O’rta Osiyoda adabiyot. 7 - sinf - История - Учебники (по школьные предметы)

O’rta Osiyoda adabiyot. 7 - sinf

Загружено в:

23.10.2019

Скачано:

0

Размер:

4249.0615234375 KB

7-sinf O’zbekiston tarixi darsligi asosida 42-mavzuO’rta osiyoda adabiyot

Mumtoz adabiyot namoyandalari . O‘rta Osiyo xalqlari adabiyoti badiiy uslub jihatidan takomillashdi, yangi pog‘onaga ko‘tarildi. Nasrda ham, nazmda ham ko‘plab nodir badiiy va lirik asarlar yaratildi.

Tarjima adabiyot vujudga keldi. Badiiy adabiyotning ravnaqi bilan uzviy bog‘langan holda adabiyotshunosl ik ham taraqqiy etdi, nodir asarlar yaratildi.

Durbek tomonidan qayta ishlangan “Yusuf va Zulayho” dostoni, toshkentlik shoir Atoiyning devoni shu davr badiiy adabiyotining durdonalaridir.

Bu davrda o‘zbek shoirlari ichida Lutfiy (1366–1465) alohida o‘rin tutadi. Navoiyga qadar o‘zbek she’riyatida Lutfiy darajasiga yetadigan shoir bo‘lmagan.

XV asr badiiy adabiyoti ravnaqida buyuk davlat arbobi, ulug‘ shoir, olim, mutafakkir Alisher Navoiy (1441–1501) va buyuk fors-tojik shoiri Abdurahmon Jomiy (1414–1492) ning hissalari g‘oyat buyukdir.Alisher Navoiy

Navoiy o‘ttizdan ortiq yirik badiiy asar yozdi. “Xamsa”, “Xazoyin ul-maoniy”, “Mahbub ul-qulub”, “Lison ut-tayr” shular jumlasidandir.

O‘zbek xalqining ulug‘ shoiri va mutafakkiri Alisher Navoiy o‘zining bebaho asarlarida ko‘targan o‘ta insonparvar g‘oyalari bilan jahon adabiyotining buyuk namoyandalari qatoridan munosib o‘rin egalladi.

Abdurahmon Jomiy Alisher Navoiyning zamondoshi, ustozi va do‘sti edi. Ularning do‘stligi va hamkorligi o‘zbek va qardosh xalqlar do‘stligi va hamkorligining yorqin timsolidir. Abdurahmon Jomiy

Tarixchilar. Tarix ilmining yirik namoyondalaridan biri Mirxond (1438– 1498) bo‘lib, uning haqiqiy ismi Muhammad Xovandshoh ibn Mahmuddir.

Mirxondning nabirasi Xondamir (1475– 1535) ham o‘z davrining mashhur tarixchisidir. U hazrat Alisher Navoiyning shogirdi edi. Xondamir

Xondamir 15-16 yoshlarida Alisher Navoiyning diqqat-nazariga tushadi va uning vafotiga qadar ulug‘ shoirning yonida bo‘lib, uning kutubxonasiga boshchilik qiladi.

Navoiy Xondamir haqida “Majolis un- nafois” asarida quyidagilarni yozib qoldirgan: “Mavlono Xondamir Mirxondning farzandidir va salohiyatli yigitdir. Tarix ilmida moharati bordir”.

Xondamir sermahsul olim edi. U tarixga oid o‘nga yaqin asarlar yozib qoldirgan. Xondamir o‘zining o‘lmas tarixiy asarlari bilan ko‘p asrlik madaniyatimiz xazinasini boyitdi va ilm-fan tarixida o‘chmas iz qoldirdi.

Savol va topshiriqlar: 1. XV asrda shoirlar va adiblardan kimlar yashab ijod qildilar? 2. Ayting-chi, Lutfiy o‘zbek shoirlari ichida qanday o‘rin tutadi? U haqda qo‘shimcha ma’lumotlar to‘plang. 3. O‘zbek adabiyotining ravnaqida Alisher Navoiyning xizmati nimalardan iborat? 4. Mirxond va Xondamir qaysi davr tarixi haqida tarixiy asarlar yozib qoldirganlar?

Похожие

O’rta Osiyoda tasviriy san’at. 7 - sinf

O’rta Osiyoda aniq fanlarning rivojlanishi. 7 - sinf

O’rta Osiyoda Ijtimoiy-iqtisodiy taraqqiyot va bunyodkorlik. 7 - sinf

Turkiy yozma adabiyot. 7 - sinf

Yevropada me’morchilik san’at va adabiyot. 7- sinf