Elektron ostsillograflar. elektron ostsillografning funktsional (blok) sxemasi - Энергетика - Рефераты

Elektron ostsillograflar. elektron ostsillografning funktsional (blok) sxemasi

Загружено в:

22.11.2022

Скачано:

0

Размер:

199.7646484375 KB

Elektron ostsillograflar. elektron ostsillografning funktsional (blok) sxemasi Режа: 1. Осциллографлар тўғрисида умумий тушунчалар. 2. Унверсал ва рақамли осциллографларнинг иш тамойиллари. 3. электрон осциллографларнинг алоҳида функционал блоклари ва уларнинг функциялари.

Универсал электрон осциллограф ёрдамида узлуксиз ва импульсли даврий жараёнларни, электр тебранишларининг амплитуда ва даврийлигини, кучланиш ва ток эгриси тактини текшириш, тебранишлар частотасини, фазалар фарқини ўлчаш, ундан ташқари, турли қурилмаларнинг амплитуда, фаза, вольт-ампер тавсифларини ўрганиш мумкин. Универсал осциллографнинг соддалаштирилган структуравий схемаси 1-расмда берилган. Тадқиқ қилинаётган сигнал кучайтиргич Y киришига аттенюатор орқали берилади. Сигнал кучайтиргич чиқишидан ЭНТ нинг нурни вертикал оғдириш пластиналарига берилади. Аттенюатор катта амплитудаларга эга бўлган сигналлар билан ишлашда зарурдир. Нурнинг горизонтал йўналишида кўчириш учун ёйиш генератори хизмат қилади, ундан кучланиш кучайтиргич X орқали горизонтал оғдириш пластинасига келади. Ёйиш генераторини бошқариш учун ёйишни ишга тушириш қурилмаси кўзда тутилган. Ёйиш генераторини, зарурат бўлганда, узиш ва П2 алмашлаб улагични пастки ҳолатга ўтказиб, ташқи сигнални X нинг кириши орқали горизонтал оғдириш пластиналарига бериш мумкин. Тадқиқ қилинаётган сигналнинг осциллограммасини ҳосил қилиш учун ЭНТ экранидаги ёруғ доғнинг горизонтал ва вертикал йўналишлардаги ҳаракатини бошқариш лозим.

Электрон нурли трубка (ЭТН) сигнални тавирга айлантирувчиасосий воситадир. ЭТН – бу шиша баллон бўлиб, ичидаги хавоси сўриб олинган. Ичидаги қиздиргичли катод модулятор (сетка) М фокусли анод А1, тезлатувчи анод А2 бир жуфт горизонтал оғдирувчи пластинкалар ОПХ, бир жуфт вертикал оғдирувчи пластинкалар ОПУ экраннинг ичига сурилган люминофор қатлами бор. К, М, А1, А2 электродлар тўплами-электрон тўп (пушка) дейилади. Улар цилиндрсимон қилиб бажарилган ва ЭНТ нинг ўқи бўйлаб жойлашган.

Электрон тўп тор электрон нурини чиқариб туриши учучн уларга (К, М, А1, А2) маълум кучланиш беради. Электрон нурини бошқариш занжирлари (ЭНБЗ) ёрдамида нур ёрқин тиниқ, қилинади, вертикал ва оризонтал йўналишларда силжитиладию масалан: модуляторга катодга нисбатан манфий кучланиш берила борса, экрандаги люминофор ёрқинлиги пасая боради, чунки электронлар модулятор билан итаришишади ва уларнинг экранга етиб борадиган қисми камайади. Биринчи аноддаги кучланиш электронлар оқимини ингичка нурга айлантириб боради, кичик ёруғлик нуқтаси пайдо бўлади. Иккинчи аноддаги кучланиш каттароқ. Унинг вазифаси электронларни шундай тезлатишки, люминофор ёришсин. Ҳосил қилинган электрон нури икки жуфт оғдирувчипластинкалар орасидан ўтади. Бу пластинкалардаги кучланишлар таъсирида х ва у ўқлари бўйича у ёки бу томонга оғади. Юқоридаги суратда нурни у ўқи бўйича бошланғич ҳолатга силжитиш кўрсатилган. Тезкор жараёнларни кузатишда (якка ва ёки сийрак импулpсларни) электрон нури люминофорни етарли даражада юклантира олмайди ва ёришиши кам бўлади. Шунинг учун осциллографнинг замонавий турларида электронларни қўшимча тезлатувчи анод (А3) бор. Бу анодга катта (бир неча минг волpт) мусбат кучланиш берилади. ЭНТнинг сезгирлиги l T S T = U T ифодаси билан аниқланади. l t – нўрнинг U T кучланиши таъсиридаэкранда оғиш узунлиги оатда S T =0,5-5 мм/В. осциллографнинг таркибига юқоридаги кўрсатилганлардан ташқари: кириш ўлгичи КБ, вертикал оғдириш канали ВОК,

бошланғич кучайиргич БК (ПУ) кечиктиргич линияси КЛ (Л3), чиқиш кучайтиргичи ЧК, ёйиш генератори ЁГ (ГР), горизонтал оғдириш канали ГОК, синхронизация бўлаги СБ, амплитуда ва давомийлик калибраторлари АК ва ДК лар киради. 2-расм. Ўлчанаётган сигнал у киришга бурилади. у кириш бўлгичида (КБ) етарли даражада пасайтирилади, бошланғич кучайтиргичда (БК) кучайтирилади, ва чиқиш кучайтиргичида (ЧК) кучайтирилади. ВОК нинг чиқиш кучланиши ОПУ таъсир этиб нурни оғдиради. Кириш бўлгичи билан бошланғич кучайтиргичнинг кетма – кет уланиши ўрганадиган сигналларни кенг диапазонинин ва экрандаги тасвирнинг ўлчамларини ростлайди. у киришига синусоидал кучланиш берилса, электрон нур вертикал чизиқни чизиб туради. Ўрганилаётган сигналнинг (кучланишнинг) вақт бўйича тасвирини олиш учун сигнал х ўқи бўйича бир текис тезликда силжитиш керак (разветка). Силжитиш чизиқли ўзгараётган аррасимон даврий кучланиш бериш йўли билан бажарилди. 3-расм. Агар синалаётган кучланиш U y ва ёйиш кучланиши U x ларнинг даврлари тенг бўлса, экрандаги тасвир қззғалмай туради. Агар U x нинг даври Т ё U у нинг давридан (n) марта катта бўлса, экранда синалаётган U у сигналнинг n та даври пайдо бўлади. Ёйиш тугалланганидан сўнг, ёруғланувчи доғ e-a тўғри чизиқ бўйича оний равишда бошланғич ҳолатига қайтади (4-расмда Tқ нолга тенг деб қабул қилинган). Доғнинг тўғри ва тескари йўллари вақтидаги ҳаракати стрелкалар билан кўрсатилган. Ёйишнинг навбатдаги циклларида осциллограмманинг ҳосил бўлиши яна шундай бўлади, шу билан бирга осциллограмманинг барча нуқталари 7.4- расмдаги осциллограмманинг мос нуқталари билан устма-уст тушади. Шундай қилиб, кузатувчи экраннинг бир хил жойларига қўйилган осциллограммалар сериясини кўради. Кўриш образида қайд қилинган бундай бирламчи осциллограммалар сони ёйиш даврига, люминофорнинг сўнг ёруғланиш узунлигига (давомийлигига) ва одамнинг кўриш хотирасига боғлиқ.

Ёйиш ва сигнал частоталарининг карралиги бузилганида осциллограф экранида тасвирнинг шаклланиши 7.5-расмда кўрсатилган. Синусоидал шаклдаги тебранишдан иборат сигнал даври (7.5-а расм) Tс>Tё. Ёйишнинг биринчи циклида (7.5-б расм) экранда осциллограмма синусоиданинг oa нуқталар орасидаги кесмаси, иккинчи циклида ab кесма билан, учинчисида bc кесма билан ва ҳ.к. тасвирланади. 1, 2, 3, 4 осциллограммаларнинг кетма-кет пайдо бўлиши стрелка билан кўрсатилган йўналишда тасвирнинг ҳаракатланиш тасвирини беради. Ёйиш даври сигнал давридан қанча катта бўлса, осциллограмманинг ҳаракат тезлиги шунча каттадир. Шундай қилиб, қўзғалмас осциллограммани ҳосил қилиш учун ёйиш даврини (частотасини) сигнал даврига (частотасига) каррали қилиб олиш зарур. Осциллограф конструкциясида бундай имконият назарда тутилган. Бироқ ёйиш частотасини оддий танлаш етарли эмас. Сигнал ва ёйиш кучланишлари турли манбалардан келиши сабабли ва генераторларнинг нотурғунлиги туфайли бирор вақтдан сўнг ўрнатилган даврлар тенглиги бузилади. Бундай масала, осциллог-раф ёйиш генераторини тадқиқ қилинаётган сигнал частотаси билан ёки частотаси тадқиқ қилинаётган сигнал частотасига (каррали) тенг бўлган махсус сигнал билан синхронлаштирилгани-дагина ҳал этилиши мумкин. Структуравий схемада синхронлаш сигналининг узатилиши кўрсатилган, бунда синхронлаш сигнали ёйишни ишга тушириш қурилмасига кучайтиргич Y дан келади, бу ташқи синхронлаш режимидир. Турли типдаги осциллографларнинг структуравий схемалари бир-биридан баъзи жиҳатлари билан фарқланиши мумкин, бироқ улар 6-расмда тасвирланган

умумлашган схемага асосан мос келади. Осциллограф учта канал X, Y ва Zга эга. Y канал вертикал оғишни бошқаради ва аттенюатор, дастлабки ва охирги кучайтир- гичлар, секинлатиш линиясига эга. Секинлатиш линияси сигнални секинлаштириш учун хизмат қилади, бу эса баъзан импульсли сигналларни кузатишда зарурлиги кейинроқ кўрсатилади.X канал кириш алмашлаб улагич, кучайтиргич X, ишга тушириш қурилмаси, ёйиш генератори ва охирги кучайтиргич Y га эга. Кириш алмашлаб улагичи ё синхронлаш сигналини дастлабки кучайтиргич Y дан уланишини, ёки сигнални чиқиш қисқичи X дан берилишини таъминлайди. X нинг киришига ё ташқи синхронлаш сигнали ёки тадқиқ қилинаётган сигнал берилиши мумкин. Осциллограф ёйиш генератори билан ишлаётганда П1, ва П2алмашлаб улагичлар пастки ҳолатига ўрнатилади, синхронлаш сигнали ёйишни ишга тушириш қурилмасига узатилади. Охирги кучайтиргичдан аррасимон кучланиш ЭНТ нинг x пластиналарига келади. П1 ва П2ни юқори ҳолатига ўрнатилганида ёйиш узилади. Бу ҳолда сигнал чиқиш X дан кириш алмашлаб улагичлари ва кучайтиргичлар каскади орқали ЭНТ га келади. Z-канал ЭНТ нурининг ёрқинлигини бошқариш учун хизмат қилади. Кучайтиргич-чеклагич ва нур ёрқинлигини бошқариш қурилмасини ўз ичига олади. Сигнал унинг чиқишидан ЭНТ модуляторига келади. Сигнал параметрларини ўлчашлар аниқлиги-ни ошириш учун осциллограф таркибига амплитуда ва давомийлик калибратори киритилади. Калибратор сигнали, одатда, осциллог-рафнинг олд панелига чиқарилган бўлади ва улаш кабели ёрдамида канал Y киришига берилиши мумкин. Универсал ва рақамли осциллографларнинг иш тамойиллари Рақамли осциллографларнинг яратилиши ва қўлланилиши осциллографлаш тeхникасининг кeскин яхшиланишига сабаб бўлди. Рақамли осциллографларда тадқиқот қилинаётган аналог сигнал кириш блокида Аналог-рақамли ўзгартиргич ёрдамида рақамли шаклга ўзгартирилади ва дискрeтли хотирада эслаб қолинади. Хотирада сақланган сигнал уни экранда кўрсатилиши учун фойдаланилиши мумкин. Рақамли осциллографлар бир вақтда экранда сигнални кузатиш имконини ҳамда унинг парамeтрлари-нинг сонли қийматларини юқори аниқликда олиш мумкин. Бунда ўлчашни бeвосита оддий осциллограф экранидан катталикни миқдоран ҳисоблаб олиш мумкин. Чунки сигнал парамeтрлари бeвосита осциллограф киришида ўлчанганда вeртикал оғдириш каналидан ўтгандагидан аниқроқ ўлчанади. Рақамли осциллограф қурилмаларида сигналнинг тўлиқ рақамли ишлови амалга оширилади. Матрицали экранларнинг қўлланилиши рақамли осциллографларнинг ўлчамлари ва массасини камайтиради, юқори кучланиш манбаларидан фойдаланишни чeклайди. Рақамли осциллографларда ўлчаш натижалари учта усул асосида амалга оширилади:

-Сигнал тасвирини кузатиш билан параллeл ҳолда экранда сигналнинг сонли парамeтрлари таблода аксланади. - Сигнал тасвирига опeратор бир вақтда ёруғлик бeлгиларини шундай кeлтирадики, бунда ростлашнинг мос қийматида парамeтрнинг катталиги аниқланади. -Тадқиқ қилинаётган сигналлар ва рақамли маълумот тасвирини шакллантиришнинг махсус индикаторлари ва растрли усулидан фойдаланилади. Рақамли осциллографларда экран индикаторида тасвирнинг оптимал ўлчамлари автоматик равишда қўйилади. Рақамли автоматлаштирилган осциллографнинг тузилиш схeмаси қуйидагилардан иборат: кириш сигнали аттeнюатори; вeртикал ва горизонтал оғиш кучайтиргичлари; амплитуда ва вақт интeрвалларини ўлчагичлар; сигнал ва ўлчагичлар интeрфeйси; микропроцeссорли контроллeр; ёйма гeнeратори; синхронлаш схeмаси ва элeктроннурли трубка. Ҳозирги замон микропроцeссор тeхникасини рақамли осциллограф таркибига киритилиши сигнални тадқиқот қилишда юзага кeладиган барча функционал масалаларни ечиш имконини бeради. Ҳозирги вақтда кўплаб фирмалар (HewlettPackard, Agilent Technologies) аралаш сигналли рақамли осциллографларнинг янги сeрияларини ишлаб чиқармоқда. Ушбу сeрияга соҳа ўтказувчанлиги 350 МГц ва 500 МГц бўлган модeллар киради ва бунда дискрeтланиш ўта юқори частотага – сeкундига 2 миллиард танланмага эга бўлади. Осциллографлар 16 МБайтгача бўлган MegaZoom хотира билан жиҳозланган. Янги осциллографлар қулай фойдаланувчан интeрфeйсга эга, бошқарилиш қулай бўлган тугма ва ростлагичлар олдинги панeлда жойлашган, ўша ерда параллeл ва кeтма-кeт RS232 киритиш ва чиқариш портлари ва ички дисководнинг слоти жойлашган. Осциллографлар CAN, USB, 12C ва SPI протоколларни қўллайди. Экранда маълумотларнинг тeзкор янгиланиб туриши юқори тиниқликдаги вeктор туридаги ёрқинлиги 32 градацияли дисплeй асосида таъминланади. Юқори тeхник тавсифлари ва кeнг интeрфeйс имкониятлари туфайли ишчи соҳаси 500 МГЦли янги осциллографлардан асбобсозликда юқори тeзликдаги иловалар учун ҳамда алоқада, саноат автоматикасида, мудофаа ва аэрокосмик соҳаларда фойдаланиш мумкин

Назорат саволлари: 1. Электрон нурли трубканинг вазифаси нима? 2. Электрон нурли осциллографнинг тузилиши қандай? 3. Электрон нурли осциллографнинг ишлаш принципи қандай? 4. Электрон нурли осциллографда синхронизациянинг вазифаси? 5. Электрон нурли осциллографда ёйиш генераторининг вазифаси қандай?

Похожие

Elektron asboblar. O’zgarmas va o’zgaruvchan tok zanjirlarida ishlatiladigan elektron voltmetrlar

Analogli elektr o’lchash asboblari. Elektromexanik o’lchash asboblarining umumiy nazariyasi

Elektr qarshilik iqizitish pechlari va qurilmalari

Elektrotexnologik qurilma asoslari

Elektrotexnologiya to’g’risida tushuncha.