O’zbekiston mustaqillikka erishish ostonasida - Milliy istiqlol g'oyasi - Slaydlar

O’zbekiston mustaqillikka erishish ostonasida

Yuklangan vaqt:

23.09.2019

Ko'chirishlar soni:

0

Hajmi:

408.96484375 KB

Ko'chirib olish

“ O’zbekiston mustaqillikka erishish ostonasida” REJA: 1. O’zbekiston Respublikasi Prezidenti Islom Karimovning “ O’zbekiston mustaqillikka erishish ostonasida” kitobi haqida umumiy ma]lumot. 2. O’zbekiston Respublikasi Prezidenti Islom Karimovning O’zbekiston mustaqillikka erishish ostonasida” kitobidagi kontseptual g’oyalar va xulosalar. 3. "O'zbekiston mustaqillikka erishish ostonasida" kitobining tarbiyaviy ahamiyati 4. Xulosa www.arxiv.uz

www.arxiv.uz

www.arxiv.uz

www.arxiv.uz

O’zbekiston Respublikasi Prezidenti Islom Karimovning “O’zbekiston mustaqillikka erishish ostonasida” kitobi haqida umumiy ma’lumot. El-yurtimiz, butun xalqimiz Vatanimiz mustaqilligining yigirma yillik qutlug‘ bayramini nishonlanishi arafasida turgan unutilmas kunlarda mamlakatimizning ijtimoiy- siyosiy, madaniy-ma’naviy hayotida tom ma’noda ulkan voqealar yuz bergan. Ana shu voqealar silsilasida Prezidentimiz Islom Karimovning «O‘zbekiston mustaqillikka erishish ostonasida» kitobining nashr etilishi mohiyat e’tibori bilan, hech shubhasiz, alohida o‘rin egallaydi. Qancha-qancha ajdodlarimizning asriy orzusi bo‘lgan, bugungi kunda ko‘pmillatli xalqimiz uchun eng ulug‘, eng aziz qadriyatga, barcha ezgu maqsad va harakatlarimiz, bunyodkorlik ishlarimizning hayotbaxsh manbaiga aylangan mustaqillikka erishish yo‘lida 1989 — 1991 yillar mobaynida olib borilgan o‘ta og‘ir va mashaqqatli kurashlar tarixi bu kitobning bosh mavzusini tashkil etadi. www.arxiv.uz

Ma’lumki, 2011-yili e’lon qilingan bu kitob mamlakatimiz rahbarining O‘zbekistonning o‘z davlat mustaqilligini qo‘lga kiritish arafasida va undan keyingi dastlabki oylarda olib borgan jo‘shqin va serqirra faoliyatini aks ettiradi. O‘tgan davr mobaynida bu fundamental asarga bo‘lgan qiziqish va e’tibor yanada kuchayib bormoqda. Mamlakatimiz va xorijdagi taniqli ekspert va tahlilchilar, keng jamoatchilik tomonidan ushbu kitob O‘zbekistonda davlat mustaqilligiga erishish yo‘lida xalqimiz bosib o‘tgan g‘oyat og‘ir va mashaqqatli kurashlar yo‘lini yoritishda eng ishonchli manba sifatida baholanib, vaqt o‘tishi bilan uning ijtimoiy-siyosiy, ilmiy-nazariy va amaliy qimmati, jumladan, o‘tmishni anglash, bugungi kunni qadrlash va kelajakka hushyor va sergak nazar bilan qarab yashashga o‘rgatishdagi ahamiyati tobora ortib borayotgani ta’kidlanmoqda. www.arxiv.uz

To‘plamda davlatimiz rahbarining 1989-yil 24- iyundan 1992-yil 4-yanvarga qadar, ya’ni respublikamiz rahbari sifatidagi faoliyatining birinchi kunidan boshlab mustaqil O‘zbekiston Prezidenti etib saylanishi va o‘z vazifasini bajarishga kirishish sanasigacha bo‘lgan davrda so‘zlagan nutq, ma’ruza, maqola va intervyulari, Yurtboshimiz tomonidan imzolangan farmon, qaror va qonunlar o‘rin olgan. Bugungi kunda tarixning noyob mulkiga aylangan bu hujjatlar har tomonlama hayotiy va mantiqiy asosga ega ekani, tahliliy ruhi, muallifning ulkan intellektual salohiyati, har qanday sharoitda ham O‘zbekiston manfaatini qat’iy turib himoya qilishga qaratilgan prinsipial pozitsiyasi, notiqlik mahoratini yorqin aks ettirishi bilan hech kimni beparvo qoldirmaydi. Ko‘pgina nutq va ma’ruzalarning matnlari arxiv hujjatlari asosida tiklangani, ya’ni to‘plam butunlay birlamchi, asl manbalar asosida tuzilgani uning tarixiy va ilmiy qimmatini yanada oshiradi.www.arxiv.uz

Mazkur asarda respublikamizda hukm surgan g‘oyat murakkab siyosiy, ijtimoiy-iqtisodiy vaziyatda xalqimiz boshidan kechirgan tahlikali voqealar xronologik tarzda, ketma-ket yoritilmasdan, o‘sha davrning siyosiy manzarasini to‘liq aks ettiradigan chuqur tahlillar, yaqin va uzoq istiqbolni ko‘zlab ilgari surilgan muhim strategik qarashlar, konseptual yondashuv va xulosalar orqali ifoda etiladi. Ularning barchasini mustaqillik g‘oyasi, ta’bir joiz bo‘lsa, bamisoli qizil ip kabi birlashtirib turadi. Shuning uchun ham ushbu to‘plam yaxlit asar singari katta qiziqish va hayajon bilan o‘qiladi. O‘zida siyosiy-iqtisodiy, g‘oyaviy-mafkuraviy, tarixiy-ma’naviy tafakkur va tahlil usullarini o‘zaro uyg‘unlikda mujassam etgan bu keng qamrovli asar xalqimiz hayotining vaqt o‘tishi bilan unutilib, yo‘qolib ketishi mumkin bo‘lgan sahifalarini tiklab, istiqlol tariximizni haqqoniy asosda yaratish, bugungi va kelgusi avlodlarning uni har tomonlama o‘rganib, anglab yetishlari uchun mustahkam zamin yaratadi. www.arxiv.uz

Prezident Islom Karimovning xalqimizning siyosiy tafakkur xazinasiga bebaho hissa bo‘lib qo‘shilgan “O‘zbekiston mustaqillikka erishish ostonasida” kitobi istiqlol tufayli asl ildizlarimizga qaytib, o‘z taqdirimizni o‘zimiz belgilash huquqiga ega bo‘lganimiz, avlodlarga ibrat va namuna bo‘ladigan buyuk ishlarni amalga oshirganimizning noyob tarixiy solnomasidir!www.arxiv.uz

O’zbekiston Respublikasi Prezidenti Islom Karimovning “O’zbekiston mustaqillikka erishish ostonasida” kitobidagi kontseptual g’oyalar va xulosalar Ozodlik, mustaqillik, bugungi tinch-osuda hayot o’z-o’zidan kelmagani, ularning barchasi qanday tinimsiz kurashlar, qiyinchilik va yo’qotishlar, uyqusiz tunlar, munozara va muhokamalar, izlanish va yaratishlar, ba’zan o’ta iztirobli, ba’zida quvonchli intilishlar mahsuli ekanini qalbimizdan, yuragimizdan o’tkazamiz, El-yurtimiz O’zbekiston deb atalgan bu betakror va ozod diyor, mustaqil davlatni xaqiqatdan xam o’z mehnati, o’z aql- zakovati va salohiyati, irodasi bilan barpo etganidan ko’nglimiz tog’dek ko’tariladi. www.arxiv.uz

www.arxiv.uz

1. Prezident Islom Karimov tomonidan XX asrning 80-yillari oxirlarida O’zbekistondagi mavjud ijtimoiy-iqtisodiy va siyosiy ahvolning tahlil etilishi. Ko’p ming yillik davlatchilik an’anasiga ega, dunyo tamadduniga ulkan hissa qo’shgan xalqimiz tarixi uchun yigirma yillik davr bir lahza xolos. Ammo shunday qisqa vaqt ichida yurtimiz muhtaram Islom Karimov rahnamoligida asrlarga tatigulik taraqqiyot yo’lini bosib o’tdi va bu davrda amalga oshirilgan islohotlarning ahamiyati yillar o’tgan sari ortib boraveradi. Bu muvaffaqiyatlar qanday murakab kurash evaziga qo’lga kiritilganini, ular xalqimizdan, uning yetakchisidan naqadar ulkan matonat talab qilganini, jamiyatni kulfat va musibatlar domiga tortmoqchi bo’lgan qanchadan-qancha suronu to’fonlar, taraqqiyotni butunlay boshqa bir yo’lga burib yuborishga qaratilgan xavfli tahdidu xurujlar bartaraf etilganini yoddan chiqarmasligimiz kerak www.arxiv.uz

Kechagina biz kim edik? Boshimizga qanday xo’rlik va ko’rguliklar tushgan edi? Qanday yo’qotishlar bergan edik? Bunday savollar qulog’imiz ostida mudom yangrab turmog’i lozim. Necha yuz minglab vatandoshlarimiz mana shu yorug’ kunlarni orzu qilib, ozodlik deb, armon bilan dunyodan o’tib ketgani, millatimizning ne-ne asl farzandlari qatag’onga uchragani, e’tiqodimiz, tariximiz, muqaddas qadamjolarimiz, ota-bobolarimiz xotirasi, tilimiz, dinimiz qay ahvolda ekanligini, imom al-Buxoriy, imom at-Termiziy, Xoja Bohouddin Naqshband, Amir Temur, Bobur Mirzo va boshqa ulug’ bobokalonlarimizning muqaddas xoklari va buyuk nomlari qaysi tuproqlarda qorishib yotganini, yurtimiz qanday va qancha beqiyos boyliklar xazinasi ekanidan qay birimiz qanchalik xabardor ekanimizni bu dorilomon kunlarga qachon va kim tomonidan, qanday tarixiy sharoitda asos solinganini unutishga o’zini shu Vatanning farzandi deb bilgan, shu yurt taqdiri bilan bog’liq ko’radigan hech bir insonning haqqi yo’q. Zero, tarixiy xotira xalqni mudom uyg’oqlikka undaydi, ulug’vor maqsadlar yo’lida birlashtiradi. www.arxiv.uz

Mustaqilligimiz tarixi haqida o’ylaganda, beixtiyor 1991 yilning 31 avgusti yodimizga tushadi. Shu kuni O’zbekiston mustaqil davlat deb e’lon qilindi. Ammo O’zbekistonning mustaqil taraqqiyot yo’li 1989 yil 23 iyundan, ya’ni Islom Karimovning respublikaga rahbar bo’lib kelishi bilan boshlanganidan tarixiy hujjatlar dalolat bermoqda. Shu nuqtai nazardan 1989 yilni hech ikkilanmasdan milliy davlatchiligimizning burilish nuqtasi- milliy va mustaqil davlatchilik sari og’ir yo’lning boshlanishi desak haqiqatni aytgan bo’lamiz. Islom Karimov respublika rahbarligiga tayinlanganida O’zbekistonda ijtimoiy-siyosiy vaziyat murakkablashgan, turli ziddiyatlar va qarama-qarshiliklar kuchaygan, millatlararo nizolar vujudga kelgan, mamlakatda ishlab chiqarish izdan chiqqan, sansalorlik, xo’jako’rsinlik avj olgan, aholi asosiy qismining kayfiyati buzilib, ruhiy- ma’naviy muhit chigallashgan bir payt edi. Unga yaqin o’tmishdoshlaridan asabi taranglashgan, ruhiyati siniq, parishon va parokanda mamlakat meros bo’lib qoldi. www.arxiv.uz

Aytish mumkinki, respublikaning yaqin o’tmishi shalvirab qolgan aravaga o’xshardi. Uni to’xtatish ham, qamchi urishni ham iloji yo’q edi, chunki har ikki holatda ham arava to’kilib, parchalanib ketar edi. Bunday paytda rahbardan o’ta xushyorlik hamda tadbirkorlik, ziyraklik va chechanlik, mulohazakorlik va epchillik talab etiladi. Islom Karimov xuddi shunday noyob, serqirra fazilatlari bilan buzuq aravani ta’mirladi va uni zamonaviy mashinaga aylantirishni boshladi. Biz o’rganayotgan “O’zbekiston mustaqillikka erishish ostonasida” kitobida yurtboshimizning o’sha davrdagi barcha chiqishlari to’liq berilmasdan, asosan xalqimizning asriy orzusi bo’lgan milliy istiqlol mavzusiga oid fikr va qarashlari atroflicha o’z ifodasini topgan. Boshqacha aytganda, mustaqillik g’oyasi, mustaqillik mavzusi mazkur to’plamga kiritilgan barcha nutq va ma’ruzalarda bamisoli “qizil ip” bo’lib o’tadi. www.arxiv.uz

Ushbu kitobda yurtimizdagi g’oyat qaltis va nosog’lom vaziyat, ozgina uchqun chiqsa butun respublika lovullab yonib ketadigan, to’g’ri yo’lni topish o’ta murakkab va xatarli bo’lgan bir sharoitda inqirozdan chiqish, O’zbekistonning taqdiri va kelajagini hal etadigan eng muhim masalalar bo’yicha ulkan donishmandlik va jasorat bilan bayon etilgan kontseptual yondashuvlar, amaliy fikr-mulohazalar, xulosa va takliflarga alohida e’tibor qaratilgan. O’sha davrda yurtimizda yuzaga kelgan holatni quyidagicha tahriflash mumkin: Ijtimoiy-siyosiy sohadagi jarayonlar hammani tashvishga soldi. Qayta qurish tufayli yuzaga kelgan demokratiya va oshkoralik anarxiya va safsatabozlikdan yetarlicha himoya qilinmagan edi. Intizom va tartib bo’sh, jinoyatchilik ko’paydi, odamlarning shaxsiy xavfsizligi, huquqlari va qadr-qimmati kafolatlari buzila bordi. Ishlab chiqarish va ijtimoiy sohalarning ahvoli yomonlashib bordi. Pulning qadrsizlanishini kuchaydi. Chayqovchilik, poraxo’rlik, xufiyona iqtisodiyot keng yoyila boshladi. Bularning hammasi odamlarning, ayniqsa, kam daromadli aholi tabaqalarining turmush darajasiga salbiy ta’sir ko’rsatdi. www.arxiv.uz

Madaniy-ma’naviy turmushda qadrsizlanish ro’y bera boshladi: omma siyosatga ko’proq qiziqib, uning faolligi oshib borishi bilan birga, jamiyatning g’oyaviy va axloqiy negizlarini buzishga, umuminsoniy qoidalar va milliy qadriyatlarni mesimaslikka urinish hollari uchrab turdi. Ijtimoiy va millatlararo mojarolar qaltis tus oldi. Boltiqbo’yidagi, Kavkazortidagi vaziyat buni ochiq-oydin ko’rsatdi. Bu joylardagi voqealar grajdanlar urushi holatiga xatarli ravishda yaqinlashib qoldi... Sobiq ittifoqning barcha joylarida bo’lgani kabi O’zbekiston mehnatkashlari ham mana shu buzg’unchilik jarayonlaridan tashvishga tusha boshladilar . Kechagina respublikamiz rahbari etib saylangan Islom Karimov ishga kirishgan kunning ertasigayoq, ya’ni 1989 yil 24 iyun kuni O’zbekiston SSR Ministrlar Sovetida katta majlis o’tkazdi va unda nutq so’zladi. Bu nutq mohiyat e’tiboriga ko’ra Islom Karimovning O’zbekiston rahbari sifatidagi birinchi nutqi edi. Ushbu chiqishda Islom Karimovning siyosiy yetakchiga xos barcha fazilatlari yaqqol namoyon bo’ladi. www.arxiv.uz

O’zining keskin tanqidiy va amaliy ruhi bilan ajralib turadigan mazkur nutqda respublika rahbari O’zbekistonda vujudga kelgan o’ta murakkab ijtimoiy- iqtisodiy vaziyat va uning sabablarini chuqur tahlil qilib, achchiq va haqqoniy bir xulosaga keladi. “ Biz bundan buyon eskicha yasholmaymiz va bunday yashashga zamonning o’zi yo’l qo’ymaydi ”, deb yangi lavozimga qanday ulug’ maqsad va mas’uliyat bilan kirishayotgani, o’z faolitida islohotchilik, el-yurtning dardu tashvishlari eng oliy mezon bo’lib qolishini ochiq bayon qiladi. “Sen - menga tegma, men - senga tegmayman” qabilida ishlashga o’rganib qolgan ko’pchilik zalda o’tirgan rasmiy shaxslar uchun bunday o’tkir so’zlar bamisoli bulutli osmonda chaqmoq chaqnagandek ta’sir etadi. Yangi rahbarni mavjud ahvolni ijobiy tomonga o’zgartirish, respublikani chuqur inqiroz holatidan olib chiqish borasidagi azmu qarori naqadar jiddiy va qat’iy ekani ularning o’rtasida katta bezovtalik va besaranjomlikka sabab bo’ldi. www.arxiv.uz

Prezident Islom Karimovning rahbarlik faoliyatiga xos bo’lgan g’oyat e’tiborli va ibratli yana bir fazilat borki, u ham bo’lsa, so’z va ish birligidir. Afsuski, xalqqa yetakchilik qilish da’vosi bi lan maydonga chiqadigan aksariyat siyosiy arboblar mana shunday noyob xususiyatdan bebahra bo’lib, ko’pincha tagi puch, yolg’on va’dalar bilan odamlarni chalg’itib, soxta obro’ orttirish payida bo’lishlari ham sir emas. Agarki, yaqin tariximizga — o’tgan asrning suronli 90-yillariga nazar soladigan bo’lsak, Islom Karimovning o’sha og’ir yillarla keskin muammolar girdobida turib, O’zbekistonning kelajagini aniq tasavvur qilgan holda ilgari surgan g’oya va dasturlari uning Vatanimiz yorug’ istiqboliga qanday buyuk ishonch bilan qaraganidan yaqqol dalolat beradi . Bu o’rinda gap bugungi kunda jahon jamoatchiligi tomonidan keng e’tirof etilgan, dunyoda o’xshashi kam bo’lgan O’zbekistonning Kadrlar tayyorlash milliy dasturi haqida bormoqda. Shunisi hayratlanarliki, bu noyob dasturning mazmun-mohiyati, asosiy maqsad va vazifalari, ustuvor yo’nalishlari haqida Yurtboshimiz 1990 yilda — respublikamizda ilm-fan va ta’lim sohasining moddiy-texnik bazasi, kadrlar tarkibi achinarli ahvolga tushib qolgan, bu sohalar «qoldiq» printsipi asosida moliyalashtirilayotgan, jumladan, 1700 ta maktab binosi avariya holatida bo’lgan bir vaziyatda, uzoq va davomli maqsadlarni ko’zlab katta ishonch bilan fikr bildiradi. www.arxiv.uz

Eng muhimi, Prezident Islom Karimov o’z nutqida «Mustaqil O’zbekiston davlatining siyosati insoniylik va ezgulik tamoyillariga asoslanadi» degan dasturiy g’oyani butun dunyoga bayon qildi va mana, yigirma yildirki, davlatimiz ana shu siyosiy printsipga og’ishmasdan, qat’iy amal qilib kelmoqda. Xalqimiz, Vatanimiz tarixiga oltin harflar bilan yoziladigan o’sha unutilmas kunlarga nazar tashlaydigan bo’lsak, ayni o’sha paytda yosh, mustaqil O’zbe kiston davlati rahbari tomonidan mamlakatimizning siyosiy-ijtimoiy, ma’naviy taraqqiyoti uchun hal qiluvchi ahamiyatga ega bo’lgan ko’plab o’ta muhim hujjatlar qabul qilinganini ko’ramiz. Misol uchun, 31 avgust kuni qabul qilingan «O’zbekiston Respublikasi davlat mustaqilligining asoslari to’g’risida»gi qonun, 5 sentyabrda imzolangan Toshkent shahridagi V.I.Lenin nomidagi maydonni Mustaqillik maydoni deb qayta nomlash to’g’risidagi, 6 sen tyabr, kuni imzolangan «O’zbekiston Respublikasi Mudofaa ishlari vazirligini tuzish tug’risida»gi Prezident farmonlari va boshqa siyosiy hujjatlar shular jumlasidandir. www.arxiv.uz

Shu nuqtai nazardan qaraganda, to’plamga kiritilgan har bir chiqishni mutolaa qilish jarayonida biz yangi tariximizning o’zimiz bilmagan, anglamagan yana ko’plab qirralarini yangitdan kashf etamiz, istiqlol mohiyatini, «tarixiy burilish pallasida xalq dardi, millat qayg’usi buyuk shaxslarni yaratishi »ni yanada chuqurroq anglaymiz. Ozodlik, mustaqillik, bugungi tinch-osuda hayot o’z-o’zidan kelmagani, ularning barchasi qanday tinimsiz kurashlar, qiyinchilik va yo’qotishlar, uyqusiz tunlar, munozara va muhokamalar, izlanish va yaratishlar, ba’zan o’ta iztirobli, ba’zida quvonchli intilishlar mahsuli ekanini qalbimizdan, yuragimizdan o’tkazamiz, El-yurtimiz O’zbekiston deb atalgan bu betakror va ozod diyor, mustaqil davlatni xaqiqatdan xam o’z mehnati, o’z aql-zakovati va salohiyati, irodasi bilan barpo etganidan ko’nglimiz tog’dek ko’tariladi . Prezident Islom Karimovning xalqimizning siyosiy tafakkur xazinasiga bebaho hissa bo’lib qo’shiladigan «O’zbekiston mustaqillikka erishish ostonasida» kitobi istiqlol tufayli asl ildizlarimizga qaytib, o’z taqdirimizni o’zimiz belgilash huquqiga ega bo’lganimizni, avlodlarga ibrat va namuna bo’ladigan buyuk ishlarni amalga oshirganimizni yana bir bor g’urur-iftixor bidan ta’kidlashga asos beradi, deb ishonamiz. www.arxiv.uz

3. "O'zbekiston mustaqillikka erishish ostonasida" kitobining tarbiyaviy ahamiyati "O'zbekiston mustaqillikka erishish ostonasida" kitobining tarbiyaviy ahamiyati Prezidentimizning mustaqillikning birinchi yillaridagi eng og'ir, tahlikali, murakkab jarayonlaridan tortib, to hozirgacha yaratilgan barcha asarlari davrning tarixiy zaruriyati tufayli yuzaga kelgan. Qo'limizdagi «O'zbekiston mustaqillikka erishish ostonasida» kitobi ham xuddi shunday tarixiy zaruriyat zamirida yaratilganligi bilan beqiyos ahamiyatga ega. Kitob «O'zbekiston» nashriyoti tomonidan chop etilgan bo'lib, unda asosan 1989-1992 yillarda, mamlakat tahlikali, keskin, o't-olov hal-qasi ichida turgan davrdagi voqeliklar bilan bog'liq tarixiy qarorlar, hujjatlarga murojaat qilinadi. Mustaqillikning dastlabki yillari tug'ilgan avlod bugun 19-20 yoshga kirdi, dunyoni idrok qila oladigan, o'zligini teran anglaydigan, ozodlikni chin ma'noda qadrlaydigan yoshga yetdi. Yoshi kattalar mustaqillik bilan qadamba-qadam uning quvonchiyu tashvishlari, zahmatu og'riqlari, og'ir sinovlarini boshlaridan o'tkazishgan. Lekin yoshlar uchun bu ozodlik, hurlik xuddi ko'kdan, osmondan tushganday, bosib o'tgan yo'llarimiz, yo'qotishlarimiz go'yo ertakday tuyuladi. www.arxiv.uz

Mustaqillikning dastlabki kunlaridayoq Prezidentimiz «O'zbekistonning kelajagi buyuk bo'ladi, bu kunlar juda yaqin» deb xalqimizni ishonch bilan ertangi kunga boshlagan edilar. Lekin bizning ozodligimizni ko'rolmagan ichki va tashqi kuchlar o'zlarining g'arazli maqsadlarini amalga oshirish uchun islom dinini niqob qilib olib, «bu va'dalar bir afsona, cho'pchak, tagi puch, aldov gaplar, deb ayyuhannos solgandilar. O'tgan qisqa davrda o'sha afsona haqiqatga aylandi, asrlarga tatigulik olamshumul ishlar amalga oshdi. O'zbekiston jahon ayvonida o'z qadr-qimmatini topdi», «o'zbek modeli» dunyo miqyosida e'tirof etildi. Mazkur kitobni o'qib chiqib, bir ijodkor sifatida xalqimizning boshiga tushgan og'ir kunlar, ofatu balolardan Prezidentimizning o'z xalqiga bo'lgan cheksiz muhabbati, sadoqati, tengsiz jasorati, matonatu mardligi omon saqlab qolganligiga imon keltirdim. 1989 yildagi Farg'ona, 1991 yildagi Toshkent, 1992 yildagi Namangan voqealarining keskin pallalarida Prezidentimiz diniy radikal kuchlarning nayrangu qilmishlariga uchgan, ko'zi qonga to'lgan olomon ichiga yonida qo'riqchilarsiz, yolg'iz o'zi hayotini xavf ostiga qo'ygan holda jasorat bilan kirib borib, xalqimizni ro'y berishi mumkin bo'lgan fojia, turli falokatlardan asrab qoldilar. www.arxiv.uz

O'zbek tiliga davlat tili maqomining berilishi mustaqillikka qo'yilgan jasoratli qadam bo'lsa, aholiga tomorqa berish to'g'risidagi oqilona qarori xalqimizni ertangi kuniga yorug' ishonch uyg'otishi bilan birga, turmush farovonligini yuksaltirdi, paxta maydonlarini qisqarishiga olib keldi. Kitobni o'qib, hayratga tushasan kishi. Va bizga mana shunday donishmand, adolatli sarbonni boshimizga soyabon qilib qo'yganligi uchun ollohga shukronalar aytdim. Bu kitob ilgari ma'lum qilinmagan, matbuotda e'lon qilinmagan juda ko'p voqeliklardan bizni voqif qiladi, bu yorug', osoyishta, saodatli kunlarni qadriga yetishga undaydi. Tabiiyki, qo'limizdagi bir burda nonni qaysi mehnat, zahmat orqali yaratilganini bilmasak, uni isrof qilamiz, qadriga yetmaymiz. SHu ma'noda mazkur tarixiy kitob yoshlarimiz uchun kechagi yaqin tariximizni bilish, idrok qilish, mustaqillikni asrash yo'lida hayot darsligidek ulug' qo'llanmadir. Bugungi murakkab, ziddiyatli davrda yoshlar qalbiga «ommaviy madaniyat»ning zaharli viruslari xavf solayotgan zamonda bu kitobning tarbiyaviy ahamiyati benazirdir. Biz ijodkorlar, targ'ibotchilar bu asarning olamshumul ahamiyatini teran singdirishimiz, ularning imon-e'tiqodini butun holda kelajakka yetkazishimiz bugungi kundan eng dolzarb vazifamizdir. www.arxiv.uz

www.arxiv.uz

O'xshashlar

Yangi O’zbekiston

Mustaqillik va milliy istiqlol g`oyasi asosiy tushuncha va tamoyilar konsepsiyasini ishlab chiqilishi

O’zbekiston prezidenti SH.M. Mirziyoyev

O’zbekiston – BMT Hamkorlik sarhadlari kengaymoqda

O’zbekiston XXI asr bo’sag’asida xavfsizlikka tahdid, barqarorlik shartlari va taraqqiyot kafolatlari