МИКРОБИОЛОГИЯ ТЕХНИКАСИ - Биология - Рефераты

МИКРОБИОЛОГИЯ ТЕХНИКАСИ

Загружено в:

20.09.2019

Скачано:

0

Размер:

1586.5 KB

www.arxiv.uz Режа : 1. Микроскоп ва микроскопларда кўриш 2. Кузатиш майдонини қоронғи қилиб кўриш, фаза-тафовутли, люминесцент ва электрон микроскопларда кўриш

www.arxiv.uz Микроскоп ва микроскопларда кўриш Микроскопнинг тузилиши. Биология микроскоплари шаффоф препаратларни улардан ўтадиган ёруғликда 56 дан 2000 мартагача катталашиб кўриш учун қўлланилади. Микрокўз (юнонча Мюгох - кичик, skoр - кўраман) - бу қуролланмаган кўз билан кўриб бўлмайдиган майда организмлар ва организм тузилмалари ҳамда ўсимлик ва ҳайвон тўқималари тузилмаларининг тасвирини бир неча марта катталаштириш учун мўлжалланган оптик асбоб. Республикамизда МБИ-1, МБИ-2, МБИ-3, МБИ- 6, МБР-1 (17-расм), МБР-2, МБР-3 (18-расм), МБР-4, Биолам - Р-1, Биолам-70 ва бошқа турдаги мик-роскоплар кенг қўлланилади. Микроскоп механик ва оптик қисмлардан ташкил топади. 17-р асм Биологик микроскоп 18 - расм МБР-1: 1 - ойна; 2 - конденсор; 3 - предмет стол-часи; 4 - объектив; 5 - револьвер; 6 -окуляр; 7 - тубус; 8 - тубус- у шлагич; 9 - предмет столчасини жойини ўзгартирувчи винтлар; 10 - макрометрик винт; 11 -микрометрик винт; 12 -микроскопнинг таянчи МБР-3: 1 - микроскопнинг асоси; 2 - ойна; 3 - кронштейн конденсор билан; 4 -предмет столчаси; 5 - револьвер объ-ективлар билан; 6 - бинокуляр ту-бус; 7 - тубусушлагич; 8 - макрометрик винт дастаси; 9 - микрометрик винт дастаси; 10 - микромеханизм қутиси Микроскопнинг механик қисми штатив, буюм столчаси, револьвер, тубус, макро ва микрометрик винтларни ўз ичига олади. Штатив одатда металл ёки пластмассадан ясалган бўлади. Штативнинг пастки қисми микроскопнинг тиргак оёқчаси вазифасини бажаради, юқори қисми эса (ён шаклида) тубусни ушлаб туриш учун хизмат қилади. Тубус ушлагичнинг юқори қисмида револьвер қурилмаси жойлашган бўлиб, у иккита

www.arxiv.uz пластинкадан ташкил топган ва тубус билан туташтирилган. Пастки пластинка ўз ўқи атрофида айланади ва объективларни бураб маҳкамлаш учун уячага эга, юқори қисми эса қўзғалмайдиган қилиб маҳкамланган. Ҳар қандай объективни айлантириб тубус остига олиб бориш мумкин. Револьверда қия ва тик тубусни маҳкамлаш учун уяча мавжуд. Қия тубусни тик ўқ атрофида айлантириб хоҳлаган ҳолатга келтириш ва винт билан маҳакамлаш мумкин. Окулярнинг юқори томонига алмаштириладиган окулярлар қўйилади. Тубус ушлагич ва унга ўрнатилган системалар винтлар ёрдамида ҳаракатлантирилади. Макрометрик винт тубусни микроскопнинг оптик ўқи бўйлаб ҳар иккала томонга тез ҳаракатлантириш ва бошланғич (хомаки) фокусга олиш учун ишлатилади. Унинг бир марта айланиши тубусни 20 мм силжишига тўғри келади. Микрометрик винт эса нозик фокусга олиш учун мўжалланган. Унинг тўлиқ бир марта айланиши тубус ушлагични 0,1 мм га кўтаради ёки туширади. Микрометрик винтнинг барабанида 50 та бўлинма чизилган бўлиб, уларнинг ҳар бири системани икки микрометрга силжишига тўғри келади. Микрометрик фокусга олиш механизми тишли ғилдираклар ва ричагдан ташкил топган. У бузилиб қолмаслиги учун эҳтиёткорлик билан ишлатилиши лозим. Уни охиригача бураш тавсия этилмайди. Винтлар соат стрелкаси йўналишида буралганда микроскопнинг тубус ушлагичи пастга тушади, аксинча эса юқорига кўтарилади. Препаратни ёритувчи нурларн ўтиши учун буюм столчасининг ўртасида туйнук ясалган. Столчани унинг чап ва ўнг томонларида жойлашган иккита винт ёрдамида горизонтал текислик бўйлаб 8 мм га силжитиш мумкин. Бу эса препаратнинг ҳар қандай нуқтасини кўриш майдони марказига жойлаштириш имконини беради. Столчани юзасида препаратни маҳкамлаш учун иккита қисқич мавжуд. Микроскопнинг оптик кисми ёритиш аппарати, объектив ва оқулярлардан ташкил топган. Ёритиш аппарати буюм столчасининг остида жойлаштирилган. У кўриш майдонини бир текис ёритиш учун мўлжалланган ва кўзгу ҳамда ирис диафрагмали кондерсордан ташкил топган. Кўзгу ясси ва ботиқ юзали бўлиб, ёруғлик нурларини қайтариш учун хизмат қилади. Ясси юзали кўзгу табиий ёруғлик яхши бўлганда ва микрофотосъемкаларда ишлатилади. Ботиқ юзали кўзгудан эса сунъий ёруғликда ва табиий ёруғлик кучсиз бўлганда фойдаланилади. Кўзгунинг тепасида конденсор жойлашган. У ёруғлик манбаидан тушаётган ва кўзгу қайтараётган параллел нурларни препарат саҳнида битта нуқта-фокусга йиғарди. Конденсор ясси-қабариқ (юқори) ва икки томонлама қабариқ (пастки) иккита линзадан иборат. Бу линзалар ирис диафрагма билан биргаликда цилиндрик гардишга ўрнатилган. Ирис диафрагма пастки линза остида жойлашган бўлиб, бир неча ҳаракатланадиган ўроқсимон пластинкалардан ташкил топган. Ричаг ёрдамида бу пластинкаларни қисқартириб ёки кенгайтириб препаратни ёритилишини тартибга солиш

www.arxiv.uz мумкин. Бўялган препаратлар кўп ҳолларда ёруғликни тутиб қолади. Шу туфайли улар диафрагмани очиб қўйган ҳолда кўрилади. Бўялмаган препаратлар («осилган томчи» ёки «эзилган томчи») ярим очиқ диафрагмада кучсиз ёруғлик дастасида кўрилади. Бундай кўриш майдонида бўялмаган микроб шаклларининг тафовутлилиги ортади. «Биолам» сериясидаги микроскопларда қўшимча гардишли қайтарма линза бўлиб, ундан кўп катталаштирмайдиган объективлар билан ишлаганда фойдаланилади. Конденсор остида ёруғлик фильтри учун қайтарма ҳалқа жойлашган. Объективлар - микроскопнинг энг муҳим ва қимматли қисми ҳисобланади. Улар металл гардишга маҳкамланган линзалар тизимидан ташкил топган. Олдинги (фронтал) линза - энг кичик бўлиб, асосий катталаштириш у орқали амалга оширилади. Қолган линзалар (коррекцион) оптик тасвир камчиликларини тузатади. Объективлар ахроматлар ва апохроматларга бўлинади. Ахроматларда олтитагача линза бўлади. Бундай объективларнинг нуқсони - бу хроматик аберация, яъни ёруқликнинг спектр таркибий қисмларига ажралишидир. Апохроматлар эса бундай нуқсондан холи. Улар турли кимёвий таркибдаги шишалардан тайёрланган ўнта, баъзи ҳолларда эса ўн иккитагача линзадан ташкил топади. Апохроматлар тасвирнинг бир текисда аниқ бўлишига ёрдам беради. Бундай объективларнинг гардишига «АПОХР» деган белги қўйилган бўлади. Фойдаланиш усулига кўра барча объективлар қуруқ ва иммерсион (мойга ботирилган) турларга бўлинади. Қуруқ объективларда фронтал линза ва кўрилаётган препарат ўртасида ҳаво бўлади. Иммерсион объективларда эса фронтал линза ва препарат ўртасига мой (кедр, канакунжут, қалампир мунчоқ мойлари ва бошқа) тўлдирилган бўлади. Устида препарат тайёрланган ойна, объективлар ойнаси ва мой (кедр мойи) нинг ёруғликни синдириш кўрсатгичи деярли бир хил (1,52 ва 1,515) бўлади. Нурлар бир муҳитдан иккинчисига ўтаётганда синмайди, ёруғлик сочилиб кетмайди, кўрилаётган объектлар тасвири ўзгармайди ва яхши кўринади. Бошқа мойлар ҳам ойнаникига яқин ёруғликни синдириш кўрсатгичига эга: канакунжут мойи (1,48-1,49), қалампирмунчоқ мойи (1,53) ва канакунжут ва қалампирмунчоқ мойларининг омихтаси (1,515) шулар жумласидандир. Ҳаво ва ойнанинг ёруғликни синдириш кўрсатгичлари турлича (1,0 ва 1,52), шу туфайли ёруғлик нурлари бир муҳитдан иккинчисига ўтаётганда синади, сочилиб кетади , кўрилаётган объектларнинг тасвири қисман бузилади. Қуруқ системалар (  8,  10,  20,  40,  60) нинг каттаташтириш имконияти унча юқори бўлмаганлиги сабабли кўрилаётган объектларнинг тасвири жуда бузилиб кетиши кузатилмайди. Иммерсион объективлар (  90,  100 ) қисқа фокус масофаси ва кўп марта катталаштириш имконияти билан ажралиб туради. Ш унинг учун фронтал линза ва кўрилаётган объект орасидаги масофа унча катта эмас. Бу эса мазкур системадан фойдаланаётганда линза ва препаратни шикастламаслик учун жуда эҳтиёткорлик билан ишлашни талаб этади. Окулярлар тубуснинг юқоридаги учида эркин ўрнатилган. Микроскоп окуляри иккита яссиқабариқ линзадан ташкил топган бўлиб, уларнинг

www.arxiv.uz қабариқ томони объективга қаратилган ва металл гардишга солинган. Линзалар ўртасида доимий металл диафрагма ўрнатилган. Диафрагма ёнидан келадиган нурларни тутиб қолади, оптик ўққа яқин нурларни ўтказади. Бу эса тасвирнинг тафовутини кучайтиради. Кўз томонга қараган линза кўз линзаси, объектив то-монга қарагани эса йиғувчи линза деб аталади. Қисқа окулярлар кучлироқ, узунлари эса кучсиз катталаштириш имкониятига эга. Катталаштириш имкониятига қараб окулярлар  5,  7,  10,  12,5,  15,  20 каби белгилар билан белгиланади. Объектив ва окулярлардаги сонлар бу системаларнинг катталаштириш имкониятларини билдиради. Махсус компенсаторли окулярлар объектив-апрохроматлар билан ишлаш учун хизмат қилади. Бундай окулярларнинг гардишига «КОМП» белгиси туширилган бўлади. Микроскопнинг асосий тавсифларига катталаштириш ва йўл қўйиш имкониятлари киради. Микроскопнинг умумий катталаш тириши объектив ва окулярнинг катталаштириш даражалари кўпайтмасига тенг. Масалан, катталаштириш даражаси  8 ва окулярники  7 бўлганда, микроскопнинг катталаштириш имконияти 56 га тенг, агар объективнинг катталаштириш даражаси  90 ва окулярники  20 бўлса, бу кўрсатгич 1800 га тенгдир. Бинокуляр микроскоп иккита окулярга эга ва объектни иккала кўз билан кўриш имконини беради. Бинокуляр микроскопнинг умумий катталаштириш имкониятини аниқлаш учун объектив ва окулярнинг катталаштириш даражалари кўпайтмасини учинчи сонга - бинокуляр насадкани катталаштириш даражасига кўпайтириш лозим. Бинокуляр насадкада окуляр ўртасида унинг катталаштириш даражаси (  1,5;  1,6) кўрсатилади. Олинадиган тасвирнинг аниқлиги микроскопнинг рухсат этиш имконияти, яъни ушбу асбоб ёрдамида кўриш мумкин бўлган объектлар ёки уларнинг деталларини энг кичик ўлчамлари билан белгиланади. Бу микроскопларни, шу жумладан электрон микроскопларни ҳам баҳолашда энг муҳим кўрсаткичдир. Энг юқори йўл қўйиладиган имконият, электрон микроскопларники ҳисобланади. Электрон микроскопларнинг юқори йўл қўйиш имконияти жуда кичик узунликдаги электрон тўлқинлар ёрдамида эришилади. Нурланиш манбаси, тарқатаётган тўлқинлар узунлиги қанчалик қисқа бўлса, микроскопнинг йўл қўйиладиган имконияти шунчалик юқори бўлади. Объектни тўлқин узунлиги янада қисқароқ бўлган нурланиш ёрдамида, ёритиш ёки муҳитнинг нурни синдириш кўрсаткичини ошириш йўл қўйиладиган имкониятни ошириши мумкин. Ҳозирги вақтда яққол (бўртма) тасвирли микроскоплар ҳам мавжуд. Улар ўрганилаётган объектни уч ўлчовда кузатиш имконини беради. Проекцион микроскопларда препаратларнинг ёритилиши катга аҳамиятга эга. У қанчалик юқори бўлса, препаратнинг кўриниши ҳам шунчалик яхши бўлади. Бундай имконият кучли ёруғлик кучайтиргичли лазер микроскопларда мавжуд. Шу сингари бошқа манбалардан фарқи шундаки, улар биологик объектларни емирмайди ва тасвирни экранга тушириш имконини беради.

www.arxiv.uz Микроскопда кўриш техникаси. Микроскоп билан ишлаганда тарқоқ кундузги ёруғлик ёки сунъий ёруғликдан фойдаланиш мумкин. Замонавий микроскопларда ёруғлик манбаси микроскопнинг асосига ўрнатилган. МБИ- 1, МБР-1, МБР-3 ва бошқа микроскопларда бундай мослама йўқ. Шу сабабли сунъий ёритиш учун махсус ёриткичлар ишлатилади. Масалан, ОИ-19 (19- расм). 19-р асм ОИ-19 ёритқичи: I - ёритқич корпуси; 2 - қисқич мосламаси; 3 - устунча; 4 - патрон лампаси билан Ми кр оскоп билан ишлаш муайян малакага эга бўлишини талаб этади. Шунинг учун уни ишлатишдан олдин микроскопдан фойдаланиш қоидаларини ўзлаштириш лозим. Микроскопни ғилофдан чиқараётганда бир қўл билан тубус ушлагични, иккинчи қўл билан эса штатив оёқчасидан ушлаш керак. Микроскопни қийшайтириш мумкин эмас. Чунки бунда окуляр тубусдан тушиб кетиши мумкин. Иш столида микроскоп, столнинг четидан 3-5 см масофада туриши керак. Ишни бошлашдан олдин юмшоқ қуруқ латта билан, бармоқларни линзага тегизмасдан, микроскопнинг механик ва оптик қисмларидаги чанг тозаланади. Микроскопнинг кўриш майдонида тўғри ёруғлик ҳосил қилинади. Револьвер ёрдамида катталаштириш даражаси  8 бўлган объектив маҳкамланади. Револьвер пружинаси чиққиллаган овоз чиқарса ва енгил тақалса, объектив оптик ўқ бўйлаб ўрнатилган ҳисобланади. Макрометрик винт ёрдамида объектив буюм столидан 0,5-1 см масофага туширилади. Ирис диафрагма тўлиқ очилади ва конденсор тақалгунга қадар кўтарилади. Окулярга қаралади ва кўзгуни буриб, ёруғлик манбасидан тушаётган ёруғлик нурлари ирис диафрагманинг туйнукчаси орқали объективга йўналтирилади. Агар тўғри ёритилса микроскопнинг кўриш майдони яхши ва бир текис ёритилган доира шаклида бўлади. Бўялган препаратларни микроскопда кўришда конденсорнинг юқоридаги линзаси буюм столчаси сатҳида жойлашган бўлади. Бўялмаган препаратларни кўраётганда конденсорни тушириш ва ирис диафрагмани ёпиш йўли билан хоҳлаган ёритилиш даражасига мосланади. Тайёрланган препарат буюм столчаси устига қўйилади ва қисқичлар билан маҳкамланади. Катталаштириш даражаси х8 бўлган объектив ёрдамида бир нечта кўриш майдони кузатилади. Буюм столчаси ён томонида жойлашган винтлар билан сурилади. Препаратнинг тадқиқот учун зарур қисми кўриш майдонининг марказига жойлаштирилади. Тубус кўтарилади ва

www.arxiv.uz револьверни айлантириш йўли билани  40 ёки  6О ли объектив ўрнатилади. Ён томондан кузатган холда тубус объектив билан бирга макрометрик винт ёрдамида препаратга теккунга қадар туширилади. Окулярга қаралади ва тубус тасвир контурлари кўрилгунга қадар жуда секинлик билан кўтарилади. Микрометрик винтни у ёки бу томонга айлантириш йўли билан, лекин бунда у тўлиқ бир оборотдан ортиқ буралмаслиги лозим, аниқ фокусировка олинади. Агар микровинтни бураётганда қаршилик сезилса у охиригача етган бўлади. Бундай ҳолларда винт тескари томонга бир-икки марта тўлиқ буралади, макровинт ёрдамида яна тасвир топилади ва микровинт билан ишлашга ўтилади. Микроскопда кўраётганда иккала кўзни ҳам очиб ишлашга ва кўзлар камроқ чарчаши учун улардан навбати билан алмашиб фойдаланишга ўрганиш лозим. Иммерсион объективлар билан ишлаганда препаратга унча катта бўлмаган иммерсион ёғ томчиси томизилади. Револьверни буриб марказий оптик ўқ бўйлаб  90 ёки  100 ли иммерсион объектив ўрнатилади. Конденсор тақалгунга қадар юқорига кўтарилади. Ирис диафрагма тўлиқ очилади. Ён томонидан кузатган ҳолда, макрометрик винт ёрдамида тубус объектив мойга ботгунча, линза препаратнинг буюм ойнасига теккунга қадар, туширилади. Бу фронтал линза қўзғалиб кетмаслиги ва шикастланмаслиги учун жуда эҳтиёткорлик билан амалга оширилиши лозим. Шундан кейин, окулярга қараган ҳолда, макрометрик винтни ўзи томонга жуда секинлик билан бураш ва тубусни объект контури кўрингунга қадар кўтариш керак. Бунда иммерсион объективдаги бўш ишчи масофа 0,1-0,15 мм га тенг эканлигини унутмаслик лозим. Сўнгра микрометрик винт ёрдамида аниқ фокусировка олинади. Столчани ён томонидаги винтлар ёрдамида суриб препаратда бир нечта кўриш майдонлари кўрилади. Иммерсион объектив билан ишлаб бўлгандан сўнг, тубус кўтарилади, препарат чиқариб олинади ва объективнинг фронтал линзаси аввал қуруқ юмшоқ латта салфетка билан, кейин эса тоза бензин сал намланган худди шундай салфетка билан артилади. Линза сиртида ёғ қолдиқларининг қолиши мумкин эмас. Чунки у чанг ўтиришига имкон беради ва вақт ўтиши билан микроскоп оптикасининг шикастланишига олиб келиши мумкин. Иш тугагандан сўнг препаратни иш столчасидан олиш, конденсорни тушириш, тубус тагига  8 ли объективни қўйиш ва микроскопни ғилофга солиш ёки плексиглаз ёки шиша ёпқич билан ўраб қўйиш лозим . Кузатиш майдонини қоронғи қилиб кўриш, фаза-тафовутли, люминесцент ва электрон микроскопларда кўриш Кўрув майдонини қоронғи қилиб кўриш объективнинг йўл қўядиган имкониятини деярли 10 баробар ошириш ва ўлчамлари оддий микроскоп доирасидан ташқарида жойлашган объектларни кўриш имконини беради. Бунга объектни қия нурлар билан ёритиш орқали эришилади. Бу усул суюқлик ёки ҳавода жойлашган, оддий кўз билан кўринмайдиган жуда майда

www.arxiv.uz зарраларни ён томондан ёритиш пайтида юз берадиган ёруғлик дифракцияси ҳодисасига (Тиндаль ҳодисаси) асосланган. Микроскопнинг оддий конденсори қоронғи майдонли конденсор билан алмаштирилади. Кўрув майдони қоронғи қилинган микроскопда кўриш тирик микроорганизмларни ўрганишда қўлланилади. Ачитқи ҳужайраларини кузатаётганда кам ялтираётган цитоплазма фонида қора, оптик бўш вакуолалар, ялтираб турадиган липосома доналари яхши кўринади. Ўлаётган ҳужайраларнинг протопласти оқ ранг кўринишга эга. Фаза-тафовутли микроскопда кўриш. Фаза-тафовутли микроскопда кўриш тирик объектларни бўямасдан ва фиксация қилмасдан ўрганиш имкониятини беради. Бу усул ёрдамида бўялмаган объектлар рангларидаги фарқ (контрастлик) кучайтирилади. Бўялмаган препаратлар ёруғликни ютмайди. Улар инсон кўзи кўрмайдиган ёруғлик тўлқинлари фазасини ўзгартиради. Голланд физиги Ф. Цернике ёруғлик тўлқинлари фазасини ўзгартирди ва фаза-тафовутли объектив линзасига ҳалқасимон кул ранг қатлам тушириш йўли билан уларни кўринадиган қилди. Фаза-тафовутли мослама фаза-тафовутли объективлар (ахроматлар), диафрагмали револьвер конденсори ва ёрдамчи микроскопдан ташкил топган. Фаза объективларнинг оддийларидан фарқи шундаки, уларда линзанинг ички юзаси да жойлашган қора халқа кўринишидаги фаза пластинкаси мавжуд. Конденсор эса оддий микроскоплардаги сингари бўлиб, лекин револьвер мосламаси билан бирлаштирилган. Револьвер пластинкаси айлангандан ҳалқасимон диафрагмалар объективнинг фаза пластинкасига нисбатан ўз ўрнини ўзгартиради. Фаза-тафовутли қурилмани ёруғлик микроскопида ҳам ўрнатиш мумкин. Бунинг учун оддий объективлар фаза- тафовутли объективлар билан, конденсор эса диафрагмали револьвер конденсор билан алмаштирилади. Фаза-тафовутли қурилмалар ҳужайра тузилишини: бактерияларнинг хивчин ва қобиқларини, ачитқи ҳамда замбуруғларнинг ядро ва митохондрияларини ўрганиш имкониятини беради. Люминесцент микроскопда кўриш . Люминесценция - бу катталаштирувчи оптик асбоблар ёрдамида кузатиладиган жуда майда объектларнинг нурланиш ҳодисасидир. Биринчи люминесцент микроскоп 1908 йилда А. Кёлер ва Г. Зидентропф томонидан яратилган. Объектларнинг нурланиши иккига бўлинади: объектнинг ўз нурланиши (олдиндан бўялмаган ҳолда) ва ҳосил қилинган нурланиш (намунага бўёқ билан ишлов бериш натижасида). Объектга тўлқин узунлиги қисқа бўлган кўзга кўринмас ультрабинафша ёки кўк-бинафша нурлар билан таъсир қилинганда инсон кўзи кўрадиган узунроқ ёруғлик тўлқинига эга люминесценция қўзғалади. Бу ҳодиса люминесцент микроскопда кўриш учун асос қилиб олинган. Люминесцент микроскопда кўриш учун МЛ туридаги, «Люмам» ва бошқа шу каби микроскоплардан фойдаланилади. МЛ-2 люминесцент микроскопи (20-расм) кучли ёруғлик манбаси (симоб-кварцли лампа),

www.arxiv.uz ёруғлик фильтрлари ва биологик микроскопдан ташкил топади. Ёруғлик манбаси ва микроскоп кўзгуси ўртасига кўк-бинафша фильтр ўрнатилади. Қисқа тўлқинли ёруғлик нурлари препаратга тушади ва унинг нур таратишига туртки бўлади. Микроскоп окулярига сариқ ёруғлик фильтри ўралади. У кўк-бинафша нурларни (спектрнинг қисқа тўлқинли қисмини) қайтаради ва кўзга кўринадиган узун тўлқинли нурларни ўтказади. 20-р асм . Люминесцент микроскоп МЛ-2: 1 - микроскопнинг асоси; 2 -симоб лампали ёритқич; 3 -ўтувчан ва акс этган ёруғ ликни ўзгартирадиган даста; 4 - қорамтир майдонни ҳалқасимон диафрагмасини улайдиган даста; 5 - револь-вер светофильтри билан; 6 -предмет столчаси; 7 - бинокуляр тубус; 8 - тубус-ушлагич Люминесцент микроскопда кўришда иккинчи люминесценция катта аҳамиятга эга. У ўрганилаётган объектларга узун. тўлқинли ультрабинафша ва қисқа тўлқинли кўк-бинафша нурлар таъсирида нур тарқатиш хусусиятига эга бўлган махсус бўёқлар (флуоро-хромлар) билан ишлов берилгандан кейин юзага келади. Флуро-хромлар табиий ёки синтетик бўлиши мумкин. Улар кўп суюлтирилиб (10 -3 дан 10 -5 гача) қўлланилади. Тўқ сариқ акридин, аурамин, корифосфин, риванол, родамин, фиофлавин, трипофлавин, флуоресцин ва бошқа шу каби флуорохромлардан кенг фойдаланилади. Люминесцент микроскопда шаффоф ва шаффоф бўлмаган тирик объектларни ўрганиш мумкин. Улар рангли, янада йирикроқ ва тафовутли кўринади. Электрон микроскопда кўриш. Биринчи электрон микроскоп 1928- 1931 йилларда М. Кнолл ва Э. Руска (1986 йилда Нобель мукофотига сазовор бўлган) томонидан яратилган. Электрон микроскопда ёруғлик дастаси электронлар оқими билан алмаштирилган. Электрон нурларнинг узунлиги ёруғлик нурлари узунлигидан кўп марта қисқа. Бу эса кўп марта катталаштириш ва ёруғлик микроскопи ёрдамида кўриб бўлмайдиган объектларни кузатиш имконини беради. Электрон микроскопларнинг ёритадиган (ПЭМ), растрли (РЭМ), эмиссион, кўзгули ва бошқа турлари мавжуд. Кўриш имконияти 0,5 нм дан кичик бўлган ПЭМ ларга Россияда яратилган ЭВМ-100л ни киритиш мумкин. Унинг имконияти - 0,3 нм. Японияда ишлаб чиқарилган JЕМ-100В ва JЕМ-1200 ЕХ ("Джеол" фирмаси) ПЭМ ларнинг кўриш имконияти 0,2 ва 0,14 нм (21-расм).

www.arxiv.uz 21- р асм Электрон микроскоп J ЕМ - 100 В (рухсат этиш имконияти 0,2 нм): а - умумий кўриниши; 6- тузилиш схемаси; 1 -электрон пушка; 2 - пушка шлюзининг вакуум клапани; 3 - биринчи конденсор линзаси; 4 - иккинчи конденсор линзаси; 5 -иккинчи конденсор линзасини стигматори; 6 - электронлар тарамини оғдириш си c темаси; 7 - намунани ушлаб турувчи; 8 - объектив линзасининг стигматори; 9 -объектив линзаси; 10 - биринчи оралиқ линза; 11 - иккинчи оратиқ линза; 12 - проекция қиладиган линза; 13 - фотоэкспонометр датчиги; 14 - фотокамера; 15 - флюоресцент экран; 16 - бинокуляр; 17 - селектор диафрагма мехаиизми; 18 - аппертурали диафрагмани механизми; 19 - намунани ифлосланишдан асрайдиган мослама; 20 -намуна ушлагичлари учун магазин; 21 - электронлар тарамини жойидан силжишини компенсатори; 22 – юстировка дастаси Электрон микроскопда линза сифатида электромагнит линзалар қўлланилади. Улар электрон оқимлари ҳаракатини бошқарадиган электромагнит майдонини ҳосил қилади. Шиша линзалардан фойдаланиш мумкин эмас. Чунки электронлар шишадан ўтмайди. Электронларнинг манбаси сифатида потенциали 30-100 кВ га тенг бўлган 0,1 мм диаметрли вольфрам тола хизмат қилади. Ҳаво электронлар ҳаракатига тўсқинлик қилади. Шунинг учун микроскопнинг ичида вакуум ҳолатини сақлаб турилиши керак. Электрон пушкадан учиб чиқаётган юқори энергияли (60 кВ, тўлқин узунлиги 0,05 А га тенг) электронлар оқими конденсор линза билан бир жойга тўпланади ва ўрганилаётган объектга йўналтирилади. Электронлар дастаси объектни ёриб ўтади, сочилиб кетади ва объектив линзасининг йўналишини ўзгартирадиган майдонида йиғилади. Объектнинг биринчи катталаштирилган ҳақиқий тасвири юзага келади. Уни махсус кўриш ойнаси орқали кузатиш мумкин. Шундан сўнг электронлар оқими проекцион линзанинг (окуляр линзасига ўхшаш) электромагнит майдонига тушади. У биринчи тасвирни катталаштиради ва объект тасвирини  40000-50000 га катталаштириш имконини беради (22-расм) . Яна 5-6 марта катталаштирилган пировард тасвир флуоресция экранида еки фотоплёнкада ҳосил қилинади. Бунинг учун экран остига фотокамера ўрнатилади. Умумий катталаштириш  200000-300000 ва ҳатто  1000000 -2000000 ни ташкил этиши мумкин.

www.arxiv.uz 22- р а см . Электрон микроскопда нурларнинг ўтиши (схема): /—электр о н з амбараги, 2—конд е нсор линза, 3— буюм, 4— объектив линза, 5—оралиқ тасвир, 6— проекцион линза, 7—охирги тасвир. Электрон микроскоп ёруғлик микроскопи билан кўриб бўлмайдиган вируслар, фаглар, микоплазма, прокариот ва эукариотларнинг нозик ҳужайра тузилиши, уларнинг макро- ва микро тузилма элементлари ва бошқа субмикроскопик органелларни кузатиш имконини беради. Электрон микроскопда кўриш учун препаратлар шаффоф ва мустаҳкам бўлиши керак. Улар жуда юпқа махсус плёнкалар - коллодий подложкаларда тайёрланади. Плёнканинг қалинлиги - 1 мкм. Уларни ҳосил қилиш учун коллодийнинг амилацетатдаги 0,5-2% ли эритмасидан фойдаланилади. Плёнка эҳтиёткорлик билан жуда майда тешикчали (1 мм да 4-10 та тешик) таянч металл тўрга ётқизилади. Препарат тайёрланади, у дистилланган сув билан ювилади, яъни ёт аралашмалардан (муҳит қолдиқлари, тузлар) тозаланади, қуритилади, металл (хром) билан чанглантирилади ёки фосфор- вольфрам кислотаси, уранилацетат ва бошқа шу кабилар ёрдамида тафовутланади. Ҳужайра тузилишини ўрганиш, махсус ишлов берилгандан кейин вирусларнинг жойланишини аниқлаш учун ультрамикротомларда жуда юпқа қирқимлар тайёрланади. Шундай экан, злектрон микроскопларда микроорганизмлар тирик ҳолатдаэмас, балки фиксация қилинган препаратлар кўринишида ўрганилади. Ёруғлик микроскопида иммерсион система билан ишлаётганда фокус чуқурлиги 0,25 мкм ни ташкил этади. Фокус узунлигини сканер қиладиган (растр) электрон микроскоп ёрдамида 100 мартадан ортиқ катталаштириш мумкин. У ёруғлик ва ёритиб кўриладиган электрон микроскоплар ёрдамида ҳосил қилинадиган икки ўлчамли (ясси) тасвир ўрнига уч ўлчамли (бўртма) тасвир олиш имконини беради. Сканерлайдиган микроскопнинг ишлаши ўрганилаётган объект юзаси бўйлаб электронлар дастасини телевизион усулда ёйиш принципига асосланган. Бу унинг фазовий рельефини аниқлаш имконини беради. Сканерлайдиган микроскопнинг катталаштириш имконияти ЭПМ ларникига нисбатан анча паст бўлсада, тасвир равшанлиги ва бўртмалигининг катта чуқурликда бўлиши ҳисобига сифат юқори даражада бўлади (23-расм). Сканерлайдиган нурлари бўлган биринчи соддалаштирилган РЭМ М. Кнолл томонидан 1935 йилда яратилган. Янада такомиллаштирилган РЭМ 1942 йилда В.К. Зворикин ва бошқалар томонидан (АҚШ) ишлаб чиқилган.

www.arxiv.uz Саноатда биринчи РЭМ қурилмаси 1965 йилда пайдо бўлган (Англия, Кембридж). 23-расм. Куртакланаётган ачитқи хужайралари сканерловчи микроскопда

www.arxiv.uz АДАБИЁТЛАР 1. Панфилова Н.Е. Сут ва саломатлик. Тошкент- «Меҳнат» 1991й.124 б. 2. Регулятор ы роста растений /Под. ред. Г.С.Муромцева/ М., 1979. 3. Семихатова Н.М. Хлебопекарн ые дрожжи. М, 1980. 4. Готтиеалк. Метаболизм бактерий. М., 1982. 5. Егоров Н.С . Основ ы учения об ан т ибиотиках. М., 1986. 6. Ауэрман Л.Я . Технология хлебопекарного производства. М, 1972. 7. Стейнцер Р, Э.Эдельберг, Ингрэм Дж. Мир микробов. в 3 т. Шер. с англ/ Под ред. Е.Н.Кондратьевой и др. М,. 1979. 8. Маслин Д.М. Анзамицин (обзор) /Антибиотики. М., 1979. Т24. №7. С. 535- 557. 9. Производство атибиотиков /Под. ред. С.М. Новешини и др. М., 1970. 10. Хакимова Ш.И . «Шаробчилик микробиологияси». Тошкент. ТКТИ. 2001. 11. Абдуллаев Р., Сафаров К., Аҳмедов Й., Асомов Д. Ўсимликлар биохимиясидан амалий машғулотлар. Тошкент «Ўқитувчи» 1994. 12 . Гариев Б.Г. Микробиологиядан амалий машғулотлар. Тошкент «Ўқитувчи» 1985. 13. Давронов Қ.Д,. Хўжамшукуров Н.А. Техник микробиология – маъруза матнлари. Тошкент-2003 ТошДАУ. 14. Фёдоров.М.В. Микробиология. Тошкент «Ўқитувчи техник микробиология. Тошкент. 2003.» 1966. 15. К.А. Мудрецова-Висс. Микробиология. М.: «Экономика». 1978. 16. Вербина Н.М., Каптерева Ю.В. Микробиология пищевых производств. М, ВО «Агропромиздат». 1988. 17. Асонов Н.Р. Микробиология. Москва . ВО «Агропромиздат» 1989. 18. С .В.Нецепляев. А.Я Панкратов. «Лабораторный практикум по микробиологиии пищевых продуктов животного происхождения» М., Агропромиздат 1990. 19 . Заварзин Г.А. Введение в природоведческую микробиологию. Книжный дом Университет, 2001, -С.256.

Похожие

Микробиология тадқиқодларинининг асосий методлари

Микробиология предмети, вазифалари ва бошқа фанлар билан боғлиқлиги

Микробиология ва қишлоқ ҳўжалиги биотехнологияси фанининг мақсади, вазифаси ва ривожланиш тарихи

БАКТЕРИЯЛАР

Саноат микробиологияси