Электр юритманинг механик кисми ва уни хисоблаш схемалари - Энергетика - Рефераты

Электр юритманинг механик кисми ва уни хисоблаш схемалари

Загружено в:

20.09.2019

Скачано:

0

Размер:

74.029296875 KB

Электр юритманинг механик кисми ва уни хисоблаш схемалари Режа: 1. Электр юритманинг механик қисми 2. Электр юритмадаги статик ва динамик моментлар 3. Электр юритма механик қисмини ҳисоблаш схемалари 4. Кўп массали механик тизим

Электр юритманинг механик қисми Ишлаб чиқариш машинасининг ижро органи, фойдали иш бажариш учун, турли тизимлардаги механик бўғинлар орқали электр двигателдан қувват олади. Бу тизимлар электр юритманинг механик қисмини ташкил қилиб, уларнинг конструктив бажарилиши турлича бўлиши мумкин. Умумий холда, 1.1 да кўрсатиб ўтилгандек, электр юритманинг механик қисми двигател ротори (ёки якори), механик узатувчи қурилма ва ижро органидан иборат бўлади. 2.1- расм. Электр юритманинг механик қисми Ротор механик энергия манбаи ёки истеъмолчиси бўлиши мумкин. У маълум бир инерция моментига J д га, бирон-бир бурчак тезлиги  билан керакли йўналишда айланиши ва ҳаракатлантирувчи ёки тўхтатувчи моментини М хосил қилиш мумкин. Механик узатувчи қурилма механик қисмдаги ҳаракатни узатади ва ўзгартиради. У асосан, ижро органининг айланма ҳаракатида (  ио ) узатиш сони билан i =  /  ио ёки ижро органининг илгарилама ҳаракатида (  ио ) эса келтириш радиуси  =  ио /  билан характерланади. Ижро органи одатда механик энергияни истеъмол қилади, бунда қувват двигателдан ижро органига йўналгандир. Баpзи ижро органи механик энергия манбаи хам бўлиши мумкин, унда қувват узатиш тескари йўналишга эга бўлади.

Ижро органи маpлум бир механик инерцияга (инерция моменти J ио ёки массага m ио ) эга бўлади ва айланма ҳаракатдаги ишчи моменти М ио ёки илгарилама ҳаракатдаги ишчи кучи F ио билан характерланади. Электр юритмадаги статик ва динамик моментлар Механик узатмадаги моментлар ва кучлар ишқаланиш кучлари билан биргаликда статик юкламани (моментни М с ва кучни F c ) хосил қилади. Статик моментлар актив ва реактивга бўлинади. Актив статик момент ( М са , ёки актив юклама) ҳаракатга боғлиқмас равишда пайдо бўлиб, ўзга механик энергия манбаи томонидан барпо қилинади. Унга мисол тариқасида юк кўтариш, шамол кучи, эластик жисмларнинг қисилиши ва шу кабилардан хосил бўлган моментларни олиш мумкин. Бу момент хар қачон бир томонга йўналган бўлади, шунинг учун, юритманинг ҳаракат йўналиши ўзгариши билан актив моментнинг таъсир йўналиши сақланиб қолинади. Шу сабабли, кран орқали юкни кўтаришда актив статик момент тўхтатувчи бўлса, юк туширишда эса худди шу моментининг ўзи ҳаракатлантирувчи бўлиб қолади. Реактив статик момент ( М ср , ёки реактив юклама) фақат ҳаракат туфайли пайдо бўлиб, доимо унга қарши йўналгандир, яъни бу момент хар қачон тўхтатувчи бўлади. Юритма ҳаракат йўналиши ўзгариши билан реактив моментнинг таъсир йўналиши хам тескарисига ўзгаради. Бу момент қирқиш, қисиш, ишқаланиш ва шу каби жараёнларида хосил бўлади. Двигател ёки ишчи органининг механик қувватлари айланма ва илгарилама ҳаракатлар учун қуйидаги ифодалардан аниқланади Р м = M  , (2.1) Р м = F  , (2.2) бу ерда М -момент, Нм ;  - бурчак тезлиги, рад/с; F -куч, Н ;  - чизиқли тезлик, м/с . Бурчак тезлигини  (рад/с) маpлум айланиш частотаси n (айл/мин) орқали аниқлаш учун, қуйидаги боғланишдан фойдаланилади

 =(2  / 60) n = (  / 30) n  0, 1 n , шунингдек маълум  орқали n ни аниқлаш учун - боғланиш n = (60 / 2  )   9, 95  Механик қувват узатилганда механик бўғинларда ишқаланишлардаги йўқотишлар Р ий вужудга келади. Бу йўқотишларни ўрнини қоплаш учун ҳаракат манбаи қувватининг бир қисмини сарф қилади. Агар қувват двигателдан ижро органига узатилса ва аксинча бўлса, унда тўла статик қувват мос равишда қуйидагича аниқланади Р с p = Р ио + Р ий , (2.3) Р с a = Р ио - Р ий , (2.4) бунда Р ио - ижро органининг қуввати. Механик, бўғинлардаги қувват йўқотиши, ижро органининг валидан двигател валигача бўлган механик узатманинг тўла ф.и.к. ёрдамида аниқланади. Шундай қилиб, агар ф.и.к. (  м ) маpлум бўлса, унда реактив ва актив юкламалардаги статик қувват мос равишда қуйидаги формулалар орқали топилади Р с p = Р ио /  м (2.5) Р с a = Р ио  м (2.6) Инерция моменти J ёрдамида ҳаракатдаги массаларнинг таъсири туфайли хосил бўлган энергетик жараёнларнинг миқдорий хисоби олиб борилади. Агар m массали жисм  тезлик билан тўғри чизиқли илгарилама ҳаракатда бўлса, унда жисмнинг кинетик энергия захираси қуйидагича бўлади: А = m  2 / 2 J инерция моментига эга бўлган ва  бурчак тезлиги билан айланиб турган жисм учун эса, кинетик энергия захираси А = J  2 / 2

Силташ моментидан GD 2 инерция моментига J ўтиш қуйидаги формула орқали амалга оширилади. J = mr 2 =( G / g ) ( D /2) 2 = GD 2 /4 g , бунда G ва m - тегишли оғирлик кучи ва масса, кГ ; g -эркин тушиш тезланиши, 9, 8 м/с 2 ; r ва D - тегишли электр юритмадаги ҳаракатланувчи қисмларнинг инерция радиуси ва диаметри, м. Динамик момент механизмнинг ҳаракатдаги массалари туфайли йиғилган кинетик энергияни аниқлайди. Айланаётган массаларнинг, электр юритмани тезланиши натижасида олаётган ёки унинг тўхтатилиши натижасида бераётган қуввати Р дин = dА/dt = J  (d  /dt) Ифодани  бўлиш орқали, динамик момент учун ифода олинади М дин = Р дин /  = J(d  /dt) (2.7) Динамик момент, электр юритма ҳаракатини тезлашиши ёки секинлашиши натижасида хосил бўлади ва таъсир қилади. Бурчак тезлигининг ўзгариши хам шу момент хисобига амалга оширилади. Электр юритма механик қисмини хисоблаш схемалари Электр юритманинг механик қисмини ташкил қилувчи элементлари ўзаро боғланган бўлиб, улар бир-бирларига тегишли таъсир кўрсатадилар. Шунинг учун, у ёки бу элементнинг механик ҳаракатини тахлил қилишда, унга юритма кинематик схемасининг бошқа элементларини таъсирини хисобга олиш зарур. Бу, ҳаракати кўриб чиқилаётган элементга мос равишда, механик қисмдаги барча момент, куч, инерция моменти ва массаларни қайта хисоблаш орқали амалга оширилади. Бундай хисоб, ЭЮ назариясида келтириш операцияси ва қайта хисобланган ўзгарувчи кўрсаткичлар эса келтирилган катталиклар дейилади. Кўрсатилган катталикларни ЭЮ механик қисмини исталган элементига келтириш мумкин, аммо одатда бундай элемент сифатида двигател вали олинади. Келтириш операциясининг мохиятини аниқлаш учун кўтариш чиғири юритмасининг кинематик схемаси кўрсатилган 2.2, а-расмга мурожаат қиламиз.

Двигател ЭД, уловчи муфта М 1 , редуктор Р ва муфта М 2 орқали канат К ўралган барабанни Б айлантиради. Канатга чиғир илмоғи И (механизмининг ижро органи) махкамланган, унга m массали юк осилади. ЭЮнинг юкламаси оғирлик кучи, хамда ҳаракатдаги қисмларнинг ишқаланиши билан аниқланади. 2.2, а-расмдаги барча момент, куч, инерция моменти ва массаларни двигател валига келтирилгандан сўнг эквивалент хисоблаш схемасига эга бўламиз. Бу схеманинг (2.2, б-расм) асоси двигател бўлиб, реал схеманинг қолган элементлари статик момент М с (келтирилган юклама ёки қаршилик моменти) ва келтирилган инерция моменти J билан ифодаланади.2.2, б- расмдаги схема бир массали тизим ёки бикр келтирилган механик бўғин номи билан хам аталади. Юклама моментини келтириш двигател юкламаси механик қувватини реал (2.2, а-расм) ва эквивалент (2.2, б-расм) схемалардаги тенглигига асосланиб амалга оширилади. Юклама моментини келтириш, механик қисмдаги энергия йўналишига қараб, икки усулда бажарилади. 1.Агар юк кўтариш амалга оширилаётган бўлса, унда двигател фойдали иш бажариб, кинематик занжиридаги ишқаланиш натижасида юз бераётган қувват йўқотишларини бажарилаётган фойдали иш хисобига ўзи қоплайди. 2.2-расм. Кўтариш чиғири электр юритмасининг кинематик схемаси (а) ва унинг келтирилган хисоблаш схемаси (б)

Бунда энергия двигателдан ижро органига йўналган бўлиб, қувватлар мувозанати бунда қуйидаги кўринишга эга бўлади Р с = Р ио , М с  = F ио  ио /n, бу ерда М с = F ио  ио /(  ) = F ио  /  (2.8) Охирги формулада F ио = m g - га тенг бўлиб, у оғирлик кучидир. Юк туширилаётганда эса, у йўқотаётган потенциал энергия двигателга ўтказилади. Шунинг учун, кинематик занжирдаги ишқаланишдаги йўқотиш, бу ерда шу энергия хисобига қопланади ва қувват мувозанати М с  = F ио  ио  орқали аниқланиб, М с = F ио  р (2.9) га тенгдир. Агар ижро органи  ио тезлик билан айланма ҳаракатда бўлиб ва бунда М ио юклама моментини хосил қилса, юқорида кўриб чиқилган холатларга ўхшаш, двигател валига келтирилган юклама моменти М с қуйидаги формулаларнинг бири орқали аниқланади М с = М ио  ио /(  ) = M ио /(  i) (2.10) М c = M ио   ио /  = M ио  /i (2.11) Инерция моментлари ва элементлар массаларни келтириш реал ва эквивалент схемалардаги кинетик энергия захираларининг тенглигига асосланиб амалга оширилади J  2 /2 = J д  2 /2 + J б  б 2 /2 + m  ио 2 /2, бундан J = J д +J б  б 2 /  2 +mv ио 2 /  2 =J д +J б /i 2 +m  2 (2.12) ни аниқлаймиз, бунда J - двигател валига келтирилган МУЫ элементларининг инерция моментлари; J д - двигател, М1 муфта ва Z 1 шестерна инерция моменти; J б - Z 2 шестерна, М2 муфта ва Б барабан инерция

моменти. Олинган натижани умумлаштириб, шундай хулоса қилиш мумкин; а) айланма ҳаракатдаги элементларнинг инерция моментларини J ио двигател валига келтириш учун, инерция моментини двигател ва ушбу элемент орасидаги кинематик занжир қисмининг узатиш сонини i квадратига бўлиш керак. Унда келтирилган умумий инерция моменти J = J д + J ио / i 2 б) илгарилама ҳаракатдаги элементнинг массасини m келтириш учун массани двигател билан ушбу элемент орасидаги кинематик занжир қисмининг келтириш радиусининг р квадратига кўпайтириш керак. Умумий инерция моменти J = J д + J ио /i 2 + m р 2 Амалда, кўпчилик хисобларда ЭЮ механик қисмининг келтирилган инерция моменти қуйидагига тенг қилиб олинади: J м = (0, 2  0, 3) J д Кўп массали механик тизимлар Электр юритмаларнинг хақиқий кинематик схемалари, ораларида тирқишлари бор бўлиши мумкин эгилувчан элементларга эга бўлади. Мисол учун, 2.2,а-расмда эгилувчан элемент юк илинадиган трос-пўлат арқондир. Эгилувчан элементларга, катта узунликда бўлган бирлаштирувчи валларни хам киритиш зарур. Ушбу схемада тирқишлар уловчи М1 ва М2 муфталар, шунингдек шестернали илашма ва подшипникларда бор бўлиши мумкин. Эгилувчан элементлар ва тирқишларнинг мавжудлиги, ЭЮ механик қисмининг хисоблаш схемасини мураккаблаштиради ва уни кўп массали схемага айлантиради. Агар, фақат бир элементнинг эгилувчанлиги хисобга олиниб, тирқишлар инобатга олинмаса, у холда келтириш операцияларини э э2.3-расм. Икки массали хисоблаш тизими

бажариш, ЭЮ механик қисмини 2.3-расмда кўрсатилган икки массали хисоблаш тизими сифатида бериш имконини яратади. Ушбу схемада, с бикрлик коэффициентли 2 эгилувчан элемент, инерция моментлари J 1 ва J 2 бўлган иккита 1 ва 3 массани бирлаштиради. Биринчи масса ω 1 тезлик билан айланади ва у двигателни харакатланувчи қисмининг, шунингдек у билан мустахкам боғланган кинематик схема элементларининг массаларини ўз ичига олади, иккинчи масса эса ω 2 тезлик билан айланиб, ўз ичига ижро органи хамда у билан мустахкам боғланган элементларнинг массаларини олади. Биринчи массага двигател моменти М ва эгилувчан момент М э , иккинчига эса эгилувчан момент М э ва юклама моменти М с қўйилган. Икки массали тизимнинг харакати, қуйидаги тенгламалар тўплами билан ифодаланади: М - М э = J 1 d ω 1 / d t ; М э - М с = J 2 d ω 2 / d t ; (2.13) М э = с (  1 -  2 ), бунда  1 ,  2 – биринчи ва иккинчи массаларнинг мос равишда буралиш бурчаклари. (2-13) тенгламаларга кирувчи с бикрлик коэффициенти эгилувчан элементнинг материали ва геометрик ўлчовлари билан аниқланади. Бикрлик коэффициентини двигател валига келтириш қуйидаги ифодалар орқали амалга оширилади c = c 1 ρ 2 ; c = c 2 / i 2 , бунда с 1 ва с 2 - мос равишда, эгилувчан ўқ (Н/м) ва эгилувчан валнинг (Нм) бикрлик коэффицентлари. Бикрлик коэффициентлари с 1 , с 2 , с 3 , . . . бўлган бир нечта эгилувчан элементлар параллел уланганда, эквивалент бикрлик с экв қуйидагича аниқланади: с экв = с 1 + с 2 + с 3 + . . . улар кетма-кет уланганда эса 1/ с экв = 1/ с 1 + 1/ с 2 + 1/ с 3 + . . .

Икки ёки ундан ортиқ эгилувчан элементларнинг эгилувчанлиги хисобга олинганда, хисоблаш схемаси мос равишда уч массали, тўрт массали ва х.к. бўлади. Кўп массали хисоблаш тизимлари, ЭЮ кинематик схемаларидаги тирқишлар эътиборга олинган холатларда ҳам хосил бўлади. Тирқишларни келтириш қуйидаги қоидалар бўйича амалга оширилади: - айланма харакатдаги ва  1 (рад) бурчак тирқиши бўлган элемент учун, тирқишнинг келтирилган қиймати  =  1 i , рад; - илгарилама харакатдаги ва  2 (м) чизиқли тирқиш бўлган элемент учун, тирқишнинг келтирилган қиймати  =  2 /ρ , рад; Кўп массали тизимларнинг харакати мураккаб ва хилма-хил бўлади, шунинг учун уларнинг тахлили кўп холларда хисоблаш техникасини қўллашни талаб қилади.

Адабиётлар: 1. Хомудханов М.З., Мажидов С.М. Электрик юритма ва уни бошкариш асослари. Т. Укитувчи. 1970. 2. Москаленко В.В. Автоматизированный электропривод. М. Энергоатомиздат. 1986. 416 с. 3. Чиликин М.Г., Сандлер А.С. Обший курс электропривода. М. Энергоиздат. 1988. 576 с. 4. Шенфелед Р., Хабигер Э. Автоматизированный электропривод. - Л. Энергия, 1985. 464 с. 5. Ковчин С.А., Сабинин Ю.А. Теория электропривода. СПБ. Энергоатомиздат. 2000. 496 с.

Похожие

Электр юритманинг турғунмас харакати

Электр юритманинг харакат тенгламаси характеристикалари ва турғун харакати

Электр юкламаларини хисоблаш усулларининг тахлили

Электр юритма автоматикаси асосий тушунчалари.

Электр юритма механикаси