Бино ва иншоотлар хакида умумий тушунча - Архтектура - Рефераты

Бино ва иншоотлар хакида умумий тушунча

Загружено в:

29.10.2019

Скачано:

0

Размер:

61.5 KB

Бино ва иншоотлар хакида умумий тушунча Режа: 1. Хизматига ва бошка белгиларга караб уларни туркумлаш. 2. Биноларга куйиладиган асосий талаблар

Бино ва иншоотлар хакида умумий тушунча Курилиш амалиётида икки тушунча, яъни “бино” хамда “иншоот” тушунчаси мавжуд. Жамиятнинг моддий хамда маънавий эхтиёжларини кондириш учун кишилар томонидан бунёд этилган курилмалар иншоот дейилади. Кишиларнинг бирор фаолиятига мулжалланган ва мослаштирилган, икки фазога - бушликка эга булган ер усти иншоотлари бино деб аталади. Амалий иш фаолиятида фойдаланиладиган; биноларга алокаси булмаган иншоотлар инженерлик иншоотлари деб аталади. Бундай иншоотлар (тугонлар, куприклар, телевизион минора, туннеллар, метро тухташ жойлари, дудбуронлар, сув ва дон махсулотлари сакланадиган катта идишлар ва х.) факат техник вазифларни бажаришга мулжалланган булади. Бинолар вазифасига кура груждан (турар-жой ва жамоатчилик), саноат ва кишлок хужалиги бинолари гуругларига ажратилади. Граждан биноларига кишиларнинг маиший ва жамоатчилик эхтиёжларига мулжалланган бинолар киради. Булар турар-жой бинолари (яшаш учун курилган уйлар; ётокхоналар,мехмонхоналар ва бошкалар) ва жамоатчилик бинолари (маъмурий,укув, маданий окартув, савдо, коммунал хужалик, спорт ва бошка бинолар) дейилади. Бирор саноат махсулотини ишлаб чикаришда мехнат жараёнини амалга ошириш учун мулжалланган ва ичига ишлаб чикариш курорлари жойлаштирилган бинолар саноат бинолари деб аталади (устахоналар, гаражлар, электростанциялар,омборлар, цех бинолари),Кишлок хужалиги ахтиёжларини кондириш учун фойдаланиладиган бинолар кишлок хужалиги бинолари деб аталади (молхона,паррандахона,теплицалар, кишлок хужалиги махсулотлари сакланадиган омборлар). Юкорида келтирилган бинолар ташки куриниши ва меъморий-конструктив ечимлари билан бир-биридан фарк килади.

Биноларнинг ички бушлигини алохида хоналарга ажратиш мумкин (турар-жой хонаси, ошхона, синфлар, хизмат хонаси, цех ва х.). Бир хил баландлик даражасида жойлашган хоналар кваватларни ташкил килади. Уз навбатида каватлараро ёпмалар бинони баландлиги буйича каватларга ажратиб туради. Хар кандай бинони бир-бири билан боглик булган кисм ва элементларга, яъни бир-бирини тулдириб турувчи ва аниклаб берувчи учта гурухга ажратиш мумкин: - хажмий режалаштириш элементлари, яъни бино хажмининг йирик кисмлари (кават, алохида хоналар ва х.); - конструктив элементлар,яъни бино тузилишини аниклаб берувчи кисмлар (пойдеворлар,деворлар, каватлараро ёпмалар, том ва х.); - курилиш буюмлари, яъни конструктив элементни ташкил этувчи нисбатан кичик кисмлар (гишт, бетон, ойна, пулат арматура ва х.). Хар кандай бино куйидаги асосий талабларга жавоб бериши керак: - вазифасига мувофиклиги, яъни бино кайси жараёнга (максадга) мулжалланган булса, у шу жараён талабига тулик жавоб бериши керак (яшаш учун кулай, дам олишга мослаштирилган, мехнат килишга кулай ва х.); - техник томондан мувофиклиги, яъни бино кишиларни ташки таъсирлардан (паст ёки юкори температура, ёгингар чилик, шамол ва б.) тула асраши, мустахкам ва устивор булиши, эксплуатация сифатларини узок йил давомида саклаши лозим; - бино куриниши меъморчилик ва бадийлик талабларига мос холда танланиши, унинг ташки (экстъер) ва ички (интерьер) куриниши чиройли, шинам, атроф-мухит билан уйгунлашган булиши керак; - иктисодий жихатдан кулайлиги, яъни бино ва иншоот курилишида мехнат сарфини камайтириш, курилиш материаллари хамда вактни тежаш кузда тутилади.

Бинолар вазифасига мувофиклигига кура икки гурухга: асосий ва ёрдамчи вазифаларга мулжалланган биноларга булинади. Масалан, мактаб биносининг асосий вазифаси укитувчиларни укитишга мулжалланган, шунинг учун хам бу бино асосан укитиш хоналаридан (укув синфи, лабораториялар ва х.) иборат булиши керак. Аммо бу бинода ёрдамчи вазифага мулжалланган хоналар яъни овкатланиш хонаси оммавий тадбирлар учун мулжалланган хоналар, мактаб укитувчилари ва бошликлари хоналари хам мавжуд булиши керак. Бинода асосий ва ёрдамчи вазифага мулжалланган хоналарни бир-бири билан туташтирувчи, кишилар харакатини таъминлайдиган жойлар хам булади. Бу жойлар коммуникация хоналари деб аталади. Буларга коридорлар (йулаклар), зиналар, дахлизлар ва х. киради. Бинодаги хоналарнинг хаммасида мулжалланган вазифани бажариш учун оптимал шарт-шароит яъни мухит яратилган булиши керак. Мухит деганда жуда куп омиллар,яъни хоналарнинг шинамлиги, асбоб- ускуналарнинг куллай жойлашганлиги, хаво мухити холати (температура ва намлик, хонадаги хаво алмашиниши) ; товуш режими (эшитишни таъминлаш ва шовкиндан химоя килиш); ёруглик режими; кишиларни эвакуация килиш чогида харакат кулайлиги ва хавфсизлигини таъминлаш кабилар тушунилади. Бинони лойихалашда буларнинг хаммасини эътиборга олиш лозим. Бу талаблар биноларнинг хар бир тури ва унинг хоналари учун “Курилиш меъерлари ва коидалари” (КМК) асосида амалга оширилади. Бинонинг техник мувофиклигини бутун бинога ёки унинг айрим элементларига таъсир этаётган хамма ташки кучлар буйича конструкцияларини хисоблаш оркали аникланади. Бу таъсирлар ташки куч ёки мухит таъсири куринишида булиши мумкин.

Ташки кучларга бино элементлари (кисмлари)нинг хусусий огирлиги (доимий юклар), ускуналар, кишилар, кор огирлиги, шамолнинг таъсир кучи (муваккат юклар), ер кимирлаши ва ускуналарнинг тасодифий бузилиши (аварияси) натижасидаги таъсирлар ва б. киради. Мухит маъсирига эса температуранинг таъсири (конструкция чизикли улчамларининг узгаришига олиб келади), атмосфера ва тупрок намлиги таъсири (конструкция материали хусусиятларининг узгаришига олиб келади), хаво окими йуналишининг таъсири (хона ичидаги микро иклимнинг узгаришига олиб келади); куёш нури энергиясининг таъсири (конструкция материали физик-техник хусусиятларининг бирикмалар таъсири) конструкцияларнинг емирилишига ва бузилишига олиб келади), биологик таъсир (микроорганизмлар ва курс-кумурскалар конструкцияни емиради), бино ичидаги ёки ташкарисидаги шовкин таъсиридан хонанинг нормал акустик режимини бузилиши киради. Юкорида келтирилган таъсирларни хисобга олган холда бинолар мустахкамлик, устиворлик ва пишиклик (узок вакт бузилмаслик) талабларини кондириши керак. Бино мустахкамлиги деганда унинг ташки кучлар таъсиридан узок вакт бузилмасдан хамда ортикча деформацияга учрамасдан уз вазифасини бажариб туриши тушунилади. Бинони ташки таъсирдан уз мувозанатини саклаб туриши бинонинг устиворлиги (тургунлиги) деб аталади. Курилиш меъморлари ва коидаларига (КМК) кура бинолар узок вакт уз вазифасини адо этиши буйича 1У даражага булинади: 1 - хизмат даври 100 йилдан ортик; П - хизмат даври 50 йилдан 100 йилгача; Ш - хизмат даври 20 йилдан 50 йилгача ва, 1У - хизмат даври 5 йилдан 20 йилгача мулжалланган бинолар. Биноларга куйилган асосий техник талаблардан яна бири бинонинг ёнгин хавфсизлигидир.

Курилишда ишлатиладиган материаллар ва конструкциялар ёниш даражасига караб ёнмайдиган, кийин ёнадиган ва ёнувчан гурухларга булинади. Бино конструкциялари оловбардошлик чегараси билан хам характерланади. Бу бинонинг олов таъсирида уз мустахкамлигини, устиворлигини саклаб тура олиши учун кетган вакт билан ясси конструкция элементлари учун эса уларда тешик-ёриклар пайдо булиши ёки конструкциянинг оловга тескари юзасидаги температура 140 0 С гача кутарилиши учун кетган вакт билан белгиланади. Бино ва конструкцияларни оловбардошлиги жихатдан беш даражага булиш мумкин. Энг катта оловбардошлик 1 даражали биноларга, энг кичик оловбардошлик эса У даражали биноларга тегишли булади. Олов бардошлиги 1,П ва Ш даражали бинолар тош материал ёки пишик гиштдан курилган, 1У даражали бинолар эса сирти сувалган ёгочли, У даражалиси сувалмаган ёгочли бинолар хисобланади. Оловбардошдиги 1 ва П даражали булган бинолар девори, таянчлари, ора ёамалари, ички тусик деворлари (парда девор) ёнмайдиган булиши керак. Оловбардошлиги Ш даражали биноларда деворлари ва таянчлари ёнмайдиган, ора ёпмалари ва ички тусик деворлари эса кийин ёнувчи булади, Ёгоч бинолар 1У ва У даражали оловбардошдикка эга булиб, ёнгин хавфсизлиги талабларига кура улар икки каватдан баланд булмаслиги керак. Бино лойихасини яратишда иктисодий талаблар билан бир каторда хоналарнинг катта-кичиклиги ва шакли жихозлари ахолининг талаб ва эхтиёжларига мос келиши хам эътиборга олиниши керак. Техник талаблар масаларини хал килишдаги иктисодий мувофиклик бинонинг мустахкамлиги, устиворлиги ва узокка чидамлиги таъминланишибилан бир каторда 1 м 2 майдон сатхи ёки 1 м 3 бино хажмининг нархи белгиланган киймат чегарасидан ошиб кетмаслигини назарда тутади.

Бино нархини тушириш, уни рационал режалаштириш ва юза сатхини, уй хажмин и хамда ички ва ташки пардоз ишларини белгилашда эхтиёждан ортикча сарфларга йул куймаслик хисобига, бино тури ва эксплуатация шароитини хисобга олиб энг кулай ва оптимал конструкцияларни танлаш, бино курилишида фан ва техника ютукларини хисобга олиб замонавий усулларни куллаш оркали амалга оширилади. Бинолар халк хужалиги ахамиятига моликлигига ва бошка эксплуатацион сифатларига куйиладиган талабларга биноан турт классга булинади. 1 класс биноларга - юксак талабларни каноатлантирадиган, 1У класс бинолари эса энг оз талабларни кондирадиган бинолар киритилади. Бинолар 1 классли булиши учун 1 даражали утга чидамли ва узок вакт уз вазифасини утайдиган булиши, шу билан бирга, аъло навли материаллардан курилган конструкциялари етарлигидан ортикрок мустахкам булиши, хоналар кам хам хамда юкори сифатли пардозланган булиши керак. Йирик саноат корхоналарининг бинолари, юкори эксплуатацион ва меъморлик талаблари куйиладиган 9 каватли ва ундан хам баланд бинолар 1 синфга мансуб хисобланади. Кичикрок корхона бинолари, баландлиги 9 каватгача булган турар-жой ва жамоат бинолари П классга киради. Уртача эксплуатацион ва меъморий талаблар куйиладиган, баландлиги 5 вакатдан ошмайдиган турар-жой бинолари Ш классга мансубдир. Энг кам эксплуатацион ва меъморий талаблар куйиладиган муваккат (вактинчилик) иморатлар эса 1У классга киритилади. Бинонинг классини лойиха тузишни топширадиган ташкилот булгилайди. Девор материалига кура бинолар тош деворли ёки ёгоч деворли булиши мумкин. Куринишига ва катта-кичик лигига кура эса майда элементлардан (гишт, сопол блок, майда блок) Курилган ва йирик элементлардан (йирик блоклар, панеллар, хажмий блок ва хоказолардан) курилган бинолар булиши мумкин.Каватлари сонига кура бинолар кам каватли (1-2 каватли), уртача каватли (3-5 каватли), куп каватли (6-10 каватли), жуда баланд (11-16 каватли) ва осмонупар (каватлар сони 16 дан хам куп) биноларга булинади.

Жойлашишига караб бино каватлари ердан юкорида,цоколь кисмида, ертула кисмида (подвал) жойлашган ва монсарддан иборат булиши мумкин. Курилиш технологиясига кура бинолар: тайёр бетон конструкциялардан йигилган бинолар, заводда тайёрланган индустриал конструкциялардан монтаж килинган бинолар, деворлари гишт, майда блок ва шу каби майда элементлардан тикланган бинолар - туркумига булинади. Кенг таркалганлигига кура бинолар: - андоза лойиха асосида куриладиган оммавий бинолар (турар-жой бинолари, мактаблар, мактабгача муассасалар, поликлиникалар, кино- театрлар ва б.); - алохида лойихалар асосида куриладиган нодир бинолар (театрлар, музейлар, спорт бинолари, маъмурий бинолар ва х.) каби турларга булиниши мумкин.

Адабиётлар: 1. Штоль Т.М. и др. "Технология возведения подземной части зданий и сооружений" М. СИ. 1990. 288 с. 2. Ищенко И.И. "Монтаж стальных и железобетонных конструкций" М. ВШ, 1990. 287 с. 3. Бадьин Г.М. Мещаников А.В. "Технология строительного производства" Ленинград, СИ 1987г. 606 с. 4. Неелов В.А. "Курилиш монтаж ишлари" Тошкент "Укитувчи"

Похожие

Кишлок хужалиги бино ва иншоотлари хакида умумий тушунчалар уларни классификациялаш

Истирохат боги худудидаги бино ва иншоотлар ва уларни жойлаштириш

Ер ва бино-иншоотлар кадастр йиғмажилди ва кадастр рақами

Шаҳар, қишлоқ аҳоли пунктларидаги бино- иншоотлар ҳисоби

Ер ва бино - иншоотлар хисобининг электрон маълумотлар базасини яратиш