Ўсимликлардаги нафас олиши механизмлари - Ботаника - Рефераты

Ўсимликлардаги нафас олиши механизмлари

Загружено в:

20.09.2019

Скачано:

0

Размер:

155.1201171875 KB

Ўсимликлардаги нафас олиши механизмлари Режа; 1. Нафас олиш жараёни ва биологик аҳамияти. 2. Фотосинтезда ҳосил бўлган ассимлятларни хужайрада оксидланиш йўллари. 3. Анаэроб ва аэроб нафас олиш жараёнлари. 4. Нафас олиш коэффиценти. 5. Митохондриялар тузилиши ва функциялари. Электрон- транспорт занжири.

Нафас олиш жараёни ва биологик аҳамияти Фотосинтез жараёнида ҳосил бўлган шакарлар ва бошқа органик моддалар ўсимлик ҳужайраларининг асосий озиқа моддалари ҳисобланади. Бу органик моддалар таркибида кўп миқдорда энергия тўпланган бўлиб, нафас олиш жараёнида маълум қисми биоэнергияларга (АТФ) ларга айланади. Ўсимликларнинг ҳужайраларида борадиган оксидатив реакциялар органик моддаларнинг кислород иштирокида анорганик моддаларга, яъни СО 2 ва сувга парчаланиши ва биоэнергия ажралиб чиқиши жараёнига нафас олиш дейилади. Бу жараённинг схематик тенгламасини қуйдагича кўрсатиш мумкин: С 6 Н 12 О 6 +6О 2  6СО 2 +6Н 2 О +энергия (2875 кДж моль) Нафас олиш мухим физиологик жараён бўлиб, ҳамма тирик организмлар учун хосдир. Бунда углеводлар мухим аҳамиятга эга, чунки улар нафас олишнинг асосий субстрати вазифасини ўтайдилар. Уларнинг пачаланишида бир қатор оралиқ бирикмалар ҳосил бўлади. Бу бирикмалар ўсимликлар танасида учрайдиган бошқа органик моддаларнинг (ёглар, аминокислоталар ва бошка) асосини ташкил этади. Ўсимликларда махсус нафас олиш аъзолари бўлмайди, шу сабабли кислородни ютиш ва карбонат ангидридни чиқариш жараёнлари одам ва хайвон организмидан фарқли барча ҳужайра ва тўқималарида мустақил амалга оширилади. Барча тирик ҳужайраларнинг органоиди саналган митохондриялар нафас олиш аъзоси ҳисобланади. Ана шу митохондрияда мураккаб органик бирикмалар ферментлар тизими иштирокида кислород ёрдамида оксидланиб сув ва СО 2 га парчаланади. Бу реакциялар тизимига биологик оксидланиш дейилади. Оксидланиш-қайтарилиш реакциялари учун хос бўлган асосий хусусият электронларнинг кўчишидир. Моддалар оксидланганда таркибидаги

электрон ажралади, қайтарилганида электронни бириктириб олади. Электрон ажратувчи моддаларга донор , қабул қилувчи модда акцептор дейилади. Донор билан акцептор биргаликда оксидланиш қайтарилиш тизимини ташкил этади. Бу реакцияларни бошқарувчи ферментларга оксидоредуктазалар дейилади. Оксидоредуктазалар уч гурухга бўлинади: Анаэроб дегидрогеназалар; Аэроб дегидрогеназалар; Оксигеназалар. Анаэроб дегидрогеназалар – электронларни кислороддан ташқари оралиқ акцепторларга етказиб берадилар. Булар икки компонентли ферментлар, коферменти НАД + (никотинамидадениндинуклеотид) бўлиши мумкин. Оксидланиш натижасида НАД + қайтарилган НАД Н холатга ўтади. Бу ферментларга алькогольдегидрогеназа, лактадегидрогеназа, малатдегидрогеназа ва бошқалар киради. Аэроб дегидрогеназалар – электронларни ҳар хил оралиқ акцепторларига ва кислородга етказиб беради. Булар ҳам икки компонентли ферментлар бўлиб, флавопротеинлар дейилади. Буларнинг таркибига оксилдан ташқари рибофлавин (витамин В 2 ) ҳам киради. Икки хил кофермент мавжуд: • Флавинмононуклеотид (ФМН), • Фламинадениндинуклеотид (ФАД) ФМН таркибига кирувчи фермент – диметилизоаллоксазин, ФАДсукцинат дегидрогеназа. Буларнинг акцепторлари хинонлар, цитохромлар ва кислород. Оксидазалар – электронларни факат кислородга етказиб беради. Аэроб ҳарактерга эга. Бу ферментлар иштирокида уч хил бирикма ҳосил бўлади: 1) сув, 2) водород пероксид, 3) кислороднинг супероксид аниони. Водород ва супероксид аниони (О 2 -) зарарли бўлгани учун ҳужайрада ферментлар ёрдамида нейтралланади: Сувнинг ҳосил бўлишида ферментлардан цитохромксидазалар, полифенолоксидазалар ва бошқалар, водород пероксидининг ҳосил

бўлишида-флавопротеиноксидлар, кислороднинг супероксид аниони ҳосил бўлишида-ксантиноксидазалар иштирок этади. Оксигеназалар ҳам, оксидазалар каби мухим аҳамиятга эга. Бу ферментлар ёрдамида кислород актив холатга келади ва органик моддалар билан бирикади. Нафас олишда органик моддаларнинг кислород ёрдамида анорганик моддаларга пачаланиши мазкур жараённинг ўзига хос хусусиятлари борлигини кўрсатади, чунки организмдан ташқарида бу органик моддалар молекуляр кислород билан реакцияга киришади. Нафас олиш жараёнининг ана шу ўзига хос хусусиятларини аниқлаб, нафас олиш химизмининг хозирги замон тушунчасига асос солган олимлар: А.Н.Бах, В.И.Палладин ва С.П.Костичевлар ҳисобланади. А.Н. Бахнинг пероксид назарияси А.Н.Бах биологик оксидланишнинг пероксид назариясини 1897 йилда ишлаб чикди. Унга кўра атмосферадаги молекуляр кислород инерт холатда бўлиб, органик моддаларни оксидлай олмайди. Бунинг учун унинг таркибидаги қўш боғнинг биттаси узилиши ва фаол холатга ўтиши зарур: 0=0 - 0 - 0 - ИНЕРТ КИСЛОРОД ФАОЛ КИСЛОРОД Кислород осон оксидланувчи модда (А) билан бирикиб қўш боғдан биттаси узилади ва пероксид (АО 2 ) ҳосил қилади. Ҳосил бўлган пероксид (АО 2 ) бошқа В моддани осон оксидлантириб ўзи яна кислородни акцептори вазифасини бажаради. А.Н. Бах кислородни фаолловчи моддаларни оксигеназалар деб атади. Оксигенезаларга ўсимликлар тўқимасида кўп тарқалган ҳар хил кимёвий

бирикмалар киради. Оксигеназалардаги фаоллашган кислород оксидланаётган субстратга кўчирилади. Маълум вақт фанда, бу жараёнда пероксидаза ферменти муҳим аҳамиятга эга, деган фикр ҳукм сурди. Лекин 1955 йилда Японияда (О.Хаяиши ва бошқалар) ва АҚШ да (Г.С.Мэзон ва бошқалар) молекуляр кислороднинг органик моддалар билан бирикиши мумкинлигини исботлашди. Ҳозирги вақтга келиб, маълум бўлишича А.Н.Бах назариясининг нафас олишга алоқаси йўқ. Аммо у нафас олиш жараёнининг химизмини ўрганишга йўл очиб берди. Чунки бу назарияда кислородни фаоллаштиришнинг замонавий механизмини ишлаб чиқиш учун асос солинган эди. Фотосинтезда ҳосил бўлган ассимлятларни хужайрада оксидланиш йўллари Нафас олиш субстратларининг фаоллаштирилиши ферментлар иштирокида амалга ошади. Ферментлар оқсил табиатли католизаторлар бўлиб, бир қатор хусусиятларга эгадир: кучли фаолик ва лабиллик, спецификлик. Биологик оксидланиш жараёнининг механизмини ўрганишда, В.И.Палладиннинг (1912) ишлари мухим аҳамиятга эга бўлади. Унинг назариясига кўра ўсимлик хромогенлари субстратдаги водородни ўзига бириктириб олади ва кейинги уларни кислородга ўтказади. Бу назария «Водороднинг фаоллаштириш» назарияси дейилади, у икки босқичдан иборат: 1) С 6 Н 12 О 6 + 6Н 2 О + 12R 6СО 2 + 12RН 2 2) 12RН 12 + 6О 2 12R + 12Н 2 О R - рангли нафас олиш пигменти , RH 2 - рангсиз нафас олиш хромогени . Биринчи реакцияда редуктаза ферменти ёрдамида субстратдан водород атомлари кабул килиниб, нафас олиш пигментига (R) ўтказилади ва нафас олиш хромогени (RH 2 ) ҳосил бўлади. Ҳамма СО 2 ҳам шу анаэроб жараёнида

ажралиб чикади. Иккинчи реакцияда молекуляр кислород иштирок этиб, хромогенларни (RH 2 ) нафас олиш пигментларигача оксидлайди ва улар яна водороднинг акцептори вазифасини бажаради. Бу реакцияларда кислород RH 2 дан электронлар ва протонларни тортиб олади ва натижада сув ҳосил бўлади. Кейинги изланишларда В.Палладин назарияси тўлиқ исботланди. 1912 йилда немис биохимиги Г.Виланд ҳам биологик оксидланиш водороднинг ажратиб олиниши билан боғлиқ эканлигини кўрсатган эди. Нафас олишда сувнинг иштирок этиши ва кислород водороднинг охирги акцептори эканлигини 1955 йилда Б.Б.Вартапетян ва Л.А.Курсанов тажриба асосида исботладилар. Анаэроб ва аэроб нафас олиш жараёнлари Ўсимликлар ҳаёт фаолияти нафас олиш билан амалга ошади, кислород етишмай қолса, анаэроб (кислородсиз) нафас олиши мумкин. Бундай ҳолатда ўсимликлар керакли кислородни органик бирикмалардан, асосан қандлардан олади. Анаэроб шароитда қандлар қуйидаги схемада парчаланади. С 6 Н 12 О 6 2С 2 Н 5 ОН + 2СО 2 + 48 ккал Схемадан кўриниб турибдики қанднинг бир қисми СО 2 гача оксидланиб, қолган қисми спиртгача қайтарилади. Бунда ташқаридан О 2 кириб келмаса, қанднинг парчаланиши ўз молекуласидаги кислороднинг қайта тақсимланиши ҳисобига амалга ошади. Қандлар тўлиқ оксидланиши натижасида 686 ккал энергия ажралса, анаэроб нафас олишда 48 ккал энергия ажралади. Бундай фарқнинг сабаби шундаки, спирт молекуласида катта миқдорда потенциал энергия қолиб кетади, чунки оксидланиш жараёни охиригача бормайди. Аммо ўсимликлар узоқ вақт анаэроб нафас олиб яшай олмайди. Бундай шароитда улар нобуд бўлишига сабаб ҳосил бўлган спиртдан заҳарланади ва қуриб қолади. Анаэроб нафас олиш ўсимликлар учун вақтинчалик ҳолат

бўлади. Тупроқда намлик ортиб кетганда, ўсимликлар анаэроб нафас олиши мумкин. Кўпгина микроорганизмлар учун анаэроб нафас олиш асосий йўл бўлиб, бунда ҳаёти учун зарур энергияни олади, бу жараён тўхтовсиз амалга ошади. Бундай ҳолатни анаэроб нафас олишдаги бижғиш жараёни дейилади. Микроорганизмлар бижғиш жараёнида ўзининг заҳира озиқ моддаларини сарфламай, балки атрофдаги озиқ моддалардан фойдаланади. Анаэроб нафас олишда ўсимликлардаги спиртли бижғишдаги каби жараён боради, бунда қатор ферментлар таъсирида оралиқ моддалар ҳосил бўлади, яъни пироузум кислота СО 2 ва спиртга парчаланади. Аэроб шароитда эса пироузум кислота СО 2 ва Н 2 О гача парчаланади. Қуйидаги схемада аэроб ва анаэроб нафас олиш жараёнларининг /ўзаро боғлиқлиги кўрсатилган. Қандлар Фосфат кислота ёрдамида қандларнинг тикланиши Активлашган қандлар Пироузум кислотаси Кислородсиз муҳитда парчаланиш СО 2 + С 2 Н 5 ОН Кислородли муҳитда парчаланиш СО 2 + Н 2 О Схемадан кўриниб турибдики, нафас олиш ва бижғиш жараёнлари пироузум кислотагача бир хилда боради, нафас олиш анаэроб фаза ҳисобланади. Кислородли муҳитда пироузум кислота оксидловчи фермент иштирокида охиригача парчаланади. Бижғиш жараёнида эса пироузум Гликолиз жараѐни (активлашган қандларнинг парчаланиши) Оралиқ маҳсулотлар: альдегидлар кислоталар

кислота карбоксилаза ферменти иштирокида парчаланади. СО 2 ва сирка альдегид ҳосил бўлади, сўнгра дегидрогенеза ферменти 2 атом водородни бериб, этил спиртгача қайтарилади. Аэроб фазада глюкоза молекуласига фермент ёрдамида АТФ дан бир молекула фосфат кислота бирикади. Глюкоза +АТФ глюкоза 6 фосфат + АДФ Сўнгра глюкоза фосфат фермент таъсирида қатор ўзгаришларга учраб, анорганик фосфат кислота ҳисобига дифосфатглицерин кислота ҳосил қилади: оксидланиб ФГА + Н 3 РО 4 дифосфатглицерин альдегид дифосфатглицерин кислота Фосфатглицерин альдегид Дифосфоглицерин альдегид АДФ билан реакцияга киришиб, АТФ молекуласи ва фосфоглицерин кислота ҳосил қилади. Дифосфоглицерин кислота + АДФ АТФ + ФГК Мураккаб ўзгаришлардан сўнг фосфоглицерин кислота ( ФГК) пироузум кислота ҳосил қилади, фосфат кислота қолдиғи АТФ ни ҳосил қилади. ФГК + АДФ АТФ + пироузум кислота. Қуйидаги схемада юқоридаги жараёнлар бирмунча тўлиқ акс эттирилган: Глюкоза АТФ АДФ

Глюкоза 6 фосфат Фруктоза 6 фосфат АТФ АДФ Фруктоза 1,6 дифосфат Фосфоглицерин альдегид фосфодиоксиацетон + Н РО Дифосфоглицерин альдегид (2 молекула) - Н2 Дифосфоглицерин кислота (2 молекула) АТФ АДФ Фосфоенолпироузум кислота (2 молекула) АТФ АДФ Енолпироузум кислота (2 молекула) Пироузум кислота (2 молекула) Пироузум кислотанинг оксидланиши натижасида 3 молекула СО 2 , аммо қанд молекуласидан 2 молекула пироузум кислота ҳосил бўлса, СО 2 газининг миқдори 6 молекулага тенг бўлади. Глюкозанинг оксидланиши натижасида 38 молекула АТФ ҳосил бўлади, ҳужайрада 380 ккал энергия тўпланиб, бу энергия глюкозанинг 50% кимёвий энергияси бўлиб, қолган қисми иссиқлик тарзида тарқалади. 3 4

18-расм. Хужайрада аэроб нафас олиш схемаси Нафас олиш коэффициенти (НОК). Нафас олиш жараёнида ажралган СО 2 нинг ютилган О 2 миқдорига нисбати нафас олиш коэффициенти (НОК) дейилади. Бу коэффициент 1 дан кичик, катта ёки унга тенг бўлиши мумкин. Углеводлар оксидланишида СО 2 ва О 2 газларининг ҳажми тенг бўлади, яъни НОК 1 га тенг бўлади. Органик кислоталарнинг оксидланишида НОК 1 дан катта бўлади. Масалан, оксалат кислотанинг оксидланишини кўрайлик: 2С 2 Н 2 О 4 + О 2 4СО 2 + 2Н 2 О 4 СО 2 4 НОК   О 2

Бунда оксалат кислота кислородга бой бўлганлиги учун водороднинг оксидланиши учун фақат етарли эмас, балки ортиқча бўлиб, бир қисми углероднинг оксидланишига сарфланади. Бунда Н.О.К. 4 га тенг бўлади. Ўсимликлар оқсиллар ёки ёғлар ҳисобига нафас олса, уларнинг молекуласида водород ва углерод кўп бўлиб, кислород кам бўлганлиги учун Н.О.К. 1 дан кичик бўлади. Масалан, стеарин кислотанинг оксидланишини кўрайлик: С 18 Н 36 О 2 + 2 СО 2 18СО 2 + 18Н 2 О 18 СО 2 0,69 НОК   2 СО 2 Шундай қилиб, углеводлар оксидланганда нафас олиш коэффициенти 1 га тенг бўлади, оқсиллар ва ёғларда 1 дан кичик, органик кислоталарда 1 дан катта бўлади. Нафас олиш коэффициентига қарама-қарши кўрсаткич иссиқлик эффектидир, ёғларнинг оксидланишида максимал эффект кузатилади. Митохондриялар тузилиши ва функциялари. Электрон – транспорт занжири. Ўсимлик ҳужайрасида митохондриялар юмалоқ ёки гантелсимон шаклда бўлиб, диаметри 0,4-0,5 мкм ва узунлиги 1-5 мкм бўлади. Битта ҳужайрада учтадан икки мингтагача митохондрий бўлиши мумкин (унинг сони ҳужайра онтогенезида функционал холатига қараб ўзгарилиб туради). Органоид 5-6км қалинликдаги ташқи ва ички мембраналар билан чегараланган. Ички мембраналар бўртмалар-кристалар ҳосил қилади. Митохондрийнинг ички мухитини матрикс ташкил этиб, унда рибосома ва митохондриял ДНК бўлади. ДНК халқасимон тўзилишга эга.

Митохондрияларда ҳужайранинг энергияга бўлган талабини қондирувчи аэроб нафас олиш ва оксидланувчи фосфорланиш тизимлари жойлашган. Ички мембранасида электрон транспорт занжири компонентлари жойлашган. Матриксда нафас олиш жараёнида иштирок этувчи ферментлар тизими жойлашади. Кребс, глиоксилат ва пентозамонофосфат циклларида О 2 иштирок этмаса ҳам бу цикллар факат аэроб шароитида амалга ошади. Кребс циклида сукцинил-СоА даражасида АТРнинг субстрат фосфорланиш натижасида ҳосил бўлишини назарда тутмасак, бу циклларда АТР ҳосил бўлмайди. О 2 нафас олишнинг охирги босқичида, қайтарилган NАД●Н ва ФАД●Н 2 ларнинг электрон транспорт занжирида (ЭТЗ) оксидланиши даврида керак бўлади. ЭТЗ бўйлаб электронларнинг ҳаракатланиши натижасида АТР синтезланади. Нафас олиш ЭТЗ си митохондрийларнинг кристаларида жойлашади ва электронларни қайтарилган субстратлардан О 2 га узатишда хизмат қилади, бу Н + ионларини трансмембран ҳаракати билан кузатилади. Шундай қилиб митохондрийлар ЭТЗси оксидловчи-қайтарувчи Н-помпалар вазифасини ўтайди. 19-расм. Хужайрада митохондриянинг кўриниши

Нафас олиш жараёни тирик организмлардаги моддалар алмашинуви жараёни билан чамбарчас боғлиқдир. Фотосинтезда ҳосил бўлган энергия, асосан углеводларда тўпланиб, улар нафас олиш субстратлари бўлиб хизмат қилади. Органик моддаларнинг парчаланиш жараёни кўп босқичли бўлиб, бунда энергия трансформацияси, яъни уни макроэргик боғларга (АТФ га) ўтиб, оқсиллар синтези ва бошқа физиологик жараёнларга сарфланади. Энергиянинг бир қисми иссиқлик энергиясига ўтиши мумкин. Нафас олиш жараёни оқсиллар ва ёғлар синтези билан боғлиқ бўлиб, пироузум кислота парчаланишида ҳосил бўладиган оралиқ моддалар оқсил ва ёғлар синтези учун хом ашё бўлиб хизмат қилади. Масалан, пироузум кислотадан аланин (1) ҳосил бўлади.  -кетоглютаратдан гутамин кислота (4) ҳамда фумарат (3) ва оксолоацетат кислоталардан (2) аспарагин кислота ҳосил бўлади. Юқорида айтилган аминокислоталардан қайта аминланиш билан бошқа оқсиллар синтези учун зарур аминокислоталар ҳосил бўлади. Нафас олиш қайтарилган бирикмалар (ёғлар, терпинлар, каучук ва стероллар) ҳосил бўлиши билан боғлиқ бўлади. Шундай қилиб, нафас олиш мураккаб, бошқариб туриладиган кўп босқичли оксидланиш жараёни бўлиб, унда энергия ажралади ва у кичик порцияларда сарфланади. Нафас олиш организмда моддалар алмашинув жараёни билан чамбарчас боғлиқ бўлиб, бу жараёнсиз ҳаётни тасаввур қилиб бўлмайди.

Адабиётлар: 1. James E.Bidlach, Snelly H. Jansky. Stern's introductory Plant biology. – USA: McGrow-Hill, 208, 622 p. 2. Lincoln Taiz, Eduardo Zeiger. Plant physiology. USA, University of California, Los Angels, 202. 3. Hans-Walter Heldt. Plant Biochemistry. Elsevier Academic Press, 205. – 625 рр. 4. Алимова Р.А. Қишлоқ хўжалик ўсимликлари биокимёси фанидан лаборатория машғулотлари: ўқув қўлланма. – Тошкент: ТошДАУ, 200. – 95 б. 5. Алимова Р.А., Сагдиев М.Т. Ўсимликлар физиологияси ва биокимёси: ўқув қўлланма. – Тошкент, 2013. – 320 б. 6. Бекназаров Б.О. Ўсимликлар физиологияси: дарслик. – Тошкент: ЎзМУ, 209. – 480 б.

Похожие

Ўсимликларни тупроқдан озиқланиши

Қишлоқ хўжалиги экинларида нафас олишни бошқарилиши ва иккиламчи моддалар ҳосил бўлиши

Ўсимликларда энергия тизимининг шаклланиши углеводлар парчаланиши

Тупрокдаги микроэлементлар ва тупрокнинг радиоактивлиги

Апомиксис