Экологик вазият ва муаммоларнинг келиб чиқишининг асосий сабаблари - Экология - Рефераты

Экологик вазият ва муаммоларнинг келиб чиқишининг асосий сабаблари

Загружено в:

20.09.2019

Скачано:

0

Размер:

77.5 KB

www.arxiv.uz Режа: 1. Экология фанинг мазмуни, предмети ва вазифалари. 2. Инсоннинг табиатга, атроф – муҳитга салбий таъсири. 3. Жаҳонда аҳоли сонининг ўсиши ва озиқ – овқат маҳсулотлари ишлаб чиқариши даражасидан ўзиб кетиши. 4. Ҳозирги пайтда сайёрамиздаги фойдали ерларнинг майдони, атмосфера ва сув ресурсларини нг а ҳ воли ва ифлосланиши. 5. Ўсимлик ва ҳайвонот дунёсини муҳофаза қилиш муаммолари.

www.arxiv.uz ЭКОЛОГИК ВАЗИЯТ ВА МУАММОЛАР Одамзот доимо табиат қўйнида фаолият кўрсатади, у билан узлуксиз муносабатда бўлиб келмоқда. Бу фаолият оқилона ташкил этилмаса, у билан муносабат тўғри ўрнатилмаса, инсон ўзи ва табиат учун муаммолар келтириб чиқаради. Ҳозирги даврда фан – техника инқилоби шароитида табиат ресурсларидан кенг миқёсда фойдаланиш ҳамда атроф – муҳитни ифлослантирувчи саноат, транспорт, қишлоқ хўжалиги ва маиший чиқиндиларнинг ортиши инсоннинг табиатга, атроф – муҳитга кўрсатаётган умумий салбий таъсирини кескин кучайтирмоқда. XX асрнинг иккинчи ярмига келиб табиатни муҳофаза этиш глобал (сайёравий) муаммога айланди. Инсоният маданияти ва цивилизация тақдири худди ана шу муаммони ҳал этишга кўп жиҳатдан боғлиқдир. Юртбошимиз экологик муаммо тўғрисида сўз юритиб, «экология ҳозирги замоннинг кенг миқёсидаги кескин ижтимоий муаммоларидан биридир. Уни ҳал этиш барча халқларнинг манфаатларига мос бўлиб, цивилизатциянинг ҳозирги куни ва келажаги кўп жиҳатдан ана шу муаммоларнинг ҳал қилинишига боғлиқдир. Экология хавфсизлик муаммоси аллақачонлар миллий ва минтақавий доирадан чиқиб, бутун инсониятнинг умумий муаммосига айланган» деган эди. 1 Бу борада фактларга мурожаат этсак, аҳвол яққол намоён бўлади. Ҳозирги кунда жаҳоннинг мамлакатларида аҳоли сони тўхтовсиз ўсиб бормоқда. Дунё бўйича1930 йилда 2 млрд, 1960 йилда 3 млрд, 1986 йилда 5 млрд, ҳозирги вақтда эса 6,3 – 6,5 млрд. га етди. Бунга, албатта тиббиёт хизматининг, озиқ – овқат, уй – жой ва бошқа ижтимоий таъминотнинг яхшилиги сабаб бўлмоқда. Аммо, аҳоли сонининг ўсиб бориши табиий муҳитга салбий таъсир этиб, атроф – муҳитнинг ифлосланишига олииб келмоқда. Табиий ресурслар кўплаб сарфланиши ва ифлосланиши, инсон саломатлигига турли турли даражадаги касалликларни келтириб чиқармоқда.

www.arxiv.uz Ҳозирги кунда планетамиз аҳолисининг 2 / 3 қисми сифатли озиқага эга эмас, ундан ташқари 50% аҳоли тўйиб (И.Каримов –Ўзбекистон XXI аср бўсағасида…1997 йил 112 бет.) овқатланмайди, 15 % аҳоли доимий очликда бўлса, ҳар йили 30 – 50 млн одам очликдан ўлади. Шу сабабли ўсиб бораётган аҳоли сонининг озуқа маҳсулотлари билан таъминлаб бўладими ёки йўқми каби муаммо ҳаётнинг кун тартибида турмоқда. БМТ қошидаги халқаро мувофиқлаштирувчи гуруҳнинг маълумотига кўра, Ер юзида етиштирилган ва денгизлардан олинган махсулотлар асосида планетада 31,5 млрд аҳолини боқиш мумкин эканлиги таъкидланган. Иқтисодчи олимларнинг ҳисоб-китобларига кўра, қуруқликда фақат маданий ўсимликлар экилса, уларнинг ҳосили билан 50 млрд аҳолини боқиш башорат қилинмоқда. Ер юзининг ҳаммасини экинзорга, денгиз ва океанларни эса балиқ кўпайтирадиган ҳовузга айлантириб бўлмайди. Лекин, янги технологиялар қўллаш асосида оқсил моддалари биосинтез натижасида олиниб, улар инсон озуқасининг асосини ташкил қилиши мумкин. Сўзсиз, қишлоқ хўжалиги янги – янги агротехника ва технология усулларини қўллаш, янги ҳосилдор ўсимликлар навларини яратиш, маҳсулдор ҳайвон зотлари билан фермаларни тўлдириш, турли сув ҳавзалари ва денгиз кўрфазларида сунъий усуллар билан балиқ ва бошқа фойдали сув ҳайвонларини кўпайтириш денгиз сув ўтларидан кенг кўламда фойдаланиш озуқа манбаини оширишнинг асосий йўллари ҳисобланади. Инсон ҳар ойда ўз оғирлигига тенг озуқа истеъмол қилади. Ҳисобларга кўра, инсонга бир кунда 630 – 750 грамм буғдой (2470 ккал) бир йилда эса 200 – 274 кг бўғдой керак бўлади. Бу маҳсулотни етиштириш учун деҳқон (фермер) ҳар бир гектар ердан 5 тонна атрофида ҳосил олиб, йилига 17 одамни боқиши лозим.

www.arxiv.uz Ҳозирги кунда янги технологияларни қўллаш ва қуруқликнинг керакли жойларидан самарали фойдаланиш билан 10 млрд. одамни озуқа билан таъминлаш мумкин экан. Ҳозирги пайтда сайёрамиздаги фойдали ерларнинг майдони 13,5 млрд гектарга тенг. Шундан 1,4 гектар маданий ерлар (экинзор боғлар), 1,1 млрд ерлар бузилган, яъни ўсимликлар ўстириш учун кераксиз бўлиб қолган, тежамкорсизлик билан ишлатилган майдонлар 4,4 млрд гектар, чўл, ярим чўл, Арктика, Антарктика, юқори тоғли чўллар майдони – 3,3 млрд гектар, инсоннинг салбий фаолияти натижасида фойдали ерларнинг 1 млрд гектари чўлларга қўшилган. Ҳозирги кунда сайёрамизда ерларнинг 300 млн гектари шўрланган, фойдасиз ҳолга келган, 600 –700 млн. гектари эса эрозияга учраб, маҳсулдорлиги паст бўлиб қолган. Сайёрамиз бўйича ўзлаштирилмаган 0,9 млрд гектар ер қолган, холос. Фойдали ерларнинг ишдан чиқишига табиат қонунини бузиш, хўжасизлик билан келажакни кўра олмасдан фойдаланиш сабаб бўлган. Инсон йилига Ер бағридан 100 млрд тонна хом ашё, шундан 1 млрд тонна нефть, 2 млрд тонна кўмир ва кўплаб газ қазиб олмоқда. Ҳар йили атмосферага 8 – 9 млрд тонна СО 2 қўшилган. Шу сабабли бу газнинг атмосферадаги миқдори 18 % га ортганлиги туфайли планетанинг ҳарорат 10 С - 2 0 С кўтарилган. Бу муҳитда катта салбий ўзгаришлар содир бўлмоқда. Арктика, Антарктика ва юқори тоғ музликларининг эриши туфайли дунё океанининг сатҳи кўтарилмоқда, қанча – қанча ерлар, экинзорлар, қишлоқ ва шаҳарларни сув босмоқда. Бундай офат ва ҳалокатларининг дунёнинг айрим ҳудудларида содир бўлишининг гувоҳи бўлмоқдамиз. Шуни алоҳида таъкидлаш керакка, охирги йилларда Ер атмосферасининг таркиби антропоген омилларнинг таъсири туфайли ёмон томонга ўзгариб бормоқда. Сайёрамиз атмосферасининг газ таркибида ўзгариш сезилмоқда, кислороднинг сарфланиши 16 мартагача ошиб кетган.

www.arxiv.uz Шунинг учун унинг миқдори жиҳатдан камайиш тенденцияси кузатилмоқда, карбонат ангидриднинг (С0 2 ) миқдори эса ошиб бормоқда. Агар ўтган асрнинг ўрталарида атмосфера таркибида СО 2 нинг миқдори 0,02% бўлса, ҳозирги вақтда бу рақам 0,03% гача ошган. Ташқи муҳитга чиқариладиган СО 2 нинг 31% ни АҚШ, 18% ни МДҲ мамлакатлари, 7% ни Хитой, 5,4% ни Олмония, 4,7% ни Япония, 3% ни Франция чиқариб ташламоқда. Қолган 31% ни эса бошқа мамлакатларнинг ҳисобига тўғри келади. Аммо, шуни ҳам таъкидлаш керакк и кейинги йилларда газнинг миқдори бундан ҳам ортиб бориш тенденцияси кузатилмоқда. АҚШда атмосферанинг ифлосланишида кўрилган зарар йилига 50 – 60 млрд долларни ташкил этмоқда. Шуларни ҳисобга олган ҳолда дунёнинг тараққий этган мамлакатлари табиат муҳофазасига йилига миллий даромаднинг 10 – 12 % и ни ажратмоқдалар. Ҳозирги даврда инсоният жамиятида жадал ривожланиб бораётган бир пайтда табиий мувозанатни, табиатни муҳофаза қилишда, дунё миқёсидаги муаммоларидан бири атмосфера озон қатламини, унинг нормал ҳолатини сақлаб қолиш ва муҳофаза қилишдан иборат. Маълумки, озон қатламининг органик ҳаёт учун аҳамияти ниҳоятда каттадир. Ҳозирги пайтда «Озон экрани» сайёрамизнинг жанубий ва шимолий қутб теппасида кўпроқ тўпланиб, озон емирилишига сабаб бўлаяпти. Бу қатламни асрашда Бирлашган Миллатлар Ташкилотининг атроф муҳитни муҳофаза қилиш дастурининг аҳамияти катта ва муҳим рол ўйнайди. Республикамизда озон қатламини ҳимоя қилиш, уни бузувчи ва емирувчи моддалар ва чиқитларни камайтириш ҳақидаги Вазирлар маҳкамасининг қарори қабул қилинган ва чора – тадбирлар ишлаб чиқилган. Табиатни, атроф – муҳитни муҳофаза қилиш ва асраш дастлаб уни ҳар томонлама чуқур ва онгли равишда билишдан бошланади.

www.arxiv.uz Ҳозирги пайтда планетамизда 670 мингга яқин ўсимлик ва 1,5 млн. дан ортиқ ҳайвон турлари мавжуд. Лекин уларнинг турларининг юқолиб кетиши хавфи тезлашиб бормоқда. Шу боис ўсимлик ва ҳайвонот олами муҳофаза қилиш ва биологик хилма – хилликни асраб қолиш муҳим муаммолардан ҳисобланади. Мута х ассисларнинг маълумотига қараганда ҳар йили битта ўсимлик ва биттадан 10 тагача ҳайвон тури нобуд бўлиб кетмоқда. Бу муаммо жаҳон миқёсида зарур чора – тадбирларни илмий асосда ишлаб чиқиш ва амалга ошириш эҳтиёжини туғдирмоқда. Ҳозирги кунда Ўзбекистонда ўсимлик ва ҳайвонот турлари сони 27 мингдан ортиқ бўлиб, улардан ҳайвон турлари 15 мингтани, ўсимликлар турлари эса 11 мингни ташкил этади. Республика ҳудудида 4500 га яқин гулли ўсимлик турлари бўлиб, улардан 400 таси жиддий муҳофазага мухтождир. Ўзбекистоннинг 30 5 дан ортиқ ўсимлик ва 184 га яқин турли ҳайвонлар тури янги «Қизил китоб» га киритилган. Ўтмишда наботот ва ҳайвонот дунёсини муҳофаза қилишга яхши эътибор берилмади, улардан самарали фойдаланишда ҳам жиддий хатоликларга йўл қўйилди. Шу сабабли буларнинг қимматли турлари йўқ қилинди. Кейинги йилларда Республикамизда табиатни, наботот ва ҳайвонот дунёсини муҳофаза қилиш ва улардан унумли фойдаланиш тўғрисида бир қатор қонунлар, қарорлар қабул қилинди ва бу борада чора – тадбирлар кучайди, илмий ва амалий жиҳатларига кўпроқ аҳамият берилмоқда. Бугунги кунда инсоният ер юзасида яшаб қолиши учун техника, космос мўъжизалари эмас, энг аввало ичимлик сувининг етали бўлиши лозимлигини яхши англаб етди. Айниқса Африка, Осиё қитъаларида ичимлик суви жуда танқис ва бу қитъаларнинг айрим ҳудудларида қурғоқчилик кенгайган ва у келтириб чиқарган очарчилик натижасида эса миллионла б одамлар ҳалок бўлмоқда ва 30 миллион д ан ортиқ кишининг ҳаёти хатар остида.

www.arxiv.uz Ҳозирги пайтда планетамиз аҳолисининг учдан бир қисми турли минтақаларда сув ресурсларига нисбатан ўта оғир муҳтожликни бошидан кечирмоқда. Ҳар куни ривожланаётган мамлакатлар болаларидан 6 минг нафари санитария – гигиена қоидаларига мутлоқо тўғри келмайдиган сув истеъмол қилинганликлари туфайли ҳалок бўлмоқда. Ер юзидаги дарёларнинг ярмига яқини ифлосланган, уларнинг ресурслари тушиб бормоқда. Шунингдек ер шарида ботқоқликлар майдони ва ички сув ресуслари қисқармоқда. Шу жумладан Орол денгизининг сатҳи ва майдони кескин қисқариб, бунинг оқибатида инсоннинг ўзи, наботот ва ҳайвонот дунёсига путур етмоқда ва экологик муаммоларни туғдирмоқда. Буларнинг барчаси бир – бири билан узвий б оғлиқдир. Планетамиздаги 2 млрд киши, яъни ер юзаси аҳолисининг учдан бир қисмининг ҳаёти ер ости сувлари ресу р сларига боғлиқ. Айниқса Хитой, Ҳиндистон, Ғарбий Осиё, Араб ярим ороллари, собиқ Совет иттифоқи мамлакатлари ва бошқа минтақаларда ер ости сувлари захиралари кескин камаймоқда. 2050 йилга келиб Ер юзи аҳолиси 8 млрд. га кўпайиши кутилмоқда. Об – ҳавонинг глобал ўсиб кетиши натижасида табиатда турли хил хавф – хатарлар, қурғоқчилик юз бериши мумкин. Илм – фан шуни тан оладики, агар келажакда озиқ – овқат маҳсулотлари, айрим тугайдиган табиий ресуслар ва бошқа нарсалар етишмаса, улар ўрнини бошқа усуллар билан яратилган маҳсулотлар босиши мумкин, лекин сувнинг ўрнини бошқа бирор бир нарса босаолмайди. Шу боис, сайёрамизда ичимлик сувининг камайиб бораётганлиги ўта оғир хавфларни туғдиради. Бу эса ичимлик сувининг ер ости, ер устидаги дарё ва кўллар сувнинг турли хил химикатлар билан ифлосланиши натижасида келиб чиқмоқда. Сайёрамиздаги сув захираларидан фақатгина 2,5 фоиз иг ина ичиш учун яроқли экан. Шундан 0,5 фоизидан инсоният ўз манфаати йўлида фойдаланмоқда. Ичимлик сувидан фойдаланиш даражаси аҳоли миқдорининг кўпайиш даражаси билан бевосита боғлиқ жараён. Лекин шу билан бирга,

www.arxiv.uz аҳолининг миқдори сарф қилинадиган сувнинг миқдорига доимо мутаносиб бўлавермайди. Масалан, Европа мамлакатларида аҳоли миқдорининг камайиши кузатилаётган бир пайтда ичимлик сувидан фойдаланиши коэффиц и енти доимо юқорилаб (кўтарилиб) бораяпти. Бизда эса, тоза ичимлик сувга бўлган эҳтиёжнинг тобора ошиб бориши тендинцияси аслида аҳоли сонининг кўпайишида эмас, балки биринчидан, кишиларда тозалик ва озодаликнинг, шунингдек, саноатда тоза ичимлик сувга бўлган эҳтиёжнинг кучайиб бориши билан ўлчанса, иккинчидан, тоза ичимлик сувдан оқилона фойдаланиш даражасининг сусайиши ва айрим инсонларнинг ма ъ сулиятсизлиги натижасида рўй бермоқда. Агар биз ривожланган мамлактлардаги йирик сув истеъмолини ҳисобга оладиган бўлсак, қарама – қарши йўналган манзарани кўришимиз мумкин. Масалан, Япония пойтахти Токиода ўтган асарнинг 50 – йилларда тоза ичимлик с увга эҳтиёж ҳар бир кишига бир кунга қарайб 400 литргача тўғри келган бўлса, бу кўрсатгични 2006 йилда 160 литрга тушира олганлар. Бизда эса бунинг аксидир. Ўзбекистон Республикасида сув ресурсларидан оқилона фойдаланиш ва уларни муҳофаза қилишга катта эътибор бериб келинмоқда. Республикамизда «Сув ва сувдан фойдаланиш тўғрисида» қонун қабул қилинган. Ҳукуматимиз сув ресурсларидан оқилона фойдаланиш билан бир қаторда, уни муҳофаза қилиш тўғрисида қатор қарорлар қабул қилди. Кейинги йилиларда ифлосланган сувни тозаловчи кўплаб иншоатлар қ у рилди. Натижада, ифлосланган оқова сувлар миқдори кескин даражада қисқарди. Ҳозирда республикамизда сув объектлари ҳолати мунтазам кузатилиб борилмоқда ва улар устидан қаттиқ назорат ўрнатилмоқда. Олинган маълумотларга мувофиқ қишлоқ аҳолисининг тоза ичимлик суви билан таъминланиши 77% ни ташкил этади. Ўзбекистон олимлари томонидан қуриб бораётган Орол ва Орол бўйида экологик хавфсизликни таъминлаш муаммоларини ҳал этиш, шунингдек

www.arxiv.uz ўта шўрланган, учувчан қум – тупроқ туз заррачаларининг зарарли таъсирини камайтириш, тузга чидамли ўсимликларни ўстириш, шамолга бардош бера оладиган мустаҳкам тупроқ тузилмаси ҳосил қилиш тавсиялари ишлаб чиқилди. Сув муаммосига оид экологик хавфсизликни кучайтиришнинг ҳозирги асосий йўналишлари қуйидагилардан иборат: 1. Сувни тежайдиган янги технологияларни кенг жорий этиш ва замонавий усулларни қўллаш. 2. Катта – катта худудлардаги табиий шароитларни тўлиқ ҳисобга олиш, таббий захиралардан самарали ва комплекс фойдаланиш. Бунинг учун атроф – муҳитни илмий асосланган тарзда ўзгартириш (дарёлар оқими, ернинг намини қочириш, сув чиқариш) ва бошқалар. Атроф – муҳит, иқтисод соҳалари ва ахолининг эҳтиёжлари йўлида сувлардан оқилона фойдаланишни таъминлаш мақсадида сув муносабатларини тартибга солиш қонуннинг асосий вазифаларидир. Вилоятимиз нинг гўзал ва бетакрор табиати қадим – қадимдан дунё аҳолисини мафтун этиб келган. Шу боис унинг атроф табиати, ҳайвон ва ўсимликлар дунёси ҳақида сайёрлар, олиму – фузалолар, қуйингчи бу аж о йиб юртда қадами етган ҳар бир одам катта ҳавас билан фикрларини баён этганлар, кўплаб асарлар ёзиб қолдирганлар. Истиқлол шарофати сабабли, она табиатимиз жон сақлаб қолди. Уни шафқатсизларча булғаш, кемириш, оёқ ости қилиш чек қўйилди. Борлиқ табиатимизни парвариш қилиш, эъзозлаш, аслига қайтариш, уни янада бойитиш асл мақсадга айлантирилди. «Ўсимлик ва ҳайвонот дунёсини муҳофаза қилиш ва улардан унумли фойдаланиш тўғрисида»ги ва шу каби Ў збекистон Республикасининг қонунлари ва қарорлари бу йўлдаги муҳим қадамлардан бири бўлди. Вилоятимиз ўсимлик ва ҳайвонот дунёси ҳақидаги гап кетаётган экан, бу мавзу ҳаммамизни хушёр торт тир иши зарур. Чунки, айрим ачинарли

www.arxiv.uz ҳолат юртимиз табиати меҳрли муносабатга муҳтож эканидан дарак беради. Мутахассисларнинг маълумотларига кўра Зарафшон в о ҳасида кўпгина ўсимликлар ва ҳайвонот турлари йўқолиб кетган. Яна айримлари йў қолиш арафасида. Ҳозирги кунда вилоятимизда учрайдиган 44 – та ўсимлик ва 48 – та ҳайвон турлари Ўзбекистон «Қизил китобига» киритилган. Шунингдек, вилоятимизда сув ресурсларидан самарали фойдаланиш талаб даражасида эмас. Айниқса, Зарафшон дарёси сув ҳавзасининг аҳоли, экологик ҳолати ва ўзгаришлари, уларнинг олдини олишга доир муҳим муаммоларга эътиборни қаратиши даркор. Хулоса қилиб шуни алоҳида таъкидлаш керакк и, табиатга нисбатан турли салбий фаолиятларига қарамасдан охирги натижа ижобий ютуқларга эришилди. Яъни турли экосистемаларда экологик ва биологик турғунлик ривожланади. Бу ривожланиш инсон заковати, унинг онгли ижобий фаолияти маҳсулоти сифатида юзага келади.

www.arxiv.uz Адабиётлар : 1. Каримов И. – Ўзбекистон XXI аср бўсағасида… Т. Ўзбекистон, 1997 йил. 2. Алибеков Л. А – Табиатни муҳофаза қилиш ва табиий ресурслардан рацион а л фойдаланиш. Т. «Ўқитувчи», 1983 йил. 3. Махмудов Ю . - Экологиядан қўлланма Т. Фан, 1997 йил. 4. Тухтаев А . – Экология. Т. «Ўқитувчи», 1998 йил. 5. Ширинбоев Ш., Сафин М. Атроф – муҳитни муҳофаза қилиш. Самарқанд, 2003 йил. 6. Эргашев А . – Умумий экология. Т. «Ўзбекистон», 2003 7. www.ziyonet.uz

Похожие

Ўзбекистондаги экологик вазият ва уни эксперт баҳолаш

Экологик экспертизанинг асосий йўналишлари

Экологик экспертизанинг асосий принциплари

Жамоат экологик экспертизаси ва экологик аудит

Жамоат экологик экспертизаси ва экологик аудит