ХI-ХV Асрларда Скандинавия мамлакатлари - Tarix - Slaydlar

ХI-ХV Асрларда Скандинавия мамлакатлари

Yuklangan vaqt:

23.09.2019

Ko'chirishlar soni:

0

Hajmi:

1767.46875 KB

Ko'chirib olish

Мавзу: ХI-ХV Асрларда Скандинавия мамлакатлари 1. Дания. 2. Швеция. 3. Норвегия. Режа:

Дания Ўрта асрлар даврида Скандинавия мамлакатлари деганда аввало Дания, Швеция ва Норвегия назарда тутилади. Бу мамлакатлар ўзига хос хилма-хил йўл билан ривожландилар. Аввало бу мамлакатларнинг ҳаммаси феодал муносабатлар секинлик билан ривожланиши эътиборни ўзига жалб қилади. Феодализм бу ерларда фақат ХII - ХIII асрлардан эътиборан узил-кесил таркиб топди.

Скандинавия мутлақо танхо бўлиб яшамаган, албатта. Юқорида ўтилганидек, Скандинавияликлариннг бир неча асрлар мобайнида қилган хужумлари ғарбий Европани безовта қилган эди. Шимолий Германия ва Нидерландия, Англиянинг тарихи кўпинча у ёки бу Скандинавия мамлакатларининг , хусусан, Даниянинг тарихи билан ҳам пайвандлашиб кетар эди. Лекин, умуман олганда, Скандинавия мамлакатлари Европанинг алоҳида бир бурчаги бўлиб, улар қуруқликдаги асосий мамлакатлар хаёти билан нисбатан кам боғланган эдилар. Бу хусусиятларнинг ҳаммаси номи тилга олинган хар учала мамлакат тарихига маълум даражада из қолдирмай иложи йўқ эди. Скандинавия мамлакатларининг ўрта асрлар давридаги яна бир хусусияти шундан иборатки, улар бир-бирларидан ажралиб, алоҳида- алоҳида яшардилар. Уларнниг қуруқликдаги мамлакатлари билан сиёсий алоқаси нисбатан заиф эди.

Конут давлати емирилгандан кейин Данияда хукмронлик қилган Эстридсанлар династияси ўзига хос феодал династияси эди. Эстридсанлар христианлар черковига хомийлик қилдилар. Черков ер эгалигининг ривожланиши, черков династиясининг жорий этилиши,Данияда анча кўп миқдорда Еписковларнинг вужудга келтирилиши – манна буларнинг ҳаммаси ХI-ХII асрларда мамлакатни феодаллаштириш элементларини ташкил қилар эди.

Волдемар IVнинг тахт вориси қиролича Маргарита (1375-1402) Скандинавиядаги бошқа мамлакатларнинг яъни Шведция ва Норвегиянинг сиёсий ва иқтисодий қолоқлигидан фойдаланиб, Дания гегемонлиги остида катта шимолий федератив давлат тузмоқчи бўлди. Шимолий федерация давлати ҳар ҳолда расмий жиҳатдан анча узоқ вақт (1397- 1523) яшади. Норвегия қироли Гокан VIнинг хотини бўлган Маргарита 1375 йили Дания тахтига (Волдемар IV вафот этганидан сўнг ) ўз ўғли Олафни сайлаштиришга муваффақ бўлди. Гокан VI ўлгандан кейин (1380й) Норвегия кироли Олаф қўлига ўтди. Олаф вафот этгандан сўнг Маргаританинг ўзи Дания ва Норвегия қироличаси деган титулни қабул қилди.

Швеция 1397 йил Маргарита Швецияни ҳам иттифоққа киритишга муваффақ бўлди. Бу вақтда Швецияда турли феодал гурухларниг ўзаро қаттиқ кураши борар эди. Эйрик 11 (Маргаританинг набираси ) расман Дания, Швейия ва норвегия қироли деб эълон қилинган бўлсада, амалда давлат ишларини рахбарликни то ўлимига қадар кекса қиролича ўз қўлида сақлаб келди.1397 йилги Калмар иттифоқи хар холда Скандинавия мамлакатларини ягона мустахкам бир давлатга айлантира олмади.

Бу табиий Данияга оппозицион харакатни келтириб чиқарди. Швеция бу жихатдан энг сепаратистик кайфиятдаги мамлакат бўлиб чиқди. 1435 йилдан эътиборан Дания королининг хокимияти Швецияда амалда номигагина хокимият бўлиб қолди. Швед феодалллари шахарликлар билан дехқонларни қўллаб - қуватлаши туфайли Швецияга автономия берилишига эришдилар. Швед зодагонлари орасида сайланган алоҳида регентлар Швецияни деярли мутстақил хокимлардек идора қилдилар. 1523 йилда Данияликларни Швециядан батамом хайдаб юбордилар.

Бироқ, дехқонлар оммасининг активлигидан қўрққан швед зодагонлари Энгелбергдан қутулишга шошилдилар. ( тез орада у хоинона суратда ўлдирилди.) ва Дания феодаллари билан тил бириктирилди. Эйрик яна Швециянинг короли деб эътироф этилди. Бироқ, Швецияга мамлакатни зодагонлари билан биргаликда идора қилувчи алоҳида вице королга ёки регентга эга бўлиш хуқуқи берилди. 1470 йилдан эътиборан Швецияда Стуреннинг аристократик хонадонига мансуб вакиллар регентлар сифатида мамлакатни бошқардилар. Шундай қилиб, маҳаллий династия майдонгша келди. Дания королининг хокимияти асосан, Швецияда давлат даромадларининг муайян бир қисмини қўлга киритишдан иборат бўлган эди.

Норвегия Скандинавиядаги учта мамлакат ичида Норвгияда феодал муносабатлар энг кам даражада ривожланди. Сохилни Фиорлар ичкрига анча ўйиб кирган ахолисига дехқончиликдан кўра кўпроқ чорвачилик ва турли хил ўрмон касбкорликлари билан шуғулланишга тўғри келган бу тоғли ва ўрмонзор мамлакатда феодал ерга эгалиги заиф ривожланган эди. Дехқончиликка яроқли ерларда асосан илгариги махалларда Скандинавияликларнинг хужумлари вақтида асирлар сифатида бошка юртлардан олиб келинган қуллар орасидан чиққан крепостнойларни экспулатация қилардилар.

Дания билан иттифоқ бўлиш Норвегия учун хийла социал оқибатларга сабаб бўлди. Феодал жихатдан анча ривожланган Дания Норвег феодалларининг яни, норвег дехқонларини қисман ва уларни ўзларига қарам қилиш йўлидаги уринишларда бу феодалларни бевосита қўллаб - қувватлади. Иккинчи томондан Дания феодаллари Норвег ахолисидан солиқ ва бошқа қонунсиз хақлар ундириш йўли билан Норвегиядаги турли харбий гражданлик ва черков мансабларини ўз қўлларига ўтказиб олиш йўли билан феодал жихатдан чала- чулпа ривожланган ва сиёсий жихатдан ўзларига бўёсундирилган қўшни бир мамлакатни амалда экспулатация қилиб келдилар. Шундай қилиб, ўрта аср Норвегиясининг тарихи антиқа бир тарихдир.

Бунинг антиқалиги шундаки бир томонда Норвегия тугалланиб етмаган феодализмнинг тимсоли сифатида ўрта асрларнинг бошидан то охиригача кўп сонли эркин дехқонларни сақлаб келди ва иккинчи томондан бу феодал бўлмаган дехқонлар мамлакати (шуниси энг мухим) хар қалай кучли феодал экспулатацияга дучор қилинди. Бу экспулатация нисбатан заиф бўлган махаллий “норвег” феодаллари томонидан эмас, балки бирлашган Дания - Норвегия короллигида хоким миллат сифатидаги келгинди ажнабий (даниялик) ер эгалари томонидан амалга оширилди.

Фойдаланилган адабиётлар: 1. Абрамсон М.П.Испания ХVI - первой половин ХVII-век. История средних веков : учеб-метод. пособие. М.1982.С.143-146. 2. Корсунский А.Р. Образование Раннефеодальних государств Византия Западной Европе М.1963. 3. История средних веков. 2т. Т.2 под.ред. З.В. Удальцевой. 4. Семёнов В.Ф. Ўрта асрлар тарихи Тошкент. 1973.

O'xshashlar

XI—XV асрларда Венгрия

XVII-XVIII асрларда Италия

ХVI- ХVII асрларда Испания

Ўрта асрларда Туркия. Туркларнинг Европага юришлари

Илк ўрта асрларда тарихий билимларининг ривожланиши