Луб-толали экинлар аҳамияти. Каноп етиштириш технологияси - Qishloq va o'rmon xo'jaligi - Slaydlar

Луб-толали экинлар аҳамияти. Каноп етиштириш технологияси

Yuklangan vaqt:

26.01.2023

Ko'chirishlar soni:

0

Hajmi:

365.5 KB

Ko'chirib olish

Луб-толали экинлар аҳамияти. Каноп етиштириш технологияси “ Ўсимликшунослик ва пахтачилик” фани

Режа:  Луб-толали экинлар аҳамияти  Каноп - аҳамияти, келиб чиқиши, тарқалиши  Каноп биологияси ва навлари  Каноп етиштириш технологияси

 Толали ўсимликлар тўқишга яроқли бўлган тола беради. Бу тола ҳар хил газлама, мато тайёрлаш учун ишлатилади.Ўсимлилар ботаника жиҳатиданҳар хил оила ва турларга мансуб бўлиб, улар қуйидаги уч гуруҳга бўлинади.  1.Уруғида ёки мевасида тола ҳосил қиладиган ўсимликлар.Бу гуруҳга энг кўп тароқалган ғўза ўсимлиги киради.  2.Поясида тола ҳосил қиладиган ўсимликлар. Бу гуруҳга зиғир, наша, каноп, джут, рамим, кендир ва бошқалар киради.  3.Баргида тола ҳосил қиладиган ўсимликлар. Бу гуруҳга янгизеланд зиғири, текстил банан, агавав, юкка ва бошқалар киради.  Толали ўсимликлардан энг кўп экиладиганлари ғўза, зиғир, наша ҳисобланади. Ўзбекистонда ғўзадан ташқари дағал тола олиш учун каноп ҳам экилади.  Халқ хўжалигида ўсимлик толасининг аҳамияти жуда катта: ўсимлик толасидан тўқимачилик саноатида унинг майин ва дағаллигига қараб, ҳар хил газмоллар ишлаб чиқилади. Энг кўп ишлатиладиган пахта толаси ҳисобланиб, ундан майин газламалар тайёрланади.Поясида тола ҳосил қиладиган ўсимликлар толаси пахта толасига нисбатан дағал бўлганлиги сабабли ундан уй жиҳозларида ишлатиладиган дағал газламалар, қоп, қанор, арқон ва шунга ўхшаш ҳар хил маҳсулотлар тайёрлаш учун ишлатилади.  Бундан ташқари бу ўсимликларнинг уруғида 18-42% мой бўлади.Ўсимлик мойи озиқ-овқатда, техникада, лак-бўёқ саноатида, совун тайёрлашда ва бошқа мақсадларда ишлатилади. Шунинг учун бу ўсимликларнинг халқ хўжалигидаги аҳамияти жуда катта ҳисобланади.

Канопнинг х алқ хўжалигидаги аҳамияти.  Каноп поясида 17-18% тўқишга яроқли тола ҳосил қилади.Канопнинг толаси рангсиз, тиниқ, лекин дағал бўлади.Бу тола қоп-қанор, арқон, брезент, уй жихозлариучукн газмоллар, ўраш учун ип ва бошқа буюмлар тайёрлаш учун ишлатилади.  Каноп уруғи таркибида 18-20% мой бўлади. Мой лак-бўёқ саноатида, совун тайёрлашда ишлатилади.Ҳиндистонла лампа мойи сифатида ишлатилади.  Каноп ёввойи ҳолда Жанубий Африкада учрайди.Унинг ватани Ҳиндистон ва Жанубий Африка ҳисобланади.Каноп кўпроқ Ҳиндистон ,Эрон, Хитой, Ява ва Суматра оролларида, Африкада Америкада (А Қ Ш, Бразилия, Куба ва бошқалар ) экилади.  Каноп 1925-1916 йилларда Шимолий Кавказ ва Туркистон синаш станциясида тажриба сифатида экила бошланди. Ўзбекистонда 1927 йилдапн бошлаб экиб келинади. Каноп ҳозирги вақтда Ўзбекистонда, қирғизистонда Шимолий Кавказда экилади.  Каноп ўртача бир гектар ердан 100-120 ц поя ва 4-5 ц уруғ беради. Лекин юқори агротехникани қўллаш натижасида канопда 150-180ц поя ,8-9 ц уруғ олиш мумкин.

Систематикаси .  Каноп гулхайридошлар оиласига ( Malvaceae ), Hibiscus cannabinus авлодига ва турига мансуб бир йиллик ўсимлик (33-расм). Биологияси.  Каноп намга, иссиқликка ва ёруғликка талабчан, қисқа кунли ўсимлик ҳисобланади. Транспирацион коэффициенти 580-700 бирликка тенг. КАноп ўсимлиги иссиқсевар ҳисобланиб, уруғлари 10-12° иссиқликда униб чиқа бошлайди, лекин қулай ҳарорат 20° ҳисобланади. Совуққа чидамсиз, 1,0- 1,5° совуқ майсаларга кучли таъсир кўрсатиб, уларни нобуд қилади. Канопнинг ўсиши ва ривожланиши учун энг қулай ҳарорат 23-25° ҳисобланади. Майсалар ҳосил бўлгандан сўнг 35-40 кун давомида канлп жуда секин ўсади.Бу даврда унинг илди яхши ривожланиб шаклланади ва шундан сўнг каноп тез ўсган ҳолда суткалик ўсиши 4-5 см ни ташкил этади. Ўсув даврининг нав ва агротехникасига қараб 130-140 кунни ташкил қилади. КАноп ёруғлик етишмаган ерда паст ва нимжон бўлиб ўсади.  Каноп тупроққа талабчан ўсимлик бўлиб, сизот сувлари 80-100 см чуқурликда жойлаҳган шўрланмаган чиринди моддаларга бой ўтлоқи ва ўтлоқи-ботқоқ тупроқларда яхши ўсади.  Ўзбекистонда канопнинг “К у бан-338” ва “3976” навлари экилади.

Етиштириш технологияси .  Каноп алмашлаб экишда кузги буғдой, дуккакли –дон, бедадан кейин экилади.Уни ғўзадан кейин экиш ҳам мумкин, чунки қатор оралари ишланадиган ўсимликлардан кейин экилганда тупроқда бегона ўт кам бўлади. Каноп бошланғич ўсиш даврида секин ўсганлиги учун бегона ўтлардан тоза тупроқларни хоҳлайди.  Каноп экиш учун ер кузда 28-30 смчуқурликда шудгор қилинади.Эрта баҳордатупроқда намни сақлаб қолиш ва бегона ўтларнийўқотиш мақсадида кузги ҳудгор қўндалангига борона қилинади.Шудгор зичлашибкетган бегона ўтлар кўп бўлган майдонларда экишдан олдин культивация қилинади ёки дискали культиваторлар ёрдамида ишланади, сўнгра борона қилинади ва мола босилади.Каноп ўсимлиги кечки экин ва уруғлари майда бўлганлиги учунэкишгача шудгор яхши ишланиши керак. Айниқса , тупроқ юзаси текис ва майда бўлиши керак.Шундагина уруғ текис кўмилади ва майсалар қийғос униб чиқади.

Ўғитлаш .  Каноп озиқ моддаоларга талабчан ўсимлик.Гектаридан 100 ц дан поя ҳосили олинганда у ўсув даври давомида тупроқдан 120-150 кг азот, 60-80 кг фосфор, 120-160 кг калий олади.Шунинг учун каноп экинига маъданли ўғитлар билан бир қаторда органик ўғит-гўнг ҳам бериш керак. Органик ўғитни гектарига 10-15 т ҳисобида кузги шудгор ўғитлаш даврида солиш керак.  Маъдан ўғитларни солиш меъёри тупроқ унумдорлиги ва режалаштирилган ҳосилдорликка қараб ҳар хил бўлади.Умуман каноп экинига ўртача 90-150 кг азот. 90-150 кг фосфор ва 50-70 кг калий ўғитлари бериш керак. Минерал ўғитларнинг асосий қисми, яъни50-60% фосфорли ва 50% калийли ўғитлар органик ўғитлар билан бирга кузги шудгорда солинади. КАнопга экишдан олдитн 20-30 кг азот, шу миқдорда фосфор солинади, қолган ўғит миқдори вегетация даврида поянинг тез ўсиш даврида иккинчи марта озиқлантиришда солинади.  Биринчи озиқлантириш майсалар пайдо бўлгандан сўнг 25-30 кун ўтгач, иккинчи озиқлантириш эса биринчисидан 20-25 кун ўтгач ўтказилади. Ўғит эгатлар ўртасида 5-8 см чуқурликка кўмилади.

Уруғни экиш .  Экиш учун сараланган бегона ўтлар уруғидан тозаланган I , II , III класс уруғлар ишлатилиши керак. Уруғнинг униб чиқиш даражасини ва қувватини ошириш мақсадида экишдан олдин 5-6 кун қуёшда қиздириш зарур.  Экиш муддатлари. Каноп иссиқликка талабчан ўсимлик, шунинг учун тупроқ ҳарорати 14-16° га етганда экилади. Каноп экиш учун қулай муддат апрел ойи ҳисобланиб бунда табиицй намга майсалар униб чиқади.Лекин уруғликмайдонларда каноп, тола учун экилганга нисбатан эртароқ экилиши керак. Чунки ўруғ тўла пишиб улгуриши лозим. Шунга кўра уруғлик каноп экиш учун энг қулай муддат апрел ойининг биринчи ўн кунлиги, тола олиш учун эса шу ойнинг иккмнчи ўн кунлиги ҳисобланади.  Каноп кенг қаторлаб қатор ораси 50-60 см, лентасимон қўш қаторлаб экилади.Тола олиш учукн қатор ораси 50см, лента ораси 15см, яъни 50х15 см шаклда экилади. Экиш учун СОН-2,8, 2 СК-16 русумли сеялкалардан фойдаланилади. Экиш меъёри поя ёки уруғ олиш учун экилишига қавраб белгиланади. Каноп поя олиш учун гектарига 50-55 кг уруғ сарфланади. Бунда бир гектар ерда 1,2-1,4 млн.дона ўсимлик бўлиши керак. Тупроқнинг унумдорлиги пастроқ, маъдан ўғитлар камроқ бериладиган бўлса уруғни экиш меъёри ҳам 35-40 кг га камайтирилади ва бу ҳолда бир гектарда 0,8- 1,2 млн.дона ўсимлоик бўлади. Уруғ олиш учун қатор ораси 60 см қилиб, бир қаторплаб, сийрак қилиб экилади.Бунда бир гектар ерга 10-12 кг уруғ сарфланади. Майсалар яганалагандан сўнг ҳар гектарда 160-180 минг дона ўсимлик қолдирилади. Уруғлар 4-5 см чуқурликка кўмилади.

 Экинни парвариш қилиш қатқалоққа қарши курашиш, қатор ораларини ишлаш, озиқлантириш ва суғоришдан иборат. Майса пайдо бўлгунча тупроқ бетида ҳосил бўлган қатқалоқни экинларни кўндалангига борона қилиш тбилан йўқотилади. Майса ҳосил бўлгандан сўнг қатқалоқни ўсимлик қатор ораларига ишлов бериш йўли билан йўқотилади.Вегетация даврида ҳаммаси бўлиб 4-5 марта культивацияқилинади, икки марта озиқлантирилади.  Каноп сувга талабчан ўсимлик.Ер ости сувлари 1,0-1,5 м пастда жойлашган ўтлоқи- ботқоқ тупроқларда каноп 5-7 мартагача суғорилади.Ер ости сувлари чуқур жойлашган тупроқларда 8-10 марта суғорилади. Суғориш нормаси 800-1000м3/га.

Ҳосилни йиғиш .  Каноп пояси тола учун техник жиҳатидан етилганда йиғиштирилади.Бунда поянинг уч -қисмида ланцетсимон барг пайдо бўлади. Каноп пояси ЖК-2,1 А ўриш машинасида 7-8 см баландликда ўрилади. СЎнгра пўстлиқни шилиш учун ЛС русумли машина ишлатилади. Пўстлоқ (луб)поясидан шилиб олингандан сўнг 2-3 кун длавомида ерга бпқа қилиб ёйилиб,қуритилади ва учлари текисланиб, ҳар бири 8-10кг дан боғ қилиб боғланиб луб заводига топширилади.Бу усулда поя кўк бўлади ва пўстлоқ шилиш қулай. МАҳсулотни заводга тоншириш учун ҳам кам харажат сарф бўлади.  Иккинчи усул-каноп пояси тўла етилиб, сариқ ранга киоганда ўрилади.Бу муддатда ўрилган поялар поя ҳолича заводга топширилади ва заводда уни ивитиб, сўнгра пўстлоқ (луб) шилиб олинади.  Уруғлик каноп пастдаги 3-4 та кўсак қорая бошлаши билан йиғиб олинавди ва поялар боғ-боғ қилиб боғланиб, яхши қуриши учун боғлар тик қилиб тахланади ва шу ҳолда 4-5 кун қуритилади, сўнг МК-6 русумли машинада янчилади.Олинган уруғлар қуритилиб, дон тозалагич машиналарда тозаланиб, қопларда омборларда сақланади.Уруғи олинган поялар заводга топширилади.

Э ЪТИБОРИНГИЗ УЧУН РАҲМАТ!

O'xshashlar

Мойли экинлар аҳамияти. Кунгабоқар етиштириш технологияси 2

Мойли экинлар аҳамияти. Кунгабоқар етиштириш технологиияси

Буғдой - аҳамияти, биологияси ва етиштириш технологияси

Соя аҳамияти, биологияси ва етиштириш технологияси

Шоли - аҳамияти, биологияси ва етиштириш технологияси