Geoaxborot tizimlari va ularning turlarini o'rganish - Qishloq va o'rmon xo'jaligi - Slaydlar

Geoaxborot tizimlari va ularning turlarini o'rganish

Yuklangan vaqt:

25.07.2024

Ko'chirishlar soni:

0

Hajmi:

84.8623046875 KB

Ko'chirib olish

GEOAXBOROT TIZIMLARI VA ULARNING TURLARINI O'RGANISH Ishning maqsadi: GAT haqida umumiy tushunchalar va ushbu fan sohasining vazifalarini o‘rganish.

Nazariy ma’lumotlar Geoinformatika va GAT fan sohasining qaror topishida so‘zsiz ravishda, birlamchi eng ulkan muvafaqqiyatlardan biri - bu Kanada geografik axborotlar tizimining (CGIS - Canada Geographic Information System) ishlab chiqilishi bilan bog‘liq hisoblanadi. 1960-yillarda yaratilgan ushbu yirik ko‘lamdagi GAT hozirgi kunga qadar funksiya bajarishi va takomillashtirilishi davom ettirilmoqda. Kanada miqyosida GAT funksiyasi - Kanada Er resurslarini hisobga olish xizmati (Canada Land Inventory) tomonidan to‘plangan ko‘p sondagi ma’lumotlarni tahlil qilishda va keng ko‘lamdagi er maydonlaridan turli xil maqsadlarda, asosan qishloq xo‘jaligida foydalanishni loyihalashtirish rejalarini ishlab chiqishda foydalanish mumkin bo‘lgan, tuproq qoplami haqidagi statistik ma’lumotlarni tahlil qilishdan tashkil topgan.

Ushbu maqsadlarni amalga oshirish uchun, er maydonlarining qishloq xo‘jaligida, rekreatsion maqsadlarda, er resurslaridan foydalanuvchilar va er egalarini o‘z ichiga qamrab oluvchi, erdan foydalanishning murakkab strukturasini o‘zida aks ettiruvchi - ekologik va Shuningdek, o‘rmon xo‘jaliklarini tashkil qilish nuqtai nazaridan yaroqlilik darajasi bo‘yicha mavjud ma’lumotlardan foydalanish klassifikatsiyasini tuzib chiqish talab qilinadi. Hozirgi vaqtda GAT kartografiya, masofadan turib zondlash, statistika, kadastr va meteorologik ma’lumotlarni qayta ishlash, dala ekspeditsiya tadqiqotlarini amalga oshirish, burg‘ulash ishlari natijalari va suv ostida zondlash ishlarini amalga oshirish kabi yo‘nalishlarda, global, hududiy va mahalliy ko‘lamda foydalanilishi qayd qilinadi.

«Qishloq xo’jaligida GAT» fan sohasining maqsadi - bakalavr yo‘nalishida ta’lim oluvchi talabalarda zamonaviy geoaxborot tizimlaridan qishloq xo’jaligi sohasida foydalanish haqidagi umumiy tushunchalarni xosil qilish, talabalar tomonidan zamonaviy geoaxborot texnologiyalari (GAT) uslublarining o‘zlashtirilishi, geoaxborot sohasida modellashtirish bo‘yicha mukammal bilimlar va amaliy ko‘nikmalarni xosil qilish, Shuningdek tuproq resurslarining funksional- ekologik sifat darajasini baholash ko‘nikmalarni qaror toptirishdan tashkil topadi. Bu maqsadni bajarish uchun, quyidagi vazifalarni bajarish talab qilinadi: Geoaxborot texnologiyalaridan (GAT) foydalanib, makonda joylashgan koordinatsiyalar haqidagi ma’lumotlarni majmuaviy tahlil qilish bo‘yicha tizimlashtirilgan nazariy bilimlar va amaliy ko‘nikma-malakalarga ega bo‘lish; Tadqiqotchilik, axborot-tahliliy, oldindan bashorat qilish (prognozlash) va baholash mazmuniga ega masalalarni hal qilishning ishchi variantlarini geoaxborotlar sohasiga oid atamalar asosida shakllantirish ko‘nikmalarini qaror toptirish; Relefning raqamli formatga ega bo‘lgan modellaridan foydalanish asosida, tabiiy tuproq resurslarining asosiy tarkibiy qismlari tavsiflari bo‘yicha tajriba yo‘li bilan olingan ma’lumotlarni tahlil qilish qobiliyatini rivojlantirish.

GAT haqida umumiy ma’lumotlar. Geoaxborotlar texnologiyalari ishlab chiqilganiga qariyb 50 yildan oshdi. Bu davr ushbu yuksak texnologik yo‘nalish rivojlantirilishi uchun ko‘p vaqtmi yoki kam vaqtmi? Nima uchun geoinformatika va geoaxborotlar texnologiyalari axborot texnologiyalari orasida jadal rivojlanayotgan yo‘nalishlardan biri hisoblanadi? Umuman olganda, bu fan sohasi o‘zi nima - fanmi, texnologiyami, uslubmi yoki shunchaki, kompyuter dasturimi? Tasavvur qiling, siz 1960- yillarga tushib qoldingiz, ya’ni bu davrda kompyuter texnologiyalari hali ishlab chiqilmagan. 5.1-rasm. Geoaxborotlar texnologiyalari sxemasi

Siz o‘z ish faoliyatingizni olib boruvchi tashkilotga davlat miqyosida mavjud tabiiy resurslar haqida umumiy ma’lumotlarni yig‘ish va siz to‘plagan materiallar asosida, ushbu tabiiy resurslarning kelajakdagi zahirasi holatini oldindan prognoz qilish topshirig‘ini bajarish vazifasi yuklatilgan bo‘lsin. Tabiiyki, bu ko‘rinishdagi topshiriqni bajarish davomida siz etarlicha darajada ishonchli materiallarni yig‘ishingiz talab qilinadi, bunda ko‘p sondagi mutaxassislar tomonidan amalga oshirilgan tadqiqotlarning qog‘ozda qayd qilingan shakldagi natijalaridan foydalanishga to‘g‘ri keladi. Qo‘shimcha ravishda, siz ushbu belgilangan ishlarni bajarishingiz uchun ko‘p vaqt sarflashingiz talab qilinadi. Siz ushbu ishlarni bajarishingiz uchun avtomatlashtirilgan tavsifga ega tizimdan foydalanishingiz talab qilinadi. Bu tavsifdagi tizim mavjud emasligi dastlab aynan, geografik axborotlar tizimi yo‘nalishida faoliyat olib boruvchi mutaxassislar tomonidan qayd qilingan.

Takrorlash uchun savollar: 1.Geoinformatsion texnologiyalar qaysi sohalarda ishlatiladi? 2.GATning qaysi vazifalaridan foydalaniladi? 3.GAT va geoaxborot texnologiyalari sohasida ishlaydigan mutaxassislar qanday masalalar bilan shug'ullanishadi? 4.Qanday ilmiy va texnologik muhit geoinformatikaini shakllantiradi?

O'xshashlar

Geoaxborot tizimlari va ularning qishloq xo'jaligi texnikalaridagi tadbiqini o'zlashtirish

Sho’rlanish turlarini aniqlash tartibi

Global joylashish tizimlari va ularning qishloq xo’jaligi texnikalaridagi tadbiqini o’zlashtirish

Tuproq va ekinlarning holatini monitoringlash tizimini o'rganish

Aniq qishloq xo’jalik tizimlari fanining asosiy tushunchalari va tizim ishini o’rganish