Gidrotexnik beton tayyorlash uchun mashinalar va uskunalar tanlash xususiyatlari 2 - Melioratsiya - Slaydlar

Gidrotexnik beton tayyorlash uchun mashinalar va uskunalar tanlash xususiyatlari 2

Yuklangan vaqt:

29.05.2023

Ko'chirishlar soni:

0

Hajmi:

554.5166015625 KB

Ko'chirib olish

Gidrotexnik beton tayyorlash uchun mashinalar va uskunalar tanlash xususiyatlari Reja: 1. Gidrotexnik beton nima 2. Gidrotexnik beton tayyorlashda qo’llaniladigan mashina va uskunalar 3. Mashina va uskunalar tanlash xususiyatlari

Gidrotexnik beton Umuman olganda xalq xo’jaligi ob’yektlarining foydalanish sharoitlariga bog’liq ravishda, ularni qurish jarayonida turli xil guruhlarga mansub, ya’ni o’ta yengil, yengil, og’ir va o’ta og’ir betonlar qo’llanilib kelinmoqda va ularning asosiy ko’rsatkichi bo’lgan zichligi 450 kg/m3 dan 2800 kg/m3 gacha bo’lishi mumkin. Suv xo’jaligi ob’yektlari qurilishida holis beton sifatida yoki yig’ma temir-beton konstruksiyalarini tayyorlashda og’ir betonlar guruhiga kiruvchi, zichligi 2200 kg/m3 dan 2500 kg/m3 gacha bo’lgan – gidrotexnik betonlar keng qo’llaniladi. Davlat chegaralovchi hujjatlarida aniqlik kiritilishicha doimiy yoki davriy ravishda suv ta’sirida bo’lib, inshootning barqaror ish sharoitini ta’minlovchi beton – gidrotexnik beton deyiladi.

Gidrotexnik beton tayyorlash Boshqa turdagi betonlardan farqli o’larok gidrotexnik betonlarga bir qator o’ziga xos talablar qo’yiladi, ya’ni suvga chidamlilik, suv o’tkazmaslik, sovuqqa chidamlilik, tanasidan kam issiqlik chiqarish, tuzlar va kimyoviy moddalar ta’siriga chidamlilik, siqilishga, cho’zilishga va egilishga kerakli darajada chidamli bo’lishidir. Betonning suv ta’siriga chidamliligini oshirish uchun maxsus sementlar qo’llanishi mumkin yoki betonning yuza qismi gidroizolyatsiya qilinadi. Gidrotexnik beton

Gidrotexnik beton tayyorlash Gidrotexnik betonga uning asosiy sifat ko’rsatkichlari bo’lgan mustahkamligi, tanasidan suv o’tkazmasligi va sovuqqa chidamlilik hossalariga nisbatan quyidagi markalar belgilangan: - siqilishga chidamliligi bo’yicha – M75, M100, M150, M200, M250, M350, M400, M500, M600, sonlar 1 sm2 beton namunasiga ta’sir qiluvchi kuch, kg; - sovuqqa chidamliligi bo’yicha – Mrz50, Mrz75, Mrz100, Mrz150, Mrz200, Mrz300, Mrz400, Mrz500, sonlar beton namunasini muzlatib–eritish sikllar sonini bildiradi va shunda beton namunasi o’zining 15% dan ortiq mustahkamligini yuqotmasligi kerak; - tanasidan suv o’tkazmasligi bo’yicha , V2, V4, V6, V8, V10, V12 sonlar 0,2; 0,4; 0,6; 0,8; 1,0; 1,2 MPa suvning gidravlik bosimiga to’g’ri keladi va ular ta’sirida beton namunasidan suv sizib chiqishi kuzatilmaydi. Gidrotexnik beton

Gidrotexnik beton tayyorlash Betonning yuqorida aytilgan asosiy hossalari o’zaro bir-biriga bog’liq bo’lib, ular bo’yicha suv xo’jaligi ob’yektlari konstruksiyalarini loyihalash jarayonida, inshootning ishlash sharoiti, unga ta’sir qiladigan turli xil kuchlar va tabiiy-iqlim sharoitlarini inobatga olgan holda beton markalari belgilanadi. Gidrotexnik beton Texnologiya nuqtai nazardan qaraganda betonning e’tiborli hususiyatlaridan biri uning qo’zgaluvchanligi hisoblanadi va qorishmaning qulay yotqizilishini belgilaydi. Betonning ushbu hossasi asosan uning tarkibidagi suv-sement nisbatiga, qorishma tarkibiga aralashtiriladigan yumshatuvchi qo’shimchalarga va qo’llaniladigan sement faolligi bo’yicha ajralib chiqadigan issiqlik energiyasiga bog’liq bo’ladi.

Gidrotexnik beton tayyorlashda qo’llaniladigan mashina va uskunalar Beton qorishmasini tayyorlash bo’yicha amalga oshiriladigan jarayonlar majmui mahsuslashtirilgan qurilmalarda yoki beton zavodlarida bajariladi. Betonqorgich qurilmalar–ko’chma agregat yoki statsionar kompleks bo’lib, beton qorishmasini tayyorlash bo’yicha (bunda materiallarni tayyorlash, qadoqlashdan tortib, tayyor mahsulot olinguncha bo’lgan jarayonlar) barcha jarayonlarni bajarish uchun qurilmalar va asbob–uskunalar bilan jihozlangan bo’ladilar. Beton qorishmasini tayyorlash zavodlari–uzoq muddatga ishlashga mo’ljallangan statsionar korxonalar bo’lib, o’z tarkibida betonqorgich qurilmalaridan tashqari mexanizatsiyalashgan omborlar tizimiga, materiallarni tashuvchi ichki zavod transport vositalariga, yo’llarga, yordamchi, xizmat qiluvchi qurilma va ob’yektlar (laboratoriya, energiya va suv ta’minoti tizimi, kompressorlar va xakozo)ga ega bo’ladilar. Boshqa turdagi turdosh zavodlardan farqlash maqsadida, ko’pchilik hollarda bunday korxonalarni sement–beton zavodlari (TSBZ) deb yuritiladi.

Gidrotexnik beton tayyorlashda qo’llaniladigan mashina va uskunalar Qurilish jarayonidagi beton ishlari hajmlari, bajarilish muddatlari va ehtiyojiy jadalliklariga bog’liq ravishda beton qorishmasi quyidagicha tayyorlanadi: – alohida turuvchi ko’chma betonqorgichlarda , beton ishlari hajmi juda kichik, jadalligi 3...6 m3/soat gacha bo’lgan va ob’yekt markaziy bazalar va yirik qurilish maydonlaridan uzoqda joylashgan sharoitlarda; – ko’chma betonqorgich qurilmalarida ishlar bajarilish muddati kam hajmi esa katta bo’lsa, ob’yekt katta maydonlarda joylashib, beton ishlari jadalligi 6...12 m3/soat ni tashkil qilgan sharoitlarda; – statsionar yig’ib-yechiladigan betonqorgich qurilmalari yoki beton zavodlarida beton ishlari jadalligi 12 m3/soat yuqori va davomiyligi 5...6 yilni tashkil qiladigan ob’yektlarda; – alohida loyihalar bo’yicha quriladigan beton qorishmasi tayyorlash zavodlarida .

Gidrotexnik beton tayyorlashda qo’llaniladigan mashina va uskunalar Ular asosan ish hajmi va jadalligi ancha katta bo’lganda markaziy ishlab chiqarish bazalari tarkibida bo’lib (ayniqsa yirik gidrouzellar qurilishida, yig’ma temir–beton konstruksiyalarini tayyorlashda) uzoq muddatga foydalanishga mo’ljallangan bo’ladilar. Beton qorgich qurilmalari o’z tarkibidagi asbob–uskunalarning konstruksiyalari va joylashishlari bo’yicha vertikal yoki gorizontal komponovkalangan sinf turkumlarga ajratilishi mumkin. Qurilma va asbob–uskunalar vertikal joylashtirilishi (komponovkasi) asosan mahalliy topografik sharoitlarga va qurilmalar o’lchamlariga bog’liq bo’ladi. O’z navbatida vertikal komponovkali beton zavodlari yoki qurilmalarida asosiy texnologik jarayonlar bir yoki ikki pog’onali bo’lishi mumkin. Agar, topografik sharoit mos kelsa, barcha qurilma va asbob–uskunalar vertikal bo’yicha ketma–ket qiyalikda maxsus devorlar yordamida o’rnatiladi.

Gidrotexnik beton tayyorlashda qo’llaniladigan mashina va uskunalar

Mashina va uskunalar tanlash xususiyatlari D L

Mashina va uskunalar tanlash xususiyatlari D L

Xulosa Qurilishda qo’llaniladigan juda ko’p materiallardan beton qorishmasining asosiy farqi shundaki, uni oldindan zahira sifatida tayyorlab qo’yish va uzoq masofalarga tashish imkoniyatlari yo’q. Qorishma tayyorlangandan so’ng, gidrotatsiya, ya’ni qotish jarayoni boshlanguncha, u kerakli joyga yetkazilib, yotqizilib va zichlanishi talab qilinadi. Shu sababli ko’pchilik holatlarda beton qorishmasini bevosita qurilish maydonida yoki unga yaqin masofada tayyorlash tashkil qilinadi. Avtomatlashgan boshqaruv tizimiga ega bo’lgan beton tayyorlash korxonalarida uzluksiz ishlaydigan qadoqlash uskunalarining asosiy ishchi organlari lentalar, novlar, shneklar va boshqalar bo’lishi mumkin. Transport qilinayotgan materiallar miqdorining o’zgarishi maxsus o’rnatilgan datchiklar orqali avtomatika blokiga beriladi, bu yerda materiallar belgilangan miqdorlari uchun signallar ishlab chiqilib, qadoqlash uskunasining barcha qismlari belgilangan rejimda ishlashi boshqariladi.

Foydalanilgan adabiyotlar 1. O’.Xusanxodjayev., G’.Davronov., I.Axmedov. “Gidrotexnika ishlarini bajarish” Toshkent -2008 2. https://betonpro100.ru/ 3. www.ziyonet.uz

O'xshashlar

Gidrotexnik beton tayyorlash uchun mashinalar va uskunalar tanlash xususiyatlari

Gidrotexnik beton tayyorlash uchun mashinalar va uskunalar tanlash xususiyatlari 3

Irrigatsiya tizimlari gidrotexnik inshootlari qurilishida beton ishlarini tashkil qilish va bajarish xususiyatlari 2

Beton haqida qisqacha tarixiy ocherk. Beton qorishmasini tayyorlash uskunalarini tanlash usullari

Irrigatsiya tizimlari gidrotexnik inshootlari qurilishida beton ishlarini tashkil qilish va bajarish xususiyatlari