She’riy sistemalar - Литература - Рефераты

She’riy sistemalar

Загружено в:

20.09.2019

Скачано:

0

Размер:

108 KB

She’riy sistemalar Reja 1. Jahon she’riyatidagi sistemalar 2. O’zbek she’riyatidagi sistemalar: barmoq, aruz, erkin

Tayanch tushunchalar : She’riy sistemalar: Sillabik, metrik, tonik, sillabo-tonik; Barmoq, aruz, erkin Jahon she’riyatida asosan to’rtta she’r sistemasi (tizimi) mavjud: sillabik, metrik, sillabo - tonik, tonik. Sillabik she’r sistemasi bo’g’inlar miqdoriga asoslanadi. Unga o’zbek, turk, ozarbayjon, uyg’ur, polyak, farang, ispan, rumin xalqlari poeziyasidagi she’r tizimi kiradi. Metrik she’r sistemasi bo’g’inlarning uzun-qisqaligiga, unlilar holatiga asoslanadi. Grek, lotin, arab she’riyatiga shunday xususiyat xos. Tonik she’r sistemasi da urg’uli hijolar o’rtasidagi urg’usiz bo’g’in nisbati erkin bo’ladi. Ritm hosil bo’lishi prinsipiga qarab sillabik-tonik, dolnik, aksentli she’rlarga bo’linadi. Rus, ingliz, olmon she’riyatidagi mustaqil tizimdir. Sillabo-tonik she’r sistemasi bug’inlarning urg’uli, urg’usizligiga, ularning miqdoriga va tartibiga, izchil takrorlanishiga asoslanadi. Rus she’riyatining asosiy tizimi sanaladi. har bir she’riy sistema xalq tilining ichki imkoniyatlari, qudrati bilan yaratiladi. Shu nuqtai nazardan qaraganda, o’zbek tilining ifoda va ohang imkoniyatlari, grammatik-stilistik qurilishi – barmoqni milliy she’riy sistema sifatida bunyodga keltiradi . “Parmoq vazni” butun turklar uchun-da, biz o’zbeklar uchun-da milliy vazndir, musulmonlardan burun butun turk shoirlar shul “parmoq vazni bilan tizimlar, she’rlar yozar edilar”, - deb ta’kidlaydi A. Fitrat. O’zbek she’riyatida ikkinchi – aruz sistemasi ham bor. A. Fitrat yozganidek, aruz – arablarnikidir. Ulardan forslarga o’tgan va arab aruzi tuzatilib, kamchiliklari to’ldirilib, arab-fors aruzi holiga keltirilgan. Arab-fors aruzi O’rta Osiyo xalqlari poeziyasiga ham kirgan. “Qutadg’u bilig” (XI asr) o’zbek she’riyatidagi aruzda yozilgan dastlabki asar sanaladi. I. Sulton aruz va barmoq sistemalari orasida ma’lum birlik mavjud ekanligi (Ritmning faqat bo’g’inlar miqdorining soni bilangina emas, balki har misraga

kirgan bo’g’inlarning “sifati” - uzun va qisqaligi bilan tayin etilishi hodisasi)ni ta’kidlaydi va bu fikrni “o’zbek xalqining poeziyasida ikki ritmik sistemani yaratish fakti” bilan izohlaydi. Barmoq she’r sistemasi . Barmoq misralarda bo’g’inlarning muayyan miqdoriga va izchil takroriga, bir xil turoqlarning o’ziga xos tartibda guruhlanishiga asoslanadi. 1 2 3 4 5 6 7 8 9 10 11 Qarshiga qor yog’adi, / qor ustiga 7+4=11 Yigitlar yor olmangiz, / yor ustiga 7+4=11 Yigitlar yor olsangiz, / yor ustiga - 7+4=11 Namokob quyguncha bor, / bol ustiga. 7+4= 11 Misralardagi bo’g’inlar miqdorini barmoqlar bilan sanash juda qulay va oson bo’lgani sababli, mazkur she’r qurilishini barmoq vazn deb yuritish rasm bo’lgan.Biroq barmoqda turli turkumlardan yuzlab vaznlarning yuzaga kelish qonuniyati borligi uchun “Barmoq vazni” degandan ko’ra, “Barmoq sistemasi” deyish asosliroqdir. Demak, barmoq sistemasidagi musiqiylik ritm asosida yuzaga kelar ekan, misolimizda yaqqol ko’ringanidek , har misrada bo’g’inlar soni 11 ta va u qolgan hamma misralarda ham bir xil takrorlanadi. Xuddi shu qonuniyat turoqlarga ham xos; birinchi misrada turoqlar 7+4 tartibida joylashgan va u asar oxirigacha saqlanadi. She’riyatda ritmni yuzaga keltiruvchi (bo’g’in, turoq, vazn, ritmik pauza, turkum) vositalar, qofiya va bandning xususiyat va aloqalari yuqorida barmoq sistemasi misolida tadqiq va tahlil etildi. O’sha aytilgan fikrlar bilan cheklangan holda, barmoqda uchlik turkumdan – o’n yettilik turkumgacha (asosan 15 ta turkum) borligini, sodda va qo’shma turkumlarning juda ko’p va xilma-xilligini, ulardan yuzaga keladigan vaznlarning rang – barang va go’zalligini ta’kidlamoqchimiz. Ularni mustaqil o’rganishga tezroq kirishish lozimligini eslatib, dastlabki yo’llanmalarni beruvchi tadqiqotlar sifatida Ummat

To’ychiyevning “O’zbek sovet poeziyasida barmoq sistemasi” monografiyasini, I. Sultonning “Adabiyot nazariyasi” darsligini tavsiya qilamiz. Aruz she’r sistemasi . Bu sistema arab olimi Xalil Ibn Ahmad (melodiy 790- 791 yilda tug’ilgan) tomonidan yaratilgan. Aruz, ayniqsa, o’zbek mumtoz adabiyotida (o’n-o’n ikki asr) yetakchilik qildi. “Ilmi aruz” Alisher Navoiy (“Mezonul avzon”) Mirzo Bobur (“Muxtasar”) tomonidan ham o’rganildi; turkiy she’riyatdagi aruzning nazariy asoslarini, qonun va qoidalarini ishlab chiqdilar. hozirgi zamon o’zbek “aruziylari ” – A. Fitrat ham, I. Sulton ham, U. To’ychiyev ham, A. hojiahmedov ham, A. Abdurahmonov ham aruzni o’rganishga, o’rgatishga katta kuch sarf etdilar. 1 Ana shu asarlarga suyangan holda aruzni jadvallar asosida o’rganishni lozim ko’rdik, chunki “har qanday ilmning vazifasi inson mushkulini battar qilish emas, balki osonlashtirishdir” (Adabiyot nazariyasi, II tom, 1979, 349 - b. ). Ma’lumki, aruziylar so’zlarini bo’g’inlarga emas, balki harflarga bo’ladilar . harflar ikki xil mutaharrik (harakatli) va sokin (harakatsiz) . Cho’zg’ilar (unlilar) – o, a, u, i “harakat ” deb ataladi. Ana shu unlilarning biri bilan birikib kelgan har bir harf – mutaharrikdir. Qolgan harflar – b, g’, n, l, k, m kabilar sokindir. Juzvlar undosh va unlining miqdoriga, ularning mutaharrik (“zer”, “zabar” yoki “pesh”li ) va sokin (“zer”, “zabar” yoki “pesh”siz ) bo’lishiga qarab uch guruxga bo’linadi: Sabab, Vatad, Fosila . Bu juzvlarning har biri ikki xil bo’ladi: 1 А. Фитрат. Аруз Ҳаsида, Т. , “Ўsитувчи”, 1997; И. Султон . Аруз назарияси: “Адабиёт назарияси”, Тошкент., “Ўsитувчи”, 1980; У. Т?йчиев . Ўзбек поэзиясида аруз системаси, Т. , “Фан”, 1979; А. Рустамов. Аруз Ҳаsида суҲбатлар, Т. , 1972 , А. ҲожиаҲмедов. Мактабда аруз вазнини њ?ганиш, Т.; “Ўsитувчи”, 1978; А. АбдураҲмонов . Аруз назарияси, Х?жанд , 1993 ва ш.к.

1-jadval Ҳарфлар Мутаҳаррик (ҳаракатли) ҳарфлар а, о, у, и каби Сокин (ҳаракатсиз) ҳарфлар б, қ,, ғ, н каби Жузвлар (ажзо) РУКН жузвлардан иборат бирикма Асоси: фаала Сабаб жузви (икки ҳарфли сўзлар) Ватад жузви (уч ҳарфли сўзлар) Фосила жузви (4 ва 5 ҳ арфли сўзлар) Сабаби ҳафиф (енгил сабаб) Бири ҳаракатли ва бири сокин икки ҳарф: май, най, гул Сабаби саљийл (оғир сабаб) икки ҳаракатли ва бири ҳаракатсиз уч ҳарф: юзи, кўзи, иши Ватади мажмуъ (жамланган ватад) икки ќарфи ќаракатли ва сўнгги бир ќарф сокин: шажар, самар, ҳ утан, адан Ватад мафруҳ (ажратилга н) уч ҳарфнинг биринчиси ва учинчиси ҳаракатли ўртанчиси ҳаракатсиз: ташна,

Ushbu juzvlarning Ushbu juzvlarning ifodasini belgilash uchun Alisher Navoiy “Ul ko’zi qaro dardu g’amidin chidamadim ” jumlasini keltiradilar va quyidagicha taqte’ qiladilar: “Ul ” - sababi hafif (-) “Ko’zi” - sababi saqiyl (-v) “Qaro” - vatadi majmu’ (v -) “Dardu” - vatadi mafruq (- -) “G’amidin” - fosilai sug’ro (v - -) “Chidamadim” - fosilai kubro (vvv -) Sabab, vatad, fosila juzvlarining turli tuman chatishuvidan aruzda sakkizta asl rukn tug’iladi . Xalil Ibn Ahmad “faala” fe’lidan hyech qanday ma’noni anglatmaydigan, lekin juzvlardagi cho’zg’ilarning uzun va qisqaligini a’lo darajada bildiradigan sakkizta ruknni – afoilni yaratgan. 2- jadval Фосилаи суҳро (кичик) аввалги уч ҳарфи ҳаракатли ва сўнгги бир ҳарфи ҳаракатсиз тўрт ҳарфли сўзлар: Мираким (м р к м) Фосилаи кубро (катта) беш ҳарфли сўзлардан аввалги тўрттаси ҳаракатли ва бешинчиси ҳаракатсиз: яшамаган, сўрамаган

№ Nomlanishi Bahrlar tuzilishi 1 Faulun Mutaqorib “Vatadi majmu’”, “Sababi hafif” V- - 2 Foilun Mutadorik “Sababi hafif”, “Vatadi majmu’” - V - 3 Foilotun Ramal “Sababi hafif”, “Vatadi majmu’” -V - - 4 Mafoiylun hajaz “Vatadi majmu’”, “Sababi hafif”, “Sababi hafif” V - - - 5 Mustaf’ilun Rajaz “Sababi hafif”, “Sababi hafif”, “Vatadi majmu’” - -V - 6 Mafoilotun Vofir “Vatadi majmu’”, “Fosilai sug’ro” V-VV- 7 Mutafoilun Komil “Fosilai sug’ro”, “Vatadi majmu’” VV–V- 8 Maf’ulotun ------------------- “Sababi hafif”, “Sababi hafif”, “Vatadi mafruq” - - -V - Ruknlar ikki turga bo’linadilar: solim (o’zgartirilmagan, butun) va g’ayri solim (o’zgartirilgan, pachaq). Asl ruknlarni o’zgartirib yangi ruknlar yasash “zihof ” deb ataladi. Asllardan yangicha “aslchalar” yaratish – zihofat bo’lsa, “aslchalar”dan “kichik (shoxobcha) asl” yaratish – far’ deb ataladi. Asl, zihof, far’ ruknlar takroridan yoki bir- biriga aralashtirib olinishidan bahrlar tug’iladi. Ular o’n to’qqizta: tavil, madid, basit, vofir, komil, hazaj,

rajaz, ramal, munsareh, muzore’ , muqtazab, mujtas, sare’, jadid, qarib, xafif, mushokil, mutoqorib, mutadorik . 3 – jadval Aruz bahrlari 5 –jadval Ba’zi bahrlarga misollar Rajazi musammani solim 1 rukn 2 rukn 3 rukn 4rukn Mustaf’il un Mustaf’ilu n Mustaf’il un Mustaf’ ilun - -V - - -V - - -V - - -V -Бир хил асл рукнлардан тузилган ба ҳ рлар Икки хил асл рукнлардан тузилган ба ҳ рлар Ҳажаз, ражаз, рамал, вофир, комил, мутақориб, мутадорик Мужтасс, музореъ, ҳафиф, мунсареҳ, му қ тазаб, тавил, жадид Араб шеъриятига хос бўлган баќрлар Форс – тожик ва туркий халқлар шеъриятида қў лланиладиган баҳрлар Тавил, мадид, басит, комил, вофир Ҳажаз, ражаз, рамал, мунсареҳ, музореъ, му қ тазаб, мужтасс, сареъ, жадид, қ ариб, ҳафиф, мушокил, мута қ ориб, мутадорик

Ey shoh karam Ki mehr nu aylar chag’i ri teng tushar teng tut yamo vayronu o nu yaxshin i bod ustina hazaji musaddasi maqsur 1 rukn 2 rukn 3 rukn 4 rukn Mafoilun Mafoilun Mafoil V - - - V - - - V - - Jahonda qol Bilib tahqi madi ul yet q(i) ni kasb et magan ilm magan ilm O’zbek mumtoz adabiyotida ramal, hazaj, rajaz, mutaqorib eng ko’p qo’llanilgan. Jumladan, Alisher Navoiyning “Xazoyin ul-ma’oni” devonidagi g’azallarning yarmidan ko’prog’i ramal bahri (foilotun ruknining turlicha takrori) da yozilgandir. Bahrlar bir – biriga yaqinligi, “o’zagi” bir xil bo’lishiga ko’ra guruhlanib, aruz doiralarini tashkil etadilar. Bir o’zakli (yaqin) bahrlar uchun bitta bayt yoki misra she’r aytiladi va u turlicha joydan boshlab o’qilsa, maxraj (o’zak) atrofida guruhlashgan qonu-qardosh bahrlar kelib chiqaveradi.

Taqte’ (arabcha so’z bo’lib, bo’laklarga, parchalarga bo’lish ma’nosini beradi) – she’rning vaznini aniqlash uchun misralarni ritmik bo’lak (rukn)ga ajratishdir. Alisher Navoiyning “Mezon ul-avzon”da ta’kidlashlaricha, taqte’ qilinadigan misra to’g’ri o’qilishi (talaffuz qilinishi) – musiqiyligi aniq sezilishi asosiy shartdir. Shu asosga tayangan holda misradagi so’zlar ruknlarga moslab bo’laklarga bo’linadi. Jumladan, shu qoidaga asoslangan holda Alisher Navoiy “Ketti ulkim, sendin orom istagaymen ey ko’ngul” misrasini quyidagicha taqte’ qiladilar: Ketti ulkim: foilotun ( - V - - ) Sendi – norom: foilotun ( - V - - ) Istagaymen: foilotun ( - V - - ) Ey ko’-ngul: foilun ( - V - ) Juda ko’plab vaznlarga misollar keltirib, mutoqorib bahrining musaddas shakliga ham to’xtaladilar: Yana hajr aro zor bo’ldum, Firoqingda afgor bo’ldum. Faulun faulun faulun V - - / V - - / V - - Xullas, ilmu aruzni alohida fan sifatida o’rganish davrning taqozasidir. Chunki, aruz mumtoz she’riyatimizning asosidirki, uni yetarli tushunmasdan mumtoz adabiyotimizning salohiyatini, mumtoz shoirlarimiz badiiy mahoratlarini to’liq tasavvur etish mumkin emas. Yana Erkin Vohidov, Jamol Kamol kabi zamondosh shoirlar aruzning go’zalligini namoyon qilmoqdalarki, ularni borlig’icha anglamoq uchun ham aruzni o’rganish zarur. Erkin she’r sistemasi . Bu she’r tizimida misralarda bo’g’inlar miqdori tengligi (barmoq), hijolarning cho’ziq va qisqalgi (aruz) kabi qonuniyatlar hukm

surmaydi. Unda bo’g’inlar miqdori ham, turoqlar (ruknlar) tartibi ham, qofiyalanish va bandlar ham turli-tuman bo’ladi, lekin musiqiylik-ohangdorlik doimo barq urib turadi. Shu sabab u erkin she’r sistemasi deb yuritiladi. Bu sistemada ham shaklning rang – barangligi mazmun va mantiq talabiga, kechinmalarning mohiyatini ro’yi-rost ko’rsatuvchi ohangdorlikka bo’ysunadi. Bizningcha, bu she’r sistemasining XX asr she’riyatida tug’ilishi va taraqqiysi jamiyatning, insonning tezkor hayoti bilan bog’liqdir. hayot oqimi qanchalik tezlashsa (XX asr boshida eng katta tezlik soatiga 10-12 km bo’lgan bo’lsa, asrning o’rtalarida bu tezlik bir sekundga tenglashdi) inson qalbidagi tug’yonlar ham shunchalik faollashadi, bu o’z navbatida she’riyatdagi mazmunning o’zgarishiga, pafosning ayricha kuchliligiga olib keldi, ya’ni oniy his - tuyg’ular vulqondek, birdaniga bor qudrati bilan voqye bo’lib – yangicha intonasiyani, yangicha ritmni yuzaga keltirdi. Barmoq va aruzdan farq qilgani holda, mazmun va mantiq, ma’no urg’usi talabiga ko’ra intonasiyani kuchaytirib borish, muayyan so’zlardagi mantiq urg’usini bo’rttirish maqsadida misralarda va bandlarda turoqlar, qofiyalar tartibini turlicha o’zgartirib, tovlantirib borishi mumkin bo’ldi. 1 Bu xususiyatlarning mohirona ijrosini h. Olimjonning “Baxtlar vodiysi”, G’. G’ulomning “Sen yetim emassan” kabi o’nlab she’rlarida, M. Shayxzodaning “Mirzo Ulug’bek” tragediyasida, R. Parfining yuzlab asarlarida - go’zal lirikasida ko’rish mumkin. Ey, Farg’onah Ey, bo’yniga qora to’rva osgan jonlar, Ey har kuni, gadoylikka tortgan onlardan Ey tanlarni 1 Қ аранг: Н. Шукуров, Н. Ҳ отамов, Ш. Холматов, М. Ма ҳ мудов. Адабиётшуносликка кириш, Т., “Ў қ итувчи ”, 1984, 179 - б.

shilib yotgan harom qonlardan Bir yo’lasi ozod bo’lgan azamat o’lkah (h. Olimjon) Bitta she’r doirasida bo’g’in, turoq, misra, band, qofiya, ritmik pauza kabi vositalarning mazmun va ohang talabiga mos tarzda tovlanishi (rang-barang va erkin bo’lishi) erkin she’r sistemasining bosh qonunidir. Bu sistema (erkin, oq, sarbast she’r yo’llari) xalq tiliga – oddiy so’zlashuv tiliga judayam yaqinlashgani bilan ajralib turadi. Xalqqa xos bo’lgan oddiy, “qo’pol” so’zlar ham, so’z birikmalari ham bu sistemaga kira bildilar, odatdagidan ko’ra katta vazifani – poetik olam obrazini yarata oldilar. Bu xususiyat sistemaning ommabopligini, jonliligini, zarurligini ta’minladi. Jumladan, Oygul Mamatovaning “Onalik” she’rida onaning tengdosh dugonasiga murojaati, nidosi orqali she’r va farzandga bo’lgan buyuk muhabbat, bu muhabbatning jahoniy ma’nosi – olti iqlimning tinchligi, oromi, armoniga aylanib, qalbni jo’nbushga keltiradi. U xuddi ummon to’lqinidek goh pasayadi, goh balandlashadi, lekin tobora yuksalaveradi. Ana shu ma’no ohangiga mos tarzda turoqlar, pauzalar, qofiyalar... turfa xillik kasb etadi. Shunday tarzdagina poetik fikr yashash, yaratish qudratiga ega bo’ladi: ona dardlarining, xayollarining, orzularining jonli va betakror olamidan – yaxlit va go’zal asar voqye bo’ladi. Mana, isboti: “hyey, u shoir bo’larmidi Bir etak bola. Ko’rgani yo’rgagu Topgani beshik”. Qo’ygin, xafa qilma meni dugonam, O’zim ahd qilganman Shunchaki she’r yozib shoir bo’lgandan Bir fidoyi ona bo’lganim tuzuk.

Goh qalamga, Goh bolamga Allalar aytdim, Bilagim tolsa ham, Yuragim yonsa ham, Tashlab yubormadim birontasini. Ikkovini birga bag’rimga bosdim Faqat Tengqo’r shoirlar safidan kech qoldim bir oz. Sen ilk kitobing chiqarding, Men-chi, bag’rimda Olti yo’rgakni avaylab bog’ladim, yechdim, Xalqim xizmatiga tutdim olti pahlavon. Olti dastiyorni karvonga qo’shdim. Maqsadsiz tug’madim biror bolamni, “Tug’sa, tug’ibdi-da” dema iltimos Asli hayot shunday, tabiat shunday: hamma shoir yo har kim ona bo’lolmas. Sen she’ bilan so’raysan dunyoni bugun, Men esa olti bolam yuragiga olti qit’aning Tinchligini, armonini, orzusini joylayman. Men onamanh Farzandlarim tomirlarimda. Toki, Ko’krak sutim qon bo’lib aylanar ekan, Men zamin bo’lib Suygan beshigimni o’rtaga qo’yib Oltovidan Olti iqlim taqdirini so’rayman.

Oygulning “Onalik” she’ri erkin she’r sistemasining erkin yo’liga misol bo’ladi: chunki, unda bosh xususiyat – satrlardagi turoqlarning va qofiyalanish tartibining erkinligidir. Oq she’rning asosiy alomati – misralardagi bo’g’inlar tartibi (xuddi barmoqdagidek) bir xil bo’ladi, turoqlanishi har xil bo’ladi, o’zaro qofiyalanmaydi; Usmon Nosirning “Yurak” she’ri bu yo’lning namunasidir: Yurak, sensan/mening sozim, 4+4=8 Tilimni nayga/jo’r etding, 5+3=8 Ko’zimga oyni/bekitding, 5+3=8 Yurak, sensan/ishqibozim. 4+4=8 Senga tor keldi/bu ko’krak 5+3=8 Sevinching toshdi/qirg’oqdan. 5+3=8 Tilim charchar,/ajab, gohi 4+4=8 Seni tarjima/qilmoqdan. 5+3=8 Sen, ey, sen-/uyg’oqi dilbar, 3+5=8 Zafardan izla/yoringni. 5+3=8 To’lib qayna,/toshib o’yna, 4+4=8 Tirikman kuyla/boringni. 5+3=8 Itoat eth/agar sendan 5+3=8 Vatan rozi/emas bo’lsa, 4+4=8 Yoril, chaqmoqqa/aylan sen, 5+3=8 Yorilh Mayli,/tamom o’lsam. 4+4=8 Sarbast she’r – erkin she’rda bo’lgani kabi qofiyalanishga, oq she’rda bo’lgani kabi misralardagi bo’g’inlar sonining teng bo’lishiga asoslanmaydi. U bu “qolip”lardan o’zini tamoman ozod sanaydi. Ana shunday erkinligi tufayli

qalbning sirli mo’jizalarini judayam oddiy qilib, qanday tug’ilgan bo’lsa – xuddi shunday, zo’riqishsiz, butun borlig’icha ifoda qiladi: “Qasam” bu yo’lga isbotdir: Shavkat Rahmon degan =6 bir o’jar shoir, =5 bir kuni qaytadan yaraladimi? =9 hayotim ma’nisin juda ko’p o’ylab, =10 sayladim so’zlarning =6 saralarini. =5 har bir so’z =3 yuz so’zning o’rnini bosar – =8 Vatan Xalq Jasorat Kurash Ozodlik. =11 har bir so’z yetajak yuzta umrimga, har biri baxsh etar ruhimga shodlik. hozirlik ko’rarkan buyuk safarga, ushtirang pardali minglab darchadan mo’ralab o’tirgan go’zal so’zlarni, qoldirib ketaman endi barchaga. Aslida atirgul bo’yin taratgan bu o’ynoqi so’zlar menikimasdir. Menga nonday zarur, qilichday keskir, zaharday mard so’zlar bo’lsayoq basdir. Sayladim so’zlarning saralarini, kurashlar shamoli kirdi nazmimga. Yurtimni kezaman, endi har narsa – egilgan narsalar tegar g’ashimga.

Endi ishlash kerak bu kengliklarda, tokim suylamasin yolg’onni hyech kim, tokim buyuk tog’lar saltanatida egilgan boshlarni qilichlar kessin. Erkin she’r sistemasi turli xalqlarning she’r sistemalariga (ayniqsa, turk, rus, yapon) qiziqishni ham oshirdi; ularning yetuk namoyandalari (Nozim hikmat, Garsiya Lorka kabi) va janrlari (xokku, tanka) chanqoqlik bilan o’rganila va tarjima etila boshlandi. Aytilganlardan shunday xulosaga kelish mumkin: Erkin she’r sistemasi XXI asr jaxon poeziyasida, jumladan o’zbek she’riyatida ham yetakchilik qilsa ajabmas, chunki u “tezkor” zamona kishilarining murakkab ziddiyatlarga to’la, shiddatkor, betakror ruhiy dunyolarini borlig’icha namoyon etishga qodir kuch – mo’jizadir.

Adabiyotlar 1. N.Shukurov va boshqalar. Adabiyotshunoslikka kirish. Toshkent. “O’qituvchi”, 1979, 159-182 betlar. 2. T.Boboyev. Adabiyotshunoslikka kirish, Toshkent. “O’qituvchi”, 1979, 173-185 betlar. 3. H.Umurov. Adabiyot nazariyasi. Samarqand, SamDU nashri, 2001, 221-258- betlar. 4. U.To’ychiyev. O’zbek poeziyasida aruz sistemasi. Toshkent. “Fan”, 1985. 5. Alisher Navoiy. Mezon ul-avzon. Toshkent. “O’zFAN”, 1949. 6. Alisher Navoiy. Lirika, Toshkent. “O’qituvchi”, 1992.

Похожие

Lafziy she’riy san’atlar

She’riy asarning o’ziga xosligi

She’riy, nasriy va drama turidagi asarlarda sujet

Omon Matjon hayoti va ijodi

Xalq dostonlari, dostonchilik an’analari, dostonchilik maktablari