишига сабаб бўлган табиий ҳодисаларни тадқиқ этар экан, табиатда қотиб қолган, ўзгармайдиган нарса йўқ, дунёдаги ҳамма нарса маълум вақтдан сўнг бир ҳолатдан иккинчи ҳолатга ўтиб туради, деган нуқтаи назарда туради. Дунёнинг тузилишини тушунтиришда атомизмга яқин турган. Шунингдек олим дунёлар кўплиги, уларнинг моддийлиги тўғрисидаги фикрларни ҳам илгари сурган. Беруний оламни билиш масаласида ҳам қимматли қарашларни илгари сурган. Бизнинг дунё ҳақидаги билимларимиз манбаи сезги аъзолари орқали олинган билимлардир, илмий билимлар эса ақл-идрок туфайли содир бўлади, деб кўрсатади. Мутафаккир Ибн Синога ёзган эътирозларида ҳамма нарсаларнинг ер маркази томон тортилиши ҳақидаги фикрни олға суради. Бу тортилиш кучи ҳақидаги назарияни ишлаб чиқишда қўйилган муҳим қадам. Беруний ижтимоий ҳодисаларни тушунтиришда географик муҳит, кишиларнинг моддий эҳтиёжи каби омилларнинг аҳамиятини ҳисобга олиб изоҳлайди. Чунончи, тилнинг келиб чиқишига одамларнинг бир-бири билан муомала қилишдаги эҳтиёжи, турли фанларнинг пайдо бўлишига эса уларнинг моддий ва маънавий эҳтиёжлари сабаб бўлган, деб кўрсатади. Хулоса шуки , ватандошимиз Берунийнинг илмий даҳоси умуминсоният илмий билимлар ривожига қўшилган муҳим ҳиссадир. Уни Европада ал-Барон номи билан юритилиши ҳам бежиз эмас.Ўзимизнинг юртимизда Беруний илмий меросини ўрганиш кенг йўлга қўйилган. Фан ва техника соҳасидаги эришилган ютуқлар учун Беруний номидаги давлат мукофоти таъсис этилган. Абу Али ибн Сино (980-1037й.) - буюк ҳаким, қомусий аллома ва машхур мутафаккир. Тиббиёт, фалсафа, мантиқ, психология, физиология, ахлоқшунослик, табиатшунослик, педагогика, мусиқашунослик ва бошқа илм

соҳалари билан шуғулланган. Турли манбаларда унинг 450 дан ортиқ асар ёзганлиги қайд этилган. Лекин бизгача 250 га яқини етиб келган. Шулардан 80 таси фалсафага, 50 таси тиббиётга, 40 тадан ортиғи табиат ва гуманитар соҳаларга, 3 таси мусиқага ва илмнинг бошқа соҳаларига бағишланган. Унинг асосий асарлари “Тиб қонуни”, “Китоб аш-шифо”, “Китоб ан-нажот”, “Китоб ан-инсоф”, “Донишнома”, “Рисолаи ахлоқ”, “Рисолаи ишқ” ва бошқалар. Ибн Синонинг илмий меросини шартли равишда 4 қисмга: фалсафий, табиий, адабий ва тиббий соҳаларга бўлиш мумкин. Олим шуларнинг ҳар бирида чуқур из қолдирган. Ибн Синонинг фалсафага оид энг йирик ва муҳим асари “Китоб аш-шифо” бўлиб, у 4 қисмдан: Мантиқ, табииёт, риёзиёт, метафизика (илоҳиёт) дан иборат. Ибн Синонинг дунёқараши Аристотель таълимоти ва Форобий асарлари таъсирида шаклланган. Олимнинг фикрича, фалсафанинг вазифаси мавжудотни-яъни барча мавжуд нарсаларни, уларнинг келиб чиқиши, тартиби, ўзаро муносабати, бир-бирига ўтишини зарурият, имконият, воқелик, сабабият омиллари асосида ҳар томонлама ўрганишдан иборат. Ибн Синонинг фикрича оламдаги барча мавжудотнинг асоси ва ибтидоси “вужуди вожиб” яъни “зарурий вужуд” бўлиб, у энг иродали, қудратли ва доно тангридир. Вужуди вожиб –барча нарсаларнинг биринчи моҳияти, жавҳари, яратувчисидир. У мустақил ва ягона моҳият. Унинг зотида камчиликлар ва нуқсонлар йўқ, доимий фаоллик унинг муҳим хусусияти. “Вужуди вожиб” нинг оқибати “вужуди мумкин”- яъни “имконий вужуд” бўлиб, унга оламдаги барча нарсалар киради.Зарурий вужуд билан имконий вужуд муносабати сабаб ва оқибат муносабатидир. Зарурий вужуд оламдаги барча нарсалар юзага келишининг сабабчисидир. Оламдаги ҳамма нарсалар эманация тарзида, яъни қуёшдан чиқаётган нур шаклида аста-секин амалга ошади. Имконият тарзида мавжуд бўлган ақл, жон, жисм улар билан боғлиқ осмон сфералари келиб чиқади. Худо абадий, унинг оқибати бўлиши материя ҳам абадийдир. Уни ўзи бошқа аниқ нарсаларнинг , жисмларнинг

асосидир. Нарсаларнинг моддий асоси ҳеч қачон йўқолмайди. Материянинг энг содда бўлинмас шакли тўр унсур: ҳаво, олов, сув ва тупроқдан иборат. Уларнинг турлича ўзаро бирикуви натижасида мураккаб моддий нарсалар ташкил топади. Бу мураккаб нарсалар шаклан ўзгариши мумкин, лекин уларнинг моддий асоси бўлган тўр унсур йўқолмайди, абадий сақланади. Мутафаккир нарса ва ҳодисалардаги ҳаракат “вужуди мумкин”нинг ички моҳиятидан келиб чиқиб у осойишталик, сокинлик билан бирга мавжуд бўлади. Ҳаракат бу нарса ва ҳодисаларда содир бўладиган ўзгаришдир. Ҳаракат жисмларнинг ўзаро ўрин алмашувигина бўлмай, балки кенг маънода уларнинг ўзгариши, бир холатдан иккинчи ҳолатга ўтишидир, деган фикрни илгари суради. Ибн Сино бошқа табиий фанлар қатори кимё билан шуғулланганлиги ҳам диққатга сазовордир. Унинг кимё соҳасида айтган фикрлари ўша даврдаги алкимё учун ниҳоятда илғор эди. У алкимё вакилларининг оддий металларни кимёвий йўл билан олтин ва кумушга айлантириш мумкинлиги ҳақидаги қарашлари ва уринишлари беҳуда эканлигини назарий жиҳатдан исботлашга уринди, тўғрироғи, ўз тажриба ва кузатишлари асосида рад этди. Олимнинг бундай қарашлари ўрта аср кимёсининг илмий кимёга ўсиб ўтишида муҳим роль ўйнади. Аллома ўз давридаги илмлар таснифи билан ҳам шуғулланиб 29 та илмнинг тармоғини кўрсатиб ўтган. Барча фалсафий фанларни икки қисмга: назарий ва амалий фалсафага бўлади. Назарий фалсафани 3 га бўлади: 1. Қуйи даражадаги илм яъни табиатшуносликнинг кимё, физика, астраномия ва бошқалар; 2. Ўрта даражадаги илм-математика, геометрия, арифметика, астраномия, мусиқа ва бошқалар; 3. Олий даражада илм-метафизика (илоҳиёт) ҳақидаги илмлар. Мутафаккир амалий фалсафани ҳам ахлоқ, иқтисод ва сиёсатдан иборат уч қисмга бўлади.

Ғарбда Авиценна, Шарқда “Шайх ур-раис” номини олган Ибн Сино табобат соҳасида ўчмас из қолдирган мутафаккирдир. “Тиб қонунлари” асари қадимги ва ўрта аср табобат фани тараққиётининг энг олий чўққисидир. У табобатнинг 1000 йиллик тарихига якун ясаб, айни вақтда уни янги тараққиёт поғонасига кўтарди. Табобат соҳасида илгари сурган қарашлари ва бу борада ўзи қўллаган амалий ишлари Европада унинг вафотидан 500-700 йиллар кейин янгитдан кашф қилиниб амалда қўлланилди. Чунончи, Ибн Синонинг айрим касалликлар сув ва ҳаводаги “майда жониворлар” орқали тарқалади деган фарази саккиз асрдан сўнг буюк кашфиётчи Пастер томонидан микробларини кашф қилиниши билан илмий жиҳатдан ўз исботини топганлиги мисол бўла олади.Унинг “Тиб қонунлари” асари лотин тилида 40 маротаба нашр қилинган. Ибн Синонинг билиш таълимотида кузатув ва тажриба муҳим ўрин эгалайди.Олим улар орқали жисм ва моддаларнинг солиштирма оғирлиги, одамларнинг хасталиги ҳолатларини, дори-дармонлар таркиби, меъёри, касалларга даво бўла оладиган миқдори, касалликнинг инқирози ва соғайиши аломатлари каби муаммоларни комил ишонч билан ҳал этган. Аллома ижтимоий –сиёсий қарашларида, инсонни ижтимоий жонзот, деб таърифлайди. Кишиларнинг ўзаро манфаатли ҳамкорлиги улар ҳаётининг ягона таянчи эканлигини таъкидлайди. Шундай қилиб, Ибн Сино ўзининг бой ва серқирра илмий мероси билан кейинги давр Шарқ ва Ғарб маданиятининг ривожига катта таъсир кўрсатди. 1999 йилда ЎЗбекистонда “ Ибн Сино халқаро жамғармаси” тузилди. Ўзбекистон ерида 1966 йилда топилган янги минерал Ибн Сино номи билан Авиценнит деб аталди. 3-масала. Амир Темур ва темурийларнинг Марказий Осиёда иқтисодий, сиёсий, ижтимоий ва маданий ҳаётнинг ривожланишидаги беқиёс

ўрни, роли ва аҳамиятини тўғри англамоқ учун XIII аср ва XIV асрнинг биринчи ярмида бу ўлка ҳаётидаги қора кунларга эътибор қаратиш лозим. Марказий Осиё халқларининг XIII асрдаги ва ундан кейинги ҳаёти, маданияти, ижтимоий-фалсафий фикри ҳолати Чингизхон истилоси ва унинг даҳшатли оқибатлари билан боғлиқ ҳолда кечган. Чингизхон босқичи галалари Хуросон, Бухоро, Самарқанд, Хўжанд, Балх ва гуллаб турган, обод бошқа шаҳар ва қишлоқларда ваҳшийлик қилдилар. Санъат кошоналари, бой кутубхоналар, саройлар, масжид-мадрасалар, юксак қишлоқ хўжалиги ер билан яксон қилинди. Муғуллар босқинчилигини ўз кўзи билан кўрган тарихчи Ибн ал-Асир қуйидагиларни ёзган эди: Муғул босқинчилари ҳеч кимга раҳм қилмас эдилар. ... Уларнинг дастидан омон қолган шаҳар йўқ. Улар ҳамма жойни хароб қилардилар, бирор нарсанинг олдидан ўтсалар, уни талон-тарож қилар, кўзларига ёмон кўринган барча нарсани ёндирар эдилар. Тарихчи Рашидадиннинг гувоҳлик беришича Бухорони босиб олган Чингиз қўшини шаҳарнинг омборхоналарини очиб ғаллаларини ташиб олдилар, битма Қуръонлар сақланадиган сандиқларни отларига охур қилдилар. Чингизхоннинг истилоси Марказий Осиё халқларининг асрлар мобайнида яратган маданият ёдгорликларини, илмий-фалсафий мероси ва адабиёт, санъат асарларини йўқ қилиб, унинг маънавий- маърузий ҳаётини ўнглаб бўлмас даражага келтирди. Илм даргоҳлари ер билан яксон қилиниб, ўлкада саводсизлик, жаҳолат, тушкунлик кучайди. Аммо истилочилар Марказий Осиё халқларининг асрлар мобайнида илм-фан, маданият, маънавий ҳаёт соҳасида эришган ютуқларини бутунлай емириб ташлай олмади. Узоқ курашлардан сўнг Амир Темур ўз рақибларини енгиб ҳокимиятни қўлга олди. У майда, тарқоқ феодалликларни бирлаштириб, марказлашган давлат барпо этди, ўлка иқтисодий ва маданий юксалиш сари юз тутди. Темур ва темурийлар даврига келиб Самарқанд, Хирот, бухоро, Андижон, Балх каби шаҳарлар илм-фан, маданият, санъат ва адабиёт ривож топган

марказга айланди. Амир Темур ва унинг ворислари саъй-ҳаракатлари билан кўплаб мадрасалар, масжидлар, саройлар, бозорлар, кўприклар, йўллар, каналлар, қалъалар ва бошқа иншоатлар барпо этилди. Бибихоним, Гўри Амир, Аҳмад Яссавий, Занги ота, Оқсарой каби меъморий мўъжизалар бевосита Амир Темур раҳнамолигида қад кўтарди. Тарих бу кўҳна дунёда ўтган кўп жаҳонгирларни билади. Уларнинг аксарияти Чингизхонга ўхшаб фақат бузган, вайрон этган. Амир Темурнинг улардан фарқи у умр бўйи бунёдкорлик, ободончилик билан шуғулланган. Унинг “Темур тузуклари” даги қуйидаги сўзлари: “Қай бир ердан бир ғишт олсам, ўрнига ўн ғишт қўйдирдим, бир дарахт кестирсам, ўрнига ўнта кўчат эктирдим”,-биз учун ибратдир. Жамият тараққиётини илм-маърифатсиз тасаввур қилиб бўлмаслигини теран англаган Соҳибқирон илм-фан, маданият, санъат ривожига алоҳида аҳамият берди. Амир Темур ва унинг ворислари даврида фанларнинг кўп соҳалари- тарих, тиббиёт, риёзиёт, хандаса, жўғрофия, фалакиёт, мантиқ, фалсафа, ахлоқшунослик ва бошқа илм соҳалари ривожланди. Улуғбек асос солган фалакиёт мактаби табиий-илмий фикр тараққиётида муҳим роль ўйнади. Улуғбек асос солган илмий мактабда Мансур Коший, Мирим Чалабий, Қозизода Румий, Али Қушчи, Ғиёсиддин Жамшид каби илм-фан фидойилари фаолият юритди. Темурийлар даврида Марказий Осиёда рўй берган маданий юксалиш ўзининг хусусияти ва йўналиши жиҳатидан IX-XII асрлардаги илк Ренессанс (уйғониш) даврининг қонуний давоми саналади. Зеро Темурийлар даври фан ва маданият ривожига ҳам ренессанс даврига мос келадиган иқтисод, маданият, илм-фан, адабиёт ва санъат соҳасида беқиёс тараққиёт, антик юнон илмига қизиқиш, инсонпарварлик ва юксак фазилатни куйлаш каби хусусиятлар ҳам хосдир. Марказий Осиёда темурийлар даврида илм-фан, маданият, адабиёт ва санъат ривожида Амир Темурнинг севикли набираси Мирзо Улуғбек (1394-

1449й.)нинг хурмати беқиёсдир. У илм - ривожига алоҳида аҳамият берди. Мирзо Улуғбек 1417-1420 йилларда Самарқандда, 1417 Бухорода 1433 йилда Ғиждувонда Мадрасалар, 1424-1428 йилларда Самарқандда Шарқ меъморчилигининг ажойиб намунаси бўлган расадхона барпо этди. Мирзо Улуғбек хандаса (геометрия), риёзиёт, илми нужум, тарих, адабиёт, мантиқ ва мусиқа илмларини эгаллаган мутафаккирдир. У Самарқанд мадрасаларида илоҳий илмларни ўқитишдан ташқари дунёвий ва табиий фанлар: риёзиёт, хандаса, тиббиёт, тарих, жўғрофия, мухандислик, фалсафа каби фанларни ўқитишга ҳам алоҳида аҳамият қаратди. У мадрасаларда ўқиш ва ўқитиш ишларида том маънода ислоҳатлар ўтказди. Мирзо Улуғбек қурдирган расадхона, мадраса, кутубхона ўз даври учун тенги йўқ илмий марказ ролини ўйнади. 1437 йилда Мирзо Улуғбек расадхонада олиб борилган кузатиш ишларини якуни сифатида “Зижи жадиди Курагоний” (“Курагонийнинг янги астраномик жадвали”) асарини ёзди. Бу асар 1437 йилда ёзиб тугатилган бўлсада, унга муаллиф умрининг охирига қадар расадхонада бажарилган илмий-тадқиқот натижалари асосида тузатиш ва қўшимчалар киритиб борди. Тарихчи олим Давлатшох Самарқандийнинг ёзишича “Улуғбек геометрия борасида Эвклидга, астрономия соҳасида Птоломейга ўхшарди”. Аллома яратган “Зижи жадиди Курагоний” асари 4 қисмдан иборат бўлиб, унда астраномик жадваллардан ташқари математика ва алгебранинг турли соҳаларига оид масалалар ҳам кенг ўрин олган. Асар сўзбоши, назарий қисм, Зиж (жадваллар) ва астрологияга оид қисмлардан иборат 430 саҳифани ўз ичига олади. Сўз боши икки бетли бўлиб, унда расадхонанинг ташкил қилиниши ва Зижни тайёрлашда иштирок этган илм аҳллари ҳақида маълумотлар берилган. Назарий қисм эса тўрт мақоладан иборат. Биринчи мақола ўша даврда асосий тақвимлар ҳисобланган-Хижрий, Яздигард, Жалолий, Хитой ва Уйғур тақвимлари ҳамда уларнинг биридан иккинчисига ўтиш ҳақидаги ҳисобларни ўз ичига олади. Сферлик ва амалий астрономия масалаларидан таркиб топган иккинчи мақолада ёритқичларнинг

азимутларини, уларгача бўлган масофаларни, макка томонга йўналишларни аниқлаш ҳамда аҳоли яшайдиган жойларнинг жўғрофий узунлама ва кенгликларини ҳисоблаш усуллари баён этилган. Учинчи мақола Қуёш, ой ва сайёраларнинг ҳаракат назариясига бағишланган бўлиб, уларнинг астрономик узунлик ва кенгликлар бўйича ўринларини аниқлаш ва у билан боғлиқ ҳодисалар, хусусан Қуёш ва ой тутилишлари ҳақида сўз боради. Ниҳоят тўртинчи мақола, унча катта бўлмай, бошқа астраномик масалалар ҳақидаги маълумот ва астрологияга оид жадваллар тузишга бағишланган. Шундай қилиб 430 саҳифалик “Зижи жадиди Курагоний”нинг 5 фоизи юлдузлар жадвалидан иборат бўлиб, унда 1018 юлдузнинг ўрни ҳамда ҳолати аниқланиб берилган жадваллардан иборат. Улуғбекнинг астраномик жадвали ўша даврдаги шунга ўхшаш бошқа жадваллар орасида юксак даражадаги аниқлиги билан ажралиб туради. Чунончи, Улуғбекнинг йил ҳисобини ҳозирги аниқ ҳисоб-китобларга солиштирсак, у бор-йўғи 1 минуту 2 сонияга фарқ қилади. Булар XV аср учун ғоят юксак аниқлик саналиб, ҳозирги замон ўлчовларига жуда яқиндир. Асардаги жадвалларнинг қарийб 80 фоизи Қуёш, ой ва бешта сайёрага бағишланган. Мирзо Улуғбек “Зижи жадиди Курагоний” дан ташқари “Тўрт улус тарихи ”номли асар ҳамда мусиқа илмга оид рисолалар ҳам ёзган. Мирзо Улуғбек Темурийлар салтанатининг олий ҳукмдори бўлиши билан бирга, замонасининг қомусий олими бўлишга эришди ва замондошларини ҳам бу йўл сари етаклади. XV асрда аниқ фанларнинг, хусусан астраномия илмининг ривожида Улуғбекнинг хизматлари беқиёсдир. Унинг зижи XVI асрда энг кенг тарқалган астрономик жадвал бўлган. Мирза Улуғбек ва унинг атрофига уюшиб Самарқанд расадхонасида меҳнат қилган олимларнинг илмий кашфиётлари ўз даврида Эрон, Ҳиндистон, Туркия, Миср ва бошқа Шарқ мамлакатлари илм аҳллари томонидан эътироф этилган.

Мирзо Улуғбекнинг илмий меросини инглиз олими Т.Хейд, француз астрономи Ш.Даламбр, немис олимлари К.Петерс ва К.Броккелманлар атрофлича ўрганиб уни уни турли тилларда чоп эттирдилар. Юртимизда мустақиллик туфайли Мирзо Улуғбек қадр топди. 1994 йилда таваллудининг 600 йиллиги кенг нишонланди. Марказий Осиёда ижтимоий-фалсафий фикрлар ривожида Алишер Навоий (1441-1501) алоҳида ўрин тутади. Алишер Навоий фан, адабиёт, санъатнинг турли соҳаларига доир 40 дан ортиқ асар яратган ўзбек халқининг буюк мутафаккиридир. “Чор девон”, “Ҳамса”, “Маҳбуб ул-қулуб”, “Муҳокаматул луғатайн”, “Мажолис-ун нафис”, “Лисон–ут тайр” ва бошқалар шулар жумласидандир. Навоий борлиқ ва унинг моҳиятини давр диний-фалсафий нуқтаи назаридан келиб чиққан ҳолда изоҳлайди. Унинг фикрича бутун борлиқнинг ягона моҳияти бордирки, у ҳам бўлса оллоҳдир. Унинг на аввали на охири бор. Навоий Оллоҳ мутлоқ борлиқдир, деб қарайди. У бутун мавжудотни, бутун коинотни ўз ичига олади. Унинг на чегараси, на тамом бўладиган нуқтаси бор. У ўлчовга сиғмайди. Табиат камолга эришган, қанча мумкин бўлса шунча гўзалликка эга бўлган худодир. Оллоҳ ваҳдати вужуддир. Навоий фикрича, табиат ўзидан ўзи йўқдан бор бўлган эмас. У аввал имконият тарзида мавжуд бўлган, Навоий сўзлари билан айтганда у ниҳон эди, яъни ҳали воқеликка айланмаганди, “мавжи аён” этмаганди. Табиат узоқ жараён натижасида имконият ҳолатидан воқеликка айланган. Воқеликка айланган табиат доимо янгиланиш, ўзгариш, ривожланиш жараёнини бошдан кечиради, деб айтади. Бу ерда Навоийнинг борлиқ ҳақидаги диалектик фикрлашини кўрамиз. Шу билан бирга Навоий бу ўзгариш табиат, борлиқнинг моҳиятига тегишли эмас. Моҳият-яъни Оллоҳ ўзгармас, мутлоқдир, деб билади. Навоий оламни билиш масалаларида ҳам қимматли фикрларни билдирган. Инсон мавжуд нарсаларни ўзининг сезгилари, тафаккури орқали

билади. У билишнинг ҳиссий ва ақлий томонларини бирликда тушунади. Бу катта амалий ва назарий аҳамиятга хос хулосадир. Навоийнинг ижтимоий-сиёсий қарашлари ҳам катта аҳамиятга моликдир. У золим, мустабид, нодон, тадбирсиз, маишатпараст шоҳларни қоралайди. Уларга қарши ижобий шоҳ образини қўйиб, уларни гўзал фазилатли шоҳ сифатида тасвирлайди. Навоий ижодида инсонпарварлик ғоялари алоҳида аҳамият касб этади. Унинг айтган қуйидаги байтлари: Одами эрсанг, демагил одами, Ониким йўқ халқ ғамидин ғами,- Навоий дунёқараши ва инсонпарварлигининг ўзаги ҳисобланади. Барча замонларда ҳам мутафаккирлар инсонни улуғлаб, унинг барча мавжудотлар орасида азизу- мукаррам эканлигини эътироф этганлар. Навоий ижодида бу мавзу алоҳида ўрин эгаллаганлиги тахсинга сазовордир. Мутафаккир ўзининг фалсафий- дидактик мазмундаги “Ҳайрат ул-аброр” (“Яхшиларнинг ҳайратланиши”) асарида инсонни жаҳондаги энг шарафли, каромат тожига эга бўлган зот сифатида тасвирлайди. Оламдаги барча гўзал нарсалар, жаннатмакон боғлар, муҳаббат бахти инсон учундир, дейди. Хулоса шуки, Навоий барча даврлар учун ўзининг халқпарварлиги, инсонпарварлиги ва илғор фалсафий ғоялари билан қадрли, буюк ва ардоқлидир. Амир Темур ва Темурийлар даврида Мовароуннаҳр ва Хуросонда илм- фаннинг тиббиёт, риёзиёт, хандаса, тарих, адабиёт, жуғрофия, педагогика, мантиқ, фалсафа, ахлоқшунослик соҳалари кенг ривож топди. Тарих соҳасида Шарофиддин Али Яздий, Мирхонд, Хондамир, Абдураззоқ Самарқандий кабилар етишиб чиққан бўлса, адабиёт ва санъат соҳасида Лутфий, Жомий, Атоий, Навоий, Заҳириддин Мухаммад Бобур, Камолиддин Беҳзод ва бошқалар камолот чўққисига эришдилар. Фалсафа, ахлоқшунослик, мантиқ илми соҳасида Саъдиддин Тафтазоний, Мир Саййид Шариф Журжоний, Ҳусайн Воиз Кошифийлар

ўзларининг баракали ижодлари билан мазкур илм соҳаларининг ривожига ҳисса қўшдилар. Шундай қилиб, XIV-XV асрларда Марказий Осиёда маданий-маърифий юксалиш юз берди. Буни олимлар Ренессанс даври ҳам деб атамоқдалар. 4-масала . Ўзбекистон фани ривожида 1943йил 4 ноябрда ташкил топган. Ўзбекистон фанлар академияси ва унинг таркибига кирувчи 30 дан ортиқ илмий тадқиқот муассасалари шу билан бирга Республика Олий ўқув юртлари қошидаги илмий тадқиқот бўлимлари муҳим ўрин эгаллаб келмоқда. Академия муассасаларида 5300 га яқин илмий ходим фаннинг турли йўналишларида илмий тадқиқот ишларини самарали суратда олиб бормоқда. Фанлар Академиясида “Геиотехника”, “Ўзбек тили ва адабиёти”, “Ўзбекистон биология журнали”, “Ўзбекистон кимё журнали”, “Ўзбекистонда ижтимоий фанлар” ва бошқа илмий журналлар, “Фан ва турмуш” илмий-оммабоп журнал нашр этилади. Ўзбекистон мустақилликка эришганидан сўнг мамлакатда илм-фанга алоҳида эътибор берилди. Халқ хўжалиги ва маданий ҳаётнинг табора ортиб бораётган талабаларидан орқада келаётган илмий-тадқиқот институтлари тугатилди.Турмуш тақозо этган янги институтлар очилди. Фан тузилмаси кескин ўзгарди. Чунончи маънавий фанлар ҳисобланувчи тасаввуф илми тикланди, ҳадис билимларига йўл очилди, зиёлилар, талабаларнинг руҳий дунёси анча бойиди, янги олий ўқув юртлари, университетлар ташкил қилинди. Илм аҳли чет элдаги олимлар билан мустақкам ижодий алоқалар ўрнатди. Бунинг натижасида табиатшунослик ва техника-технология фанлари жаҳон андозаси даражасига кўтарила бошлади. Ўзбекистон Республикаси Президентининг 1992 йил 8 июлдаги “Фан ва инновация фаолиятини ривожлантиришни давлат томонидан қўллаб- қувватлаш тўғрисида”ги фармони ҳамда уни амалга ошириш юзасидан Ўзбекистон Республикаси Вазирлар Маҳкамасининг “Фаннинг ривожланишини давлат томонидан қўллаб-қувватлаш тадбирлари ва

инновация фаолияти ҳақида”ги қарори мамлакатимизда фанни ривожлантиришда катта аҳамиятга эга бўлди. Республика олимларини хорижий мамлакатларига тажриба оширишга юборишга катта аҳамият берилди. 1992 йилдаги Ўзбекистон Республикаси Прездентининг фармонига биноан Республика Вазирлар Маҳкамаси ҳузурида Олий аттестация комиссияси ташкил этилиши Ўзбекистон фани ривожида муҳим босқич бўлди. Ҳозирги кунда Республика илмий-тадқиқот мажмуи академия, олий таълим ва бошқа тармоқлардаги 350 дан ортиқ муассасани, жумладан, илмий –тадқиқот институтлари, олий ўқув юртларидаги илмий-тадқиқот бўлинмалари, лойиҳа конструкторлик ташкилотлари, илмий ишлаб чиқариши бирлашмалар ва тажриба корхоналари, ахборот-ҳисоблаш марказларини ўз ичига олади. Уларда 34 мингдан ортиқ илмий ходим фаннинг турли тармоқларида фаолият кўрсатмоқда. Шулардан 2400 киши фан доктори, 8400 киши эса фан номзодидир. Мамлакатимиз олимлари замонавий фаннинг кўп йўналишлари бўйича муҳим ва амалий тадқиқотлар олиб бормоқдалар. Жаҳон даражасидаги илмий мактаблар шаклланганлиги фан соҳасидаги катта ютуғимиздир. Математика, эҳтимоллик назарияси табиий ва ижтимоий жараёнларни математик моделлаш, инфарматика, ҳисоблаш техникаси, математик статистика, дифференциал ва математик, физика, функционал таҳлил, астрономия, осмон ёритқичлари ҳаракати кимё, биология, физика ва бошқа фан соҳалари бўйича қилинган ишлар фани ютуқлари сирасига киради. Минерал хом ашё ресурслари ҳосил бўлишига олиб келадиган геологик жараёнлар қонуниятларини ўрганиш билан боғлиқ бўлган тадқиқотлар, шунингдек, геофизика, сейсмология ва ер тўғрисидаги фаннинг бошқа соҳалари бўйича олиб борилган тадқиқотлар тақсинга сазовар. Республика геологларининг ер қатламини геологик, геофизика ва геокимё нуқтаи назаридан комплекс ўрганиш бўйича олиб борган ишлари Ўзбекистонда кучли минерал хом ашё базасини вужудга келтириш имкониятини яратди.

Қишлоқ хўжалиги, микробиология саноатини, атроф муҳит муҳофозасида илмий-техника тараққиётини таъминлашнинг зарур асоси ҳисобланган молекуляр генетика, ген хужайра инженерияси, биотехнология бўйича кенг кўламда тадқиқотлар олиб борилмоқда. Моддаларнинг физик-кимёвий хусусиятлар мажмуини ўрганиш билан боғлиқ тадқиқотлар амалга оширилмоқда. Республика ядро ва элементар зарралар физикаси радиоцион физика ва материалшунослик бўйича йирик тадқиқотлар олиб борилмоқда. Янги релявистик ядро физикаси илмий йўналиши шаклланди. Ўзбекистон ҳозирги вақтда радиацион материалшунослик ва гелиоматериалшунослик йўналишлари бўйича жаҳон миқёсида юқори мавқега эга. Ўзбекистонда юқори энергиялар физикаси бўйича илмий мактаб юзага келди. Бу мактаб доирасида юқори даражадаги ўта чидамли соф материалларни олиш, ейилишга ўта чидамли, иссиқбардош, коррозиябардош ҳамда қимматбаҳо конйрукцион материалларнинг ўрнини босиш хоссасига эга бўлган юқори ҳароратли материалларни ишлаб чиққишининг янги технологиясини яратиш бўйича илмий асос вужудга келди. Энергиянинг ноанъанавий турини яратиш- қуёш энергиясини комплекс ва самарали энергияга айлантириши ҳамда ўзлаштириш бўйича ишлар фаол олиб борилмоқда. Фаннинг янги соҳаси нанотехнология бўйича ҳам самарали ишлар амалга оширилмоқда. Математика соҳасида Т.А.Саримсоқов, С.Ҳ.Сирожиддинов, М.С. Салоҳиддинов, Т.Ж.Жўраев, Ш.А.Аюпов каби математик олимларнинг илмий мактаблари шаклланди. Физика соҳасида П.Қ.Қирғизбоев, С.А.Азимов, Р.Б.Бекжанов, У.О.Орипов ва бошқаларнинг илмий мактаблари иссиқлик физика, ядро физикаси, гелитехника, физик электроника, юқори энергиялар физикаси, қийин эрувчи материаллар физикаси, ярим ўтказгичлар физикаси соҳаларида самарали тадқиқотлар олиб бормоқда.

Кибернетика соҳаси бўйича В.Қ.Қобулов илмий мактаби алгоритмлаштириш, ҳисоблаш математикаси, сунъий тафаккур, биология ва тиббиёт кибернитикаси, ахборот назарияси, ҳисоблаш техникаси, техника кибернетикаси, лойиҳалашнинг автоматлаштирилган тизимлари, иқтисодий кибернетика ва бошқа йўналишларда муҳим илмий натижаларга эришилди. Қурилиш ва механика фанлари соҳасида М.Т.Ўразбоев илмий мактаби вакиллари зилзилабардош бинолар, сув тўғонлари барпо этишнинг илмий асосини ишлаб чиқишда самарали фаолият кўрсатмоқда. Ўзбекистонда топилган темирчилик, чўян, шиша, сопол буюмлари халқимизнинг қадимдан кимёга оид масалалар билан шуғулланганлигини кўрсатувчи ашёвий далил ҳисобланади. Кимёвий моддалардан фойдаланиб тайёрланган безаклар,қоғозлар ёзувлар, эфир мойлари, сурма, ўсимликлардан тайёрланган дори –дармонлар ва бошқалар бунинг исботи саналади. Ўтра асрларда ал-кимё ривож топди. Бунда Закариё ар Розий, Ибн Сино, Беруний ва бошқалар ўз ҳиссаларини қўшдилар. XX асрнинг 20-йилларидан бошлаб Ўзбекистонда кимё фани тез ривожлана бошлади. 1930 йилда Ўрта Осиё университети қошида кимё факультетининг ташкил этилиши бундан кейинги даврларда кимё фанининг ривожланишида муҳим роль ўйнади. Бу даврда дикетоэфирлар реакциялари, газ реакциялари кинетикаси, электр кимёси, табиий ва синтетик коллонд системалари, алкиллаш реакциялари, чигитдан мой олиш, Ўзбекистон корхоналари учун зарур бўлган, арзон маҳаллий хом ашёлардан фойдаланиш, қишлоқ хўжалиги учун керакли ўғитларни олиш ва янги технологик тизимлар яратиш каби масалалар устида илмий изланиш ишлари олиб борилди. XX асрнинг 70-йилларидан бошлаб кимё йўналиши бўйича илмий текшириш институтларида пахта, полимерлар, пластмасса, ўғит, нефт, газ, газ конденсати, алколоидлар, силикатлар ва бошқа минерал хом ашёлар устида кенг кўламда тадқиқот ҳамда таҳлил ишлари олиб борилди. Ўзбекистон академик олимлари О.С.Содиқов, С.Ю.Юнусов, Ҳ.У.Усмонов,

К.С.Аҳмедов, М.Н. Набиевларнинг илмий ишлари дунё миқёсида тан олинди, инглиз, француз, рус, немис ва бошқа тилларга таржима қилинди. Ҳозирги кунда кимё фанининг қуйидаги соҳалари бўйича йирик тадқиқот ишлари олиб борилмоқда: Физик кимё - йўналишида чигитдан мой олиш, ўсимликлардан дори- дармонлар тайёрлаш ва хушбўй моддалар ажратиб олиш, аммиак синтези, электр капиляр ҳодислари, катализ, реакциялар кинетикаси, юқори октан ионига эга ёқилғилар олиш ва уларни ичдан ёнар двигателларда ишлатишда юз берадиган реакциялар механизмини аниқлаш, фенолнинг ацетон билан конденцияси ва бошқа соҳаларда илмий ишлар олиб борилмоқда. Физик кимё соҳасида институтимиз олимлари Ҳ.Р.Рустамов, Ф.Қ. Қурбонов ва бошқаларнинг ишлари республикамиз кимё заводларида ва халқ хўжалигида қўлланиб келмоқда. Органик кимё - йўналишида тўйинмаган бирикмалар, эфирлар, металли катализаторларнинг таъсир механизми, металларнинг галогенли тузларидан алкиллаш реакцияларида катализаторлар сифатида фойдаланиш, физиологик фаол моддалар синтези, феноллар ва уларнинг эфирлари алкилланди, органик бирикмаларнинг карбонилланиш реакциялари, альфа- фенил-винилфосфон кислоталарнинг полимерланиш реакциялари, декарбоксиллаш, декарбонсиллаш,гидрирлаш, карбонводородларни олтингугуртсизлантириш, полимерланиш ва бошқа реакциялар учун катализаторлар ишлаб чиқиш, ацетилиннинг азотли бирикмалар билан катталик реакциялари, ацетонитрил, пиридин асослари ва улар ҳосилалари синтези, ацетокси этиланидларнинг аммиак, анилин, фенол, спирт ва сув билан реакциялари ва бошқалар ўрганилиши йўлга қўйилган. Олинган натижалар кимё, қишлоқ хўжалиги, тиббиёт, фармацевтика ва бошқа соҳалар учун хом ашё бўлиши тажрибаларда кўрсатилди. Ёғлар таркибидаги тўйинган ва тўйинмаган органик кислоталарни ажратиб олиш, уларни гидрирлашга оид муаммолар, совун олиш ацетилен асосида турли синтезларни амалга ошириш борасида илмий ишлар олиб борилмоқда.

Органик кимё соҳасида институтимиз олимлари А.Б.Қўчқоров, А.Б.Аловутдинов, Қ.Аҳмедов, Д.Юсупов, С.М.Туробжонов, А.Икромов ва бошқалар самарали тадқиқотлар олиб борган. Юқори молекулали бирикмалар кимёси - соҳасида Х.А.Усмонов, М.А.Асқаров каби олимлар билан бир қаторда институтимиз олимлари Т.М.Миркомилов, Т.А.Абдурашидов, Ф.А.Маърупов, А.Т.Жалилов, Р.Рўзиевлар халқ хўжалиги ва саноат тармоқлари учун зарур бўлган соҳалар пахта целлюлозаси кимёси, унинг физик кимёвий хоссалари, уларнинг тупроқ структурасига, об-ҳаво шароитига, намгарчилик омилларига боғлиқлиги, полимерлар кимёси ва физикаси, композицион материаллар яратиш, полимер гидрофил қопламалар, тиббиёт эҳтиёжлари учун зарур бўлган физиологик фаол синтетик полимерлар синтези, сувда ўта бўкувчи гидрогеллер синтези бўйича муҳим тадқиқот ишлари амалга оширилди ва олинган натижалар халқ хўжалигининг турли соҳаларида кенг қўлланиб келинмоқда. Табиий бирикмалар кимёси - йўналишида ўсимликлар таркибига кирувчи моддалар ўрганилиб, улардан 500 дан ортиқ алколоид ажратиб олинишга эришилди. Ўсимлик оқсиллари кимёси ўрганилиши кенг йўлга қўйилди. Таркибида мой сақловчи ўсимликлар ўрганилиб 160 га яқин ўсимликлар данак (мағиз) ларидан олинган мойлар тадқиқ қилинди. Ғўзапоя ва унинг баргларидан ажратиб олинган моддалар- полифеноллар, ошловчи моддалар, органик кислоталар, витаминлар, карбонсувлар хоссалари ўрганилиб ҳаётга тадбиқ этилди. Бу борада дунё тан олган С.Ю.Юнусов, С.И.Искандаров ва бошқалар фаол иш олиб бордилар. Каллоид кимёси йўналишида табиий газ, газ конденсати, саноат чиқиндилари ва бошқа маҳсулотлардан анион, катион, сирт-фаол моддалар, полиэлектролитлар олиш йўллари топилди. Ноорганик кимё, аналитик кимё, биоорганик кимё, ўғитлар кимёси ва технологияси, кимёвий технология жараёнлари ва қурилмалари, кимё саноатини автоматлаштириш йўналишларида ҳам кенг кўламли тадқиқот

ишлари олиб борилмоқда. Олинган натижалар ишлаб чиқаришга жорий этилмоқда. Бу борада М.Н.Набиев, Н.А.Парпиев, Н.Р.Юсупбеков, Ҳ.Р.Раҳимов, З.С.Салиҳов каби олимлар билан бир қаторда институтимиз олимлари Ф.М.Мирзаев, Т.А.Отақўзиев, Ф.Ҳ.ТОжиев, Р.И.Исматова, А.Ҳ.Исмоилов, А.М.Эминов, А.А.Исматов, Ҳ.С.Нурмуҳамедов, П.Р.Исматуллаев, А.Ортиқов ва бошқалар самарали ишлари билан ўз ҳиссаларини қўшиб келмоқдалар. Мустақиллик йилларида биокимё, генетика, қишлоқ хўжалиги, зоотехника, тиббиёт ва фалсафий, ижтимоий-гумонитар, педагогика ва психология, тарих, иқтисодиёт, ҳуқуқшунослик, ўзбек тилшунослиги, санъатшунослик ва бошқа фан соҳалари янги ривожланиш босқичига ўтди.

Адабиётлар: 1. Karimov I.A. BMT sammitining mingyillik rivojlanish maqsadlariga bag‘ishlangan yalpi majlisdagi nutq.-T.: O‘zbekiston, 2010. 2. Karimov I.A. O‘zbekiston mustaillikka erishish ostonasida.T.: o‘zbekiston, 2011 386 b 3. Karimov I.A. Buyuk va muqaddassan mustaqil vatan.O‘zbekiston mustaqilligining 20 yilligiga bag‘ishlangan ma’ruza. T.: O‘zbekiston, 2011 4. Romanenko Y.M. Bitiye i yestestvo: Ontologiya i metafizika kak tipi filosofskogo znaniY. – M., 2003. 784 s. 5. Falsafa asoslari. Nazarov Q tahriri ostida. –T.: Sharq, 2005 6. Shermuxamedova N.A. GnoseologiY. –T.O‘FMJ. 2007 7. G‘arb falsafasi. Nazarov Q tahriri ostida. –T.: Sharq, 2005. 8. Nazarov Q.N. Bilish falsafasi. –T.: Universitet, 2005. 9. Falsafa. Ahmedova M. Tahriri ostida –T.: OFMJ, 2006 10. Jahon falsafasi tarixidan lavhalar. Nazarov Q. tahriri ostida. –T.: Sharq, 2004 11. Shermuxamedova N. A. Falsafa va fan metodologiyasi. –T.: Universitet, 2005.

Похожие

Кадимги Марказий Осиёда ижтимоий-фалсафий фикрларнинг шаклланиши

Буддизм Марказий Осиёда

XIV – XVI асрларда Марказий Осиёда табиий-илмий, ижтимоий–фалсафий фикрлар

Марказий Осиёда фалсафий фикрларнинг пайдо бўлиши ва ривожланиши

Марказий осиёда дунёвий илмларнинг карор топиши