Фанларнинг фалсафий масалалари фанининг предмети ва вазифалари - Философия - Рефераты

Фанларнинг фалсафий масалалари фанининг предмети ва вазифалари

Загружено в:

20.09.2019

Скачано:

0

Размер:

64.5 KB

Фанларнинг фалсафий масалалари фанининг предмети ва вазифалари Режа: 1. Ҳозирги давр мураккаб ва яхлит барқарор ўсиш жараёнини тўғри ва ҳар томонлама фалсафий таҳлил қилишнинг зарурлиги . 2. Фан фалсафасининг вужудга келиши ва тараққиёт босқичлари. 3. Фан фалсафасининг предмети. 4. “Фанларнинг фалсафий масалалари” ни ўрганишнинг замонавий кадрларини шакллантиришдаги ўрни ва роли.

1-масала . Инсониятнинг XXI асрга ва ўз ижтимоий тараққиётнинг янги минг йиллигига қадам қўйиши ижтимоий билишда қисқа ва кенг қамровли қилиб “глобализация” деб номланган мутлақо янги ижтимоий вазият билан боғлиқ. Жамият ҳаётининг барча соҳалари,томонлари ва даражаларининг глобаллашиши ҳозирги замон постиндўстриал ахборот жамиятининг мураккаб, диалектик қарама - қаршиликларига тўла ўз-ўзини ташкил этиш жараёни жадал суръатлари билан бормоқда. Мамлакатимиз Президенти Ислом Каримов жаҳонда рўй бераётган мураккаб глабаллашув жараёнида Ўзбекистоннинг тутган позицияси, ўрни ҳақида “Ўзбекистон XXI аср бўсағасида: хавфсизликка тахдид, барқарорлик шартлари ва тараққиёт кафолатлари” асарида шундай деб ёзади: ”Мен мамлакатимиз XXI асрда жаҳон иқтисоди, маданияти ва сиёсатида муносиб ўрин эгаллаш тарихий имкониятига эга эканлигига ишончим комил. Биз ўзимиз, энг муҳими –фарзандларимиз ва набираларимизга жаҳонда ҳамкорлик қилиш имкониятларини яратмоқдамиз. Ўзбекистонни, унинг салоҳиятини чуқурроқ тушуниб етишни истаган барча биз билан ҳамкорлик қилиш истиқболларидан беғараз манфаат кўришни истаймиз. Янги минг йилликка йўл очар эканмиз, биз ҳаммага дўстлик ва биродарлик қўлини чўзмоқдамиз, буни хавфсизлик, барқарорлик сўзлари билан рамзий ифода этмоқдамиз. Зеро,ҳар бир мамлакат, халқнинг тинчлиги, фаровонлиги ва равнақининг мустаҳкам пойдеворини мана шу тушунчалар ташкил этади, сайёрада жуғрофий-сиёсий мувозанатни сақлашнинг зарур шарти ҳисобланади, ҳар бир инсонга келажакка дадил ва ишонч билан қараш ҳуқуқини беради”. 1 Глобаллаштириш жараёни инсониятнинг ер куррасида яшовчи барча миллатлар ва халқларнинг иқтисодий, ижтимоий, маданий, илмий салоҳиятларини эволюцион яқинлаштириш, уларни ягона жаҳон ҳамжамиятига бирлаштиришга асосланган янги цивилизация томон ҳаракатини ифода этади. 1 Ислом Каримов.Ўзбекистон буюк келажак сари. Тошкент. “Ўзбекистон”, 1998. 426-бет.

Ҳозирги замон ижтимоий ҳаётини глобаллаштириш фан-техника тараққиёти натижасида ахборот жамиятини вужудга келтириш билан боғлиқ бўлган мураккаб, комплекс ҳодиса ва воқеликдир. Янгининг вужудга келиши одамларнинг ижодий-бунёдкорлик фаолияти махсулидир. Шунинг учун ҳам бугунги куннинг мураккаб ижтимоий муоммоларини ҳал қилишга ижодий ёндашиш содир бўлаётган глобаллаштириш жараёнининг моҳият-мазмунини ташкил этади. Глобаллашиш жараёни билан чамбарчас боғлиқ бўлган фан-техника тараққиёти деганда фан ва техникада содир бўлган ва бўлаётган туб сифат ўзгаришлари мажмуи тушунилади. Бу ўзгаришлар “инсон-жамият-техника” тизимида ёндашувлар, қарашларининг алмашишида, авваламбор, эскирган илмий-техникавий принциплар назариялар ва қонунларидан мутлақо янги, кишининг тарихида илгарги кўрилмаган принциплар, назариялар ва қонунларга ўтишда акс этади. Ҳозирги глобаллашув жараёнида фан ва техника тараққиётининг мазмуни илмий ва техникавий ижоднинг хужумкор прогрессив ривожланишнинг асосий йўналишлари ва ўзига хос хусусиятларини ўз ичига олади. Бу электр ва электроникадан кенг фойдаланишни,муқобил электр манбаларини излаш ва ўзлаштиришни,ядро ва қуёш энергиясидан иқтисодда кенг фойдаланишни, фанни бунёдкор, ишлаб чиқариш кучига айлантиришни назарида тутади. Глобализация шароитларида фан-техника тараққиёти таъсирида жамиятнинг ишлаб чиқарувчи кучларида том маънода бурилиш ясалади. Ақлий ва жисмоний меҳнатнинг маъноси, мазмуни ва ижтимоий самарадорлиги ўзгаради. Глобализация ва фан-техника тараққиёти ривожланишида туб сифат ўзгаришлари содир бўлиши, ишлаб чиқаришда юксак технологиялардан самарали фойдаланиш орқали рўй беради. Бу авваламбор,микро электроника, инфарматика, биотехнология, ирсий инженериянинг юксак технологияларидан фойдаланиш, термоядро синтезини ўзлаштириш

истиқболлари, ишлаб чиқаришни автоматлаштириш сохаларида қўлга киритилган янги ютуқлар билан боғлиқ. Глобализация-бу жамият тараққиётининг аграр (биринчи тўлқин) ва саноат (иккинчи тўлқин) босқичлари ўрнини эгаллаган учинчи тўлқин цивилизациясидир (Д.Белл, Э.Тоффлер, С.Хантингтон). Глобализация, ҳозирги замон постиндустриал ахборот жамияти шароитидаги фан-техника тараққиётига бугунги кунда жамият экология, иқтисод, сиёсат, мафкура орқали кучли таъсир кўрсатмоқда. Ҳозирги замон фан-техника тараққиёти дунёда электрон-компъютер ва биотехнологик инқилоб ясади. Бу жамиятнинг бугунги ҳаётида илмий билиш ва ижоднинг ўрни ва аҳамиятини ҳам тубдан ўзгартириб юборади. Инсон цивилазациясининг постиндустриал, учинчи тўлқинида яшовчи одамлар ҳозирги замон фани ва фан-техника тараққиётининг ютуқларини мукаммал билишлари, фундаментал, амалий ва техника фанлари турли соҳалари ҳақида тўлиқ билимга эга бўлишлари, компъютер техникаси, ахборот тизимлари ва юксак технологияларидан эркин фойдалана олишлари керак. Улар дунёқарашларининг кенглиги, юксак маънавияти,илмий ижод ва бунёдкорликка интилишлари билан ажралиб туришлари лозим. Ҳозирги замон Ўзбекистон жамияти ўзига хос, ижодий ишлаб чиқилган демократик ислоҳатларни амалга ошириш ва фуқоролик жамияти қуришнинг “Ўзбек модели” ни босқичма-босқич амалга ошириш жараёнида жаҳон ахборот цивилизациясига қўшилиб бормоқда. 2-масала Мустақиллик шарофати билан мамлакатимизда амалга оширилаётган “Кадрлар тайёрлаш миллий дастури” бир томондан фан ва техника тараққиётини тезлаштиришни талаб қилса, иккинчи томондан фанлар тараққиётини фалсафий таҳлил қилишни, унинг ютуқларини ҳар томонлама ривожланган кадрларини тайёрлаш ишига сафарбар қилишни зарурият даражасига кўтаради. Фан фалсафаси фалсафанинг бир тармоғи сифатида XIX аср ўрталарида шакллана бошлади.

Ҳозирги замон фалсафасининг йўналиши сифатида фан фалсафасининг вужудга келиши тўғрисида сўз кетганда унинг пойдеворини, тамал тошини қурган атоқли файласуфларни четлаб ўтиш мумкин эмас. Булар У.Уэвелл, Ш.С.Милл, О.Конт, Г.Спенсер, Ш.Гершеллардир. Уларгача ҳам файласуфлар фан ва унинг тараққиёти тўғрисида жуда кўп фикрларни айтганлар. Хусусан, диёримиздан етишиб чиққан алломалар Фаробий, Ибн Сино, Беруний ва бошқалар фанни илмий билиш даражасида: - унинг ривожланиши : - фалсафанинг фанга бўлган муносабати : - билимлар тизимида фан ва фалсафанинг ҳамкорлиги : - илмий билиш усуллари ва шакллари ҳақида фикр юритганлар. XIX асрга келиб айрим шаҳслар ёки бир гуруҳ олимларгина фан билан шуғулланиб қолмай, балки фан кўпчиликни ўзига жалб этди ва фан билан шуғилланувчи олимлар сафи кенгайди; академия ва университетларида илмий иш билан шуғулланадиган мутахассислар пайдо бўлди; саноатда илмий лабараториялар ишлай бошлади. Бундай шароитда фаннинг умумий йўналиши ва мантиғига бағишланган, унинг социал маъноси ва моҳиятини очиб берадиган ишлар пайдо бўлди. XX аср бошларида фан ҳақида фалсафий фикрлар алоҳида аҳамият касб эта бошлади. Физикада нисбийлик назарияси, квант механикасининг кашф этилиши, биологияда генетик назариясининг пайдо бўлиши ва бошқа кашфиётлар фанда буюк ўзгаришлар деб ҳисобланди. Натижада фаннинг жамиятдаги ўрни тўғрисида фалсафий фикрлар шаклланди. Фан ва унинг ривожланиши, жамиятдаги ўрни тўғрисидаги фикрларнинг айримларида фаннинг ҳамма соҳадаги устунлиги айтилса (сциентизм); баъзиларида фаннинг ривожланиши кутилмаган фожеаларга олиб келиши айтилди (антисциентизм). Фан тўғрисидаги бундай қарашларнинг ҳар бирини ўз ўрнига қўйиб, фаннинг жамиятда тутган ўрни ва аҳамиятини кўрсатиб бериш заруриятга айланган эди. Шу билан бирга фан ютуқлари ва кашфиётларини

инсонийлаштиришга қаратилган фалсафий муаммоларни майдонга ташлаш керак эди. 1922 йилда Вена Университети фалсафа кафедрасининг раҳбари М.Шлик бир гуруҳ файласуфлар ва бошқа фанлар соҳаси вакилларидан иборат “Вена тўгараги” ни ташкил этди. Ушбу тўгаракда Р.Карнап, О.Нетрат, К.Гедель, Г.Ган, Ф.Вейсман, Г.Фейгл каби машҳур файласуфлар, физиклар, математиклар фаолият кўрсатдилар. Улар фаннинг ўзига хос мавжудлик қонун ва қонуниятларини топишга ҳаракат қилдилар. “Вена тўгараги” аъзолари фан фалсафаси ва унинг мантиғини фалсафанинг бош мавзуси деб эълон қилдилар. Улар фаннинг стандартлашган концепцияси, илмийлик ва ноилмийлик чегарасини ишлаб чиқишга катта ҳисса қўшдилар.1929 йилда “Вена тўгараги” “дунёни илмий англаш” манифестини эълон қилиб, фанни инсонийлаштиришга қаратилаган муаммоларни ўртага ташладилар. XX асрга келиб фаннинг фалсафий масалаларида муҳокама асосан уч йўналишда кетди. Биринчиси , фанларнинг классификацияси, яъни уларнинг ҳар бирининг ўзига хослиги, фанлар гуруҳлари ўртасидаги узвий боғланишлар масалалари муҳокамасидир. Иккинчиси , фан тараққиётини даврлаштириш, яъни фан тараққиётининг ҳар бир босқичининг ўзига хос моҳияти ва ҳусусиятларини очиб бериш ва уларнинг фан эволюциясида тутган ўрнини кўрсатиб бериш доирасидаги муҳокамадир. Учинчиси, фан классификацияси ва фан тараққиётини даврлаштириш бирлигида мавжуд бўлувчи илмий билиш жараёни ва унинг моҳиятини муҳокама қилишдан иборат. Фан фалсафасининг шаклланиш босқичи ҳақида сўзлар эканмиз, унинг биринчи босқичи XIX асрнинг иккинчи ярми, мазкур фаннинг юзага келишининг дастлабки босқичи эканлигини таъкидлаш мумкин. Фан фалсафаси тараққиётининг иккинчи босқичи XX асрнинг бошларидан унинг

60-йилларга қадар бўлган даврини ўз ичига олиб, унинг ўзига хос томонлари “Вена тўгараги” фаолиятида ўз ифодасини топган. Фан фалсафаси шаклланиши ва тараққиётининг учинчи босқичи –XX асрнинг иккинчи ярмида илмий техника инқилоби шароитида фаннинг ижтимоий, маданий функциялари ва мақомини англаш эҳтиёжига жавоб сифатида янги ёш фан, фан фалсафаси узил-кесил шаклланди. Хулоса қилиб айтганда фан фалсафасининг юзага келиши, шаклланиш жараёни ва тараққиёти XIX асрнинг ўрталарида билимнинг турли соҳалари: математика, кимё, биология, физика соҳасида қўлга киритилган улкан ютуқлар ва уларнинг ишлаб чиқишда муваффақият билан қўллана бошлаши натижасида жамиятда фаннинг обрўси ошиши билан боғлиқ холда кечди. Буюк математик олимлар Риман, Лабачевский, Клейн; ажойиб физиклар Жоул ва бошқалар; микробиологлар Кох ва Пастер; эволюционист Ч.Дарвинлар ўз тадқиқотлари ва кашфиётлари билан фан устувор ўрин эгаллаган дунёнинг янги илмий манзарасини вужудга келишига катта ҳисса қўшдилар. XIX аср давомида кўпгина фанлар ўз ривожланишининг юксак чўққисига етди. Чунончи, Менделнинг модданинг ҳужайрали тузилиши тўғрисидаги назарияси ирсиятнинг вужудга келишига сабаб бўлди. Ботаника ва математика туташган жойда ирсият қонунлари кашф қилинди. Пастер атмосферада микроорганизмлар – бактерияларнинг мавжудлигини ва улар (стерилизация) юқори иссиқ ҳарорат таъсирида нобуд бўлишини исботлади. Микробиологияда ўша даврда тарқалган юқумли касалликларни енгди; электр ўтказувчанликнинг кашф этилиши негизида телефон пайдо бўлди... 3-масала. Юқорида такидлаганимиздек фан фалсафаси илмий-техника инқилоби шароитида фаннинг ижтимоий, маданий вазифаларини англаш жараёнида пайдо бўлди. У ёш фан бўлиб, XX асрнинг иккинчи ярмида шаклланган бўлсада, фан фалсафаси номидаги йўналиш сифатида бундан юз йилдан олдинроқ пайдо бўлган. Фан фалсафасининг ҳақиқий маънодаги изоҳига таяниб, уни фан донишмандлигига муҳаббат, деб аташ мумкин. Фан фалсафасини қисқа

маънода фаншунослик деб айтса бўлади. У фан тараққиёти ва мавжудлигининг умумий қонуниятларини ўрганади. Фан фалсафасининг асосий муаммолари тўғрисида сўз юритадиган бўлсак XX асрнинг дастлабки уч ўн йиллигида, яъни 30-йилларга қадар: 1. Дунёнинг яхлит илмий манзараси яратилганлиги; 2. Детерминизм ва сабабиятининг ўзаро нисбати тадқиқ қилинганлиги; 3.Динамик ва статик қонуниятлар ўрганилганлигини кўрамиз. XX асрнинг кейинги уч ўн йиллигида, яъни 60-йилларга қадар фаннинг эмпирик асослаш муаммосини таҳлил қилиш, соф эмпирик тадқиқотнинг пойдевори бутун фан биноси учун ётарлими ёки йўқ, барча назарий атамаларни эмпирик атамаларига боғлаш мумкинми ё мумкин эмаслигини, тажрибанинг назарий асослари муаммоларини аниқлаш билан банд бўлинди. XX асрнинг сўнгги уч ўн йилигида, яъни 70-йилигидан бошлаб илмий билим ривожланишнинг ҳар хил тушунтириш моделлар ўрганилди. Илмийлик мезонлари, фан фалсафасида яратилган усулларидан тарихчи фойдаланиладими? Фан тарихи методологга нима беради? Фан тарихини ўрганишнинг тарихий ва методологик йўналишларининг ўзаро нисбати қандай? Фанни инсонпарварлаштириш муаммоларига эътибор қаратилди. Ҳозирги замон фан фалсафаси табий илмий ва гуманитар билимлар ўртасида боғловчи бўғин бўлиб хизмат қилади. Ҳозир замон цивилазациясининг ахлоқ, сиёсат ва динга турлича муносабатларида фаннинг ўрнини тушунтиришга йўналганлигини кўришимиз мумкин. Фан фалсафаси, бир томондан фанга бўлган қизиқишни рағбанлантиради, иккинчи томондан, илмий билимларнинг ўсиши муаммосига қарашларнинг кенгайганлигини ўзида акс этиради. Умуман олганда, фаннинг фалсафий масалалари фаннинг ижтимоий ҳодиса эканлиги,фаннинг фалсафий кўринишлари ва унинг методлари, фаннинг умумий тарақиёт қонунлари, илмий билишнинг эмпирик ва назарий даражалари, илмий билиш методлогияси, фалсафанинг илмий билиш жараёнидаги ўрни ва роли, умумий ва хусусий методлогия, илмий билиш

методларининг ўзаро алоқадорлиги, ижтимоий билишнинг фалсафий методлогик муаммолари, илмий ижод ва унда олимнинг ўрни ва роли каби масалаларидан баҳс юритади. Фаннинг фалсафий масалаларининг объекти фан,фанларга муносабат, фанларнинг ривожланиши бўлса, унинг предмети илмий билимларнинг қурилиши ва уларнинг ривожланиши механизмлари, шаклларидир. Фаннинг фалсафий масалалари табиий, ижтимоий ва техника фанларининг маълумотларини фалсафий жихатдан умумлаштириб боради. Фаннинг фалсафий масалалари - “олам- одам” муносабатларида инсоннинг оламга, оламнинг инсонга муносабатининг энг умумий жиҳатларини ўрганади. Билишнинг эмпирик ва назарий даражаси, ҳиссий ва рационал билиш нисбати, ҳақиқат, адашиш ва бошқалар бир қатор фанлар томонидан ҳам тадқиқ этилади. Булардан фарқли ўлароқ фаннинг фалсафий масалалари билиш жараёнинг энг умумий томонларини ўрганади. 4-масала . Фаннинг фалсафий масалаларини ўрганишнинг замонавий кадрларини тарбиялаш, шакллантиришдаги ўрни ва роли унинг дунёқарашлик ва маданий- тарбиявийлик функциясида намоён бўлади. “Мен,-деб ёзган эди,-президентимиз Ислом Каримов ўзининг “Жамиятимиз мафкураси халқни халқ, миллатни миллат этишга хизмат этсин.” номли рисоласида Абдулло Авлонийнинг “тарбия биз учун ё ҳаёт- ё мамот, ё нажот-ё ҳалокат, ё саодат-ё фалокат масаласидир” деган фикрини кўп мушоҳада қиламан. Буюк маърифатпарварнинг бу сўзлари асримиз бошида миллатимиз учун қанчалар муҳим ва далзарб бўлган бўлса, ҳозирги кунда биз учун ҳам шунчалик, балки ундан ҳам кўра муҳим ва долзарбдир. Чунки таълим- тарбия онг маҳсули, лекин айни вақтда онг даражаси ва унинг ривожини ҳам белгилайдиган омилдир. Бинобарин, таълим- тарбия тизимини ўзгартирмасдан туриб онгни ўзгартириб бўлмайди. Онгни,

тафаккурини ўзгартирмасдан туриб эса биз кўзланган олий мақсад-озод ва обод жамиятни барпо этиб бўлмайди. Кўриб турганимиздек уларнинг барчаси бир-бири билан занжир каби чамбарчас боғлиқ масалалардир.” 2 Фаннинг фалсафий масалалари инсондаги муҳим фазилатларини: ростгўйлик, ҳаққонийлик, саҳоватли каби маърифатли, маданиятли шахсга хос бўлган хусусиятларини шакллантиришга ёрдам беради. Фаннинг фалсафий масалалари одамларни юзаки фикр юритишдан ва тор доирали тафаккурдан ҳимоя қилади . Фаннинг фалсафий масалалари кишиларни, хусусан ёшларни диалектикага ўргатади. Диалектикага ўргатиш дегани-бу зиддиятларни қатиъий равишда қайд этиш маҳоратига ўргатиш,воқеликни номига қуруқ қўз билан қараш, зиддиятларни хас-пўслаш, беркитиш йўлидан бормасдан, балки уни рўй-рўст, очиқчасига қараб чиқиш, уни ҳал қилиш йўлидан боришга ўргатиш дегани. Диалектика фақат етук кишилар ва чуқур билим, ақл-идрок эгаси бўлган одамлар ўргана оладиган сирли бир санъат бўлмай, балки болаларни жуда кичик ёшидан бошлаб тарбиялаш мумкин ва лозим бўлган илмдир. Фаннинг фалсафий масалалари одамларга умумий бир тил бахшида этади, ҳаётдаги энг асосий қадриятлар тўғрисида ягона, ҳамма учун аҳамиятли бўлган тушунчаларни ишлаб чиқади. Фаннинг фалсафий масалалари ёшларда мустақил, мустақиллик дунёқарашини шакллантиришда муҳим рол ўйнайди. Мустақил фикр,мустақил таффакур кадрлар тайёрлаш миллий дастурининг таркибий қисмларидан биридир. Янги замонавий кадрларини тарбиялаб вояга етказишда ҳар бир мутахассис дунёқараши муҳим аҳамият касб этади. Ватанпарвар, фидойи, элим-юртим деб куйиб-ёниб яшовчи мутаҳассис нафақат иқтисодиётни ривожлантирувчи олим, балки фанни, унинг жамият ҳаётидаги ўрни ва ролига ҳисса қўшувчи муҳим шахс ҳамдир. 2 Каримов И.Жамиятимиз мафкураси халқни халқ, миллатни миллат этишга хизмат этсин. Т. “Ўзбекистон”, 1998. 12-бет.

Адабиётлар: 1. Karimov I.A. BMT sammitining mingyillik rivojlanish maqsadlariga bag‘ishlangan yalpi majlisdagi nutq.-T.: O‘zbekiston, 2010. 2. Karimov I.A. O‘zbekiston mustaillikka erishish ostonasida.T.: o‘zbekiston, 2011 386 b 3. Karimov I.A. Buyuk va muqaddassan mustaqil vatan.O‘zbekiston mustaqilligining 20 yilligiga bag‘ishlangan ma’ruza. T.: O‘zbekiston, 2011 4. Romanenko Y.M. Bitiye i yestestvo: Ontologiya i metafizika kak tipi filosofskogo znaniY. – M., 2003. 784 s. 5. Falsafa asoslari. Nazarov Q tahriri ostida. –T.: Sharq, 2005 6. Shermuxamedova N.A. GnoseologiY. –T.O‘FMJ. 2007 7. G‘arb falsafasi. Nazarov Q tahriri ostida. –T.: Sharq, 2005. 8. Nazarov Q.N. Bilish falsafasi. –T.: Universitet, 2005. 9. Falsafa. Ahmedova M. Tahriri ostida –T.: OFMJ, 2006 10. Jahon falsafasi tarixidan lavhalar. Nazarov Q. tahriri ostida. –T.: Sharq, 2004 11. Shermuxamedova N. A. Falsafa va fan metodologiyasi. –T.: Universitet, 2005.

Похожие

“Этика” фанининг предмети, вазифалари ва тарихи

Тарихнинг фалсафий масалалари

Мустақиллик шароитларидаги табиий ва техник фанларнинг фалсафий муаммолари

Мустақиллик шароитларидаги табиий ва техник фанларнинг фалсафий муаммолари

Техника ва технологиянинг фалсафий масалалари