Абу Хомид Ғаззолий - Литература - Рефераты

Абу Хомид Ғаззолий

Загружено в:

11.09.2022

Скачано:

0

Размер:

103.5 KB

Абу Хомид Ғаззолий Режа: 1. Имом Газолий 2. Газолий ва илми калом 3. Газолий ва фалсафа 4. Хулоса 5. Имом Газолий ва ботиния 6. Имом Газолий ва тасаввуф

Бу улуг имомнинг тулик исмлари Мухаммад ибн Мухаммад ибн Ахмад Тусий Абу Хомид Газолий. У киши Тус вилоятининг (хозирги Машхад) Тобарон номли шахарида 450 х.с.да таваллуд топганлар. Отаси ахли солих ва камбагал одам булиб жун йигириш билан кун курар эди. У уламоларни севар, хурмат килар ва уларнинг хизматида булиб имкони борича уларга мол хам сарфлар эди. Уламоларнинг сухбатларини тинглаганда йиглаб утирар ва Аллохдан узи олим буладиган угил тилар эди. Аллох таоло унинг дуосини ижобат килди ва унга бир эмас икки угил берди. Ота угилларидан бирига Мухаммад, бошкасига Ахмад исмини куйди. Вафотидан олдин ота угилларини узининг суфи огайнисига васият килиб колдирди. Суфи уларни таълим – тарбиясига киришди. Бу иш болаларнинг отаси колдирган мол тамом булгунча давом этди. Пул тугагандан кейин суфи уларни бока олмай колди ва «Мен сизларга отангиз колдирган молни сарфладим. Узимнинг пулим йук. Энди сизлар мадрасага бориб яшасангиз яхши булади», деди. Газолий ёшлигида она юртида Ахмад ибн Мухаммад Розконийдан фикх илмини олди. Сунгра Журжонга сафар килиб имом Абу Наср Исмоилийнинг хузурида таълим олди ва куплаб нарсаларни ёзиб олди. Уша ёзиб олинган нарсалар уша вакт тилида «таълика» деб номланар эди. Кейин Газолий она юрти Тусга кайтди. Йулда ажойиб ходиса юз берди. У хакда Газолийнинг узи куйидагиларни айтади: «Йултусарлар йулимизни тусдилар ва улар менинг бору будуримни олиб куйдилар. Кетаётганларида ортларидан эргашдим. Шунда уларнинг бошлиги менга караб: «Оркангга кайт! Шуринг курсин! Булмаса, халок буласан!» деди. «Сен Ундан саломатликни тилайдиган зот номи билан сурайман, факат таълийкаларимни кайтариб бер. Барибир сизларга улардан фойда йук», дедим. «Таълийканг нима?» деди у.

«Анави халтадаги китоблар. Мен ана ушаларни эшитаман, ёзиб оламан ва ичидаги илмни оламан деб хижрат килганман», дедим. У кулиб юборди-да: «Кандок килиб сен улардаги илмни билибсан!? Биз уларни сендан тортиб олдикку! Сен улардан жудо булдинг! Илмингдан ажраб колдинг!» деди. Сунгра у одамларидан бирга амр килган эди, у халтани менга кайтариб берди. Уша одамнинг тили билан Аллох таоло мени тугри йулга иршод килишни ирода килган булса ажаб эмас. Тусга етиб борганимда кейин уч йил харакат килиб барча таълийкаларни ёд олиб йултусарлар илмимни тортиб олалмайдиган булиб олдим». Кейинчалик Газолий уша пайтда салжукийларнинг пойтахти ва Багдоддан кейинги катта илмий марказ хисобланган Найсобурга бориб энг машхур уламоларидан бири булган Имоми Харамайнига шогирд тушди. Газолий бу улуг устознинг хузурида ута тиришкоклик билан укиб фикх, усул, хилоф ва жадал каби замоннинг кенг таркалган илмларида пешкадам олим булиб етишди. Газолийнинг устози Имоми Харамайни жуда хам яхши курар ва уни мактаб: «Газолий тубсиз денгиздир», дер эди. Газолий узининг турт юз хамдарсидан анча илгарилаб кетди ва устозига ёрдамчи булиб фаолият курсата бошлади. 478 х.с.да Имоми Харамайни вафот этганидан кейин Газолий йигирма етти ёшида вазир Низомулмулкнинг олдига борди. Уша вактда Газолийнинг фазли зохир булиб, илмий шухрати тонг таратган эди. Низомулмулкнинг мажлиси эса ахли илмнинг олий кенгашига айланган эди. Барча мажлисларда, хатто мотам марсимларда хам фикх, илми калом ва бошка илмлардан мунозаралар булар эди. Газолий Низомулмулкнинг мажлисида куплаб уламолар билан бахс ва мунозаралар килиб узининг кимлигини намойиш килди. Хамма унга тан берди. Охири вазир Низомулмулк Газолийни «Низомия» мадрасасининг бош мударриси этиб таъйинлади. Бу уша вактнинг энг обрули диний мансаби эди. Газолий бу

мансабга 484 х.с.да, уттиз турт ёшида эришди ва бундай шарафга сазовор булган энг ёш олим булди. «Низомия» мадрасасидаги дарслар олимнинг шухратига шухрат кушди, уни имомлик даражасига олиб чикди. Имом Газолийга нафакат ахли илмлар, балки ахли давлатлар ва ахли хукмлар хам буйин эгдилар. Халифалар хам Имом Газолийга якин булишга интилдилар. Аббосий халифалардан Муктадий биллах у кишидан баъзи ишларни илтимос килди. Халифа Мустазхир биллах Имом Газолийни узига дуст тутар эди. Унинг илтимосига биноан Имом Газолий ботинийларга раддия китобини ёзди ва китобни «Мустазхирий» деб номладилар. Шундок килиб Имом Газолий барча тарафдан обру – эътиборнинг чуккисига чикди. У киши учун бу дунёда интилиш мумкин булган мансаб, мартаба, шухрат ёки улуглик колмаган эди. Бугунги кун таъбири билан айтилганда инсон боласининг кули узатган ерга етадиганига айланган эди. Аммо Имом Газолийнинг кунгиллари гаш эди. У киши хали илми якийнга эришмаган эди. Ичларида нафсоний кураш борар эди. Хамма хакикатни англаб етишга харакат килар эди. Шунинг учун барча шон шухратдан узини олиб кочиб чукур ва атрофлича илмий бахслар ва изланишлар олиб боришга карор килдилар. Бу максадга эриши учун Багдодни тарк килиб тулик саодатни излаб илмий сафарга чикдилар. Имом Газолий уша вактда одамлар машгул булиб турган илмларни бирма бир урганиб чикиш учун уларга назар солдилар. Уша пайтда одамлар асосан, илми калом, ботинийя, фалсафа ва тасаввуфга кизикар эдилар. Имом Газолий мазкур илмларни чукур эгаллашга ва улардан кайси бирини танлаш максадга мувофик эканини аниклашга киришдилар. ГАЗОЛИЙ ВА ИЛМИ КАЛОМ

Имом Газолий илми каломни уз олимлари ва уларнинг китобларидан яхшилаб ургандилар. У киши бу илмни пухта эгалладилар ва унда бир неча китобларни ёздилар. 1. ал-Иктисод фил Эътикод. 2. Илжомул овом ан илмил калом. 3. Акийдату ахли сунна. 4. Фазоихул ботинийя. 5. Файсалут тафрика байнал Ислами ваз Зандака. 6. ал-Кистосул мустакийм. 7. Кимёус саода. 8. ал-Мустазхирий. 9. ал-Мазнун бихи ала гойри ахлихи. Имом Газолий узларининг илми каломни урганиб охирига етгандан кейин эришган натижалари хакида «ал-Мункиз миназ золали» номли китобларида куйидагиларни ёзадилар: «Мен уни максадига эришган, менинг максадимга эриштирмайдиган илм эканини англаб етдим. Унинг максади ахли сунна ва жамоа учун ахли суннанинг акийдасини мухофаза килиб бериш ва ахли бидъатнинг адаштиришидан куриш эди». Имом Газолийнинг замонига келиб илми каломда тургунлик юзага келган эди. Илми калом уламолари утиб кетган катта имомларнинг гапларини махкам тутиб туришдан бошка ишни килмас эдилар. Кадимги гаплардан килча четланиш йул куйиб булмайдиган нарса деган тушунчани кадрлар эдилар. Замон утиши билан эскириб колган суз ва жумлалар урнига кишиларга тушунарлирогини келтиришга журъат килмас эдилар. Имом Газолий бу нарсаларнинг хаммасини бир тарафга куйиб улуг уламоларнинг илмларидан фойдаланган холда эркин ижтиход килдилар. Одамларга якини услуб ва тилда асарлар ёздилар ва илми каломда катта бурилиш юз беришига

сабаб булдилар. Шунинг учун эски услуб тарафдорлари Имом Газолийни ёмон курдилар, танкид килдилар ва залолатга кетганликда айбладилар. У киши илми каломдаги уз танкидчиларига «Файсалут тафрика байнал Исломи ваз Зандака» номли китобларидан коникарли ва етарли жавобларни берганлар. Имом Газолий бу борада уртача йул тутганлар ва илми каломда яхши тараф хам салбий тараф хам борлигини таъкидлаб, у билан факат мутахасис олимлар машгул булиши кераклигини уктирган. Бу фикрларни тадкик килиб урганган олимлар, илми каломни танкид килганлар ундаги адашувларни танкид килганлар. Уни мадх килганлар эса фойдали тарафларини эътиборга олганлар. Шунинг учун унинг ижобий тарафларидан куп нарсани урганса булади, деганлар. Имом Газолий акийда бобида Куръони Карим услуби энг фойдали ва осон экани ва илми калом вактинчалик чоралигини баён этганлар. Имом Газолий узининг машхур китоби «Эхъёу улумуд Дийн»нинг биринчи жузида эътикодий масалаларни баён килган. Уша жуздаги китоблардан бири «Кавоидул акоид» яъни, акийдалар коидалари деб номланган. У етти фаслдан иборат. 1. Калимаи шаходатнинг ахли суннат акийдасидаги таржимаси. 2. Иршод даражасига кутарилиш ва эътикоднинг даражалари. 3. Акийданинг ёркин далиллари. Бу фасл «Кудс» деб номланган ва турт рукнга таксимланган. Биринчи рукн – Аллох субханаху ва таолонинг зотини таниш ва Аллох таоло бир экани хакида. Бу масала унта аслдан иборат. Иккинчи рукн – Аллох таолонинг сифатларини билиш. Бу масала хам унта аслдан иборат. Учинчи рукн – Аллох таолонинг афъолларини билиш. Бу масала хам унта аслдан иборат. Туртинчи рукн – самъиёт ва у зот алайхиссалом забар берган нарсаларни тасдиклаш хакида. Бу масала хам унта аслдан иборат.

4. Иймон ва Ислом хамда иккисининг бирлашиши ва ажралиши, зиёда ва нокис булиши каби масалалар хакида. ГАЗОЛИЙ ВА ФАЛСАФА Имом Газолий кейин хакикат кидириб фалсафани пухта урганишга киришдилар. Файласуфлар факат фалсафа билангина хакикатни топиш, якийн ва саодатга эришиш мумкин дер эдилар. Имом Газолий эса айнан уша нарсаларни кидираётган эдилар. У киши фалсафани ихлос ила чукур урганиб уша даврнинг энг кучли файласуфларидан бирига айландилар. Лекин Имом Газолий фалсафада хам узлари излаётган хакикат мавжуд эмаслигига ишонч хосил килдилар. Аммо бу нарса улуг олимга фалсафа ва файласуфлар хакида адолат ила хукм чикаришга халакит бермади. У киши бу борада уз илмий изланишлари натижасини фалсафа ва мантикка аталган уз китобларида ёзиб колдирдилар. 1. Макосидул фалосифа. 2. Тахофутул фалосифа. 3. Махкун назар фил мантик. 4. Меъёрул илм фил мантик. 5. Ал-Мункиз миназ Золал. Имом Газолий уз асарларида фалсафа ва файласуфларга холисона бахо беришга харакат килдилар. У киши фалсафага оид илмларни олтига буладилар ва уларнинг хар бирига узига яраша бахо берадилар: 1. Аник фанлар. Хисоб, хандаса, жугрофия каби илмлар. Бу нарсаларда динга аралашилмайди. Улар аник хужжатларга асосланган илмлар. Шу боис уларни инкор килиб булмайди. Аммо мусулмонлар бу нарсаларни куриб фалсафага оид хамма нарса шу каби булади деб алданиб колмасликлари керак. 2. Мантик.

Бунда хам динга тегишли нарса йук. Мантикда аклий улчовларга назар солиш, бурхон мукаддималари шартларини урганиш, уларнинг таркибида хабардор булиш каби нарсалардир. 3. Табиий илмлар. Бу илмларда хам динга боглик нарсалар йук. Улар хаммаси тажрибага суянадиган нарсалар. Шунинг буларни хам инкор килиб булмайди. 4. Сиёсий илмлар. Файласуфларнинг бу сохадаги барча гаплари дунёвий ишларга боглик нарсалардан иборат булиб уларнинг купи Аллох таоло пайгамбарларга нозил килган китоблардан ва набийлардан колган гаплардан олганлар. Шунинг учун буларнинг хам дину диёнатга тегишли жойи йук. 5. Ахлокий илмлар. Файласуфларнинг бу борадаги куп гаплари суфийларнинг гапларига тугри келади. Улардан Ислом таълимотларига тугри келадиганини олиб бошкаларини тарк килиш лозим. 6. Илохиётга оид илмлар. Бу борада файласуфлари узлари мантикда куйган шартларга вафо килмадилар, улардан ташкарига чикдилар ва катта хатоларга йук куйдилар. Имом Газолий асосан файласуфларни худи шу бобда танкид киладилар. Купчилик фалсафа хакидаги танкидий гапларни умумийлашган холда тушуниб хато киладилар. Имом Газолий файласуфларни учга таксим киладилар: Дахрийлар. Улар Аллох таолонинг борлигини ва сонеълигини инкор килган ва олам узини узи яратган дейдиган зиндиклардир. Табиатчилар. Улар Аллох таолонинг борлигини эътироф килсалар хам кайта тирилиш ва совобни инкор килганлари учун диндан чикканлар.

Илохиётчилар. Булар илохиёт хакида бахс юритган Сукрот, Афлотун, Арасту, Форобий ва Ибн Синога ухшаш файласуфлар. Уларнинг баъзи гапларини эътироф килишдан бошка чора йук. Мисол учун Аллох таолонинг борлигини эътироф килишлари. Аммо баъзи гапларида улар адашиб колганлар. Имом Газолийгача фалсафа Исломга карши хужум килар ва мусулмон уламолар химояланиш билан кифояланар эдилар. Худди Ислом айбдору илми калом уламолари унинг номида фалсафага узр айтаётганга ухшар эди. Имом Газолий эса узлари фалсафани яхши билганлари учун айбларини англаб етганлари учун бевосита унга шиддатли ва аёвсиз хужум килишни йулга куйдилар. Бунинг учун аввал фалсафани купчиликка улар тушунадиган услуб ва тилда бу нарсани англатиш лозим эди. Чунки уша давргача фалсафа китоблари купчилик тутушмайдиган услуб ва тилда ёзилар эди. Уни факат файласуфларгина англаб етар эди. Бу эса узига хос тусик яратган ва файласуфлардан бошкаларга фалсафа хакида суз юритиш имконини йукка чикарган эди. Имом Газолий «Макосидул фалосифа» номли осон тил ва услуб ила китоб ёзиб купчиликка фалсафа нима ва файласуфларни нимани максад килиб олганликларини тушунтириб бердилар. Бу китобда Имом Газолий фалсафий истилохларни ва файласуфлар юритадиган бахсларни хеч кандай шарх ёки танкидсиз айни узини келтирдилар. Имом Газолий купчиликка фалсафа нима, файласуфлар ким хамда максадлари кандайлигини англатиб олганларидан кейин фалсафани танкид килишга утдилар. Бу ишни Имом Газолий асосан «Тахофутул фалосифа» номли китобларида амалга оширдилар. Бу китобнинг мукаддимасида Имом Газолий уша пайтларда бошкалардан узларини юкори тутадиган тоифалар чикканини, улар Исломий ибодатлардан бош тортаётганларини, динга шиор булган намозга ухшаш нарсаларга паст назар билан караётганларини, харом килинган нарсалардан

сакланмаётганларини, баъзилари эса бутунлай диндан чикиб кетганларини ва бошка афсусланарли холатлар булаётганини айтадилар. сунгра мазкур шахсларнинг куфрга кетишлари сабаби хакида куйидагиларни айтадилар: «Аммо уларнинг куфрларининг сабаби Сукрот, Букрот, Афлотун, Арстотулис каби улуг исмларни, уларнинг издошларидан аклларини уткирлиги, усулларининг гузаллиги, хандаса, мантик, табиат ва илохиётга оид илмларининг нозик жойларигача билишлари хакидаги мактовларини, буюк аклли булганлари учунгина анашу ишларни кила олишларини эшитганларидир. Шунингдек, ана ушалар акллари уткир булишлари ва фазллари куп булишига карамай шариатлар ва динларни инкор килишлари, динлар тукиб чикарилган хийла найрангдан иборатлигини эътикод килишларни хакидаги хикояларни тинглаганларидандир». Имом Газолий узларининг бу китобларига туртта мукаддима килганлар. Биринчисида уз услубларини, иккинчисида файласуфларнинг холини, учинчиси ва туртинчисида уларнинг шариат билан тукнашадиган ва тукнашмайдиган илмларини баён килганлар. Кейин эса файласуфларни танкид килишга утганлар. Бу танкидлар илохиётга ва метафизикага оид ун олтита хамда табиат илмларига тегишли туртта масалани уз ичига олган. Мазкур йигирма масаладан учтасида файласуфлар куфр кетганлиги хакида карорга келинди. Уша уч масала куйидагилар: 2. Файласуфларнинг олам кадимдир деган гаплари. Файласуфлар узларининг турли аклий далилларидан келиб чикиб олам кадимдир, у кейин пайдо булган хам эмас, уни биров яратган хам эмас деган фикрни айтганлар. Имом Газолий уларга олам кадимий илохий ирода ила мавжуд булгани. Уша ирода оламни маълум вактда вужудга келишини ирода килган. Ундан олдин мавжуд булиши ирода килинмаган эди. Шунинг учун у пайдо булмаган. Янги пайдо

булган хар бир нарса эса силсила ила охирги ва кадимги сабабга бориб такалади. Уша сабаб Аллох таоло эканлигини таъкидладилар. 2. Файласуфларнинг Аллох таоло жузъий нарсаларни билмайди деган гаплари. Файласуфларнинг фикрича Аллох таоло факат собит куллиётларнигина билади. Шу нарса унинг камолига мос келади. Жузъий – майда нарсалар узгариб туради. Шунинг учун уларга боглик илм хам узгариб туради. Илмнинг узгариб туриши эса Аллох таолонинг камолига тугри келмайди. Аллох таоло инсониятнинг амалларини туп шаклида умумий холда билади, холос. Одамлардан алохида шахсларнинг килган амалини билмайди. Имом Газолий Аллох таоло уша жузъий амалларнинг барчасини узгармас битта илм ила билишини таъкидлайдилар. 3. Файласуфларнинг охиратда жасадларнинг кайта тирилишини инкор килишлари. Уларнинг фикрича охиратда факат рухлар кайта тирилтириладилар, холос. Бинобарин жаннатда жисмнинг лаззатланиши ва дузахда азобланиши хам булмайди. Имом Газолий эса жисмларни йукдан бор килишга кудрати етган Аллох таоло уларнинг чириганидан кейин кайта тирилтириши осонрок эканини таъкидлайдилар. «Тахофутул фалосифа» китобнинг ахамияти катта булган. Унинг ахамияти баъзи файласуфларни куфр кетганини баён килишида эмас, балки фалсафанинг диниф эътикод бобида хеч нарсага арзимас нарса эканини баён килиб берганидадир. Бу борада фалсафа турли фикр, хаёл, киёс ва тахминларнинг йигиндиси, холос. Фалсафани илохий таълимотлар урнида ёки уларга тенг равишда курилиб турган бир пайтда унинг хакида илмий асосларга мувофик тарзда бу каби кучли зарба берилиши тарихий вокеа эди.

Имом Газолий шу тарика фалсафанинг обрусини чилпарчин килдилар. Файласуфлар у кишининг кучли акли ва далиллари олдида довдираб колишди ва деярли бирорта эътиборга олса буладиган раддия хам кила олишмади. ХУЛОСА Демак, Имом Газолий яшаган урта асрларда гайбиёт олами хакида фалсафий тортишувлар авж олганди. Бу тортишувларда хамма, жумладан, мусулмонлар хам иштирок этардилар. Аммо айни мусулмонлар ичидан мазкур тортишувлардан одамларга хеч кандай наф йуклигини англаб етганлар хам чикди. Ушалардан энг улуги хужжатул Ислом Абу Хомид Газзолий рахматуллохи алайх эдилар. Имом Газзолий фалсафани чукур урганган эдилар. Узларининг хакикатни излаш йулида олиб борган изланишлари давомида хакикат фалсафада булса, ажаб эмас, деган фикрга хам борган эдилар. Аммо фалсафа у киши ахтараётган хакикатни бера олмаслигини тушундилар. Шу билан бирга фалсафанинг заиф жойларини чукур англаб етдилар. Имом Газзолий фалсафанинг энг катта хатоларидан бири гайб олами – метафизика хакидаги тортишувлар эканини очик - ойдин айтдилар. Бу фикрнинг тугрилигини исботлаш учун файласуфларнинг метафизикага оид тортишувларидан бир нечасини олдилар. Мисол учун оламнинг азалийлиги ёки кейин пайдо булганлиги хакидаги масала. Унинг хатосини Имом Газолий «Такофуъул адиллати ала кидамил олами ва худусихи» - Оламнинг кадимлиги ёки кейин пайдо булганлиги хакидаги далилларнинг тенглиги номли бахсларида ёркин аклий тахлил ва инкор килиб булмайдиган далилу хужжатлар ила исботлаб бердилар. Кадимдан файласуфлар бу масалада иккига булиниб олиб тортишиб келганлар. Баъзилари олам азалий - кадимий деса, бошкалари олам ходис – кейин пайдо булган, деган. Икки тараф хам узининг гапи тугрилигига аклий далил олиб келади. Иккисининг далили хам узига тугри куринади. Иккиси хам карши тарафга бир хил

муваффакият билан раддия килади. Кадимдан шундай булиб келмокда эди. Бунга Имом Газолий Юнон файласуфларидан олдигиларнинг, юнонларнинг ва улардан кейин келган фаласуфларнинг далиллари бирма бир келтириб баён килидлар. Бу тортишув бундан кейин киёматгача хам давом этаверади, дейдилар Имом Газзолий. Аммо ундан одамларга заррача фойда булмайди. Имом Газзолийнинг фикрларича, файласуфларнинг мазкур тортишувлари охирига етиши мумкин хам эмас. Чунки улар узларидан мутлак гайбдаги нарса хакида тортишмокдалар. Узлари ичида турган оламнинг асли хакида тортишувни уларга ким куйибди. Бирор нарса хакида бахо бериш учун унинг ташкарисида булиш керак. Оламнинг ичида турган одам унинг азалий ёки янги пайдо булганини каердан билсин?! Унинг урнига инсон кул остида турган нарсаларни урганишга харакат килиши керак, дейдилар Имом Газзолий. Мисол учун нима учун темирни оловга тутса куймайди-ю, пахтани тутса куяди? Мана шу масалани уйлаб куриш керак. Пахта узида куйишга кобилияти борлиги учун куймокдами ёки оловдаги куйдириш кобилияти ила куймокдами? Имом Газзолий рахматуллохи алайхнинг бу фикрлари мусулмонларда тажрибий илмларнинг келиб чикишига сабаб булди. Имом Газолий тажрибий илмларнинг келиб чикишига туртки булган фикр сохиби сифатида дунё илмий тарихида муносиб жой олган улкан акл сохиби булган мусулмон шахс сифатида машхур булдилар. Урта асрларда мазкур назарияга амал киларок Ислом оламида табиий илмлар кенг ривож топти. Улардан аста – секин оврополикларга утди ва улар бу илмларни яна хам ривожлантириб катта муваффакиятларга эришдилар. Имом Газзолий ва бошка мусулмонлар инсонга узидаги акл ва заковатни узининг имкони даражасида, узига фойда берадиган тарзда ишлатишни таклиф киладилар. Инсоннинг акл доирасидан ташкарида, минг тортишса хам фойда бермайдиган гайбий олам – метафизикага оид маълумотларни эса тайёр ишончли

манбадан, яъни, Аллох таолонинг Узи динлар оркали берган хабарлардан олишни таклиф киладилар. Диний акийдаларга оид маълумотлар айнан гайбиёт олами – метафизикага оиддир. Хозиргача купчилик мусулмонлар, жумладан, Имом Газолий фалсафани бутунлай куфрга чикарган деган хаёлда юрадилар. Аммо аввал урганиб утганимиздек аслида ундок эмас. Имом Газолий фалсафани олтидан бирини, илохиётга тегишли ерини, яна хам аникрок килиб айтадиган булсак, илохиётга тегишли йигирмата масаладан учтасини куфр эканини баён килганлар, холос. Аммо у кишининг узлари кучли файласуф булганлари аник. Балки кучли файласуф булибгина колмай фалсафада тубдан бурулиш ясаган ва уни тугри йуналишга йуллаган аллома сифатида танилганлар. Имом Газолийнинг жахон фалсафасида тутган урнини тушуниб олиш учун дунёда донги кетган мусулмонмас бирорта файласуф билан солиштириб куриш лозим булади. Келинг, уша файласуф уларнинг энг каттаси, янги фалсафа отаси уновонини олган франсалик машхур файласуф Рене Дикарт булсин. Дикартни машхур килган асосий нарса унинг шак назариясидир. У хакикий маърифатга эришишдан олдин шак зарурлигини таъкидлайди. Унинг бу назарияси Имом Газолийнинг шакларига жуда хам ухшайди. Гарбда Имом Газолийни билмаганлари учун шак назарияси факат Дикартга тегишли деган эътикод ила уни кукларга кутариб мактайдилар. Шаркда Имом Газолийни билганлари учун буюк файласуф Дикартнинг назариясига ухшаш гапни айтган шахс хам борлигини эслаб куядилар. Баъзи бирлари журъат килиб Дикарт ва Имом Газолийнинг шакларини солиштириб хам куядилар. Аммо бу борадаги хакикатни хеч ким билмайди. Ушбу хакикат ила бу сатрларнинг котиби устоз Мухаммад Саъид Рамазон Бутийнинг «Шахсиётун

иставкафатни» номли китобларидан билди. У киши мазкур китобнинг 99 – 100 бетларида куйидагиларни ёзадилар: «Сунгра бу масалада барча иккиланиш ва ноаникликка чек куядиган васика – хужжат юзага чикди. Уни устоз Махмуд Бийжу доктор Закзукдан накл килди. Унда айтилишича тунислик тадкикотчи Усмон ал-Каок рахматуллохи алайх Дикартнинг кутубхонасида «ал-Мункиз миназ Золал» китобининг таржимасини топган. Унда Имом Газолийнинг «Шак якийн – ишончли илм – нинг биринчи поганасидир» деган машхур ибораси Дикартнинг эътиборини жалб килгани белгиси бор эди. Дикарт уша иборанинг тагига кизил калам билан чизиб куйган ва унинг тугрисига, хошияга «Бу бизнинг назариямизга кучирилади» деб ёзиб куйган экан. Энсклопедиячи тарихий тадкикотчи устоз Усмон ал-Каок рахматуллохи алайх 1975 – мелодий санада Жазоирнинг Аннаба шахрида булиб утган Ислом фикрининг унинчи учрашувида маъруза килди. Унда кандай килиб Дикарт Имом Газолийнинг назариясини узиники килиб олгани хакида батафсил тухталиб утди. Дикартнинг уз кули билан хошияга ёзган нарсасини укиганини хам гапириб утди. Мен уша учрашувда иштирок килган ва унинг мазкур маърузасини эшитган юзлаб одамлардан бири эдим». ИМОМ ГАЗОЛИЙ ВА БОТИНИЯ Уша даврда ботинийлар хам уз фикр ва таълимотлари ила купчиликнинг эътиборини козонган эди. Хусусан, ёшлар ва толиби илмлар ботиний таълимот ва гапларга куп мафтун булган эдилар. Ботинийлар уз илмларини маъсум имомдан олишларини даъво килар эдилар. Имом Газзолий фалсафадан умидни узганларидан кейин хакикат излаб ботиния томон юзландилар. У киши уз одатларича бу мазхабни хам чукур урганиб чикдилар. Охири бориб уларнинг гапларининг барчаси хам сарик чакага арзимаслигини тушуниб етдилар ва уз китоблари билан бу мазхабнинг хам шармандасини чикардилар. Бу борада Имом Газзолий бир неча китобларни тасниф килдилар:

1. Ал-Мустазхирий. 2. Хужжатул хакки. 3. Мафсалул хилоф. 4. Косимил ботиния. 5. Мавохимул ботиния. Имом Газзолий узларининг «ал-Мункиз миназ Золал» номли китобларида ботинийлар хакида жумладан куйидагиларни айтадилар: «Уларда фикрлар зулматидан нажот берувчи шифодан хеч вако йук. Уларга муросо учун муомала килиб таълимга ва маъсум имомга эхтиёж борлигини тасдиклаб таъйин килган имомларини сураск далил келтиришдан ожиз колдилар. Сунгра улардан уша маъсумдан олган илмлари хакида сурадик ва баъзи ишколларни арз килганимизда жавоб бериш у ёкда турсин, масаланинг узини тушуна олмадилар. Ожиз колганларидан кейин масалани гойиб имомга оширдилар ва «Унинг олдига сафар килиш зарур», дедилар. Ажабланарлиси, улар умрларини йук муаллимни ахтариш ила зое килганлар ва бирор нарсани урганмаганлар. Худди нажосатга ботиб колиб тозаланиш учун сув излаб уни топганда ишлатмай ифлосликнинг ичида колаверганларга ухшайдилар». ИМОМ ГАЗОЛИЙ ВА ТАСАВВУФ Илми калом, фалсафа ва ботиниядан узлари излаган илми якийнини топишдан умиди узилган Имом Газзолий уша вактнинг яна бир маърифат учоги булган тасаввуфга юзландилар. Бу хакда у киши узларининг «ал-Мункиз миназ Золал» номли китобларида жумладан куйидагиларни айтадилар: «Сунгра ушбу илмлардан фориг булганимдан кейин бори химматим ила суфилик йулига йулландим. Мен уларнинг йули илм ва амал ила батамом булишини англаб етдим. Уларнинг амалининг хосили хавои нафс тусикларини кесиб утишдан, ёмон хулклардан ва чикин сифатлардан покланиб калбни Аллох таолодан бошкага жой колдирмаслик ва уни Аллохнинг зикри ила зийнатлашдан иборат эди».

«Мен учун илм амалдан кура осонрок эди. Мен уларнинг китобларини укиб илмларини хосил килишдан бошладим. Абу Толиб Маккий рахматуллохи алайхнинг «Кувтул кулуб»ини, Хорис Мухорибийнинг китобларини, шунингдек, Жунайд, Шибилий, Абу Язийд Бистомий каддасаллоху арвохахум ва бошка машойихларининг колдирган фикрларини ургандим. Охири уларнинг илмий максадларининг гоясига етишдим. Уларнинг йули буйича таълим олиш ва эшитиш билан хосил килиш мумкин нарсаларни хосил килдим. Менга уларнинг энг хос нарсалари таълим олиш оркали эмас завк, хол ва сифатларнинг узгариши оркали булишини англаб етдим». Аста секин Имом Газолий тасаввуф йулидан тасирланиб хамма нарсани, жумладан Багдодни хам ташлаб сафарга чикдилар. Ун йиллик тажрибадан сунг узлари излаб юрган хакикат тасаввуфда эканини англаб етдилар. Бу борада маълум макомга эришиб кунгилари таскин топгандан сунг иднга, илмга ва мусулмонларга хизмат килиш лозимлигини хис килиб яна дарс беришга, илмий хизматларга кайтдилар. Имом Газолийнинг бошка олимлардан ажратиб турадиган икки хислатлари бор эди. Улардан биринчиси уз даврларида таркалган барча илмларни пухта эгаллаганлари. Биз юкорида утган сатрларда у кишининг акоид, ботинийяга карши ва фалсафа хамда мантик илмларига оид китоблари руйхатини келтирдик. Энди тасаввуф ва динга оид китоблари билан танишайлик: 1. Одобус суфийя. 2. Ал-Арбаъун фи усулуддин. 3. Эхъёу улумуд Дийн. 4. Жавохирул Куръон ва дураруху. 5. Ал-Рисола ал-Ладунийя. 6. Мишкотул Анвор. 7. Минхожул Обидийн илал Жаннати. 8. Мийзонул Амал.

Шу билан бирга Имом Газолий кузга куринган факих ва усули фикх олими хам эдилар. У киши бу сохалар буйича хам барчанинг тахсинига сазовар булган китоблар сохиби хисобланадилар: 1. Асрорул хажжи. 2. Ал-Мустасфо фии усулил фикхи. 3. Ал-Важийз фил фуруъ. Имом Газолийнинг хамма китоблари ута ахамиятли хисобланади. Аммо уларнинг ичида «Эхъёу улумуд Дийн» китоби алохида эътибор козонган китобдир. Бу китобни хамма олимлар ва толиби илмлар укиган ва укимокдалар. Имом Газолийнинг илм бобидаги энг заиф ерлари хадис илмида эканини хамма зикр килади. У кишининг узлари хам бу нуксонни англаб умрларининг охирида илми хадисни эгаллашга харакат килганлар. Хадис олимларидан имом Бухорий ва Муслимларнинг Сахихларини укиб булганларидан кейин вафот этганлар. Имом Газолий 505 х.с.нинг ун туртинчи Жумадул Охирада, Тобаронда вафот этдилар.

Похожие

Калом илми ривожланиш тарихи

Ўзлаштириш эстетикаси ажойиботлари

Этиканинг предмети, тадқиқот доираси ва вазифалари. Этика фанининг фанлараро боғлиқлиги

Навоийнинг ситтаи зарурия қасидалар туркумида инсон мумтозлигининг қуръоний ҳақиқатлар билан талқин этилиши

Фурқат ҳаёти, ижоди ва адабий мероси