Motiv va motivatsiya hissiyotning namoyon bo'lishi - Psixologiya - Slaydlar

Motiv va motivatsiya hissiyotning namoyon bo'lishi

Yuklangan vaqt:

09.10.2023

Ko'chirishlar soni:

0

Hajmi:

3383.482421875 KB

Ko'chirib olish

Mavzu: Motiv va motivatsiya va hissiyotning namoyon boʻlishi.

MOTIVATSIYA Motivatsiya (lot. motivatio) subyektning qandaydir maqsadlar,qiziqishlari mavjudligi asosidagi faoliyatga tashqi va ichki xohishining ifodasidir. Motivatsiya barcha pedagogik ta'sir tizimida shakllanadi, biroq avvalo bevosita o'qish faoliyatida tarbiyalanadi. Ijobiy motivatsiyani shakllantirishda ta'lim mazmuni, ta'limni tashkil etish, shaxsiy o'qitish kabi masalalar muhim o'rin tutadi. Hozirga qadar fundamental bilimlar va amaliy muammolarini qamrab olgan motivatsiya nazariyasi aniq batafsil o'z ifodasini topmagan.

Motivatsiya- biz bu ishni nima uchun amalga oshirmoqchi ekanligimizni va rejamiz amalga oshganda nimaga erishishimiz mumkinligi eslatib turishda juda ham katta ahamiyat kasb etadi. Lekin o'sha oxirgi maqsadga erishguncha biz har kuni tirishqoqlik bilan muntazam ravishda ishlash odatini hosil qilishimiz juda ham muhim.

Amerikalik jurnalist va yozuvchi Charlz Duhigning’ The Power of Habit ‘(Ko'nikma va odatning kuchi) kitobida yozishicha inson miyasi o'z ish jarayonida energiyani tejash maqsadida deyarli barcha narsani avtomatlashtirilgan holatga keltirar ekan. Shuning uchun ham biz yangi bilim yoki qobiliyatni o'rganayotganimizda tezda charchab qolamiz va boshida bu bizga katta qiyinchilik tug 'diradi. Lekin, agar biz ushbu yangi faoliyatni doimiy ravishda amalga oshirishda davom etsak, ma'lum bir vaqt o'tganidan so'ng ushbu jarayon o'z-o'zidan avtomatlashgan holatga o'tib ortiqcha urinishsiz amalga oshira olishimiz odat tusiga aylanadi. Eng oddiy misol: barchamiz o'qishga va ishga borish uchun hafta kunlari davomida erta turishga majburmiz, boshida bu juda qiyin, lekin keyinchalik ushbu tartibga amal qilishimiz oson bo'ladi, hattoki ma'lum vaqtdan keyin shanba va yakshanba kunlari zaruriyat bo'lmagan taqdirda ham erta tongdan uyg'onishimiz odat tusiga kiradi. Bu bizning miyamiz yangi dastur asosida ishlay boshlaganidan darakdir.

Motiv Motiv (psixologiyada) inson faoliyatida muayyan maqsadni bajarishga sabab bo'luvchi omil. Motivatsiya shaxsni harakatga va faoliyatga undovchi, ehtiyojning yuksak shakli sifatida paydo bo'luvchi ichki turtki hisoblanadi. Ehtiyoj va instinkt, mayl va hissiyot, ideal va boshqa Motivatsiyalar jumlasiga kiradi.

Hozirgi zamon psixologiyasida Motivatsiya atamasi subyektni faollashtiruvchi turli hodisa va holatlarni ifodalash uchun qo'llanadi. Xatti- harakat va faoliyat Motivatsiyalarining majmuasi motivatsiya deyiladi. Motivatsiya ehtiyoj negizida vujudga keladi va shakllanadi. Ehtiyojning barqarorlashuvi motivatsiyaning samarali shakllanishini ta'minlaydi. Harakat faoliyatning tarkibi bo'lganligi tufayli u faoliyatning maqsadi Motivatsiya orqali va boshqariladi. Ba'zan «Motivatsiya» tushunchasini “emotsiya”, “maqsad”, “ustanovka” atamalari bilan almashtirish hollari uchraydi.Goho turtki,qoʻzgʻovchi, undovchi tushunchalari bilan almashtiriladi.

Kanadalik jurnalist va yozuvchi Malkolm Gladvellning Outliers : The Story of Success kitobini o'qish jarayonida juda ham bir qiziq ma'lumotni uchratish mumkin. Muallifning yozishicha biron-bir sohada muvaffaqiyatga erishish uchun va ushbu sohaning haqiqiy ustasiga aylanish uchun kamida 10,000 (o'n ming) soat davomida ushbu soha bilan muntazam ravishda shug'ullanish va mashq qilish zarur ekan.

Hissiyot Hissiyot — shaxsning voqelikdagi narsa va hodisalarga, kishilarga hamda o'z-o'ziga bo'lgan munosabatlardan kelib chiqadigan kechinmalari. Shaxs tirik mavjudot boʻlishi bilan birga jamiyat aʼzosi hamdir, shuningdek, yakka inson sifatida tevarak-atrofdagi narsa va hodisalarga munosabatini xolisona aks ettiradi. Inson munosabatlari uning miyasida his-tuygʻular, emotsional holatlar, yuksak ichki kechinmalar tarzida aks etishi hissiyotni yuzaga keltiradi. Hissiyot tushunchasi kundalik turmushda va ilmiy manbalarda har xil maʼnolarda qoʻllanadi. Kundalik turmushda hissiyot tushunchasi oʻrniga sezgilar, anglanmagan mayllar, xohishlar, tilaklar , talablar , maqsadlar atamalaridan foydalaniladi. Ilmiy manbalarda esa, shaxsning ehtiyojini qondiruvchi va unga monelik qiluvchi narsalarga, kishilarga nisbatan oʻz munosabatini miyasida aks ettirish maʼ nosida qoʻllanadi.

«His» degan termin ko'pincha «sezgi» degan termin bilan bir ma’noda ishlatiladi. Masalan, ba’zan: «Men yorug'likni his qilyapman, men issiqlikni his qilyapman» deyish o'rniga: «Men yorug'likni sezyapman, men issiqlikni sezyapman» deb ham aytishadi. Shu vaqtgacha biz psixologiyada ham sezgi organlari deyish o'rniga his qilish organlari deb aytishga odatlanib qolganmiz. Sezgi bilan hisni bir-biridan farq qilish kerak. Sezgi odamdan mustaqil ravishda mavjud bo’ladi, u narsalar va hodisalaming in’ikosidir. Hissiyot esa odamning shu narsalarga va hodisalarga munosabatini ifodalovchi tuyg‘ular, kechinmalardir. Sezgilar bizga narsalar va hodisalaming o’zini bildiradi, ammo hissiyot esa odamning shu narsalarga va hodisalarga munosabatini, bu narsalar va hodisalar odamda qanday holat tug’dirganligini (xush yoki noxush holat tug’dirganligini) bildiradi.

O'xshashlar

Motiv va motivatsiya 2

Motiv va motivatsiya 3

Motiv motivatsiya hissiyot va iroda

Motiv va motivatsiya haqida umumiy tushuncha

Motiv tuzilishi va uning turlari