Ўсимликларда энергия тизимининг шаклланиши углеводлар парчаланиши - Ботаника - Рефераты

Ўсимликларда энергия тизимининг шаклланиши углеводлар парчаланиши

Загружено в:

20.09.2019

Скачано:

0

Размер:

598.8486328125 KB

Ўсимликларда энергия тизимининг шаклланиши углеводлар парчаланиши Режа: 1. Ўсимликлардаги энергия тизими тўғрисида қуёш – энергиянинг бирламчи манбаи. 2. Термодинамика қонунлари. 3. Ҳужайранинг аденилат системаси. 4. Углеводлар диссимилияциясининг асосий йўллари. 5. Аэроб нафас олиш.

Ўсимликлардаги энергия тизими тўғрисида қуёш – энергиянинг бирламчи манбаи. Маълумки ўсимлик организмларининг ҳаёт фолияти энергияни доимий истеъмол қилинишида содир бўлади. Қуёш радиацияси ўсимликлар томонидан органик моддаларни кимёвий энергиясига айланади. Органик моддаларнинг оксидланишини экзергоник жараёнлари, яьни диссимиляция манбалари ҳисобланади. Диссимиляцияни икки формаси мавжуд, булар нафас олиш ва ачишдир. Биологик моддаларни ҳосил бўлиши ёки эндергоник реакциялар ташқи мухитдаги моддаларни ўзлашириш учун энергияни сарф килиш билан кузатилади. Бунга яққол мисол килиб фотосинтезни келтириш мумкин. Табиатдаги барча организмлар энергияни истеъмол қилиш манбаларига қараб 3 гурухга бўлинади: 1. Хлорофил ўсимликлар – улар учун энергия манбаи бўлиб ёруғлик кванти (фотон) ҳисобланади. 2.Одам ва ҳайвонлар – улар энергияни органик моддаларнинг (углевод, ёг, оксиллар) оксидланиши ҳисобига олади. 3.Микроорганизмлар – улар энергияни специфик бўлган органик ва анорганик моддаларнинг оксидланиши ҳисобига олади. Ўсимлик ва бошка тирик организмларда содир бўлувчи моддалар ва энергия алмашинуви физика ва кимёнинг қонунларига тўла бўйсинади, шунинг учун тирик системаларга бу қонун ва принципларни қўллаш мумкин. Термодинамика ёки энергетика фани системалардаги энергиянинг хилма- хил формаларини ўзаро алмашинуви ва миқдорий ўзгаришини ўрганади. Бу энергиялар-кимёвий, иссиклик, механиқ, электрик, ёруғлик формаларида бўлади. Система тушунчаси, катталиги, зичлиги, ҳарорат, босим, ранги, магнит ва электрик майдонлари бўлиши каби хоссалар билан ҳарактерланади.

Система гомоген ва гетероген бўлади. Гетероген система эса иккита ёки бир қанча айрим фазалардан иборат бўлиб, улар бир-биридан юзалари билан ажралиб туради. Системалар очиқ ва ёпиқ бўлади. Ёпиқ системада масса ва энергия системани ўрганиш жараёнида кўпайиши ва камайиши мумкин эмас. Очиқ системада эса масса ва энергия камайиши ёки кўпайиши мумкин. Шунга кўра ўсимликлар очиқ системага киради. Агар системани таркиби ва хоссаси маълум узоқ вақт ичида ўзгармаса система мувозанат холатида турибди дейилади. Бироқ кимёвий мувозанат доимий эмас. Мувозанат-бу реакцияни чапдан унга қандай тезликда ўтса, ўнгдан чапга ҳам шундай тезлик билан ўтиш холатидир. 2. Термодинамика қонунлари Термодинамиканинг биринчи қонуни. Бу энергиянинг сақлаш қонунидир, уни Гелмгольц 1847 йилда ифодалаб берди. А.Энштейн 2 энергияни сақлаш қонуни, иш ва иссиқликнинг тенгламасига кўра E=MC эквивалент қонунидир. Бунда энергиянинг ҳар хил формалари бир-бирига 20 эрг энергия бирлигига ўта бошлайди. Формулага кўра 1 грамм масса 9∙10 айланиши мумкин. Бу қонунга кўра ички энергия (Е) фақат иссиқлик холида энергияни кўчириш жараёнида ёки иш бажарилганда ўзгариши кузатилади, бошқача қилиб айтганда энергияни яратиш ва йўқ қилиш Бажарилган иш механик, электрик ёки кимёвий (синтез) мумкин эмас. Ажратиб олинган системалар учун уларни ички энергиясини ўзгариши қуйидаги формула бўйича аниқланади – Е=QW , яьни системанинг ички эенергиясини кўпайиши унга берилган иссиқлик ва ташқи мухитни система устида бажарган ишни йиғиндисига тенгдир Демак бу қонунга кўра энергия қайтадан ҳосил бўлмайди ва йўқолмайди фақат бир формадан иккинчи формага ўтади. Ажратиб олинган системанинг энергиясининг умумий миқдори доимий бўлади. Биринчи қонун тирик системаларга қўлланилиши мумкин.

Термодинамиканинг иккинчи қонуни. Клаузиус томонидан айтилган фикрга кўра иссиқлик иссиқ танадан совуққа узатилади, тескариси бўлиши мумкин эмас. Фақат системага ташқаридан иш сарфланганда кузатиш мумкин. Бу термодинамиканинг иккинчи қонунини очилишига олиб келади. Иккинчи қонунга кўра барча системалар ўз-ўзидан ўзгариб мувозанат холатига интилади. М: сув юқоридан пастга оқади, эрувчи модда эритмада бир хил тақсимланади, тирик организмларда маълум ёшга етгандан кейин ўз-ўзидан қариш жараёни бошланади S=K lg D. Энтропия бу ички ўзгариш маъносини беради.Системани энтропияси эса,уни мувозанатга якинлашиш ўлчовидир. Энтропия (S) – бу системанинг холатини кўрсатгичидир ва уни энтропия бирликларида -1 ифода қилинади кДж.К мол. Термодинамиканинг иккинчи қонуни бир вақтда энтропияни ва ҳароратни термодинамик шкаласини белгилайди.Муз эриганда,энтропия ошади, чунки унинг структураси соддалашади. Моддалар катта энергияли холатида энтропия ошади. М:кристал ҳолатдаги сувни энтропияси 11,5 эн.бр.,суюк – 16,75, газ холатдаги – 45,11 эн.бр. Организмлар учун энтропияни ошишига олиб келувчи жараёнларни тенглатиш ва уларни камайтирувчи алмашинув жараёнлари ҳарактерлидир. Энтропия тушунчаси билан ўсимлик организмини бутун ҳаёт фаолиятини ҳарактерлаш мумкин эмас, бироқ сув алмашинуви нафас олиш, фотосинтез жараёнларига қўллаш мумкин. Ўсимлик ҳужайраларида ферментлар иштирокида экзергоник реакциялар ўз-ўзидан кетиши мумкин, улар кимёвий потенциалини манфий ўзгариши билан ҳарактерланади. Шу билан бирга ҳужайраларда эндергоник жараёнлари содир бўлади, яъни оддий моддалардан мураккаб моддаларни синтези, унда энергия талаб қилинади ва у энергияни бир-бирига боғланган экзергоник жараёнлардан олади. Демак, Гиббсни эркин энергияси тушунчаси ушбу жараённи ўз-ўзидан кетиш кетмаслигини беради. Агар доимий ҳарорат ва босимда эркин

энергияни ўзгариши маълум бўлса, жараённи ўз-ўзидан кетишини аввалдан айтиш мумкин. Ички энергияни камайиши ва энтропияни ошиши эркин энергияни камайишига олиб келса ички энергияни ортиши ва энтропияни камайиши эркин энергияни ошишига олиб келади. Бу хол биологик системаларда яққол кузатилади, уларнинг масса ва энергияси ошади ва камаяди. Дастлаб ер юзида ҳаёт пайдо бўлгунга қадар қуёшдан келаётган бутун эркин энергия фойдасиз иссиқлик холида тарқала бошлаган ва космик фазода нурланган. Кейинчалик ҳаёт пайдо бўлиши билан тирик системалар бу эркин энергияни маълум қисмини ютиб ўз фаолиятини давом эттирган ва бир қисмини тарқатган. Натижада тирик организмни стационар системаси эркин энергияни бир қисмига эга бўлади ва уни биосферада тутиб туради. Ҳужайранинг аденилат системаси. Тирик организмларда энергия алмашинувида марказий ўринни аденилат системаси эгаллайди. Буларга АТФ, АДФ, АМФ ва Mg+ 2 , H 3 PO 4 киради. АТФ-термодинамик турғун бўлмаган бирикмадир у АДФ ёки АМФ ҳосил қилиш йўли билан гидролизланади. АТФ юқори кўчириш потенциалига эга, бу эса уни кимёвий кўчириш функциясини бажаришга имконият беради. Натижада ҳужайрани энергияга бўлган талабини қондиришига маълум сезиларли даражада имконият беради. АТФ молекуласида пирофосфат боғ (фосфоангидрид) АДФ ва Н 3 РО4 қў шилиши натижасида ҳосил бўлади. Бундай фосфорланиш реакцияларни хлоропласт, митохондрий ва бактерияларни мембраналарида кузатиш мумкин, бу жараёнлар О 2 ни ютилиши билан кузатилади. АМФни АДФга айланиши фосфарил группасини АТФ дан АМФ га кўчирилиши йўли билан ҳосил бўлади. Бу реакцияни барча ҳужайраларда учровчи аденилаткиназа ферменти катализлайди.

Аденилат системасининг реакцияларини тезлиги Mg++ ионларини концентрасиясига боғлик.Хулоса шуки, тирик ҳужайра энергияни 2 формасига эга. 1.Кимёвий энергия (АТФ). 2.Физик (электрик)ёки мембрана потенциалига (  Н). Энергиянинг 1 ва 2 формаси алмашинувининг вектор ҳарактерини белгилайди. Нафас олишда энергия ташувчилар (редокс тизими) қуйидагиларни ташкил этади. Углеводлар диссимилияциясининг асосий йўллари. Углеводлар диссилмиляциясини бир неча йўллари бўлиб, шулардан бири пентозамонофосфат йўли ҳисобланади. Пентозамонофосфат цикли ҳужайра цитоплазмасининг эрувчан қаватида, пропластидалар ва хлоропластларда кечади. Бу цикл глюкоза-6-фосфатнинг бевосита оксидланиши билан бошланади. Бунда глюкоза-6-фосфатда бир молекула СО 2 ажралиб чиқади ва беш углеродли бирикмлар-пентозалар ҳосил бўлади, шунинг учун ҳам бу йўл пентоза фосфат ёки апотамик парчаланиш дейилади.

Биринчи босқичда глюкоза-6-фосфат оксидланиб, 6-фосфатглюколоктон кислота ҳосил бўлади. Бу реакция глюкоза-6-фосфатдегидрогеназа ферменти иштирокида бўлади. Ферментнинг актив қисмини NАDР ташкил қилиб, у NADP Нга қайтарилади. 6фосфатглюколоктон кислота сув иштирокида 6- фосфат глюконат кислотага айланади ва бу кислота дикарбоксилланиш реакцияси натижасида пентоза фосфат ҳосил қилади. Реакция натижасида бир молекула СО 2 ва NADP Н ҳосил бўлади. Умуман бир атом углероднинг оксидланиш натижасида икки молекула NАDP Н ҳосил бўлади. 1 Иккинчи босқичда рибулоза-5-фосфат изомерланиб, рибоза-5- фосфатга ва ксилулоза- 5-фосфатга айланади. Булардан транскетолаза ва трансалдолаза ферментлари иштирокида седогентулоза-7-фосфат ва 3фосфоглицерин альдегиди ҳосил бўлади, кейин эритроза-4-фосфат ва фруктоза–6-фосфат ҳосил бўлади. Фруктоза-6- фосфат изомерланиб, якуний махсулот глюкоза-6-фосфатга айланади. Кейинчалик ҳар бир молекула NADPH оксидланганда 3молекула АТР синтезланади. Демак 12 NADPH молекуласи оксидланиб 36 молекула ҳосил қилади. Бу циклда ҳосил бўлган органик махсулотлар- пентозалар организм учун зарур бўлган моддалар (нуклеин кислота ва б.) ҳосил қилишда иштирок этади. У айникса синтетик жараёнлар кучли бораётган ҳужайраларда фаол ҳарактерга эга бундай ҳужайраларда мембраналарнинг липид компонентлари, нуклеин кислоталар, ҳужайра девори ва фенол бирикмалар фаол равишда синтезланади. Нафас олиш ва бижгишлар (ачиш) бир хил жараёнлар билан шакарларнинг пачаланишидан бошланишини кўрсатиб берилган. Кейинчалик нафас олиш СО 2 ва сувнинг, бижгиши эса СО 2 ва спиртнинг ҳосил бўлиши билан якунланади. Хозирда аэроб ҳарактерга эга бўлган нафас олиш жараёни икки босқичдан иборат эканлиги тасдиқланди. Биринчи босқич –анаэроб нафас 1 William, Norman, 2009.

олиш жараёнида мураккаб органик моддалар оддий органик моддаларга парчаланади. Иккинчи босқич – аэроб шароитда пируват кислотаси карбонат ангидрид ва сувга парчаланади. Углеводларнинг анаэроб шароитда парчаланиши гликолиз деб аталади. Бу жараёнда кам миқдорда энергия ажралади ва охирги босқич махсулоти пируват ҳосил бўлади. Гликолиз –аэроб нафас олиш ва бижгиш жараёнларнинг бошланғич босқичидир. Нафас олишнинг асосий махсулоти бўлган моносаҳаридларнинг реакцион қобилияти анча паст бўлиб, кейинги алмашинув жараёнида иштирок этиш учун уларни бироз энергия билан таъминлаш зарур. Бунга моносаҳаридларни энергияга бой бўлган бирикмалар билан реакцияга киритиш ва фосфорли эфирлар ҳосил қилиш йўли билан эришиилади. 2 Гликолизнинг биринчи босқичида глюкоза гексокиназа ферменти иштирокида фосфорланади ва глюкоза-6-фосфатга айланади. Бунинг учун бир молекула АТР сарфланади Глюкоза-6-фосфат фосфоглюкомутаза иштирокида изомерланиб, фруктоза-6-фосфатга айланади, у иккинчи молекула АТР иштирокида фосфорланиб фруктоза-1,6-дифосфатга айланади.Бу жараёнда фосфофруктокиназа ферменти иштирок этади. Навбатдаги реакцияда фруктоза-1,6-дифосфат альдоза иштирокида 3фосфоглицерин алдегиди (3ФГА) ва фосфодиоксиацетонга парчаланади. Фосфодиоксиацетон осонлик билан триозафосфатизомераза иштирокида 3ФГА га айланади. Бу ерда реакциялар иккита уч углеродли бирикма ҳосил бўлиши билан борганлиги учун бу йўл дихотомик оксидланиши ҳам дейилади. Гликолизнинг иккинчи босқичида 3ФГА оксидланиб, 3-фосфоглицерат кислота (3ФГК) ҳосил қилади, унда триозафосфатдегидрогеноза иштирок этади. Бу ферментнинг актив қисмини NAД ташкил қилади, реакцияда АДР ва фосфат кислота иштирок этиб, АТР ҳосил бўлади. Реакция давомида ҳосил 2 William, Norman, 2009

бўлган ацилфермент фосфоролизга учрайди ва натижада макроэргик карбоксифосфатга эга бўлган 1,3-дифосфатглицерат кислота ҳосил бўлади. 1,3 ДФГК АДР билан кайта фосфорланиб АТР ва ЗФГК ҳосил бўлади. Гликолизнинг охирги босқичида ЗФГК фосфоглицератмутуза ферменти иштирокида изомерланиб, 2ФГК га айланади ва у бир молекула сувни ажратиб,фосфопируват кислотасининг енол шаклига айланади . Бу реакцияда енолоза ферменти иштирок этади. Фосфоенолпируват (ФЕП) ўз навбатида пируваткиназа ферменти иштирокида, АДР билан реакцияга киришиб, АТР ҳосил қилади. Енолпируват пируватга (пироузум кислотага) айланади. Бир молекула глюкозанинг парчаланишида 2 молекула пируват ҳосил бўлади. Бу реакциялар натижасида энергияга бой бўлган бирикмалар-4 молекула АТР ва 2 молекула қайтарилган NАД Н 2 ҳосил бўлади. Ҳар бир молекула NАД Н 2 ёки NАДР Н 2 оксидланишидан 3 молекула АТР, жами 6 молекула АТР ҳосил бўлади. Ҳосил бўлган 4 та молекула АТРнинг 2 таси субстратни активлантиришга кетади, натижада 8 молекула АТР ҳосил бўлади. Ҳар бир АТРнинг энергияси 10ккал деб ҳисобласак, унда гликолиз жараёнида 80 ккал энергия ҳосил бўлади. Аэроб нафас олиш. Нафас олишнинг аэроб босқичи иккинчи асосий босқич саналади. Бу босқичда пироузум кислота СО 2 билан сувга тўлиқ парчаланади. Бу жараён аэроб шароитида содир бўлиб, бир катор оралиқ моддалар, ди- ва трикарбон кислоталар иштирок этади. Уларнинг бир-бирига айланиши халқадан иборат. Шунинг учун ҳам цитрат ди-ва трикарбон кислоталар цикли деб аталади. Бу реакциялар тузилишини (хайвонлар организмида) 1930 йилда инглиз биохимиги Л. А. Кребс таклиф қилганлиги сабабли унинг номи Кребс цикли деб ҳам аталади. Ўсимликларда ҳам шу тизим мавжудлигини 1939 йилда инглиз олими А.Чибнелл аниқлаган.

Пируват кислота аэроб шароитида аввало фаоллашган бирикма ацетил- СоАга айланади. Фаоллашган ацетил СоА нинг оксидланишидан циклик жараёнлар бошланади. Кребс циклининг биринчи босқичида ацетил СоА оксалоацетат билан ўзаро реакцияга киришиб, цитрат кислота (лимон кислота) ҳосил қилади. Бу реакцияда цитратсинтетаза ферменти иштирок этади ва бу халқадаги энг мухим махсулотлардан бири ҳисобланади. Шунинг учун бу жараён цитрат цикли деб ҳам аталади. Цитрат кислота аконитаза ферменти иштирокида дегидратацияланади ва цис-аконит ҳосил қилади, цис-аконит кислота яна бир молекула сув бириктириб олиб изоцитрат кислотага айланади. Изоцитрат кислота дегидратацияга учраб, оксалосукцинат кислотага айланади. Бу реакцияда изоцитратдегидрогеназа ферменти иштирок этади. Унинг фаол қисмини NАДР ташкил қилади ва у реакцияда NАДР Н га қайтарилади, тезликда оксалосукцинат кислота декарбоксилланиб,  кетоглутар кислотага айланади.  -кетоглутар кислота яна декарбоксилланади ва натижада СО 2 ажралиб чиқади, NАД Н ва сукцинил- СоА ҳосил бўлади. Сукцинил-СоА-синтетаза ферменти АДР ва фосфат кислота иштирокида энергияга бой бўлган сукцинил-СоАдан сукцинат кислота (кахрабо кислота) ҳосил бўлади ва АТР ажралиб чикади. Сукцинат кислота оксидланиб, фумарат кислотага айланади, реакцияда сукцинатдегидрогенеза ферменти иштирок этади. Бу ферментнинг фаол қисми ФАД бўлиб, у ФАД Н 2 га қайтарилади. Фумарат кислота бир молекула сувни бириктириб, фумараза ферменти иштирокида малат кислотага айланади. Бу кислота ўз навбатида малатдегидрогеназа ферменти иштирокида оксалоацетат кислотага айланади. Ферментнинг фаол қисмини NАД қилиб, у реакция жараёнида NАД Нга қатарилади.

Доиранинг якунида ҳосил бўлган оксалоацетат кислота ўз-ўзидан тезда енол шаклга ўтади ва янги ацетил СоА молекула билан бирикиб, янги циклни бошлайди. Шундай қилиб ҳар бир циклда бир молекула пироузум кислотасидан уч молекула СО 2 ажралади, уч молекула сув иштирок этади ва беш жуфт водород атоми иштирок этади. Реакцияларда З NАДН, NАДР Н, ФАД Н 2 ва бир молекула АТР ажралади. Агар ҳар бир молекула NАД Н ва NАДР Н ларнинг энергияси уч молекула АТРга тенгбўлса, у холда 12 молекула АТР бўлади. Бир молекула ФАД Н 2 нинг энергияси икки молекула АТРтенг бўлса ва реакция натижасида бир молекула ажралиб чиққан АТР билан биргаликда умумий миқдор уч молекула АТРни ташкил қилади. Натижада бир молекула пируватнинг оксидланишидан 15 молекула АТР ҳосил бўлади. Агар бир молекула глюкозани гликолизи натижасида икки молекула пироузум кислота ҳосил бўлишини ҳисобга олсак, 30 молекула АТР нафас олишнинг аэроб босқичида ҳосил бўлади. Бундан ташқари 8 молекула АТР бошлангич анаэроб босқичда ҳосил бўлади. Демак бир молекула глюкозанинг парчаланишидан 38 молекула АТР ҳосил бўлиб, унинг энергияси 380 ккал моль бўлади. Агар глюколизнинг парчаланиши натижасида ажралиб чиққан эркин энергияни ҳам қушиб ҳисобласак 686 ккол/моль бўлади ва ишлатилган энергия эффекти нисбатан юқори бўлади: Бундан ташқари бу циклда ҳосил бўлган оралиқ махсулотлар янги органик моддаларни синтез қилиш учун сарфланади. Аввало органик кислоталарнинг азот алмашинувда, оқсиллар синтези ва парчаланишидаги хиссасини кўрсатиб ўтиш керак. Кетокислоталардан қайта алмашиниш ва аминланишини тиклаш натижасида аминокислоталар ҳосил бўлади. Пироузум кислотасидан алонин, оксалоацетат кислота ва  -кетогулотор кислотадан аспорагин ва глутамин кислоталар ҳосил бўлади. Ацетил-СоА иштирокида липидлар, полеизопрен ва бошқа бирикмалар ҳосил бўлади.

Ди-ва трикарбон кислоталар циклида 1 молекула пируватнинг оксидланиши натижасида 4НАДН, ГТФ ва ФАДH2 хосил бўлади. Хар бир молекула НАДH (НАДФH) оксидланиши 3 молекула АТФни, ФАДH2 оксидланиши эса 2 молекула ATФ ни хосил қилади. Бундан 1 молекула

пируват натижасида 15 молекула АТФ ни хосил қилади деб айтишимиз мумкин. Гликолиз жараёнида 1 молекула глюкозадан 2 молекула пируватни хосил бўлишини эътибрга олсак, Кребс циклида 30 молекула АТФ хосил бўлади деб айтишимиз мумкин. Агар гликолиз натижасида хосил бўладиган 8 молекула АТФни хам хисобга олсак, глюкозани тўлиқ парчаланиши натижасида 38 молекула АТФ хосил бўлишини кўриш мумкин (=380 ккал). Хар бир АТФ молекуласи мураккаб фосфоэфир боғининг энергетик қуввати 10 ккал/моль (ёки 41,87 кДж/моль ) бўлиб, гликолиз хамда ди-ва трикарбон циклининг эффектив энергияси 380 ккал ёки 1256 кДж/моль га тенгдир. 686-380=306 ккал иссиқлик тарзида чиқиб кетади Глиоксалат цикли.Бу цикл бактериялар ва моғор замбуруғларида аниқлаган эди. Кейинчалик аниқлашича у мой тупловчи ўсимлик уруғларида амалга оширилар экан. Глиоксалат цикли ҳужайрадаги махсус органоид- глиоксисомаларда амалга ошади. Бу циклда захирадаги ёғлар шакарга айлантирилади (глюконогенез). Хайвон ҳужайрасида бу цикл бўлмайди. Қуйида мой берувчи ўсимликлар ва улар таркибидаги мойнинг миқдорлари берилган. 64 Глиоксалат цикли Кребс циклининг ўзгарилган шакли бўлиб, то изоцитрат кислота ҳосил бўлгунча Кребс цикли каби бўлади. Кейин изоцитрат кислота изоцитратлиаза иштирокида глиоксил ва сукцинат кислоталарга парчаланади. Глиоксилат малатсинтетаза иштирокида 2чи молекула ацетил-СоА билан ҳамкорликда малат кислота ҳосил қилади ва у яна оксалоацетат кислотага айланади. 1) Кребс циклининг бир қисмида : изоцитрат кислота а-кетоглу тарат кислота сукцинил СоА сукцинат кислота фумарат кислота малат кислота

2) Глиоксилат циклининг шу қисмидаизоцитрат кислота сукцинат кислота глиоксалат кислота ацетил СоА малат кислота. Кребс циклидан фарқли ўлароқ бу циклда глиоксалат кислота ва ацетил СоА ҳосил бўлади ва натижада ҳар бир доирада икки молекула ацетил СоА иштирок этади. Умуман глиоксалат цикли запас ёғларни сарфлайди ва ёғларнинг парчаланишида оралиқ модда - ацетил СоА ҳосил бўлади. Шундай қилиб, Кребс циклидан фарқли уларок, глиоксалат циклида икки молекула ацетил-СоА иштирок этади ва бу фаоллашган ацетил оксидланишида эмас, балки сукцинат кислота ҳосил бўлишида ишлатилади. Сукцинат кислота циклдан чиқиб, глюконогенезда иштирок этади. Бундан ташқари ҳар икки молекула ацетил-СоА ҳисобига бир молекула NАД Н кайтарилади ва унинг энергияси митохондрияларда АТР синтезига сарф бўлиши мумкин. Глиоксилат кислота гликокол аминокислотасининг ҳосил бўлиши учун дастлабки модда ҳисобланади

Адабиётлар: 1. James E. Bidlach, Snelly H. Jansky. Stern's introductory Plant biology. – USA: McGrow-Hill, 2008, 622 p. 2. Lincoln Taiz, Eduardo Zeiger. Plant physiology. USA, University of California, Los Angels, 2002. 3. Hans-Walter Heldt. Plant Biochemistry. Elsevier Academic Press, 2005. – 625 рр. 4. Алимова Р.А. Қишлоқ хўжалик ўсимликлари биокимёси фанидан лаборатория машғулотлари: ўқув қўлланма. – Тошкент: ТошДАУ, 2000. – 5 б. 5. Алимова Р.А., Сагдиев М.Т. Ўсимликлар физиологияси ва биокимёси: ўқув қўлланма. – Тошкент, 2013. – 320 б. 6. Бекназаров Б.О. Ўсимликлар физиологияси: дарслик. – Тошкент: ЎзМУ, 2009. – 480 б.

Похожие

Ўсимлик тузилишининг асоси углеводлар

Стресс омиллар ва уларга ўсимликларни жавоб реакциялари

Фотосинтез ва пигментлар фотосинтезнинг ёруғлик реакциялари

Ўсимликлардаги нафас олиши механизмлари

Тупрок xосил бўлишида тирик организмларнинг роли