Бадиий образ ва образлилик - Литература - Рефераты

Бадиий образ ва образлилик

Загружено в:

10.09.2022

Скачано:

0

Размер:

119 KB

Бадиий образ ва образлилик Режа: 1. Образли тафаккур (образлилик) санъатнинг специфик хусусияти сифатида. 2. Бадиий образ тушунчаси. 3. Бадиий образ хусусиятлари. 4. Инсон образи ва уни яратиш воситалари. 5. Бадиий образ турлари. Санъатнинг образ воситасида фикрлаши унинг специфик, яъни, тур сифатида белгиловчи хусусиятидир. Санъаткор бадиий образ воситасида дунёни англайди, узи англаган мохиятни ва узининг англанаётган нарсага хиссий муносабатини ифодалайди. Шу маънода образ адабиёт ва санъатнинг фикрлаш шакли, усули саналади; образлар воситасида фикрлагани учун хам адабиёт ва санъатга хос фикрлаш тарзи "образли тафаккур" деб юритилади. Образли тафаккур билан тушунчалар воситасидаги тафаккур тарзининг фарки нимада? Бундаги фаркни ёркинрок тасаввур этиш учун фан ва бадиий адабиётни киёслаб куриш мумкин. Мисол учун, бир хил масала юзасидан фикр юритаётган олим ва шоирни олиб курайлик. А.Ориповнинг "Аёл" шеъри хаммангизга таниш, унда иккинчи жахон урушида эридан ёш бева колган, умрини фарзандига багишлагани холда садокат билан яшаган аёл хакида суз боради. Шоир куз олдимизда конкрет аёлни, унинг фоже такдирини гавдалантириш оркали умуман уруш хакида, унинг окибатлари хакида, огир дамларда синалувчи инсоний хислар хакида мушохада юритади. Хуп, худди шу шеърдаги масала хусусида, масалан, тарихчи олим кандай фикр юритади: "Иккинчи жахон уруши жанггохларига ...-, ...-йилларда тугилган йигитлар тула сафарбар этилди. Уруш харакатларида шуро хукумати инсонни тежаш йулидан бормади, жанггохларда ... нафар жангчи халок булди. Бунинг натижасида урушдан сунг жамиятда эркак ва аёллар

нисбатида номутаносиблик юзага келди, демографик вазият танглашди. Куплаб аёллар ёлгиз умргузаронлик килишга махкум булди. Жамиятда "ёлгиз аёл" тоифаси юзага келди". Куриб турганимиздек, олим шоирдан тамомила фаркли йулдан боради, уни умумлаштирилган фактларгина кизиктиради. Олим конкрет инсон такдири хакида эмас, ундан узини четлаштирган (абстрактлашган) холда умумлашмалар, тушунчалар асосида фикр юритади. Маълум булдики, мохият эътибори билан шоир ва олимни уйлантираётган муаммо битта. Бирок, шоир битта конкрет аёл такдирини бадиий тасвирлаш (образини яратиш) оркали умумлашмага боради, баски, образ унинг учун фикрлаш шакли, усули булиб колади. Яъни, олим куплаб фактларни (конкрет ходисалар, инсонлар в.х.) урганиб, уларнинг умумий хусусиятлари асосида илмий хулосалар, умумлашмалар чикарса, санъаткор конкрет фактни индивидуал тасвирлаш оркали умумлашмага интилади. "Образ" термини рус тилидан олинган булиб, узбекча таржимада "акс" деган маънони англатади. Масалан, кишининг ойнадаги аксига нисбатан хам "образ" деб айтилади. Бирок, биласизки, сузнинг лугавий маъноси билан истилохий маъноси фаркланади: лугавий маъно билан истилохий маъно орасида туташ нукталар булса-да, мутахассис истилох остида конкрет маънони тушунмоги лозим булади. Шунга кура, биз "образ" деганда адабиёт ва санъатнинг тафаккур шакли булмиш бадиий образни назарда тутамиз. Бадиий образ борликнинг(ундаги нарса, ходиса в.х.) бадиий асардаги акси. Бирок бадиий образ уша борликнинг оддийгина акси эмас, йук, у борликнинг санъаткор кузи билан курилган ва идеал асосида ижодий кайта ишланган аксидир. Бу аксда борликнинг куплаб таниш изларини топасиз, бирок бу энди биз билган борликнинг айни узи эмас, балки тамоман янги мавжудлик — бадиий борликдир. Фикримизни ойдинлаштириш учун мусаввир ижодига мурожаат килайлик. Мусаввир яратган пейзаж — табиат манзараси тасвири билан "натура" — асарга асос булган реал манзара орасида жуда катта ташки ухшашликни топишимиз ва, хатто, "худди узи-я" дея хайратланишимиз мумкин. Эхтимол, ким учундир бу нав хайрат мусаввир ижодига берилган юксак бахо булиб куринар, аслида эса бу хил бахо санъатни тушунмаслигимиздан далолат, холос. Яъни, биз мусаввир айрича бурттирган буёкларни, унинг кечинмаларига "хамоханг" ранглар жилосини, бизнинг назаримизда ахамиятсиз курингани учун эътибор бермаганимиз, бирок муаллиф назарида мухим булгани учун бурттириброк берилган чизгини, натурада булса-да асарда аксини топмаган ёки булмаса- да асарда акс эттирилган жажжи детальни, ... илгай олмаган булиб чикамиз. Бошкача айтсак, образдаги объектив ибтидони курганимиз холда, ундаги субъектив ибтидони — асарга сингдириб юборилган муаллифни, муаллиф калбини кура олмадик. Модомики бадиий образда факат объектив ибтидонигина курар эканмиз, демак, асарни курмаган —

бадиият ходисасидан четда колган булиб чикамиз. Зеро, бадиият ижод ва рецепция (укиш, томоша килиш, тинглаш) жараёнларидагина мавжуддир. Бундан куринадики, хакикатда бадиий образнинг материали реал вокеликгина эмас, ижодкор шахсияти хамдир. Шу важдан хам бир хил мавзуни каламга олган икки ёзувчи, битта нарсанинг суратини чизган икки рассом томонидан яратилган образлар бир хил булмайди, булолмайди. Бадиий образнинг хусусиятлари хакида суз кетганда, биринчи галда, унинг индивидуаллаштирилган умумлашма сифатида намоён булиши хусусида тухталиш зарур. Маълумки, вокеликдаги хар бир нарса-ходисада турга хос умумий хусусиятлар билан бирга унинг узигагина хос хусусиятлар мужассамдир. Юкорида, образли ва абстракт тафаккур хакида фикр юритганимизда, бунга кискача тухталиб утдик. Гап шундаки, абстракт тафаккур нарса-ходисанинг умумий хусусиятларига, образли тафаккур эса индивидуал хусусиятларига таянган холда фикрлайди. Дейлик, фан умуман одам хакида (масалан, биолог умуман одамнинг физиологик хусусиятлари хакида) суз юритиши мумкин, бирок санъат хеч вакт умуман одам образини ярата олмайди. Шу маънода конкретлилик — бадиий образнинг мухим специфик хусусиятларидан бири саналади. Шу уринда яна А.Ориповнинг "Аёл" шеърига кайтсак. Хеч шубхасиз, шеърдаги аёл образи узида катта бадиий умумлашмани ташийди ва шу билан бирга у укувчи куз унгида конкрет бир инсон сифатида гавдаланади. Санъаткор умумлашмага образнинг индивидуал хусусиятларини бурттириш оркали эришади. Масалан, А.Каххорнинг "Угри" хикоясида Кобил бобонинг амин хузурига келганини эсланг. Ёзувчи амин хакида: "огзини очмасдан каттик кекирди, кейин бакбакасини осилтириб кулди", "чинчалогини иккинчи бугинигача бурнига тикиб кулди" кабилидаги индивидуал белгиларни бурттиради. Айни шу индивидуал белгиларнинг бурттирилиши хисобига адиб катта бадиий умумлашмага эришади: замона амалдорларига хос булган кул остидаги фукаронинг такдирига бефаркликни курсатади. Яъни, амин образи куз олдимизда индивидуал хусусиятларига эга булган конкрет инсон сифатида гавдаланади, айни шу индивидуаллаштириш хисобига образ умумлашмалилик касб этади. Куринадики, шу тарика бадиий образда бир пайтнинг узида бир-бирига зид икки жихат (индивидуаллик ва умумийлик) уйгун тажассумини топади. Бадиий образ узида акл ва хисни уйгун бирлаштирадики, шу боис уни рационал ва эмоционал бирлик сифатида тушунилади. Бадиий образдаги рационал жихат шуки, унинг ёрдамида ижодкор узини кийнаган муаммоларни бадиий идрок этади. Масалан, Чулпонни Туркистоннинг тарихий тараккиёти масалалари, юртининг эртаси хакидаги уйлар ташвишлантирган. Узини кийнаган муаммоларни Чулпон "Кеча" романидаги катор образлар воситасида бадиий тадкик этади, асардаги образлар тизими воситасида узининг бадиий фикри(тугал бир караш, тизим холидаги хулоса — концепция)ни шакллантиради

ва айни шу образлар оркали узи англаган хакикатни бадиий фикр(концепция) тарзида ифода этади. Айни пайтда, асарда яратилган образларда адибнинг хиссий муносабати хам уз аксини топган. Ижодкорнинг хиссий муносабати бадиий концепцияни шакллантиришда, асар мазмунининг укувчига етказилишида мухим ахамият касб этади. Зеро, образлар тизимидаги хар бир конкрет образнинг хиссий тоналлиги турлича булиб, бу нарса биринчи галда муаллифнинг ижодий нияти билан боглик булади. Масалан, "Кеча" романининг бошланишидаёк Чулпон Зебига бир турли, Раззок суфига яна бир турли, Акбаралига эса бошка бир турли муносабатда булади. Вокеалар ривожланиб боргани сари муаллифнинг уларга хиссий муносабатида хам маълум узгаришлар кузатилади. Айтайлик, адибнинг асар бошланишидаги Зебига нисбатан шайдолик тула мехри сусайиб боради (адиб характер мохиятини холис идрок этиб боради), Раззок суфига ёки Акбаралига нисбатан мазахли нафрат кисман ачинишга айланиб боради(адиб уларнинг такдиридаги фожеликни кашф этади). Яъни, адибнинг узи характер мохиятига киргани сари кахрамонларига нисбатан хиссий муносабатида узгариш юзага келади. Хиссий муносабатдаги узгариш укиш жараёнида китобхонга хам утади ва айни шу нарса унинг асар мазмунини адиб истаганидек тушунишига асос булиб хизмат килади. Куринадики, бадиий образдаги рационал ва эмоционал жихатларнинг уйгунлиги асар бадиий концепциясини шакллантирилишида хам, ифодаланишида хам бирдек мухим ахамиятга эга экан. Бадиий образнинг мухим хусусиятларидан яна бири унинг метафориклиги саналади. Бу уринда "метафориклик"ни кенг маънода тушуниш, уни "ухшашлик"нинг узи билангина боглаб куймаслик лозим. Яъни, "метафориклик" деганда бадиий образнинг бир нарса мохиятини бошка бир нарса оркали очишга интилиши, санъатга хос фикрлаш йусини тушунилади. Чинакам санъаткор нигохи мохиятга каратилган булиб, у вокеликдаги нарса- ходисаларнинг барчамизга куриниб турган ташки ухшашлиги эмас, бизнинг нигохимиздан яширин ички ухшашлигига таянган холда фикрлайди. Санъаткор биз учун кутилмаган ички ухшашликни инкишоф этадики, натижада уша биз билган нарса-ходиса куз олдимизда буткул янгича бир тарзда суратланади, узининг бизга ноаён кирраларини намоён этади. Масалан, мусаввир ижоди хакида, рангтасвир санъатининг узига хослиги хакида хаммамиз хам маълум бир тасаввурга эгамиз. Шоир (Х.Даврон) эса бу хакда ёзади: "Мусаввир булмок эрсанг Тилингни сугуриб ол Ва ярадан тукилган кон рангига кулок сол". Албатта, рангтасвирда ранглар "гапириши" хаммамизга маълум, бирок айни шу фикрнинг "гапираётган кон ранги" образи оркали берилиши — кашфиёт, метафорик фикрлаш натижаси ва худди шу нарса бизни хайратга солади, шууримизда муким уринлашади. Мохиятга караган санъаткор кобигига уралиб яшаётган одам билан сассик

кулмакдаги тилла баликча ёхуд узида чексиз куч кудрат сезгани холда максаддан мосуво яшаётган одам билан бемаксад учиб юрган бургут орасида(А.Орипов), тургунликнинг бикик мухитида яшаётган зиёли билан бир издан бетухтов юраётган трамвай(А.Аъзам) ёхуд катагон шароитида ижод килаётган шоир билан вахший коялар орасида куёшга оппок гул узатганча нафис чайкалаётган наъматак(Ойбек) орасида ухшашликлар топади, бирининг мохиятини иккинчиси оркали очиб беради. Келтирилган мисоллардан куринадики, образли тафаккурда юксак даражадаги ассоциативлик кузатилади. Маълумки, асссоциативлик умуман инсон тафаккурига хос нарса. Зеро, ташки олам таъсирида онгимизда бирор нарсанинг акси пайдо булиши хамоно у билан боглик ассоциациялар хам уйгонади. Масалан, "киш" дейилиши билан хаёлимизда ассоциатив тарзда "кор", "совук", "пустин", "чана" каби у билан боглик тушунчалар уйгонади. Образли тафаккурни юксак даражада ассоциатив дейишимизнинг сабаби шундаки, реалликда курилган бир нарса санъаткор хаёлида бутунлай бошка бир нарсани, у билан мутлако алокаси булмаган нарсани уйготиши мумкин. Шу боис хам санъаткор юкоридагича ухшашликларни топади ва уни бадиий образда акс этирадики, натижада уша образ хам юксак даражадаги ассоциативлик касб этади. Бадиий образ якмаъно булолмайди, куп маънолилик унинг табиатига хос яна бир мухим хусусиятдир. Бадиий образнинг куп маънолилиги, аввало, унинг ассоциативлиги билан боглик холда изохланади. Буни, айникса, ассоциативлик даражаси юкори булган рамзий образлар мисолида яккол куришимиз мумкин. Масалан, Ойбекнинг машхур "Наъматак" шеърини олайлик. Ундаги табиат манзарасини образ деб олсак, табиийки, унинг биринчи маъноси табиат манзарасининг узи. Холбуки, шоир уз вактида шу манзарада ассоциатив равишда истибдод тузуми шароитидаги ижодкор такдирини курган ва шу маънони образда ифодалаган. Айни пайтда, мазкур образнинг маъно кулами шуларнинг узи билангина чекланмайди: укувчи уз хаётий тажрибаси, шеърни укиш пайтидаги рухий холати билан боглик равишда бу образда тамомила бошка мазмунни, уз мазмунини хам топиши мумкин булади. Айтиш керакки, куп маънолилик нафакат рамзий, балки том маънодаги реалистик образларга хам хосдир. Факат бунда энди куп маънолиликнинг юзага келиш механизми узгачарок. Гап шундаки, санъаткор бадиий образ оркали ифодаламокчи булган фикрни охиригача тугал айтмайди (яъни, китобхон огзига чайнаб солиб куймайди), образнинг айрим чизгиларини пунктирлар (узук-узук чизиклар) билан тортади. Яъни, санъаткор образда маълум имкониятлар яратади-да, уларни руёбга чикаришни укувчига колдиради. Бу хил имкониятлар, айникса, "объектив тасвир" йусинидан борилган, ёзувчи холис кузатувчи мавкеида турган асарларда кучли намоён булади. Гарчи асарда тасвирланган нарса битта булса-да, укувчиларнинг ижодий тасаввур имкониятлари, дунёкараши

фарклилигидан конкрет образ уларнинг онгида турлича аксланади, турли хулосаларга олиб келади. Шу боис хам укувчилар тасаввурида минглаб Отабегу Кумушлар, Кобил бобою Саидалар, Зебию Мирёкублар яшайди. Бадиий образга хос айни шу хусусият туфайли хам асарни турли даврларда турлича укиш, унинг замиридан янги-янги маъноларни очиш имкони яратиладики, айни шу хусусият чинакам санъат асарини бокийликка дахлдор этади. Адабиётшуносликда "бадиий образ" атамаси хам кенг, хам тор маъноларда ишлатилади. Кенг маънода "бадиий образ" деганда борликнинг санъаткор кузи билан курилган ва ижодий кайта ишланган хар кандай акси(жониворлар, нарса-буюмлар, ходисалар, табиат образлари) назарда тутилса, тор маънода бадиий асардаги инсон образи тушунилади. Борликни бадиий идрок этишни максад килган бадиий адабиётнинг асосида инсон образи туради, чунки борликнинг узида инсон шу хил мавке эгаллайди. Шундай экан, борликни бадиий идрок этишни максад килган бадиий адабиётнинг бу йулдаги асосий воситаси инсон образи булиши табиий хамдир. Мазкур фикрни образлар тизимидаги даражаланиш яккол кузга ташланадиган катта эпик асарлар мисолида тушуниш ва тушунтириш кулайрок. Бу хил асарларда бошка (нарса-буюмлар, жониворлар, ходисалар ва ш.к.) образларнинг бари инсон образини ёркинрок тасвирлашга, чукуррок очиб беришга хизмат килади. Тугри, айрим асарлар борки, уларда инсон образи яратилган эмас: масаллар, хайвонлар хакидаги эртаклар ёки асарлар, пейзаж лирикаси ва б. Бирок уларда хам ё мажозий равишда инсон, инсон хаёти хакида суз боради(масаллар, хайвонлар хакида эртаклар), ё инсон калби суратланади(пейзаж лирикаси). Бадиий адабиётда инсон образини тулаконли яратиш, уни укувчи куз олдида конкрет жонлантириш учун хизмат киладиган катор воситалар мавжуд. Буларга муаллиф характеристикаси, портрет, бадиий психологизм, персонаж нутки каби бадиий унсурлар киради. Образга бевосита ёзувчининг узи томонидан берилган таъриф "муаллиф характеристикаси" деб юритилади. Муаллиф характеристикасида образнинг феъл- атворига хос асосий хусусиятлар баён килинади. Одатда муаллиф характеристикаси асарнинг бошланиш кисмларида ёхуд конкрет образ асарга кириб келган уринларда берилади. Муаллиф характеристикаси укувчида персонаж хакида яхлит тасаввур хосил килиб, унинг кейинги хатти-харакатларини, гап-сузларини англашида мухим ахамият касб этади. Персонажнинг суз билан чизилган ташки киёфаси - портрет хам инсон образини яратишда мухим восита саналади. Портрет, аввало, пресонажнинг укувчи куз олдида конкрет инсон сифатида гавдаланишига кумаклашади. Иккинчи томондан, бадиий асарда портрет характерологик белгиларга эга булади. Яъни, ёзувчи персонаж сийратига хос

хусусиятларни суратида акс эттиришга интилади. Ёзувчи персонаж киёфасини анча муфассал чизиши (А.Кодирий яратган Кумуш, Раъно портретлари) ёки унинг киёфасига хос айрим деталларни бериш билан кифояланиши хам мумкин. Чунки портрет — восита, демак, унинг кандай булиши купрок муаллиф нияти, ёзувчининг узига хос тасвир услуби, персонажнинг асарда тутган мавкеи кабилар билан богликдир. Масалан, Чулпон севимли кахрамони Зебининг киёфасини чизмаган. Адиб купрок персонажнинг сийратини чизади, унинг хатти-харакатларини жонли тасвирлайди, гап-сузларидаги жонли охангни ифодалашга интилади, хуллас, хар бир укувчининг уз Зебисини тасаввур этиб олишига имкон яратади. Натижада кахрамон киёфасини чизмасликнинг узи узига хос бадиий усулга айланадики, унинг ёрдамида адиб укувчини кахрамонига "якинлаштиради". Курамизки, кахрамон киёфасининг кандай ва кай даражада чизилиши белгили эмас, бу уринда портретнинг(ёки портрет деталларининг) инсон образини тулаконли яратиш ва укувчининг тасаввур эта олиши учун етарли булиши асосий мезондир. Бадиий асарда тулаконли инсон образини яратишдаги мухим унсурлардан бири бадиий психологизм саналади. Бадиий психологизм дейилганда персонаж рухиятининг очиб берилиши, унинг хатти-харакатлари, гап-сузларининг психологик жихатдан асосланиши тушунилади ва у мазкур вазифаларни амалга оширишга хизмат килувчи катор усул, воситаларни уз ичига олади. Ёзувчи персонаж рухиятини бевосита ёки билвосита тасвирлаб бериши мумкин. Персонаж уй-кечинмалари, хис-туйгуларининг "ички монолог", "онг окими" тарзида ёки муаллиф тилидан (узиники булмаган автор гапи) баён килиниши психологик тасвирнинг бевосита шакли хисобланади. Асарда персонаж рухиятининг унинг хатти-харакатлари, гап-сузлари, юз-куз ифодалари(мимикаси), ундаги физиологик узгаришларни курсатиш оркали очиб берилиши билвосита психологик тасвирдир. Рухий тасвирнинг бу икки куриниши бир-бирини тулдиради, шу боис хам муайян персонаж рухиятини тасвирлашда ёзувчи буларнинг хар иккисидан хам урни билан унумли фойдаланади. Шунингдек, персонаж рухиятини очишда ёзувчи табиат тасвиридан ёки бошка бирор нарса образидан фойдаланиши мумкин булади. Масалан, "Утган кунлар" романида А.Кодирий Кумушнинг турмушга берилиш хабарини эшитган Отабек рухиятини "Хужа Маъоз" кабристон тасвири оркали тасвирласа, унинг Кумуш хижронида яшаган пайтлардаги рухий холатини "Наво" куйининг шархида умумлаштириб ифодалайди. Адабий асарда характер рухиятини очиш, умуман, инсон образини яратишнинг мухим воситаларидан яна бири персонаж нуткидир. Замонавий насрда диалог салмогининг ортиши баробари персонаж нуткининг образ яратишдаги мавкеи хам кучайди. Мохир ёзувчи персонаж нуткини индивидуаллаштириш оркали унинг шахсияти, дунёкараши,

муайян хаётий холатдаги рухияти хакида укувчига куп нарсаларни етказа олади. Айтиш керакки, диалогларда персонаж нутки муаллифнинг киска, лунда шархлари билан таъминланади. Юкорида айтганимиз персонажнинг юз-куз ифодаси, мимикаси, ундаги физиологик узгаришлар хакида маълумот берувчи деталлар диалогда жуда катта ахамият касб этади. Улар персонаж нуткини "эшитиш" ва унинг хатти-харакатини "куриб туриш" имконини — сахнавийлик эффектини яратади, яъни, инсон образининг тулаконли, жонли чикишини таъминлайди. Адабиётшуносликда инсон образи билан боглик холда бадиий образнинг яна бир мухим хусусияти — унинг уз характер мантикидан келиб чиккан холда харакатланишига алохида диккат килинади. Эхтимол сизнинг хам дуч келганингиз бордир: баъзан китобхонлар асарни мухокама киларкан "фалон кахрамон улмаганда яхши буларди" ёки "фалон билан фистон кахрамон бир-бирига етишса яхши буларди" кабилида фикр юритишади, хатто шу хил истакларни билдириб муаллифларга хат ёзганлари хам бор. Бу — бадииятни, ижод жараёнини юзаки, жун тушуниш натижаси. Гап шундаки, бадиий образ ёзувчининг кули эмас, у узининг харакетр мантикига мувофик харакат килади. Албатта, асар персонажлари характерига хос асосий хусусиятлар(параметрлари)ни аввал бошда ёзувчининг узи белгилайди. Кейин, асар вокеалари ривожи давомида тула шаклланган ва мустахкамланган характер энди муаллиф диктатини кабул килмайди, уз бошича харакатланади. Адабиёт тарихида буни тасдиклайдиган куплаб мисоллар бор. Айтайлик, Кумушнинг улими сахнасини ёзиб булгач, А.Кодирий куйиб йиглаганлигини эслайдилар. Агар ихтиёр адибнинг узидагина булганида Кумушни чин дилдан суйган А.Кодирий асарига бошкача ечим топмасмиди?! Ёки "Кеча"нинг бошланишидаёк Раззок суфига нисбатан нафратини яширмаган Чулпон суюкли кахрамони Зеби фожиасининг асосий сабабчисини бошкачарок харакатлантирмасмиди?! Эхтимол, ижод жараёнида хар икки улуг адибимиз дилида шу хил истак кечган булиши мумкин, бирок уларнинг иккиси хам характер мантикига, бадиий хакикатга зид бормайдилар. Ва шу боис хам улар яратган бетакрор образлар адабиётимизнинг нодир намуналари булиб колди. Адабиётшуносликда бадиий образлар таснифи масаласида турличалик мавжуд булиб, хали бу масалада тугал тухтамга келинмаган. Шундай булса-да, адабий асарлардаги образларни кенг камраган холда уларни турли жихатлардан гурухловчи М.Эпштейннинг куйидаги таснифига куп жихатдан кушилиш мумкин. Мазкур таснифга кура бадиий образлар куйидаги жихатлардан тасниф этилади: 1) предметлилик даражасига кура; 2) бадиий умумлаштириш даражасига кура; 3) ифода ва тасвир катламлари муносабатига кура.

Образнинг предметлилик даражаси дейилганда уша образ тасвирлаётган нарсанинг кулами назарда тутилади. Бу жихатдан бадиий реаллик туртта сатхдан таркиб топади: 1) деталь образлар; 2) вокеа-ходисалар образи; 3) характер ва шароит; 4) дунё ва такдир образи (бадиий реаллик). Деталь образлар (тафсилотлар, нарса-буюмлар, портрет, пейзаж) узларининг статик холатдалиги билан фаркланади. Деталь образлардан бадиий реалликнинг иккинчи катлами — ички ёки ташки харакатдан таркиб топувчи вокеа- ходисалар образи усиб чикади. Учинчи катламни шу харакат ортида туриб уни юргизиб турган "характер ва шароит" ташкил килади. Характер ва шароит олдингиларини бирлаштирган холда "дунё ва такдир" образини юзага келтиради. Аён булдики, бадиий реаллик гуё гиштчалар сингари бутунни ташкил килишга хизмат килувчи унсурлардан ташкил топади ва бу унсурлар узаро предметлилик даражаси, тасвир кулами жихатидан фаркланади. Умумлаштириш даражасига кура хам бадиий образнинг катор куринишлари — индивидуал образ, характер, типик образ кабилар ажратилади. Бирок, айтиш керакки, уларнинг орасидаги фарк доим хам яккол кузга ташланавермайди, яъни, бу хил булинишда муайян даражада шартлилик сакланиб колади. Индивидуал образ дейилганда узигагина хос булган феъл-атвори, гап-сузлари, бетакрор характер хусусиятлари билан намоён булувчи образлар тушунилади (мас.,"Утмишдан эртаклар"даги Бабар, "Менинг угригина болам" хикоясидаги Рокия биби). Характер деганда эса муайян давр ва мухит кишиларига хос энг мухим, характерли умумий хусусиятлар билан алохида шахсга хос индивидуал хусусиятларни узида уйгун мужассам этган образ назарда тутилади. Типик образ дейилганда муайян ижтимоий-тарихий шароит, давр ва мухитга хос мухим характерли хусусиятларни узида намоён этган образ назарда тутилади. Умумлаштириш даражасига кура яна бадиий образнинг мотив, топос, архетип деб юритилувчи куринишлари хам ажратилади. Юкорида куриб утганимиз индивидуал, характер ва типик образлар бир асар доираси билан чекланса, кейинги учаласи адабий- маданий анъанага кура муайян тургун шаклга айланиб, асардан асарга кучиб юриш хусусиятига эга. Мотив(мотив образ) шаклий ва мазмуний жихатлардан муайян тургунлик касб этган, бир ёки бир неча ижодкорнинг асарларида кайтарилиб туриши билан уларнинг ижодий интилишларини намоён этиб турувчи образдир. Масалан, Чулпон ижоди учун "йул" образи мотив саналиши мумкин. Айни шу образ унинг хам шеърий, хам насрий асарларида тез-тез такрорланади. Ёки Чулпон ижодига хос булган "юлдуз", "йулчи" мотивлари 20-30-йиллар шеъриятида, хусусан, А.Фитрат, Ойбек ва У.Носир асарларида хам учрайди.

Топос мотивга нисбатан кенгрок тушунча булиб, у умуман миллий маданиятда, катта бир адабий давр мобайнида такрорланувчи образ саналади. Шу жихатдан, узбек мумтоз шеъриятидаги пайгамбарлар образлари, гул ва булбул, шам ва парвона каби катор такрорланувчи образлар топос саналиши мумкин. Архетип дейилганда инсон тафаккури, ижодий тасаввурига хос булган тургун "схема"лар, конструкциялар, колиплар тушунилиб, уларнинг изларини энг кадимги даврлардан бошлаб то хозирги адабиётгача куриш мумкин булади. Архетип конструкция ва схемалардан узига хос "сюжет ва сюжет холатлари" жамгармаси хосил буладики, улар асардан асарга, даврдан даврга кучиб юради. Масалан, "булбул - гул - чакиртиканак»

Адабиётлар: 1. Фитрат. Адабиёт коидалари. Т., 1995 2. Э.Худойбердиев. Адабиётшуносликка кириш. Т.,1995 3. Косим Я. Янги узбек шеъриятида рамзлар//Узбек тили ва адабиёти.-1998.- №5.- Б.3-8. 4. Рахимжонов Н. Бугуннинг кахрамони ким//Узбек тили ва адабиёти.- 2001.- №6.- Б.8-12. 5. Каримов О. Бадиий образнинг куп маънолилик хусусияти//Узбек тили ва адабиёти.-1990.-№3.-Б.21-26 5. Потебня А. Эстетика и поэтика.-М.,1976 6. Бахтин М.М. Эстетика словесного творчества.-М.:Искусство,1986 7. Борев Ю.Б. Эстетика –М., 1988. 8. Минералов Ю.И. Теория художественной словесности.-М.,1999 9. Зарубежная эстетика и теория литературы Х I Х-ХХ вв.-М.,1987 10. Литературный энциклопедический словарь.-М.,1987

Похожие

Бадиий образ 2

Бадиий образ 1

Бадиий образ 3

Ёзувчининг нияти ва бадиий образ (Одил Ёқубовнинг “Улуғбек хазинаси” романи асосида )

Табиат мавзуси ва поэтик образ