Ispaniyada uyg’onish davri adabiyoti. M.Servantes ijodi - Литература - Рефераты

Ispaniyada uyg’onish davri adabiyoti. M.Servantes ijodi

Загружено в:

11.09.2022

Скачано:

0

Размер:

43.5 KB

Ispaniyada uyg’onish davri adabiyoti. M.Servantes ijodi Reja : 1. Ispaniyada uyg’onish adabiyoti vakillari. 2. Servantes hayoti va ijodi. 3. “Don Kixot” romani. 4. “Don Kixot” romani qahramonlari: a) ijobiy qahramonlar ; b) salbiy qahramonlar. 5. Servantes ijodining ahamiyati.

XV asrning ikkinchi yarmida Ispaniyada absolyut hokimiyat tashkil topa boshlaydi. Bu davrga kelganda mamlakat erlarini qayta qo`lga kiritish harakati – Rekonkista asosan tugallanadi. G’arbiy Evropaning boshqa mamlakatlarida bo`lgani kabi Ispaniyada va o`sha vaqtda unga qaram Portugaliyada ham savdo- sanoat rivojlanib, Kapitalistik munosabatlar tugildi.Gumanistik dunyokarashning shakllana borishi bilan feodal jamiyati va uning urf-odatlariga qarshi kurash kuchayadi. Lekin Ispaniya viloyatlarida burjua munosabatlarining sekinlik bilan o`sishi, har bir o`lkaning o`z qonun-qoidalari bo`lishi va shuningdek, rekonkistaning uzoqqa cho`zilganligi sababli absolyutizm butun mamlakatni bir milliy davlat tevaragiga birlashtira olmaydi. Qirollik hukumati shaharlar bilan ittifoq tuzib feodal tarqoqligiga chek qo`ya olmaydi. XV asrda Evropaning boshqa mamlakatlarida yirik monarxiyadan iborat davlatlar paydo bo`lib, ular “madaniylashtiruvchi markaz” sifatida xizmat qilgan bir vaqtda Ispaniyada bunday markazlashgan hokimiyat hali yo`q edi. Savdo-sanoat ishlarida ham tushkinlik ro`y beradi. Amerikadan keltirilgan oltin mamlakat xo`jaligini izdan chiqaradi. Chetdan mol sotib olish foydaliroq bo`lib chiqadi. Oqibatda dehqonlar xonavayron bo`ladi. Mustamlaka xalqlarni talash va ezish kuchayadi, moddiy ishlab chiqarish haddan tashqari qisqarib ketadi. Oltin zapasi tugagach, xo`jalik hayotida yana og’ir vaziyat yuzaga keladi. Katolik cherkovi esa xalqni qullikda saqlash uchun qirol hukumatiga yordam beradi. XVII asr o`rtalariga kelib Ispaniya o`zining ilgarigi qudratidan mahrum bo`ladi, keyinchalik u mustamlakalaridan ajralib, kuchsiz davlatga aylanib qoladi. XVI – XVII asrlar mobaynida davom etgan dehqon qo`zg’olonlari esa absolyutizm krizisini yana ham chuqurlashtirib yuboradi. Ispan uyg’onish davri adabiyoti XV – XVI asrlarda yuz bergan ijtimoiy- siyosiy voqealar, mamlakat tarixiy taraqqiyotining o`ziga xos xususiyatlari bilan ravishda shakllanib, unda ilg’or gumanistik g’oyalar targ’ib qilinadi. Bu adabiyotning dastlabki etapi – XVI asr oxiri, XVII asr birinchi yarmidagi yirik shoirlardan biri Fernando de erreradir (1534 – 1597). Bu davrda lirik janrga nisbatan epik poeziya keng ko`lamda rivojlanadi. Tarixiy, ta`limiy-didaktik afsonaviy-diniy va boshqa turdagi poemalar yuzaga keladi. CHunonchi, e rsil’ya

(1533 – 1594)ning katta epopeyasi “Araukana”da hind-ariukan qabilasidan bo`lgan chiliylarning Ispan hukmronligiga qarshi ko`targan qo`zg’olonlari tasvirlanadi. Asarda qabila qahramoni Kaupalikaning mardona kurashi, ayollarning sevgi sarguzashtlari tasvirlanadi. XVI asrda yashagan yirik portugal yozuvchisi Luis de Kamoens (1524 – 1580) ijodida davr ruhi, muvaffaqiyatli gavdalanadi. Kamoens bir komediya, bir qator she`r, shu jumladan baxtsiz sevgini ifodalagan 350 dan ortiq sonet yozadi. Lekin u, asosan “Luziada” poemasi bilan mashhur. Asar Vasko de Gamaning Afrika orqali Hindistonga yo`l topishi va portugallarning bu mashaqqatga kirib borishini tasvirlaydi. SHoir dostonida jamiyatdagi nuqsonlarni, saroy ahlining munofiqligini va hukmronlarning og’ir soliqlari, sinfiy qarama- qarshiliklar, ritsar’ sarguzashlari, kalonnalarni bosib olishga intilish kabi davrning xarakterli xususiyatlari aks ettiriladi. Asarning ahamiyati shundaki u insonning tabiatni o`rganishga qaratilgan faoliyati va urinishlarini qiziqarli qilib tasvirlash bilan birga poeziyada realistik uslubini rivojlanishga ma`lum darajada ta`sir kursatdi. ersil’ya va Komoens ijodiga Xomer,Vergiliy kabi shoirlarning ta`siri bor edi. Bu ta`sir ularning poemalarida realistik epizodlar bilan birgalikda fantastikaga berishida ko`zga tashlanadi. XVI asr Ispan adabiyotida lirik va epik poeziyaga qaraganda romanchilik keng rivojlanadi. Ispan istak-orzulari, irodasi va kurashining yana ham to`laroq aks ettirilishi bilan bu janr alohida o`rin tutadi. XV I asrning oxiri va XVII asrning boshlarida ijod etgan uyg’onish davri adabiyotining yirik vakili, realistik romanchilikka asos solgan gumanistik yozuvchi Migel’ de Servantes Saavedra 1547 yilning 29 sentyabrida Ispaniyaning Al’kala de enares shaharchasida tug’ildi. Otasi Rodriga de Servantes Saavedra tabiblik bilan kun kechirar, shuning uchun ham u ko`p vaqt oilasi bilan shaharmi-shahar kezib yurishga majbur bo`lardi. Migel’ de Servantes (1567 – 1561) yillarda iezutlar maktabida o`qiydi. 1561 yilda oilasi Madridga ko`chib borgandan so`ng o`qishni shu erda davom ettiradi. O`spirin Migelda she`riyatga qiziqish tug’iladi. Filipp II ning xotini malika Isabella vafotiga bag’ishlangan sonetlari yosh Servantesning she`riyat sohasidagi dastlabki mashqlari edi. 1569 yilda Servantes Rimga borib, papaning vakili Akvavia huzurida ishlaydi, 1570 yilning ikkinchi yarmida Italiyada

joylashgan ispan qo`shiniga xizmatga kiradi, chunki muhtojlik uni o`z vatanini tashlab ketishga majbur etadi. 1571 yilning 7 oktyabridan Lepanto ko`rfazi yaqinida turklar bilan bo`lgan shiddatli dengiz jangida qatnashgan Servantes uch eridan o`q eydi. 1572 yilning aprel’ oyigacha Messina gospitalida davolanadi. 1574 yilning oxirigacha soldat sifatida yana bir qancha janglarda qatnashadi. 1575 yilda u harbiy xizmatdan bo`shab, ukasi Rodriga bilan o`z vataniga jo`naydi. SHu yilning 26 sentyabrida yo`lda qaroqchilar Servantesni asir qilib, Jazoirga olib ketadilar. Shu vaqtda uning Afrikadagi tutqunlik davri boshlanadi. Servantes 1580 yilning 19 sentyabridagina ozod etiladi va o`z vataniga qaytadi. Servantes biror harbiy mansabga erishish niyatida Ispaniyaga qo`shib olingan Portugaliyaga boradi (1581 yil). U erda ham huzur-halovat ko`rmagan Servantes Madraga qaytadi. 1584 yilning may oyida dvoryan oilasidan chiqqan Katalina ismli qizga uylanadi. Otasi o`lgach (1594 yil), ro`zg’or tebratish maqsadida turli moliya xo`jalik ishlari bilan shug’ullanishga majbur bo`ladi. natijada adabiy ishini uzoq vaqtgacha davom ettira olmaydi. 1592 yilda u to`plangan g’allani noto`g’ri sarflashda ayblanib, turmaga tashlanadi. Seviliya shahrining bankiri Madridga o`tkaziladigan pulni yubormaydi, buning ustiga u sinadi, o`tkaziladigan pulni, undirilmay qolgan mablag’lar uchun gunohkor deb hisoblangan. Servantes 1597 yilda yana qamaladi. Keyinroq bu voqeaga doir janjal ikkinchi marta ko`tarilib, Servantes 1602 yilda uchinchi marta qamoqqa olinadi. Servantesning “Don Kixot” romani ustida ishlay boshlashi hayotining shu og’ir mashaqqatli davriga to`g’ri keladi. 1604 yilda qirollikning yangi poytaxti deb atalgan Val’yadolidga kelganidan keyin uning adabiy faoliyati ravnaq topadi va shu erda “Don Kixot” romanining birinchi qismi nashr etiladi (1605 yil). So`ngra 14 hikoyani o`z ichiga olgan “Ibratli novellalar” to`plami (1613 yil), adabiy satira – “Parnasga sayohat” (1614 yil), poemasi bosiladi. 1615 yilda “Don Kixot”ning ikkinchi qismi bosilib chiqadi. Shu yili uning “Sakkiz komediya va sakkiz intermediya” nomli piesalar to`plami ham yuzaga keldi. Servantes ning so`nggi asari “Persiles va Sixizmunda sayohati” romani yozuvchining o`limidan so`ng nashr qilinadi. Antik, klassik va uyg’onish davri adabiyoti bilan yaqindan tanishish, harbiy xizmat va urushlardan qatnashish,

Jazoirdagi besh yillik tutqunlik hamda boshqa ko`p muhtojlik va mashaqqatlar Servantes dunyoqarashining gumanistik xarakterda shakllanishiga va uning yirik realist yozuvchi bo`lib etishishiga katta ta`sir qildi. Servantes adabiy dahosi “Don Kixot” asarida yorqin ifodalangan. “Don Kixot” romanining yaratilishi ispan madaniy hayotida juda katta voqea bo`ladi. Asarning bosh qahramoni Lamanch qishlog’ida istiqomat qiluvchi kam erlik, yoshi elliklarga yaqinlashib qolgan baland bo`yli, baquvvat, lekin ozg’in, ovni yaxshi ko`radigan bir kambag’al dvoryan bo`lib, familiyasi Kexona edi. ertayu kech kitobdan bosh ko`tarmagani va uxlamagani uchun miyasi aynib qoladi. Uning ko`z oldidan ritsar’ romanlarida o`qigan jodugarlar, devlar, jahongashta ritsarlar o`ta boshlaydi. Keyinchalik u o`ziga, tug’ilgan qishlog’ining ham nomini qo`shib, lamanchlik Don Kixot deb nom qo`yadi. Albatta, uni ham sevgisi va sevgilisi bo`lishi kerak. U Toboso qishlog’ilik cho`chqaboqar qiz Aldonso Lorensoni o`ziga munosib deb, Dul’sineya Toboso deb malikalarga qo`yiladigan dabdabali nom beradi. Uni do`sti Sancho Pansa bir sodda dehqon bo`ladi. Yana boshqa personaj, jiyani, xizmatchi ayol. Bular hammasi ijobiy qahramonlardir. Don Kixot ritsarlikni orzu qilib ‘ir necha marta “buyuk” safarga chiqadi. Uning “dushmani” bilan dastlabki to`qnashishi karvon saroy molxonasi yonida ro`y beradi. U saroyni“Muqaddas joy” deb bilib, kechasi bilan uxlamay qo`riqlab chiqadi. SHu vaqtda molini sug’ormoqchi bo`lib kelgan kishini “dushman” deb, unga qarshi hujum qiladi. Don Kixot zarar ko`rgan molboqar sheriklarining toshbo`roni ostida qoladi. Karvon saroy egasining Don Kixotning ritsarligiga “fatvo” berishga oshiqqanining sababi undan tez qutulish edi. endi “haqiqiy” ritsar’ sifatida yo`lga chiqqan Don Kixot xo`jayini tomonidan kaltaklanayotgan podachi bolaga duch keladi va uni azobdan qutqarib yuboradi. Lekin bolaning bundan keyingi taqdiri uning hayoliga ham kelmaydi. Don Kixot bir guruh kishilarni uchratib qoladi, ularni jahongashta ritsarlar deb o`ylab, yo`lini to`sib, dunyodagi barcha malikalaridan ko`ra o`zining Dul’sineyasini go`zal malika deb tan olishga majbur etadi. O`jarlik bilan ularga hujum boshlagan va qattiq

kaltaklanib o`rnidan turishga majoli qolmagan Don Kixot qayg’urmaydi, chunki jahongashta ritsar’ bilan bunday voqealarning yuz berib turishi, uningcha, tabiiy bir hol edi. Servantesning asar muqaddimasida “ritsar’” romanlarining qulay deb turgan istehkomini ag’darish” ta`kidlangan asosiy fikri Don Kixotning birinchi safari tasvirlangan yuqoridagi epizodlardayoq ochiq ko`rinadi. Don Kixot ritsar’ sarguzashtidan qaytgan va qattiq shikastlanib yotgan vaqtida uning kutubxonasini ko`zdan kechirgan do`stlari, jiyani va xizmatchi ayol “quruq til bilan yozilgan dag’al va bema`ni”, zarardan boshqa narsa keltirmaydigan kitoblar haqida: “Bir to`da qilib yig’ib, kuydirib tashlash kerak”, “Ularni to`ppa-to`g’ri tashqariga uloqtirmoq zarur” deydilar. Don Kixot navbatdagi safarga chiqishi oldidan Sancho Pansa degan bir sodda dehqonni topib, o`ziga yordamchi – yarog’bardor qilib oladi va bu xizmatlari evaziga uni qo`lga kiritadigan orollardan biriga gubernator qilib tayinlamoqchi bo`ladi. Yo`lda uzoqdan ko`ringan shamol tegirmonlari unga dushman devlar bo`lib tuyuladi. Don Kixot birinchi duch kelgan tegirmonning parragiga nayza sanchadi. Harakatlangan parraklar uni oti bilan ilib ko`tarib ketadi, so`ngra erga uloqtirib tashlaydi. Sancho Pansa og’ir ahvolda yotgan xo`jayinga bu fojia uning so`zlariga ishonmaganligidan kelib chiqqanini afsus bilan bildiradi. Don Kixot esa kitoblari bilan birga uyini ham o`g’irlab ketgan ashaddiy dushmani jodugar Freston devlarni shamol tegirmonlariga aylantirib qo`yganini, lekin, baribir, uning makkorligi Don Kixot qilichi kuchiga bardosh berolmasiligini aytib, o`z fikridan qaytmaydi. Ikkinchi kuni Don Kixot va Sancho yo`lda ikki monax va ularning xizmatchilariga duch keladi. Ulardan orqaroqda karetada biskaylik ayol ham ketayotgan edi. Bu yo`lovchilar Don Kixotga “malika”ni olib qochib ketayotgan jodugarlar bo`lib ko`rinadi. U xonimni ozod etish uchun hujum qiladi. Sancho Pansani esa faqat bir narsa – erda cho`zilib yotgan, “engilmas” kishining narsalarini o`lja qilib olishgina qiziqtirar edi. Biroq har ikkala qahramon – ritsar’ va uning yarog’bardori ham yo`lovchilarning qattiq zarbasiga uchraydilar. SHu singari ko`ngilsiz voqealar Sancho Pansani umidsizlikka tushiradi va u qishlog’iga qaytib, xo`jalik ishlari bilan shug’ullanmoqchi bo`ladi. Biroq Don Kixot unga

g’alaba kuni yaqinlashib qolganini, bardoshli bo`lish kerakligini uqtirgandan so`ng, u Don Kixotni tashlab keta olmaydi. Yozuvchi ritsar’ romanlarida bo`lganidek o`z asarini yaxshilik bilan yakunlaydi: Don Kixot o`z orzularidan voz kechadi. Servantes ijodining ahamiyati juda katta bo`lib, o`rta asr sharoitida yashagan dehqon ayolining turmushi va orzu- istaklarini real manzaralarda tasvirlab berdi. Baxtli bo`lish boylikda emas, balki tenglik va o`zaro hurmatda, deb ko`rsatdi u. O`rta asr poeziyasidan o`sib chiqqan va ritsar’ sarguzashtlari aks ettirilgan romanga pastki tabaqa vakillari obrazini kiritish, unda demokratik elementlarni targ’ib qilish bilan Servantes yangi romanchilikka asos soldi. Servantesning novella va dramatik asarlari, xususan, uning “Don Kixot”romani ispan xalqi badiiy dahosining in`ikosi bo`lishi bilan birga insoniyat madaniyati xazinasiga qo`shilgan buyuk durdona hamdir. Buyuk adib Servantesning ijodi o`tgan uch yarim asrdan ortiq vaqt davomida Evropa progressiv adabiyotida munosib baholandi. Uning realistik metodi, yaratgan obrazlari va ifodalash usuli jahon realistik

Adabiyotlar: 1. I.Karimov “Barkamol avlod orzusi”. T.: Sharq, NMK, 1999 , -- 184 bet. 2. Chet el adabiyoti tarixi.Namunaviy dastur va Ishchi dastur.2004, T.: Nizomiy nomidagi TDPU, 2004 3. Alimuhammedov A. Antik adabiyot tarixi. T.: O`qituvchi, 1976 ,-416 bet. 4. Komilov N. Tafakkur karvonlari. T., Ma`naviyat. 1997. 5. Homer. Iliada. T.: G’.G’ulom nomidagi Adabiyot va san`at nashriyoti, 1988. 6. Homer. Odisseya. Ikkinchi qo`shiq g’g’ “Jahon adabiyoti” 2001,№8, 58 – 66 –bet. 7. F.Sulaymonova. Sharq va G’arb. T.: O`zbekiston, 1999. 8. F. Boynazarov. O`rta Osiyoning antik davri. –T.: O` kituvchi , 1991. 9. F.Boynazarov. Qadimgi davr tarixi . Jizzax, “Sangzor”, 2002.

Похожие

Italiyada uyg’onish adabiyoti

Angliyada uyg’onish adabiyoti

O`rta asrlar va Uyg’onish davri adabiyoti. O`rta asrlarda Evropa adabiyoti

Rim adabiyoti. Respublika davri Rim adabiyoti

Ilk islom davri adabiyoti