Иншоотлар схемаларининг кинематик анализи - Архтектура - Рефераты

Иншоотлар схемаларининг кинематик анализи

Загружено в:

20.09.2019

Скачано:

0

Размер:

150.4404296875 KB

И ншоотлар схемаларининг кинематик анализи Режа: 1. Кинематик таҳлилдан кўзланган мақсад. 2. Ясси системаларнинг эркинлик даражаси. 3. Иншоотлар геометрик структурасининг таҳлили .

Кинематик таҳлилдан кўзланган мақсад. Ўзаро шарнирли ёки бикр қилиб бириктирилган элементлардан ташкил топган иншоотлар ташқи юклар таъсирида ўзининг шакли ва ҳолатини ўзгартирмаслиги лозим. Бундай талабни қаноатлантурувчи иншоот геометрик ўзгармас бўлади. Иншоот шакли ёки ҳолати ўзгариши уни ташкил этувчи элементларнинг деформацияланиш туфайлигина содир бўлиши мумкин. Ҳар бир иншоотни ҳисоблашдан олдин унинг схемасини геометрик ўзгармаслик шартларига асосан кинематик таҳлил қилиш керак. Масалан, 2.1 - расмда кўрсатилган тўртбурчак энг оддий геометрик ўзгарувчи система ёки механизмдир. 2.1 - расм Бундай система элементларида зўриқишлар ҳосил бўлмайди. Система геометрик ўзгармас бўлиши учун унга қўшимча элемент (тортқич) киритилиши керак (2.1 - расм). Кинематик анализ ёрдамида иншоотларнинг геометрик ўзгармас ёки ўзгарувчан эканлиги билиб олинади. Фақат геометрик ўзгармас иншоотларгина ташқи юкларни қабул қилиб уларга қаршилик кўрсатиши, яъни юклар таъсирида ишлаши мумкин. Ясси системаларнинг эркинлик даражаси. Ҳар қандай ясси жисм ёки ясси жисмлар системаларининг (мажмуасининг) текисликда олган ўрнини тўла аниқлаб берувчи бир-бирига боғлиқ бўлмаган геометрик параметрлар (катталиклар) миқдорини шу системаларнинг эркинлик даражаси сони деб айтилади. Текисликда олинган бирор А нуқтанинг координаталар ўқига нисбатан олган ўрни иккита координата X A , Y A билан аниқланади. Демак, нуқталарнинг текисликдаги эркинлик даражаси сони иккига тенг бўлади.

Текисликдаги бирор дискнинг координаталар ўқига нисбатан олган ўрни учта параметр X , Y ва  AB билан аниқланади (22 - расм). Демак дискнинг эркинлик даражаси учга тенг. Дискнинг эркин ҳаракатини яъни эркинлик даражасини турли қурилмалар ёрдамида чеклаш мумкин. Битта эркинлик даражасини чекловчи қурилма кинематик боғланиш дейилади. 2.2 – расм 2.3 – расм 2.4 – расм 2.3 а – расмда II - диск I - дискига нисбатан 1 эркинлик даражасини. 2.3 б – расмда эса 2 эркинлик даражасини йўқотади. Икки боғловчи стержен p битта цилиндрик шарнирга тенг. Иншоотларнинг ҳисоблаш схемалари асосан геометрик текис элементлар (дисклар) дан иборат бўлган кинематик занжирлардан тузилади (2.4 – расм). Бу дисклар бир - бирига шарнирлар ёрдамида, ерга эса таянч стерженлар орқали боғланади. Бундай мураккаб системаларнинг эркинлик даражаси сони W қуйидаги ифодаларга асосан топилади. W =3Д-2Ш-Ст (1.1)

Бу ерда Д – дисклар сони, Ш – дискларни ўзаро боғловчи оддий шарнирлар сони, Ст – таянч стерженлари (боғланишлари) сони. (1.1) формула (ифода)си учта сифат натижаларини бериш мумкин: 1) W >0 бўлса система геометрик ўзгарувчандир; 2) W =0 бўлса система геометрик ўзгармас, энг кам боғланишларга эга; 3) W <0 бўлганда эса система геометрик ўзгармас бўлиши билан бирга ўз таркибида ортиқча боғланишларга эга бўлади (статик аниқмас системалар). Иншоотлар геометрик структурасининг таҳлили. 1. Текис системаларнинг геометрик ўзгармас эканлигига ишонч ҳосил қилиш учун W ≤ 0 шарт бажарилиши билан бирга унинг геометрик тузилишини анализ қилиш керак. Масалан, 2.5 – расмда W ≤ 0 шарти бажарилган бўлса ҳам, геометрик ўзгарувчанг бўлган балка кўрсатилган. 2.5 - расм Эркинлик даражаси W =3∙3-2∙2-5=0. Иншоотнинг ҳисоблаш схемаси геометрик ўзгармас бўлиши учун улар ер билан ва ўзаро қуйидаги шартларга асосан боғланган бўлиши керак. 1) Бир диск ва уч стерженлардан иборат бўлган система (2.6 - расм) 2.6 - расм 2) Икки диск, бир стержен p ва битта оддий шарнирдан ёки 3 та стержендан иборат система (2.7 - расм).

2.7 - расм Демак, икки диск ўзаро геометрик ўзгармас бўлиш учун улар битта шарнир ва битта стержен p билан боғланган ёки бир нуқтада кесишмовчи 3 та стержен p билан боғланган бўлиши керак. Учта дискни геометрик ўзгармас қилиб боғлаш учун бир тўғри чизиқда етмаган учта оддий шарнир ёки 6 та стержен p керак бўлади (2.8 - расм). Акс ҳолда ҳосил бўлган система оний ўзгарувчан бўлади. 2.8 - расм Демак, W ≤ 0 шарт системанинг геометрик ўзгармас бўлиши учун зарур, лекин етарли эмас экан. Шунинг учун W ≤ 0 бўлишидан ташқари системанинг элементлари бир - бири билан юқорида келтирилган шартларга биноан боғлиқлигини текшириш керак. Бир тўғри чизиқда ётган иккита тўғри чизиқдан иборат система, оний ўзгарувчи система бўлади (2.9 - расм). 2.9 - расм Оний ўзгарувчи системаларда ташқи юклар таъсиридан ёки уларнинг таъсирисиз чексиз катта зўриқишлар ёки ноаниқлика эга бўлган зўриқишлар ҳосил бўлади. Бу бундай системаларнинг статик белгиси бўлади.. 2.9 –

расмда кўрсатилган оний ўзгарувчи системанинг ҳисоблаш схемасини (2.9б – расм) қарайлик: Σ y =0, 2 x ∙ sin  -Р=0, X =Р/2 sin  : Агар   0 бўлса, номаълум куч X катта ёки чексиз қийматларга тенг бўлади. Бундан ташқари, оний ўзгарувчанликни аниқлаш учун юкланмаган системалар ўрганилади. Агар система оний ўзгарувчи бўлса, у ҳолда таянч реакциялари ноаниқликка тенг бўлади. Ферма конструкцияси уч бурчакдан иборат бўлганлиги сабабли геометрик ўзгармас системаларга киради (2.10 – расм). 2.10 – расм Шарнирли-стерженли системаларнинг (фермаларни) эркинлик даражаси қуйидаги формула ёрдамида аниқланади. W =2 Y - C - C Таянч (1.2). Бу ерда Y – тугунлар сони, С – стерженлар сони, Ст – таянч стерженлари сони. Таянчлардан ажратилган системалар учун (2.10 – расм) V = W -3=2 y - C =3 геометрик ўзгармаслик шарти V =0 бўлади ёки 2 y - C =3 бу ердан C =2 y -3 Агар C <2 y -3 бўлса система геометрик ўзгарувчан бўлади (2.11а – расм). 2.11 – расм C ≥ 2 y -3 шарти зарурий бўлса ҳам, лекин етарли эмасдир (2.11 б, в – расмлар). Қайтариш учун мисоллар:

2.12 - расм

Фойдаланган адабиётлар рўйхати: 1. Одилхўжаев Э. А., Гуломов Т. У., Абдукомилов Т. К., «Ќурилиш механиқаси», Тошкент, Ўќитувчи, 1985 йил. 2. Одилхўжаев Э. А., Гуломов Т. У., Абдукомилов Т. К., «Қурилиш механикасидан мисол ва масалалар», Тошкент, Ўќитувчи, 1974 йил. 3. Дарғков А. В., и др. «Строителная механика», Москва, Весшая школа, 1986 йил. 4. Снитко Н. К., «Строителная механика», Москва, Весшая школа, 1980 йил.

Похожие

Меъморий элементлар ва иншоотлар композицияси

Бино ва иншоотлар хакида умумий тушунча

Шаҳар, қишлоқ аҳоли пунктларидаги бино- иншоотлар ҳисоби

Истирохат боги худудидаги бино ва иншоотлар ва уларни жойлаштириш

Ер ва бино - иншоотлар хисобининг электрон маълумотлар базасини яратиш