Aholining real pul daromadlarini va harid qobiliyatini oshirish - Iqtisodiyot - Slaydlar

Aholining real pul daromadlarini va harid qobiliyatini oshirish

Yuklangan vaqt:

23.09.2019

Ko'chirishlar soni:

0

Hajmi:

729.529296875 KB

Ko'chirib olish

Aholining real pul daromadlarini va harid qobiliyatini oshirish

• Prezidentimiz tashabbusi bilan 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha qabul qilingan Harakatlar strategiyasida ko‘rsatilgan ustuvor vazifalarni izchil ro‘yobga chiqarish, xususan Davlat budjetining barcha darajalarida mutanosiblikni ta’minlash, soliq yukini kamaytirish va soliqqa tortish tizimini soddalashtirish siyosatini davom ettirish, xalqaro iqtisodiy hamkorlikni yanada rivojlantirish va boshqa shu kabi tadbirlar 2017 yilning I yarim yilligida iqtisodiyotni barqaror, muvozanatlashtirilgan holda rivojlantirishni va iqtisodiy o‘sishning barqaror yuqori sur’atlarini ham ta’minladi. AXOLINING REAL PUL DAROMADLARINI VA XARID QOBILIYATINI OSHIRISH

• Natijada, joriy yilning I yarim yilligi davomida mamlakatning yalpi ichki mahsuloti 7,0 foizga, sanoat hajmi – 7,6 foizga, qishloq xo‘jaligi xajmi – 5,8 foizga, xizmatlar hajmi – 11,6 foizga, chakana tovar aylanmasi xajmi – 11,1 foizga o‘sdi. Inflyatsiya darajasi prognoz parametrlaridan oshmadi hamda o‘tgan yilning dekabr oyiga nisbatan 5,2 foizni tashkil qildi. • Daromadlarning bir maromda tushishini hamda budjet mablag‘laridan samarali foydalanishni ta’minlash orqali Davlat budjeti 108,2 mlrd. so‘m (yoki yalpi ichki mahsulotga nisbatan 0,1 foiz) miqdorida profitsit bilan ijro etildi.

• Ochiq va konstruktiv ruhda o‘tgan yig‘ilishda Davlat budjeti daromad qismining ijrosiga ham to‘xtalib o‘tildi. Qayd etilganidek, 2017 yil I yarim yilligida Davlat budjeti daromadlari 22 458,9 mlrd. so‘mni tashkil qildi va o‘tgan yilning mos davriga nisbatan 17,6 foizga o‘sdi, belgilangan reja 101,6 foizga bajarildi. Davlat budjeti daromadlarining YaIMdagi ulushi 2016 yil I yarim yildagi 22,2 foizdan 21,9 foizgacha kamaydi. Bu esa, iqtisodiyotmizga soliq yukini kamaytirish borasida qabul qilingan tadbirlar o‘z samarasini berayotganidan dalolatdir.

• Davlat budjetining xarajatlar bo‘yicha ijrosi ham deputatlar tomonidan qizg‘in muhokama qilindi. Hisobotda qayd etilganidek, joriy yilning I yarim yilligida Davlat budjetining xarajatlari ijrosi ijtimoiy sohani rivojlantirishga yo‘naltirilgan quyidagi sohalarni moliyalashtirishga, xususan, aholi bandligi va real daromadlarini izchil oshirib borish, ijtimoiy himoya va sog‘liqni saqlash tizimini takomillashtirish, xotin- qizlarning ijtimoiy-siyosiy faolligini oshirish, arzon uy-joylar barpo etish, yo‘l-transport, muhandislik-kommunikatsiya va ijtimoiy infratuzilmani qo‘llab-quvvatlash hamda modernizatsiya qilish bo‘yicha maqsadli dasturlarni amalga oshirish, ta’lim, madaniyat, ilm-fan, adabiyot, san’at va sport sohalarini rivojlantirish, yoshlarga oid davlat siyosatini takomillashtirish kabi budjet parametrlarida belgilangan asosiy yo‘nalishlarga qaratildi.

• Majlisda shuningdek, O‘zbekiston Respublikasi Prezidentining 2016 yil 23 dekabrdagi “O‘zbekiston Respublikasining 2017 yilgi Investitsiya dasturi to‘g‘risida”gi qaroriga asosan Davlat budjetining markazlashgan investitsiyalar mablag‘lari hisobidan mamlakatimizni ijtimoiy-iqtisodiy rivojlantirish, shu jumladan ijtimoiy soha, yo‘l-transport, muhandislik kommunikatsiya infratuzilmasini rivojlantirish ishlariga 2 450,0 mlrd.so‘m mablag‘lar ajratilgani ta’kidlandi. Xususan, hisobot davrida markazlashtirilgan investitsiyalarni moliyalashtirish xarajatlariga Davlat budjeti mablag‘lari hisobidan 1 304,9 mlrd. so‘m yoki 2016 yilning mos davriga nisbatan 23,0 foizga ko‘proq mablag‘ sarflandi.

• Shuningdek joriy yilning o‘tgan yarim yili mobaynida mahalliy davlat hokimiyati organlarining mahalliy budjet mablag‘larini boshqarish bo‘yicha mustaqilligini oshirish, budjetlashtirishni markazga bog‘liqligini keskin kamaytirish jarayonlarini chuqurlashtirish, hududlarni ijtimoiy- iqtisodiy rivojlantirish Dasturlarini kafolatlangan moliyalashtirish manbalari bilan ta’minlash, mahalliy hokimliklarni mahalliy budjetlarni shakllantirishda va mablag‘lardan samarali foydalanishda ma’suliyati va javobgarligini oshirish bo‘yicha 2017 yilning I yarim yilligida keng ko‘lamli ishlar amalga oshirildi. • Hisobot davrida mahalliy budjetlarning daromadlar qismi prognozga nisbatan 103,1 foizga bajarildi yoki 9 768,3 mlrd. so‘mni, xarajatlar qismi esa rejaga nisbatan 99,5 foizga ijro etilib, 10 743,6 mlrd. so‘mni tashkil etdi.

Shavkat Mirziyoev: Aholining real daromadlari 11 foizga oshdi • 2017 yil 14 yanvar kuni Vazirlar Mahkamasining mamlakatimizni 2016 yildagi ijtimoiy-iqtisodiy rivojlantirish yakunlarini har tomonlama tahlil qilish hamda respublika hukumatining 2017 yil uchun iqtisodiy va ijtimoiy dasturi eng muhim yo`nalishlari va ustuvor vazifalarini belgilashga bag`ishlangan kengaytirilgan majlisi bo`lib o`tdi. • Majlis ishida Oliy Majlis Qonunchilik palatasi va Senati rahbarlari, O`zbekiston Respublikasi Prezidentining Davlat maslahatchilari, hukumat a`zolari, xo`jalik birlashmalari, jamoatchilik tashkilotlari rahbarlari, shuningdek, Qoraqalpog`iston Respublikasi Jo`qorg`i Kengesi va Vazirlar Kengashi raislari, viloyat, shahar va tuman hokimlari qatnashdilar. Birinchi bor viloyat, shahar va tumanlar markazlarida tashkil etilgan studiyalar bilan videokonferensiya aloqasi orqali hukumat majlisida mahalliy hokimiyat, vazirlik, idoralar hududiy bo`linmalari, korxonalarning rahbar xodimlari va tadbirkorlar ishtirok etdilar.

• Majlisda O`zbekiston Respublikasi Prezidenti Shavkat Mirziyoev ma`ruza qildi. • Ma`ruzada O`zbekiston Respublikasining Birinchi Prezidenti Islom Karimov boshchiligida ishlab chiqilgan taraqqiyotning “o`zbek modeli”ni va mamlakatni o`rta muddatli istiqbolda yanada isloh qilish, tarkibiy o`zgartirish va modernizasiya qilish Dasturini izchil amalga oshirishni davom ettirish 2016 yilda iqtisodiy o`sishning barqaror va yuqori sur`atlarini saqlab qolishni va makroiqtisodiy muvozanatni, aholi hayot darajasi va sifati oshishini ta`minlaganligi qayd etib o`tildi.

• Vazirlar Mahkamasi majlisi kun tartibiga kiritilgan muhim masalalarni muhokama qilish davomida 2016 yil yakunlari bo`yicha yalpi ichki mahsulot 7,8 foizga o`sganligi qayd etib o`tildi. Sanoat mahsuloti hajmlari – 6,6 foizga, qurilish- pudrat ishlari – 12,5 foizga, chakana savdo aylanmasi – 14,4 foizga, xizmatlar – 12,5 foizga o`sdi. Davlat byudjeti yalpi ichki mahsulotga nisbatan 0,1 foiz miqdorida profisit bilan ijro etildi. Tashqi savdo aylanmasining ijobiy saldosi ta`minlandi. Inflyasiya darajasi prognoz parametrlaridan oshmadi va 5,7 foizni tashkil etdi. Iqtisodiyotga 16,6 milliard AQSh dollari miqdorida yoki 2015 yilga nisbatan 9,6 foizga ko`p investisiyalar yo`naltirildi.

• O`zlashtirilgan xorijiy investisiyalar va kreditlar hajmi 11,3 foizga o`sdi va 3,7 milliard dollardan oshib ketdi. Umumiy qiymati 5,2 milliard dollar bo`lgan 164 ta yirik investisiya loyihalarini amalga oshirish yakunlandi. Shu jumladan, “JM O`zbekiston” aksiyadorlik jamiyatida “ T-250” modeldagi engil avtomobillarni ishlab chiqarish o`zlashtirildi, Jizzax viloyatida sement zavodi kengaytirildi, Tolimarjon issiqlik energiya stansiyasida quvvati 900 MVt bo`lgan bug`-gaz qurilmalari hamda Angren issiqlik energiya stansiyasida quvvati 150 MVt bo`lgan yuqori kulli ko`mirni yoquvchi energiya bloki ishga tushirildi.

• Xususiy mulk va tadbirkorlikni har tomonlama qo`llab- quvvatlash va himoya qilish bo`yicha chora- tadbirlarning amalga oshirilishi 2016 yilda 32 mingtaga yaqin yoki 2015 yilga nisbatan 18 foizga ko`p kichik biznes sub`ektlari tashkil qilinishiga turtki bo`ldi. Kichik biznesning mamlakat yalpi ichki mahsulotidagi hissasi 56,9 foizgacha, sanoatda esa 45 foizgacha oshdi.

• Ijobiy tarkibiy o`zgartirishlar va iqtisodiyotning yuqori o`sish sur`atlari tufayli aholining real daromadlari 11 foizga oshdi. Byudjet tashkilotlari xodimlarining ish haqi 15 foizga, pensiya va ijtimoiy nafaqalar – 12,1 foizga, aholi jon boshiga real daromadlar – 11 foizga o`sdi, 726 ming nafarga yaqin aholining, shu jumladan, 438,5 ming kollej bitiruvchisining bandligi ta`minlandi. • “ Sog`lom ona va bola yili” Davlat dasturi doirasida ona va bolaning salomatligini muhofaza qilishni kuchaytirish, sog`lom va har tomonlama rivojlangan avlodni shakllantirish bo`yicha keng chora-tadbirlar kompleksi amalga oshirilib, ularni moliyalashtirishga barcha manbalar hisobidan 8 trillion so`m va 212 million dollar mablag` yo`naltirildi.

• Mamlakat Prezidenti o`z ma`ruzasida mavjud hal bo`lmagan muammolar va to`liq ishlatilmagan zaxiralarni batafsil va har tomonlama muhokama qilgan holda 2017 yildagi respublikaning iqtisodiy va ijtimoiy dasturi eng muhim strategik vazifalari va ustuvor yo`nalishlari bo`yicha taklif kiritdi. Ustuvor vazifalar qatorida “Xalq bilan muloqot va inson manfaatlari yili” Davlat dasturini amalga oshirish doirasida aholi bilan doimiy va ochiq muloqotni rivojlantirishga, aholi turmush darajasi va sifatini, uning moddiy farovonligini oshirishga qaratilgan ijtimoiy siyosatni faol davom ettirish masalalari markaziy o`rinni egalladi.

• Hukumat, vazirliklar, idoralar, xo`jalik birlashmalari va mahalliy ijro etuvchi hokimiyat organlari rahbarlari oldiga tarmoqlar va hududlarni rivojlantirishdagi kamchiliklarni bartaraf etish hamda iqtisodiyotning yuqori o`sish sur`atlarini saqlab qolish, faol investisiya siyosatini davom ettirish, mamlakatning eksport salohiyatini oshirish, hududlarni kompleks va intensiv ravishda rivojlantirish, tadbirkorlikning huquq va manfaatlarini himoya qilishni kuchaytirish, iqtisodiyotni boshqarishdagi davlat rolini bosqichma-bosqich kamaytirish va uning organlari ishini tubdan takomillashtirishga yo`naltirilgan chora-tadbirlarni ishlab chiqish va amalga oshirish bo`yicha aniq vazifalar qo`yildi.

O'xshashlar

Pul aylanish qonuni va pul massasi

Aholining o’sishi

Iqtisodiy sub’ektlar faoliyatini davlat tomonidan moliyaviy tartibga solish instrumentlari

Tovar ishlab chiqarish va pul

Pul-kredit tizimi davlatning pul kredit siyosati