Keramzit qumi. Agloporit ishlab chiqarish texnologiyasi - Архтектура - Рефераты

Keramzit qumi. Agloporit ishlab chiqarish texnologiyasi

Загружено в:

28.10.2022

Скачано:

0

Размер:

253.654296875 KB

Keramzit qumi. Agloporit ishlab chiqarish texnologiyasi Reja: Keramzit qumi  Agloporit ishlab chiqarish texnologiyasi  Xomashyo materiallar  Agloporit ishlab chiqarishning texnologik asoslari  Agloporit qumi va shag’aliga qo’yiladigan talablar  Agloporitni qo’llash soxasi

Keramzit qumi turli donadorlik tarkibiga ega gilli jinslarni kuydirishda ko’pchishidan olinadi. Kuydirishni jadallashtirish uchun mayda donadorli fraksiyaga issiqlik ishlovi qaynovchi qatlamda bajariladi. Xomashyo turidan kelib chiqib, uni tayyorlashning yarimquruq yoki plastik usuli qo’llaniladi. Yarimquruq usulida xomashyo uvoqlari zanjirli pardali quritish barabanida jinslarni quritish va bolg’ali maydalagichda tuyish, so’ngra 5 mm ko’zli elakdan o’tkazib olinadi. Plastik usulida granulalarni tayyorlash keramzit shag’ali kabi amalga oshiriladi. Olingan granulalar 10-12% namlikgacha quritiladi, maydalanadi va 5mm ko’zli elakdan o’tkaziladi. Keramzitbeton asosida buyum ishlab chiqarishda faqat keramzit shag’ali emas, balki mayda g’ovak to’ldiruvchi-keramzit qumi ham zarurdir. Keramzit qumini aylanma pechda ishlab chiqarish yaxshi samara bermaydi. Keramzit shag’ali ishlab chiqarishda issiqlik ishlov berish jarayonida bo’laklarning buzilishida qumli fraksiya chiqadi, biroq bu donalar nisbatan og’ir bo’lib, gilli xomashyoning mayda bo’laklari amalda ko’pchimaydi, ya’ni gilning piroplastik xolatga o’tishigacha gaz ajralishi erta boshlanadi. Bundan tashqari yuqori harorat zonasida mayda donalar yirik donalarga nisbatan tezroq qiziydi, natijada ular erib shag’al donalariga yopishib qolish ehtimoli oshadi. Keramzit shag’ali ishlab chiqarish korxonalarida keramzit qumi valkli maydalagichda keramzit shag’alini maydalashdan olinadi. Bunday maydalab olingan keramzit qumining tannarxi maydalash ishlaridagi qo’shimcha sarflar hisobiga ortadi, bunda olinadigan qum maydalangan shag’al hajmiga nisbatan kam bo’ladi. Qumning chiqish koeffitsienti 0,4-0,7 ni tashkil etib, o’rtacha 1m 3 keramzit shag’alini maydalashda 0,5 m 3 keramzit qumi olinadi. Bu holatda qumning uyma zichligi ikki barobar oshadi. Hozirgi vaqtda keramzit qumi olishning eng samarali texnologiyasi bu qaynovchi qatlam pechida kuydirish hisoblanadi. Vertikal pechgaa quritilgan

gillarni maydalash natijasida yoki plastik usulda maxsus tayyorlanib so’ngra quritilgan yirikligi 3 yoki 5 mm gacha bo’lgan gilli donalar solinadi. Pech (rasm .11) ikkita zonadan iborat: issitish va kuydirish zonalari bo’lib, ular bir-biridan pardevor bilan ajratilgan. Pechning pastki panjarali qismi bo’ylab bosim ostida havo va gaz ko’rinishidagi yoqilg’i uzatiladi. Ma’lum tezlikdagi gazlarni uzatishda gilli donalar bo’sh qavati qaynash holatiga o’tadi. Gaz ko’rinishidagi yoqilg’i bevosita qaynovchi qatlamda yonadi. Qaynovchi qatlamda issiqlik almashuvini boshqarish orqali material tez va bir tekis qiziydi. Gil bo’laklari o’rtacha 1,5 minut kuydiriladi va ko’pchiydi. Mo’riga uzatish Rasm .11. Ikki zonali qaynovchi qatlam pechining sxemasi: 1- dastlabki issitish zonasi; 2- kuydirish zonasi; 3- qaynovchi qatlam sovitgichi; 4- qoplangan siklon; 5- xavo purgagich; 6- bo’shatuvchi klapanli yopqich; 7- gazni uzatish; 8- tashqi oqim uchun sektorli yopqich; 9- issitish zonalari uchun siklon

Rasm-.12. Keramzit qumini ishlab chiqarish sexi texnologik sxemasi: 1- bolg’ali tegirmon; 2- cho’ktiruvchi siklon; 3-elevator; 4-bunker;5-qaynovchi qavat qozoni SMS-139; 6-ventilyatorlar; 7-siklonlar batareyasi; 8-elektrofiltr; 9sovitgich; 10- ichi qoplangan siklon; 11-tayyor mahsulotlar ombori; 12-engli filtr. Pechning kuydirish zonasiga uzatilayotgan gilli donalar qaynovchi qatlamning issitish zonasida 300 0 S gacha qizdiriladi, kuydirgandan so’ng tayyor keramzit qumi qaynovchi qatlamning sovitish uskunasida sovitiladi. Qumning mayda fraksiyalari bir qismi kuydirish zonasidan gaz bilan chiqib siklonga tushadi va cho’kadi, tozalangan gazlar esa pechning dastlabki issitish zonasiga uzatiladi. Qaynovchi qatlam pechining (SMS-139) pasport bo’yicha mahsuldorligi 6,7 m 3 /soat bo’lib, foydalanish koeffitsienti R i =0,85. Olingan keramzit qumining uyma zichligi 500-700 kg/m 3 . Keramzit qumining donadorlik tarkibiga qo’yiladigan talab tabiiy qum kabi bo’lib, faqat tarkibda yirik fraksiyalar ko’p bo’lishi lozim . Keramzit qumi olishning xususiyatlari va tannarxi bo’yicha samarali yo’nalishdagi muammolar to’liq hal etilgani yo’q. Shu sababli ba’zan keramzitobeton ishlab chiqarishda mayda to’ldiruvchi sifatida ko’pchigan perlit yoki tabiiy qum ishlatiladi. Keramzit qumini qaynovchi qatlam pechlarida ishlab chiqarish keramzit shag’alini olish sexlari qoshida bajariladi, bunda xomashyo sifatida quritish barabanidan chiquvchi granulalar – yarim tayyor mahsulotlar ishlatiladi.

Yiliga 50 ming m 3 keramzit qumini ishlab chiqarish sexi texnologik sxemasi rasm5.15 da keltirilgan. Ushbu sexni keramzit shag’ali ishlab chiqarish korxonasi maydoniga joylashtirish nazarda tutilgan. Ish rejimi – yil davomida uch smenada. Ishlab chiqarish jarayoni quyidagilardan iborat: sexning tayyorlash bo’limida olingan va quritilgan granulalar xomashyo zaxirasi bunkeriga uzatiladi, so’ngra bolg’ali tegirmonda quritiladiva maydalanadi. Yirikligi 5 mm gacha gil donalari (namligi 8-12%) tindiruvchi siklonda ajratilib ikki zonali qaynovchi qatlam pechining sarf bunkeriga yuboriladi. Issitish zonasi harorati 200-400 0 S, kuydirish zonasi harorati- 1000-1100 0 S ni tashkil etadi. Keramzit qumining asosiy qismi (70 0 S gacha) kuydirish zonasidan qaynovchi qatlam sovitgichiga tushadi, u erda 120-180 0 S gacha sovitiladi. Qolgan chang va zarralar (30% gacha) qoplamali siklonga yuboriladi. Sovitgich va siklondan keramzit qumi pnevmatransport sistemasiga, so’ngra tayyor mahsulot omboriga jo’natiladi. Keramzit qumi ishlab chiqarish sexining tayyor mahsulotlar ombori ikkita silosdan iborat bo’lib, ular bir vaqtda yoki ketma-ket to’ldiriladi. Keramzit qumi avtotransport yoki temir-yo’l transportlarida jo’natiladi. Agloporit ishlab chiqarish texnologiyasi Agloporit (1-rasm) bo’lak-bo’lak, g’ovakli material bo’lib, gil xom ashyoning ko’mir bilan aralashmasidan iborat granul (donador) larni qovushishi xom ashyo tarkibidagi ko’mirning yonishi hisobiga sodir bo’ladi va bir yo’la massasi bo’rtadi. Agloporitni tayyorlashda nam gilli xom ashyo maydalangan ko’mir bilan aralashtiriladi, donador qilinadi va aglomeratsion qurilmaga yuboriladi. Aglomeratsiyaning davom etishi 25-45 minut. Agloporitning g’ovakli engil palaxsasi sovitilgandan keyin maydalanadi va bo’lakchalarga ajratiladi. Agloporit mayda toshining zichligi 300-1000 kg / m 3 , mustahkamligi 0,3- 3 MPa. Tarkibidagi yonib ulgurmagan ko’mir miqdori ortadi 3% dan oshmaydi, bu esa engil betonlar uchun to’ldirgich sifatida ishlatishga qulaylik yaratadi.

13-rasm. Agloporit Xomashyo materiallar Keramzit olishda yaroqli gil xomashyosi hamma joyda uchramaydi. Kuydirganda ko’pchimaydigan kamplastikli, qumoqlangan gilli jinslar suglinok tabiatda keng tarqalgan. Bu jinslardan boshqa sun’iy g’ovak to’ldiruvchi –agloporit ishlab chiqarishda foydalaniladi. Agloporit ishlab chiqaruvchi korxonalarda asosiy xomashyo materiallar sifatida gilli jinslar ishlatiladi. Agomeratsiya uchun yaroqli gilli jinslar (suglinok, supess, lyosslar) Respublikamiz xududida ko’p uchraydi, shu sababli mahalliy xomashyolar asosida agloporit ishlab chiqarishni kengaytirish mumkin. Dastlab sanoat miqyosida gil xomashyosi asosida agloporit Minskda 1958 yilda ishlab chiqarilgan. Xomashyo materiallar sifatida turli sanoat chiqindilari, ayniqsa yoqilg’i tarkibli chiqindilardan foydalanish istiqbolli hisoblanadi. Bundan tashqari yoqilg’i shlaklari, kul, slanets va ko’mir chiqindilari asosida agloporit ishlab chiqarish ilmiy asoslangan. Bunday sanoat chiqindilarida mavjud yoqilg’i aglomeratsiya jarayonining borishi uchun etarli hisoblanadi. Faqat xomashyoni yoqilg’i bo’yicha me’yoriga olib kelish kerak, agar xomashyoda yoqilg’i kam bo’lsa, u holda shixta tayyorlashda qo’shish kerak, agar xomashyoda yoqilg’i ko’p bo’lsa, u holda gilni qo’shish zarur. Agloporit ishlab chiqarishni ko’mir qazish va ko’mirni boyitishda chiqadigan chiqindilar asosida kengaytirish mumkin. Ularda ko’mir miqdori o’rtacha 20% ni tashkil etadi. Bu yoqilg’ilarni qo’llab agloporit tanarxini 30% ga kamaytirish mumkin. Dunyo statistik malumotlariga ko’ra Polshada ko’mir chiqindilaridan eng ko’p foydalanilar ekan, bunda ko’mir qazish chiqindilarining 17% va ko’mir boyitish chiqindilarining 95% dan ko’pi ishlatiladi.

Agloporit ishlab chiqarishning texnologik asoslari Agloporit xomashyoni pishirishda (aglomeratsiya) olinadi. Bu usul ko’proq metallurgiya sanoatida rudani qayta ishlashda qo’llaniladi. Pishirish jarayoni quyidagilardan iborat bo’ladi: xomashyo materiallardan yoqilg’i (ko’mir) qo’shib granulalar tayyorlanadi va kolosnikli panjaraga yotqiziladi. Rasm -2. Tarelka tipidagi granulyatorning ishlash sxemasi: a-komplekt asbob-uskunalarning ko’rinishi; b-aylanuvchi chashkaning yuqoridan ko’rinishi; 1- qabul bunkeri; 2- ta’minlovchi; 3- bunker;4suv(qorishma) uchun sig’imli idish; 5 – chashka; 6- chashka tagini tozalovchi pichoq; 7- ortish joyi; 8- suv(qorishma)ni to’kish forsunkasi; 9- tayyor granulalarni tushirish joyi. Panjara ostida vakumkamerada ventilyator yordamida xavo so’rilib yarim xomashyoni kuydirish tezlatiladi. Ko’mirning yonishi hisobiga yarim xomashyo yuqori harorat (1400-1500 0 S) gacha qizdiriladi. Natijada g’ovak shishasimon massa (korj) hosil bo’ladi. Kuydirish jarayoni juda tez amalga oshiriladi. Panjara ostidan havoni so’rib olishda issiq gazlar yarim xomashyo materiallarning pastki qavatini ham kuydiradi. Havoni so’rishda yuqori pishgan qavatlar anchagina soviydi. Yoqilg’ining yonishi kolosnikli panjaraga etganida

aglomeratsiya jarayoni tugaydi, natijada pishgan agloporit korji olinadi, uni shag’al va qumga aylantirish uchun maydalaniladi. Agloporit sun’iy g’ovak to’ldiruvchisi aglomeratsion mashinada (rasm..14, .15) olinadi. Bu mashinaning ishlab chiqarish quvvati xomashyoni pishish tezligiga bog’liq va u quyidagi formula bilan ifodalanadi: V= h / τ bu erda: h- pishadigan yarim xom ashyoning qavat balandligi, mm τ - pishish davomiyligi, min. Turli xomashyo va yarim xomashyolar uchun vertikal pishish tezligi 510mm/minut va undan ko’pni tashkil etadi. Masalan, yarim xomashyo qavati 200mm bo’lsa, u 20-40 minut davomida pishadi. Rasm-.14. Aglomeratsion mashinaning sxemasi: 1-xom granulalarni mashinaga to’kish; 2-yondiruvchi gorn; 3-kolosnikli panjara; 4-pishgan granulalar qavati; 5-yoqilg’ining yonish zonasi; 6-pishgan korj; 7-gazlarni so’rib olish; 8-vakum kamera .

Rasm..15. Aglomeratsiyalash mashina Kisqacha texnik xarakteristikasi: Pishish yuzasi, m2 75 Pishirish aravasi eni, m 3 Pishgan qavat balandligi, mm, gacha 500 Aravaning xarakatlanish tezligi, m/min 1…4 Kolosniklar osti bosimi, Pa, gacha 1200 *Maxsuldorlik, t/m 2 soat aglomerat bo’yicha 110… 140 shixta bo’yicha 175… 240 *Maxsuldorlik aglomeratsiya jarayonining texnologik sharoitidan kelib chiqib belgilanadi. Sanoat miqyosida agloporit ishlab chiqarishda gilli jinslardan quyidagi yarim tayyor mahsulot tayyorlanadi. Gilli xomashyo, maydalangan toshko’mir (yirikligi 5 mm gacha), qo’shimchalar aniq me’yor bo’yicha aralashtiriladi. Ko’mirning massa ulushi 7-12% ni tashkil etadi. Agar gilli xomashyo quruq bo’lsa, u xolda gil aralashtirgichga suv qushiladi va gil bir xil massaga kelguncha aralashririladi. Maxsus mashinalar granulyatorlarda (masalan, barabanli

granulyatorda) gilli granulalar olinadi. Tayyor granulalar aglomeratsion mashinada pishiriladi. Mashina to’xtovsiz harakatlanuvchi aravali konveyrdan, asosi issiqqa chidamli po’lat va ikki tomonidan to’silgan kolosnikli panjaradan iborat. Konveyr temir-yo’l bo’yiga vakum-kamera ustida harakatlanadi. Gilli granulalar kolosnikli panjara ustidagi to’siqli aravachaga 200- 300mm qalinlikda sepiladi, yondiruvchi gorn ostida o’tganida suyuq yoki gaz ko’rinishidagi yoqilg’i yonishidan 1000 0 S xaroratgacha qizdiriladi. So’ngra vakumkameralar ustida harakatlanishdan, havoning so’rib olinishi natijasida xom granulalar pishadi. Aglomeratsion mashinadan pishgan korj chiqadi. Chiqqan korj birjinsli bo’lmay, ichki qismi to’q rangda (tiklanish muxiti temir oksidlariga o’tishi bilan belgilanadi va bu yaxshi pishishiga olib keladi), yuza qismida (ortiqcha xavo, oksidlanuvchi muxit, kuydirishdan past xarorat) kichik mustahkamlik va kam chidamli qo’ng’ir-qizg’ish rangli pishmagan qatlam yuzaga keladi. Shu sababli aglomeratsion panjarada hosil bo’lgan pishgan yarim maxsulot(korj)dan pishmaganlarini alohida ajratishdir. Korjni bo’laklarga korj maydalagich yordamida ajratiladi, bo’laklar panjaraga uzatiladi, bunda yaxshi pishmagan donalari cho’kadi, texnologik jarayonga qaytariladi, xomashyoga qo’shimcha sifatida ishlatiladi va xom granulalarning pishishini, gaz o’tkazuvchanligini yaxshilaydi. Xomashyoga qo’shimcha sifatida, gilning pishish tezligini oshirishda va shu bilan birga aglomeratsion mashinaning quvvatini oshirishda, agloporit sifatini yaxshilashda yog’och opilkalari, yog’och gidrolizi chiqindisi, kul va boshqa sanoat chiqindilari ishlatiladi. Agloporit tarkibidan pishmagan bo’laklarini ajratgandan (texnologik jarayonga qaytarilgan) so’ng 80-120 0 S gacha sovitiladi, maydalanadi, shag’al va qumga ajratiladi. Agloparit shag’ali va qumining ishlab chiqarish texnologik sxemasi (rasm-.16) da keltirilgan. Agloporitni sovitishda qo’llaniladigan shaxta tipidagi sovitgich o’rniga lentali (tubi perforirlangan metall transporter), chashkasimon (ikkita jalyuzali silindr devorli xalqasimon bunker) va baraban tipidagi sovitgichlar ishlatiladi.

Asosiy xomashyo material sifatida ko’mirni boyitish chiqindisi qo’llanilganda, texnologik sxemaga sarflanuvchi materiallarni tayyorlashga doir o’zgartirishlar kiritiladi. Ko’mir boyitish chiqindilari ikki bosqichli maydalaniladi, elakdan o’tqaziladi va o’lchami 2,5mm gacha donalar olinadi. Gil quruq komponent (yirikligi 3mm gacha) yoki suyuq gilli massa ko’rinishida qo’shiladi. Agloparit ishlab chiqarishda komplekt texnologik jixozlangan SMS-11 va SM961 (uzunligi-40m, eni-1,5m) markali aglomeratsion mashinalar ishlatiladi. Rasm-.16. Agloporit chaqiq toshi va qumini ishlab chiqarish texnologik sxemasi: 1-ekskavator; 2-avtotransport; 3-yashikli uzatgich; 4-valkli maydalagich; 5-tebranma elak; 6-lentali ta’minlovchi; 7- yig’uvchi lentali transporter; 8- toshni ajratuvchi valslar; 9-ikki valli gil aralashtirgich; 10-baraban tipidagi granulyator; 11-yotqizgich; 12-yondiruvchi gorn; 13- aglomeratsion mashina; 14-maydalagich;

15-shaxta tipidagi sovitgich; 16- valkli-tishli maydalagich; 17-shag’alni navlarga ajratuvchi mashina; 18-tayyor mahsulotlar ombori; Agloporit qumi va shag’aliga qo’yiladigan talablar KMK ga ko’ra agloparitning donadorlik tarkibi bo’yicha fraksiyalarga ajratish, uyilma zichligi asosida markalarga bo’lish keramzit shag’ali kabi amalga oshiriladi. Agloporit chaqiq toshning talab etiladigan mustahkamlik chegarasi, silindrda maydalashda aniqlangan qiymatlari keramzit shag’aliga nisbatan kichik bo’ladi (jadval-14.1). Lekin agloporitni keramzitga nisbatan mustahkamligi kichik deb emas, balki dona shaklini xam inobatga olish kerak. Agloporit chaqiq toshining mustaxkamligiga qo’yiladigan talablar jadval- 7.2 Uyilma zichligi bo’yich a markasi Silindrda maydalanish mustaxkamligi, MPa sifat darajasiga ko’ra, kam emas Uyilma zichligi bo’yicha markasi Silindrda maydalanish mustaxkamligi, MPa sifat darajasiga ko’ra, kam emas oliy birinchi oliy birinchi 400 0,4 0,3 700 1,0 0,9 500 0,6 0,5 800 1,4 1,2 600 0,8 0,7 900 1,6 1,4 Silindrda maydalashda mustahkamlikning absolyut emas balki nisbiy qiymati aniqlanadi, chunki mustahkamlik sinalayotgan to’ldiruvchi shakliga bog’liqdir. Metall silindrga solingan o’ta qirrali agloporit chaqiq toshni ezishda keramzit shag’aliga nisbatan kam kuch sarflanadi. Tadqiqotlar shuni ko’satdiki, agloporitning mustahkamligi betonda sinalganda silindrda standart mustahkamlikni sinashdagi ko’rsatkichlarga nisbatan 25-30 barobar ortadi. Turli fraksiyadagi agloporit quyidagi uyilma zichlikni tashkil etadi: chaqiq tosh fraksiyasi 20-40mm, uyilma zichligi 500-600kg/m 3 ; 10- 20mm,

600-700 kg/m 2 ; 5-10mm, 700-800kg/m 3 ; 5mm gacha yiriklikdagi qumda – 1000kg/m 3 gacha. Agloparit chaqiq toshining donalari orasidagi bo’shiqlik 50-60% ni (yuqori sishafli uchun 50% gacha) tashkil etadi. Dona zichligi chaqiq tosh uyilma zichligiga nisbatan 2 va undan ko’p martaga ortadi. Agloporit chaqiq toshining donalar g’ovakligi 40-60% ni tashkil etadi. Donalar shakli koeffitsienti o’rtacha 2,5 dan oshmasligi kerak (yuqori sifatli agloporit uchun -2). Keramzit shag’alidan farqli ravishda agloporit chaqiq toshda ko’p miqdorda ochiq g’ovaklar (15-20%) bo’lib, betonda suv yoki sement qorishmasi bilan to’ladi. Bu sement sarfini bir muncha oshishiga olib keladi, biroq to’ldiruvchining sement qorishmasi bilan yaxshi bog’lanishini va mustahkamligini oshishini ta’minlaydi. Natijada yuqlri mustahkamlikdagi agloporit beton olinadi. Agloporit yuqori darajada zichligi va mustahkamligi bo’yicha bir jinsligi bilan farqlanadi, bu esa betonda qo’llanishi samaradorligini oshiradi. Davlat standartiga ko’ra uning uzoq muddatga chidamliligi va bardoshliligini ta’minlash maqsadida talablar qo’yiladi. Agloparit chaqiq toshining bardoshliligi silikat nurash va sovuqqa bardoshliligi bilan tekshiriladi. Yonmagan yoqilg’ilar qoldig’i chegaralanadi. Agloporit chaqiq toshi namunasining qizdirishda massa yo’qotishi 3% dan oshmasligi kerak. Agloporit chaqiq toshida yonmagan donalar miqdorini chegaralash uchun natriy sirka kislota aralashmasida sinov ishlari bajariladi, bunda uch sikl aralashmaga solish va quritishda massa yo’qotilishi 5%dan oshmasligi kerak. Agloporit qumi uchun donadorlik tarkibi normaga keltiriladi. Qumning qizdirishda massa yo’qotishi 5% gacha ruxsat etiladi. Agloporitni qo’llash soxasi Agloparit asosan konstruksion engil betonlar olishda ishlatiladi. Mustaxkamlik chegarasi 20-30 MPa va ba’zan 50MPa bo’lgan agloporit beton asosida qo’shimcha zo’riqtirilgan temir-beton konstruksiyalar, tom yopma va qavatlararo katta prolyotli balka va fermalar, ko’prik qurilishida va boshqalarga ishlatiladi. Bu konstruksiyalardagi og’ir betonni engil agloporit beton bilan

almashtirish uning samaradorligi oshiradi. Agloporitbeton konstruksion - issiqlikdan ximoyalovchi material sifatida xam qo’llaniladi.

Adabiyotlar ro’yxati 1. O’zbekiston Respublikasi Prezidentining PK-4335 sonli “Qurilish materiallari sanoatini jadal rivojlantirishga oid qo’shimcha chora-tadbirlar to’g’risida”gi Qarori. 2019 yil 23 may. 2. Akramov X.A., Raximov Sh.T., Nuritdinov X.N., Turopov M.T. “Beton to’ldiruvchilari texnologiyasi”, o’quv qo’llanma, Toshkent. Ekstremum press, 2010-167 bet. 3. Keoki Sears,Glenn A. Sears, Richard H. Clough.Construction Project Management: A Practical Guide to Field Construction Management// USA, 2010. 4. Alan Griffith.Integrated Management Systems for Construction: Quality, Environment and Safety// London, 2013. 5. Alan Griffith Management System For Construction// London, 2015. 6. Francis D. K. Ching., Building Construction Illustrated 5 th Edition// USA, 2014. 7. Fernando Pacheko Torgal, Said Jalali. Eko-efficient. Construction and Building Materials. Portugaliya. 2013. ISBN 978-0-85729-891-1 8. Аскаров Б., Ботвина Л.М. Пористые заполнители из местного сырья и лёгие бетоны на их основе. Монография. Фан. T.: 1990 – 144 с. 9. Qosimov E. Qurilish ashyolari. Darslik. T., “Mexnat”, 2004-512 bet. 10. Maxmudova M.A., Nuriddinov X.N. Beton ishlari texnologiyasi. O’quv qo’llanma. T. «TALQIN» 2004-64 bet. 11. Ицкович С.М., Чумаков Л.Д., Баженов Ю.М. Технология заполнителей бетона. Учебник М., “Высшая школа», 1991-272 c.

Похожие

Perlit ishlab chiqarish texnologiyasi. Dolomi ishlab chiqarish texnologiyasi

Keramporit ishlab chiqarish texnologiyasi.Komporit ishlab chiqarish texnologiyasi. Shlakli pemza ishlab chiqarish texnologiyasi

Sun’iy g‘ovakli to‘ldiruvchilar

To‘ldiruvchilar haqida umumiy ma’lumotlar

To‘ldiruvchilarning asosiy xossalari va ularni sinash usullari